من عقب ما شاب ودوه الكتاتيبي .......؟؟؟؟

[فكر]

من عقب ما شاب ودوه الكتاتيبي = عمري ثلاثين .... وعيوني شقاوية
يا شيب عيني ... ويا همي ... وطر جيبي = يا كبر هم الدراسة في السعودية
أهموم تدني علي وهموم تنحيبي = رسوم الدراسة كثير ...وراتبي لية ...؟؟؟
و غلاء المعيشة .. عذاب وزاد تعذيبي = رزق الوراعين راح أقساط شهرية
وشرهة بني عمي الغالين تحريبي = لزوم مدة ضعافي الربع عانية
وقطية العرس وضيوفي وترحيبي = هلا هلا بالنشاما نارنا حيه
وحقوق ( أم العيال ) اللي تهليبي = ليا جيت ضايق وسوتها فضاوية
حرام يرخص لها اللي داخل جيبي = لو كان راتب وزير حقول نفطيه ..؟؟
توي شباب ٍ وراسي ممتلي شيبي = يا الله لطفك بنا ملجى الرجاوية
من عقب ما أكتب غزل بأسلوب ترتيبي = بالجادل اللي مثل طلع النداوية
عيطا وسيعة عيون اسري ويسريبي = صوبه بصدق المشاعر نعجل الجيه
منتوقة العنق خشف الريم تدريبي = أهواه وأفز عجل أن حل طاريه
واليوم حالي شبيه ( معمر الليبي ) = زين القصايد تجي للحال مرثية ...؟؟؟
مصيبة لو دروا فيها معازيبي = ( أخوان نورة ) تجي الفزعات مثنية ...؟؟؟
طروق القصايد وزينات المكاتيبي = منهم نبي فزعة ٍ من ( ........... )
يا الله يا رب يا عالي المراقيبي = لطفك يا ملك الملوك و عالم النية


فـــكــــــر

[طيف الورود]

هههههههههه اضحكتن بها الوقت الصعيبي الله يسعدك:biggrin:
اجل وده الكتاتيبي هههههه وش لك بالشقاء الله يهدينا وياك
اقول افلح قم ذاكر لك كلمتين ينفعونك بذا الاختبارتي:cheese:
صح لسانك والله يخلي خوان نوره :58545:
يلا قم بالتوفيق وفالنا وفالك النجاح :53::53:
وبعد النجاح نبي قصيدتن تفرح القلب:(204):

[الطرف الخجول~]

شيبنا وش نسوي

يالله حسن الخاتمه هههههههههههههههههههه

واقولك طلب العلم من المهد للحد وانا اوخيتك كوح كوح :biggrin:

[ياميه وافتخر]

ههههههههههههههههههههه عجيبه القصيده

يا شيب عيني ... ويا همي ... وطر جيبي

من جد ياطرجيبي
الله يسعدك يااخوووي ووربي ضحكت من هالقصيده

الله يوفقنا ويسهل علينااا يااارب

[آسـfـف]

صح لسانك ولا هنت

قصيدة تدمع لها عين من يفهم ما بداخلها من معانات وهموم ...

فرج الله همك وهمي وهموم المسلمين آجمعين اللهم آمين

تحياتي لك

[الماسه الحساسه]

ياميه اخبارك بصراحه عجبني نكك وحبيت اسلم انا احب الياميه
وكنت حابه اسالك انتي باي منطقه انا بالشرقيه .

[روز طيبه]

وحقـوق ( أم العيـال ) اللـي تهليـبـي ليـا جيـت ضايـق وسوتهـا فضـاويـة


صح لسانك وربي ييسرها ان شاء الله
لقربت الاختبارات يطلع الشعر والفن كله :biggrin:

[فكر]

يا هلا شكرا لكم أيها الاخوة جميعا وأعذروني تراها كيبوردية
مروركم شرفني جميعا

[تشتيتي مركز]

مـــــن عــقـــب مـــــا شـــــاب ودوه الـكـتـاتـيـبـي
عــمـــري ثـلاثــيــن .... وعـيــونــي شــقــاويــة
يا شيب عيني ... ويا همي ... وطر جيبي
يــــا كــبـــر هـــــم الــدراســـة فـــــي الـسـعـوديــة



على الجرح صح لسانك ..

[ام جسوم]

الله يعينك يالعم يالله تهون انشاءلله وصح لسانك وقصيده تستاهل القراءه بصراااااااااااااااااحه:d5::d5::d5::d5::d5::d5::d5: :d5::d5:

[ياميه وافتخر]

ياميه اخبارك بصراحه عجبني نكك وحبيت اسلم انا احب الياميه
وكنت حابه اسالك انتي باي منطقه انا بالشرقيه .




هلا ياارووحي تشرفيني والله:060:
ايه ياروحي انا بالشرقيه وبخصوص بالجبيل :biggrin: