لو مافيه تعليم عن بعد(انتساب)

[خالدعبدالعزيز]

السلام عليكم
بعد ماتقفل الموضوع(تخيل انك مدير الجامعه) خطر في بالي هذا الموضوع
اخواني واخواتي تخيل لو مافيه نضام التعليم عن بعد وانتساب
وش راح تسوون هل تحاولون بالانتظام او الدراسه برا او تكتفون باللي وصلتوا له
ويمكن المعاهد الاهليه انقليزي وحاسب
ابي اسمع ردودكم ومن الجميع وكل من يدخل يشارك ولو بابتسامه ورده
الموضوع موضوعكم ومنكم نستفيد

[ذكرياتي تحتويني]

وعليكم السلاام ورحمه الله وبركاته
انا عن نفسي بدرس
حاسب
وانجليزي
وبس
يسلموو خالد ع الموضووووع
:119:

[خالدعبدالعزيز]

ياهلا ذكرياتي نورتي الموضوع
والحمدلله انه فيه تعليم عن بعد

[المنصور]

لو مافي تعليم عن بعد كان تمنينا
التعليم كونه ميسر بعد تيسير الله سبحانه

[ღ ℓσνє яσѕє ღ]

مشكور ياخالد ~ بصراحه أنا لقد درست في جامعات من قبل وماتوفقت ولاقدرت أكملها وأخذت دورات في معاهد وخلاص حطيت في بالي ماراح أدرس نهائي لأني من كثر مادرست طفشت فسبحان الله فتحت جامعه الملك فيصل وسجل لي أخويه وأنا مو داريه عن شي بعد ماأنقبلت ماكنت مصدقه وإلا الحين مو مصدقه إني جالسه أدرس أتمنى من زمان يكون عندي شهاده جامعه وكان طموحي عاليه بس الجامعات إلي دخلتها حطمت طموحي بس بصراحه زي جامعه الملك فيصل مافيه يكثر ماشفت الحمد لله ربي حقق لي أمنيتي وجالسه أكمل دراستي الجامعيه فاأنصح كل من فيه جامعه الملك فيصل يتمسك في الدراسه ويكملها والله لو فين تروحون ماراح تلاقون زي جامعه الملك فيصل إحنا في نعمه ~ أسفه على الإطاله ~~~ :106::106::106:

[خالدعبدالعزيز]

صدقت اخوي المنصور
حل ازمه للكثيرين وانا اولهم

[خالدعبدالعزيز]

:rose::rose::rose:شكرا عللى المرور loverose على مرورك
واتمنى لك التوفيق وفعلا جامعتنا ممتازه

[سامي2]

اخي الكريم خالد عبدالعزيز
تحية اجلال وتقدير لك ولجميع الزملاء من طلاب وطالبات .... هذا الموضوع يستحق الوقوف عنده كثيراً واطلاق العنان للخيال لو لم يكن التعليم عن بعد موجود لدينا من المؤكد ماتت طموحااااات الكثير منا وقد نلجاء الى المعاهد والدبلومات التي هي اقل شأن من التعليم العالي واستنزفت منا الجهد والمال بأقل مردود من الفائده التي نحصل عليها من الدراسه الجامعيه... لو حصلنا على 25% من العلووم الجامعه افضل بكثير من التحصيل عن طريق المعاهد نحمد الله على اتاحة لنا الفرصه بأكمال تعليمنا المتوافق مع ظروفنا وهذه نعمه نحسد عليها ويجب ان نقدر هذه الفرصه العظيمه

[P7R]

لو مافيه التعليم عن بعد
كنت راح أدرس الأنجليزيه والحاسب الا عند المعاهد
يعني سبب أننا ندرس هذي الدراسه هو أنشغالنا في العمل او البيت أو قد يكون السبب الرئيسي هو أبتعاد تلك الجامعات عن مكان السكن وكل شخص لديه سببه الخاص

[Turning point]

هههههه كان اكلنا هوا

الحاسب والانجلش ممارسه اكثر منها دراسه ( جربت اخذت كورس حاسب )
بس ممكن تطور نفسك بينك وبين حالك بس محد داري عنك وتكبر في عين ذاتك وتصقل موهبتك ومهارتك بس تشعر بنقص كبير يحتويك هذا شعوري اللي ظل يطاردني كلما اغمضت جفني
الشهادة تكسبك ثقة الآخرين وتقديرهم وتعزز ثقتك في ذاتك
الله لايقول مافيه تعليم عن بعد ايش هالفكره ؟؟؟؟
موضوعك كثثثثثثثثثثثثير ذكي :cool:

[خالدعبدالعزيز]

اهلين اخوي سامي وتعليق جميل جدا
فعلا المعاهد الاهليه مستواها اقل من المامول وكثير منها شهاداتها غير مقبوله بالديوان
وتستنزف اموال كثيره
شكرا لمرورك

[خالدعبدالعزيز]

مرحبتين اخوي بحر من الحلول مافيه الا هي
شكرا لمرورك

[خالدعبدالعزيز]

ياهلا والله بتورينق
ولك مني احلى تحيه
وفعلا التعليم الجامعي افضل بمراحل

[Another day]

اهلين خالد لو مافيه تعليم عن بعد ماكان قدرت ألم شتاتي وابدأ من جديد ..بدأت اخطو خطوه كنت اتمنى اخطيها من زمان وحققت حلم كنت احسبه مستحيل

[ابو كريم2012]

انا كان تميت على وضعي
وثانيا تشجعت ودخلت اجامعه لأني حصلت على وظيفة حكومية ولله الحمد
لو موظف شركة كان مادخلت

[خالدعبدالعزيز]

:106::106:another day مشاركتك ووجودك اسعدتني جدا
والحمدلله اللي يسرلك امرك بمواصلة تعليمك مع اني متاكد انك راح تجدين حل لو مافيه تعليم عن بعد
اثق في قدراتك

[رافايللو]

لو مافيه تعليم عن بعد ولا انتساب

كان جلست في البيت :71:

لأن نسبتي جيدجداً .. ومادياً ما اقدر انتظم في جامعات أهلية

والحمدلله على كل حـال

[خالدعبدالعزيز]

ابو كريم الحمدلله انك حصلت الوظيفه
واسال الله ان تكمل الجامعه وتتخرج وتحسن وضعك الوظيفي

[نسيم الصبا]

لو ماكان فيه تعليم عن بعد:bawling:

كنت بجلس طول عمري اتحسر على السنوات اللي فاتت بدون تعليم

التعليم عن بعد فرصتي الوحيده لأكمال الدراسه،خصوصاً اني في مدينه مافيها لامعاهد ولا كليات ولاهم يحزنون

الحمدلله على هذي النعمه:rose:

[خالدعبدالعزيز]

اختي رافايللو جيد جدا نسبه حلوه
ممكن الانتظام فيه حل لك
وشكرا لمشاركتك

[خالدعبدالعزيز]

نسيم الصبا
انتي ضروفك صعبه بسبب البعد
وهذي من حسنات التعليم عن بعد
وموفقه يارب

[آنسه منشن]

#


عن نفسي انا كنت ادرس انتظام في جامعة الدمام

لو ما فيه انتساب مطور بكمل ,,

بس صارت لي ظروف وبنقل من مدينه لمدينه + رغبه بتغيير القسم

حولت انتساب مطور ,, حلو النظام يسهل علينا الدراسه

ربي يوفقنا ان شاء الله .. :004::004:

خالد ..

حلو موضوعك ,, الف شكر :004::004::004:

[خالدعبدالعزيز]

انسه منشن شكرا لاطرائك
والتوفيق حليفك دوم يارب

[Turning point]

خالد عبد العزيز ليه اتجاهلت مشاركتي ايش سويتلك :(204):

[خالدعبدالعزيز]

turning لايمكن ان اتجاهلك ابد ا ورديت عليك
بس كتبت اسمك بالعربي اسف
من يقدر يتجاهلك واقبايها مني :rose::rose::rose::rose::rose:

[مديحه]

والله انك سبقتني ي خالد
انا يوم شفت كثرت الشكوي والانتقدات عل الجامعه كنت بحط هالموضوع تخيلو ياللي تنتقدون الجامعه انه مابه هالنظام بجامعتناااا ايش راح تسووون
يعني والله ماتستاهل هالجامعه هالشكاوي والانتقدات اللي بزياده كلن فاتح موضوع وينتقدد!!!!!!!!!!

المهم مراح اطلع عن الموضوع اولا يعطيك الف عافيه خالد ودوم متميييززز:d5:
واممم من ناحيتي بخش اككيد دبلوم انقليزي
بس الحمدالله والشكر لربي ثم جامعتنا العزيزه

وربي يوفقققنا:004::53:

[خالدعبدالعزيز]

سموي يعطيك العافيه واعتبري الموضوع موضوعك كلنا واحد ومنتدانا كلنا نمثل بعض
وفعلا جامعتنا ونحبها

[مديحه]

:004::106:

[خالدعبدالعزيز]

:004::rose:

[جهنى]

اخى شكر على طرح الموضوع القيم جدا انا اعتبر نفسى المستفيد اكثر من الجامعة لان التعليم عن بعد اتاح لى مواصلت تعلمى وللمعلومية انا متخر من الثانوية عام 1406 اشكر القايميين على التعليم من بعد ومرة اخرى شكرى على طرح الموضوع القييم جداا

[خالدعبدالعزيز]

اخلص بعض الاعمال ولي عوده ان شاءالله

[خالدعبدالعزيز]

اخوي جهني الحمدلله اللي يسر لنا التعليم عن بعد
واسال الله ان يكون النجاح حليفك

[خالدعبدالعزيز]

اتمنى التواصل والتعليق وفيكم الخير والبركه

[tulip’]

كان رحنا فيها:biggrin:
لو مافيه اكيد بحاول اكمل دراستي بأي وسيله اهم شي احصل ع شهاده تفيدني ""طموحي كبير ولابد احققه
انا جربت الدراسه بالجامعه انتظام ولاكن ربي ماكتب اكمل وحسبي الله ع من كان السبب
ومع ذلك حاولت مره ثانيه ودرست في كلية المجتمع تخصص حاسب بس للأسف دبلوم مافادني وشفت اني مطوله بالبيت لان شهادتي مافادتني قلت اكمل بجامعة فيصل لعلها تفرج واستفيد من شهادتها

[tulip’]

نسيت اشكرك خالد
الله يعطيك العافيه موضوعك راااق لي كثير :rose:

[Sydra]

الحمد لله كما يليق بجلال وجهه وعظيم سلطانه....
صدقوني لمجرد التفكير في هذا الموضوع خنقتني العبره :bawling:
من الصعب ان تكون متفوق في حياتك الدراسيه وتظطر لظروف الحياة ان تتوقف عند مفترق طرق
رغما عنك والالم يعتصر قلبك عندما ترى زملاءك في الدراسة تخرجوا وانت كما انت :icon9:
وفجأة تجد بصيص أمل ينير لك دربك نحو حلمك منذ الطفولة..........
فشكرا لك جامعتي الحبيبة على منحي هذه الفرصة التي أثرت في حياتي كثيرا:004::106:

[خالدعبدالعزيز]

:106:tulib الحمدلله اللي حقق لك حلمك بمواصلة تعليمك
وتواصلين طموحك وتستاهلين كل خير

[خالدعبدالعزيز]

ليت الحلم يتحقق
كلامك اثر فيني ويارب حلمك يتحقق:106:

[كيلو بترا]

ادرس حاسب او انجليزي الشكوه لله

[خالدعبدالعزيز]

كليوبترا شكرا لمرورك
ويعتبر حل من الحلول بس هل يرضي الطموح

[خالدعبدالعزيز]

فيه اعضاء لهم حضور مستمر بالمنتدى
ماشفتهم اليوم الله يحفظهم

[عبود زمان]

انا يابعد سبدي ابطقطق نعيلاتي وابروح لاهلي

عندي دوام وانا اخوك

مستحيل اجمع انتظام ودوام

مير اذا تبي رئي

لاعمرك تخيل ترى هالتخيلات عادي تصير صز

همن :41jg::biggrin:

[my Dreams]

قبل جامعة الملك فيصل ونظامها الرائع للانتساب المطور كانت شهادتنا في الادراج نسج العنكبوت شباكه عليها . المشكلة ان المجتمع يريد الشهادة ولا يعترف بالخبرات والقدرات الا من رحم ربي وفي اغلب الاحيان الشهادة الجامعية هي من تحدد الرواتب في الغالب ولو كان لديك من الخبرات الشيء الكثير . نظرة المجتمع قاسيه وهي ام الاسباب وراء مشاكلنا . التعليم عن بعد جدد الامل للكثيرين واستغرب تاخر برامج الماستر والدكتوره وكاني اشعر بها باتت قريبا .

اخي خالد متصفحك ومواضيع دائما اشعر معها بالتفأول والامل والموضوعيه واصل الطرح المميز لاحرمك الله الاجر .

[خالدعبدالعزيز]

my dreams شرفني مرورك ومشاركتك
وكلامك جميل جدا اصبحت الشهاده الجامعيه ضروره هذه الايام سواء للوضيفه او الوجاهه الاجتماعيه
والحمدلله تيسرت والله يوفقنا جميعا
واكرر شكري لك

[خالدعبدالعزيز]

عبود زمان الحمدلله الله يسرها لك
بس ان ضربتني اتوقع اللي بالمنتدى يدافعون عني
شكرالك

[ريحانة الشوق]

اف كم عانيت لم أحصل على الدراسة معني انقبلت في الانتظام لكن الظروف كانت ضدي ولا كملت وقلت مستحيل ادرس وقفلت على الشهادة بدرج وقلت وداعنا لدراسة والشهادات حطيت يدى على خدي وبعدها بصدفه صراحة مادري كيف اوصف لكم كيف سجلت ونقبلت كانت بنسبة لي معجزة تسجلت ونقبلت فجئة سبحان الله من احد الاشخاص العزيزين علي وصار القبول بعد فقدان الامل بس الحمدالله انا ذالحين صرت جامعية وتحقق حلم بات في مدارج النسيان كل هذا من نعم ربي علي اشكر صاحب المو ضوع الرائع لو مافي عن بعد كان تمشي الحياة لكن بطىء وبرود دون ان يكون هناك تفاعل سوا المستقبل او الحاضر وهم لو ماكان هناك عن بعد كان حمدة الله على كل حال الحمدالله ربي لي يكتبه خير وبركة طولت السالفة صارت قصة هههه عذرا :rose:

[مجمدالهنيدي]

مشكور ياخالد ~ بصراحه أنا لقد درست في جامعات من قبل وماتوفقت ولاقدرت أكملها وأخذت دورات في معاهد وخلاص حطيت في بالي ماراح أدرس نهائي لأني من كثر مادرست طفشت فسبحان الله فتحت جامعه الملك فيصل وسجل لي أخويه وأنا مو داريه عن شي بعد ماأنقبلت ماكنت مصدقه وإلا الحين مو مصدقه إني جالسه أدرس أتمنى من زمان يكون عندي شهاده جامعه وكان طموحي عاليه بس الجامعات إلي دخلتها حطمت طموحي بس بصراحه زي جامعه الملك فيصل مافيه يكثر ماشفت الحمد لله ربي حقق لي أمنيتي وجالسه أكمل دراستي الجامعيه فاأنصح كل من فيه جامعه الملك فيصل يتمسك في الدراسه ويكملها والله لو فين تروحون ماراح تلاقون زي جامعه الملك فيصل إحنا في نعمه ~ أسفه على الإطاله ~~~ :106::106::106:
السلام عليكم
لافض فوك ......فعلا عين الحقيقه ....وتستاهلين التقييييم

[خالدعبدالعزيز]

ريحانة الشوق الحمدلله انك كملتي تعليمك
بس اهم شي نبي امتياز واذا صعبه جيدجدا تمشي حلوه
واذا ماعندك وقت جيد برضه حليوه بس لاتقولين مقبول ولا تدرين مقبول مقبول بس تنجحين
الله يوفقك

[MlÕkЋ]

وصلت خلود :53: شفت اشلون اسمع الكلام مؤدبه :wink: بالله ماشتقتولي وين
يوم اخر عط الموضوع ربع ساعه وبيتقفل وبتقول إنجيلا قالت :biggrin:

[خالدعبدالعزيز]

مشكور اخوي محمدالهنيدي
واختنا تستاهل كل خير

[خالدعبدالعزيز]

:lllolll:ياهلاوالله اسفرت وانورت بانجيلا وين هالغيبه ولا من لقا احبابه :d5:

[خالدعبدالعزيز]

يوم اخر ماطولت اليوم رد واحد واختفت الله يحفظها

[خالدعبدالعزيز]

ليش غيرت الصوره
الاوله احلى

[MlÕkЋ]

لومافيه تعليم عن بعد كان اخذت دبلوم انقلش :tongue: نفس تخصصي مع انه كثير نصحوني
اختصرها واخذ دبلوم من اللحين احسن من مضيعه 4سنين ع الفاضي :119: بس انا مارضيت
لانه طموحي اكمل ماجستير براء عشان كذا قلت لا تسمعين كلامهم سوي اللي براسك
وبس :wink:

[خالدعبدالعزيز]

طيب انجيلا ماعلقتي على الموضوع

[خالدعبدالعزيز]

اكيد الشهاده الجامعيه افضل من الدبلوم
واذا طموحك اعلى عقبال الكتوراه

[MlÕkЋ]

صكيتني عين الله يصك راسك بقدر :41jg: مدحت ذيك بدون ماتسمي
قاموا حذفوها الاداره :biggrin: وش بلاها ذي انا اخق على ذا الشيخ يالبى ابتسامته
وعيونه الخقه <<عيب يابنت :060: منتي لحالك

[خالدعبدالعزيز]

الله يعينا عليك اذا اخذتي الكتوراه بتكلمينا من طرف خشمك
على بالي اننا بنستمر بالمنتدى

[خالدعبدالعزيز]

من اللي مدحتها وحذفوها

[خالدعبدالعزيز]

مافهمت شي

[احب الانجليزي]

كان قعدت من غير دراسة:mad:

[خالدعبدالعزيز]

ااااه وصلت فهمت

[خالدعبدالعزيز]

احب الانقليزي لك مني تحيه لمرورك
بس ليه مافيه حلول ثانيه

[MlÕkЋ]

مابو شي :(107): وانت مافتحته من الله كذا :58545: <<خويلد اعرفك انا :wink: بس اطمن اقولك من اللحين بيتقفل
لامحاله :biggrin: وساعتها ماراح يجيك احباط الابتدخل بغيبوبه

[آلمستشآر]

بختصرهآ
آلتعليم عن بعد ،، بآب لتحقيق آلأمنيآآت (آلشهآدة آلجآمعيه)
لو مآ فيه تعليم عن بعد آعتقد يتوفق حلم من آحلآمي لكن آلحيآه تتعلم منهآ آلكثير

ع ـــــوآفي آخووي

[خالدعبدالعزيز]

:33_asmilies-com:صارعندي مناعه

[MlÕkЋ]

اللي مدحتها يالحبيب صورتي اللي قبل :biggrin: بعدين انا ماني مغروره قليل ادب لاتقول علي كذا :017:
انا ماني مغروره وسخ :mad:

[خالدعبدالعزيز]

وبعدين خلك واضحه

[خالدعبدالعزيز]

انتي تبينهم يقفلون الموضوع

[خالدعبدالعزيز]

اخوي المستشار شكرا لمرورك
انا نفس الشي لو مافيه تعليم عن بعد ماقدرت اكمل

[MlÕkЋ]

انا واضحه زي وضوح الشمس :wink: بس انت اللي شكلك فيك نوم او اصلك مخدي ماتفهم
وقلت خليك واضحه <<ياخي مشكله ذولي اللي يرمون بلاهم على غيرهم الله يعينا عليهم :139:
اذا تقفل الموضوع مالي دخل :sm4: انت اصلا خلقه من ربي تحب السواليف :biggrin: وانا ياقلبي على
حالي ماحب اكشت باحد <<وه فديتني :060:

[خالدعبدالعزيز]

الضاهر الموضوع اخذ حقه ونكتفي بهذا القدر من المشاركات
وكلي امل ان تتوقف المشاركات ودمتم بصحه وعافيه

[خالدعبدالعزيز]

شكرا لمن شارك معي في هذا الموضوع وامل ان نتواصل في مواضيع اخرى

[ام جولي]

والله الحمد لله علي النعمه (التعليم عن بعد )
لان انا كنت في قسم رياضيات سنه ثالثه بس ماكملت لظروف😔:
بس اذا مافيه تعليم عن بعد كان انا بين الصحون والمواعين بين اعيالي الله يخليهم لي 😊
:

[MlÕkЋ]

اقول خالد شكلك خايف على موضوعك يتقفل ذي المره من جد :biggrin: اجل خلاص معليه العذر
والسموحه مقدما :tongue: ومعليه واسفين بعد ع المواضيع اللي قبل :060: ويالله باي نشوفك في مواضيع
لنا :tongue:

[للقـ أطمح ــمة]

الحمد الله من قبل ومن بعد ,,,ترا التعليم عن بعد نعمة من الله تستحق الشكر ،،،
طبعا أنا لله الحمد طبعا دخلت الجامعة بعد أن مضى على تخرجي قرابة 11سنة ،،، فوالله أحمد الله إن رزقني دراسة في هالجامعة الرااائعة ,,, بعد أنا كان اليأس يتسلل إلي إنه من المستحيل أكمل جامعة لكن الحمد الله وحدة من الأخوات الحبيبات هي من دلتني على هالجامعة ونصحتني بإكمال دراستي ... وبصراحة أنا أشعر إنني مانلت إكمال الدراسة إلا من دعوات أمي _ رحمها الله _ التي كانت دائم تتمنى أن أكمل تعليمي وأن لا أكون أقل من أخواتي ،،، ولا أخفيكم أنني في أيام الإمتحانات تخنقني العبرة عندما أتذكر كلامها وهي تقول لي /// لازم تكملي دراسة ،،،فهي قد توفيت قبل أن تفرح بإلتحاقي بالجامعة _ رحمها الله وأسكناها أعالي الجنان _
فأنا قررت أن أخذ البكالوريس بإذن الله بمرتبة الشرف وأكمل الماجستير والدكتوراة _ بإذن الواحد الأحد _
فلو ماكان فيه تعليم عن بعد راح أشغل وقتي بالدورات والدبلومات ...
وأشكرك يا أخي على طرحك الرااااااااااائع ...
حرم الله يمناك عن النيران ورزقك ربي أعالي الجنان ...:biggrin:

[خالدعبدالعزيز]

ام جولي شكرا لمشاركتك
والحمدلله واسال الله لك التوفيق

[خالدعبدالعزيز]

اطمح للقمه والله تاثرت من كلامك
الله يرحم والدتك ويغفر لها
واسال الله لك التوفيق بدراستك وتحققين حلم والدتك وحلمك

[ضي القلوب]

كان اسوي كذا :g2:

[خالدعبدالعزيز]

انجيلا مهما صار وجودك يسعدني وان شاء الله نلتقي في مواضيع اخرى

[خالدعبدالعزيز]

:53:ضي القلوب الحمدلله
تيسرت والحين سوي :d5:ولا لا وش رايك

[خالدعبدالعزيز]

تصبحون على خير ولنا عوده ان شاء الله

[معزوفة الشرق]

لو ماكو عادي :biggrin: ولأن انا دخلت هنا صدفه وفجأه شفت نفسي بالجامعه وادرس :eek: كل الحكايه اختي الكبيره سجلتني وقالت كملي تعليمج :sm18: من رغم عندي دبلوم كمبيوتر ولأني رافضه الجامعه وبشده ولأن الوالده ربي يطول بعمرها يارب حاولت معاي اكمل بجامعة الملك فيصل سبحان الله مع اختي حتى كان انتظام ودراسة 4 سنوات بـ 40 الف :Looking_anim: بس رفضت ولأن اعرف نفسي ليش اخسرهم هالمبلغ وانا بنجح بس مابتفوق بدراستي ودخلت معهد يعني عساس ابي العب و وناسه < مو وجه دراسه :biggrin: وكنت اتنقل من معهد الى معهد ويوم ادرس ويوم العب وبعدين فتح هذا النظام الجميل وسجلتني فيه اختي :004: ربي يحميها ويرزقها بـ 3 اطفال غير عبودي :004: ان شاءالله واختارتلي القسم بعد وربي ماقصرت ربي يسعدها ويوظفها بذيج الوظيفه الى تستاهلها عاجلاً غير اجلاً :Cry111: اختي هذى متخرجه من قسم احياء من قبل 10 سنوات اقولها لو اخترتي قسم الممات بدل الاحياء مو احسلج :biggrin: استغفرالله ياربي المهم مكتوب اكمل دراسه في جامعة الملك فيصل مثل ماتتمنى امي :004: سبحان الله خبصت من معهد الى معهد وفي الاخر دخلت جامعه بس الحمدالله استفدت بصراحه وشهادة المعهد معترف فيها بالديوان وعلى المرتبه الخامسه بس الى مو متوفره الوظيفه :biggrin: بس بصراحه الشركات يرغبون الكمبيوتر وبشده المهم ماعلينه من هالحجي طولتها عليك وهيّ قصيره ..

هذاني جدامك في مستوى مخلوط من خامس وسادس واذا الله احيانا واعطانا عمر باقي لي سنه وهالنص واخلص بأذن الواحد الاحد وافكر بالماستر اذا الله راد او دبلوم تربوي على حسب افكر عاد اذا جاوقته يا دبلوم او ماستر وتالي عاد بلحق اخوي امريكا وقلت له خذني معاك والا ترى ادعي عليك تفشل وترجع :biggrin: خاف المسكين قال اتخرجي ويصير خير << طار خيالها للخارج شفت كيف التعليم عن بعد شسوابي مو كنت اسرح وامرح مابين المعاهد والحين بطير للخارج :53:



الله يعطيك العافيه واسعد الله ايامك

شكراً لك ...

:106::106::106:

[AL-Maram]

اتوقع كنت بدرس بلجامعه العربيه المفتوحه.
اذا كان فيه طبعا حدا يوصلني‎:p‎

[مهبوله]

حلووووو الموووضوع :53:


و الله بنسبه لي كان درست نفس قسم في جامعه الملك عبدالعزيز لاني داخله هل قسم وانا مقتنعه فيه :wink:


اوما حاسب وانقلش عااايدي يابنت تتعلميها من دووون ماتكرفين 4 سنوات خذيها دورات وانتهينا كل ابوها 3 شهور وانتي اووك :(269):

[بحة الناي]

أكره كلمة لو :007:


ويعطيك العافيه خيو على الموضوع :rose:

[loler]

فعلآ والله التعليم عن بعد حل لي مشكله عويصه وامل كنت اتمناه منذ مايقارب 6 سنوات
اود ان التحق بجامعة بأي طريقه كانت طبعآ جهة عملي رفضت تقديمي لأي جامعة الا بالمنطقة الي اعمل بها
وهيا جامعة طيبه وكانت العثرة لي اربعه سنوات اقدم انتساب بفلوسي محد له منه علي وفوق هذا
يرفضون بحجة الاكتفاء او هي مسأله واسطه حتي بالتعليم الي الدولة تكفلت بيه لكن حكم المفتري
وجاءت جامعة الملك فيصل وسبحان الله ثاني ترم تبدأ فيه بتطبيق آليه التعليم عن بعد وقدمت عليه
وانقبلت واحس بيني وبين نفسي حلمي بداء يتحقق برغم لو نظرنا للواقع الي اعيشه
الشهادة الجامعية ماراح تظيف لي اي شي سواء انها حلم اردت تحقيقه اولآ لقربي من سن التقاعد
ثانيآ حتي لو اردت تغير عملي العسكري والتحاقي بالخدمه المدنية فلا استطيع..
فكل مافي الأمر هو هدف وايضآ نظرة ابناءئي لي كون والدهم رجل جامعي وهذه بالدنيا ومافيه
لأكون قدوه لهم ويكملو دراستهم ولايغلطون غلطتي بالوظيفه بدون شهادة عليا

[مشعل الشرق]

مهم جدا التعليم عن بعد من ناحيه تفتحك للتعليم وتطوير ثقفتك ومهم ف الترقيه في اي مجال ومهم لك انت شخصيا كاشهاده وشاكرينكم على طرحكم للموضوع :(204):

[...mlak]

:24_asmilies-com::019::24_asmilies-com::019::24_asmilies-com::019:

لو مافيهـ::
كبـــــــــــرتــــــــــــ مخدتى ونمتــــــــــــــ :019:

[هيوفه دلع]

اولا شكر خاص لصاحب الموضوع
ثانيا هذا من فضل الله علينا ان يسر لنا اكمال التعليم
بطريقه ميسره تناسب اوضاعنا بعد ما انسدت السبل
و جامعة الفيصل سباقة في التطور و الاعداد و بحجم
مكانتها و سمعتها الطيبه احتضنت احلامنا و وفرت
التعليم بطرق متطوره و هذا يعد بعض من ايجابياتها
ناهيك عن مراكز الاختبار المفتوحه في امكان عده
موفره اريحيه للطالبات خاصة بسبب صعوبه التنقل و السفر
و يطول الشرح
شكرا جامعتي

[ريحانة الشوق]

ريحانة الشوق الحمدلله انك كملتي تعليمك
بس اهم شي نبي امتياز واذا صعبه جيدجدا تمشي حلوه
واذا ماعندك وقت جيد برضه حليوه بس لاتقولين مقبول ولا تدرين مقبول مقبول بس تنجحين
الله يوفقك
أخي الكريم الايمان بقضاء الله وقدره واجب ركن من أركان ا لايمان ولو متوفر لنا الدراسة يعني ننتحر يأخي بالا استهتار واتقي الله في نفسك وأنشاءالله اجيب الامتياز ماعلى الله بعيد و لي يبقى اشي يوصله والحمدالله مادخلت الجامعة الا وانا رايده العلم مو لعب انا بصير أحسن منك بقولك الله يساعدك وتتخطى الصعاب وان كنت موظف الله يساعدك لتوفيق بين الدراسة والوظيفة:rose:

[عسله]

الحمدلله .. احنا في نعمه ... واشكر الله انه سخر لنا هذي الجامعه ...

[خالدعبدالعزيز]

ريحانه الشوق اسال الله لك التوفيق

[خالدعبدالعزيز]

الاخت عسله الحمدلله الذي انعم علينا ويسر لنا التعليم
واسال الله لك التوفيق

[Turning point]

خالد عبدالعزيز اتمنى الادارة تثبت الموضوع
افكر ارسل رساله للادارة اطلب منها يعني رأيك لو طلبت يوافقون
بس تدري ليش
لانقاذ جميع المحبطين اللي اساساَ لولا وجود الجامعه لكانوا اشد احباطاً

[خالدعبدالعزيز]

turning اسعدني مرورك الكريم
اشكرك واذا تثبت الموضوع شي جميل بالنسبه لي
وتقبليها مني:106::106:

[Another day]

تستاهل يااخالد موضوع يستحق التقدير اصبت الاختيار لك كل الامنيات بالتوفيق :rose:

[خالدعبدالعزيز]

:106:anotherday شهاده اعتز فيها
وتقبليها مني :rose:

[Turning point]

خالد عبدالعزيز موضوعك جاد وذكي لا تخربه بورداتك ارسلت للادارة عسى يعطونا وجه

[خالدعبدالعزيز]

ابشري turning وكلمة شكرا ماتكفي والورد ممنوع
الله يجزاك خير والتوفيق حليفك يارب

[خالدعبدالعزيز]

turning بماانك علم اجتماع مستوى اول نفس وضعي
وش الماده اللي حسيتي انك حستي فيهابالامتحانات

[اموريا]

والله مادري وش كنت أبي أسوي لأني من خلصت الثانوي
فتحوا التعليم عن بعد ودخلته لان نسبتي:(177): الله يستر عليها تفشل وإلا مر طرا على بالي ها السؤال ولا حد الآن ماني عارفه:g2: وش كنت أبي أسوي ماقول غير الحمد الله على النعمه

وجزاك الله خير على الموضوع:106:

[خالدعبدالعزيز]

اختي اموريا شكرا لمرورك
والحمدلله انك دخلتي الجامعه والله يوفقك

[meme s]

اولآ اشكــرك ع المــوضــوع المميــز :004:

ثــآآنيــآآ .. كــآآن مــآآ تعرفت على افضــل واحســن ملتقــى ( ملتقى طلاب التعليم عن بعد - جامعة الملك فيصل )

و لآ تعرفت على اخــوآآني و اخــوآآتي ( الاعضــآآء ) المميــزين و اللي مــآآ يقصــروون ابد جزآآهم الله الف خيــر ويعطيهــم العـــآآفيه يــآآ رب

ثــآآلثــآآ .. لو كــآآن مــآآ فيه تعليــم عن بعــد كــآآن الحين انــآآ في جــآآمعه نــوره مستــوى ثــآآلث تخصص ريــآآضيــآت انتظــآآم بعــد :24_asmilies-com:


وشــووكــرآآ

[yasmin+]

:Looking_anim:

الحمد الله أنو موجود التعليم عن بعد

لو ما كان موجود آكيد كنت بدرس آنقلش في معهد :(177):

[white paper]

انا كنت ناوية على الجامعة المفتوحة ومخططة عليها بتخصص تربية خاصة

وسبحان الله ربي يجزى اللي دلتني على الجامعة خيرر الله يذكرها بالخير كانت معنا بمنتدى نسائي

والحمد لله قرات الشروط وشفت التخصصات

والحمد لله اولا واخرا حمدا كثيرا يليق بوجهه الكريم

[خالدعبدالعزيز]

meme s كلام جميل وشعورنبيل منك تجاه جامعتك و زملاءك
شكرالك واسال الله لك التوفيق

[خالدعبدالعزيز]

ياسمين الحمدلله انه فتح المجال في التعليم عن بعد
والتعليم الجامعي افضل من المعاهد وموفقه يارب

[خالدعبدالعزيز]

white paper انا اعتقد وضعك الان افضل من لو قدمتي بجامعه اخرى والله يجزى اللي دلتك على جامعتنا كل خير وعافيه

[noufa_london]

كان اخذت شنطي وعلى بآآآآآريس ادرس تصميم ازياء وكذا :biggrin: :mh35:

لو ماكانت موجوده ماادري ايش كان راح يصير فيني كنت ادرس بالعربيه المفتوحه واكتئبت منها

الحمدلله على هذه النعمه :004:

[meme s]

meme s كلام جميل وشعورنبيل منك تجاه جامعتك و زملاءك
شكرالك واسال الله لك التوفيق

الحــق ينقــآآل :060:

العفــــوو :119:

ويــآآك يــآآ رب :biggrin:

[خالدعبدالعزيز]

الاخت نوفا لندن الحمدلله التعليم عن بعد حل لك امردراستك
وفتكيتي من روحتك لباريس بس وش دخلتي اعتقدالانقليزي مناسب لك

[noufa_london]

الاخت نوفا لندن الحمدلله التعليم عن بعد حل لك امردراستك
وفتكيتي من روحتك لباريس بس وش دخلتي اعتقدالانقليزي مناسب لك


انا دخلت ادراه اعمال لقيت نفسي فيه اكثر والحمدلله الحين رايحه على مستوى خامس :004: :biggrin:

وطبعا الانقلش اكيد تخصص حلو بس يناسبني بمعهد اكثر من الدراسه عن بعد

[خالدعبدالعزيز]

نوفا تخصص ممتاز ويفيدك في المجال اللي ترغبينه
تصميم واي نشاط تجاري ومطلوب في الشركات خصوصا

[خالدعبدالعزيز]

ادارة اعمال مع اللغه راح يفتح مجال للعمل مستقبلا ومجال حلو

[كنت وكنا]

لو مافيه كان ماكملت دراستي
بس الحمدلله والله انها نعمه التعليم عن بعد نشكر الله عليها
لو ما فتحوه كان كثير ما اكمل دراسته

[خالدعبدالعزيز]

كنت وكنا الحمدلله
وشكرا للمشاركه

[star 4]

هذي نعمة الله يجزى القائمين على هذا النظام خير لو ماكان في التعليم عن بعد كان ماتحققت طموحنا :d5:

[خالدعبدالعزيز]

star4 الحمدلله
اتوقع عدد المنتسبين 56000 التعليم عن بعد بفضل من الله فتح لهم المجال لمواصلة التعليم

[خالدعبدالعزيز]

قال

[خالدعبدالعزيز]

سيد الاستغفار

عنْ شَدَّادِ بْنِ أَوْسٍ رضي اللَّه عنْهُ عن النَّبِيِّ صَلّى اللهُ عَلَيْهِ وسَلَّم قالَ : « سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ . منْ قَالَهَا مِنَ النَّهَارِ مُوقِناً بِهَا ، فَمـاتَ مِنْ يوْمِهِ قَبْل أَنْ يُمْسِيَ ، فَهُو مِنْ أَهْلِ الجنَّةِ ، ومَنْ قَالَهَا مِنَ اللَّيْلِ وهُو مُوقِنٌ بها فَمَاتَ قَبل أَنْ يُصْبِح ، فهُو مِنْ أَهْلِ الجنَّةِ » رواه البخاري

[خالدعبدالعزيز]

فضل الدعاء
عن عائشة رضي اللَّه عنها قالت : قال رسُول اللَّه صَلّى اللهُ عَلَيْهِ وسَلَّم: « إنَّهُ خُلِقَ كُلُّ إنْسانٍ مِنْ بني آدم علَى سِتِّينَ وثلاثمائَةِ مَفْصِلٍ ، فَمنْ كَبَّر اللَّه ، وحمِدَ اللَّه ، وَهَلَّلَ اللَّه ، وسبَّحَ اللَّه واستَغْفَر اللَّه ، وعَزلَ حَجراً عنْ طَرِيقِ النَّاسِ أوْ شَوْكَةً أوْ عظْماً عن طَرِيقِ النَّاسِ ، أوْ أمر بمعرُوفٍ أوْ نهى عنْ مُنْكَرٍ ، عَددَ السِّتِّينَ والثَّلاَثمائة ، فَإِنَّهُ يُمْسي يَوْمئِذٍ وَقَد زَحزحَ نفْسَهُ عنِ النَّارِ » .
وعنْ أبي مُوسَى الأشعريِّ ، رضي اللَّه عنهُ ، عن النبي صَلّى اللهُ عَلَيْهِ وسَلَّم ، قال : «مَثَلُ الذي يَذكُرُ ربَّهُ وَالذي لا يذكُرُهُ ، مَثَل الحيِّ والمَيِّتِ » رواهُ البخاري .
ورواه مسلم فقال : « مَثَلُ البَيْتِ الَّذي يُذْكَرُ اللَّه فِيهِ ، وَالبَيتِ الذي لا يُذْكَرُ اللَّه فِيهِ ، مَثَلُ الحَيِّ والمَيِّتِ » .
وعنْ أبي هُريرةَ ، رضي اللَّه عنْهُ ، أنَّ رسُولَ اللَّه صَلّى اللهُ عَلَيْهِ وسَلَّم قالَ : « يقُولُ اللَّه تَعالى : أَنَا عِنْدَ ظَنِّ عبدي بي ، وأنا مَعهُ إذا ذَكَرَني ، فَإن ذَكرَني في نَفْسهِ ، ذَكَرْتُهُ في نَفسي ، وإنْ ذَكَرَني في ملإٍ ، ذكَرتُهُ في ملإٍ خَيْرٍ منْهُمْ » متَّفقٌ عليهِ .
وعَنْهُ قال : قالَ رَسُولُ اللَّه صَلّى اللهُ عَلَيْهِ وسَلَّم : « سبقَ المُفَرِّدُونَ » قالوا : ومَا المُفَرِّدُونَ يا رسُول اللَّهِ ؟ قال : « الذَّاكِرُونَ اللَّه كَثيراً والذَّاكِراتُ » رواه مسلم .
روي : « المُفَرِّدُونَ » بتشديد الراء وتخفيفها ، والمَشْهُورُ الَّذي قَالَهُ الجمهُورُ : التَّشديدُ.
وعن جابر رضي اللَّه عَنْهُ قالَ : سمِعْتُ رسُول اللَّه صَلّى اللهُ عَلَيْهِ وسَلَّم يقولُ : « أَفْضَلُ الذِّكرِ : لا إله إلاَّ اللَّه » . رواهُ الترمِذيُّ وقال : حديثٌ حسنٌ .
وعنْ عبد اللَّه بن بُسْرٍ رضي اللَّه عنْهُ أنَّ رَجُلاً قال : يا رسُولَ اللَّهِ ، إنَّ شَرائِع الإسْلامِ قَدْ كَثُرتْ علَيَّ ، فَأخبرْني بِشيءٍ أتشَبَّثُ بهِ قال : « لا يَزالُ لِسَانُكَ رَطْباً مِنْ ذِكْرِ اللَّهِ » رواهُ الترمذي وقال : حديثٌ حَسَنٌ .
وعنْ جابرٍ رضي اللَّه عنهُ ، عَنِ النبي صَلّى اللهُ عَلَيْهِ وسَلَّم قال : « منْ قال : سُبْحانَ اللَّهِ وبحَمدِهِ ، غُرِستْ لهُ نَخْلَةٌ في الجَنَّةِ » . رواه الترمذي وقال : حديث حسنٌ .
وعن ابن مسْعُودٍ رضي اللَّه عَنْهُ قال : قال رسُول اللَّه صَلّى اللهُ عَلَيْهِ وسَلَّم « لَقِيتُ إبراهيمَ صَلّى اللهُ عَلَيْهِ وسَلَّم لَيْلَةَ أُسْرِيَ بي فقال : يا مُحمَّدُ أقرِيءْ أُمَّتَكَ مِنِّي السَّلام ، وأَخبِرْهُمْ أنَّ الجنَّةَ طَيِّبةُ التُّرُبةِ ، عذْبةُ الماءِ ، وأنَّها قِيعانٌ وأنَّ غِرَاسَها : سُبْحانَ اللَّه ، والحمْدُ للَّه ، ولا إله إلاَّ اللَّه واللَّه أكْبَرُ » .رواه الترمذي وقال : حديثٌ حسنٌ .
وعنْ أَبي الدِّرداءِ ، رضيَ اللَّه عَنْهُ قالَ : قالَ رسولُ اللَّهِ صَلّى اللهُ عَلَيْهِ وسَلَّم : « أَلا أُنَبِّئُكُم بِخَيْرِ أَعْمَالِكُم ، وأَزْكَاهَا عِند مليكِكم ، وأَرْفعِها في دَرجاتِكم ، وخَيْرٌ لَكُمْ مِنْ إِنْفَاق الذَّهَبِ والفضَّةِ ، وخَيْرٌ لَكُمْ مِنْ أَنْ تَلْقوْا عدُوَّكم ، فَتَضربُوا أَعْنَاقَهُم ، ويضرِبوا أَعْنَاقكُم؟» قالوا : بلَى ، قال : « ذِكُر اللَّهِ تَعالى » . رواهُ الترمذي ، قالَ الحاكمُ أَبو عبد اللَّهِ : إِسناده صحيح .
وعنِ ابْنِ عَبَّاسٍ رضِي اللَّه عنْهُما قَال : قالَ رَسُولُ اللَّهِ صَلّى اللهُ عَلَيْهِ وسَلَّم : « منْ لَزِم الاسْتِغْفَار ، جعل اللَّه لَهُ مِنْ كُلِّ ضِيقٍ مخْرجاً ، ومنْ كُلِّ هَمٍّ فَرجاً ، وَرَزَقَهُ مِنْ حيْثُ لا يَحْتَسِبُ » رواه أبو داود .
وعنِ ابْنِ مَسْعُودٍ رضِي اللَّه عنْهُ قال : قال رسُولُ اللَّه صَلّى اللهُ عَلَيْهِ وسَلَّم : « منْ قال : أَسْتَغْفِرُ اللَّه الذي لا إِلَهَ إِلاَّ هُو الحيَّ الْقَيُّومَ وأَتُوبُ إِلَيهِ ، غُفِرَتْ ذُنُوبُهُ وإِنْ كَانَ قَدْ فَرَّ مِنَ الزَّحْفِ » رواه أبو داود والترمذي والحاكِمُ ، وقال : حدِيثٌ صحيحٌ على شَرْطِ البُخَارِيِّ ومُسلمٍ .

[ســالم !!]

لو مافيه تعليم عن بعد
عن نفسي اتعلم عن قرب << براااااااا :Looking_anim:

لا صدز صدز الحمد لله على هـ الفرصه .. اللي يبي يفهم يقدر ومتاح له بسهوله
واللي عنده التزامات ويبي بس يعدي .. برضو متاح له .. فـ لله الحمد والشكر ثم لوطننا الغالي ثم لجامعتي الحبيبه :rose:

[خالدعبدالعزيز]

صباح الخير اخوي سالم
صدقت التعليم عن بعد يناسب الجميع وخصوصا الموظفين مثلي
عندك فرصه للمذاكره والمراجعه بالاوقات اللي تبيها

[خالدعبدالعزيز]

الحين نكمل مشاركاتكم بالموضوع ونتابع معكم

[تشكيلات]

لو مافيه كان قعدت بأرضي وانثبرت

[خالدعبدالعزيز]

تشكيلات فعلا الحلول لو مافيه تعليم عن بعد قليله
اغلبها تنحصر في المعاهد الاهليه وفيه الجيد وفيها السيء
وبالنسبه للتعليم بالانتضام المقاعد محدوده والابتعاث محدود ولايستوعب الجميع

[أيه أحبكـ أنا]

:33_asmilies-com:

الله يسعدك يابو عبدالعزيز

[خالدعبدالعزيز]

ايه احبك شكرا لك
واتمنى لك دوام الصحه والعافيه والنجاح

[غيدو]

:biggrin:الحمد والشكر لك يارب من جد التعليم عن بعد افادني كثيرا والله يجزي اصاحب فكرة التعليم عن بعد كل خير وجامعتنا ماقصرت ولو انو فيه بعض القصور لكن الحمد لله

[خالدعبدالعزيز]

غيدو وانا معك الحمدلله

[نجـد]

انا تخرجت من الثانوي بتقدير ممتاز ولله الحمد
ماانقبلت بالجامعه :sm18:
ودرست على حسابي قسم تسويق
لكن مااقدرت اكمل دراستي بهالتخصص ماكان طموحي ابداً :(177):

سمعت البنات بالجامعه يتكلمون عن التعليم عن بعد وتخصص تربيه خاصه
وقلت للوالد الله يطول بعمره :004:
بالبدايه رفض لانو انتساب
ففكرت اني ادرس بالجامعه العربيه المفتوحه
وفكرت غير كذا اني ادرس ببريطانيا .. لكن خفت من الغربه وكنسلت الفكره
لما بحثت بالنت ولقيت انو مزايا التعليم عن بعد كشهاده افضل من الجامعه العربيه توكلت على الله واقنعت الوالد اكثر
ووافق عن غير اقتناع :53:

والحمد لله على كل حال
:(204):
*

[خالدعبدالعزيز]

اختي نجد الخيره فيما اختاره الله
انتي جايبه امتياز ليه ماقبلوك الله يصلح المسؤلين على الجامعات
وبالنسبه لتخصص التسويق من التخصصات الممتازه والمطلوبه جدا بالتوظيف وخصوصا اذا معها اللغه الانقليزيه وبمرتبات عاليه(حسب قدرات الشخص) بس مادامه مو رغبتك زين انك غيرتي
والحمدلله انك دخلتي الجامعه والله يوفقك وتتخرجين

[أمل النور]

كنت راح ادرس دبلو م انجليزي

[خالدعبدالعزيز]

امل النور الحمدلله املك تحقق بالجامعه افضل من دبلوم
وعقبال الدكتوراه

[ابوعمار]

:hhheeeart4:

[خالدعبدالعزيز]

ابو عمار مقبوله بدون تعليق
وشكرا لمشارمتك

[الطائف احلى]

كاااااااان كناا كذا :24_asmilies-com:

[kawid]

اولا السؤال افتراضي اذا هو فلسفي لا واقعي يعنى فرضي .

سأل ابي حنيفة اذا صام الفرد متى يفطر قال ابى حنيفة بعد غياب الشمس قال السائل وأن لم تغب الشمس قال ابى حنيفة آن لابي حنيفة ان يمد رجلية ولا يبالي وهو لما طلبتة قالولة في الباب سائل قام ابى حنيفة بثني رجلية احترام لسائل .

ومن هنا يبرز لنا اهل لكلام وهم الفلافسة وهم بدؤ من قديم وقاموا بكلامهم واسقاطه على المنطق واغلبهم من اخرجة من الاسلام .

ونعلم ان كلمة لو تخرج عن الا سلام وهذا شئ نخاف منة .


اذا على كلامك لو مافية تعليم مطور قبلة كان يوجد انتساب وقبلة دراسة بدون انتساب وقبلة لايوجد جامعات وقبلة لا يوجد ثنوي وقبلة كان كتاتيب............. .

السؤال الطبيعي هو ما بعد التعليم المطور .

اذا رجعنا الى فلسفة هل الدجاجة قبل البيضة ولا ............

العقل دائما يسعى الى الغيبيات ويصدقون بها ويلهثون ورائها نسئل الله السلامة .

[ابوعبدالله..]

طيب تخيل مافيه جامعة الملك فيصل ابد
وتخيل مافيه جامعات بالسعودية ابد
وتخيل مافيه تعليم عالي ابد

احساسي يقول انك تقصد ان نرضى بما هو موجود يعني بالشعبي (الجود من الموجود!!!)

اذا كان كذلك فأقول لا .. فالتعليم عن بعد ابتكرته جامعة الملك فيصل ونحن احد اجزاء هذه النظام الجديد ويجب علينا تطويره مع الجامعة

[خالدعبدالعزيز]

/ابوعبداللهkawid موضوع للنقاش لمعرفة مدى رضى الناسوالى اي مدى يصل تفكيرهم
في امور تخص حياتهم وهل سيقف ويصمت ويقنع باي شي او يبحث ويطالب حتى يصل
الحياة لاتتوقف على التعليم فقط فالطرح هنا بالنسبه لي كان كمثال لانني في منتدى تعليمي
والموضوع لهدف اصل اليه والحمدلله تحقق الهدف
وشكرا لمداخلتك

[مكافحه]

اذا مافى دراسه عن بعدكل عاده قاعده فى البيت :24_asmilies-com:الين جت الدراسه عن بعد غيرت مسار حياتى واحسيت الى هدف فى الحيا ه :(204):انى باخذشهاده:004:

[قلم طموح]

لو مافي تعليم عن بعد ماكان قدرت اغير في اخطاء الماضي بعد مانضجت وحددت اهدافي...على فكرة انا جامعيه للمرة الثانيه!!
حصلت على بكالوريوس في تخصص ما احبه ابدا دخلته لانه كان افضل الموجود وقتها..بعد ثلاث سنوات من التخرج قررت اعيد دراستي واحقق احلامي واهدافي اللي ماتناسب ابدا شهادتي اللي حصلت عليها سابقا.. طبعا كان من المستحيل لو ماكان فيه تعليم عن بعد..

[خالدعبدالعزيز]

مكافحه
الحمدلله تغير مسار حياتك للافضل

[خالدعبدالعزيز]

قلم طموح احيي فيك جديتك وطموحك وبما انك حصلتي على الشهاده الجامعيه
وعندي راي لو تكملين دراسات عليا ماستر ودكتوراه ارى انها افضل طبعا اذا كان المجال مفتوح

[خالدعبدالعزيز]

:53:نكمل ان شاء الله معكم بعد الفاصل

[قلم طموح]

قلم طموح احيي فيك جديتك وطموحك وبما انك حصلتي على الشهاده الجامعيه
وعندي راي لو تكملين دراسات عليا ماستر ودكتوراه ارى انها افضل طبعا اذا كان المجال مفتوح

اشكرك..للاسف تخصصي السابق ادبي تربوي ومجالات الماستر فيه محدودة لاتناسب ميولي .. ثانيا اسكن في مدينه جامعتها لاتقدم برامج ماستر..

[خالدعبدالعزيز]

قلم طموح ماشاء الله انتي مثال طيب للطموح والمثابره
اسال الله ان يجعل امورك جميعها ميسر ه

[العلم نور نور]

موضوعك مرة رائع بل كل افكارك تعجبني احس انك طبيب نفسي يا أخ خالد

تخلينا نفضفض كاني جالسة مع صديقة لي

عموما انا مثل الاخت/ Turning point البكالريوس يمثل لي الثقة بالنفس ولا يغني دورة حاسب ولا انجليزي عن البكالريوس

ما ادري احس انه غير الثانوي

احس اني مفتخرة بنفسي واحس ان جلست مع العالم فاهمة مخي مفتوح ان جلست في مجتمع ثقافي اكون فاهمة ما اكون مثل الكرسي ما اقدر اناقش
اي نعم الحياة تعلم والتجارب معك لكن مو مثل العلم غير

احس مواضيعك حساسة وتخرج ما في الخاطر

أحمد الله على التعليم عن بعد رحمة من ربي والله يوفقنا يا رب :rose:

[خالدعبدالعزيز]

العلم نور نور مساء الخير شكرا لكلماتك الجميله
نعم كلامك صحيح كلما زاد علمك زادت ثقتك بنفسك وزاد حبك للتعلم فالتعليم ليس له نهايه
فالتعليم له مراحل وكل مرحله فيها من العلوم اكثر من المرحله السابقه وحتى لو وصلت اخر مراحل التعليم
واعلى الشهادات العلميه فهناك اكتشافات جديده ومستمره
وهناك امور لايمكن ان يصل اليها العلم فيكفي التفكر فيها وسبحان الله الخالق الذي وهبنا العقل لنتعلم ونتدبر

[W A R D]

اي نعم الحياة تعلم والتجارب معك لكن مو مثل العلم غير

احس مواضيعك حساسة وتخرج ما في الخاطر

أحمد الله على التعليم عن بعد رحمة من ربي والله يوفقنا يا رب :rose:
معك حق بكلامك
أصعب شي لما تتعثري بالحياة
و ما تحققي حلم من أحلامك
تحسي بالنقص و عدم الرضا عن النفـس
لكن الحمدلله رب العالمين
التعليم عن بعد جدد لي الأمل و الطموح
متحمسه للدراسه
ربي يوفقـــككم جميعاً و يحقق كل طموحاتكم و أحلامكم
:106:

[خالدعبدالعزيز]

lydia مساء الخير
نعم من الامور الصعبه التعثر وخصوصا في بدايه الطريق
ولكن الاصعب ان نقف ونستسلم
وانتي ماشاء الله عليك متحمسه للدراسه اسال الله لك التوفيق

[خالدعبدالعزيز]

لازلت معكم ومع مشاركتكم
فاصل ونواصل بعد الاستراحه