لم يصلني إشعار بإعادة الإختبار

[العــاااابــر]

السلام عليكم ورحمة الله وبركاته

يا أخوان انا هذا الترم سجلت فقط في ماده واحد ه هي الإنجليزي وبعد الإختبار لم ازر موقع الجامعه
إلا اليوم وكانت المفاجأه ان هناك ايقونه مسجل فيها طلب الحضور لإعادة الإختبار ودخولي كان للإستعلام عن النتائج ابغى أعرف وش هالتخبط الي في الجماعه ليه ماوصلتني رساله على الجوال مع أنه ايام دفع الرسوم وهم مشغليني الأن انا ماحظرت الإختبار كيف راح يكون وضعي ولاهو من المنطق ان تعيد الإختبار من دون الإشعار أرجو إذا كان هنا أحد المسئولين يتواصل معي او إذا أحد منكم يعرف جوال أو ايميل العميد النجار يا انهم يقبلون ورقة إجابت الإختبار الي قدمته او تتكفل الجامعه برسوم الماده الترم الجاي انا ما أتحمل أخطائهم

[هلاترك]

غريبة انا احرقوا جوالي رسايل اشعار حضور الامتحان :biggrin:

[مهــاآابــهـ]

وانا اختك حنا تحملنا خطأ موظف واحد

ومحد حط لنا اعتبار ,, وحنا بالالاف بيحطون اعتبار لطالب واحد فقط

وضعك اذا ما دبرت عذر طبي ماراح يقبلون اي اعذار غيرة

موفق

[العــاااابــر]

يعني الدعوه سرقه فلوس كل مابغوا زود دراهم قالوا الأسئله مسربه يالله تعالوا عيدو الإختبار ابغى ايميل ورقم جوال النجار

[أَبُو يـَزَنْ]

يعـني اخوي انت ماسجلت الا مقـرر واحد فقط

على ما اظن الإعلانات كانت في المراكز بعد

وترا مو فاهم انك سجلت في مادة وحدة ؟

[الصنطران]

طيب اسمحلي ابغى
اسألك الايام اللي فاتت
وينك يعني بعد دفع الفلوس
وتسجيل المواد
لاتزعل علي فيه شيئ
اسمه اختبارات :58545:

[العــاااابــر]

انا مافتح معي نظام التسجيل إلا في أخر يوم من التسجيل ومليت وانا أطالبهم ويوم فتح معي في أخر يوم ماقبلني إلا في ماده وحده بس وبعدها رجع وقفل

[مهــاآابــهـ]

الصنطران يقول لك اختبر ولا عاد رجع يدقق


فهمت يعني هو دخل اختبار الانجليزي يوم الاحد بس

[العــاااابــر]

المواد الي عندي ماده وحده بس أختبرت وتوكلت على الله

[الصنطران]

ما يخالف كانت هجمه مرتده ولا
انتبهت لباقي كلامك:hahahahahah:

[العــاااابــر]

حصل خير أخوي بس إذا تعرفون ايميل ورقم جوال النجار

[اميرة بدلعي]

العابر مع احترامي لك انا قريت فقط اول ردين لك
اذا نظرتك محدوده تري نظرة الجامعه مو محدوده
والغلط مو غلط الجامعه لانهم بلغو وحاول قد مايقدرو يوصلو المعلومه للكل
يعني ايش تبي منهم يجو لحد بابا بيتك
تعال اختبر الله يخليك
واذا عندك كلام
موقع الجامعه عندك وتقدر تتواصل معهم
مش تجي تتكلم عن الجامعه بالشكل هذا
الجامعه مكان نتعلم فيه مهما كانت سلبياته او ايجابياته لازم نحترم المكان اللي احنا فيه
اعتذر علي اسلوبي
بس الصراحه راحه

[العــاااابــر]

أولاً يا أخت اميره شكرك على الرد ودفاعك عن الجامعه علماً انه ليست بحاجه للدفاع عنها

ثانياً / الموضوع الي انا طارحه ابغى معلومات العميد الإيميل والجوال فقط

ثالثاً / بخصوص انهم يجون لحد بيتي يبلغوني انا شخص متضرر لم يصلني أي اشعار بالجوال علماً انه وقت دفع الرسوم طلع العميد من شاشة الجوال يقول تكفى سدد ا, لمبلغ الي انا دافعه لهذي الماده 530 مايسوى كنه مخالفة سرعه لكن انا ما اكد على الجامعه ولا موظفين الجامعه انا صاحب حق وحقي لازم اخذه إذا الجامعه مو قد العدد الكبير من الطلاب بحيث يصعب عليها انها تتواصل معهم لا تقبل أكبر من حجمها الجامعات الأخرى تتواصل مع طلابها حتى بحركة المرور وقت حضورهم لأداء الإختبار وجامعتنا ماتشد حيلها إلا وقت دفع الرسوم

ومازلت اطالب إذا أحد عند ايميل العميد ورقم جواله يرسله لي

[همس الغرور]

اخوي اقل عدد ساعات مسموح 12 ساعه ..

اقل من كذا ماينفع ..:(107):

كيف انت ماخذ ثلاث ساعات ..وبروح ادورلك الرقم ولايهمك ..:cheese:

[العــاااابــر]

عاد هذا الي صار يا أخت همس قبلوني فقط بماده وحده بس وشاكر لك على اهتمامك

[(» мs Ёℓǻƒ .. ♥)]

اخوي اقل عدد ساعات مسموح 12 ساعه ..

اقل من كذا ماينفع ..:(107):

كيف انت ماخذ ثلاث ساعات ..وبروح ادورلك الرقم ولايهمك ..:cheese:


مافي حد معين لعدد الساعات لان انا في ترم سجلت 7 ساعات
:10111:

[ترووكي القيصومه]

اخوي مدامك ماخذ ماده واحد فاعلم انك تضيع وقت مو قصدك الشهاده بس تضيع وقتك



يعني يبيلك 15 سنه عشان تخلص الجامعه



يعني رح دور لك شي ثاني تضيع وقتك بدون فلوس احسن لك

[همس الغرور]

جامعة الملك فيصل
عمادة التعلم الالكترونى و التعليم عن بعد
الأحساء 31982
ص.ب 400
تلكس 861029
تليفون 0096635802278
فاكس 035896119

[راكان الشمري]

وصلتني " 4 " رسائل منهم

الى قبل الاختبار بساعتين ، جتني منهم رساله


والغريب ، مركز الاختبار اللي تختبر فيه ، ماحطو لكم اعلان ...

[همس الغرور]

مافي حد معين لعدد الساعات لان انا في ترم سجلت 7 ساعات
:10111:

ها:Looking_anim::Looking_anim::Looking_anim:

احنا الترم اللي قالو لنا اقل شي 12 ساعه واكثر شي 18 ساعه متأكده من هالكلام ..

يمكن ضحكوا علينا ..:cheese:

اصبري اجيبلك الخبر من الموقع لاني متأكده

[مدرك]

وسع صدرك
و كبر المخده على قولة الحساويه
احمل الماده حبيبي و لا تفكر بشي يتعب قلبك

[(» мs Ёℓǻƒ .. ♥)]

ادري مكتوب هالشي
بس قبلها 7 ساعات ولا اعترض عليها
:(204):

[العــاااابــر]

يا أخ تركي ياليت تقراء كويس قبل ترد انا أقولك الجامعه مافتحت لي التسجيل إلا في أخر يوم والساعه 11 في الليل بعد وماقدرت أسجل إلا مادة واحده بس

[غرور الورد1]

الله يعينك

أحنا ازعجونا بالرسائل .. عشان اللي معاند وما يبي يختبر واللي ما يدري ..

ربي ييسر لك ويسهل امورك .. راجعهم وان شاء الله تتسهل

غريبه الخبر في الجرايد والمواقع الألكترونيه و موقع الجامعه والمنتديات .. وكل مكان ...

وددي اعرف انت وينك من كل هاللي صار :sm5: :(107):

[غرور الورد1]

رووح الجامعه وراجع بنفسك

[العــاااابــر]

وصلتني " 4 " رسائل منهم

الى قبل الاختبار بساعتين ، جتني منهم رساله


والغريب ، مركز الاختبار اللي تختبر فيه ، ماحطو لكم اعلان ...

ماعندي غير هالماده بس فأختبرت ومشيت

[العــاااابــر]

وسع صدرك
و كبر المخده على قولة الحساويه
احمل الماده حبيبي و لا تفكر بشي يتعب قلبك

يا اخ مدرك لو كل واحد سوى مثل ماتقول الجامعه تبي تاخذ راحتها بقراراتها التعسفية ولا هي معبره أحد

[العــاااابــر]

الله يعينك

أحنا ازعجونا بالرسائل .. عشان اللي معاند وما يبي يختبر واللي ما يدري ..

ربي ييسر لك ويسهل امورك .. راجعهم وان شاء الله تتسهل

غريبه الخبر في الجرايد والمواقع الألكترونيه و موقع الجامعه والمنتديات .. وكل مكان ...

وددي اعرف انت وينك من كل هاللي صار :sm5: :(107):

شاكر لك أختي غرور وصراحه انا رجال موب راعي جرايد ولا يمكن لأي شخص ان يخطر له ان الجامعه بتسوي حركه زي هذي

[العــاااابــر]

مشكور أخوي صنطران على الرساله الخاصه

[محمد الشمريـ]

وضعك اذا ما دبرت عذر طبي ماراح يقبلون اي اعذار غيرة

موفق[/quote]


خير الكلام ما قل ودل هذي الزبده

[همس الغرور]

ادري مكتوب هالشي
بس قبلها 7 ساعات ولا اعترض عليها
:(204):

اها يعني يقولون مانسمح ويمشون ..:biggrin: قولي كذا .. بس فيها مخاطره واحنا دفعتنا فضيحه ومافي شي يسكتون عليه يعني مايمدينا نجازف خلينا بالسليم اصرف ..:(204):

:53:

[العــاااابــر]

وضعك اذا ما دبرت عذر طبي ماراح يقبلون اي اعذار غيرة

موفق


خير الكلام ما قل ودل هذي الزبده[/quote]

مشكور اخوي محمد بس بحال جبت عذر يعاد الإختبار ولا أعيد الماده من غير دفع رسوم ؟

[RMA]

الله يعينك

ليته عندي كان احطه هنا

بس انا شاء الله تلقى احد يفيدك

[همس الغرور]

اخوي اقرأ هالموضوع من منتديات الجامعه يمكن يفيدك ..

تلقى الخبر الاكيد ان شاءالله ..

http://kfuforums.kfu.edu.sa/showthread.php?162034-%DF%E1-%E3%C7-%ED%CA%DA%E1%DE-%C8%C7%E1%DB%ED%C7%C8-%DA%E4-%C7%E1%C5%CE%CA%C8%C7%D1%C7%CA-%C7%E1%E4%E5%C7%C6%ED%C9

مدري وش فيه رابطهم خريطه ...:Looking_anim:

[العــاااابــر]

الله يعينك

ليته عندي كان احطه هنا

بس انا شاء الله تلقى احد يفيدك

شاكر لك أختي وصلني على الرسائل الخاصه رقم بس ما ادري هو رقم العميد أو رقم دكتور الماده

[العــاااابــر]

اخوي اقرأ هالموضوع من منتديات الجامعه يمكن يفيدك ..

تلقى الخبر الاكيد ان شاءالله ..

http://kfuforums.kfu.edu.sa/showthread.php?162034-%df%e1-%e3%c7-%ed%ca%da%e1%de-%c8%c7%e1%db%ed%c7%c8-%da%e4-%c7%e1%c5%ce%ca%c8%c7%d1%c7%ca-%c7%e1%e4%e5%c7%c6%ed%c9

مدري وش فيه رابطهم خريطه ...:looking_anim:


شاكر لك أختي همس على أهتمامك والرابط موضح فيه كل شي بخصوص الغيابات

[رمـز]

اخوي غصبن عن خشم النجار يعتمد لك الاختبار الاول

[العــاااابــر]

اخوي غصبن عن خشم النجار يعتمد لك الاختبار الاول

ياخوي مانبي لا من خشمه ولا من عينه نبي حقنا وبس

[همس الغرور]

شاكر لك أختي همس على أهتمامك والرابط موضح فيه كل شي بخصوص الغيابات

انت تعتبر متغيب عن الاختبار .. لان الاختبار الاول ملغي مو محسوب ..

لكن اتمنى يحسبونه لك بس هم كان كلامهم واضح لنا ان اللي مايحضر الثاني يعتبر متغيب ماقدم الاختبار ..:139:

[امورة وايد]

فرج الله همك وكان في عونك

[لولوجده]

لاحول ولا قوة الا بالله
اصلا هالترم ماشفنا الا رسالة "ادخلو المحاضرات المباشره لان العدد منخفض + اعادة الاختبار "
المرة الجايه ماراح ادفع ال 10 حرام فيهم :017:

؛

زي ماقالوا لك الاخوان دبر عذر طبي من مستشفى حكومي
وفي حال انقبل العذر راح ينزلو اك الماده الترم الجاي بدون رسوم هذا اللي اعرفه ..


عسى الله يكون في عونك وكثير منا كانت ظروفه اقوى منه
لكن الله كريم

[RMA]

ولا عذر ولا شي الايدخلون على نظامهم يشوفون رقمه مع الارقام ولا لا

زائد


لا زم يشوفون حل للاعلانات المصيرية الي مثل كذا
تخيلوا احد جواله ضايع ولا الخدمة مقطوعة ولا اي شي زي كذا

[BayanFJ]

وراكم شبيتو على الرجال يحّول :biggrin:

يعني الدعوه سرقه فلوس كل مابغوا زود دراهم قالوا الأسئله مسربه يالله تعالوا عيدو الإختبار ابغى ايميل ورقم جوال النجار
بس ترا الإختبار ماعليه رسوم !

خير الكلام ما قل ودل هذي الزبده
مشكور اخوي محمد بس بحال جبت عذر يعاد الإختبار ولا أعيد الماده من غير دفع رسوم ؟

لو معاك عذر أو حتى من غير عذر لأن حالتك إستثنائية ,
و إنت مالك دخل بتغيّبك عن الإختبار الثاني , إختبرت وخلصت يالله لك الحمد
ليه أراجع مواقعهم و المنتديات و الخدمات الطلابية ؟
أما لو رقمك ألغيته , او غيرته من الخدمات الطلابية .. فـ المشكلة من عندك و إنت تتحمّل خطأك !

يا شيخ لو انا بدالك يمكن الحين منهارة :sm1: !!
ضيّعو علي ترم كامل ما سجلت فيه إلا مادة من نظامهم الخايس !
وآخرتها أصير غايبة عن الماااااة :eek:!

الله يعينك و يصبرك و إن شاء الله يتجاوزون عنك لأن الغلط منهم ويعتمدون الدرجة الأولى إن شاء الله:004:

[شعاع الأمل]

الله يعينك اخوي

وانا مثلك ماتوصلني رسائل اول بأول حدهم حق مركز الاختبار واعادة اختبار المحاسبه

لا رسائل لمحاظرات مباشره ولا لمواعيد الاختبارات ولا للنتائج ولا يحزنون

[الواثق.]

اخوي العابر
ماعليك من الجامعه دبرلك عذر طبي بشرط يكون من مستشفي
حكومي في نفس تاريخ الاختبار علشان ماتدفع رسوم اذا خلوك
تحمل الماده
وتقبل تحياتي ........

[غشمر]

أقول العابر
تعال أدبر لك ورقة من المرور وريح مخك
ازهلها

[حلمي الوحيد]

انا ماسجلت بالايكونه اللي تقولهاا حقت حظور الاعاده بس حظرت الاعاده هل علي ضرر :eek:


الله يستر ....

[عبدالله الالمعي]

ضبط لك عذر طبـي وريح مخك وإذا ضبطت العذر الطبـي راح يحتسبون الرسوم للمادة سواءا بالترم الجاي أو يقولون تعال أختبر و مادري صراحة بس أنت الربحان بالحالتين والله يوفقك وييسر أمورك وأمور المسلمين
:106:أخـــــوك:106:
:106:عبدالله الألمعي:106:

[Ali s]

والله فعلا مافيه الا حرق بهالرسائل انتبه بنعيد الاختبار انتبه بنعيد الاختبار هههه

غريبه ماوصلتك

المهم اخوي حاول تتواصل معاهم باسرع وقت وتضبط امورك او تجيب عذر طبي

عشان ماتضطر تدفع عليها رسوم الترم الجاي

["//تفـآاؤل\\"]

طووول الترم ماشفت منهم الا رساله واحده فقط وهي عدم تفاعلك مع المحاضرات المباشره ..!!:lllolll:

ووقت الاعاده سبحان الله كيف ارتفعت محبتي في قلوبهم باليوم رسالتين عشان اعادة الاختبار ..!!:004:


عموما
الله يكتب لك اللي فيه الخير ويسهل آمرك يارب :119:

[ℓαѕт σηє]

أنا ما يجيني أي اشعارات على الجوال !!
الا لمن يجي وقت التسديد :icon120:
حسبي الله عليكم من جامعةةة :017:

[ℓαѕт σηє]

انا ماسجلت بالايكونه اللي تقولهاا حقت حظور الاعاده بس حظرت الاعاده هل علي ضرر :eek:


الله يستر ....

حتى انا ما سجلت ولا ادري وش سالفتها ، :sm18:
شسالفه يالربع ؟!

[منتصف الحياة]

معوض خير يا بطل قم ناظر مبارة برشلونة ولا تفكر ولا تشغل بالك راح دفع رسوم من جديد وتعيد المادة انا ما ودي احطمك بس هذا الواقع والي راح يحصل الله يوفقك السنة القادمة