من أعطاك الحق يا ( رجلّ الهيئة ) ؟؟!

[ليمونه كول]

تعودنا أنا وأمي وأختي نمشي يوم ورا يوم بأي مكان من هالأماكن المخصصة للمشي
أمس رحنا بعد ماصلينا المغرب وخذينا شغالتنا معنا ( مسيحية , عمرها 48 سنة , وماتتحجب )
أول ماوصلنا (الممشى) ونزلنا من السيارة ومشينا كم خطوة
لحقنا مطوّع بسيارته ( من الهيئة )
سلّم وردت عليه الشغالة السلام .. لأن احنا ماتعوّدنا نخاطب رجّال غريب وبسيارته يكلمنا قدام العالم
يعني منظرنا كان غلط فما ردينا ولا حتى التفتنا عليه .
قال : لبسوها عباة ! ( يقصد الشغالة )
قالت الوالدة : إن شاء الله .
راح وكمّلنا مشي
مشينا نصف المسافة .. والا نفس السيارة ورانا !!!!!!!!
وجايب وراه سواقنا !!!!!!!!
قال: اركبوا سيارتكم وارجعوا لبيتكم !!!! (( عجييييييييييييب ))
تخيلوا قدّام الناس وسيارة هيئة واحنا حريم بس لا وبيرجعنا للبيت !!
( وش الجريمة اللي ارتكبناها ؟؟ وبصفته من عشان يرجّعنا ؟؟طيّب إحنا ماقلنا ان شاء الله بنلبسها !! ليش يرجع مره ثانية ؟)
موقف قمّة قمّة بالإحراج والأنظار علينا !
هنا أنا عصّبت ومشكلتي لا عصبت تتعطّل الفرامل عندي , ويشوّش الكنترول
وما حبيت أسكت لأني حسيت بالإهانة صراحة .
قلت بعصبية : ليييييييييييش ؟؟
قال :روحوا لبسوها عباة وتعالوا !!
قلت : هي مسيحية وعجوز !
قال : راح تسبب لكم مضايقات !!!
( بذمتكم فيه أكبر من هالمضايقة ؟؟ جلست أتأمل خشة الشغالة بشوف وين مصدر الفتنة .. ماشفت شي ! )
قلت : الحين نبي الوالدة تمشي لأن معها سكر وبعدين بنرجع .
قال: خلوها تركب السيارة وانتو امشو !! ( أي منطق هذا ؟ )
قلت : طيب هنا بتصير خلوة غير شرعية بين السواق والخدامة .
قال : وحدة تركب معهم ! والا ودوها وتعالوا !
راحت أمي وركبت هي وشغالتها .. وأنا واختي مشينا شوي من الحرة اللي بقلوبنا
بس ما كمّلنا مشي لأن الطلعة كلها عفناها .. رجعنا ركبنا معهم ورحنا البيت .
هذا كله صار بأقل من ربع ساعة .. وحرّمت اروح امشي مرة ثانية !

وش رايكم ؟
أنا عندي تساؤلات تدوور براسي من وقت ماصار الموقف .
-أول شي .. بأي حق يلاحقنا بسيارته بمكان عام ؟؟ وهل يرضاها لأهله ؟؟
-ثانياً هل له الصلاحية إنه يجيب سيارتنا ويركبنا ويرجعنا للبيت بشكل إجباري ؟؟
- السؤال الأهم .. تتوقعون لو معانا رجّال كان بيسوي اللي سواه ؟
- وآخر سؤال قمة بالمرارة .. لهالدرجة المرأة مالها أي قيمة أو كلمة وراي ؟؟

أخيراً
أتمني ترتقي هذه الفئة في نظرتها للمرأة .. فهي ليست كائن يمشي وينشر الفساد أينما حل كأنها مرض معدي
المرأة لها خصوصيتها وإحترامها وكيانها .. لها الحق في ممارسة أنشطتها الطبيعية حالها كحال أخيها وأبيها بعيداً عن المضايقات .

تحياتي

[شرقاويه كول]

موضوعك يحتاج مناقشه وحوار من جميع الاعضاء والمشرفين
ولذلك ينقل لقسم الحوار الجاد
لي عوده:119:

[بنت أبوها]

حتى لو مسيحيه

انا من وجهه نظري اهي بـ آطهر ارض

فاتحترم وتلبس عبايه مافي مشكله اذا لبست :no2: ..!!

بس بدون شك اللي سواه المطووع اللي يحفظه غلط شوي


تقبلي طلتي

[همي اشيل همك]

هلا بك اختي ...... الصراحه اللي سواه رجل الهيئه خطــــأ مايصلح بالهطريقه ابد !!!!!!! الله يهديه بس... اسلوبه خطأ ...

يعني كــذا كأن الموضوع صار شبهه واهم شيء اختي سمعت البنت مايجوز يضايقكم بالهطريقه ابد :s3:

شيء يقهـــــر والله ..... وانتي تقولين حرمت امشي لا ياأختي ماتوصل لهالدرجه ..... احلى شيء المشيء وخاصه في هالبراد والجو الحلو:119: امشي مع الوالده وخواتك وطيبي خاطــــــرك ياقلبي انتي ماسويتي شيء غلط عشان تتراجعين عن المشيء بالعكس .......:g8:

وبقولكـ شيء المفروض اختي شغالتكم ماتطلع الا متحجبه حتى لو هي كبيره بالعمـــــر :no2:
شوفي شغالتنا والله لو تروح لجيرانا اخليها تتحجــــــب ...:119:

.... اجمل تحيه اختي ......
:love080:

[heemoo2010]

اختي الفاضلة
لا شك ان ما قام به رجل الهيئة خطأ ولا يليق برجل الحسبة
ولكن يبقى اجتهاد ورجال الهيئة ليسوا معصومون فالخطأ وارد
وهنا احب ان اذكر مشكلة من وجهة نظري وهي
ان البعض من حديثي الالتحاق بعمل الهيئة تنقصه الحكمة والمعاملة والخبرة
ولا شك ان عمل الهيئة حساس ويحتاج للحكمة اكثر من اي شئ
ولكن يجب الا ننسى ما يقومون به اعمال خير معرضين انفسهم للاخطار في سبيل حفظ الامن ودرء المفاسد
ولا نعمم الخطأ على كافة رجال الهيئة
واما كلمتك ( مطوع الهيئة )
فلا اعلم ما المقصود بكلمة مطوع وما هو عكسها
اذا كان كل من اعفى لحيته سميناه مطوعا
فهذا يعني ان من قصر او حلق لحيته يكون ؟؟؟؟؟
ارى من وجهة نظري
ان كلمة مطوع ماخوذة من الطاعة
وكلنا ان شاء الله مطيعين لله ولرسوله عليه الصلاة والسلام

وفق الله الجميع

[BeeB]

ماشاالله عليك ليمونه كول .. اسلوبك رائع وأجده قــوي ..

سميــه رجل الهيئه مو مطوع الهيئه :119:.. عشان ماتثيرين اللبس وسوء الفهم ..

لاحظت مبالغه في ردة فعلك .. يعني هو مايعرفكم شخصيا ولا عمره شافكم .. ليش تتضايقين وتحرمين روحة المشي؟

عطيه مبرر .. مايعرف الاسلوب الصحيح لارشاد الاخرين ليقوم بمهمته كرجل يأمر بالمعروف وينهى عن المنكر ..

بغض النظر عن انها مسيحيه المفروض تغطي شعرها وتلبس عباه حتى لو هي كبيره بالسن ..

انا معك في بعض النقاط التي سأعود لأطرحها لك في وقت اخر ..

لي عوده عزيزتي

[ليمونه كول]

مساء الخير
اشكر الجميع على آرائهم وكلها على راسي
بس بالنسبة للحجاب هي تلبس إذا طلعنا بس ماتلبس عباة
اهو محتج ع العباة ومو الحجاب
أما الألفاظ اللي اخترتها ماكان فيها أي قصد
وكانت عفويّة جداً
حاولوا تناقشون الموضوع بغض النظر عن الأشياء البسيطة والألفاظ
فأنا أكيده من حسن نيتي فيها

لكم مني أرق التحايا

[heemoo2010]

خيتوو ليمونة
مساء الورد
لا نختلف معك في انه اخطأ ثم اخطأ ثم أحطأ في اسلوبه معكم
ولكن خيتوو
يمكن انه افتتن فيها او راى منها فتنه
فالتمسي له العذر
وانت انسانه متعلمه وفاهمه وكان من المفروض انك تعاملتي مع الموقف باسلوبك الطبيعي
ولكن يبدوا انك لم تسيطري على الفرامل جيدا
ولا نلومك على ذلك لانه اسلوب بصراحه يكسر الفرامل :واحب ان اقول
ان البعض ممن يمن الله عليه بالهدايه بعد مشوار طويل في الطريق الاخر
يتوظفون في الهيئة
فتكون نظرتهم سوداوية لكل شئ ويريدوا ان يغيروا كل صغيرة وكبيرة
وهنا تكون المشكلة
هذي وجهة نظري
وشكرا لك خيتوو

[ليمونه كول]

:119:
أخوي هيمو
يمكن افتتن بلون لبسها
لأن مو مبيّن منها شي بحكم لون بشرتها اللي خط عليها الزمن خطوطه!!!
اي فتنة الله يخليك؟
اصلاً مايمديه حتى يشوف شي ينفتن منه تونا واصلين وبينا وبينه أمتار !
بالنسبة للروقان لا تخاف ياخوي الحين أتذكر الموضوع وأضحك بس ناقصني ليمون عشان يكمل روقاني
وفراملي احاول اسوي لها صيانة بحيث أتعامل مع هالمواقف بهدوء أكثر

تحياتي

[heemoo2010]

خيتوو
ليمونه
يبدو ان الموضوع بدأ يذهب الى منحنى آخر
وعذرا منك فلم اقصد شئ ولكن ذكرت مصطلح الفرامل لانك عبرتي به عن تماسك اعصابك
والله لم اقصد شئ
بالعكس فانا في صفك
وقد تم تعديل المشاركة والملاحظة
وعذرا عذرا عذرا

[أدمنت حبك]

هلااااااااااا

ليمونه ..

كيف الحال ..

شوفي ياوخيتي..

هالفئه *******شر يعتبرون المرأة كائن مثير للغرائز و الشهوات و المفاسد و المنكرات حتى لو كانت عجوز شمطاء ما تتطالع , يعني آنا ما شفت شغالتكم بس اللي فهمته من كلامك انها ( مع احترامي لها ) شينه ..:cheese:

بس مع ذلك المطوع حس أنها مثيرة و فاتنة !!

و بعدين عمرها ( بس ) 48 سنة , يعني لساتها في عز شبابها و ربيع أيامها :g26: مقارنة بالعجوز اللي عمرها 75 سنة و طبوا عليها في خلوه غير شرعية مع واحد عمره 24 سنة هو و رفيجه و هو يقول أنه ولدها من الرضاعة , و حكموا على العجوز 40 جلدة ..

و حتى الــ CNN نشرت الخبر ,

http://edition.cnn.com/2009/WORLD/meast/03/09/saudi.arabia.lashes/index.html?iref=newssearch

و المشكلة أن كل الناس في نظرهم متهمين حتى تثبت براءتهم.. و المشكلة الأكبر أن مو بس هم حتى شرطة المرور تأثروا فيهم ,, يقول لي واحد من الربع كنت طالع مع أختي و أخوي الصغير بالسيارة , و وقفنا في تفتيش و قال لي الشرطي من هالبنت اللي معك, قلت له أختي ,قال عندك بطاقة العائلة , قلت له و أنا بمشي بالبطاقة, و بعدين حتى لو كانت هالبنت خويتي أجيب أخوي الصغير لييييييه ( يخرب علينا الجو الرومنسي :cheese: ) , يقول قلت له هالكلام و سكت شوي و بعدين قال امش و مشيت ..


ان البعض ممن يمن الله عليه بالهدايه بعد مشوار طويل في الطريق الاخر


يتوظفون في الهيئة

فتكون نظرتهم سوداوية لكل شئ ويريدوا ان يغيروا كل صغيرة وكبيرة
وهنا تكون المشكلة





كلام سليييييم 100%



عموماً ,, أدري أني مهذري شوي ,, بس ما عليك منهم روحي الممشى و سوي رياضة ترى الرياضة زينة و أنا أخوك ..



و ألف سلامة على أمك و إن شاء الله ما تشوف شر و ما تشوف هالفئة ******شر مرة ثانية ..



تحياتي: أدمنت حبكــ..



:love080:

[ليمونه كول]

الشر مايجيك أخوي
أدمنت حبكـ
أشكرك على ردك خفيف الظل
الله يهديهم للصواب إن شاء الله
ويعطيك ألف عافية

[نواف القحطاني]

هجوووود هجوود ابوقحط موووجوود
ليموونهـ كوول
من الاخررر وبصررراحهـ اغلب رجااال الهيئه فيهم حاااله نفسيهـ مستعصيهـ
من جد اااول شي مامعه حق يروح يسبب لهم قلق واحراج من شان شغاله مو مسلمه وبعدين
المفروض خلاص يقول النصيحه اللي عنده ويضف وجه مو يلزززق
والله انه قدام عيني بالرياض وواحد بالهيئه يغمززز لبنت بالله عليكم هذا رجل دين
وبعدين اغلب حقين الهيئه ياااورعااان مسوين متشددين ياا كااانو اصحااااب سوابق بكل شي
تقبلي مروري ليموونهـ كووول

[محمد القحطاني]

هيمو بارك الله فيك انت الان حكمت على الاخ نواف بانه لبيرالي
اصدار حكم من راي واحد هو غلط وانا اتمنى انه لانطلق الالقاب على عجل
انا اقولها بدون هيئه سوف تخرب المللكة الا برحمة ربي
هم حماه اعراض الناس حماه الدين البعض منهم يسئي لذالك القطاع
لذا انبح صوتي وانا اقولها لابدا ان يكون مستوى علم رجل الحسبه الجامعي ومافقو اما يجبون واحد كان بالشوارع وصار شيخ عنده كل شي بالقوة ولايملك من الحكمه قد انمله
فقط هم من يسئي لذالك القطاع
نواف انت ذكرت مثال لماذا لاتذكر امثله نيره لرجال حسبه اكفاء على قدر من الاحترام
انا حصل لي موقف مع رجل الهيئه كانت متعطله سياراتي ومر من يمي وقال صلاة قلت لاهنت تعال قال وش تبي قلت ابد سيارتي متعطله وابي الحق الصلاة> والله انه كنت ابي الحق الصلاة وليس مصلحه
وقف هم ثلاثه الشيخين والعسكري جلس لاجل الحفاظ على السيارة والله ضبطو موتري معي
وكانت وقتها الصلا قايمه
شوفو الفرق
انتي محتره من حركتهم اختي ليمونه
لكن هناك منهم عينه ضئيله تحتاج تعديل
شكرا لطرحك وبالاخير راي شخصي لربما لايقنع احد منكم فلتتقبلوه بصدر رحب

[b_nice]

عزيزتي بصراحه انا متعاطفه مع قصتك لاكن حابه اذكرك في شي ..
كثير من الاشخاص ينتقدون مواقف الهيئه .. طيب هم مثلنا بشر خطائين وما في احد معصوم عن الخطئ ولافي احد كامل والكمال لله وحده جل شأنه
ادرك ان بعض من الرجال شوهوا جماليه هذه الوظيفه لانهم خرجوا عن احكام الشرع والكتاب والسنه وتصرفوا بنظرتهم الخاصه .. ولاكن تذكري الكل بشر والكل يخطئ
.. مثل المدرس الذي يضرب ! فهل كل المدرسون يضربون ! وهل هدف التدريس الضرب ؟!

[الغلا]

والله العظيم انه ارتفع ضغطي

بس من جد الموضوع نووو كومنت

شوفي حبيبتي انا عندي كم تعليق ولا تزعلين

اووولا الهيئه غلطت مافيها كلام

والله انهم احيانا يفكرون يعدلون المنكر بدون تفكير بدون مايختارون الطريقه الي تناسب الموقف

قال تعالى((ولو كنت فضا غليظ القلب لانفضوا من حولك))>>>تم التعديل

يعني كان لازم يكون الاسلوب ارقى وفيه لطف عشان يضمن الطرف الثاني والنصيحه ماتصيرر بهالطريقه

وهذا وهم رجال دين وعارفين الدين

لا حول ولا قوه الا بالله

بس بعد اسمحي لي

اوووولا خدامتكم شلون تطلع وهي مو متحجبه لو يهوديه بما انها بالسعوديه تحترم المكان الي هي فيه

اووك ماختلفنا مسيحيه مو مسلمه براحتها ((انك لاتهدي من احببت ولكن الله يهدي من يشاء))

بس بعد حبيبتي شلون تطلع بدون حجاااب المفروض تتفقون معاها

مو لازم تسلم اذا ماتبي بس ع الاقل انصحوها بالاسلاام سوو الي عليكم بس الحجاب اجباري تلبسه

لانها بالسعوديه وهذا هو الفرق بينا وبين غيرنا

والله لولا الله ثم الاسلام كان صرنا في خبر كان كان مافرقنا عن غيرنا بشي

مابي اطول بس من جد الهيئه غلطت وانتو من الاساس ماكان لازم تطلع بدون حجاااب

اسفه ياقلبي بس هذي الصرااحه

كل واحد يحترم قوانين البلد الي هو فيها حنا لو بنرووح فرنسا يجبروننا نفصخ الحجاب وخاصة عندهم المحجبه مالها وظيفه خلاااص اجل ليش هالكلام مايمشي عندنا

ع الاقل حنا احسن منهم

:119:

[راحيل الربح]

انى لو راح اتحجى عن الموقف الي صار لي مع الهيئه اعظم منج بوايد وممكن انتي موقفج ارحم من موقفي ....

لهذا اني اي موضوع يخص الهئيه والي صار لي معاهم راح اتحسب عليهم عن جد ..

رجال هذولين مع احترامي الى الفئه البسيطه منهم جداً انهم ناس متخلفين اغبياء جداً

[heemoo2010]

اخي وحبيبي
لم اصدر حكما على شخص بالليبرالية
ومن انا حتى اصدر حكما
ولكن قلت الطرح اي اسلوب الطرح ولم اخصص طرح شخص بعيته
ولكن شاءت الاقدار ان ياتي ردي بعد الاخ نواف
ولعلكم تلاحظون ذلك
لست ملتزما او كما يقولون مطوعا
حتى يقال متحيزا
واسأل الله الهداية لي ولكم
ولكني ارى هجوما عير متعقل على من اعزنا الله بعملهم حيث قال :
( كنتم خير أمة اخرجت للناس تامرون بالمعروف وتنهون عن المنكر )
سؤالي
هل طرحت القضية للنقاش ؟؟؟؟؟؟
ام للنيل من رجال الهيئة كما هو واضحا للعيان في بعض الردود!!!!!!!!!!!!!!
معذرة
واشكر لك طرحك الاكثر من رائع

[سنتين وتعدي]

والرسول عليه الصلاة والسلام قال((ولو كنت فضا غليظ القلب لانفضوا من حولك))

اختي بارك الله فيك هذه ايه من القران الكريم مو حديث عن الرسول صلى الله عليه وسلم .

[محمد القحطاني]

طرحتم لكن اخي الكريم هيمو بارك الله فيك لانزكي احد هذا اولا
ثاني انت قلت طرح لبيرالي انا قلت لك لاتحدد شخص وانت الان
ام للنيل من رجال الهيئة كما هو واضحا للعيان في بعض الردود!!!!!!!!!!!!!!
حكمت على الاخت ليمونه بانها تحارب الهيئه او بالاصح اتهمتها بالتهجم او محاولة النيل
اخي كن صادقا مع نفسك قبلنا ويقال الله بالعقل عرفناه لكن بالعين لم نراه
من نحن بجنب بعض الصحفين الذين يردون النيل بها
الاخت ليمونه فقط ذكرت الموقف ماطالبت بشي فقط تسال عن ما اسباب ذالك التهجم والتصرف
انا مازال اقول انهم حماه الدين وحماه اعراضنا بدونهم نضيع الا برحمة ربي سبحانه
لكن حوارنا عن بعض الفئه منهم الله يبعدهم عن االهيئه لانهم يسمحون لكل حاقد ان يتكلم عن هالقطاع المهم

[شرقاويه كول]

والله العظيم انه ارتفع ضغطي

بس من جد الموضوع نووو كومنت

شوفي حبيبتي انا عندي كم تعليق ولا تزعلين

اووولا الهيئه غلطت مافيها كلام

والله انهم احيانا يفكرون يعدلون المنكر بدون تفكير بدون مايختارون الطريقه الي تناسب الموقف

قال تعالى((ولو كنت فضا غليظ القلب لانفضوا من حولك))>>>تم التعديل

يعني كان لازم يكون الاسلوب ارقى وفيه لطف عشان يضمن الطرف الثاني والنصيحه ماتصيرر بهالطريقه

وهذا وهم رجال دين وعارفين الدين

لا حول ولا قوه الا بالله

بس بعد اسمحي لي

اوووولا خدامتكم شلون تطلع وهي مو متحجبه لو يهوديه بما انها بالسعوديه تحترم المكان الي هي فيه

اووك ماختلفنا مسيحيه مو مسلمه براحتها ((انك لاتهدي من احببت ولكن الله يهدي من يشاء))

بس بعد حبيبتي شلون تطلع بدون حجاااب المفروض تتفقون معاها

مو لازم تسلم اذا ماتبي بس ع الاقل انصحوها بالاسلاام سوو الي عليكم بس الحجاب اجباري تلبسه

لانها بالسعوديه وهذا هو الفرق بينا وبين غيرنا

والله لولا الله ثم الاسلام كان صرنا في خبر كان كان مافرقنا عن غيرنا بشي

مابي اطول بس من جد الهيئه غلطت وانتو من الاساس ماكان لازم تطلع بدون حجاااب

اسفه ياقلبي بس هذي الصرااحه

كل واحد يحترم قوانين البلد الي هو فيها حنا لو بنرووح فرنسا يجبروننا نفصخ الحجاب وخاصة عندهم المحجبه مالها وظيفه خلاااص اجل ليش هالكلام مايمشي عندنا

ع الاقل حنا احسن منهم

:119:

انا زي راي اختي الغلا:119:

[ليمونه كول]

أعيد وأكرر هي تتحجب إذا طلعنا برا
وكانت حاطه حجاب على راسها بس ماكانت لابسة عباة
بليييييييييييز
اللي بيرد يركّز والا يريح نفسه !
وبعدين اللي أشوفه انكم رحتوا بعيد عن صلب الموضوع
وبدا فعلاً يتجه إتجاه آخر
أنا طرحت موقف
وطرحت محاور عشان يكون الرد من خلالها
( لأني عارفه انو بيصير هيك وبنروح بعيد كالعادة )
ماقلت اني معترضة على نظام الهيئة !!
أنا ضايقني الموقف
والمفروض يكون بهالنظام (الهيئة) ناس كفوو له
مو ناس ماعندها حسن تصرف
فهمتوا
؟؟
نواف ومحمد << ألف شكر
وأتفق معاك يا محمد وبشدة
بأنهم لازم يكونون ناس على قدر من العلم والوعي (( جامعيين ))
b-nice
شكراً لك
الغلا
ركّزي شوي :cheese:
غناتي
احنا قلنا بعضهم ولا تروحين بإتجاه ثاني
سنتين وتعدي
جزاك الله خير

[ليمونه كول]

احنا بعيدين كل البعد عن
الليبرالية
وأكبر دليل كلمة ( مطوّع ) بالموضوع تغيّرت بقدرة قادر إلى كلمة ( رجلّ )
تحياتي للي غيّره
بس لابد من
الاستئذان

[الغلا]

حبيبتي انا اقصد الحجاب الشرعي يعني عموما بالسعوديه الوحده مو بس تتحجب لاازم تلبس العباة

يعني كل مكان وله نظامه

ولا تزعلين ولاتعصبين انا فاهمه عليج ياقلبي

بس بعد لازم الحجاب الكامل لان السعوديه غير الكويت والبحرين والامارات الحجاب بكل بلد يختلف:119:

والشكوى لله ع كل حال

انا فاهمه عليج بس ما باليد شي

[ليمونه كول]

على كذا ياالغلا بروح ألبّسها نقاب بعد !!
:cheese:
ع العموم
مشكوره حبيبتي
..
ومثل ماقلتي الشكوى لله

[الغلا]

ههههههههههههه

لا اللثمه احلى

امزززززح

العفو لبى قلبج:119:

[ليمونه كول]

خذي راحتك ياحلوه
:119:

[قلب الرحيل]

اختي في الله/

السلام على الجميع و رحمة الله و بركاته..

ما يحدث من وقت لآخر وما نسمع به ونقرأه في الإعلام المسموع والمقرؤ لا يدل على اي ذرة من الوعي لما فيه من تهجم على خصوصية الناس الأشراف والذين لا ينقصون عن نصاعة الثوب الأبيض اطلاقا..

رجال الهيئة لا ننكر مدى سعيهم لدرء المفاسد ولحفظ اعراض الناس والمجتمع من الفساد ولكن هذا لا يخول ضعاف النفوس منهم لاستخدام التسلط الوظيفي ومضايقة الناس..

أخواني وأخواتي من أمن العقوبة اساء الأدب وهذا الحاصل مؤخرا..

اخواني اما آن لدولتنا الرشيدة حفظها الله و رعاها وهي أم الدول الإسلامية بأن تقوم بأخذ الكفاءات وتوظيف الملتزمين منهم لهذة الوظيفة الحساسة والمفيدة للمجتمع فلابد من عدم توظيف قليلي التعليم بل يجب توظيف الجامعيين على اقل الاحوال او الثانوية والدبلوم بالاضافة الى تكثيف دورات التخاطب مع العامة وهذا المعمول به في جميع المؤسسات وهذا بفضل الله سبب نجاح تلك المؤسسات..


ما قام به رجل الهيئة غير صحيح .. وما قمتم به ايضا غير صحيح فلابد حتى وإن كانت شغالتكم مسيحية بأن تلتزم بلباس الدولة التي تتواجد فيها حاليا.. فنحن وعندما نذهب لدولة اجنبية تجديننا نطبق جميع انظمتهم وبحذافيرها..


ارجوا ان تكون وجهة نظري واضحة..

والله من وراء القصد..


أخوك .. قلب الرحيل..

[ليمونه كول]

تسلم يدك
قلب الرحيل
كلامك منطقي 100%
تقبل مني
جزيل الشكر والتقدير

[miss soso]

اهليين اختي ليموووونه ..



اول شي موضووعك يرفع الضغط ..




وانا اقووول ان الهيئه غلطت في اسلوبها معاكم ..!


يعني المفروووض يجيكم باأسلووب ارقى وأحسن من كذآ ..!!


(وسلامــــة الوآلــدهـ .. ومآتـشووف شـر =) .. )




تـقبلي مرووووري .. :)

[ليمونه كول]

الله يسلّمك حبيتي
miss Soso

الله يهديهم إن شاء الله

[مقطع حق]

اختي ليمونه كول

من شروط الخروج من المنزل في مملكتنا التي تأخذ نهجها من الكتاب المنزل والسنة المطهرة
ان تكون المرأة محتشمة مستترة تلبس العبائة كما تعارف علية المجتمع في اللباس عند الخروج

حتى لو كانت نصرانية فيجب ان تتقيد بقوانين البلد

ورجل الهيئة لما شاف هذا الوضع (( المنكر )) وجب علية ان يغيره

ومن المفترض منك يأختي ان تنتبهي لمثل تلك الأمور

لأن ديننا الحنيف أمرني وأمرك وأمر المسلمين بالأمربالمعروف والنهي عن المنكر

وشكراً جزيلاً ...,,,,,,

[أبو شهد]

قال الله تعالى (( ولتكن منكم أمة يأمرون بالمعروف وينهون عن المنكر ))

الأمر بالمعروف ياا أختي شي واااجب لاااكن أنا أعتقد وصفك شوووي فيه مبااالغه

وإن كااان صحيح فالرجااال غلطاااان لأنه زودها حبتييين أو ثلاثه

لاكن ترااه مو خطأ إنه ينصحكم وبعدين خلينا من نصحه إنتي كإمرأة

مسلمة كااان لازم إنه ماااتطلعووون والشغاااله معاااااكم كاااااشفه عن رآسها (( من زين هالراااس ))

ولازم إنكم تكوونووون قدووه حسنه للإسلااام حتى إنها تتأثر من تصرفاااتكم وتعااااملكم معاااها

وتقبلي مرووووري

[نواف القحطاني]

قال الله تعالى (( ولتكن منكم أمة يأمرون بالمعروف وينهون عن المنكر ))

الأمر بالمعروف ياا أختي شي واااجب لاااكن أنا أعتقد وصفك شوووي فيه مبااالغه

وإن كااان صحيح فالرجااال غلطاااان لأنه زودها حبتييين أو ثلاثه

لاكن ترااه مو خطأ إنه ينصحكم وبعدين خلينا من نصحه إنتي كإمرأة

مسلمة كااان لازم إنه ماااتطلعووون والشغاااله معاااااكم كاااااشفه عن رآسها (( من زين هالراااس ))

ولازم إنكم تكوونووون قدووه حسنه للإسلااام حتى إنها تتأثر من تصرفاااتكم وتعااااملكم معاااها

وتقبلي مرووووري

اخووي ابوووشهد ومعليش على المدااخلهـ ليمونتي
اهم قدووهـ حسنهـ والانسان مومعصوم من الغلط حتى لو كان رجل هيئه يعني رجل الهيئه نازل من السماء وماايغلط
وبعدين الشغاله مو مسلمهـ واهي وقفت على الشغالهـ يااخي يروحون يشوفون البنات السعوديات
يالي يشتغلون بالمستشفيات وغيرررها
مااقوول الا الله يستر على اهلنااا
وعلى بنااات المسلمين ااجمعين ويهديهم
تقبلي مروري

[أنسان عادي]

يمكن خدمتكم كول


:mh35:

[أبو شهد]

طيب ليش زعلااان نواف

وأنا ماقلت إن رجااال الهيئة معصومين عن الخطا لا (( كلكم خطااااء ))

وإذا إنت مدقق حبتين على كلمتي يومني قلت لازم إنكمم تكونو قدوه حسنه

ترى المقصوود فيها على إنه لوونهم منتبهين لهشغله قبل لايجي رجل هيئة وينصحهم فيها

كااان أحسن لهم

وليمونه على العين والراااااس وآآآآسف إذا (( هي )) زعلت من كلااامي