اختبار الرياضيات .. كلمة حق تقال .. رسالة لهيئة التدريس في الجامعة

[معيض]

السلام عليكم ورحمة الله وبركاته



بصراحة أنا ولله الحمد فاهم الرياضيات زين وأحب الرياضيات ومسائلها وكلما تتعقد كلما تحمست أكثر



أمس في إختبار الرياضيات حليت ولله الحمد .. وان شاء الله أجيب درجة كامله زي مبادىء الرياضيات 1



***********



بس كلمة الحق تقال انه ماكان سهل بالنسبه لطلاب انتساب .. بعضهم حتى ما درس علوم طبيعيه يعني التفاضل والتكامل والحدود اول مره تمر عليه .. يعني أساسيات ما عنده .. كيف تبغاه يادكتور يحل لك مسائل تعتمد اعتماد بحت على الفهم .. كان الأولى به انه يجيب أقل شيء 25 سؤال (وأنا أقول أقل شيء) من الاختبارين اللي فاتت وتمارين المحتوى .. بنفس الأرقام علشان اللي بس يبغى يعدي يقدر يعدي .. أمس ماجاب الا يمكن 3 أسئلة


***********



أمس استخدمت آلة CASIO Algebra FX 2.0 .. بصراحة آلة جبارة .. ساعدتني بعد الله سبحانه بالتأكد من اجابات 80% من الأسئلة لانها تحل تفاضل وتكامل محدد وغير محدد وتحل النهايات والمتباينات والازاحة ومعادلات المستقيمات (الميل والنقاط) يعني آلة بتاع كلو .. بس استخدامها يبيله تمرين كثييييير لانها معقده شوي .. وهذي صورة الآلة



http://www.t8t3.com/uploads/13375870171.jpg (http://www.t8t3.com/) مركز تحميل الصور (http://www.t8t3.com)



***********



خاتمة: رسالة الى أعضاء هيئة التدريس بجامعتنا الموقره بأن يكسبوا دعوات آباء لديهم عوائل ووظائف وأشغال .. وأمهات لديهم أطفال وأشغال منزلية .. تشغلهم عن قضاء الساعات الطويلة لمذاكرة وفهم مقرراتكم الدسمه .. والله دعوات تشترى بالذهب تستطيع يادكتور تحصل عليها بفعل في متناول يدك



دمتم بود وتوفيق

[راكان الشمري]

الله يجزاك خير ،

امس مافهمت الا سؤالين اللي متاكد منهم ، والباقي شختك بختك


:Cry111:

[مس لول]

^:Cry111: حسبي الله ونعم الوكيل

[مدرك]

الله يوفقك
منها الى الاعلى
انا اتوقع انه مو الدكتور الي حط الاسئله

[زهرة الخليج وبس]

صباح الخير للجميع اخوي انا مثلك جايبه 100في الرياضيات1وامس ان شاء الله حليت زين بصراحه الاسئله متوسطة المستوى اتمنى التوفيق للجميع

[بنت الشرقية%]

يا ريتني جالسه جنبك يا زهرة الخليج و بس :58545:
ما حليت شي ابد حامله الماده :Cry111::Cry111::Cry111:
الله يعين:mh12::mh12::mh12::mh12:

[nadeet weenk]

ماشاء الله عليكم..اذكرو الله ياللي تدخلون :lllolll:

والله الاختبار يضيق الصدر..هو مب صعب بس لاننا حاطين ببالنا انه بيجيب زي حق الترم الي راح
عشان كذا جبنا العيد

الله يفرح قلوبنا بالدرجات الزينه :004:

[حايره في الدنيا]

فعلا كلامك صحيح بس للاسف مافي مراعاه يعني المناهج جدا طويله ودسمه وفوق هذا الاسئله هذا السمستر مره مصعبينها معانا مو زي السمستر الي راح كان كله تساهيل بس ما اقول الا الله يوفقنا وينجحنا وان شاء الله من الافضل للافضل :(204):

[زهرة الخليج وبس]

اختي بنت الشرقيه شدي حيلك شوي والله بقد ماتتعبين بقد ماتفرحي بالنتيجه بكره المحاسبه لااوصيك الهمه

[nadeet weenk]

بس في شي حلو بالموضوع :Looking_anim:

اننا خلصنا الماااااااث بكبره ماعاد في ماث 3 ولا غيره
يمكن احصاء :(107):بس اتوقع مافيه اشياء تشيب الراس:sm12:

[Abu Layan1]

الاسئلة صعبة وتختلف اختلاف جذري عن الاترام السابقة

حسبي الله علية ونعم الوكيل

[sw0ee0t]

الاسئله كانت معقوله ومن المحتوى كلها
اكيد اللي ماذاكر واللي حفض الاجوبه بتكون صعبه عليه
هاذي رياضيات يعني شغل مخك لاتحفض
موفقين

[z3hra]

انا دارسه علمي وبالرياضيات 1 وكنت حاله زيين
بس هالسمستر في اشياء مرت علي مافهمتها
واستعنت بشرح بعض الطلاب بالملتقى وحسيته واضح اكثر
مع اني تابعت المحاضرات المسجله كلها وذاكرت الرياضيات مرتين
وكان عندي صحه ولياقه وماعطيتها حقها بالمذاكره ماذاكرتها الا بيوم الاختبار الصباح
ورحت الاختبار وانا سهرانه وحتى شعري مامشطه :tongue:
اانا حتى الاجابات اللي قدرت اطلع نتيجتها صرت متشككه فيها وخايفه احمل الماده
ولاادري وش سويت بالاختبار
بالتوفيق للكل و ان شاء الله الكل ينجح :rose:

[نايف سليمان]

ياليتك كنت جنبي يامعيض وقت الاختبار

بتشوفني ناقز لك كل اشوي

[B A N D R]

ماشاء الله فيه ناس تجيب درجة كامله بالرياضيات

اللهم لاحسد

لو اجيب 70 بالرياضيات اخاف انصرع :biggrin:

[fah1d202]

نسائل الله التوفيق و ونحمده ع كل حال

[معيض]

الاسئله كانت معقوله ومن المحتوى كلها
اكيد اللي ماذاكر واللي حفض الاجوبه بتكون صعبه عليه
هاذي رياضيات يعني شغل مخك لاتحفض
موفقين


أنا ما قلت انه صعب ... قلت صعب بالنسبه لكثير من الطلاب .. فيه طلاب اعمارهم وشغلاتهم وظروفهم ماتسمح انه يجلس يذاكر ويفهم كل المسائل والتركات حقتها زي الطلاب المتفرغين .. يعني كان المفروض انه ساعد الطلاب بنص الاسئلة علشان اللي بس يبي ينجح يقدر ينجح

[معيض]

ياليتك كنت جنبي يامعيض وقت الاختبار

بتشوفني ناقز لك كل اشوي

ما يمديك .. عندنا مراقبين كثر النمل :mh12:


ماشاء الله فيه ناس تجيب درجة كامله بالرياضيات

اللهم لاحسد

لو اجيب 70 بالرياضيات اخاف انصرع :biggrin:

هههههههههه .. كل واحد واهتمامه .. يعني مثلا انا في النحو ما اعرف اعرب كلمتين واكره المواد اللي فيها حفظ

[ابوفهد2011]

حسبي الله علية ونعم الوكيل

[tulip’]

الله يوفقك
منها الى الاعلى
انا اتوقع انه مو الدكتور الي حط الاسئله



والله نفس تفكيرك :biggrin:
لان الاسئله مو قد مستوى الدكتور بالشرح
هالاسئله حقت حنفي واشكاله خخخخخخخخخخخخخخخ

[AMeeR_ALeeL]

شباب بنات اذكروا الله الاسله صعبه وسلامتكم والظاهر اللي حطها حنفي يفكر معنا دكتور كويس بالشرح مادرى انه كل شوي يقول لنا المشكله في البلاق بورد :cheese:

[اسعد]

الله يستر بس

انا كنت احس اني بجيب درجة النجاح

بس بعد ما شفت كلام الاخوان هنا ..


اعتقد اني بجيب درجة الغليان :017:


الله يعين بس ..

[بحـر المشاعر]

حسبي الله ونعم الوكيل...

قسم بالله ظلم وشي يقهر لمن يجيك في المحاضره المباشره ويقول انا راح اجيب اساله ماياخد حلها دقيقه

ياخي خاف ربك..!!

ناس عندها اوولاد ومشاكل عائلية وناس عندها دوام 12 ساعه وناس عندها ظروف فليه تعقد المساله..

على العموم الله يكون بعوننا لحن لاقينها من الدوام ولا من الدولة ولا من الجامعه

[ماء عذب]

بالنسبه لي الاسئلة واضحة لكن المصيبة في الاجوبة كانت متقاربة جدا جدا لدرجة الجنون من جد وش كان يفكر فيه لما حط الاسئلة حسيت اني العب كوتشينه:icon120:

[JAR AL.8MR]

السلام عليكم ورحمة الله وبركاتة
اخوي معيض لآهنت إذآ عندك موآضيع تتعلق بالتدريب على الآلة الحاسبة اللي ذكرتها
تكرماً منك وليس أمراً عليك تنورنا فيها
وبالأخير ألف مبروك لكل منتسب جاب درجة النجاح بمبآدئ الرياضيات (2)

ودمتم سآلمين .. :biggrin:

[smo almsher]

بالتوفيق

[حسن المعيلي]

حسبي الله عليه من دكتور والله اني اول واحد خلص لاني ماني عارف شي حتى اللي راجعناه بالمنتدى قام وغير الطريقه الله لا يوفقه
كنت اقول بجيب درجة النجاح بس بعد ها الاختبار الله يعين بس

[معيض]

السلام عليكم ورحمة الله وبركاتة
اخوي معيض لآهنت إذآ عندك موآضيع تتعلق بالتدريب على الآلة الحاسبة اللي ذكرتها
تكرماً منك وليس أمراً عليك تنورنا فيها
وبالأخير ألف مبروك لكل منتسب جاب درجة النجاح بمبآدئ الرياضيات (2)

ودمتم سآلمين .. :biggrin:


بصراحة ماعندي اي شروحات لها حتى في اليوتيوب دورت مالقيت .. مافيه الا دليل المستخدم من موقع كاسيو او دليل ادخال الاوامر http://edu.casio.com/products/graphic/afx20p/new_products/menu_cmnd/

[الوحيد بروحة]

بصراحه اناعلمي واحب الرياضياتوفاهمهاوشاربها لكن امس بصرحه جننتني وهذاىشي يحزن فعلا من مدرس الرياضيات لاشرح يشرح زين ولا حتى يعرف يفهم وع ذلك ماسلمالناس من اديته حسبي الله ونعم الوكيل عليه:33_asmilies-com::24_asmilies-com:

[eng.awahab]

خاتمة: رسالة الى أعضاء هيئة التدريس بجامعتنا الموقره بأن يكسبوا دعوات آباء لديهم عوائل ووظائف وأشغال .. وأمهات لديهم أطفال وأشغال منزلية .. تشغلهم عن قضاء الساعات الطويلة لمذاكرة وفهم مقرراتكم الدسمه .. والله دعوات تشترى بالذهب تستطيع يادكتور تحصل عليها بفعل في متناول يدك


*******************
كلام من ذهب والله ... احييك من كل قلبي ..

[Mr. Azzoz]

اللي يقول الاسئلة سهله وإنه حل وجاب الدرجه الكامله مثل ما يقووول ..

آتمنى يحل للطلاب اسئلة الاختبار الموضوعه بالمنتدى ..

هذا إذا كان صحيح جاب فل مارك وواثق من إجاباته .. لأن عندي شك كبير بهالشي مع احترامي

[معيض]

اللي يقول الاسئلة سهله وإنه حل وجاب الدرجه الكامله مثل ما يقووول ..

آتمنى يحل للطلاب اسئلة الاختبار الموضوعه بالمنتدى ..

هذا إذا كان صحيح جاب فل مارك وواثق من إجاباته .. لأن عندي شك كبير بهالشي مع احترامي


أخوي عزوز ما قلنا انها سهله .. قلت انا انها صعبه ..

وبالنسبه للشك من الدرجة كاملة ... هذي صورة من سجلي الاكاديمي

http://www.t8t3.com/uploads/13376050951.jpg (http://www.t8t3.com/) مركز تحميل الصور (http://www.t8t3.com)

[قطه صغيره]

عني حامله الماده حاملتها ما اقول الا حسبي الله ونعم الوكيل والله يسامح من دلني على ذا الجامعه :Cry111: جابت لي المرض :Cry111:

[moj]

الله عليكم يا شباب ،،،، خلونا في الاختبارات الجايه ،،، ويا اخ معيض الله يوفقك دنيا وآخره بس قولي كيف انجح في الرياضيات ،،، يعني قولي ايش الطريقة اللي اسويها حتى انجح بآلة ولا بغير آلة ،،، والله يعوض علينا ،،، موفقين :33_asmilies-com:

[هتان بن محفوظ]

يارب عفوك ورضاك

[glg]

مشاء الله تبارك الله الله لايضركم :rose:

[ниσσsнa ♥‎‏ ‏]

حتى انا بالسمستر الاول جايبه ميه بالرياضيات بس صراحتن هالسمستر ابد شرح غير
كافي بالنسبه للادبي الدكتور الله يهديه يشرح وكان الكل فاهم اساسيات الرياضيات
امس حليت بس الاسئله كان فيها صعوبه ويارب ناجحين

موفقين الجامعه هالسمستر ابد ماعجبتني فكره السحب تجول في خاطري :71:

[a.almanjedi]

بصراحة، المفترض تكون المواد اللي تدرس في كليات التعليم عن بعد او الانتساب مختلفة اختلاف كلي ومبسطه اكثر بكثير من مواد طلاب الانتظام، لانه بصراحة حنا مظلومين، اولا طلاب التعليم عن البعد والانتساب شهادتهم اقل بدرجة نسبية عن طلاب الانتظام (ولا احد يقنعني بالعكس، يكفي ان كلمة انتساب مكتوبة بالشهادة) وندرس مثل دروسهم هذا اكبر ظلم (على فكرة انا دارس انتظام من قبل ايام ريعان الشباب) يعني حرام من جد، ثانيا اغلب المنتسبين موظفين وموظفات واباء وامهات يعني مو فاضين لمذاكرة هالكم الهائل من المحتوى الدراسي لا ويبونا نشتري كتب بعد، انا عن نفسي ابي بس مسمى شهادة جامعية لمتطلبات وظيفية بحته ماني محتاج لمحتوياتهم الدراسية، انا كل ترم ما افتح شي ابدا ولا احل واجبات ولا اشغل محاضرات (ابو ثانية واقفل) ولا اشارك بالمناقشات (كوبي/بيست) الا قبل الاختبارات باسبوع لاني ماني فاضي لهم من جد.

كلمة طلعت من قلبي << نصاب كل هذا كلمة

[مرافئ]

أنا علمي و أحب الرياضيات ,, لكن المشكلة أنا متخرجة زمااااان و ما كان أمامي إلا شرح الأستاذ و موظفة

يعني ما عندي ذاك الوقت اللي يخليني أبحث و أبحث عن طرق أخلرى للفهم..


في كل الأحوال يجب أن لا تكون الأسئلة أكبر من مستوى الشرح..

وفق الله الجميع

[دافنشي كود]

معيييض ..وييينك قبل الأختبار ماقلت لنا عن الأله

ليييه مافزعت لنا .. :41jg:

[البندري..]

الله يوفقك
منها الى الاعلى
انا اتوقع انه مو الدكتور الي حط الاسئله

مدرك تتوقع النجار اللي حاطها :biggrin:

[معيض]

معيييض ..وييينك قبل الأختبار ماقلت لنا عن الأله

ليييه مافزعت لنا .. :41jg:

خلاص خلاص :sdfgdsf:

والله الآلة هذي غالية جدا .. أتوقع 500 ريال .. ثانيا استخدامها صعب يعني علشان تستخدمها يبيلك كورس وانا والله ماتعلمت عليها الا قبل الاختبار بيوم حتى مابغيت اخذها معي للاختبار .. بس للامانة انها جباااااره

[parliament]

كله منكم يللي جايبين 100 قالو لازم نصعب الاسئلة :biggrin:

[يارب تصيب]

انتو جايبين ماشاءالله الدرجه بالميه وتقولون صعبب هالاختبار شحالي انا اللي ناجحه الترم اللي فات بدرجه الله المستعان شقول بس عن حلولي بالرياضيات 2 :000:

[امال المستقبل]

:139:وينك فيه ما اعطيتنا خبر عن هالاله حتى لو هي غاليه والا يبي لنا كورس كان تعلمنا عليها من بدري وبنشتريها لو هي بالف

[ABO BDR]

هذا واسمه الطاااااهر ابراهيم

كيف لو كااااان اسمه النجس ابراهيم وش بيسووووي

[محمد بن عمر]

بس في شي حلو بالموضوع :Looking_anim:

اننا خلصنا الماااااااث بكبره ماعاد في ماث 3 ولا غيره
يمكن احصاء :(107):بس اتوقع مافيه اشياء تشيب الراس:sm12:

من اللي قال مافيه اشياء تشيب بالراس ، باقي لك الاحصاء والتحليل الاحصائي لكن التحليل الاحصائي ماله وصف من صعوبته لانه يعتمد على الرياضيات 1،2:mh12: والاحصاء والاداره المالية 1،2 اذا ماتذاكر من اول يوم الله يستر وانا الان اقول الله يستر ويعديها على خير

[معيض]

من اللي قال مافيه اشياء تشيب بالراس ، باقي لك الاحصاء والتحليل الاحصائي لكن التحليل الاحصائي ماله وصف من صعوبته لانه يعتمد على الرياضيات 1،2:mh12: والاحصاء والاداره المالية 1،2 اذا ماتذاكر من اول يوم الله يستر وانا الان اقول الله يستر ويعديها على خير


ياخي لاتخوف الناس .. ان شاء الله انها سهله

[الطرقــي]

الحمد لله على كل حال
وجزاك الله خير اخوي على موضوعك الرائع
وبالفعل انا من الناس اللي حولت شريعة (أدبي) بالثانوي
والسبب الرياضيات ما حبه يعني صعبه تقنعني أني افهمه:Cry111:
ولا درسنا مواده التكامل والتفاضل لذلك تكفينا درجة النجاح
ولله الحمد ان شاء الله
وتقبل مروري
:sm12:

[طالب متفوق]

صباح الخير للجميع اخوي انا مثلك جايبه 100في الرياضيات1وامس ان شاء الله حليت زين بصراحه الاسئله متوسطة المستوى اتمنى التوفيق للجميع
قولي قسسسسسسم
:(107):