اللي قدم ماجستير ادارة اعمال يتفضل

[عزيزة نفس]

السلاام عليكم

عندي استفسار لوسمحتوا في احد ارسلوله على الايميل مسج من الجامعه انا ارسلوا لي على الجوال يرجى مراجعة الااميل لما تشيكت على الايميل مافي شي واخر موعد الخميس للرد الحين ش سوي ادق عليهم.محد يرد:Cry111:

[يآرب وفقني]

..

وعليكم السلام ورحمة الله وبركاته

هلآ وغلا بعزيزه

شوفي الجنك ميل يمكن فيه ..

او يمكن انتي حاطه ايميل غير الي عندك :Looking_anim:



:rose:

[جوري الامل]

السلاام عليكم

عندي استفسار لوسمحتوا في احد ارسلوله على الايميل مسج من الجامعه انا ارسلوا لي على الجوال يرجى مراجعة الااميل لما تشيكت على الايميل مافي شي واخر موعد الخميس للرد الحين ش سوي ادق عليهم.محد يرد:cry111:

شيكت على الجنك ايميل مالقيت شي وش الحل الله يعافيكم

[فراشه]

الله ييسر ،،
اتصلي على القسم نفسه مش عمادة الدراسات ،،

[جوري الامل]

القسم ماله اي ارقام اذا ممكن مساعدتي :Cry111:

[جوري الامل]

ياناس ممكن شوية مساعدة
بس لو اعرف وش يبغون

[يآرب وفقني]

..

جوري دامك انتي وعزيزه اجل انتظرو والا اي احد في الاحساء

يروح يستفسر ..


بالتوفيق

[يآرب وفقني]

..

دقو عليهم على هالرقم حول الساعه 10 او 11 الصبح وخليكم متواصلين

الى مايردون ..


035800940 تحويلة 303



موفقين

[جوري الامل]

عزيزة نفس
لقيتي شي
وش يبون الله يعافيك علميني

[عزيزة نفس]

يارب وفقني تعرفين المثل المصري اللي يقول (اللي يخاف من العفريت يطلعله) تذكرين قبل كنت اقول شلون اتاكد من الايميل من زمان حاسه بتصير مشكله في الايميل :mh12:


الله يعين بس... جوري جيكت على الايميل مافي شي ؟؟؟

طيب انتي دزولج مسج او كلش ماردوا \المشكله مافي وقت قالوا الخميس اخر موعد للرد \شوفي باجر باذن الله دقي عليهم وانا بعد ان شاءلله ادق ونشوف شنو الوضع بس دقي امبجر لان مايردون بساهل عرفتي اختي \بالتوفيق:(204):

[جوري الامل]

من اليوم وانا كل شوي اشيك بس مافيه شي
خلاص بكرة ندق عليهم ونشوف واللي تلقى خبر تحطه هنا
ومثل ماقلتي المشكلة مافيه وقت اخر شي بعد بكرة :Cry111:

[عزيزة نفس]

شوفي في الجنك ميل اختي

[Jazm]

السلام عليكم

سجلت بالمنتدى بعد ما قريت موضوعك و حبيت افيدك

بالنسبه للمسج اللي جا عالجوال انا توني استلم المسج اليوم و زبدة المسج زي ما قلتي ان لازم اشيك ايميلي .ما طلع لي شي بصندوق الوارد بس لقيته بالجنك
طلع انهم ارسلوه من يومين


نص الايميل:

السلام عليكم و رحمة الله و بركاتة
لجميع المتقدمين لبرنامج ماجستير إدارة الأعمال
إدارة البرنامج ترجو منكم تعبئة النموذج المرفق و التوقيع علية
ثم أعادة ارسالة على نفس الاميل قبل تاريخ نهاية التسجيل المبين بالنموذج

مع تمنيات إدارة البرنامج للجميع بالتوفيق

للاستفسار الاستاذ مصطفى عبد العظيم
0564788232





رفعت لك الملف المرفق بالايميل اللي هو الاستماره
لازم نطبعها و نعبيها و نوقعها و نسويها بالسكانر و نرسلها للايميل الموضح بالاستماره

لا تنتظري الين ما يجيك الايميل اطبعي المرفق و عبيها و و قعيها و ارسليها


اتمنى لك التوفيق

[عزيزة نفس]

الله يعطيج العافيه اختي جازم ان شاءلله جوري تشوف هالمسج؟

[طموحي فوق]

الف مبروووووووك الترشيح للجميع


هذي اول خطوة من الترشيح نفس ماقال اخوي اطبعي استمارة الترشيح بس اذكر انه الاستمارة يكون فيها اسمي الكامل ورقمي المدني:(107):

المهم تطبعونها بعدين توقعونها ثم تسونها سكنر وترسلونها على ايميلهم

بعده تقريبا باسبوع يرسلون رابط البلاك بورد حاطين لكم 4 مواد بس الله الله بالمذاكرة:wink: ترى اسهل شئ الاحصاء ترى اسئلة الدكتور نور الدين مباشرة عرفي و عددي ماتدوخ اما الباقين شويين صعبيين:sm5:
باقي المواد افهموا النظريات عدل لانه تجي اسئلة من برا على هذي النظريات يعني لاتعتمدون على المسائل الي هم حاطينها بس اهم شئ تفهمون القاعدة واللي مامعه توفل او ايلتس يسوون اختبار بديل


طبعا هذي المرحلة الاولى من الترشيح (تعبئة استمارة الترشيح )
بعده تجي المرحلة الثانية ويرسلون رابط البلاك بورد وبعدها يرسلون جدول اختبار القبول
طبعا مافيه مقابلة اللي ينجح بالاختبار يدقون عليها


نسخت لكم الايميل اللي جاني العام بالنسبة لجدوال اختبار القبول


المرشحة للمرحلة الثانية من القبول لبرنامج ماجستير إدارة الأعمال الدولي
بكلية إدارة الأعمال بجامعة الملك فيصل

السلام عليكم ورحمة الله وبركاته وبعد...

تفيد إدارة البرنامج بأن اختبارات القبول على البرنامج ستنعقد حسب الجدول المبين أدناه.
اليوم
التاريخ
الفترة
اسم المقرر
هجري
ميلادي
السبت
19/10/1432هـ
17/9/2011م
13.00-15.00
Finance
15.00-17.00
Accounting
الأحد
20/10/1432 هـ
18/9/2011م
13.00-15.00
Economics
15.00-17.00
Quantitative System
الاثنين
21/10/1432 هـ
19/9/2011م
14.30-17.30
English (TOFEL)

- موقع الاختبار: مبنى أقسام الطالبات بجامعة الملك فيصل
- لأي استفسار الاتصال على المشرف التنفيذي برنامج ماجستير إدارة الأعمال الدولي: (جوال: 0548638238)

المشرف التنفيذي برنامج ما جستير إدارة الأعمال الدولي
كلية إدارة الأعمال

د. نورالدين خبابه





مثل ماتلاحظون انه في اليوم اختبارين :icon120:
بس ماادري على نظامهم السنة ذي يحطون كل يوم مادة ولا لا


الله يووووووفقكم جميعاا يارب :rose:

[جوري الامل]

جعل ربي يوفقكم لقيت المرفق وطبعته :mh001:
حبيت اسال هم حاطين جدول كل يوم مادة من وين المواد هذي اجيبها :Cry111:
يعني هل فيه كتب ؟ والا الجامعة ترسل لنا الكتب ونذاكرها ؟ :oao:

[طموحي فوق]

جعل ربي يوفقكم لقيت المرفق وطبعته :mh001:
حبيت اسال هم حاطين جدول كل يوم مادة من وين المواد هذي اجيبها :cry111:
يعني هل فيه كتب ؟ والا الجامعة ترسل لنا الكتب ونذاكرها ؟ :oao:


عزيزتي هم ارسلوا لكم جدول الاختبار ؟

اذا تقصدين مشاركتي هذا جدول العام الماضي


اول شئ يرسلون عالايميل رابط البلاك بورد فيه اسم المستخدم والرقم السري تتدخلين عليها تلقين المحاضرات (فيديو + باور بوينت )

[يآرب وفقني]

..


طموحي ماقصرت فديت قلبها عسى ربي يوفقها ويوفقكم ..

بصراحه عجبني نظام ادارة الاعمال



:004:

[جوري الامل]

ايه ارسلوا جدول كل يوم مادة من 12\7\1433 الى 16\7\1433

[عزيزة نفس]

بالتوفيق للجميع يارب :58545:

طموحي فوق ماقصرتي والله يعطيج العافيه لو تفاصيل اكثر عن الاختبارات نكون شاكرين لج:wink:


يارب وفقني احس كله مثل الطريقه كله اختبارات اذا نجحتي تجتازين:icon120:

البنات جازل وجوري الله يوفقنا يارب انا مااحاتي الا انه بالانجليزي عاد انا الله بالخير بالانجلش:lllolll:

ان شاءلله يكون فيه تواصل اكثر علشان اذا احد عنده اسأله او شي والله الميسر عندنا ابله اهني طموحي فوق الله يعينها علينا:mh35:

[يآرب وفقني]

^

لابالعكس يختلف يعتبر اختارو :004:

اما التوجيه الكل يدخل :(



موفقات يارب

[عزيزة نفس]

هههههه يارب وفقني تعالي أفهمج الحين شفتي المرفق اللي حاطته جازم هذي اي احد قدم يقدر يطبعها ويدزها على ايميلهم حتى لو مادزوله شي ¢¢¢¢
يعني ماطاح الا انبطح الكل يدخل هههههه بس شكليات عرفتي :lllolllعلى العموم الله يوفق الجميع ويكتب اللي فيه الخير

[طموحي فوق]

بالتوفيق للجميع يارب :58545:

طموحي فوق ماقصرتي والله يعطيج العافيه لو تفاصيل اكثر عن الاختبارات نكون شاكرين لج:wink:


يارب وفقني احس كله مثل الطريقه كله اختبارات اذا نجحتي تجتازين:icon120:

البنات جازل وجوري الله يوفقنا يارب انا مااحاتي الا انه بالانجليزي عاد انا الله بالخير بالانجلش:lllolll:

ان شاءلله يكون فيه تواصل اكثر علشان اذا احد عنده اسأله او شي والله الميسر عندنا ابله اهني طموحي فوق الله يعينها علينا:mh35:

تسلمين حياتي
ابشري بعزك

والله اللي اقدر عليه بساعدكم فيه
بقولكم العام وش صار معي

المهم انا من برا الاحساء جيت بنفس يوم الاختبار دخلنا الحسا 12 والاختبار الاول يبدا 1 الحمدلله كان تنظيم الفيصل جدا جدا راااائع
رحت للعنوان اللي مرسلينه عالجوال
طبعا الاختبار الاول يبدا 1 والاختبار الثاني يبدا 3 <<شفتوا كيف الضغط:icon120:

بيني وبينكم انا توقعت انهم يركزون عالاساسيات طبعا كل مادة لها فوق 11 محاضرة ذاكرت اول محاضرتين من كل مادة << متهووورة :lllolll:
توقعت انه تجي الاسئلة من البداية فماراح يركزون كثير لانهم ارسلوا لنا برمضان الرابط
بس توقعاتي ماجت في محلها مثلا مادة المالية كلها جذور وتربيع والاس
قسماً اني صارت عيوني كذا:icon120: لاني فاشلة بالرياضيات الاختبار كان من 9 صفحات بس اذكر جانا جدول فيه نسبة ومدري شنو الزبدة اني ماحليت شئ والمفارقة انه اول وحدة خلصت انا لانه كنت منهكة ومافي شئ اعبيه بالورقة قلت الحق نفسي على المادة الثانية واراجعها
اما مادة الدكتور الهندي كانت جدا دسمة وفي دكتور سعودي مادته الاقتصلد اتوقع اذكر اخر سؤال احسبي بالتمور بالاحساء <ناسية عن ايش اذكر فيها تمور والخليج << طبعا انا ماعرفت الحل فكتبت عن علاقة المملكة بدول الخليج:biggrin:
ومادة الاحصاء مررة اسئلتها حلووة ومباشرة
وبالنسبة لاختبار التوفل كان مررة دقيق وكان زي نظام قياس التصحيح الي يعني مافي شئ تكتبينه بس تظليل بالرصاص


**طبعا بما انه اختبارنا كان وقت الغداء ماقصروا االفيصل ضيفونا احلى ضيافة وكانت فيه مراقبة عسسسل بالمررة منسقة البرنامج ا/ دينا

مع نهاية كل اختبار ارجع للشقة وانا ودي اصيح من صعوبة الاختبار << اتوقع راح يمر عليكم هالاحساس بس لاتياسون
طبعا كلمت الدكتور انه الاختبار ليس بالضرورة انك تنجحين اهم شئ تكتبين اجابة مقنعه وتكونين جادة
اللي حضروا الاختبار 11 واللي نجح 7
والحمدلله اتصلوا علي انه تم قبولي ونجحت بالاختبار بفضل الله ثم دعوات اهلي والاستغفار
وكن لظروف خارجة عن ارادتي قدمت اعتذار عن الدراسة والله يعوضني بالافضل

الله يوفقكم يارب ويفتحها عليكم

<< ذكرتوني برحلتي للاحساء فدييتها وفديت اهلها:004:

[صالح بن سلمان]

السلام عليكم ورحمة الله وبركاته

سوال لكم يامبدعات وفقكم الله لما يحبه ويرضاااه ...

هل درستم الانتساب عن بعد ولا دراستكم أنتظام افيدونا جزاكم الله خير

انا ابي ادرس انتساب مطور بس الي مخليني موقف هو الماجستير هل يحق لنا الدراسه

[يآرب وفقني]

هههههه يارب وفقني تعالي أفهمج الحين شفتي المرفق اللي حاطته جازم هذي اي احد قدم يقدر يطبعها ويدزها على ايميلهم حتى لو مادزوله شي ¢¢¢¢
يعني ماطاح الا انبطح الكل يدخل هههههه بس شكليات عرفتي :lllolllعلى العموم الله يوفق الجميع ويكتب اللي فيه الخير

..

يس الحين فهمت
بس انتي قدها وراح تجتازين ان شاء الله ..


:004:

[يآرب وفقني]

السلام عليكم ورحمة الله وبركاته

سوال لكم يامبدعات وفقكم الله لما يحبه ويرضاااه ...

هل درستم الانتساب عن بعد ولا دراستكم أنتظام افيدونا جزاكم الله خير

انا ابي ادرس انتساب مطور بس الي مخليني موقف هو الماجستير هل يحق لنا الدراسه

..

وعليكم السلام ورحمة الله وبركآته

انا انتظام بس ماشاء الله اخونا غيم تايه هو انتساب بس مدري إذا هو مطور
وآلآن هو طالب في جامعة الملك عبد العزيز ، تقدر تستفسر منه ..
بس حط في بالك دايم الانتظام هم الأولويه في اي شيء ..



موفق

[عزيزة نفس]

يارب وفقني تعالي اسمعي لاهي السمعه ا\:bawling:

ابو الشباب الله يجزاه خير توه يستوعب ان الدراسه انتظام لما قلتله بروح اختبر الاحساء قال شنو:eek::eek:

شنو الاحساء انا حسبالي انتساب مافيه :(177):
انا عاد اتدوريني ماتلقيني:019:

يقول من صجج اتداومين من الدمام الى الاحساء ساعه ونص ليه؟؟


مافيه....

انا كلمة مافيه اذا قال مافيه احس اب:019:


شسوي انا الحين شلون اقنعه ؟؟

انا اعرف بنات طب من الدمام الى الاحساء يدامون يوميا ؟؟قتله يقول: شنو علي فيهم كيفهم:mh12:

الحين اللي ابيه بالضبط شلون يطلع الدوام ؟؟وشلون طريقة المواصلات علشان اقنعه يوافق :Cry111:

:007:

هو صحيح لحد الحين مو اكيد اني انقبل بس هو موراضي يوديني اصلا اختبر شسوي:Cry111:

[واحة الموت]

قولي له الدراسة مو كل يوم
يومين بالأسبوع و خميس و جمعة بعد و بالكثير ممكن تكون 3 أيام
و الله يوفقك و تقنعيه

[واحة الموت]

قولي له الدراسة مو كل يوم
يومين بالأسبوع و خميس و جمعة بعد و بالكثير ممكن تكون 3 أيام
و الله يوفقك و تقنعيه

[يآرب وفقني]

يارب وفقني تعالي اسمعي لاهي السمعه ا\:bawling:

ابو الشباب الله يجزاه خير توه يستوعب ان الدراسه انتظام لما قلتله بروح اختبر الاحساء قال شنو:eek::eek:

شنو الاحساء انا حسبالي انتساب مافيه :(177):
انا عاد اتدوريني ماتلقيني:019:

يقول من صجج اتداومين من الدمام الى الاحساء ساعه ونص ليه؟؟


مافيه....

انا كلمة مافيه اذا قال مافيه احس اب:019:


شسوي انا الحين شلون اقنعه ؟؟

انا اعرف بنات طب من الدمام الى الاحساء يدامون يوميا ؟؟قتله يقول: شنو علي فيهم كيفهم:mh12:

الحين اللي ابيه بالضبط شلون يطلع الدوام ؟؟وشلون طريقة المواصلات علشان اقنعه يوافق :cry111:

:007:

هو صحيح لحد الحين مو اكيد اني انقبل بس هو موراضي يوديني اصلا اختبر شسوي:cry111:


انتي استخرتي ؟

اهم شيء الآستخاره ،
وقولي له الدراسه احتمال كبير تكون بالويك اند ويومين وان كثرت ثلاث ايام
حاولي فيه بقد ماتقدرين ، قوليله الكلام وهو رايق علشان يتقبل ..
اهم شيء لاتنفعلين ..


:004:

[طموحي فوق]

يارب وفقني تعالي اسمعي لاهي السمعه ا\:bawling:

ابو الشباب الله يجزاه خير توه يستوعب ان الدراسه انتظام لما قلتله بروح اختبر الاحساء قال شنو:eek::eek:

شنو الاحساء انا حسبالي انتساب مافيه :(177):
انا عاد اتدوريني ماتلقيني:019:

يقول من صجج اتداومين من الدمام الى الاحساء ساعه ونص ليه؟؟


مافيه....

انا كلمة مافيه اذا قال مافيه احس اب:019:


شسوي انا الحين شلون اقنعه ؟؟

انا اعرف بنات طب من الدمام الى الاحساء يدامون يوميا ؟؟قتله يقول: شنو علي فيهم كيفهم:mh12:

الحين اللي ابيه بالضبط شلون يطلع الدوام ؟؟وشلون طريقة المواصلات علشان اقنعه يوافق :Cry111:

:007:

هو صحيح لحد الحين مو اكيد اني انقبل بس هو موراضي يوديني اصلا اختبر شسوي:Cry111:


ياقلبي اهم شئ الاستخارة

اللي متأكده منه انه دوام mba خميس وجمعه لمدة سنة ونصف اذا القروب وافق على الصيفي تأخذونها سنة وكورس تجلسين باليت عشان تحضرين بحث التخرج مافي رسالة

الله يوفقك ويفرجها عليك

ترى كثر الزن يفك اللحام:wink:

[عزيزة نفس]

الله يخليكم لي يارب والله ماقصرتوا دعواتكم في اقناع سي السيد اقولج طموحي فوق احلى شي اخر جمله قلتيها كثر الزن يفك اللحام جاري التطبيق :33_asmilies-com:

[بائعة الخبز]

هلا اخواتي انا جتني اليوم الجمعه رساله على جوالي بان تم تمديد التسجيل الى يوم الجمعه مو الخميس وان الرسوم الدراسيه قد الغيت:d5:.
بس المشكله عندي الحين الامتحان حاسه روحي نسيت كل الا درسته مع اني خلصت دراستي من ترم واحد والجدول الا رسلوه لي الا فيه الامتحان ارعبني:mh12: بنات خلينا نتساعد بالاسئله اذا في نماذج سابقه او اي شي نشجع فيه بعض.

[عزيزة نفس]

هلا اختي ممكن اتحطين نص الرساله لاان انا دزولي وكاتبين في رسوم دراسيه مو معقوله! !!

[بائعة الخبز]

هلا اختي نص رسالة الجوال الا ارسلوها لي
برنامج ماجستير ادارة الاعمال تم تمديد استقبال نموذج الترشيح الى يوم الجمعه غدا كما تم الغاء الرسوم الدراسيه للاستفسار 0564788232

[عزيزة نفس]

اليوم دقيت على الجامعهرمو الرقم اللي حاطته حضرتج يقولون لم يتم اقرار الغاء الرسوم هذي شائعه دقي على الرقم اللي حطيتيه وتاكدي قولي جتني رساله تفيد بان تم الغاء الرسوم هل هذه الرساله صحيحه ام في لبس في الموضوع! !!

[طموحي فوق]

حبيت افيدكم هذا رقم كلية ادارة الاعمال
035800215

تحويلة 1357

[بائعة الخبز]

انا دقيت على الرقم الا في الرساله وطلع مقفل وبعدين ارسلت ايميل للاستاذ مصطفى المسؤؤل عن البرنامج وانا الحين استنى الرد.

[alooyah]

بائعة الخبز، اتصلي على استاذ مصطفى لحد ما يرد ، لأن ما شفت منه اي رد على الايميل و لا بالمسج، بس احيانا يرد على الجوال
موفقين:(204):

[تاله الهنا]

مسا الخيرات
انا الحين اتصلت ع الدكتور مصطفى وتاكدت من الغاء الرسوم
وقالي انه تم الغاءها والدراسه مجانا للجميع :53:
:d5::d5::d5:

يلا شدو حيلكم ياحلووويين

الله يوفقنا جميعا

[moaazal_ratta]

سلام عليكم ورحمة الله وبركاته

بداية أشكر الجميع من شارك وأثرى الموضوع , واسأل الله لكم التوفيق والنجاح

حبايبي اللي عنده نماذج من أسئلة امتحان القبول للمواد الاربع لا يبخل علينا , عشان ماننصدم

بطريقة الامتحانات .


ودمتم

:33_asmilies-com:

[pure heart]

صحيح والله بنات الي عنده نماذج العام لا يبخل علينا وربي يجعلها في ميزان اعمالكم ان شا الله
وشكرآ

[alooyah]

بنات يعطيكم العافيه، الي تقدر تنزل مادة الأساليب الكمية في ادارة الاعمال تنزلها بليييز:(204):

[rana4]

شكرا كثير