السلوك التنظيمي الله لايهينكم تعالوا

[ღ الليدي ساره ღ]

السلام عليكم

ياعيال وبنات اللي انقرد مثلي واخذ السلوك التنظيمي هالمستوى
يقول لي هذا وشلون ينتذاكر وهو سوالف وقصص وكل سالفة تشبه الثانية واطول منها
وكل مصطلح له اربع تعريفات ومرات اكثر

اللي فتح المحاضرات الصوتية او سمع من الدكتور شي مفيد بيجي بالاختبار
والا وش نركز عليه الله يوفقه يعلمني :000:

توني طالعة من المستشفى اليوم الظهر على مسؤوليتي طلعت لأني مابعد ذاكرت شي
والاختبارات باقي لها حول الاسبوع ونص وبيرجعوني تنويم بعد يومين بيجددون التحاليل
ومدري يسوون لي عملية او لا ياربي لاتحدني عليهم ياكريم

واذا لاسمح الله سووها مدري يمديني ادخل للاختبارت او لا ان شاء الله مااحتاجهم يارب يالله
والله ان نفسيتي تدهورت وحالتي مايعلم فيها الا الله

والمحتوى والمحاضرات والدنيا كلها على اللاب توب وادري مايدخلونه معي
وراحوا 3 اسابيع على المحاسبة اذاكرها وماخلصت الا 5 محاضرات منها :139:

والرياضيات خلصت 4 محاضرات والاقتصاد والتقنية 2 ونظم المعلومات مدري شقصة امهم للحين
ياربي تسهل علي ياالله وانجح وكل مسلم ومسلمة ياكريم

الحين توهقت بالسلوك ماله لانموذج اختبار ولا بطيخ ولا اسئلة ولاتمارين مدري شسوي فيه
بحاول اخلصه هاليومين قبل التنويم الباقين عندي لهم نماذج مطبوعه باخذها معي

الله يعطيكم العافية اللي ذاكرها وخلص منها يقول لي طريقة سهلة
انا مابي لامعدل ولا بطيخ بس حق النجاح واطمر من هالمستوى على خير :rose:

[جاك سبارو]

أنا من المقرودين :biggrin:

أول شي الحمد لله على السلامة وأجر وعافية إن شاء الله ,,
أختي سارة انا من الناس اللي إطلعت على المادة ومثل ماقلتي فيه تعاريف كثير وحوسة والدكتور شوي مكبر الموضوع ولا هي ممتعة المادة وباين اسئلته في الواجب شوي مسوي زحمـة ,,
بس المادة إن شاء الله حلوة بحكم إنها نظرية ماتابعت مع الدكتور محاضراته وماأشوف يحتاج لهالشي ,,
بالنسبة للمصطلحات االلي لها أكثر من تعريف فعلاً مشكلة وش نعتمد ووش نخلي وهل حنا مطالبين نحفظ كل التعاريف اللي تعريف واحد منهم يكفي ولا لا ..!!

انا سألت بهالموضوع وبتلقين فيه حاجات يمكن تفيدك ..

http://www.ckfu.org/vb/t320083.html

بالنسبة لأسئلة إختبار فيه أسئلة لجامعة الملك عبدالعزيز مادري هل بتفيد أو لا إذا إحتجتيها بدور لها وأجيبها وإنتي إرتاحي عسى الله يعافيك ويشافيك بحق لا اله الا اللـه ..

وأخيراً إختي سارة إنتي شدي حيلك وربي بيعينك وبيقويك و لا يكلف الله نفساً الا وسعهـا وعسى الله يقومك بالسلامة ويوفقك ويسهل أمري وأمرك وأمر من يقرأ ,,


بالتوفيق يارب ,,