انا بحول لجامعة الامام والا لجامعة الملك عبدالعزيز

[ذرب المعاني]

السلام عليكم ..!



كنت اظن وكنت اظن
ولكن..!
خاب ظني

ان شاء الله راح احاول احول لاحد الجامعات التي تفرض احترامها على الطالب وتعمل بعيداً عن العشوائيه .

شكرا للملكتنا الغاليه لإتاحة الفرصه لنا بأكمال تعليمنا العالي .
وشكراً لكل دكتور فرض احترامه علينا وحس بظروفنا التي اجبرتنا على الانظمام لبرنامج التعليم عن بعد .
وشكرا لكل من ساهم او حاولا ان يمد يد العون لنا من اخواني واخواتي والذين سعوا لتنظم المساعده وطرق ايصالها لنا.

احتراماتي لمن يستحق الاحترام

[فارس740]

استخير يارجال ترى الي بديته مو بسيط ولا عليك من بعض ..... الي مايخافون الله وحنا عرفنا ليه هو يسوي كذآ بس شكلي ببحث عنه زين :33_asmilies-com:

[Riyad Farhan]

السلام عليكم ..!




كنت اظن وكنت اظن
ولكن..!
خاب ظني

ان شاء الله راح احاول احول لاحد الجامعات التي تفرض احترامها على الطالب وتعمل بعيداً عن العشوائيه .

شكرا للملكتنا الغاليه لإتاحة الفرصه لنا بأكمال تعليمنا العالي .
وشكراً لكل دكتور فرض احترامه علينا وحس بظروفنا التي اجبرتنا على الانتظام لبرنامج التعليم عن بعد .
وشكرا لكل من ساهم او حاولا ان يمد يد العون لنا من اخواني .

احتراماتي لمن يستحق الاحترام



السلام عليكم أخوي...

ما تحس انك استعجلت الحكم علي الجامعه...شي طبيعي اللي قاعد يحصل الححين في الجامعه من مشاكل نظام اول مرة يطبق والاخطاء واردة...

وعلى طووووول خلاص بتحول الى جامعه ثانية وتبدأ من جديد انت الان مستوى ثالث فكر شوي واحسبها صح التحويل الى جامعه ثانية مضيعه للوقت ولا راح يحل المشكلة...


عموما فكر والامر في الاخير راجع لك ....


اتمنى لك التوفيق,,,

[حبروك]

سجل واحد نفر معك :10111:

[كارمن]

اثبت وخلك قد التحدي

والله ان الصعوبات اللي لاقيناها من جامعتنا الموقرة مايعلم فيها الا رب العالمين

ومع ذلك صامدوووووووووون امام كل العقبات

ونااااااوين باذن الله ع التخرج وخلك معنا نفرح سوا

تعوذ من ابليس وروح قابل دروسك

ماباقي شي على الاختبار الجاي

وبعدين وصلت نص المشوار ولاااااازم تكمله


واترك جامعه الامام او جامعه الملك عبد العزيز للماجستير :oao:


يالله لملم اوراقك واتكل على الله وابدأ المذاكرة - ولا نبغى نشوف هالاحباط مرة ثانيه


ايام وتجي الاجازة وترتفع المعنويات من جديد. :sm5:

[ذرب المعاني]

تسلمون يالغالين كلامكم قمة المنطق
بس ان شاء الله انهم يعادلون المواد الي انا درستها هنا وراح اكمل بنفس التخصص

عشره من الي اعرفهم كنسلوا طلبات تسجيل من عند جامعة الملك فيصل
وانا الي اجبرتهم على هالشي بس ان شاء الله راح يدعون لي
...

واتمنى من مراقبين الملتقى ما يقفلون المواضيع الي فيها حق لنا
واذا المكان غير مناسب ينقلونها للقسم المناسب
الا اذا ماعندهم حرية رأي او لهم علاقات خاصه بالجامعه .

[عنب أخضر]

:rose:استخـــــير

[عنب أخضر]

اضافة بسيطة

الدراسة الجامعية
تحتاج صبر وطول بال
ولا تتوقع ان الطريق
في الجامعات الاخرى
سيكون مفروش بالورود

[تركي بن سعيد]

بصراحه نغس التفكير ونفس الخطه وعلى فكره 2 من اصحابي غيرت فكرتهم باللاتحاق بجامعة فيصل وراحو يسجلون في جامعة عبدالعزيز والسبه تخبط نظام جامعتنا الموقره

[ذرب المعاني]

فرش الشوك وكرامتنا محفوظه
ولا فرش الورد الي يمرمطنا بأخطاء غيرنا

شف اقسم بالله العلي العظيم اني مادريت عن تسرب اسئله
الا من موضوع الاعاده للاختبار من الملتقى هذا .

بس فيه شي بهالجامعه وراح يتبين لكم بعدين واذكركم ..!

[سعد 2011]

راح يتقرر بعد نتائج هالترم وخصوصا الاحصاء

[بو فروحه]

نفس التفكير
خصوصا بعد مانتشر الخبر في الجرايد عن تخبط رقابة عميد التعليم وانظمته الخرافيه للطالب الطموح
بس اعتقد انهم شافونا شياب يبون يطلعون العباقره منا:139:

[الطرف الخجول~]

مو حل اخوي ذرب انك تحول

وكل مكان راح تلاقي فيه من المعاناه اللي تكرهك حياتك

وانت وصلت نص الطريق ومرت سنه ونص خلاص كمل والله بيعينك ويعينا

اتمنى تعدل عن قرارك
والاخوه كمان اللي فكرو نفس تفكيرك

[mkmk]

عطهم فرصة اخيرة

[ابن الرياض]

سجل نفر ثاني
والاخوه المعارضين ع الفكره اسألوا الطلاب اللي بالجامعتين الاخريين وتعرفون الفرق,

ترا كلها انتساب يعني مهما صعبوها وعقدوها ماراح يكتب بالشهاده الا انك خريج انتساب سواء انك شاهدة المحاضرات او شاركت بالمناقشات او حليت واجبات
اخر شي تجيك اسئله(استفزازيه)

[أبــــو آســــر]

الأخوة المتضررين وما بيحضرون الأختبار آمل تشريفنا في المنتدى العام كي نكون يداً واحدة
http://www.ckfu.org/vb/showthread.php?t=332254 (http://www.ckfu.org/vb/t332254.html)

[ايفون وردي]

نفس التفكير
بس بحسبها صح قبل لا اقدم علي اي خطوه
لو هي على هالترم نمشيها >> الترم الجاي ان الله احيانا ورانا النجار >> واللي بعده نقود وبنوك >> واالي بعده ترقبوه سبرايز
وكلنا سمعنا بالاسئله التعجيزيه
يعني كل ترم احباط نفسي الواحد تحول عيونه من المذاكره وفي الاخر ما يحل
الله يكتب ما فيه خير للجميع

[فكر]

أساسا أن حملت أغراضي وماشي اللي يبي يخاوني لجامعة الامام قدام
والله ثنين من عيال عمي اذاكر انا وياهم بمكان واحد هم بجامعة الامام وانا بهالجامعة المحترمة
والله يا ناس ما قاعد يذاكرون ويكرفون الكرف اللي انا اكرفه وكلمت جامعة الامام قالوا نعادلك المواد والامور تمام يمكن ينزلون ترم واحد ... ما عندي مشكلة بس انجو بنفسي .
تحياتي الى جامعة الامام وإلى الأمام
يالله يا شباب الجميع

[سلطان الصقر]

والله أني جالس هنيا ومتبطح وعلى قلب:004: النجار وشلته:007:

أربع سنين / خمسه / عشره / إذا الله أحيانا ..:53:

وصدقني هالترم هذا هو الفيصل في جامعة الفيصل:(107):

راح تصير تغييرات وتعديلآت كثيره والتعليم العالي

حط المجهر على التعليم عن بعد :41jg:

شد حيلك وكمل هالترم وشوف كلآمي!!

[أنور جنبي]

بعيدا عن القرارات المتعجلة و الانقياد خلف المشاعر ...

أخووي الجامعات السعودية ترى مستواها كلها واحد ، وكلها و بدون استثناء فيها من الي يزعلك ، لكن يصعب عليك تحكم على الامام و عبدالعزيز وانت جالس خارج أسوارهم ، وكما يقول المثل ارضى بقردك لا يجيك أقرد منه (ان جاز استخدام المثل هنا)

انا درست انتظام في احدى الجامعات السعودية و رأيت الظلم بأم عيني ، والافتراء ، و الجبروت ... هذا لأن التعليم العالي السعودي قد تبنى اساليبه من التعليم الأكاديمي المصري القديم جدا، وليس من التعليم الحديث الجامعي كما في الدول الصناعية الكبرى.

دوما و ابدا اجد المدح و الثناء من الطلاب المبتعثين على اساليب تعليميه لم اسمع فيها قاطبة في أي جامعة سعودية ولا حتى البترول

من مساوئ جامعات السعودية

1- القرارات المتعجلة
2- سوئ المحتوى التعليمي ، و احيانا يكون هذا المحتوى التعليمي قديم لا يواكب سوق العمل.
3-تجبرت الدكاترة العرب عامة و السعوديين خاصة ، و دوما و ابدا يميلون الى اثبات نفسهم بالاسئلة و الواجبات المستحيلة، كم اتمنى ان تكون اختارات الدكاترة تختبر فهمي للمادة التي شرحها لي وليس تحضير دكتوراة.
4-دوما و ابدا المناهج تكون النص الأول منها بسيط و سهل ، و النصف الآخر يزداد صعوبة و كثافة ليفاجئ الطلاب بأنها تحتاج وقت اطول للدراسة
5-غالبا الدكتور في الجامعات السعودية لا يعير الوقت انتباه
6-الادارة لا و لن تسمع لطلابها

هذه من أمور يواجهها الطالب السعودي في الجامعات المجانية بالسعودية أو التي يدفع فيها مبالغ عينية مثل جامعتنا، حاولت ان ادرس بالخارج لكن الظروف ابت ، و جامعة فيصل هي آخر فرصة لي لتحقيق البكلريوس و قبلتني و انا ممتن لها من غير شروط

وانا سعيد نوعا ما من الجامعة بدأت تكشر عن انيابها في التشديد على النظام و على الاختبارات وان تضرر الكثير من أخواننا و أخواتنا للأسف، حيث ان من الملحوظ ان الطلاب تبنو الغش في تعليمهم كسنة، وهذا قد يضر بمصداقية الشهادة حين التخرج، فيرفض توظيف الطلاب لمعرفتهم بأن التعليم في فيصل (خرطي) مثلا، رأيت العينات في قاعات الاختبارات ، وللاسف كثيرين منهم لا شكل ولا اسلوب و صنف طالب اكاديمي او جامعي، ولا اظن انه سيتغير لو بعد حين

زبدة الكلام أخي تأكد ان ما تواجهه هناك ستواجهه في اي جامعة سعودية أخرى من تحدي او مشاكل لكن بقالب مختلف، و بنهاية المطاف كل التوفيق لك اينما ذهبت ومن تبعك ...

[tamoha]

هي الدنيا كذا يوم لك ويوم عليك الله يعينا بس

قالَ رَسُولُ اللهِ صلى الله عليه وسلم : (عَجَبًا لأَمْرِ المؤمنِ إِنَّ أمْرَه كُلَّهُ لهُ خَيرٌ ليسَ ذلكَ لأَحَدٍ إلا للمُؤْمنِ إِنْ أصَابتهُ سَرَّاءُ شَكَرَ فكانتْ خَيرًا لهُ وإنْ أصَابتهُ ضَرَّاءُ صَبرَ فكانتْ خَيرًا لهُ) رواهُ مُسْلِمٌ .


اصبر واحتسب الاجر

[عنب أخضر]

الاخ انور جنبي لا فض فوك
التشتيت وعدم الثبات
مشكلة تواجه الكثيرين بعد
الثانوية فاتكلم عن نفسي
هنا درست في جامعة
القاهرة بمصر لمدة سنة
وقد تركتها ولست بنادم
لان رايت الاستغلال و الظلم بام عيني
ودرست في جامعة خالد ولكن تركتها
لاني وجدت وظيفة مناسبة
وللا امانة التعقيد وجدته في كلتيهما
ولكن تعلمت ان الصبر هو العون
بعد الله وان الطموح يجب ان لا ينكسر
مع الارادة. اعتقد ان احد منا لم يفكر
في اكمال الدراسة الا لهدف

[mona-a]

ذرب المعاني لو عندك اي اثبات ان الجامعات الثانية خالية من المشاكل كلنا بنجي معاك

دخلت منتديات جامعة الامام وشفت نفس اللي أشوفه عندنا ... مابين راضي ومتذمر

كلٍ و اختلاف نظرته وأهدافه وطموحه وخلفية تجاربه

للأسف اغلب الجامعات تعاني ... اذا كانت انظمة الانتظام وحتى التعليم الأساسي مليئة بالتخبط والتعثر فمن باب أولى التعليم عن بعد....



بعيدا عن القرارات المتعجلة و الانقياد خلف المشاعر ...

أخووي الجامعات السعودية ترى مستواها كلها واحد ، وكلها و بدون استثناء فيها من الي يزعلك ، لكن يصعب عليك تحكم على الامام و عبدالعزيز وانت جالس خارج أسوارهم ، وكما يقول المثل ارضى بقردك لا يجيك أقرد منه (ان جاز استخدام المثل هنا)

انا درست انتظام في احدى الجامعات السعودية و رأيت الظلم بأم عيني ، والافتراء ، و الجبروت ... هذا لأن التعليم العالي السعودي قد تبنى اساليبه من التعليم الأكاديمي المصري القديم جدا، وليس من التعليم الحديث الجامعي كما في الدول الصناعية الكبرى.

دوما و ابدا اجد المدح و الثناء من الطلاب المبتعثين على اساليب تعليميه لم اسمع فيها قاطبة في أي جامعة سعودية ولا حتى البترول

من مساوئ جامعات السعودية

1- القرارات المتعجلة
2- سوئ المحتوى التعليمي ، و احيانا يكون هذا المحتوى التعليمي قديم لا يواكب سوق العمل.
3-تجبرت الدكاترة العرب عامة و السعوديين خاصة ، و دوما و ابدا يميلون الى اثبات نفسهم بالاسئلة و الواجبات المستحيلة، كم اتمنى ان تكون اختارات الدكاترة تختبر فهمي للمادة التي شرحها لي وليس تحضير دكتوراة.
4-دوما و ابدا المناهج تكون النص الأول منها بسيط و سهل ، و النصف الآخر يزداد صعوبة و كثافة ليفاجئ الطلاب بأنها تحتاج وقت اطول للدراسة
5-غالبا الدكتور في الجامعات السعودية لا يعير الوقت انتباه
6-الادارة لا و لن تسمع لطلابها

هذه من أمور يواجهها الطالب السعودي في الجامعات المجانية بالسعودية أو التي يدفع فيها مبالغ عينية مثل جامعتنا، حاولت ان ادرس بالخارج لكن الظروف ابت ، و جامعة فيصل هي آخر فرصة لي لتحقيق البكلريوس و قبلتني و انا ممتن لها من غير شروط

وانا سعيد نوعا ما من الجامعة بدأت تكشر عن انيابها في التشديد على النظام و على الاختبارات وان تضرر الكثير من أخواننا و أخواتنا للأسف، حيث ان من الملحوظ ان الطلاب تبنو الغش في تعليمهم كسنة، وهذا قد يضر بمصداقية الشهادة حين التخرج، فيرفض توظيف الطلاب لمعرفتهم بأن التعليم في فيصل (خرطي) مثلا، رأيت العينات في قاعات الاختبارات ، وللاسف كثيرين منهم لا شكل ولا اسلوب و صنف طالب اكاديمي او جامعي، ولا اظن انه سيتغير لو بعد حين

زبدة الكلام أخي تأكد ان ما تواجهه هناك ستواجهه في اي جامعة سعودية أخرى من تحدي او مشاكل لكن بقالب مختلف، و بنهاية المطاف كل التوفيق لك اينما ذهبت ومن تبعك ...


تسلم ايدينك أنور