الانجليزي عندكم أدب او لغة ؟

[ทεrrч]

السلام عليكم ,,

بنات انا ادرس بالجبيل وأبي احول عندكم ان شاء الله
وبدرس انجليزي , كيف التخصص صعب ولا سهل والدكاتره بعد
وبسالكم هو أدب ولا لغة ؟

* على فكره هالعضوية مشتركه اختي تدرس بالآداب عندكم
ف لا تستغربون من الردود :(204):

[خوووخة]

اختي انجليزي
وتقول انه التخصص صار اسمة لغة انجليزية
بس يعني في الترم الواحد ناخذ مادتين او مادة أدب انجليزي

[ทεrrч]

تسلمين لي انتي وأختك :004::004:

[سمـــو الرووح]

القسسسم صآير لغه مو آدب بس مدخلين ماده مادتين بكل سمستر مثل ماقالت
والتخصص دسم ويعتمد ع متطلبات يعني اذا لغتك تمام وحابه القسم توكلي ع الله وادخليه والدكاتره فيهم الزين والشين بس ححرام انتي تربيه ليش تجين اداب مستقبلكم مضمون بعد الله ودراستكم اسهل :Looking_anim::sm4:

[استغفرالله123]

بنات نبي خبر اكيد لغه ولا أدب ؟؟؟؟

يعني اذا تاخذون شكسبير وشعر معناته ادب !!!

اللي اعرفه تربية الجبيل لغه واداب الدمام ادب صح ولا لا ؟؟

[عشق البنفسج]

القسم الحين لغة اغلبه واللي ندرسه من المواد
الأدبية شي معدود مادة او مادتين بالترم
ندرس بس شعر/نثر/مسرح
من المواد الأدبية ومو بنفس الكمية اللي يدرسوها طالبات الأدب الانجليزي

^^

[البدويه]

حبيبتي الانجلينزي الي بكليتنا ادب مو لغه .. وهم يدرسون الادب الانجلينزي كمواد اساسيه

والي تقول المواد اقل والمقرر اخف .. حتى قسمي انا مواده اقل وتغيرت كثير مواضيعي
وهذا الشي بكل الاقسام صار اغلبها ساعتين واكثر من مره بالاسبوع ياخذونها


...

حبيباتي تاكدوا قبل روحوا شوفوا مواد الي لغه والي ادب غير تماما

الي عندنا ادب وااذا تقولون تغير اسمه من ادب الي لغه انجلينزي

ترى انا لي 5 سنوات بالكليه وهذا اسمه الي بكره لغة انجلينزيه عمره ماصار ادب انجلينزي


بس حبيت اصحح لكم المعلومات

[عشق البنفسج]

عزيزتي البدوية الخطة الدراسية لقسم اللغة الانجليزية تغيرت مو مثل
قبل وفعلاً القسم لغة مو ادب
انا طالبة بالخطة الجديدة وطبقت على دفعتي انا بالبداية والحين ع الدفعات اللي بعدي
الخطة القديمة قربوا يلغوها نهائياً بمجرد تخرج الدفعة الحالية من طالبات سنة رابعة
اساساً الخطة اللي ندرسها ماتقارن بالخطة القديمة قبل يدرسوا 10 او 11 مادة واغلبها أدب
الحين مواد اللغويات هي اللي تدرس
:rose:

[البدويه]

بس حبيبتي كلية الاداب ممكن تدرسين لغه صح معك

بس انتي تتخرجين منها على انك ادب انجلينزي

وبعدين قلت عدد الساعات وتغير مسمى ومحتوى المنهج مايغير من هذا الشي هذا بكل الاقسام العربي والتاريخ والجغرافيا .. هم بس طبقوا عليكم قوانين الجامعه الصحيحه .. الي مفروض طبقوها من كم سنه ..

بنات ركزوا انتي لما تتخرجين من كليتنا لك مسمى معين هو لغة انجلينزيه بس انتم ادب مو لغه

وتقدرون تسالون الشؤون لان انا بنت خالتي كانت بتتخصص وسالت قالوا ادب


...

بنات اكبر دليل الي تدخل وماعندها لغه تضيع لو هو لغه يقدر الكل يدخله لانه هو يتعلم

بس لان الكل الحين سوفوا كيف ضايع دليل انه ادب لازم يكون مسبقا عندك لغه قبل ماتدخلين

[عشق البنفسج]

مو بس عدد الساعات اللي قل حتى المواد تغيرت وصارت مواد لغة
يعني قبل ماكانوا يدرسوا قراءة واستماع مثلنا ونفس الحالة للمواد اللغوية
يدرسوا لغويات عامة بس مو بتفصيل نفس الخطة الجديدة
وانا برضو سائلة وعارفة وبالتعريف بالقسم قالوا انه الآن فعلاً صار لغة
مو أدب واساساً اول ترم بالتخصص يكون تأسيس ندرس بس أربع مواد
استماع,وكتابة,وقراءة,وقرامر
وحتى المناهج تغير كبير كيف يكون ادب وانا اللي ادرسه بالتفصيل هو المواد اللغوية والمواد الادبية
نظرة عامة وشاملة بس كاطلاع فقط لا غير
يعني مواد اللغويات تقريباً فوق الـ 10 والأدب بس 4 وأكون خريجة أدب...!

[البدويه]

8
متاكده بقول لقريبتي لان هي ماتبي ادب ابدا ابدا هي شاطره بس ماتبيه اذا لغه بقولها تسجل
لانها يوم سالت قالوا لها ادب

[عشق البنفسج]

ايه متأكده لآن هذا تخصصي وادرس خطة جديدة
وصار لي سنتين بالقسم
والمواد الأدبية اللي درستها كلها على بعضها طول هالسنتين بس 4

[البدويه]

جبت الخبر الاكيد من الموقع

هو ادب ولغه بنفس الوقت واكبر دليل الي كاتبينه ..

..

يعني هو لغه انجلينزيه خالطين فيه القسمين

..

الرؤية:
تحقيق التميز والريادة في مجالي اللغة والأدب على المستويين الإقليمي والمحلي.
الرسالة:
تخريج أفراد أكفاء وخلاقين في مجالي اللغة والأدب قادرين على اثراء الحوار بين الثقافة
العربية الإسلامية والثقافة الغربية الإنجليزية.
الأهداف:
تستنبط الخطة أهدافها من توجه وأهداف كلية الآداب , وهي كالتالي:
1) تخريج طالبات على درجة عالية من الكفاءة في مجالي اللغة والادب قادرات على التكيف مع التحديات
الجديدة والتغيرات في مستقبلهن المهني.
2) اثراء الحوار بين الثقافة المحلية والثقافة الإنجليزية من خلال التعليم والتعلم الايجابي.
3) اثراء الحوار الحالي عن الآخر في الثقافة الانجليزية.
4) إعداد خريجات قادرات على متابعة الدراسات العليا والبحث العلمي بنجاح.
5) تحديث مجالات تعلم اللغة الإنجليزية والخبرات بما فيها التقدم التقني.
6) تحديث مناهج تدريس وتذوق الأدب الإنجليزي.
7) خدمة المجتمع في مجالات تعليم اللغة الإنجليزية والترجمة والتعريب.


...

[عشق البنفسج]

بس نسبة الأدب للغة قليل
يعني 80% لغة
20% أدب

[kambodia]

كلام أختي عشق البنفسج صحيح 100%... طالبات 2010 طُبّق عليهم خطة جديدة .. وتغيّر المسمى من أدب إلى لغة ... فطالبة تدرس بداية تأسيسي من حيث الاستماع والقراءة والكتابة والمحادثة و من ثم تبدأ بالقواعد مرورا" بكتابة المقال و التعمق باللغويات كالصوتيات و علم الدلالة والمعاني و النحو والصرف فهذه مواضيع تتعلق باللغة أكثر من الادب
أما طالبات 2009 وما قبل تخرجن كقسم معني بالادب ككورس مكثف للادب والنقد والتاريخ الادبي وغيره كثير من هالمواضيع الأدبية البحتة ...

[البدويه]

نحيسين الكليه يوم جيت اتخرج استعدلوا :cool:

[Miel]

^

اسمها لغة انجليزية وليست "انجلينزية"


أنا من دفعة ٢٠٠٨ و التخصص أدبي بحت خصوصا آخر سنتين، أما أول سنتين فيتضمن مواد لغة مثل القرامر و الصوتيات و المحادثة و الفهم. الآن تغير و خففوا مواد الأدب و كثفوا اللغة.

موفقين

[BNT WOOW]

دراسة الانجليزي بالجبيل افضل بكثير من الدمام ليه تبين تحولين للأداب انظمتهم مو ثابته واذا غيرو النظام مايسون اعلان وانتي تروحين ضحيتها
مثلنا حنا يوم جينا نبي نقدم على قسم الانجليزي فاجأونا بنظام تعجيزي حسبي الله عليهم

المهم انا افكر اني انقل للجبيل قسم انجليزي تنصحيني فيه؟

[de11]

اطلعت على خطة الجبيل لان كنت ابي احول هناك لان دراستكم اسهل منا
لكن اختي مختلفه المناهج عنا قليل جدا المواد المتشابهه
ودراستنا تعتبر صعبه مابي انزل من شأن احد من الدكاتره لكن صراحة وبدون مجاملة او تحيز
قسم الانجليزي قليل اللي فيهم زين ويراعي ومتفهم و الصراحة بنسبة لي
لما يجي ترم جديد خلاص تتأزم نفسيتي ادور دكاتره زينين اسجل عندهم :007:
من رأيي ماتحولي عندنا