تخيل انك انت مديرالجامعه

[خالدعبدالعزيز]

السلام عليكم جميعا
لو جاء قرار رسمي وحطوك مدير للجامعه وش القرارات اللي بتسويها
وهل تتوقع انك بتنجح وهل اذا سويت كل اللي في بالك بتسلم من النقد والقيل والقال
الله يعين المسؤولين فهذي امانه ومسؤول امام الله قبل كل شي
فسمعونا قرارتكم اللي بتصدرونها اذا مسكتوا المنصب

[هلاترك]

خالد اول قرار بغير تخصصك من راسي من غير ما ارجع لك مش لي الكلمة الاوله والاخيره :biggrin:

ثانيا بشوف ردك لما اسوي كذا وش بيكون :53:

[همس الصباح***]

انا ما اتخيل
لاني انتظر النتيجة
:mad::mad::mad::mad::mad::mad:

[Turning point]

راح افصل كل الرعاع فهم عبء على العملية التعليميه وانتقائي للطلبه راح يكون بمعايير خاصة

[خالدعبدالعزيز]

اهلين هلا ترك
وفعلا صارلك هالشي

[خالدعبدالعزيز]

المشكله هذي جامعه صعب الانتقاء
التعليم من حق الجميع فاذا اخذنا برايك وطبقنا الانتقاء اصبحت عنصريه
وهل لديك معايير معينه لقبول وتفضيل احد على احد من الناس
والرعاع منهم بالضبط
حتى تكون الصوره واضحه لتكسبي التاييد او العكس

[Another day]

انا راح اضيف ايقونة جديده باسم اقتراحات الطلبه يفضفضون فيها على كيفهم وبكذا ماحد يقول صوتوا او لاتصوتون او ماحد رد علي وغيروووه....
بالنسبة للانتقاد انا بشر وخطااء لولا النقد ماراح انتبه لاخطائي ولا اتطور ويتطور غيري

[ابن خلدوون]

لو حطوني مدير جامعه .. أبخلّي الجامعه أشهر من جامعة كامبردج ..

وأفتح تخصّصات جديدة ماهو موجوده بالجامعات السعودية ..

وأخلي الجامعه وسيله من وسائل النظم الإجتماعيه ( ياعيني على التخصص )

[Turning point]

الرعاع اللي يهايطون ويطالبون ولا ينجزون شي ويالله يالله ينجحون كثير ناس ماقدروا يكملون تعليمهم في فترة سابقه لكن ان نظرت الى فكرة تجده قمة الرشد اذا نظرت الى عملة قمة الجهد ومو مهم الفل مارك ممكن يتعثر بس يكون منطقي وعقلاني ومتفاني وقبل ان يطالب بحقوقه ينظر الى واجباته
المعايير اختبار اقيس فيه قدرة الشخص ونضوجه الفكري مو مهم الدراسي

[خالدعبدالعزيز]

another day كلام جميل وحضورك والمشاركه اجمل
ومنكم نستفيد

[خالدعبدالعزيز]

ابن خلدون قرارات قويه بس هل تتوقع انها سهله
وهل في رايك ستجد الدعم ممن حولك فقرارتك تحتاج تضافر جهود

[خالدعبدالعزيز]

الاخت تورينق انا معك في الجزء الثاني انه يفتح المجال للمتميزين اللي ماخذو فرصتهم سواء في التعليم
او المناصب العليا
اما بالنسبه لمصطلح الرعاع ماني متاكد هي تنفع لاصحاب الكلام الفاضي والمهايط ولا لا
اتوقع الرعاع الناس التي ليس لها راي تابعه وليست متبوعه
وشكرا لتواصلك

[فضيل]

راح اخلي الدراسة للجميع ، بدون واسطااااات بدووون تعقيدااااات

[Turning point]

الاخت تورينق انا معك في الجزء الثاني انه يفتح المجال للمتميزين اللي ماخذو فرصتهم سواء في التعليم
او المناصب العليا
اما بالنسبه لمصطلح الرعاع ماني متاكد هي تنفع لاصحاب الكلام الفاضي والمهايط ولا لا
اتوقع الرعاع الناس التي ليس لها راي تابعه وليست متبوعه
وشكرا لتواصلك
نعم من جملتهم الناس اللي مالها رأي مع الخيل ياشقرا بس التكنولوجيا ادت الجميع فرصه للتعبير عن آرائهم حتى لو كانت غير جديرة بالطرح وللأسف تاخذ حيز كبير لدرجة انك تقول يالطيف هوه المجتمع كذا ليه

[خالدعبدالعزيز]

فضيل راي يحترم والتعليم من حق الجميع لمن لديه رغبه بالتعليم
ولك مني تحيه

[خالدعبدالعزيز]

فعلا اخت تورينق التطور التكنولجي الحاصل الان غير في مفاهيم الناس
حتى الاطفال اصبح لهم راي

[خالدعبدالعزيز]

استاذنكم اخلص بعض الاعمال وارجع لكم
اتمنى المتابعه

[Another day]

Turning piontلايعني الراي الاخر اذا جاءمخالف لنا يكونون مع الخيل ياشقرا يمكن هم مع الراي اللي يؤيدونه سواء اتفقوا معنا او خالفونا فهذي اعتبرها حريه ادبيه يمارسها الشخص وهو حر في ابداء رايه وبالطريقه اللي تعجبه

[Another day]

راح اخلي الدراسة للجميع ، بدون واسطااااات بدووون تعقيدااااات
والله يا فضيل اللي شايفته ان الدراسه اصبحت من غير واسطااات او تعقيدات واللي اثبت لي وجهة نظري دخولي الجامعه

[فضيل]

بالعكس الانتساب، من غير رغبة والا الانتظام صعب

فلو كنت مدير الجامعة ( اللي نسبته ضعيفه يدرس انتظام برسوم) يكون حل كويس!!

[Another day]

بالعكس الانتساب، من غير رغبة والا الانتظام صعب

فلو كنت مدير الجامعة ( اللي نسبته ضعيفه يدرس انتظام برسوم) يكون حل كويس!!

وجهة نظر تستحق الاحترام:(204):

[الطيف المهاجر]

لو اي شخص كان مدير للجامعة لن يغير اي شي ولو قام بالتغيير سيغير تغيير بسيط جدا

وراح يشوفه تغيير جذري وكلي بعد عجزه التام ومحاولة لارضاء ضميره بيشوف الشي البسيط عمل جم

لان المدير ليس الكل في الكل في جامعاتنا الجميلة وانما شخص تنفيذي فقط

وعلى حسب التنفيذ يكافئ ونقرر استمراريته , لذلك كثرت العاهات الادارية لدينا والعقول القديمة والسقيمة

بكل اسف هذا واقعنا لاني لم استطع التخيل بل رضخت للواقع لمر

تحيتي لكم

[GLAYNZI]

السلام عليكم ورحمة الله وبركاته،

اشكرك اخي خالد على طرح مثل هذا الموضوع اللي خلاني ادخل الجو بجد‘‘

انه لحلم وهاهو يتحقق اخواني الطلاب واخواتي الطالبات ان أرأس صرح شامخ من صروح العلم في بلادنا واسمحوا لي ان اوضح لكم بعض النقاط التي سابدأبها باذن الله وتوفيقه ثم بتعاونكم واجتهادكم :

1. ساتيح لكم حرية النقد والتقييم لجميع خدمات الجامعة بدون قيود او تحسس فأنتم المحور الاساس في العملية التعليمية وانتم عيوني التي ارى من خلالها وانتم شركائي في العملية التعليمية وستكون ملاحظاتكم خير معين لي في التطوير.

2. ساقضي على ثقافة المعاريض والتذلل للمطالبة بحقوقكم فكرامة الطلبة فوق كل اعتبار وليس لاحد منة في العلم فهو فضيلة وامانة في عنقي وستأخذونة على الوجه الاكمل .

3. سأطبق آخر ما توصل اليه العلم من طرق تدريس واختبارات تركز على الفهم وليس الحفظ واعرف اتكم تعانون من الامتحانات وليس الاختبارات!

4. ساحاسب كل مقصر او غير جدير بالتعليم وسأحرص على تعيين افضل الكوادر من اعضاء هيئة تدريس او اداريين وسأجعلكم تفاخرون بين الجامعات انكم خريجي جامعة الملك فيصل مما سيجعل الشركات تتسابق على توضيفكم قبل تخرجكم باذن الله.

5. إلغاء الرسوم التي تقصم ظهر طلبة الانتساب الذين يبحثون عن العلم رغم مشاغلهم .
6. التمس منكم العذر على ابقاء مبلغ 10 ريال الخاصة بالرسائل لمن يرغب وسنتواصل معكم بالايميل ايضاً.

واؤكد لكم ان دوركم كبير فبادروا بالجد والاجتهاد والمتابعة من بداية الترم لضمان الاستفادة من التعلم .

معليش ياشباب ابكون واضح معكم اي واحد عنده اقتراح او شكوى ولم ينظر فيها يراسلني مباشرة وبلاش اللجوء الى الاعلام الله يرحم والديكم فكونا ووش تبون ترانا حاضرين..

مع اعطر تحياتي ،،

[Another day]

اخي الطيف المهاجر اذا استسلمت وهو مجرد لو فلا تشره عليهم وهم في الواقع واسلوب الاستسلام والخضوع هو اللي جابنا ورا

[عبدالله سليمان]

سأطالب بالتحقيق مع من يصف زملاءه بالرعاع .!!!

[Turning point]

سأطالب بالتحقيق مع من يصف زملاءه بالرعاع .!!!

عبدالله سليمان والله ردك حلو ومسكت

اخجلتني يارجل لكم العتبى حتى ترضوا

[هلاترك]

والله يا فضيل اللي شايفته ان الدراسه اصبحت من غير واسطااات او تعقيدات واللي اثبت لي وجهة نظري دخولي الجامعه



في واسطة الفلوس وما ادراكي مالفلوس تغير وتعمي وتزنخ وتصدي النفوس :biggrin:

يا الغالية انا وانتي ممكن نقدر ندفع في ناس تتمنى الدراسة بس يادوب بتلاقي قوت يومها

نفسي زي هذولا يلاقوا فرص مجانية لتعليم :106:

[عبدالله سليمان]

عبدالله سليمان والله ردك حلو ومسكت

اخجلتني يارجل لكم العتبى حتى ترضوا

أيضاً ردك ( مسكت ) ..! وإلا كنت مجهز خطبة عصماء ..ونقاش طويل أظن أنه لن ينتهي قريباً .

ولكن الاعتذار يلغي كل شيء ...والحمد لله رب العالمين ...

[ابو نآآآآيف]

بصراحه عجزت اتخيل غمضة عيوني وفتحتهم كم مره ماشوف قدامي إلا ؟؟؟؟

[هلاترك]

بصراحه عجزت اتخيل غمضة عيوني وفتحتهم كم مره ماشوف قدامي إلا ؟؟؟؟




ولما االـــــ؟؟؟ :biggrin:

[طــــلال]

هههههههههه والله بتشوفون شئ:41jg::41jg:

[kaleimat]

ما اتوقع يخلوني مديرة جامعه تحوي الجنسين
كان ينتحرون الطلبة الذكور:007:
واقل شي يقولونه عني,,,,,,خل تقعد ف بيتها تغسل مواعين

[خالدعبدالعزيز]

اشكر الجميع على تواصلهم وكل تعليقاتكم مرحب بها واتمنى ان نطبق
اختلاف الراي لايفسد للود ........
another day شكرا لمتابعة المتواصله
واتمنى ان يستمر طرح مافي خاطركم يمكن نحن الطلاب رغم اختلاف ثقافاتنا واعمارنا وجنسنا ان نوصل صوتنا ويستفيد منها صاحب مسؤوليه في الجامعه .ليش لا

[خالدعبدالعزيز]

الاخت كلمات ليش لا المفاهيم تغيرت.
رغم انه لي تحفظ على ان المراه تمسك منصب قيادي لسبب ان المراه تصبح متسلطه اذا تولت منصب
مجرد راي ارجو انه مايزعل اي انثى فالانثى تبقى والدتي واختي وزوجتي وزميلتي وحبيبتي

[خالدعبدالعزيز]

طلال شكلك ناوي شر ههههه
:rose:خلك حنين

[خالدعبدالعزيز]

ابو نايف بالعزيمه والاصرار يمكن ان يتحقق لك الحلم
وان ماتحقق يكفي انك حاولت واجتهدت

[MlÕkЋ]

لو انا مديره .. ان كان اخلي مندوبي الصحف عند الباب علشان اي طالب اوطالبه يدخل عندي يصورونه وتنزل

من بكره بالجرائد ان المديره سوري العميده تستقبل الطلاب بصدر رحب http://www.s-qu.com/forum/images/smilies/biggrin.gif

[MlÕkЋ]

شوي اغسل المواعين واجيكم :oao: لاتجيني امي (المديره) عميده البيت :biggrin: تغسل شراعي
تعلمني وش القوانين والانظمه صدق :41jg:

[خالدعبدالعزيز]

اهلين انجيلا . صرت اكتبها صح انجيلا
شكرا على المرور وكيف القهوه معك اليوم عربيه ولا تركيه:rose:

[my Dreams]

لو كنت كما تقول لخطيت لوحة كبيرة ووضعتها في وسط الجامعة ولنسخت منها مئات الصور ووضعتها في كل اروقة الجامعة ومكاتب الهيئة الادارية والتعليمية وكتبت فيها بالخط العريض

كلكم راع وكلكم مسؤول عن رعيته

لكي اراها في كل مكان واتذكر هذا الوعيد واقوم بالامر كما ينبغي ان يكون رحمك الله ياعمر حين قلت (لو ان بغلة فى العراق عثرت لسئلت عنها يوم القيامة ،يقال ياعمر لما لم تعبد لها الطريق )

[خالدعبدالعزيز]

ماي دريمز الكبيركبير
كلام جميل جدا وياليت يوم من الايام توصل وتطبق اللي تحلم فيه

[@بوفهد]

turning point

رسالة من محب

اختى العزيزة رغما عنى اتوقف كثيرا امام مشاركاتك . اعجابا بقلمك . والعجيب اننى اختلف معك فى الظاهر فقط , اما ما تبحثين عنه فهو مطلبنا جميعا ولا نناقشك فيه . احببت ان احيي فيك هذه الروح الايجابية (المبالِغة), اما ما اعتذرتى عنه , فذكرنى بجملة قديمة جديدةذكرها المفكر سلمان العودة حول ذم التعصب فقال فيما قال : "يجب ألا نتعصب ضد التعصب ايضا " انتهى كلامه .
=========
اما انا فلا اتخيل نفسي اداريا ابدا ..
ولا اعرف كيف نجح غازى القصيبي فى الجمع بين الادارة وإنسانيته وشاعريته واحساسه المرهف
بحق لقد كانت معجزة تحسب له ...رحمه الله تعالى

[s a a d]

:71:لوكنت مدير الجامعة لجعلت مدير الجامعة الحالي يضلل ورقة الإجابة يوميا عند الحضور والإنصراف..:mh35:.

[خالدعبدالعزيز]

ابو فهد لك مني تحيه ومشاركتك جميله وتستاهل اختنا تورينق الاطراء والثناء
واذا اداريا ليس لك مجال فيه فانا متاكد انك ناجح بامور اخرى التجاره الادب
الرياضه واخرى فالابداع له مجالات كثيره وكل انسان له ميوله

[خالدعبدالعزيز]

اخوي سعد حياك الله
صدقني مدير الجامعه عنده مهام ومسؤليات كثيره الله يكون في عونه
واعتقد فيه مهام لوكلاء الجامعه والمدراء المساعدين مهامه اقرب لطلاب الجامعه
فتخيل عدد طلاب الانتساب بحدود 60000 غير طلبة الانتظام فلابد انه يكون فيه اخطاء بسيطه
مع الوقت يمكن حلها وتلافيه مستقبلا
وشكرا لك

[بنت الخبر@]

لا تعليق

الاني لو علقت راح يعطوني تنبيه ثاني وانحذف من المنتدى :biggrin:
<< تعقدت :41jg:

[@بوفهد]

:71:لوكنت مدير الجامعة لجعلت مدير الجامعة الحالي يضلل ورقة الإجابة يوميا عند الحضور والإنصراف..:mh35:.

:hahahahahah::hahahahahah::hahahahahah:

[خالدعبدالعزيز]

بنت الخبر حياك الله
ليه وش كتبتي علشان يعطونك انذار علشان ناخذ حذرناهههههههههه
قولي اللي بخاطرك كلها امور عاديه مدام مافيه تجريح لاحد

[بنت الخبر@]

بنت الخبر حياك الله
ليه وش كتبتي علشان يعطونك انذار علشان ناخذ حذرناهههههههههه
قولي اللي بخاطرك كلها امور عاديه مدام مافيه تجريح لاحد


مجرد كلام على جرح بغى يحذفوني :biggrin:

لا شكرا توبه :71:

[هلاترك]

اهلين هلا ترك
وفعلا صارلك هالشي



اخوي خالد انا اشرت وعليك التحليل :biggrin:

[F!x]

حلو لو الجامعه تضع صندوق أقتراحات الطلاب الانتساب

أما بالنسبه كوني أنا مدير أحم أحم ... البلاك بورد يعني أحل مشكلته

اوجد حلول .... ليه الجامعه ما تسوي سيستم مثل الموجود بالبنوك قوي تراها جامعه . مو مدرسه بأمكانها ...

أوجد ترم صيفي ... بموظفين قادرين يعملون بالصيف

سواء موظف اي كان نوعه دكتور ولا غيره ....

حتي لو مافي مراكز للأختبار اوجد مراكز ........... كم لك انت من فتحت الانتساب بفيصل ؟

اعيد النظر للطلب الطلاب بدراسات العليا أو الدكتورا .... طبعا لازم يكون معدله زين ؟

:(107): ايش كمان ..

[حلم قلب]

لو كنت مدريرة الجامعة بحسن من اماكن اختبارات وبوحد اسماءها لجامعة الملك فيصل
ووووبزيد المشاركة لاربعين ووووووبس <<<<دخلت جووو:biggrin:

[خالدعبدالعزيز]

حتى لو سويتي كل اللي تتمنينه هل سيتوقف النقد من الطلاب
تبقى معضله مالها حل
بيرجعون ويقولون الاسئل صعبه
هذي وش حلها

[خالدعبدالعزيز]

صدقوني كل هالمشاكل لها حل والجامعه راح تحلها
بس فيه امور تحتاج وقت وش هالامور ابي اسمع منكم

[حلم قلب]

لن يتوقف النقد
بس ساعتها بكووون الست المديرة:mh001: وكل واحد ينتقد بيكون ويذ يور سيلف:lllolll:

[F!x]

في الاخيرلا يوجد نظام كامل يا أخي الكريم .......

وألأنتقاد مو جود

[خالدعبدالعزيز]

ان شاء الله تكونين بس لاتصيرين متسلطه

[خالدعبدالعزيز]

كلامك صحيح

[خالدعبدالعزيز]

لي عوده ان شاء الله

[حلم قلب]

لا مارح اكوون امزح<<<انا ديمقراطية حتى النخاع بس مع النقد البناء والموضوعي وضد نقد الاشخاص والافتراءات

[F!x]

خالد بن عبدالعزيز انت مين تكون

؟؟؟؟؟؟؟؟؟؟؟؟؟؟؟؟؟؟؟؟؟؟؟:(107):

[الكويتي 1]

اولا : قرار درجات المشاركه تصير نفس عداد الكهرباء علي كثر ماتحمل تشوف العداد ماشي معاك .

ثانيا : أخلي كل دكتور يقوم بتنزيل ملخص للماده تبعه طبعا لراحت الطلاب والطالبات لأنهم راس المال .

ثالثا : التصحيح بنفس المركز علي طول وبدون تأخير ويتم رصد الدرجه .

رابعا : توني اصحا من النوم :24_asmilies-com:

[F!x]

اولا : قرار درجات المشاركه تصير نفس عداد الكهرباء علي كثر ماتحمل تشوف العداد ماشي معاك .

ثانيا : أخلي كل دكتور يقوم بتنزيل ملخص للماده تبعه طبعا لراحت الطلاب والطالبات لأنهم راس المال .

ثالثا : التصحيح بنفس المركز علي طول وبدون تأخير ويتم رصد الدرجه .

رابعا : توني اصحا من النوم :24_asmilies-com:


لازم قهوه:biggrin:

[MlÕkЋ]

لاوالله صدق لو اني مدير جامعه صراحه اشوف في بعض الانظمه الله يخلف بس مدري وش لها
من داعي ماقول الا الله يرد عقل اللي حطها براسه زي مثلا الطالب لاتاخر عن الاختبار بمده
معينه خلاص يالحبيب اذلف تراك محمل الماده وييييييييين ياعمي :Looking_anim: تخيل مثلا لا سمح الله
صاربي حادث وش ذنبي انا تبنشر الكفر مسكني المرور صارلي ظرف وش دخلني انا :Looking_anim: تحملوني
عشان كفره :24_asmilies-com: ذا اول شي بلغيه ثاني شي الترم الصيفي ومادارك مالترم الصيفي بحاول قد
ماقدر اني احطه للطلاب حتى لو كان في ضغط ع الدكاتره بقولهم انتوا جايين تشتغلون والله تبون
رواتب وتبون تتسدحون بالاجازات <<طبعا اجازه من حقهم يتسدحون بس مالقيت غير ذا العذر :biggrin:
بكون حنينه مع الطلاب وربي انا طيوبه اي احد بيجيبلي عذر ع طول بقبله ماعندي مانع ياخي
خل العالم تعيش :tongue: فاضيه اهي تقضي طول عمرها تدرس واذا ع الغش بكيفها بينها وبين ربها
اذا كنت ادرسهم وربي لانزلهم اسئله الاختبارات وزايده عليهم بس 10اسئله واقولهم بس
ذاكروا ذولي وبقول لباقي الدكاتره سووا كذا واللي مايرضى بفصله من الجامعه <<اوخص ياشريره :biggrin:
من فرج على مؤمن كربه من كرب الدنيا فرج الله عن كربه من كرب يوم القيامه :tongue:
هاه وش رايكم فيني كمديره؟ :060: هاه خلود وش رايك ؟ :biggrin:
والله اني فلللللللللللللللله :53:
يمديكم ع اللي يمدح نفسه <<تحشيش تايم :biggrin:

[MlÕkЋ]

اهلين انجيلا . صرت اكتبها صح انجيلا
شكرا على المرور وكيف القهوه معك اليوم عربيه ولا تركيه:rose:
مخديه انا اعلمك وش قهوتي عشان تمخمخ وتوسع صدرك علي :wink: معصي :41jg:
بس اعطيكياها من الاخر توني شاربه شاهي نعناع يعني التحشيش اليوم ع الخفيف :biggrin:

[Another day]

اهلين انجلا شخبارك توحشتك برشا:106:

[MlÕkЋ]

حتى انا توحشتك برشا يالشينه :060: :bawling::biggrin::Cry111: وربي اختلط عندي المشاعر كلها يوم شفتك
وووووووووووووووووي احبك اموووووووووووووواه :rose::004:

[Another day]

تسلمين فديت قلبك ياالغاليه ادورك دواره:004:

[MlÕkЋ]

اللحين عشان قلت هالكلمتين الحلوه انك اشتقتيلي :004: وانا اشتقتلك :004: بيقفلون الموضوع :mad:
وبتقولين انجيلا قالت :biggrin:

[Another day]

ههههههه

[Manseetk]

:(107):

[MlÕkЋ]

ايه وين طسيتي هاليومين :biggrin: قبل مايقفلون الموضوع :tongue:

[MlÕkЋ]

ماعليك يالحبيب حط رايك :biggrin: ووش بتسوي اذا صرت مدير تفضل حنا نسمعك :tongue:

[Another day]

هههه موجوده متابعه انتي ايش بتسوين لو كنتي المديره اكيد بتغيرين او ل شي القهوه لكوفي لاتيه لزوووم الوجاهه

[MlÕkЋ]

لا بخلي قهوتنا هي الاساس انا اعشق ريحتها صراحه وبجيب صبابات :biggrin: ويوم استلام النتايج
بجيب فرق سامري :hahahahahah::hahahahahah::hahahahahah:تبغين الصدق وربي مدام احنا عرب بخلي ديكور جامعتنا
ديكور عربي بحت والله صراحه بتكون مميزه :060:

[Another day]

وبالمره سوي للطلبه كروت وعدم اصحاب الاطفال

[خـوخ ـاآ ..~]

والله الصراحة انك تكون مدير الجامعه مسئولية صعبه وتحتاج الى شخص قادر لها ..
مو اي شيء تقدر تقوله تسويه ..
كـ مثال : بفتح تخصص جديد غير موجود بالمملكة .. هل انت قادر توظف شخص فاهم بهالتخصص وتعطيه راتب يرضيه وسكن و .. و ..
واي شيء بتحاول تضيفه على الجامعه لازم تدرسه جيدا :(269):
موتقولون كلام مانتم قده :biggrin: بيجيكم وجع راس ..:lllolll:
واي شخص كائن من كان بذله جهد في شيء .. ماراح بيسلم من الانتقاد :(269): والله جد .. هذا الواقع اللي نعيشه :mh12:

[MlÕkЋ]

تبغين تشوفين وش بسوي صدق :wink: ارجعي للصفحه اللي قبلها خلاص يختي انا مابحكي شكلين
وبعدين مشوره ارجع اعيد اللي كتبته ارجع انتي وشوفيه :biggrin:

[MlÕkЋ]

اقول يوم اخر كم الساعه ؟ :wink:

[عيون ALmaha]

رح اسعى لتخفيض الرسوم الدراسية

افتح مجال صيفي بما لا يزيد عن 4 مقررات

رح اعطي دورات تثقيفية الزامية لكل الدكاتره عن طريقة وضع الاسئلة واحارب اسلوب المراوغىة في الاسئلة

رح اتفرغ للادارة فقط ولن اعطي اي مقرر >>> ما تقصد احد :cheese:

اذا تخرجت من الجامعة ان شاء الله صوتوا لي :53:

[Another day]

ايش معنى؟

[MlÕkЋ]

يووووووووووووه منك :007: تراها ساعه مو فلوس واقولك كم معك ؟ :Looking_anim:

[Another day]

تصدقين يا انجلا متى ارووح وقت الاختبارات اقسم بالله انه قبل ياذن العصر واحيانا مع الاذان اوصل واصلي وابدا اذاكر على راحتي لين يجون زميلاتي شخصيه مسوسه واللي يوديني يستغرب اقوله احنا نتفق نتجمع نذاكر لبعض وانا من الخووف اتاخر واحيانا اقعد في الحر من غير مكيف ايش رايك مو نفسيييه والا اقوولك درج احسن هههه

[Another day]

شنو ما معك ساعه غريب السؤااال :(107):

[Another day]

انجلا وين رحتي ترااك صديقتي الوحيده لاتكونييين زعلتي سوووووووري:rose:

[عبااديR]

بخلي الاسئله مقالية كلها :biggrin:

[MlÕkЋ]

هههههههههههههههههههههه لاعاد تاخذينها بخاطرك كلمه درج وربي كلمه نزلت من لساني كذا
هذا الله يسلمك كلمه دارجه عندنا بالبيت بشكل مو طبيعي :cheese: وكل من حولي يقولها اذا انتي ماتعرفينها
اجل انتي منتي من اهل السعوديه :biggrin: هالكلمه احيان تقلب مدح من كثر الفرح :53: عند اخواني الشباب
لاجو يقولون والله انك درج من وين جايبها بطل بطل ودرج الدروج <<شوفي الجمله الغير مفيده وغير مركبه بعد :biggrin:

[MlÕkЋ]

بخلي الاسئله مقالية كلها :biggrin:
جعلك ماتصير مدير :mad: وان صرت مدير اروح اسوي مظاهرات عند مكتبك الشعب يريد
اسقاط عبادي :sm12::sm12::sm12::sm12::sm12:

[Another day]

لا من اهل السعوديه بس مو متربيه فيها متربيه في بلد خليجي علشان كذا فيه مصطلحات ما اعرفها استغرب من معناها وانتشارها وبالنسبه لي بالعكس احبها اول مره اسمعها ولها ذكرى حلوه واقولها من باب الدعابه وانت اخت لا يمكن ازعل منها

[MlÕkЋ]

طيب انتي وش بيضرك اذا قلتيلي كم الساعه :wink: ؟ لا لقافه ابي اعرف كم الساعه عندكم :biggrin:

[Another day]

بخلي الاسئله مقالية كلها :biggrin:

مقااااليه يا عبادي جعلهم يطلقوون صفارة الانذار عند اذنك اللي تشتكي منها والا يطيح اللي فوق نايم على راسك ويكوون متين يكتم انفاسك:53:

[Another day]

انجلا حسستيني اني عايشه برا انا الحين عندكم في السعوديه والساعه 12 وزياااده فيه شي ؟!!!

[عبااديR]

مقااااليه يا عبادي جعلهم يطلقوون صفارة الانذار عند اذنك اللي تشتكي منها والا يطيح اللي فوق نايم على راسك ويكوون متين يكتم انفاسك:53:


وجع كل هاذي دعاوي اصلن لو كانة مقاليه افضل وبعدين اصبري انا بروح لهم وكلمهم عن الشي هذا:33_asmilies-com:

[Another day]

وجع كل هاذي دعاوي اصلن لو كانة مقاليه افضل وبعدين اصبري انا بروح لهم وكلمهم عن الشي هذا:33_asmilies-com:
وانا والله ادبر لي واسطه واثبتك في الجبيل الى الابد وتنسى القصايد وتنسى اسمك كمان:cheese:

[MlÕkЋ]

من وراء هالسؤال استخلصت اشياء كثيره اولا انك من اهل السعوديه بس منتي متربيه هينا
2_ تروحين بدري مره في وقت الاختبارات
3_اللي يوديك سايق مو ابوك
4_انك شخصيه موسوسه
5_اني صديقتك الوحيده وماتبيني ازعل منك <<يالباه حتى انا مارضى على زعلك
والساعه مو راضيه تعطيني كم وقتها :Looking_anim: اجل بسئلك سؤال غبي ثاني مره :biggrin:
ابوك موجود في البيت ؟ :biggrin:

[Another day]

ايش فيك قلبتي محقق كونان والله انتي منتي سهله مدري شدورين تبين تعرفينه

[MlÕkЋ]

بس عساك دافور عشان كذا تبيها لو انك دافور مايخالف بس اذا انت مش حالك :biggrin: بالله لقطنا بسكاتك
واقضب ارضك خل غيرك متهني :wink:

[عبااديR]

وانا والله ادبر لي واسطه واثبتك في الجبيل الى الابد وتنسى القصايد وتنسى اسمك كمان:cheese:


اهم شي الروتر معاي والابتوب
وابقي في الجبيل عادي:biggrin:

[MlÕkЋ]

:hahahahahah::hahahahahah::hahahahahah::hahahahaha h:لاكونان ولاجد كونان بس ابغى اشوف وين موقعك على الخريطه
الجغرافيه ابغى اثبته على Earth Googl

[عبااديR]

بس عساك دافور عشان كذا تبيها لو انك دافور مايخالف بس اذا انت مش حالك :biggrin: بالله لقطنا بسكاتك
واقضب ارضك خل غيرك متهني :wink:


لا من الناحيه هاذي لا يهمك شي:33_asmilies-com:

[هنـــاء]

بعطيكم الوثيقه بدون اختبارات ولكن بعد 4 سنوات :biggrin:

[عبااديR]

:wink: Another day pls answer her

[MlÕkЋ]

وراه ياخي مدنق راسك في الصوره كان خليتنا نشوف الخشه الجميله :biggrin:<<عشان اذا
شافته تتوطا ببطنه وينسى شي اسمه مقاليه :41jg:بالله حطلك صوره خلنا نشوف
خشتك زين :wink:

[Another day]

ليش انت راح تلقى وقت للقيم حقتك الواااسطه هذي راح تخليهم يكرفونك من بعد صلاة الفجر للظهر تصلي ويادووب تتغدا وبعدها علكرف من جديد ولا ترووح السرير اللي راقد فيه فوق الميتن اللي احتمال يطيح عليك ويكمل يومك يااااا بو القيم انت

[خلف الشمري]

انا لوني مدير الجامعه
اعطي نفسي بكل المواد +a

[عبااديR]

ليش انت راح تلقى وقت للقيم حقتك الواااسطه هذي راح تخليهم يكرفونك من بعد صلاة الفجر للظهر تصلي ويادووب تتغدا وبعدها علكرف من جديد ولا ترووح السرير اللي راقد فيه فوق الميتن اللي احتمال يطيح عليك ويكمل يومك يااااا بو القيم انت





ههههههههههههههههههههههه لما كنت في الجبيل كان الروميت حقي متين هههههههههههه
بس كنت مخليه تحت خايف انو يطيح علي هههههههههههههههههههه تخيلي عاد يطيح انا ما بيحصلوني :Looking_anim:

[Another day]

انجلا لييش تبين تعرفين مكاني اهم شي نتلاقى على النت انا متحفظه واجد ما احب حد يعرف عني شي

[عبااديR]

انا لوني مدير الجامعه
اعطي نفسي بكل المواد +a


خلف يا بعد حيي انت مدير الحين ما تدرس هههههههههههههههههههههههههههههه
هههههههههههههههههههه مدير شبير يا خلف ههههههههههههههههههههه:biggrin:

[Another day]

والله شايفه همك القيم مره وتبي المقاااالي والله اللي مهاايط

[خلف الشمري]

وخوياي ماقصر معهم اعطيهم الاسئله :biggrin:

[MlÕkЋ]

مدير وبيعطي نفسه a+ حلوها ياناس اشلون مدير يدرس اصلا :(107): مفروض خلص
ههههههههههههههههه :hahahahahah::hahahahahah::hahahahahah: ضحكتني الله يسعدك ماقول عسى الله يخليلك هالعقل ودوم
هاذكاء يارب :biggrin:

[خلف الشمري]

خلف يا بعد حيي انت مدير الحين ما تدرس هههههههههههههههههههههههههههههه
هههههههههههههههههههه مدير شبير يا خلف ههههههههههههههههههههه:biggrin:


والله معك حق :biggrin::icon120:

اجل لياصرت مدير الجامعه انجح الي ابيهم وسقط الي مابيهم :58545:

[Another day]

عبادي شفت ان واسطتي قويه اصلا المتين هذا كان مقدم فيك شكوى يقوول انك مضطهده واتوقع راااح نرفعها

[عبااديR]

والله شايفه همك القيم مره وتبي المقاااالي والله اللي مهاايط


يعني الدوافير ما يلعبون ع بالكم بس حياهم كتب ترى اللي حياته بس كتب هذا فاشل في الحياه ولا يقدر يواكب العالم والناس اللي حوله كل شي بوقته حلو والحين فاضي لا هاذي ولا هذيك يعني لا شغل ولا مشغله:biggrin:

[MlÕkЋ]

ايه ياخلف اخوياك مو مشكله لاتقصر معهم مستحيل يصيرون مدراء معك :hahahahahah::hahahahahah:الله يصلحك
ياخلف روح نام احسلك :biggrin:

[Another day]

ارحمنا يالفاضي عليناااا خل الطابق مستووور

[عبااديR]

والله معك حق :biggrin::icon120:

اجل لياصرت مدير الجامعه انجح الي ابيهم وسقط الي مابيهم :58545:


ايا بعد حي الحين انت كويس :biggrin:

[Another day]

ترى اللي حياته بس كتب هذا فاشل في الحياه ولا يقدر يواكب العالم والناس اللي حوله

معلووومه جديده ومنكم نستفيد!!!!!!!!!!!!!

[MlÕkЋ]

اقول عبادي ليتنا ماعلمناه كان خليناه على عماه :biggrin: اللحين بيرسب اللي يبي وبينجح اللي يبي
ابتداء شغل النذاله وهو بعده حاله من حالنا

[خلف الشمري]

انتم مايعجبكم شي
خلاص ماني صاير مدير لو ايش :biggrin:

[Another day]

الا يا انجلا شخبااارك الساعه كم عندكم؟

[Another day]

انتم مايعجبكم شي
خلاص ماني صاير مدير لو ايش :biggrin:

لا يا شيييخ حراام عليك امسحها بوجهي.....الا تعطي نفسك a+

[MlÕkЋ]

ايه اللحين نشدتي عني خلصتي بربره مع عبادي وذكرتيني :icon9: صباح الليل :007:

[MlÕkЋ]

موضوع خالد بيتقفل لامحاله كله من سواليفنا تشوفون :biggrin: وبتقولون انجيلا قالت :wink:

[Another day]

لا انتي الغاليه العزيزه منو عباادي هذا معاليك منه خلاص راااح ورا الشمس رفع ظغطي

[عبااديR]

:mh12:

[ابوفهد100]

يسعد صباحكم

يعطيك العافيه اخوي خالد الموضوع جيد وفكرته ممتازه

نعتذر منك لأغلاقه لكن الموضوع تحول الى شات وسوالف وهذا ممنوع في قوانين الملتقى

يفترض حذف المشاركات المخالفه والخارجه عن الموضوع وترك الموضوع كما هو ولكن عدد المشاركات المخالفه كثير جداا

تستطيع كتابة الموضوع بحله جديده وننتظر جديدك دائما دمت بود




برايفت

الخروج عن مسار الموضوع مخالفه لقوانين الملتقى تستحق الأنذار وتصل الى ايقاف العضويه
هناك رسائل زوار تستطيع استخدامها وقت الحاجه , دون الحاجه الى نزع فائدة المواضيع بهذه المشاركات .