فضفضة محاسب تكاليف ....؟؟؟

[فكر]

يا هووه انا حاسب حساب التكاليف = و كل المواقف حاسب تكلفتها
المسألة ما هي هياط وهذاريف = بعض العرب يا هوه وش مشكلتها
عروض التجارة بين ربح ومصاريف = وكل شجرة معروف ويش ثمرتها
إلا المحبة وضعها مهيل ومخيف = أهوى مجارها وأخاف حسرتها ...؟؟؟
مافيه قانون ٍ ولافيه تصنيف = قلوب النشاما بالفراق جمرتها
هذا و أنا شاعر محاسب تكاليف = إلا المحبة ما أحسب تكلفتها .


فـــــــــــــــــكـــــــــــــــــــــــر

[آبيات]

هههههه والله المحاسبة طلعت منك شاعر تكاليف :biggrin:

صح لسانكـ~~

[فكر]

ابيات شكرا لمرورك
والله قاعد اذاكر ونشبت لي مسألة في المحاسبة الادارية والتكاليف كان نتاجها تلك الابيات

يا أبيات مع فجر العنا جبت الابيات = شاعر وتالي الليل كدر مزاجه

تحياتي

[آبيات]

ابيات شكرا لمرورك
والله قاعد اذاكر ونشبت لي مسألة في المحاسبة الادارية والتكاليف كان نتاجها تلك الابيات

يا أبيات مع فجر العنا جبت الابيات = شاعر وتالي الليل كدر مزاجه

تحياتي

انا بصراحة كتبت قصيده مو ابيات عن معاناتي مع المذاكره :biggrin:

[توفي~]

//




الله يخللي المحاسبه دآمها بتفجر قرايحكم :tongue:


صح لسانك

[فكر]

يا توفي الدردشة توفي ولا توفي = اما دردش معي والا تدردشها

[miss bero]

:(107):

[غربة نفس]

:d5::d5:
روعه ..أبيات تحمل بطياتها الكثير :Looking_anim::biggrin:
زين اذا الدراسه حركت قريحتك الشعرية أجل تكفى كل أسبوع أمسك مادة بعد الأختبارات :biggrin::biggrin:

يسلمو ع هيك كلمات :rose:

[s7r]

صح لسانك
:rose:

[خطوتي لكـ حلم]

رووووعهـ طلعت المواهب الخفيه :lllolll:

الى الامااااام:d5:

[آبيات]

معناتي=معاناتي ههههه

[فكر]

هاتي القصيدة عن المعاناة مع المذاكرة

[آبيات]

هاتي القصيدة عن المعاناة مع المذاكرة

بعد الاختبارات ان شاء الله:biggrin:

[تشتيتي مركز]

ههههههههههه صراحه مبدع حاولت اجاريك :cheese: بس ما عندي سالفه ..



خذها بسهاله وبدون تكتيك
شريت بريال دجاجه وديك
وكرتون مليان اكل وفتافيت
وشبك وعمال ولمه تناتيف
كم ريال حسبه تكاليف :(107):
لا صار عندك عشره كتاكيت ..

[آبيات]

ههههههههههه صراحه مبدع حاولت اجاريك :cheese: بس ما عندي سالفه ..



خذها بسهاله وبدون تكتيك
شريت بريال دجاجه وديك
وكرتون مليان اكل وفتافيت
وشبك وعمال ولمه تناتيف
كم ريال حسبه تكاليف :(107):
لا صار عندك عشره كتاكيت ..

هههههههه والله طلعتي مو هينه يا تشتيتي مركز يجي منك واصلي كتاباتك:biggrin:

[بنت مكة]

الله يسعدكم أسعتدموني .. كل فصل لازم تتطلع ماده أو ثنتين تعكنن علينا .. تراه غثتي هذي المادة ..
صح لسانك أخي فكر . وبارك الله فيك ياآبيات .. ومحاوله جيده ياتشتيتي مركز ..
يالله أشوفكم على خير ..
مع موهبه جديده ..

[ابو عزام]

يا هووه انا حاسب حساب التكاليـف و كــل المـواقـف حـاســب تكلفـتـهـا

المسألـة مـا هـي هـيـاط وهـذاريـف بعـض العـرب يـا هـوه وش مشكلتهـا

عـروض التجـارة بيـن ربــح ومصـاريـف وكـل شجـرة معـروف ويــش ثمرتـهـا

إلا المحـبـة وضعـهـا مهـيـل ومخـيـف أهوى مجارها وأخاف حسرتها ...؟؟؟

مـافـيــه قــانــون ٍ ولافــيــه تـصـنـيـف قـلـوب النـشـامـا بـالـفـراق جمـرتـهـا

هـذا و أنـا شاعـر محـاسـب تكالـيـف إلا المحـبـة مــا أحـسـب تكلفـتـهـا .


فـــــــــــــــــكـــــــــــــــــــــــر




ياهيه يوم انك كشفت المظاريف - - - وهواجسك مشاعرك ماكتمتها

بين الدراسة والهوى لك مجاديف - - - تحتار مابين الرموز وصفتها

ادارة الاعمال ضد المواليف - - - كم عاشقاً يافكر قبلك نعتها

يومك محاسب عارف ٍ للمصاريف --- التكلفه وش فايدة تضحيتها

لاصار ماتعطي مشاعرك تكييف - - - جنب وخل العالم ونرفزتها

ترا المحبه ماتجي بالسواليف - - - مجهولة ٍ ماينعرف خاتمتها

لو يدري الملحم بكل التكاليف - - - ماهو بعارف يافكر تكلفتها

هذا كلام اللي يعرف التواصيف - - - ماهو كلام الجامعه ..وفلسفتها

شاعر رايق

[Miss Lambert]

والله و طلعتو شعراء و مالي خبر :biggrin:
الله يخلي المحاسبه :53:

[الاطلال 0]

من جد الله يجبر بخاطركم شعراء المحاسبه خففتو التوتر
طلب صغير ارساله على جوال الدكتور لمعرفته اثر الماده المحاسبه :d5::d5::d5:

[السوبر]

مشاركة بسيطه مع الشباب


ما كل علم يتهيا على الكيـف ... تسبق لذيذ الفواكه حنظلتها
لابد ماتدفـع رسوم التكاليـف ... وخسارتك لالا تحسب تكلفتها
واناعلومي تبخرت مع الصيـف ... ياليت فالميدان تهون اسألتها
والحب يافكر ابشرك ماشيـف ... والمسألة لعبه بيده او بيدها
من حب لابد انه يهل المذاريف ...سهران"ينطرها"وهي ساحبتها
والخاتمه حذرا ملونة الشفاييف ... والعافية تبي تذوق ثمرتها


وسلامتكم ,,


متوهق والله مع المحاسبة مدري اجيب مدرس وافهمها غصب والا اني ادخل الاختبارات بطريقه حقرا بقرا

الله يعين :(


:rose:

[ولد الحيدري]

صح محاسبه او غلطة صح تكاليف اوههههه صح محاسبة اوووووووووووووووووصبة قهوه بس

[عنب أخضر]

الادب المحاسبي في محاسبة التكاليف

طلع مواهب

واصلوا استمتعت بمشاركتكم

[فكر]

الأخوة الكرام سعدت جدا بتفاعلكم
آمل من الاخوة الشعراء وعلى رأسهم شاعر رايق الانضمام لحملة مطالبة الدكتور عدنان الملحم بتخفيف الاسئلة وهي عبارة عن حملة أدبية شعرية
كلا يعبر عن بما يستطيع بمكالبة الدكتور بتخفيف الاسئلة
وأنا سوف أبدئها في موضوع جديد بقصيدة موجهه للملحم بلسان الجميع للمطالبة بتخفيف صعوبة الاسئلة في محاسبة الادارية والتكاليف .
تقبلوا تحياتي جميعا

[بنت مكة]

محاوله جيده أخي الكريم إلا أنه رفعت الأقلام وجفت الصحف .. طبعت الأسئلة ووضعت في الملفات البنيه ..
ومع هذا لن نيأس من رحمة الله ..

[محمد بن عادل]

ههههههههههههههههههه

والله ابداع

الله يخلي لسانكم كلكم كلكم هع

[فكر]

أخوي محمد
شكرا على هذا المرور العطر
تقبل التحية

[صدى السراب]

من جد هالمادة كلها تجيب المرض
مدرى متى راح اخلص منها
مافيه مادة هبلت فينى غيرها :007:
يارب اخلص منها :Looking_anim:
و كل ترم لزم احملها معى :bawling:
يارب سهل علينا