قصيده الوالده فــــــــــــي الوالد ...

[حيرهم شموخي]

قصيده الوالده فـــــــي الوالد الله يحفظهم ..
يارجل ياللي كل دارن مشيتيه ..
للطيب والله مامشت للحرامي ..
يسعى لدرب الطيب والرب هاديه ..
واليوم عند مجبرين العظامي ..
يالعين لاتبكين ربك يشافيه ..
ولابد ما يمشي على مايرامي ..
ابا الضعوف اللي تديره وترجيه ..
مثل الحمام اللي على العد ضامي ..
هذا يراجع به والاخر يداويه ..
لين استعدوا واطلعوا بالتمامي ..
وان جاء لزومن بين ربعه واهاليه ..
يطلع على حاجات ربعه شمامي ..
وعلى دروب الخير تسعى سوانيه ..
ليله ينام وليلتن ماينامي ..
يارب عودن كلنا نكتفي فيه ..
طير السعد ماهو طير النعامي ..
ناخذ بشوراته ونمشي مماشيه ..
ويالله ياللي كل مسلم يناجيه ..
يامبدلن ليل السهر بالسلامي ..
انت الذي كل التصاريف بيديه ..
يالله ياجابر كسير العظامي ..
يامسجل الحسنات سجل حسانيه ..
وعساه في يوم الحشر مايضامي ..
هذا جواب اللي يعزه ويغليه ..
يابو بدر عليك مني سلامي ..
الله يشفيك يالغالي . .
ابنتــكـ .. ســـاره الــروقـي

[ممدوح العبدالله]

جمال وعفوية وصدق التعبير
أضافوا بعداً آخر للقصيدة


صح لسانك

ونقول للوالد الله يشافيه ويعافيه
http://img03.arabsh.com/uploads/image/2012/05/10/0e35464b6df404.gif (http://arabsh.com)

ونسأله تعالى أن يشافي الوالد ويعافيه في كن فيكون
اللهم آمين

[حيرهم شموخي]

شاكره مرورك الاكثر من رائع ..
صح بدنك ..
الله يعطيك العافيه اخوي ممدوح :106:

[الصعب]

ارفع يديني وادعي الله يشافيه
وارسل مع الشطرين وافي سلامي

:

تحياتي

[حيرهم شموخي]

http://t2.gstatic.com/images?q=tbn:ANd9GcRwzzqm1iUNo3OVjFMAuWWCpYXWl6G8x JXfaM3p5Y1RNYL0X_5w

[شاعرك]

صح لسانها قصيده معبره ...


والله لا يغير عليهم ..


شكرا لك اختي

[حيرهم شموخي]

http://t1.gstatic.com/images?q=tbn:ANd9GcS7w2-ODSm3cxMNbhVSiK_t3EU5KHeZbE-RQt7zKMkNMUPpRHycOw

[حيرهم شموخي]

http://www.youtube.com/watch?v=tMWCQ-ygLfY

:004: بنت ابوي :004:

[حلم ملوك]

ابداع من صاحبة البداع تحياتي

[حيرهم شموخي]

http://t0.gstatic.com/images?q=tbn:ANd9GcScdZksl1fSZTQD8Q4qVxBphVDIumKE9 8h2Tdrr6sbnoNFi1TyZ

[معطـــــاب]

الله الله يابنت العم عز الله انه ابداع في ابداع وقصيدة قمة وشامخة كشموخ من نقلها .

والله يخلي لك ابوك ويشفيه ويقومه بالسلامة ومايشووف شر ان شاء الله ويخلي لك امك وهنا يكون الوفاء على اعز شموخه .. وما اجمل الوفاء بين اهله ..

عندي ملاحظة البيت التاسع فيه نقص ماجبتي الشطر المكمل ..


تحياتي ياساارة وطمنيني عن حالة الشايب


معطاب

[حيرهم شموخي]

هلابك
وشلوون فيه نقص
القصيده اخذتها من ماما وبسسرعه نقلتها
والحمد الله الوالد بخير
بس دعواتكم له
وان شششاء الله يطلع ويمشششي ..:004:

[معطـــــاب]

الحمد لله ودوم يارب والله يقومه بالسلامة

انا قصدي في شطر ناقص بين الابيات ذي

طير السعد ماهو طير النعامي ..
ناخذ بشوراته ونمشي مماشيه ..
ويالله ياللي كل مسلم يناجيه ..
يامبدلن ليل السهر بالسلامي ..


دمتي بود

[حيرهم شموخي]

والله اذا فيه نقص وانت شاعر كمل النقص
وانا اششوف انها كامله
..
:(107):

[معطـــــاب]

والله اذا فيه نقص وانت شاعر كمل النقص
وانا اششوف انها كامله
..
:(107):


هههههههه

طيب لاتدفين

اطلعي فوق وعدي ابيات القصيدة وسوف تتاكدين ان فيه نقص
ويمكن سقط منك وانتي تكتبين فقط فديتك للتنوية والا القصيدة لاغبار عليها يعلم الله ..

واذا تبين اكمل اكمل ماعندي مشكلة

[حيرهم شموخي]

كملها
ياويل قلبي ا نلحس مخي نفس الابيات اللي عندي
وفيك شطاره كملها
وانا بطس اذاكر :017:
بنت قبايل مير البلا حظي صلبي ..:Looking_anim:

[حيرهم شموخي]

يابوي جعلك للبقاوالمكاسيب

عمري بدونك يالذّرا ويش أبي به








يابوي تسأل عن شفاكالمراقيب

طلعة سواتك للنّوايف غريبه








ليه المرض مايعرف الزّين والعيب

مايدري انك للمخاليق هيبه !!










أبسألك وش به غزا وجهك الشيب

والقلب لايع والنواظر شحيبه








وش بك تحاتي لانوى الموت تغريب

تخشى علينا بالليّالي الكئيبه








خذ دلّتك واركى على مسند الجيب

وعطني شماغك بلثمه وأحتمي به








ونروّح لأرض ٍ بها العشب والطيب

وتسمع كلام ٍ يالغلا تحتفيبه








يابوي بنتك لاانحكى بالتّجاريب

كل ٍ يشق لهيبه الصّيت جيبه








يابوي ماني من سوات المخاريب

اللّي تجيب لعليَة القوم خيبه








وماني من اللّي لامشت حفّها الرّيب

أنا من اللّي مايدنّس حليبه








مرفوع شاني عن غرام المكاتيب

وأكبر من انّني أرتضيب الحبيبه








أنا غرامي لاابتدوا بالتّراحيب

نفوس الأوادم في وجودي رحيبه








وان كان زيني فتنة ٍللمصاويب

أحط وجهي بالحريق ولهيبه








زيني أبيعه وأشتري سمعه الطّيب

اسم ٍ ينومس بالصّروح الذ ّهيبه








وان كان عندي ( بالحلا) شي ٍاصعيب

عندي جدود ٍ مارضت بالغليبه








دموع القبايل في لقانا مساكيب

كن المقابر لاحضرنا قريبه








خضّبت لك كفّي من العزت خضيب

ورفعت راسي للنّجوم الصّعيبه








والله لأسدّك بالفعول المصاليب

والله لأشيلك بالرخاوالمصيبه








طلع المعالي ماانحكم للشّواريب

بنت ٍ وأناطح فارس القوم طيبه








وياشيخي إبشر لوتدور الدّواليب

بنتك إلا منّه عوى الذّيب ( ذيبه)



منقول للامانه:rose:

[حلم ملوك]

:d5: صح السانك ربي يشافيه ان شالله

[حيرهم شموخي]

صح بدنك .. :(204):

[معطـــــاب]

هلا اشوفك عصبتي طيب بوضح لك

البيت عاده يكون من شطرين حلو ..

مثال

طلع المعالي ماانحكم للشّواريب****بنت ٍ وأناطح فارس القوم طيبه

هذا يكون بيت حلوووو

في القصيدة فيه شطر ناقص يعني فيه بيت مو كامل

اتمنى اضحت الصورة

[معطـــــاب]

كملها
ياويل قلبي ا نلحس مخي نفس الابيات اللي عندي
وفيك شطاره كملها
وانا بطس اذاكر :017:
بنت قبايل مير البلا حظي صلبي ..:Looking_anim:

ههههههههههههه

طيب لايهمك بكملها وانسقها وتحت الخدمة

:bawling:

وش هالكلام مايصير

لاوربي ماحظك بصلبي فديتك ولاعاش من يخليه صلبي

[معطـــــاب]

قصيده الوالده فـــــــي الوالد الله يحفظهم ..



يارجل ياللي كل دارن مشيتيه =للطيب والله مامشت للحرامي
يسعى لدرب الطيب والرب هاديه =واليوم عند مجبرين العظامي
يالعين لاتبكين ربك يشافيه =ولابد ما يمشي على مايرامي
ابا الضعوف اللي تديره وترجيه =مثل الحمام اللي على العد ضامي
هذا يراجع به والاخر يداويه=لين استعدوا واطلعوا بالتمامي
وان جاء لزومن بين ربعه واهاليه =يطلع على حاجات ربعه شمامي
وعلى دروب الخير تسعى سوانيه=ليله ينام وليلتن ماينامي
يارب عودن كلنا نكتفي فيه=طير السعد ماهو طير النعامي
ناخذ بشوراته ونمشي مماشيه=رايه سديدً مع هل العرف سامي
ويالله ياللي كل مسلم يناجيه =يامبدلن ليل السهر بالسلامي
انت الذي كل التصاريف بيديه =يالله ياجابر كسير العظامي
يامسجل الحسنات سجل حسانيه =وعساه في يوم الحشر مايضامي
هذا جواب اللي يعزه ويغليه =يابو بدر عليك مني سلامي



:rose:

[حيرهم شموخي]

لا اله الا الله ..
معد ابي احط ششعر ..
بكل شششي احطه فيه نقص .. :007:

[معطـــــاب]

وش فيك النقص يحصل المرة ذي وان شاء الله المرات الجاية مايحصل

والكمال لله عز وجل ..

وانا اسف اذا ازعجتك

اللي كنت ابيه اوصل لك مكان النقص ويمكن طاح منك سهو وانتي تكتبين

اكرر اسفي

[حيرهم شموخي]

لا مافيه هالبيت تووني اسمعه ..

[معطـــــاب]

شفتي النقص !!!

[حيرهم شموخي]

لا ماششششفته ..
:007:

[معطـــــاب]

ههههههههههههههههههههههه


ناخذ بشوراته ونمشـي مماشيـه
رايه سديدً مع هل العرف سامـي

[حيرهم شموخي]

:007: :sm4:
ياربي ششششفته بس مو نفس كلام ماما .. :060:
خلاص سسكر ع الموضووع
بطس اذاكر :Looking_anim:

[معطـــــاب]

الغالية

انا يوم قلت لك القصيدة فيها شطر ناقص من شان التوضيح انتي قلتي كمله وكملته واصبحت القصيدة الان كاملة من اول حرف لاخر حرف ..

واذا بتعرفين النقص وين كان شيلي اللي كتبته ويتضح لك كلامي

وربي يوفقك

ودي :rose:

[حيرهم شموخي]

وضحت الصوره وش قالوا لك تنكه ولا سسطل ما افهم :icon120::019:
وشكرا ع لقافتك اللي مال امها داعي ..:cheese:
ذاكر لاتجيب العيد ..

[معطـــــاب]

لا حشى لاتنكة ولاسطل .

واسف اني تلقفت ..

:mad:

[حيرهم شموخي]

اسسسفه ياولد العـــــــــم :004:
بس نفسسسي بخششمي ومتضايقه احس اني ماذاكرت عدل ..
وربي يوووقفك ..
شاكره مرورك
http://t3.gstatic.com/images?q=tbn:ANd9GcTOuZcTH2YGD1wAidbJkehpnA9QyaqAT fXj0DAQqqd8oUcj0h3C

[سعيدان و عليان]

ونعم بأبو بدر وبأم بدر والله يوفقهم ويرحمهم برحمته ويرحم والدينا ويكون في عونهم


أشكرك يا سارة وصح لسان الوالدهـ وصحت أنامل ناقلها

[حيرهم شموخي]

ماعليك زووود :106:

http://t1.gstatic.com/images?q=tbn:ANd9GcSTheNPW677OkuKPI0ZGylg5c4bSSoeZ NdjcS5HrvAUsK_EgpRIaZhbPXpq5Q

[حيرهم شموخي]

http://www.youtube.com/watch?v=xgoXADIuCPA


:004::004:

[ېــگــڤــېــڼــے عــذأإآپــــے]

أحللللللللللللى والله .. وش هالحركات .. خالتي أم بدر .. شكله العشق لاعبه فيها لعب ..

سوسو الحمد لله على سلامة باباتك .. ترااااه سبع وبيقوم أن شاء الله ..

وخلي خالتي تكثر من هالأشعار جد أثر فيني هالشعر وحسيته طالع من قلب ..

ربي يخليهم لبعض ويبعد عنهم عيون أم ناصر جارتكم ..

[حيرهم شموخي]

ههههههههه الله يسسسعدك يابعد سسسبدي والله ..
يوووصل ياقلبي
ايوووه الله العششق قطع قلووب البشر ..
الله يسسلمك ياقلبوووو ..
وعن قريب بنزل الششعر اللي فيني .. لما شرفت ع هالدنيا:060:
والله ياخذ ام ناااااصر وتذلف من عندنا ياكرهي :017:
شاكره مرورك حبيبتي لبى قلبك :004:

[حيرهم شموخي]

:004: دعواتكم للوالد ..:004:

[عشق القصيد]

روعه ياسارونه :004:
مره تهبل
الله يخليهم لك يارب ويطول بااعمارهم يارب
> ترى مافيه لايكك :biggrin:

[أهَـذْريـبـكـْ]

صح الله لسآن آم بدر ..

ومايشوف شر ابو بدر إن شآء الله ..

والله يخليهم لك , آم بدر , وآبو بدر , وبدر ..

[حيرهم شموخي]

روعه ياسارونه :004:

مره تهبل
الله يخليهم لك يارب ويطول بااعمارهم يارب

> ترى مافيه لايكك :biggrin:


لبى قلبك والله ..
الله لايحرمني طلتك الحلوووه .:004:
امممممممممممين يارب ..

[حيرهم شموخي]

صح الله لسآن آم بدر ..


ومايشوف شر ابو بدر إن شآء الله ..

والله يخليهم لك , آم بدر , وآبو بدر , وبدر ..





صح لسسانك ماعليك زووود
الشر مايجيك ان ششاء الله ..
شاكره مرورك ..:rose:

[حيرهم شموخي]

:004::004:

[سلطان //]

قصيده رائعه والله يشفي الوالد

سلطان //

[حيرهم شموخي]

قصيده رائعه والله يشفي الوالد

سلطان //
امييين
يعطيك العافيه :004:

[حيرهم شموخي]

يابوي وان صحت باسمك تنتفض فيني العروق
عرق يحبك الثاني يحترمك والثالث يفتد بك

[حيرهم شموخي]

عسسساني اول من يرحل من اخواني واهلي واحبابي
فلا طاقه لي بفقدان احد :004:

[مجموعه انسان]

الله يرحمه

[حيرهم شموخي]

الله يرحمه



:Looking_anim:
ابوووي حي ماااتت
الله يحفظه :004:

[smartman1212]

صح لسآنهـَآ ، جميلة جداً تلك الأبيـآت ..
ربّي يطّول بعمرهـُم ويخليهـُم لكـ ذخـر ..

لكـِ أقحوآنـَة الربيـع . :rose:

[حيرهم شموخي]

http://alfrasha.com/up/1368432503285236906.gif

[حيرهم شموخي]

انا لو بلعب على الناس اعرف كيف العب لكن الذيب اللي رباني مارباني على افعال الكلاب ..:004:

[hussain A]

صح لسانها و الله يحفظهم و يطول بعمرهم
و يرزقك برهم و الاحسان اليهم
قصيدة جدا رائعة و معبرة ... شكرا لك اختي :rose:

[حيرهم شموخي]

صح لسانها و الله يحفظهم و يطول بعمرهم
و يرزقك برهم و الاحسان اليهم
قصيدة جدا رائعة و معبرة ... شكرا لك اختي :rose:

صح بدنك ياخووي
تسسلم على الدعووه الحلووه والله يحفظ اهلك من كل شر
:004:

[حيرهم شموخي]

سعـــــود :004: جنه بـــ لوون الابــــوه كـــ(ضحـــكـات المـــطر ) تبلل بالحب روحـــي أبـــــــي :004: وكـــــفى بــ ذلكك نعيـــما ..

[حيرهم شموخي]

http://www.youtube.com/watch?v=8HXaXLr4uIw&feature=related

الله يحفظك ياعزووتـــــي :004:

[الفراق الصعب]

وااااو ابدعت اميمتك :106::106:

بس ماقلتي لي اهي شااعره :064:

[حيرهم شموخي]

وااااو ابدعت اميمتك :106::106:

بس ماقلتي لي اهي شااعره :064:

يب شاعره وماهره كماااان بسسم عليها ماماا كل ماولدت سوت قصيده في اللي تجيبه :004:
فيه قصيده فيني وصف كامل بس ارسلها لك خاص ماراح انزلهاا :000:
وبابا شاعر بس ابووي عليه شطحات منحرف :biggrin:
الا انا مونشده :biggrin:
انششدلك :biggrin:

[الفراق الصعب]

ماشاء الله

الحين ابيها على المسن :oao:

اخاف امك وبوك يخلفوون اليسا :hahahahahah:

[حيرهم شموخي]

:oao:

[حيرهم شموخي]

الله لايقوله يخلفوون فنانه :eek:

[حيرهم شموخي]

http://t2.gstatic.com/images?q=tbn:ANd9GcQfEqkj6Mtzgm7FGEQsX25cGMc2MfCfz I994phZIbefRlA_p2MhVw

[حيرهم شموخي]

:004:
اللهم لك الحمد حتى ترضى