plz help

[dr.GP]

السلام عليكم ورحمة الله وبركاته

انا طالبه في الغربيه وراح ابدا الامتياز هذي السنه,ولظروف راح يكون في الشرقيه

وما اعرف ولا حاجه هونيك,فاتمنى تفيدوني بأفضل المستشفيات للامتياز

في اسرع وقت,لازم اخلص اوراقي ذا الاسبوع.

وشكرا:Cry111:

[jeje981]

ياليت احد يفيدنا في هذا الموضوع

اناكمان نفس الوضع

ونستني كرم اهل الشرقية

شاكر حسن الاستظافة

وشاكر للاخ... dr.GP

[أدمنت حبك]

يا هلا و الله بالشباب ..

dr.GP

jeje981

تقدرون تحصلون بعض المعلومات في موضوع النقاش على الرابط :

http://www.ckfu.org/vb/showthread.php?t=32255

و إذا في أي استفسار ثاني ,, لا تترددون ,, إن شاء الله نحاول نفيدكم ..

:love080:

[jeje981]

يسلمو يالغالي

[الندى]

امممممممم طيب على حسب بتكونوا في الخبر والدمام والظهران

ولا في الأحساء ؟؟

ولا مكس ؟؟

الأحساء اكوس محل للتدريب مستشفى الملك فهد لانو كل حالات العالم اللي موجوه بكل الكتب وحتى غير الموجوده

بتشوفوها هناكـ :000:

بس الله يعينكم ع الكرف :bawling: ومير يقولون هناك جرثومه يا كافي عجزوا عنها فطاحلة المايكر >> مدري عدله فطاحله ولا فلاطحه :064:

الحرس الوطني عندنا في الأحساء مره مرتب والدكاتره هناك محترمين وشاطرين :119:

في الخبر التعليمي هناك الدكاتره مستواهم عالي مشالله بس مره شداد وثقيلي طينه على حسب كلام طلابها

فيه كمان المركزي والتخصصي والعسكري :mh19:

عالعموم انا مامره رحت مستشفى وماعندي خبره يعني كل اللي اسمع تلاطيش من هونا وهونيك

اتمنى لكم انتيرنشب سعيد

وحياكم في الشرقيه بيتكم ومطرحكم

شرفتوا وآنستوا >> أخاف اتحمس واعزمكم على الغدا :cheese:

[dr.GP]

انا ابغى مستشفى في الخبر ولا الدمام وماهو كرف,لاني بكون عروسه.

وكيف ارامكو,مدري متحمسه له؟:g2:

[علي المطر]

اهلا بيك اختي الكريمه
ألي اعرفه ان لابد تتواصلين مع كلية الطب بالدمام او كلية الطب بالأحساء
و عن طريق هالكليتين تقدرين تحصلين على موافقة لدراسة الامتياز

انصحك تتواصلين مع كليتك ألي درستي فيها
اكتبي خطاب للمسؤولين فيها
وضحي فيه ظروفك و سبب اختيارك لدراسة الإمتياز في الشرقية
و عن طريقهم بالإمكان يتواصلون مع المسؤولين في كلية الطب في الدمام
و بالتالي تحصل لك الموافقة

[dr.GP]

هي الموافقه حصلت من الكليه بس طلبو مني اختار المستشفى وانا ما اعرف كيف المستشفيات لاني ما ابغى شغل كثير
اتمنى تساعدوني.