شرق الرياض

[Olay]

السلام عليكم

يا شباب لسي وصلتني رساله من الجامعه ( مرور الرياض قرر اغلاق طريق الملك فهد وخريص من 12 الى 11 مساء ) بخصوص القمه المنعقده


انا ساكن في الملز ومركز الاختبار عندي بشرق الرياض عند خريض بلازا

الي عنده طريق مختصر غير خريص يقولي لاني جديد على الرياض الله لا يحرمني منكم :tongue:

[جنوني ضحكته]

بصراحه انا ودي اوصف لك بس مااعرف متعوده اركب السياره واقول يمين يسار اما توصيف مااعرف:hhheeeart4:

[عادل السيف]

الله يعينك مالك إلأا أنك تطلع من بدري .. لأنه الطرق الرديفه لخريص والملك فهد كلها بتكون زحمه اليوم .. بسبب الإغلاق > عاد هي زحمة خلقه ههههه

لكن عندك طريق عمر بن عبدالعزيز ( مخرج 14 ) هذا يكون أقرب الشوارع الموازيه لخريص إبتداء من مخرج 13 إلى أن توصل للمكان اللي تبغاهـ .. وتقدر تنزل عليه من الملز دون الدخول في خريص والله يعينك على الزحمة ..

علماً أنو .. الشارع اللي يوصلك لخريص بلازا ويتقاطع مع عمر بن عبدالعزيز هو شارع المعارض ( عبدالرحمن الغافقي )


بالتوفيق لك ورحلة ممتعه :biggrin:

[Abdullah 18]

نصيحه خذ لك تكسي تراهم شياطين ويدلون كل شي
على الاقل لو وقف الشارع يمدك تنزل تكمل كعابي <<متاثر بالافلام كثير
الله يوفقكم يا رب

[ابراهيم الدهمشي]

يمديك أختي مشي او عن طريق المروحيه
الله يعينك
بالتوفيق

[إستكنآن]

توني طالع من الدوام و خريص يمشي و وضعه في السليم