طلبين

[فرحة العمر]

السلام عليكم
عندي سؤالين
الاول عن اللغه الانجليزيه
اريد كتاب اشتريه يكون مستواه مناسب لي وانا مبتدئه سمعت ان القراءه تضيف الكثير لاكتساب اللغه
ممكن ترشحون لي كتاب رائع
واذا في طريقه اختار فيها الكتاب يكون مكتوب فيه المستوى مثلا بسيط متوسط متقدم
والكاتب او المؤلف ..
ياليت تفيدوني..
السؤال الثاني:::
عن اللغه الفرنسيه احد فيكم جرب المعهد الفرنسي السعودي في الخبر
وكيف الدراسه والرسوم والمده !!
عندي هوايه تعلم اللغات الله يسلمكم:cheese: واريد منكم تفيدوني بهالشئ
وشكرا

[Pink princess]

هلا اختي

انا تخصصي انجليزي

راح اجاوب على الطلب الاول بما انتي مثلي احب اتعلم لغات وخاصة الفارسيه

عندي كتب كثيره

بس انا بذكر لج كتابين فيهم كاست تسمعين فيهم المحادثات وهو جزئين للمبتدئين والمتقدمين بس بالعربي والانجليزي

فيه كلمات ومعانيهم بالانجليزي شرح القواعد بالعربي ومحاذثات بالانجليزي موجوده في الكاسيت

تلقينهم باسمالانجليزيه للمبتدئين هذا الجزء الاول

والثاني الانجليزية للمتقدمين



طبعا اذا تبين كتب بالانجليزي غير مترجم راح ارسلهم لج بالرسائل

[فرحة العمر]

شكرا اختي على الرد
شنو اسم الكتاب الي فيه المحادثات وشرح القواعد !!
عندي كتاب احمد ممدوح الصغير من مكتبة جرير..
ما اريد اني اتعب تفكيري واشتته من كثر الكتب
انا كنت اقصد كتاب اشتريه يعني كتاب موضوعه قريب لاهتماماتي مثل ان يكون قصه روايه موضوع عام
كذا يعني
وشكرا لك

[Pink princess]

اختي في مكتبة جرير من جهة كتب الي عليهم خصم اكثرهم كتب عامه

وتناسب مستواك

وانا راح اعطيك اسم قصص كلماتها سهله جدا

1-classic fairy tales fot bedtime reading

وكتاب الثاني

2-hance christian andersen
fairy tales

وكتاب الثالث

3-teddy bear tales

هذا للمبتدئين اللي عندي

والباقي عندي كلماتهم يستخدمون اللغة القديمه

اتمنى اكون افدتك

[Pink princess]

اسم الكتاب الي فيه المحادثات وشرح القواعد !!

( الانجليزيه للمبتدئين)

( الانجليزية للمتقدمين)

هذا اسمائهم

[فرحة العمر]

شكرا اختي على الرد
عجبني الكتاب الاول يمكن
بس ماعرفت اسم الكاتب !!!
الف شكر لج اختي

[Pink princess]

اختي راح تشوفينهم بالمكتبه بهذا العنوان

القصص اللي فوق مجرد اسم لانه يحتويعلى مجموعه من القصص المختاره وعلى ساس كذا مو مكتوب اسم الكاتب او المؤلف

[فرحة العمر]

شكرا اختي على مساعدتك لي
اختي عندي طلب ثالث
بغيت قاموس الوارد الناطق وهو يتكون من 6 لغات مختلفه حاولت انزله لكن تظهر فيه مشكله على النهايه
وان شاء الله طلبي مو صعب عليكم..
وشكرا :119:

[Pink princess]

طيب اختي انا راح احاول انزله واذا ضبط معاي بعطيك خبر

انتظري ردي

تحياتي

[Pink princess]

شوفياختي اذا هذا الرابط اللي تقصدينه

http://www.zshare.net/download/51419460436e4f89
القاموس

عربي - انجليزي وبالعكس

عربي - فرنسي وبالعكس

عربي - ألماني وبالعكس

عربي - أيطالي وبالعكس

عربي - أسباني وبالعكس

حجم البرنامج : 56

[فرحة العمر]

تسلمين اختي لكن الرابط فيه خلل
ماعليه اختي انا حاليا انزل نوعين من القاموس
احدهما تابع لاكسفورد
والثاني فيه اكثر من لغه
وان شاء الله يضبط معي
تعبتك وياي ماتقصرين اختي
الله يوفقك الى كل خير ويقضى حاجتك عاجلا غير اجلا:praying:

[Pink princess]

لا تعبك راحه انا في الخدمه

[فرحة العمر]

اختي تفضلي هذا القاموس الي نزلته وهو رائع ايضا

http://www.english4arab.net/vb/showthread.php?t=2908

لابد من التسجيل اختي
الموقع جدا رائع
:119:

[ع الليلي]

الأخت فرحة الأمل

في مكتبة جرير، فيه مجموعة من الروايات اللي تكون وجه عربي ووجه أنجليزي - خلف كل رواية بتحصلي مستوى الرواية؟ في بعض الروايات مكتوبة بشكل بسيط وسهل جدا جدا.

تمنياتي لك بالتوفيق