رأيكم في التدريب التطوعي ماهو !!

[فرحة العمر]

مساء الخيرات
سؤالي عن التدريب التطوعي
ما رأيكم فيه !!
طبعا لا راتب ولا وظيفه يمكن بعده على حسب التوفيق من الله ومزاج رئيس العمل
انا كلمت الحرس الوطني وقالوا لي في تدريب تطوعي ..
وايضا ارامكو فيه تدريب تطوعي
شنو رايكم في ا لتدريب التطوعي
.....................
ماهي السلبيات والايجابيات !!!

[super]

هلا فيك

تبي نصيحتي ..

تدرب .. حتى لو مافيه راتب ..

على الاقل تاخذ خبره في مجال عمل

واكيد راح تستفيد منها في يوم من الايام

يكفي انك تستغل وقتك بشي مفيد

والله يوفقك لعمل يغنيك بحلاله عن حرامه وبفضله عمن سواه

[Mo0_0ony]

...... طيب وين اماكن التدريب التطوعي للبنات ..... ؟

[ضمه حنونه]

والله ودي اشتغل تطوع عشان اخذ شهادة خبره
بس ماعرف وين تطوع للبنات
ابي يكون بالظهراااان ياليت اللي عنده فكره مايبخل علينااا

[ضحى]

انا عن نفسي اتمنى اتدرب تطوعي

بدون راتب احسن لي من الجلسه بدون شغل

اكسب خبرة وممكن يعجبهم شغلي ويوظفوني عندهم

بس وين الاماكن اللي ممكن نتدرب فيها تطوعي وتكون مناسبة لي


كـل الشكـر لـكـ

:

ضـ ح ـى

[avicenna]

كم عدد ساعات التدريب التطوعي (الدوام اليومي) هل نفس ساعات عمل الموظفين ؟؟؟

هل يكون فيه مشرف او مشرفة تستطيع الرجوع لها او لأ ؟؟؟

هل يكون لك مرضى تمسكيهم لحالك او ايش السالفة ؟؟؟

سمعت شي عن سالفة ان لازم روحة المديرية العامة ودفع مبلغ وقدره (يقال 800 ريال) وفيها السالفة انتظار هذا بالنسبة للمستشفيات الحكومية فما مدى صحة الكلام ؟؟؟؟ وهل جميع المستشفيات الحكومية تعمل بهذا ام هناك استثتاءات ؟؟؟

شكرا على اثارة الموضوع المهم جدا

تحياتي

اختكم

[فرحة العمر]

مساء الخير اخواتي واخواني ..

انا لمن اتصلت للحرس الوطني عشان التدريب الصيفي الخاص للطلاب الجامعيين
فكرت انه يكون لنا ايضا لمن تخرج يعني وخاصه ان ماكو راتب ..
المهم قلت لها في تدريب ثاني
قالت لي تطوع تقصدين !! قلت لها نعم
قالت لي : يوجد
وسألتها هل يتم توظيفي بعدها !!
قالت لي :: على حسب المجهود وايضا المكان الشاغر

وانتهت المكالمة
وايضا يوجد تدريب تطوعي في ارامكو
واغلب الشركات ايضا

لان تطوع من غير راتب يعني هم المستفيدين ايضا وانتم كذلك ...

المشكله في كلفة المواصلات العاليه
لو كنت في ا لظهران او الحرس
المشوار يكلفني الكثير ..
حظ جميل اتمناه لكم جميعا
ونسألكم الدعاء

[نجوته]

فروووحه ايش تقصدين في الحرس قصدك مستشفى الحرس؟
وأرامكوا كيف تطوعي يعني اكلم مين عشان الشغله هذي
ياريت تردين علي

[فرحة العمر]

ايه اختي اقصد مستشفى الحرس الوطني في الدمام
وعن ارامكو مادري والله تكلمي مين
بس اتصلي على ادارة التوظيف وقولي لهم
ماراح يردونك اصلا لانه تطوعي
والله يوفقكم

[نجوته]

مشكووووره قلبوو تسلمي

[avicenna]

مشكورة خيتو فرحة على المعلومات القيمة

انا اخذت فترة من امتيازي في ارامكوا ...بصراحة ما اقدر اعيد التجربة حاليا ...يمكن بعد خمس سنين او لمن يغيرون الستاف في قسمي يمكن اروح ....انا اشتغلت في الاين بايشنت اللي هو التنويم ومرة استنانست باعتبار اني احب التنويم اكثر من العيادات الخارجية....اجمالا بعيدا عن بعض المنغصات ..كانت تجربة ممتعة للغاية وما تقعدي فاضية وهذا ما احببته جدا في هذه التجربة

اختي نجوتة

اعتقد انش لازم تتصلي على career development ..للأسف ما عندي رقمهم ...بأشوف اذا كان موجود عندي وسط كومة الاوراق القديمة

طيب خيتو في التطوع يعطونا شهادة تثبت ان احنا اشتغلنا عندهم ؟؟؟؟ هل يعاملونا كالموظفين ؟؟؟؟

المشكلة الواحد يخاف يروح تطوع وبعدها يرموا كل الشغل عليه ويخلوه زي الشغال عندهم .... (يعني على الاقل نبغى نشوف اذا يعطوا شهادة عشان تنحسب لينا خبرة )...ومثل ما قلتي هو المشوار والمواصلات هي العائق في غالب الاحيان

موفقين جميعا

تقبلوا تحياتي

اختكم

[avicenna]

جبت لك اختي العزيزة ارقام الاتصال بأرامكوا من موقعهم على النت

http://www.saudiaramco.com/irj/servlet/prt/portal/prtroot/com.sap.portal.navigation.portallauncher.anonymous ?favlnk=%2FSaudiAramcoPublic%2Fdocsnav%2FJobs+and+ Careers%2FContact+us&ln=en

بتشوفين الاول عناوين الاتصال بخصوص الوظايف في كل فروعهم والايميل

والثاني لبرامج الصيف للطلاب

بالتوفيق لنا ولكم وللجميع يا رب

تحياتي

اختكم

[فرحة العمر]

الله يوفقكم اخواتي ..
مادري اذا في شهاده اولا
المشكله في المواصلات والنتيجه يمكن ما يكون في توظيف اصلا
وهو على كيفك تروحين اي يوم
ان شاء الله لو بس 3 ايام من اسمه تطوع على كيفك وهالكلام قالوا لي لمن سألتهم من زمااان

الله يوفقكم وتطلع لينا ولكم وظيفه دائمة فيها الخير والبركه
قولوا امين يارب العالمين

نسألكم الدعاء

[نجوته]

بنوتات انا لسع ماكلمتهم بس تتوقعون يقبلوني تطوع لاني انا خلصت جامعه والحين في البيت
يقبلوني؟ والا لازم اكون ادرس الحين؟؟؟
ردولي خبر ياقماري

[فرحة العمر]

يا مرحبا اختي
لا عادي التطوع ماكو مشكله تدرسين تخرجت حديثا او من زمن فرعون هههـ
عادي اختي
تطوع من اسمه
وفي تطوع في الصيف
وفي تدريب في الصيف
وهو يشمل الطلاب بالجامعه
ولكن التطوع مدار السنه ويشمل اي فئه
موفقه اختي ولاتسينا من الدعاء
وطمنينا عليك
واستعجلي بالطلب لان يمكن يكون زحمه في الصيف ..مع طلاب الجامعه والمدارس
وانت شنو تخصصك !!!!!!!!
موفقه الى كل خير

[نجوته]

هلا وغلا يالغاليه
انا تخصصي تغذيه وعلوم اطعمه
ومحتاره اكلمهم والا لا بس قبل لا اكلمهم ابي وحده جربت عشان تقولي فوائده واضراره

الله يوفقكم يارب ويسعدكم

لاتنسون تضعون تجاربكم انا في الانتظار

[m.s.i]

ياريت اللي تجرب التطوع بالصيف او التدريب ..

تعطينــا خبر ..

لو للسنه الجايه ..

[أميره بشموخي]

اييييه التدريب التطوعي اذكر وحده من صديقاتي قالت انها كلمت ارامكو على اساس تشتغل عندهم

سألتهم عن المعدل اللي يطلبونه وقالوا المعدل المطلوب وبعد قالوا مهم يكون عندك شهادة خبره..

وهذي ناخذها من التدريب التطوعي..يعني مفييييده حيييل..

ههههههههههه وعلى فكره احنا لسى باااقي على التخرج كثيير بس مستعجليين..

يعني اللي امتياز واللي مخلصين يلحقون في الإجازات على التطوعي منها اجر ومنها تكسبين خبره وشهاده..

بالتوفيق للجميع..

[مدريد]

انا اقترحوا عليي

بس اطلب قيمه البنزين من عند الوالد

قلنا خبره اوكي

لكن يستحوا شوي ويعطونا 2500 على الأقل

والتطوع المفروض بس في في الهيئه
هيئه الأمر بالمعروف

[أميره بشموخي]

ههههههههههههه

ليه بس التطوع المفروض في الهيئه؟؟ووش معنى يعني؟؟

بالعكس احنا ديننا دين سلام وتعاون..

مو مهمه الفلوس..

اهم شيء الأجر..

المفروض احنا اللي نحمد ربنا لأن السالفه فيها شهادة خبره..وش نبي أكثر من كذا؟؟

بالتوفيق للجميع..

:119:

[مدريد]

الهيئه مافيها تطوع

الدوله تصرف راتب

مو المفروض فيه تطوع

لو انا غلطان

[أميره بشموخي]

الهيئه هذا جهااز خير..

وفيه عاالم تشتغل فيه ..

يعني اكييد فيه منهم اللي مايبون الا الأجر وماتهمهم الفلووس وغيرها .. لكن لابد من الراتب لأنه يعتبر مجاال..ومن وين ياكلون الله يهديك..

هذا مجال عمل كااامل..له ادارات وله فروع وكل شيء..

التطوع يكون شيء زااايد عن الحاجه..واذا نبيه عشان الأجر بس..

:119:

لكن الهيئه احنا في امس الحاجه لها..

الله يوفقهم لما يحبه ويرضااه..