سؤال : عن التوضيف بشهادة الانتساب

[سلطان الدحيحي]

السلام عليكم ورحمة الله وبركاته

الله يعطيكم العافية \\


اول كلمة شكر لكل من اجتهد و عمل في هذا المنتدى

شكر خاص مني لكم لأن لولا الله ثم جهودكم

ماكنا نتوقع ان نصل الى هذا المستوى

فتحية طيبة لكل الموجودين

واخص منهم أ صحاب ( الملخصات - الكوزات - وكل مجتهد سعى وسخروا اوقاتهم في خدمة الاعضاء .


ســــــــــــــــــــــــــــــوالي

الآن شهادة الطالب المنتسب يعترف فيها للتعليم
الخاص او الحكومي
يعني يعينونا في التعليم .

ومشكورررررين

[ذهب صـــــآفي]

علمي علمك:d5:

ياخوفي يقولون شهادتكم هذي بلوها واشربوا مويتها :41jg:

[سلطان الدحيحي]

عشان هالموضوع انا سألت

[إحساس سلطان]

شهادة الانتساب المطور تختلف عن الانتساب التقليدي

واللي اعرف ومتأكد منه

قبل مااسجل بالجامعه سألت الديوان والخدمه المدنيه

قالوا كل الوزارات تعترف بالشهاده ماعداااا

وزارة التربية والتعليم لاتقبل الانتساب الا بشررررررط انك تاخذ ترم تربوي بعد التخرج

قلت له ليش ترم تربوي

قال لان السبب الحقيقي وراء رفض وزارة التربية والتعليم للإنتساب هو ان خريجي الانتساب غير مؤهلين تربويا"

لذلك مجرد انك تحصل على ترم تربوي يكلف 6000 ريال سيعترفون بالشهاده

والدليل انهم يقبلون انجليزي انتساب بسبب الاحتياج ولكن بشرط

بعد مايعنون الانجليزي الانتساب يخلونه لمدة ترم يداوم الصباح بالمدرسة والعصر ياخذ ترم تربوي بأحد المعاهد المعتمده

ولكن سبب توظيفة قبل حصولة على الترم التربوي هو الاحتياااج عشان يغطي النقص وبنفس الوقت يهيأ تربويا"

هذي نقطة

...........................................

النقطه الثانيه

الترم الماضي في اول محاضرة مسجله لعلم النفس التربوي لدكتور عبد الحميد

تطرق بالمحاضرة لنظام الانتساب المطور وقال ان جامعة الملك فيصل كان انتسابها تقليدي غير مقبول من قبل الخدمه

واثناء محاولة طلب الاعتراف من الخدمه اشترطو الخدمة ووزارة التعليم على الجامعه انهم يشوفون لهم طريقة يهيئون الطالب تربويا" وقتها راح يقبلون الشهاده

وقال عشان كذا جامعة الملك فيصل غيرت نظام الانتساب وحطت اعمال سنه وواجبات ومحاضرات مباشرة

يقول هذا تطبيقا" لشروط وزارة التربيه والتعليم انه لازم يكون الطالب متفاعل مع مواده ومع دكتور المادة وعلى تواصل معه مثل الانتظام ولا ينقطع عنه ولا يكتفي فقط بالاختبار النهائي كما هو حال الانتساب بجامعة الملك عبدالعزيز

وقال الحين حنا طابقنا شروط الوزارة وراح يكون عندكم المستوى الثامن تطبيقي

تختارون اما تداومون بمدرسة او مركز تأهيل او اي جهه حكومية لفئة ذوي الاحتياجات

وبإذن الله راح تكون شهادتكم معترف فيها وبإمكانكم تصبحون معلمين تربيه خاصه على حسب الاحتياج

يعني الترم الاخير عندنا تطبيق :10111:

[إحساس سلطان]

الحوسة اللي ذكرتها فوق فقط لقطاع التعليم

اما باقي الوزارات تعترف بالشهاده وعادي جدا" مثل الانتظام

[ولدعنيزة]

:d5:
يعطيك العافية على المعلومات
بس لازم نفكر الحين وشلون نحصل على الشهادة قبل الوضيفة
اذا جت الشهادة انشاءالله كل شيء يتيسر عدينا نص الطريق وباقي النص الاخر
واتوقع كل جامعات المملكة ما فتحو تخصص تربية خاصة انتساب مطور الا جامعة الملك فيصل ولا قفلوه بعد
علما ان التخصص جديد ومطلوب ف هنيئا لكم((ولواصلح مدرس:060:

[سلطان الدحيحي]

الله يعطيك العافية على التوضيح

على الاقل الواحد يعرف وين رايح

تحياتي للجميع

[هيو]

طيب سؤال شطحه

اقدر اخذ بعثه على شهادتي هذي

[فزعة شمالي]

:biggrin:هيو ايه لبى قلبك تقدر تاخذ بعثه لعرعر:biggrin:

[هيو]

:biggrin:هيو ايه لبى قلبك تقدر تاخذ بعثه لعرعر:biggrin:



ههههههههههههههههههههههه

يعني لا افهم من كلامك :mh12:

[haam]

إحساس سلطان

شلون لازم ترم تربوي وإحنا شهادتنا تربويه؟؟

يمكن هالكلام لأهل إدارة الأعمال والأقسام الثانية ..!!

واريت تسأل وتستفسر لنا أكثر،،،:106:

وإذا لزوم ترم ع قولتك ناويه أخذ دبلوم تتوقع أفضل من الترم التربوي ولا ؟؟

[إحساس سلطان]

:biggrin:هيو ايه لبى قلبك تقدر تاخذ بعثه لعرعر:biggrin:

اي عادي تقدرين

زميلي بالعمل كان يدرس بجامعة الملك عبدالعزيز بجده

وبعد التخرج قبلوووه بعثه

وقدم فصل من العمل وراح بريطانيا

انا استفسرت منه شلون قبلوه

قال عادي

بنظام البعثات مافي شرط ان شهادتك انتظام او انتساب

بس طبعا لازم مطابقة للشروط من ناحية المعدل والعمر واعتقد اختبار توفل

[إحساس سلطان]

إحساس سلطان

شلون لازم ترم تربوي وإحنا شهادتنا تربويه؟؟

يمكن هالكلام لأهل إدارة الأعمال والأقسام الثانية ..!!

واريت تسأل وتستفسر لنا أكثر،،،:106:

وإذا لزوم ترم ع قولتك ناويه أخذ دبلوم تتوقع أفضل من الترم التربوي ولا ؟؟

واضح بردي

زمان كليات التربيه الانتساب مافيها تطبيق ميداني الترم الاخير

لكن بناءا على كلام الدكتور عبدالحميد

انه عندنا تطبيق ميداني بالترم الاخير وبكذا مانحتاج ترم تربوي

لكن الوزارة لحد هالحظه شارطه هالشرط لكل اللي يدرسون انتساب حتى لو كانت كلية تربيه

هم هدفهم من الترم التربوي يبون يساوونا بالانتظام

بس جامعتنا حط لنا خطة تأهيل تربوي من خلال المقررات والتطبيق بالمستوى الثامن

وبإذن الله قبل نتخرج تكون الجامعه حاصله ع القبول

[هيو]

اي عادي تقدرين

زميلي بالعمل كان يدرس بجامعة الملك عبدالعزيز بجده

وبعد التخرج قبلوووه بعثه

وقدم فصل من العمل وراح بريطانيا

انا استفسرت منه شلون قبلوه

قال عادي

بنظام البعثات مافي شرط ان شهادتك انتظام او انتساب

بس طبعا لازم مطابقة للشروط من ناحية المعدل والعمر واعتقد اختبار توفل



احساااااااااااااااااس وربي انك احساس وذوق

ياولد امك جعل يومك يبطي

جعل زوجتك ماتحاد فيك

جعل عين امك يسقاها الخير منك

جعل عيالك يبرون فيك مثل ماعاونتا وبريت فينا

^ ابد ابد ما اقعد مع العجز :biggrin:

[مصدعة]

ان شاالله من فمك لباب السما يااحساس
بسالك وش بتتخصص وليه مختار هالتخصص

[هيو]

طيب الله لايهينك

ابيك تشوف موضوعي بخصوص

حساب الدرجات

مثلا من 95 - 100 +a

بصراحه شهر انتظار ماراح اصبر

على الاقل بحسب تقريبي

[إحساس سلطان]

طيب الله لايهينك

ابيك تشوف موضوعي بخصوص

حساب الدرجات

مثلا من 95 - 100 +a

بصراحه شهر انتظار ماراح اصبر

على الاقل بحسب تقريبي

ارسلي درجاتك اللي متوقعتها برسايل الزوار وانا بحسبها لك

عندي برنامج حساب المعدل

واذا تحملينه من النت يكون افضل عشان تخمنين ع كيفك

طبعا انا مثل طريقتك احسب المعدل كل يوم هههههه

اول مانطلع من الاختبار واتاكد من حلول الاسئله اكتب الدرجة ع الملزمه وهكذا لكل المواد

وامس حسبت معدلي وطلع حلو بس مو مثل الترم اللي طاف

طبعا" حسبته ع الدرجه المستحقه

وبعدها سويت خصم من كل اختبار درجتين حسبت حساب ان بعض تلوينات الاجابه ماتنحسب

وحسبت المعدل بعد الخصم هههههه


عشان اسوي حد أدنى وحد أعلى

ويارب هالترم مثل اللي راح

لاني سويت نفس الطريقة بالحد الادنى والاعلى

وطلع معدلي نفس الحد الاعلى بالفاصله:biggrin:

[إحساس سلطان]

ان شاالله من فمك لباب السما يااحساس
بسالك وش بتتخصص وليه مختار هالتخصص

التخصص لحد الآن محتار فيه مرات سمعيه لانها سهله

ومرات صعوبات مجالها الوظيفي حلو

ومراات اعاقه لان تخصصاتها بالماستر حلوه بس خوفوني منها مستوى رابع التخصص صعب والدكاتره اصلوخهم بالاختبارات


وللحين متورط وأجلت التفكير الى مابعد النتائج

[بوح شمْوخ]

:d5:



احساس الله يوفقك وربي عطيتني معلومات كاااااااااافيه

الله يجزاك الجنه

[بوح شمْوخ]

احساس

تقول العقليه بالماستر افضل

طيب والسمعيه :mh12:

[Ỹǎŝ๓ĩห]

الصعوبات مافيها ماستر:mh12:

[نقطة تحول...]

يعطيك العافيه ماقصرت

[نوتلا]

صراحه انا ودي ب توحد
بان مافي الجامعه بكمل ماستر توحد

ايش رايكم اختار تخصص ودي بصعوبات بس متردده :cool:وخايفه ان صعب

[بنت صالح]

http://www.x88x.com/uploads/13376159951.gif


http://www.x88x.com/uploads/13376159962.gif

[دلوعه ابوهااا]

:rose::rose:يسلمو احساس سلطان على المعلومات
يعني اقدار اروح بعثه يسلاااااام ان شاء الله يتحقق حلمي :004

[ولد ابهاء]

الله يجزاك عنا خير الجزاء

[سمسم كيوت]

ايش يعني ماستر؟؟

[←تويكس→]

ماجستير =
كل التخصصات تقدر تروح بعثه
هالشيء متأكد منه
ربي يوفقكم جميع
مشكور احساس ع المعلومات
وحبيت اذكركم إن التخصص اللي داخلينه نادر خريجينه وبرضه الجامعة وقفت التسجيل
يعني بإذن المستقبل مفتوح للجميع
امنياتي القلبية بالتوفيق للكل

[Be Free]

يسلمووو على المعلومات اخي احساس


الماستر درجة من التحصيل العلمي بعدالبكالريوس
وتعني درجة الماجستير

[سلمان اللحيدان]

إحساس سلطان

شلون لازم ترم تربوي وإحنا شهادتنا تربويه؟؟

يمكن هالكلام لأهل إدارة الأعمال والأقسام الثانية ..!!

واريت تسأل وتستفسر لنا أكثر،،،:106:

وإذا لزوم ترم ع قولتك ناويه أخذ دبلوم تتوقع أفضل من الترم التربوي ولا ؟؟

:d5::(204)::d5::(204)::d5::(204)::d5::(204)::d5::( 204)::d5::(204)::d5::(204)::d5::(204):

هذا الكلاااااام المضبووط
ياجماعة الخير حنا طلاب كلية تربية مايحتاااااااااج دبلوم تربوي هذا الكلام أنا مسئوووووووووول عنه
لايصير خلط عندكم تعليق الأخ احساس سلطان كله جميل ولكن كانت معلومة الدبلوم التربوي غير دقيقه هذا لايشمل طلبة التربية الخاصة هذا فقط لطلبة الادآب فقط وأكرر طلبة الادآب

[kole.thog]

يعطيك العافيه

[إحساس سلطان]

انا تكلمت عن نقطتين واضحااات
النقطه الاولى تكلمت عن شهادة الانتساب بشكل عام

والنقطه الثانيه تكلمت عن كليتنا وقلت ان الدكتور النعيم تطرق لدراستنا وقال انه بنطيق المستوى الاخير

اللحيداااااان تدري ان التطبيق يهم وزارة التربيه اكثر من باقي دراستك كلها

وصدقني لو مايصير تطبيق بالمستوى الاخير مانشم الاعتراف من التعليم

وراح تضطر تاخذ ترم تربوي حتى لو انك كلية تربيه

حنا مثلنا مثل باقي التخصصات بالانتساب مافي فرق

الفرق بالاسم فقط اما طريقة دراستنا مثل التخصصات الباقيه تماما"

قولولي شنو غيرت مسمى تربيه عن مسمى علم اجتماع

الاسم فقط اما دراسيا" مافي فرق

لامهيائين تربويا ولا شي

ويبقى الفيصل هو المستوى الثامن

اذا طبقنا بميدان العمل تأكدوا امورنا طيبه

واذا ماطبقنا راح تكون شهادتنا مشوهه من وجهة نظر التعليم

.........................

بقولكم ع معلومه

انتم ليش تفكرون بالتعليم

عليييييكم بمراكز التأهيل احسن من المدارس بكثيييير ويقبلون الانتساب

[مجتهد 101]

مشكووووور ع المعلومات الحلوووة

بس ممكن طلب احساس .....:biggrin:

ممكن اسم البرنامج الي يحسب المعدل .......بما انة ماشاء الله دقيق وحلووو

مشكووووووره مقدما

:060:

[وافي الود]

احساس جزاك الله خير على التوضيح الوافي

[تروبيكانا]

انا صراحه افكر بمراكز التأهيل اكثر من المدارس

واذا يحصل لي بمستشفى يحطوني تبع سمعيه وتخاطب يكون 100 ميه ولا فراخ الجمعيه
ههههههههه:lllolll:

وبعد حابه ادري توحد بس اللي فهمته من واحد من الدكتاره ماني ذاكره منو بالضبط
عشان ادرس توحد ماستر لازم اخذ بكالوريس اعاقه عقليه

والله العالم

ولحد الان انا محتاره

[خطاك]

ياحبكم للكلام


بدري على هذا الكلام


بتوفيق للجميع