طلاب جامعة الملك فيصل ..موظف سرب الاسئلة والجامعة عاقبتنا بدلاً منه (صحيفة صدى الإلكترونية)

[احمد..؟؟]

هدد طلاب جامعة الملك فيصل بتنظيم تجمع امام الجامعة للمطالبة بالغاء القرار القاضي بالغاء نتيجة أختبار مادة المحاسبة “2″ واختبار مادة اللغة الإنجليزية، كانت الجامعة إجرتهما أمس الأحد لطلبة كليتي التربية والإدارة، بعد أن اوضح عميد التعليم الإلكتروني والتعليم عن بعد بالجامعة الدكتور عبد الله النجار في تصريحات صحفية إلى ثبوت واقعة تسريب في أسئلة هذين الاختبارين من أحد مراكز الاختبارات.

وكان مصدر خاص بـ "صدى" افاد بأن أحد الموظفين الذي يعمل مراقب للأختبارات قام بتسريب أسئلة الامتحان قبل نصف ساعة من موعد بدء دخول الطلاب لقاعات الاختبار ، وهو الأمر الذي أثار حفيظة الطلاب في ان يحملوا مسؤولية استهتار موظف خان الامانة المؤكلة اليه وتسبب في اصدار قرار من ادارة الجامعة بالغاء نتيجة أختبار مادة المحاسبة “2″ واختبار مادة اللغة الإنجليزية دون أن يكون لهم يد في القضية ، مطالبين بمعاقبة المتسبب في عملية التسريب بدلاً من معاقبتهم على ذنب لم يقترفوه .

وأكد عدد من الطلاب ممن التقتهم "صدى" بأن ادارة الجامعة ضربة بمصلحة الطلاب عرض الحائط ، مضيفين بأن لو في حالة أن الطلاب شكوا من صعوبة اسئلة الاختبار فهل كانت ادارة الجامعة ستقدم على اعادة الاختبار !..فكيف بها وهى تحملهم ذنب احد موظفيها !..

وناشد عدد من الطلاب معالى وزير التعليم العالي بسرعة التدخل ضد قرار الجامعة والذي اعتبروه تعسفياً ، وانصافهم بعد أن حملتهم الجامعة وزر موظف خان امانته وهو الذي كان من المفترض معاقبته بدلاً من الطلاب .


http://www.slaati.com/inf/news-action-show-id-37989.htm

[الـنـادر]

حسبي اللله ونعم الوكيل

[العدواني]

نطالب بإسقاط القرار ومحاسبة المُخطي ..
صورة مع التحيه لوزارة النعليم العالي ..

[Rza]

الله يهدي اللي سبب هالربكة بين الجامعة والطلاب

[العدواني]

يا إدارة الجامعه قسماً بالله الوقت غلط
محنا قادرين نركز في بقية الإمتحانات
مافيه أحد يملك الجرأة ويصرح بإلغاء القرار ونكمل مذاكرة المواد اللي علينا
حسووووووووووووووووووووووووو فينا
حسبي الله على من كان السبب ..

[.. JoOoOoDiy ..]

:Cry111::Cry111:

[تشافي هارنانديز]

ليتها مكتوبه بجريده سبق لان هي الكل اللي يطلع عليها لان لها صيت وشعبيه ومعروفه

[معشي الجن]

:hhheeeart4:

[اوركيندا]

يالله يمكن تكون اسهل

[m a h a]

وش سالفه الجامعه هالسمستر :sm18:

[اول حلمي علمي]

احد يفهمني اي تخصص واي مستوى و على الجميع:sm12:

[اول حلمي علمي]

ما خلصنا من القصص :53: اصلا بعض المرقبين مو كفا انا ما قدرت اختبر ولا اركز من الطالبه الي دخلت في القاعه وسولفت مع المرقبه والضحيه احنا

[s000ms]

لو شكينا وقلنا الاساله صعبه راح يعدونها؟ طبعا لا شلون يعدونها وشلون ينظمون الجدول وشلون يمديهم بكتابة الاساله وشلون وشلون وشلون ............... . بس لان هم يبون كل شي راح يصير جامعتنا :(177):

[صدى الهمس]

الله يكوون بعووونكم

[احلى جوريه]

قلبي معاكم والله:sm1: الله يعينكم

[عادل ال يحيى]

نطالب بإسقاط القرار ومحاسبة المُخطي ..
صورة مع التحيه لوزارة التعليم العالي ..

هذا اللي مفروض يصير احنا مالنا ذنب ف الاعاده

[انامــل نـاعمه]

الله ينصفكم وياخذ حق كل مظلوم يارب عليكم بالدعاء إن شاءالله مايخيب ظنكم:sm1:

[احمد..؟؟]

الله يوفق الجميع

[انون]

احنا ماااااااااااالنا دخل فيييي هذا الشيي

هذا من رقابتهم الفااااشله والموووظفيين اللي افششل من كذاااااا


انا ماعمرري شفت زي كذاااا

ولوووووو ان كل شي رسسمي ليه مايحطونا بمقررر جامعه

لييه مايجيبون موظفين من الجامعه يشرفون عليننااا


لييه ولييييه ولييه



نجي للي تسرربت الاساله

انا بصراحه ماشفت اي شي من (( تسرربت اساله هالسنه ))

احد يقدر يقولي وييين هالاساله اللي تسرربت اقصد حقت هالسنه

يعنييي احنا مالنا ذنب احنا ماشششفنا اي تسررب بالاساله

ششفنا ااساله العام وهذاا مووو اسمه تسررب لانه لا هو نفسسس يوم الاختبارر ولا



وحتى لو تسسرربت تحصصل بجامعااات كبيررررره وتتسررررب ماشوف عادو لهم اي اختبارررر



انا عندي اختباررر نفس اليوم يعنيي حتى لو كان فترره ثانيه

اخرر يوم والمااده حييل صعبه وش هذااا وربي شيييي يقهر ويحرر القلب

ابد ماتووقعت انحط بهالمووووقفففف


حسبيييي الله ونعم الوكيييييل
حبي الله ونعم الووكييل


الى متى ي جامعه الملك فييصلل؟؟؟؟؟؟؟

[أبــــو آســــر]

أحمد لن رضى بالقرارات التعسفية ,,, وأنا ضد القرار

[amal badr]

الله المستعان

[أبــــو آســــر]

آمل من الجميع شرح معاناتكم
وتحديد موقفكم من القرار

[احمد..؟؟]

اتوقع ان الجامعة قررت وخلصت راح يعاد الاختبار

[أبــــو آســــر]

أحمد ما فيه شي بالقوة هناك إدارات عليا وجهات أخرى تنظر في القرارات

[سلما ن11]

من قالك قبل الامتحان بنصف ساعه الاسئله مع بعض الطلبه الذين عندهم معارف وواسطاة

معهم من الصباح ياحبيبي انا عرفت بلخبرعلي صلاة الظهر ولككن لم ادق الخبر

لان كانت عندي ثقه بلجامعة انها لاتفرق بين الطلبه

والان من عنده واسطه او قرابه في الجامعه يبقي ومن ليس لديه فل يذهب والله يعه

ولكن نطلب نتعدية الطلبه من هذا المواد للذي يجتاج اقل من خمس عشرة درجه

هذا اذا ارادة الجامعه العدل للطلاب

ياعمي تعال شوف المراقبين يغششون بعض الطلبه عيني عينك طبعآ الذين يقربون لهم
وحنا ولااحد يتكلم اذا تكلم سحبت ورقته

[zez]

اقولكم معلومة مهمة

اولا انا مالي اي دخل في اعادة الاختبار لاني مستوى ثالث المهم المعلومة وهي ممنوع اعادة اي اختبار بعد تسليم اوراق الاجابة بعد حلها يعني نظاما مايصير الخطا خطا الجامعة فقط عاد انتم كيفكم

[أبــــو آســــر]

اقولكم معلومة مهمة

اولا انا مالي اي دخل في اعادة الاختبار لاني مستوى ثالث المهم المعلومة وهي ممنوع اعادة اي اختبار بعد تسليم اوراق الاجابة بعد حلها يعني نظاما مايصير الخطا خطا الجامعة فقط عاد انتم كيفكم

خيره قل الحمد لله ,,, ولا كان صابك ما جراء لنا

[ام فلوة]

بصراحه سخيفين ما له داعي اعاده :139::139::139:

[أبــــو آســــر]

من قالك قبل الامتحان بنصف ساعه الاسئله مع بعض الطلبه الذين عندهم معارف وواسطاة

معهم من الصباح ياحبيبي انا عرفت بلخبرعلي صلاة الظهر ولككن لم ادق الخبر

لان كانت عندي ثقه بلجامعة انها لاتفرق بين الطلبه

والان من عنده واسطه او قرابه في الجامعه يبقي ومن ليس لديه فل يذهب والله يعه

ولكن نطلب نتعدية الطلبه من هذا المواد للذي يجتاج اقل من خمس عشرة درجه

هذا اذا ارادة الجامعه العدل للطلاب

ياعمي تعال شوف المراقبين يغششون بعض الطلبه عيني عينك طبعآ الذين يقربون لهم
وحنا ولااحد يتكلم اذا تكلم سحبت ورقته

إذا كان كذلك فمن المفترض أن دكتور المادة جاهز با أسئلة بديله للأساسية لمعالجة مثل هذي المواقف

[احمد..؟؟]

مثل ماقلت مأتوقع راح يتغير القرار راح يعاد الاختبار

http://img04.arabsh.com/uploads/image/2012/05/16/0e35424b62f505.png

[أبــــو آســــر]

انا ما راح أحضر وإذا لم تحسب درجتي سيتم اللجواء الى الإدارات العليا
واللي متضررين أكيد ما راح يحضرون

[احمد..؟؟]

الله يكتب الي فيه الخير

[بيآض]

الله يعينكم ويساعدكم :106:

[احمد..؟؟]

امين ويعين الجميع

[jo0ojo0o_2]

الله الله وصلت صدى:71::(204):
مايضيع حق وراه مطالب
عساكم على القوه الله معاكم
وحسبي الله على من كان السبب
وش استفاد الحين كل الطلاب يدعون عليه
اول شي سرب عشان يغشش
من غشنا فليس منا
يعني شوف كم واحد ساعده بالغش اخذ اثم واثم من غششه
وبذمته ذنب العالم اللي بسبته تعاقبوا
:sm4:بغاها طرب صارت له نشب :(177):

[nev]

قرار عادل

وانا انبسطت اعادة الاختبار محاسبة 2 لاني ما قدمت زين والاسئلة صعبه:Cry111::33_asmilies-com:

حرام الي اخذوا الاسئلة ياخذون درجة زينه والي ذاكر وتعب ينظلم

ربي يوفقنا

واشكر الجامعة على الاعادة

بس تكون الاسئلة سهلة مو انتقام:hhheeeart4::139:

[jo0ojo0o_2]

^
انحاااش قبل لا يكوفنونك هههههههههههههههههههههههههههههههههههههههههههههههههه ه:hahahahahah:

[بلاك بورد مقفل]

جامعه ماتدري وين الله حاطها

اذكركم القرار بيلغى

[chanil]

الله يستر

[عبدالله عويد]

اقولكم معلومة مهمة

اولا انا مالي اي دخل في اعادة الاختبار لاني مستوى ثالث المهم المعلومة وهي ممنوع اعادة اي اختبار بعد تسليم اوراق الاجابة بعد حلها يعني نظاما مايصير الخطا خطا الجامعة فقط عاد انتم كيفكم


الله يعطيك العافيه هذه الصحيح لاكن الطلاب انفسهم هم الي بيخربون على انفسهم
حيث لو انهم كلهم مايحضرون هالاختبار وش تقدر تسوي الجامعه ؟
ولا شي الا اعتماد درجات الاختبار الاول !

[مـاعندي سـالفة]

الله يعطيك العافيه هذه الصحيح لاكن الطلاب انفسهم هم الي بيخربون على انفسهم

حيث لو انهم كلهم مايحضرون هالاختبار وش تقدر تسوي الجامعه ؟

ولا شي الا اعتماد درجات الاختبار الاول !



تصدق ياخوي عبدالله
تفاجأت امس وانا في الاختبار
ان الغالبيه مرتاحين ومبسوطين من القرار ويدعون للنجار
طبعاً السبب ان اختبار المحاسبة كان صعب جداً

ولا تنسى ان الطلاب فوق 60 الف
يعني كل المنتدى اللي هنا ما يمثلون لوا 10 % من نسبة الطلاب
فـ وين يجتمعون على كلمة
وفي ناس اصلا مرتاحة ومنم من قدم شكوى على الاختبار وانه صعب

ربي يوفقك

[معطـــــاب]

نطالب بإسقاط القرار التعسفي والجحيمي ..
صورة مع التحيه لوزارة النعليم العالي ..

همسه لمن اتخذ القرار خاف الله في الطلاب اللي ظلمتهم بقرارك الباطل ..:Cry111:

[abu sami]

مع نفسهم الجامعه :017:

[ناردين 1]

حمد لله والشكر وخير يعني تسربت الاسئلة نهاية العالم مايكفي اننا قاعدين في عطالة وبطالة المفروض ينجحونا على الدراهم اللي ندفعها لهم وبلاك بورد عطلان ولغيرهم نت وملازم وغيرة على الاقل يكون مافي رسوب دام مافي معدل حلو
وبعدين طريقتهم هاذي تثبت انهم جامعة فاشلة المفروض تكتموا على الخبر
لو انا مكانهم عادي جدا خايفيين على كراسيهم مايبونا نصير معهم في يوم من الايام
وجهة نظر وموفقين:106:

[ناردين 1]

الله يعطيك العافيه هذه الصحيح لاكن الطلاب انفسهم هم الي بيخربون على انفسهم

حيث لو انهم كلهم مايحضرون هالاختبار وش تقدر تسوي الجامعه ؟

ولا شي الا اعتماد درجات الاختبار الاول !


وش دراك؟ يمكن تعتمد الرسوب للجميع!!

[ناردين 1]

لاحد يمدح جامعة الامام انا جربتها وانتظام بعد!! وصديقاتي جربوبها معي انتظام وانتساب فاشلة في جميع النواحي
حتى طاقم التدريس رجال نساء الا نادر جدا وينعدون على الاصابع
والتدريس والاسئلة والمباني والموظفات والجدوال والرسوب الكبير والظلم المنتشر اجل ينزل طالبة حرمان عشان سبب سخيف وتافة وكلللللللللللللللللل شيييييييييييييييييييييي اة بس تذكرت سنوات مريرة راحت على الفاضي
الزين هنا انكم تضمنون ال 30 درجة بضغطة زر وشوية وقت
وترى انا ماادافع ولاشي ومعتذرة هذا التيرم بس حبيت اشارك مشاركة وجدانية
موفقين جميعا اخواني واخواتي

[احمد..؟؟]

الله يوفق الجميع :rose::rose:

[Ŝǎ7ąβ]

الحين اذا الموظف سرّب الأسئلة وش ذنب الطلاب المساكين ؟!!

أتمنى يكون فيه حل عآدل والله حرام يروح تعبهم هباء منثورا ...!!

[احمد..؟؟]

ع كلامهم من باب العدل اعادة الاختبار على الجميع

[Ŝǎ7ąβ]

هو من باب العدل يعاد الاختبار عشان اللي غاش يتساوى مع اللي مو غاش

بس الخوف لو يصعّبون الأسئلة والشر يعم على الجميع

الله يوفق أخواننا وأخواتنا في التربية والادارة ..،

[احمد..؟؟]

النقطه الأولى

امكانية تأجيل الأختبار للمستويات القادمه ووضع ذلك اختياري

الأختبار اجباري على الجميع ولكن كل من لديه عذر يستطيع رفعه لنا وسوف يتم قبول الأعذار التي يتم اثباتها لأي سبب كان ,مراعاة لهم ووضع ذلك في عين الأعتبار عن غيره من الأعذار المقدمه للأختبارات الأخرى
فكل من لديه عذر لايستطيع الأختبار يستطيع تقديم عذره .
وهذا وجدناه خطوه ايجابيه بدلا من التأجيل وتعديل الخطط الدراسيه والتأثير على المعدلات ومسار الطالب في الجامعه




النقطه الثانيه
كل من لديه سفر ومرتبط بحجوزات وينتقل من مدينه الى اخرى

وافق العميد على ان يكون الأختبار في جميع المراكز وعددها 130 مركز اختبار
بغض النظر عن مركز الأختبار المسجل للطالب من باب التسهيل
فيستطيع اي طالب منكم الأختبار في اي موقع يريد
فمثلا شخص مركز اختباره في الرياض وسوف يسافر الى جده يختبر في جده الأختبار المعاد
وهذه خطوه ايجابيه تخدم الكثير



النقطه الثالثه
الموضفين والأجازات الممنوحه لهم حسب الجداول المقدمه

وافق العميد على تعديل الجداول من يوم غدٍ وسوف يكون هناك يوم اضافي بالجدول مثبت يستطيع كل موضف تقديمه لجهة عمله .



النقطه الرابعه
مستوى الأختبار ومدى التخفيف عليهم في وضع الأسئله

سوف يكون هناك مراعاه من الجامعه لهذه النقطه وسوف يكون الأختبار مرضي للجميع .






هذه النقاط تم مناقشة المسؤلين بالجامعه فيها وقد كان هناك اهتمام بالمطالبات ومحاولة ارضاء الجميع . مع العلم بأن الجامعه قررت اعادة الأختبار وفق اللوائح والأنظمه التي تنص على ذلك في حال حدوث مثل هذه المشكله .


اخواني وأخواتي

الجامعه تبذل الكثير من الخدمات وهناك اشخاص يعملون على مدار الساعه , وقد رأيت ذلك بنفسي في زيارتي للجامعه ليس هناك كمال في اي نظام ماعدا النظام الألهي , وكل الأنظمه لها ثغرات ونقص , ولكن الجامعه تقوم بمحاولة ارضاء الجميع وفق انظمه وضعتها الدوله ممثله في وزارة التعليم العالي والجامعه جهه تنفيذيه فقط .

كل الشكر لعمادة الجامعه على تقبلهم مطالبنا ومحاولة ارضاء الجميع
كل الشكر للطلاب والطالبات الذين نرى في ردودهم وكلامهم مايشجعنا على بذل المزيد من الجهد لهم .


وفقنا الله وأياكم لما يحب ويرضى



تحياتي لكم

ابوفهد