شكوى لإدارة الجامعه

[فيزيقي]

كما تعلمون أخواني وأخواتي .. أغلب طلاب المستوى الأول -آداب- في اليومين الماضيين مروا بظروف عصيبة .. حالة من السهرالمتواصل .. ونوم أشبه بالغفوة .

أربع مواد في يومين .. لم يكن الجدول عادلاً ولم تكن إدارة الجامعة -مطلقاً- تنظرُ إلى مصلحةِ طلابها ..بل ربما مصلحة أطرافٍ أخرى .. مع أ ن الطلاب والطالبات .. هم الأساس في العملية التعليميه .. وحقٌ ٌعلى الجامعة أن تنظر إلى مصلحتهم
أولاً وأخراً
الجامعة تعلم تمام العلم أن أغلب المنتسبين هم من الموظفين . والمنتسبات كذلك موظفات أو ربات بيوت ..
وكثير من الموظفين لم يحصلوا على اجازة .. وأنا أولهم ..

والجدول بتلك الوضعية كان هدفه .. تقليص عدد الناجحين
أو انخاض معدلاتهم .. وهذا ما ستسفر عنه النتائج في الأيام المقبلة .

قد يعتقد البعض أني أكتب هذا الكلام بسبب إخفاقي في احد المواد . ولله الحمد أعتقد بأن اغلب المواد التي مرت اذا لم أحصل فيها على إمتياز فسأحصل على جيدجداً ..

ولكن أنا اتكلم عن الوضع بالنسبة لنا جميعا

وما يتعلق بأسئلة المواد .. كانت - في الغالب - من ضمن المنهج المحدد.. ولكن الوقت لم يكن كافي للمذاكره

كل هذه المقدمة ، الهدف منها

كتابة شكوى لمدير جامعة الملك فيصل ، أو المسئولين عن التعليم عن بعد في الجامعة .. والمطالبة بحقنا المشروع.. بتوزيع الاختبارات على ١٤ يوماً المخصصة للاختبارات

وحتى لا تتكرر هذه الحادثة في الفصول القادمة

ملاحظة : أرجو من المثبطين .. ألا يشاركوا في هذا الموضوع .. وسئمنا من كلامهم المعتاد… غيركم طالب ولم يحصلوا على شيء ..


اخوكم

فيزيقي:rose:

[alhanof]

صراحة جانا ارهاااق مو طبيعي :sm1:


المخ عندي وقف ابي اذاكر تقنية مو قادرة معد في استيعاب :Cry111:

يعني لو نشكي في احد بيرد عليناااا ولا حتى بتوصل شكوانا :24_asmilies-com:

[roqa]

الشي يلي دقناه مانتمناه لغيرنا .. ولا نتمناه يتكرر الترم الجاي ..

نتمنى يوصل صوتنا بتقرير رسمي يكون أفضل من مشاركاتنا هنا ..

[فيزيقي]

اكيد بتوصل

خاصه لو بيرسل عدد كبير من الطلاب ونبين فيها الضغط النفسي اللي عانينا فيها الايام اللي راحت

والشي الثاني

درجاتنا نزلت بسبب الاربع اختبارات .. وعندنا مسؤوليات كثيره غير الدراسه

يعني نحنا مو مثل الطلاب المنتظمين ..

والا ماكان درسنا انستاب

احنا نطالب بحق من حقوقنا اللي هو توزيع الجدول بشكل يتناسب مع عدد الايام الكلية للاختبارات

[فيزيقي]

اتفق معك اخت roqa

يكون شكوى رسميه

وكمان شكوى على ايميل مدير التعليم عن بعد ومدير الجامعه

[منآير الشوق]

آه مادري وش آقول
آخآف آتكلم وتخنقني آلعبره

معآد فيهه آستوعآب اببدد
للحين مآخلصت آلمآده ولا آنآمشتهيآ آذآكر

آلله يسهلهآ

:rose::004:

[لايف]

:(204): كلام سليم سيروا وحنا معاكم وياليت بعد نشكي على نموذج a في مادة الصحه فيه اختلاف بسيط عن النماذج الثانيه وهقنا وحنا محتاجين كل درجه :sm1:

[اصداف البحر]

وانا بعد اضم كلمتي معكم
صراحة هاليومين ارهاق غير طبيعي وحملنا ماهو فوق طاقاتنا كوننا منتسبين لاسباب منها اللي متوظف ومنها ربات المنازل ومنهم الكثير لهم ظروف خاصة
فبدل مايتعاونون معانا في وضع جدول مايظغط علينا هم بالعكس :017:
يومين متتالين وعلى مادتين

صراحة اصبت باحباط وتحطيم خصوصا مع قلة نوم واجهاد وتعب وانا حامل :sm1:


اتمنى ادارة الجامعة يوصل لها هالموضوع

[غيآهيب]

هونوها وتهون

شئ طبيعي 000000 كذا الحيااه

[roqa]

:(204): كلام سليم سيروا وحنا معاكم وياليت بعد نشكي على نموذج a في مادة الصحه فيه اختلاف بسيط عن النماذج الثانيه وهقنا وحنا محتاجين كل درجه :sm1:


قصدك عن هادا السؤال :من أسباب الإدمان عالمخدرات :

التعب - السهر - الرفاق - حب الاستطلاع ..

سؤال يجيب الشيب ..وغبي كمان .. كلها تعتبر صحيحة ..

في بقية النماذج ( التعب - الرفاق - حب الستطلاع - المشروبات الغازية ) ..وطبعا جاوبوا عالمشروبات ..


(أعتذر عن خروجي للموضوع أخي ) ..

[غيآهيب]

:004::rose::004:

[لايف]

اقصد من اسباب تعاطي المخدرات السهر الرفاق العمل المتواصل تعاطي الادويه كذا جتنا الاختيارات طيب وش نختار بالضبط اذا كلها من اسباب تعاطي المخدرات تعاطي الادويه باستمرار يجيب الادمان على المخدرات

[أنثى الطهر]

عن نفسي بعد هاليومين
مافيني ذرة جهد وعافيه !!
بحق أتمنى أن يصل هذا الأمر لهم
لأنهم فعلاً أجرموا في حقنا :sm1:
ولا يومين ورى بعض مادتين
وربي آخر الوقت فكرت ابلع لي اي شيء حتى ماانام:biggrin: هههههههه

[سيف العبدالرحمن]

ياسلام عليك

اي والله لازم توصل الشكوى لعميد الجامعه لان لو يتكرر الجدول كذا مره ثانيه راح تكون معدلاتنا صفر وكثير مننا ماراح يستفيد من الشهادة

الله يوفقكم

[انامــل نـاعمه]

اقصد من اسباب تعاطي المخدرات السهر الرفاق العمل المتواصل تعاطي الادويه كذا جتنا الاختيارات طيب وش نختار بالضبط اذا كلها من اسباب تعاطي المخدرات تعاطي الادويه باستمرار يجيب الادمان على المخدرات

السؤال يقول الاجابه الخاطئه منها انا نموذجي Bواخترت مشروبات غازيه
انتم مفروض تختارون السهر >>>كثير ناس تسهر ولاتدمن المخدرات والاكيد هذا حنا نسهر سواء باختبارات اوغيره بس مو معناها ندمن طبعا رفقاء السوء او التعب النفسي ممكن الواحد يبي يهرب من الحاله اللي فيها ممكن يكون سبب وبعد حب الاستطلاع سبب في المخدرات الله يكفينا الشر ...

اعتذر عن خروجي من الموضوع اخوي انا معك بكلامك قلبآ وقالبا اعتمادنا عليكم انتم يالشباب والا وش بيد الطالبات لو اني رجال كان قدرت اتصرف بس انا بنيه وش بيدي اسوي :sm1:

[تاتين]

انا مريت بحالة من المعاناة النفسية بهاليومين احنا عندنا ظروف خاصة خلتنا ندرس انتساب ...والله توهقنا:Cry111:
اتمنى ان مايتكرر :017:

[ابو فيصل ناصر]

ضغط الجدول هذا كذلك حصل في الترم الماضي ,, ومع ذلك الجامعة لم تحسب حساب لشكاوى الطلاب السابقة , لا أقصد التثبيط ولكن نحن معك أخي الكريم في ماسوف تبحث عنه من اسلوب لتوصيل الشكوى وأخذها بعين الاعتبار ننتظر منك ومن الذي يستطيع المساعدة في إيصال الشكوى بطريقة فعالة وقوية , حتى ولو نحن عدينا وانتهينا , لا بد من احترام وقتنا وتقديرنا واحترام عقولنا كذلك. لك الشكر على الطرح المتميز

[totoيارب اتوفق]

عانينا كثيير بسبب هالجدول المرهق والمجهد :139::139:
واخرتهاا ماقدرنا نتجمل ونذاكرر مادة اليووم الله يسستر بسس
ياريت ماينعاد ولايتكرر هالخطاء المكلف ولا من جد بنروح فيهاا:007::007:
مادري وش هدفهم من ارهاقنا وعمل جدول بهالصووره اللي مانعرفت باي جامعه اخرى
هذا واحنا اللي المفروض يراعوناا من حيث الظرووف ووكووناا منتسبين يعني ماعندنا درجات ترفعناا
ولا احد يفهمنا الفهم المطلوب ويساعدناا ككلن ع قدراته ومافيه شئ يخلينا ننجبر نذاكر نص الفصل وانماا مذاكرتننا تكون ع اخر الفصل وهذا بعد شئ يزيد بالضغط وفوق هذا كله داافععيين
ياخي ماقلنا عطنا الاسئله ولا حتى تلخيصاات بسس نبي شويه وقت وراحه بين هالموااد عشان نقدر نستوعب ونذاكر صح ونحل تمام وبعدها راح يشوفو قد ايش هاللشئ بيزيد من نسبه النجاح وايضا المعدلات المرتفعه اللي ماتجي الا من تعب وجهد ومثابرره حالنا حال المنتظمين
وصلى الله وبارك

[roqa]

السؤال يقول الاجابه الخاطئه منها انا نموذجي bواخترت مشروبات غازيه
انتم مفروض تختارون السهر >>>كثير ناس تسهر ولاتدمن المخدرات والاكيد هذا حنا نسهر سواء باختبارات اوغيره بس مو معناها ندمن طبعا رفقاء السوء او التعب النفسي ممكن الواحد يبي يهرب من الحاله اللي فيها ممكن يكون سبب وبعد حب الاستطلاع سبب في المخدرات الله يكفينا الشر ...

اعتذر عن خروجي من الموضوع اخوي انا معك بكلامك قلبآ وقالبا اعتمادنا عليكم انتم يالشباب والا وش بيد الطالبات لو اني رجال كان قدرت اتصرف بس انا بنيه وش بيدي اسوي :sm1:


هلا أنامل صباحك عسل ..

والله حبيبتي شايفتلك هالدكتور ماخلى سبب إلا ويؤدي للإدمان ..خخخ

جميع الطرق تؤدي إلى روما ..

أما بالنسبة لتعليقك عالموضوع .. فأنا بالاتجاه المعاكس ..

بما أننا ندرس في جامعة وحده ونظام الكتروني واحد فهذا دليل انه لا يوجد تفرقة بين الذكر والأنثى ( كلامي عن هالموضوع بالذات ) ..

نستطيع نقدم شكاوي واحنا جالسين من مكاننا .. بس الهمة الهمة ..

[نور القحطاني]

آآآآه والله انكم صادقين ما يسوى علينا قررنا نكمل الدراسه ..
ضغط بشكل مو طبيعي .. والحين والله مالي خلق اروح اختبر حرااااام عليهم
انا اقول ارسلوا لعبد الله النجار .. يمكن يطلع معه شئ
مشكوووووور اخوي الله يعطيك العافيه على الموضوع .. جبتها على الجرح

[نعوومي]

المستوى اللي قبل اشتكوا بس مافيه فايده عادوها مره ثانيه


من الحين طلعوا جدولكم للمستوى الثاني الجامعة ماتغير شي

[خزز22]

فعلا كان تعب وارهاق وضغط نفسي مو طبيعي ياليت نقدر نقدم شكوى للجامعة

[سارة الحنونة]

هذا اللي يصير لما كنت مستوى اول اربع مواد بيومين ورى بعض وبرضوا

والحين أنا مستوى ثاني اربع مواد بيومين نفس الشيء ماتغيرووووا تنسيق الجدول غلط

ماقدرنا ننام ولا نجمع :Cry111:

[mahmud]

الشكوى الجماعيه ممنوعه :41jg::41jg::41jg:

[Turning point]

كلامك صحيح ميه ميه بس اتصور له اسباب
عدد مواد الجامعه كلها جميع المستويات لاتغطي مدة اسبوعين مدة الاختبارات حتى لما تكون فترتين باليوم

فطبيعي يكون الجدول كذا على اساس ان كل مادة تنزل كل ترم
لان فيه طلبه جدد في كل ترم غير اللي حاملين المادة ولازم ماتتعارض مع موعد اختبار آخر لهاطالب اللي حامل المادة
يعني يضغطون طلاب ولا ينزلون مادتين لطلاب في نفس الموعد فهمت علي

[ashwaq22]

فعلا الجدول كان مرهق و متعب و لازم نقطم شكوى رسمية عشان ما تتكرر هالمشكلة لا لنا و لا لغيرنا

اتمنى الكل يتعاون و شككوى انا عن نفسي بقدم بس دلوني عالطريقة

[فيزيقي]

اشكر الجميع على التفاعل مع الموضوع

ممكن نكتب شكوى ( بخطاب واحد )

او كل واحد يرسل على اداة التعليم عن بعد وهذي صفحة موجود فيها الايميل
http://www.kfu.edu.sa/ar/Deans/elearning/Pages/contacts.aspx

وهذي صفحة الاتصال بمدير الجامعه
http://www.kfu.edu.sa/ar/Departments/SeniorManagement/President/Pages/Contactus.aspx

الاهم انو نتفق على نقاط رئيسيه اللي بيرسل يذكر هذي النقاط

( ملاحظة : اختبارين في يوم واحد .. ما يتعارض مع لائحة الجامعة )

لكن تكون الشكوى اقرب مايكون للاستعطاف :biggrin:

[s a a d]

:(177):

يا جــــــــامعه يالي لطلابك تحبين..... ارجوك يكفي عذابي والسنين
اهديتك العمر وانتي وش بتهدين.... ادري شهاده وبعدها وش بتعطين
ادري وظيفه لكن وش بتخفين..... ابيك ذكرى سعيده للمحبين
انا الذي اخلصت وانتي تخونين..... انا الذي حبيت وانتي تهجرين
ياما سهرت الليل وانتي تنامين..... وياما بكيت لك وانتي تضحكين
يا جامعه اسف كذا متخاصمين ..... جدولك هالترم ماكان لنا زين
قلبي وسيع ويضم كل المحبين..... وانتي مواقفك ضيق وتسكتين
اخاف من لفحة هوى تمرضين ..... وانا مرضت ولازم عذر ماتصبرين
اشبعتك حنان وحب وما تشبعين ..... وانا ما ذقت الفطور وما تغدين
ياما وياما عند المكاتب متلطعين..... وياما وياما نصف درجه ما بتعطين
انهد حيلي ياجامعه وتكفين ..... متى بفارقك ما بنرضى متخاصمين
انتهى حبر القلم وش تستفيدين..... غير سوء التفاهم مع خبره متعاركين
خلاص مابكمل خلاص ياعينين ..... اخفي صور كانت واخفي وتعرفين
وياجامعه يالي لطلابك تحبين..... ترمنا الجاي ان شالله تعدلين

[3booorah]

اي مررررررره تعبنا وانرهقنا:Cry111:

[MlÕkЋ]

:(177):


يا جــــــــامعه يالي لطلابك تحبين..... ارجوك يكفي عذابي والسنين
اهديتك العمر وانتي وش بتهدين.... ادري شهاده وبعدها وش بتعطين
ادري وظيفه لكن وش بتخفين..... ابيك ذكرى سعيده للمحبين
انا الذي اخلصت وانتي تخونين..... انا الذي حبيت وانتي تهجرين
ياما سهرت الليل وانتي تنامين..... وياما بكيت لك وانتي تضحكين
يا جامعه اسف كذا متخاصمين ..... جدولك هالترم ماكان لنا زين
قلبي وسيع ويضم كل المحبين..... وانتي مواقفك ضيق وتسكتين
اخاف من لفحة هوى تمرضين ..... وانا مرضت ولازم عذر ماتصبرين
اشبعتك حنان وحب وما تشبعين ..... وانا ما ذقت الفطور وما تغدين
ياما وياما عند المكاتب متلطعين..... وياما وياما نصف درجه ما بتعطين
انهد حيلي ياجامعه وتكفين ..... متى بفارقك ما بنرضى متخاصمين
انتهى حبر القلم وش تستفيدين..... غير سوء التفاهم مع خبره متعاركين
خلاص مابكمل خلاص ياعينين ..... اخفي صور كانت واخفي وتعرفين
وياجامعه يالي لطلابك تحبين..... ترمنا الجاي ان شالله تعدلين


صح لسانك :d5:مبدع كلمات مختاره ومنتقاه في الصميم وربي :wink:

[نورالزهراء]

كنت متوقعه انتي ماانزل عن درجه الامتياز ابدا :sm1: بصراحه الجدول ظلمنا وهلكنا حتى الاسئله السهله صارت علينا صعبه من قل التركيز والسهر
كأنك يابو زيد ماغزيت :000: