بعض ماورد من مناقشة العميدة مع الطالبات في الحوار المفتوح الاول ..

[kambodia]

بسم الله الرحمن الرحيم ...

السلام عليكم ورحمة الله وبركاته ...

في لقاء جميل ورائع للعميدة ورئيسات الاقسام مع الطالبات .. تمت مناقشة النقاط التالية :
· نظام بيبول سوفت .. ذكرت عميدة الآداب بأن هذه المشكلة فنية بحته لا علاقة لها ولا موظفات شؤون الطالبات بالموضوع ..وأنه يرجع السبب للشركة المنتجة للبرنامج ولتوفر الشركة لجامعتنا ما يتناسب لها لذلك فإنها تعد الجميع بأن التسجيل القادم بإذن الله لن يكون كسابقه ..
· تغيير الاساتذة .. فتقول سعادتها بأن ذلك يتحدد على حسب الشعب واستيعابها وايضا" إلى اعتذار بعض الاساتذة وتوفير عقودهم .. فلذلك نواجه هذه المشكلة ..
· الفصل الصيفي : وتذكر في هذا السياق أنها لا تستطيع إجبار أي عضو على التدريس في هذا الفصل ولأنها دائما ما تواجه مشاكل في هذا الفصل فالإمكانات تكون محدودة ولا تستطيع الجامعة استيعاب عدد كبير من الطالبات في الصيف , ولأن الطالبات أحيانا يضطرنا للإلغاء الصيفي لمادة معينه لقلة الطالبات فيها 10 من 50
فذلك يسبب له الحرج أمام الاستاذ الذي يقتطع إجازته ويتعطل ...
· صرف المكافآت للسنة الخامسة .. فتقول أنها رفعت خطاب ولكن لأن جميع جامعات المملكة يشملها صرف المكافأة لأربع سنوات فقط وهذا قرار من التعليم العالي لا علاقه لها به ..
·
ذكرت أن المرافق العامة و الامن لا علاقة لها بهم لأنهم يتعاقدون مع شركات ...
· ذكرت أن تسعد بإنشاء المجلس الطلابي الخاص بكل قسم ولكن ذلك أيضا" يتطلب جهود من الطالبات لترشيح من تمثلهن ..
· كانت سعادة العميدة تتكلم بشفافيه وصراحه مع الطالبات .. لذا سمعت ما طروحه من شكاوي واستفسارات
· ما طرحته بعض الطالبات :
· تطرقن الطالبات الى أن هناك فجوة بين الطالبة و رئيسة القسم حيث أن الطالبات لا يتجرأن لرفع خطاب في مادة ما وذلك خوفا" من رسوبهن فذكرت أن أي إشكالية في المواد يجب على الطالبات المبادرة بالدفاع عن حقوقهن .
· تساءلن الطالبات أيضا" عن مساءلة الاساتذة في حال أن نسبة النجاح أو الرسوب عالية في مادة ما؟ ،، ولما يتم مساءلتهم ؟لربما كانت المادة سهلة وأنهم يتعمدون رسوب الطالبات وما إلى ذلك فنكرت هذا الامر وقالت أنها من حقها أن تسأل الاستاذ ما هي المبررات إذا كانت النسب عالية ولكنها ليس من حقها أن تجبر على فعل ما لا يقدر عليه أو لا يفضله وأنها لا تجبرهم ولا تتعمد رسوب الطالبات كما يشاع ..
· تذمرن الطالبات من السلوكيات الغير ملائمة للطالبات من قبل بعضهن أمام مرأى الامن .. وأن الامن لا يعمل شيء لردعهن .. فوعدت بحل هذا الموضوع ..وأمرت الطالبات أن يكونون عون للأمن في التبليغ عن هذه السلوكيات ..
· تذمرن أيضا" بعض الطالبات المتوقع تخرجهن عن استلام وثيقة التخرج , ومتى استلامها وأن التأخر في استلامها يتسبب في تعطيل أمورهن .. فذكرن المسؤولات عن الامر أن يكون استلام الوثيقة أو ما يطلق عليه بشهادة التخرج يكون بعد تخرجهن في شهر رمضان أو شوال ..
· وهناك بعض التذمر من استعلاء الاستاذ على الطلبة ..
· وتذمر أيضا" من كثرة المراجع , ومن مقرر نظرية المعرفة وتاريخ الخليج العربي للمستوى السادس ..
هذا بعض بسيط مما تم مناقشته مع العميدة... وفي نهاية الحوار طالبت الطالبات على السعي وراء هدفهن المنشود والمطالبة بحقوقهن ومعرفتها حق معرفة .. وأنها دائما" بخدمة الطالبات يوم الاحد والاثنين من 10-11 وانها دائما تتبع سياسة الباب المفتوح و أوصت رئيسات الاقسام بأن يكونون بالتواجد في أوقات المكتبية لهم واستقبال الطالبات ..ودعت الطالبات في المساعدة لانشاء المجلس الطلابي .. واختتمت اللقاء بالتعبير عن سعادتها بالالتقاء بطالباتها وأن هذا الحوار سوف يعتمد سنويا" أو كل فصل دراسي ..

كان لقاء حافل بالمناقشات .. كان يوم حافل فعلا .. نتمنى أن يأتي ثماره قريبا" جدا"...

[J A M I L A H]

ألله يجزآتس خير قولي آمين :biggrin:

أختصرتي علي موضوع كنت بأكتبه بعنوآن [ نتآئج الأعتصـآم ]



شفتيني يختي اليوم آتكلم لحآلي :sm1:

وآلله زعلت على كثييير منكم , يقولوون و دهم يسوون ويحطون وآخر شي محد يحضر :icon9:


أضيف نقطه

+

الأمن لايحق لهم تفتيش الطالبات الا اذا فيه شُبهه أو مشكله يعني حآله عويصه

العميده تقول بنفسها : [ لا أسمح بمعاملة طآلبآتي هكذا ]

[senyorita]

نتمنى أن يأتي ثماره قريبا" جدا"...


هاذا اهم شي

على فكره ، وش اسمها العميده ؟:mh12:<<<:41jg:

[kambodia]

وياك ...يآرب

الكثير ما حضر حبيت اوصل لهم ما تم تداوله ووضعهم بالصورة ..:biggrin:

للاسف قسم اللغة الانجليزية لم يحضر إلا عدد بسيط ربما فقط 2 او 3 طالبات ....؟؟؟؟!!!

الحمدلله حضرت و جاوبت على معظم الاسئلة ..

بعض الطالبات مرتبطات بالمؤتمر العلمي لذا لنلتمس لهم العذر ..

[kambodia]

هاذا اهم شي

على فكره ، وش اسمها العميده ؟:mh12:<<<:41jg:



مها بنت عبدالله بن بكر

[kambodia]

+

أضيف أيضا" أن من أرادت أن تسجل في دورات في الجامعة فإن كلية التربية تعمل دورات ويتم الإعلان عنها بالموقع والملتقى ..

[الغلا النوري]

:biggrin:

[امواج الغلا]

:(177): :(177):

والله وصلني كلام انو هالاجتماع ماطلع بنتيجه وحطووا سبب اي مشكله ع الطالبه :Looking_anim:


ومراح تتغير سياسه الموظفات معناا ..كل وحده تقط شغلها ع الثاانيه :icon9:
ولا تقولك تعالي بكره اذا مشغووله :(269):


الله يعيين بس .. وبنتظار الدورات اللي يقلون عنها ونشووفهاا :119::rose:

[kambodia]

اذا راح نحكم على هوانا فأكيد مآ راح يعجبنا شيء ..

وضحت لنا اسباب المشاكل ... النتائج سوف تؤتي ثماره سواء" بالسلب او الآيجاب العام المقبل ..

أنا مآ أدافع عنها بالعكس ولكني أرى ان الاختبار الحقيقي للعميدة في التسجيل " بيبول سوفت" هي وعدت بأنه سوف يتلافون اخطاء هذا العام ولن يكون التسجيل العام المقبل كسابقه ... لنرى ولنحكم العام المقبل بإذنه تعالى ...

[J A M I L A H]

اللي مآحضر لا يحكم < تقصد مويج :58545:


هي وضّحت بعض النقآط , وبالمقابل أعترفت في أن بعض الأشيآء تنقصنآ :


* مركز رسائل للطالبات بموآعيد البيبل سوفت , هذا قآعدين يشتغلون عليه .

* سالفة المكافأه , هذي طلعت من يدها إلى التعليم العالي , وفعلا كل جامعات المملكه نفس الطريقه 4 سنوآت وبس .

* الصيفي , يختآرونه بناء على الأكثر عدد والإمكآنيه بالطاقه التدريسيه . :(177):

* اللي كل وحده تقطنا على المكتب اللي يمّه , هذي قالتها , واوافقها بشششده

تقول أنتوا ماتدرون وين تبون تروحون !! ماعندنا وعي بمين المسؤول عن حل مشكلتنا .

* المكتب الإرشادي بدأ من الفصل القآدم - رآح ينشر كتيبات - توعويه بالهيكل التدريسي بالكليه

عشآن نعرف لمين نتوجه بعد مانحدد مشكلتنا .



× بنات وَ أنا أولكم , احنا وربي ماعندنآ وعي بهالشي . . نبي ندخل للشؤون وتنحل مشكلتنا وبس ×


* فيه شغله قلتها وكل الدكآتره كلوني :sm5:

سألت العميده [ وش علاقة جودة التدريس بنسبة الرسوب ]

يعني اللي ترسب وآجد هذي خوش دكتوره !!

كلهم نفوا هالكلآم , أصلن يسمونهآ شائعه :biggrin:

قالت : أن الأمر طبيعي لما نستفسر عن دكتوره نسبة النجاح 100% أو نسبة الرسوب تعدت النص .

اذا كآن سببها منطقي مستحيل يحركون الورق , اذا فيه مشكله يصلحونها !

[طالبة الادبي]

ماهي نتائج الطلبات الا كل وحده طالبه طلب من مكتبه عامة وكثير من الطلبات هل وافقت عليها ؟

[kambodia]

المكتبه تعتبر من المرافق العامه اتوقع فالعميدة قالت مالها علاقه في هالشيء .. اتوقع مدير الجامعة يتكفل بهالشيء ...

[الصمت الحنون]

اللي قهرني بلقاء اليوم ولا طالبه منتتسبه حضرررت .... :007:

ماشفت اي حضور لهم مع العلم أنه كثييييير منهم شفتهم مداومين اليوم وقلت لهم عن اللقاء بس محد حضر .. ؟؟؟ بعدين لاتقولون انه مابوه احد يسمعنا :58545:

اخخخ بس كنت مجهززه سؤال خنفشااااري بس للأسف ماطرحته لاني عارفه وش راح تقووول :sm12:

[J A M I L A H]

Don't be sad

أنا آلريدي آحترم شخصتس حيل حيل , وآكيد تدرين بهالشي :rose:

بس آسمحيلي , هذي الحقيقه كل اللي كآنو يتكلمون خلف الكوآليس محد قدر يوآجه اليوم ويتكلم !

العميده أيا كآن شخصهآ , مآ أعرفها من قبل , أول مره أشوفها !

لمسنآ منهآ جديّه اليوم

وآللي يبي يتغير ويتطور يتحمل , لأنه مآفي شي بيوم وليله !



بنآت جميعـــــآ ,


أنا ويشهد علي ربي آستمت في وضع الاستبيان وحصره وترتيبه وعرضه ومنآقشته اليوم .


وصلت صوتي وصوت كل وحده اتفآعلت بأي موضوع بالقسم .


رآضيه جدا باللي وصلت له اليوم , وسعيده جدا أن عندنا مكتب ارشاد أكآديمي برعآية د.أمل :004:


الإرشآد الأكآديمي اللي المفروض بكليتنا من تأسيسهآ , توه مآصآر له شهرين


وصآرت له بصممممه بعقد هاللقاء ,


على فكره اللقاءات رآح تتكرر ,


نلتقي :rose:

[أميره بذوقي]

يسلمووو بنات يعطيكم العافيه ..:106:

وكلمة حق تنقال ف العميده بصراحه تعاملهاااا مرره راقي مع الطالبات
وتحرص ع مصلحتهم .. وياليت بعض مالموظفات اللي بالاداره يصيرون زيهااا

ودي لكل من تكلم وسعى لمصلحة الطالبات :106::004:

[*جوريه*]

لقاء اليوم كان رآآآئع ،،



و فعلا مثل ما قالت جمول لمسنا الجديهـ من العميدة ،،



بس اللي استغربببتهـ ،، حضووور البناااات مرررهـ قليل لييييه ؟!!




و اللي ما عجبني في كلامها و ما اقنعني ردها عن الصيفي ،،


لأن سآلناها عن مواد التخصص ما تكلمت عنهـ بشكل وآضح !!..




و برضو عن نسبة النجاح و الرسوووب ،، ماااااأقنعني أبدا ،،

<جمووول كنت معكـ بهالموضوع و انفعلت و أنا أتكلم بعد !!خخخ<<حدي مقهورهـ من هالسالفهـ ،،





و إن شاء الله يشوووفون لنا حل مع مادة نظرية المعرفة !!.. :icon9:





و إن شاء الله نلقى نتاااائج لكل المواضيع اللي ناقشناها ،،





تدرووون تمنيت جريدة اليوم تكون موجودة و توثق اللي صار و يكتبون عنا ،،

<<أول لقاء لعميدة كلية الآداب مع طالباتها <<خخخخ محد تحمس !!...





ودي





:106:

[اسبانية]

# السلآم عليكمم :icon120:

بخصوص لقاء اليوم كلنا مانختلف آن العميده كانت انسانه متعاونه بخصوص
بعض الآسئله وليس الكُل .... **
كل سؤال آول لومها على الطالبه !!!
والطالبه غلطت والطالبه !:24_asmilies-com:
طيب وين رئيسات الآقسام وين الموظفات الي بمكاتب الشؤون !
ليه اللوم مايلحقهم بعد ..؟ :41jg:
ثاني شي انا لي ثالث سنوات بالكليه توني آعرف ان اسم العميده مها البكر ! :Looking_anim:
توها الحين تسوي لقاء بالطالبات !! وادري هالشي اغلب البنات مايعرفون اسم العميده
غير كذا العرض الي مسوينه والتفليم والمجامل وانتو آحسن
كليه ومدري ايه على اي اساس !
سياسية التفليم وأن الجامعه تطورت وخدمت ! آي خدمه نضحك على مين آحنا !
ابسط مثال صديقتي تبي تحكي عن مشكلتها العام وقرار الآنذارت وبعدها فصل وبعدها ترجع
تكمل يوم قدمت اوراقها ومن مكتب لمكتب وسجلي موادك يدوي وسجلتها
عطوها امل كبير ب الحياه مع ان معدلها يسمح بفرصه رابعه بالنهايه معطينها قرار فصل نهائي !
راحت العميده ورجعتها وهذا اهي تكمل هالترم وبختبر يعني لو ماراحت واهتمت وسإلت كانت مفصوله بظلم بعد :lllolll:
يوم جت اليوم تعرض مشكلتها طلعتها وحده من اللي مع العميده !
على اي اساس وقت الحق لآتناقشين واذا مدحتيهم صفقو لك ماشوف بالكليه اي آهمام وتعاون آلآ ماندر اليوم ب الذات تو احس مكاتب الشؤون يمشون امورنا بسرعه ليه عشان لقاءء العميده !!! ليت هالشي يتطبق من اول مانروح نستفسر
اخر شي اذا الآمن مو من اختصاص الكليه من اختصاص مين !!! مو اهي عميده للكليه مو الآمن كل ماقلنا لهم شي قالو قرار العميده !!! سلآمات يضحكون على مين ! :Looking_anim:

[kambodia]

xxxxxxxx

تم حذف المقتبس بناءً على طلب العضوة


أي ضمانات وأي سلطات .. وين عايشين ؟!!

أنا معك أنه البنات يخافون يتكلمون يكون الرد عكسي عليهم ... الدنيا ما هي فوضى هي عميدة ... شغلها الشاغل ترفع من الجامعة ومن طالباتها ...

وتستقبلك وتستقبل غيرك من الطالبات ... ما ضيعكم إلا الخوف والتردد وأبي أضمن نفسي إلى أن أتخرج !!...

الخوف ما رآح ينفعني ولا ينفعك عزيزتي تواجدنا اليوم في اللقاء لتفهم العميدة أن مطالبنا سوف تصلها وأن نكسر حاجز الصمت والخوف بيينا وبينها و بين رئيسات الاقسام ..

كلماتها اليوم ووعودهم لن ننساها لها وسنطالب بالمحاسبة إذا تم التخاذل و عدم العمل ...

نحن نسعى لتكون جامعتنا من الجامعات التي يشهد لها بالتطور والتنمية ولنفخر غدا" بأننا من طالباتها ...

لا أنسى عزيزاتي لا بد علينا أن نشكر الله نحن في نعمة أفضل من غيرنا في أبها وحائل حالهم يخجل فاحمدوا الله واسعوا لتتخرجوا من جامعة مرموقة ...

[kambodia]

# السلآم عليكمم :icon120:


بخصوص لقاء اليوم كلنا مانختلف آن العميده كانت انسانه متعاونه بخصوص
بعض الآسئله وليس الكُل .... **
كل سؤال آول لومها على الطالبه !!!
والطالبه غلطت والطالبه !:24_asmilies-com:
طيب وين رئيسات الآقسام وين الموظفات الي بمكاتب الشؤون !
ليه اللوم مايلحقهم بعد ..؟ :41jg:
ثاني شي انا لي ثالث سنوات بالكليه توني آعرف ان اسم العميده مها البكر ! :looking_anim:
توها الحين تسوي لقاء بالطالبات !! وادري هالشي اغلب البنات مايعرفون اسم العميده
غير كذا العرض الي مسوينه والتفليم والمجامل وانتو آحسن
كليه ومدري ايه على اي اساس !
سياسية التفليم وأن الجامعه تطورت وخدمت ! آي خدمه نضحك على مين آحنا !
ابسط مثال صديقتي تبي تحكي عن مشكلتها العام وقرار الآنذارت وبعدها فصل وبعدها ترجع
تكمل يوم قدمت اوراقها ومن مكتب لمكتب وسجلي موادك يدوي وسجلتها
عطوها امل كبير ب الحياه مع ان معدلها يسمح بفرصه رابعه بالنهايه معطينها قرار فصل نهائي !
راحت العميده ورجعتها وهذا اهي تكمل هالترم وبختبر يعني لو ماراحت واهتمت وسإلت كانت مفصوله بظلم بعد :lllolll:
يوم جت اليوم تعرض مشكلتها طلعتها وحده من اللي مع العميده !
على اي اساس وقت الحق لآتناقشين واذا مدحتيهم صفقو لك ماشوف بالكليه اي آهمام وتعاون آلآ ماندر اليوم ب الذات تو احس مكاتب الشؤون يمشون امورنا بسرعه ليه عشان لقاءء العميده !!! ليت هالشي يتطبق من اول مانروح نستفسر
اخر شي اذا الآمن مو من اختصاص الكليه من اختصاص مين !!! مو اهي عميده للكليه مو الآمن كل ماقلنا لهم شي قالو قرار العميده !!! سلآمات يضحكون على مين ! :looking_anim:


هذا اتهام خطيير ...

وكلامك منطقي يمكن غفلنا عنه ...و اوافقك في جزء منه ..

[اسبانية]

هذا اتهام خطيير ...

وكلامك منطقي يمكن غفلنا عنه ...و اوافقك في جزء منه ..


والله ي إختي الحبيبه والغاليه موب آتهام ^^
ومستعده وقدام بنات مُلتقى كليةة الآداب
اوجه العميده والي معاها بها الشي :biggrin: < :rose:
من جد مشكلتنا نهتم بالتعاطف حرام وكذا ونسكت ونلقى لها عذر
ماحطوها عميده كليه آلآ لآزم تكون مُلمه بكل نواحي الكُليه بداية من آمن الي شغلهم الشاغل من صباح اللله خير تفتيش الشنطه وومنوع ومُخالف
حتى تسجيل الطالبات ومكاتب الشوؤن :rose:

[امواج الغلا]

Don't be sad & اسبانيه

اوافقكم بعض ماقلتوا ..


ومثل ماقلتوا كان كلامها طيب وانتم وصلتوا صوتكم
خلونا نشووف الفعل بالايام الجايه:biggrin:


مووفقين وشكرا لجهووود القائمين :rose:

[kambodia]

والله ي إختي الحبيبه والغاليه موب آتهام ^^
ومستعده وقدام بنات مُلتقى كليةة الآداب
اوجه العميده والي معاها بها الشي :biggrin: < :rose:
من جد مشكلتنا نهتم بالتعاطف حرام وكذا ونسكت ونلقى لها عذر
ماحطوها عميده كليه آلآ لآزم تكون مُلمه بكل نواحي الكُليه بداية من آمن الي شغلهم الشاغل من صباح اللله خير تفتيش الشنطه وومنوع ومُخالف

حتى تسجيل الطالبات ومكاتب الشوؤن :rose:



كلامك ع العين والرأس ...

و جدا" متفهمه لوضعكم جميعا" ...

[أميره بذوقي]

ابسط مثال صديقتي تبي تحكي عن مشكلتها العام وقرار الآنذارت وبعدها فصل وبعدها ترجع
تكمل يوم قدمت اوراقها ومن مكتب لمكتب وسجلي موادك يدوي وسجلتها
عطوها امل كبير ب الحياه مع ان معدلها يسمح بفرصه رابعه بالنهايه معطينها قرار فصل نهائي !
راحت العميده ورجعتها وهذا اهي تكمل هالترم وبختبر يعني لو ماراحت واهتمت وسإلت كانت مفصوله بظلم بعد :lllolll:
يوم جت اليوم تعرض مشكلتها طلعتها وحده من اللي مع العميده !

*********************

نصيحه للكل اي موضوع يخص دراستكم لاتنتظرون ولاتسمعون للي يقولون من مكتب لمكتب او ماندري :sm4:
أنتم بنفسكم تابعو الموضوع وحتى لوتكلمون قسم الرجال ..

أنا صار معي اولة العام نفس هالموقف بس مو لي لاأختي جاها فصل ولها فرصه ترجع بس اللي بالكليه يقولون استنوى ومره يقولون مالهااااا
ولولا الله ثم متابعتي للموضوع كان الحين جالسه المسكينه بالبيت وربي اني كنت اسمع منهم كلام يغث ويجيب المرض بس دام لي حق باخذه باخذه ..
والحمدالله رجعت وباقي لها سنه وتتخرج ..

غير كذا في نقطه مهمة بس يمكن ماراح تواجهكم لانكم ع نظام الجامعه بس اللي يعاني منها طالبات نظام القديم نظام الكليه أن اي ماده ادرسهااا مره ثانيه لو اجيب فيها فل مارك يحطونها لي درجة النجاح يعني 60 هذا ظلم لنا وبحركتهم ذي اكيد الوحده بتتخرج بمعدل نازل ومايفيدها لابتكملة دراستهااا العليا ولا بالوظايف

اعرف بنات متخرجات ردوهم هذا غير كلمتهم انتم انتساب مانوظفكم تعليم نوظفكم ف الاداره ؟؟؟
ليش أنا حالي حال المنتظمه هي تذاكر من اكتاب وانا اذاكر نفسهااا من نفس الكتاب واحضر واتحمل وابذل مجهود حالي حال الطالبه المنتظمه ليش التفرقه ..:sm4:

اسفه ع الاطاله بس في حاجات ماينسكت عنهااا
ودي للجميع :106:

[big hart]

للأسف مهما يسوون لقاء والله ماشوف شي تغير بكليتنا هي هي :mad:

انظمه زي الزفت وظلم بالدرجات وامن زي وجيههم :mad:

ماعليش كلام العميده فيه تحفظ وماخوذ خيره خلونا صريحين شوي :mad:

والله لو تبي لتغير انظمة الكليه في يوم لكنالحين ماعاد في احد يشتغل بذمه وضمير :(177):

متى بس نتخرج ونفتك منهم الله لايعودها من كليه :cool:

[معاني ورد]

كان ودي والله أحضر اللقاء :007:
بس ان شاء الله المرة الجاية :58545::biggrin:

ماراح أقول جامعتنا أحسن شئ ولا أسوأ شئ بس هي جامعة ناشئة ماصار لها الا 3 سنوات وأشوفهم مهتمين بالتطوير بس أهم شئ كطالبات لازم نلفت انتباههم عن أي تعدي على حقوق وأي شئ نرغب فيه من احتياجات للكلية. ولازم ما يعززوا فينا الجهل , شئ يقهر انه الطالبة ماعندها وعيي بس اللي يقهر أكثر انه ما في لها لوئح ارشادات أو حقوق , يعني اذا نكره ندق على أبواب المكاتب ونسأل , رجااااااااااء نبي كتيب ارشادات ولوائح وتعميمات تنحط بالموقع وتخص كليتنا مو بس الجامعة. مابي أسأل ايش المعدل المطلوب للدراسات العليا ولا أبي أسأل عن حقي في أي شئ يخص دراستي أبي كل شئ مكتوب وأعرفه من البداية.

وجزاكم الله خير لكل اللي وصلوا صوتنا :53::004::106:

قصة نسبة الرسوب والنجاح ما اقتنعت فيها برضوه :(269)::sm5:

[kadooj]

الأمن لايحق لهم تفتيش الطالبات الا اذا فيه شُبهه أو مشكله يعني حآله عويصه

العميده تقول بنفسها : [ لا أسمح بمعاملة طآلبآتي هكذا ]



:mad:

فتحت شنطتي واخذت جوالي وانا قسم بالله قاعده في امان الله اذاكر ,
ويوم قلت للمسؤله الي كتبت المخالفه عندها
تقول ( اصلا حتى الجوالات الي فيها كاميرا وشلتوها المفروض تأخذ حفاظا على شرفكم ) :mad:

يرحم امج امسكي البويات والي عليهم حركات واضحه ولا تنبشون بشناط البنات احسن لكم ..

واقسم لكم اني سألت الامن قالوا لي ( احنا مايحق لنا التفتيش الا اذا وصلنا بلاغ ان البنت عندها شي ) والحديث عن الامن يطوووووووول وماله نهايه ..

واصلا الامن يتلقون المعلومات والاوامر من رجال من الجامعه مو شركه ، والحين سمعت انه مديرهم حق الامن جديد عشان كذا في اشياء تتغير وساعة يخالفون البنات وساعه لا على الاشياء الي تصير ، يعني مرد الامن من الجامعه للجامعه ..
واتمنى بيوم من الايام اقدر اوصل للمسؤول عنهم واقوله كل شي يصير وانهم على ناس وناس ..


وفي اشياء وايد حنا ساكتين عليها وماكلين تبن، بس ربي يسهل وتسوي لقاء ثاني واقدر احضره واتكلم واقول الي بخاطري :mad:

[some 1]

وانا معااااااااااااااااااااااااااك:33_asmilies-com:

[انومة]

وش صار على تسجيل رمضان :lllolll:
صراحة سمعت من البنات اللقاء مايبشر بخير
انا لو ادري انو عادي اي بنت تحضر كان رزيت الفيس

[ѕαмт]

فتقول أنها رفعت خطاب ولكن لأن جميع جامعات المملكة يشملها صرف المكافأة لأربع سنوات فقط وهذا قرار من التعليم العالي لا علاقه لها به
نعم نعم
هي رفعت خطاب هه > حدي اصدقها هي متى تداوم عشان ترفع خطاب
ولا بعد رمتها على التعليم العالي يعني صدقني اني بذلك مجهود لأجلكم
تدرون ان التعليم العالي عادي بيصرفون إذا رفت الست مها بخطاب بأن الطالباات هم من المستحقين للمكافأه
إذا ذكرت اسباب وجيهه لبقائهم للسنه الخامسه
ثلاث ارباع البنات انظلموا بسبب اكتفاء الشعب وكان ردهم علينا مب مشكله السنه االجايه يبنات
وقلنا تهون سنه وصدقنا ان بناخذ حقوقنا زي غيرنا يمكن غيرنا كان عندهم اخفاق في بعض المواد فلو قطعوها هذا ماجنوه على انفسهم
والسنه ذي كاشخين بتحديد عدد الساعات بالمعدل طيب عادي خليها تاخذ الف ساعه مسوين ادرى بمصلحتها
طيب إذا على كذا السنه الجايه وإلي بعدها بيوصلون للسنه العاشره بعد ذا مب شغلها



تساءلن الطالبات أيضا" عن مساءلة الاساتذة في حال أن نسبة النجاح أو الرسوب عالية في مادة ما؟ ،، ولما يتم مساءلتهم ؟لربما كانت المادة سهلة وأنهم يتعمدون رسوب الطالبات وما إلى ذلك فنكرت هذا الامر وقالت أنها من حقها أن تسأل الاستاذ ما هي المبررات إذا كانت النسب عالية ولكنها ليس من حقها أن تجبر على فعل ما لا يقدر عليه أو لا يفضله وأنها لا تجبرهم ولا تتعمد رسوب الطالبات كما يشاع اقول في تصريح صرح فيه دكتور عندنا مابقول اسمه لأنه مجتهد ومخلص واعتقد بنات التاريخ عارفينه
قال في بنت تستحق تاخذ 30/30 بس القسم مابيرضى

والترم الماضي صرحت فيها الدكتوره نادية بس قالت مايهمني وبوقف بوجهم وهذا شي يرجع للاستاذه وطالباتها القسم مالهم دخل وبالفعل مارسب عندها إلا من كاانت تستحق الرسوب

بعدين ترى بنات الحدود الشماليه وتبوك وما جاورهم ياخذون مكافات بنات سنه خامسه > وحده تدرس هناك وتاخذ هل حل لهم وحرم علينا


الفصل الصيفي : وتذكر في هذا السياق أنها لا تستطيع إجبار أي عضو على التدريس في هذا الفصل ولأنها دائما ما تواجه مشاكل في هذا الفصل فالإمكانات تكون محدودة ولا تستطيع الجامعة استيعاب عدد كبير من الطالبات في الصيف , ولأن الطالبات أحيانا يضطرنا للإلغاء الصيفي لمادة معينه لقلة الطالبات فيها 10 من 50
فذلك يسبب له الحرج أمام الاستاذ الذي يقتطع إجازته ويتعطلعاد بذي 1000% كذابه
انا باالتاريخ وعندنا بالترم الاول مشكله رسوب 75% من طالبات الدكتور ناصر والسبب تحت قبعه ماندري
مع انه فيه عدد كبير من الطالبات كانت درجاتهم بمحصل اعمال السنه مرتفعه يعني لو حلت سؤال واحد بالمقالي نجحت فكيف لو هي حاله الاسئله كلها ومع ذا راسبه
فلو نزلوا صيفي في بنات اكثر من 80 ويمكن اكثر بعد بيسجلون الماده

اما حكاية احراج الاستاذ يحرام بتنحرج مها وهي اصلن مادرت عن هواء دارنا
هذا مب رد مقنع يا سيدتي بامكانك ادراجها بالترم الثاني إذا كانت من الترم الاول
اتوقع في حلول بديله من رد احراج > جربي تسوين استفتاء وبتلاقين وياليت هالاستفتاء يكون طوال الاسبوع مب يوم وخلاص زي حركتهم يوم الاثنين > قبل شهر < بالاصل هذاك اليوم اغلبيت البنات اوف

بخدمة الطالبات يوم الاحد والاثنين من 10-11 وانها دائما تتبع سياسة الباب المفتوح
اي صح الباب مفتوح بس وينها مها ماكو غير السكرتيره

معليش ماكان لها داعي تكلف على نفسها وتجي قطعتوا عليها نومتها
إلا كان سئلتوها وينها يوم الغبار يوم العالم كلها اجزت وهي توها تصدر الاجازه يوم داوموا البنات ومابقى على اختبارهم إلا 10 دقايق قاالت طلعوا البنات والغوا الاختبار >الساعه 9 ونص متصوين حجم هالمأساه
لو هي صدق عندها ذمة وضمر ومداومه زينا كان عذرناها وقلنا مب يدها
ووين يوم الغاز وينها


في شي ماناقشتوه .. االكفتيريا ..؟؟
لا تكون هي زي الامن تابعه لشركه ومالها دخل

اقول والله ماعندها ماعند جدتي عميده على الكرسي لا اكثر

كلمه قالها القذافي قبل مايموت ديموكراسي " اي ان مها تلقي اللوم على غيرها لتظل على الكرسي مهما كلفها الامر من سلب حقوق الطالبات "


عذار على إلي قلته لكن من الواقع لم يداهمه شي من الخيال


ان شاء الله نتخرج هالترم ونفتك

[J A M I L A H]

وياليت أن اللي قالي قالك ياجميلة!

وكآله يقولون مآتنتهي :wink:


بعدين آشوف اللحين آغلب كلآمكم بآنينه على قالت وسوت , لا تحكمون اذا ماشفتوا الشي :58545:


لتصحيح معلومتكم :


هي قالت الأمن له إداره مستقله مآقالت انا مو مسؤوله عنه !! ولا قالت له شركه لحاله !!

بس تعرفون موظفة الاستقبال اللي تلبس نظاره وشعرها اشقر قصير ؟ قالت اي شكوى جيبوها لي وانا اساعدكم بتوصيلها !!



نفس الشي المبنى , ماتطرقوا له ,



لأن طريقة الحوآر كيف ؟ العميده تنسئل وتجآوب ثم هي بنفسها تسئل المسؤوله قدامنآ , وش ردها او اضافتها !!


وهذولي وكثير من المسؤولات ماجاو حتى اللي حضر بيشوف كراسيهم فآضيه وعليها مكتوب آسآميهم


مع العلم , اني كنت بمكتب الارشاد وقتها


مسوين بطاقه دعوه كشخه وعليها اسم كل مسؤوله بالكليه !!



وموزعينها الى كل مكتب !



لكن للأسف محد حضر الا اللي فيه خير , أ.ميسون ود.عليا و د.سعآد



وبالنسبه للعميده نفسهآ :


قبل اللقاء بأسبوعين تقريبا


رآحت لها صديقتي من التآريخ بنفسها وقالت لها ليش الدكتوره الفلانيه تحط كل الاسئله محوره !!


انتو سياستكم تحطون اسئله لجميع المستويات [ سؤال دايركت , وبعدها الملتويه ]


وبنفس الوقت , كلمت رئيسة القسم وعادوا الاختبار !!





بنات آحنا نفسنا لازال الخوف مسيطر علينا

اذا تطورنا خل نطالبهم بالتطور :biggrin:



ترآي انا مثلكم تماما طالبه وأحسهم مآكلين حقي , بس آرفض طريقه التحدث بالخفاء !

[J A M I L A H]

كنت أظن أنه من المستحيلات السبعة أن بناتنا يكونون معها على كل تقصيرها الواضح




انا ماني مع احد , لما كنت هناك كنت اتكلم بصوتنا

وهنا اتكلم بصوت المناقشه !

حتى لو البني آدمي فآسسد ومنتهي , وفيه نيه تغيّر وتحسّن نعينه ولا نعآون ضده ؟


بعدين استناس على الخاص ولا فيس تو فيس :biggrin:

[big hart]

اقول والله ماعندها ماعند جدتي عميده على الكرسي لا اكثر

كلمه قالها القذافي قبل مايموت ديموكراسي " اي ان مها تلقي اللوم على غيرها لتظل على الكرسي مهما كلفها الامر من سلب حقوق الطالبات "


عذار على إلي قلته لكن من الواقع لم يداهمه شي من الخيال


ان شاء الله نتخرج هالترم ونفتك




لله دركـِ يافتاه

شوفي وانا اختس والله مافي كبير الا في اللي اكبر منه ..

حسبنا الله ونعم الوكيل على الظالم ..

[فك وافك]

السلام عليكم
اولا انا انقهرت لمن قريت الموضوع كيف اجتمعتو معها انقهرررت مادرينا ماجانا خبرر ولا كان والله لا اجلس معها وجها لوجه وعالطاولة المستديررة بعد
انا ما اخاف لامنها ولا من غييييييرها واذا لي حق باخذه
والله لو درييت كان حضررررت بخاطري كلااام كثييييييييييير
كيفت اجل تقولكم هذا مو مني من الشركة ولا من مسؤليين ولا مدري وش
ليييه اجل انتي عميدة على شنو ليش جالسة على هالكرسي
هذي جامعتج وانتي دكتورتها انتي اكثر وحده لها صلاحية بكللل شي
الشركة ماتوقع وتتعاقد الا معج او حتى بموافقتج ومن حقج تطلبين منهم ان مايصير اي شي الا بعد مايرجعون لج
اصلا احنا مانعرفج ولا نعرف حتى اسمج
وبعدين لما تقولين بابي مفتوح الاثنين من الساعه مدري كم
ترى احنا طالباتج ونعرف البير وغطاه جيناكم من السبت الى الاربعاء ومن الصبح الين نهاية الدوام ما اخذنا منكم الا الطرد والتهزيء
ولا شفنا شي بعد
وغير كذا نسجل عند دكتورات وتغيرونا على كيييفكم ليييه احنا لو نبي كان سجلنا عند غيره من اول
واذا الشعبه ممتلئة ليش تفتحون فيها مجال حددو العدد واغلقو الشعب مو نسجل وبالاخير تنقلونا وننصدم
واصلا الرسووووب شي مطللووووووووب من الدكاترة وفي وحدة دكتورة قطتها لنا كاش وعلى بلاطة
لييييييييييييييه يعني لو بناتكم بتسوون فيهم كذا
انا بصراحه اطالب بلقاء ثاني
واتمنى تعلنووون عنه ويكون قبل الاختبارات
وصدقوني اذا اعلنتو اتوقع كلية العلوم ماراح تكفي الطالبات من كثرهم بس انتو نزلو اعلان وشوفو
والله ما اطلع الين اخذ حقي وانشف ريقهم
وووبس :mad:

[فك وافك]

ѕαмт (http://www.ckfu.org/vb/u65172.html)
الله يسعدك
ويسلللم فمك على هالكلاااام

[صمت السكون]

لقاء جميل ياليتني حضرت
حسافه والله


هي فعلا راقيه العميده درستني الترم الاول


يارب تتغير الكليه للافضل
وتتقدم فعلا:(269):

[الضاميه]

* سالفة المكافأه , هذي طلعت من يدها إلى التعليم العالي , وفعلا كل جامعات المملكه نفس الطريقه 4 سنوآت وبس .


لا ماطلعت من يدها احنا بنات النظام القديم استلمنا بس 3سنوات باقي لنا سنة ومااستلمناها وطالبنا بحقنا ومحد رضى يسمعنا مع العلم ان بنات كلية العلوم نفس النظام واستلموا المكافاة الا احنا ليش ؟؟

حسبي الله على كل ظالم ..:Cry111: