المساعد الشخصي الرقمي

مشاهدة النسخة كاملة : شعر حمد البريدي...♥♥

ضي~
2012- 6- 4, 12:40 AM
منت بعلى خبري تغيرت ياهيه
برد المسى ماعاد عانق حضورك

:rose::rose:

ماعاد كنت ياه ولا عرف ليه
ولاعاد ذا شوقك ولاذا بشعورك

:rose::rose:

عنيتني لدرب العذاب ومساريه
وانا اتعنى في راضاك في سرورك

:rose::rose:

لا تسومني دمع الوفا صعب تشريه
بيدك هدمت البيت والسور سورك

:rose::rose:

انا هديتك خافقي وانت تهديه
بالحزن والليل العتيم وغرورك

:rose::rose:

ترى الهديه عيب تهدى وتنويه
اما احترمت العهد فيكون دورك

:rose::rose:

كنت اشتهي صوتك واحبه واداريه
والحين مداني السواليف طورك

:rose::rose:

شبيت ضوي في رجا الغنج والتيه
وتشب ضوء البعد ياشين جورك

:rose::rose:

الفي عليك بشوق وتقول مافيه
ودك بوصلي بس يا كبر امورك

:rose::rose:

اللي بقلبي من غلا خذت باقيه
رده علي تكفى اواكفه شرورك

:rose::rose:

لا و ياخسارة يا فديتك ولبيه
نهيتني يا قلب ما طعت شورك

:rose::rose:

يا مجرم جروح الغياب ابتماديه
وقع على صك الوداع ابحضورك

:rose::rose:

اهديتك الدنيا وقلبي ومافيه
ولا انت تهديني خطاك وزهورك

:rose::rose:

وسلمتك زمام الهوى والمشاريه
وانت تحفر لجروح صدك قبورك


:rose::rose:

احييه من جمر انتظاري ويا حييه
لا ذكرتني بالمحبة عطورك

:rose::rose:

ويسقيك يا ذاك الغرام ولياليه
وابكي غرامي بيك وابكي شعورك

:rose::rose:

تضحك مع قفاك لكن ما عليه
اصبر على الايام وياجيك يومك
آبيات
2012- 6- 4, 12:48 PM
احييه من جمر انتظاري ويا حييه
لا ذكرتني بالمحبة عطورك


تسلم الايادي~
Nashmi
2012- 6- 4, 04:46 PM
شاعر متميز ونقل رائع

كنت بنزلها هنا يوتيوب بس خفت من ساهر
بنت الشمري
2012- 6- 11, 10:03 AM
صح لسااااااااااااانك وسلم احسساسك
قصيد رااائعه ومميزه
تسلم يديك ع النقل المميز
لاخلا ولاعدم
ودي