اللي سبق ودرست عند شيخة الشريف تتفضل

[مستجدة2010]

السـلام عليكم,,

ودي اسجل علم اجتماع بالصيف لرفع معدلي

وش رايكم بشيخة الشريف من ناحية التعامل والاسئلة وتوزيع الدرجات وكل شي

تتوقعو لو سجلت عندها بقدر ارفع معدلي ولا بينزل زيادة لا سمح الله :icon9:

موفقاات جميعا...

[إسبـانيآ]

انا درست عندها ورسبت :)
مع انها كانت تقول اني ذكية وحابتني واحرك الكلاس
انا توقعت بنجح ب دي على الاقل لكن الحمدلله على كل حال !
ومثلك محتاره اسجل عندها صيفي ولا لا ابي اخلص من هالمادة

[طفڷـه ٓالمطـړ ٌ]

درستني هي شديدة على البنات من ناحية الدرجات تتعب نفسها وتحاول في المحاضرة تحفظ البنات والمحاضرات يكون فيها تسميع للمحاضرا ت اللي قبلها بالأسماء وتسوي في المحاضرات بطاقات في درجات اللي تحضر الدرس وتشارك معها تعطيها الدرجات اللي بالبطاقة ( يعني تحسين انها مدرسة مو استاذة اقصد تهتم بأن كل طالبة لازم يكون عندها درجات مو مثل نظام الاساتذة انتي تعتمدين على نفسك )
الواجبات عندها لازم تكون عن طريق الايميل ماتقبل الاوراق

من ناحية تعاملها مع الطالبات تحب تتناقش مع الطالبات ومتواضعة وطيبة بس ماتطلعكم الا على نهاية الوقت المحاضرة

وبس

[دلع المشاعر]

شديده من ناحيه الدرجات اذكر اذا شاركت تكلمت وتكلمت تقولي انتي ماوصلتي درجه :Cry111:
اخر شي جيتها ولقت لها استاذه انا بخاطري شي كل محاضره اشارك وتقولي ماوصلتي نص درجه طيب نص ونص يكونون درجه:24_asmilies-com: وعطتني درجه :icon120:
بس الحين البنات يقلون انها تغيرت ولا ادري اذا صحيح او لا:g2:

[دلع المشاعر]

اخلاقها حلوه وتعاملها راقي جدا معنا تحسين انها تكلمك كانك وحده فاهمه

[مستجدة2010]

مشكوورين بنات ماقصرتو تحمست وبنفس الوقت خفت هههه

اسبانيا رسبتك يعني ماحليتي كويس بالامتحانات ولا هي ظلمتك بالرسووب؟ :icon9:

[Drop honey]

هي ما تظلم والله جداً حقانية
كل درجة تاخذيها هي من عرق جبينك
وتساااعد بعد وتاخذ بالمفهووووم مو الحل النصي
انصحك فيها امشي معها مزبوط تاخذي اي بلس :004:

[المجد]

شرحها يجنن وتعاملها روووعه
شديده حبتين والمنهج طويل ويبيله مذاكره اول باول
خليك مركزه معها ع طول شاركي باستمرار

[ميمو2011]

اممم شيخه الشريف ...
على قد تعبك تاخذيين الدرجه .. ششرحهها حلوو .. بس اكثر اسئلتها اشرحي يعني في تعب بالمذاكره .. مثل ماقلت لك على قد تعبك تاخذيين الدرجه .. :119:

[فك وافك]

الا تظلم ونص
انا هذاك اليوم اسالتني عن محاظرة كامله وجاوبتها كلها صح وسالتني سؤال واحد وكان تافه ومايجي كلمتين
قالت لي اممم اعطيك بس درجه :41jg:
وكل مشاركاتنا ماتعجبها تقاطعنا وحنا نتكلم اتفشلل
ومع هذا حملتني الماده وانا صامه الكتاب صم لاني كنت اعشق هالماده
حسبي الله ونعم الوكيل

[lodi moodi]

اااب

[lodi moodi]

استغفر الله العظيم

[.. أميـــ بطبعي ـــرهـ ..]

شيخه الشريف ..
استاذه حقانيه وتخاف على كل بنت وتحب تعطينا درجات
ويكفي انها تاخذ من مفهومك مو لازم نصاً زي بعض الاستاذات
وكانت تقول لاتسكتون إذا حسيتوا اني ظالمتكم بالدرجات تعالوا وناقشوني
هذا حقكم ولازم ماتسكتون عنه ..
انتي جيبي واجباتك كامله وبوقتها وسوي الاشياء المطلوبه
وشاركي معاها وخليك تمام واضمن لك النجاح
وهي ماتحب اللي تجي بعدها يعني خليك ملتزمه بموعد المحاضره
واحضري كل المحاضرات لانها تحط درجات اضافيه عالحضور
بصراحه انسانه طيبه وحقانيه وتعاملك كبنت جامعيه وتفهمك زين
وبسسس الله يوفقكــ .. :004:

[green-eyes]

انا حملت هالماده عند دكتوره موزه

وابي ادرسها بس مدري علم اجتماع خطة قديمة او جديده اللي راح تنزل بالصيفي

[فك وافك]

شيخه وموزه نفس الطخه :sm4:

[celina]

انا درستني اول سنة كانت زينه يعني
و تحدد معانا بعد المحاضرة وش خذينا

[مشاعل احمد]

ششيخه ،، :Looking_anim:
آحسكم تتكلمون عن حد ثآني ،،

مآ تظلم ،، بس بخيله بالدرجأت ،، و متطلباتها لك عليها يعني وآجب خآرجي وماتبي نص من برآ تبي انتي تكتبي والسؤال من تحت الارض هذي مو معقوله ><
ومأحد يآخذ الـ 5 الا طلعت روحه ،،

انا درست عندها ،، ابدآ ماحبيت الكلآس ،، :icon9:

[P!nk~❥]

بخيله بالدرجات بشكل م تتصورينهآ

[مستجدة2010]

ياربييييي :icon9::icon9: المشكلة ابي ارفع معدلي نازل وبقووووة

طيب لو حملت المادة بالصيفي ينزل المعدل زييادة؟

[Drop honey]

بالعكس مو بخيلة
انا قابلت بنت سحبت المادة من عند شيخة تقول ما احب الاستاذة اللي كذا
احب وحده اضحك معها وتصير بينا ميانة عشان تعرفني وانجح
طالما البنت تفكر كذا بتحمل المادة و حتى إن نجحت ما راح تنجح بفائدة
والله بكيفكم لكن هي ما تظلم وتساعد بعد بعض الاحيان ارخبط بالاجابة بقووووه
وبالنهاية القى حالي مو ناقصة الا درجة ! :Looking_anim:
بجد ترااااعي ، اما شغلة الاجابة بالمحاضرة نفس الشيء ما تحب الجواب الحرفي من الكتاب
بعضهم تجي صامة الكتاب وبس تبدأ ما تسكت ، هي تحب كلام منك انتِ مع شرح ومثال من عندك
يخدم الموضوع بس كذا حتى تكوني فاهمة مو حافظة على الفاضي !

اتمنى تدرسني كل المواد بضمن معدلي بيكون فووووووووووق :(204):

[مستجدة2010]

مشكوورين بنات ماقصرتو الله يعطيكم العافية

بنات الي درست صيفي من قبل

الحرمان يكون بعد الغياب الثاني او الثالث؟

:icon9::rose:

[تومي القمر]

:004: انا درست عندها الترم الأول وبالبدايه ماارتحت لها وحسيتها شديده ومثل ماقالو البنات مستحيل تدخلك الكلاس اذا جيتي بعدها لانها مضبوطه بمواعيدها وحريصه على مصلحتنا وكنت متخوفه منها كثير . بس جد عرفت كل الاتسويه لمصلحتنا :cheese:والحمدلله نجحت بجهدي ومن ناحيه الظلم بالعكس اشوفها حقانيه تحب البنت تشارك وتتفاعل معها . وأسألتها سهله وعادي تكتبين من فهمك كمان شرحها جميل

:(204):والواجبات لازم ع الايميل وبس :106: موفقه اختي

[بنوووته كووولــ]

الله يسعدها ويوفقها شيخه شرحهااا حلو وتفهم يعني لو تذاكرين من محاضراتها حليتي وبالمشاركات تتعبين صح بس بالاختبار انا اكتب من فهمي لا ومن راسي بعد مو من الكتاب واتفاجأ اخذ الدرجه كامله بس مدري اذا عشان التخصص انا مادرستني علم اجتماع تدرسني بمواد تخصصي وبصراحه هي احسن دكتوره عندنا بالقسم وتحاول تعطيك درجات وتجمعلك اكبر قدر ممكن الله يسعدهاا يااااااارب

[لمسة وفاء]

بنات حراااااااااااااااام تتحسبون على أ. شبخة هذي أستاذة فوق الخيال أستاذة لا يوجد لها مثيل يعني إللى حملت المادة لا ترد السبب للأستاذة لأننا احنا طالباتها ودارسين عندها سنة كاملة تتخيلين إنه ما في رسوب عندها ليش ياترا ؟؟؟ لأنها إنسانة تحب الحق وما تحب الظلم أبد وزي ما قالت البنت أنها تفتح المجال للبنات عشان يناقشونها إذا حسوا إنها مظلومة وزي ما قلوا بعد البنات المشاركة تهمها كثير وتحب البنت اللي تكون مطلعة بالأمور اللي متعلقة بالمادة وتضيفها كمداخلة أثناء الشرح شي رائع بالنسبة لها وبعد تحب البنات اللي يحضرون الدرس وتعطي واجبين أساسيين وواجبات أخرى مساعدة منها للي درجتها نازلة بالامتحان واللي مشاركتها مش ولا بد تساعدها بهالأشياء وتقول للي تبي درجات تحضر محاضرة وتكتب عنها تقرير مثلاً أنا أذكر في السمستر الأول من التخصص قالت سووا تمثيلية تتعلق بدرس من الدروس والله العظيم دخت على ماألفت الأدوار وقسمت البنات بس والله ما ضع تعبي سُدى عطتني الدرجة الكاملة وقبل لا أنسى لازم تحطين شي في بالي ترا هي إذا قالت الواجب عليه 5 إذا عجبها تعطيك 7 مثلاً فهو على قد ما تتعبين وتجتهدين تاخذين الدرجة الكاملة وما تدرين إلا وأنتي ما خذه 56 يعني زيادة عن الدرجة النهائية 6 درجات بس هاه هذا مايجي إلا إذا سويتي اللي قالولك البنات عنه من قبل والأمور اللي قلتلك عنها وبعدها أضميني بمشيئة الله النجاح وإذا حابة تتأكدي أدخلي قسمي الحبيب علم الاجتماع وراح تلاقين الأغلبية يثنوا على الأستاذة شيخة حبيبة الكل مالكة قلوب طالبات قسم علم الاجتماع والخدمة الاجتماعية حتى لما قالت لنا بنات تراهم خيروني بينكم أدرسكم السنة الجاية وبين تحضيري على ما أظن قلنا لها ليش لا مانبي خليهم ودرسينا احنا قالت لا أنا بأكمل معكم حتى أخرجكم الله يخليها لنا قولوا آمييييييييييييين :004::106:

[لمسة وفاء]

بنات بالنسبة للواجب صح هي تقبل على الإيميل وبعد على سي دي إذا هي حددت وبعض الأحيان تطلبه ورقي أنا مره كان عندي واجب أرسلته على الإيميل طلبته على سي دي وعلى ورق كان الواجب عرض بوربوينت 60 شريحة بس والله عجبها كثييير وترا اللي تقولها كذا يعني العمل مره حلو وعجبها فكل ما طلبت منكم كثير لا تتأففون نرا هذا كله لمصلحتكم وكله راح ينصب في درجاتكم تضمنون الشهري وأعمال السنة عشان لما تخربطين في النهائي إلا أنكي ضامنه درجات تنجحك أنا عندها ضمنت 50 وفي النهائي خبصت وجبت درجة حلوه الله يجزاها كل خير ويعطيها الصحة والعافية:004:

[مستجدة2010]

مشكورين بنات وان شاء الله بسجل عندها

بس ابعرف بعد كم غياب بالصيفي اخذ حرمان وهي دقيقة عالغياب؟

[ريـ الفلا ـم]

مـآ اصدق الكلآم عن شيخه الشريف :biggrin:

شوفو فيه دكـآتره في اقسـآمهم تعاملهم غير عن تعـآملهم اذا صارو يدرسسون اقسـآم ثـآنيه

بعضهم يتسـآهل وبعضهم يشششد

وشكراً :rose: ~

[المشتاااقة]

انا درستني موزة وفجاءة غيروها وجابو شيخة فرق180 درجة موزة وووووووووووع حسرة لاشرح ولا اخلاق هالبنانه فرق بين شيخة يجنن شرحها كان احنا بمدرسه وتاخذ على الفهم اتذكر جبت ج ج عندها والعرض عطتني كامل عليه ومرة حليوة بالتعامل بس هذا بالكلاس لاتروحون لها بقسم الارشاد وع على سكرتيراتها مرة ملغين وشايفين حالهم ماعدا سلوى يعني خلصوا اموركم بالمحاضرة

[إسبـانيآ]

ولا انا اصدق ان هالكلام عن شيخه
اذا بجاوب اتكلم اتكلم اتكلم اتكلم بعدين تقول نص ردجة ! :Looking_anim:
انا احتمال اسجل عندها ابي اخلص من هالماادة
موفقين

[W E J D A N]

سمعت عنها الكثير الكثير
بس اشوفها تهتم بالطالبةة صح شوي بخيله بالدرجات
بس ابداً م تظلم وتاخذ بالمفهوم
وتعطيك على قد تعبتك
وبالنهايةة م في الا هي بالصيف
واشوفها افضل من دكتورات القسم وانتي براحتكك :004:

[هبله]

لازم تشاركين معها عشان اذا احتجتي درجه او درجتين تساعد عشان تعرفك اجتهدتي طول السنه بس والله اسئلتها النهائي مره كان سهل مع انه كان اختباري مع ماده ثانيه بس نجحت الحمدلله انتي شاركي معها كل محاضره خليها تحفظ شكلك واسمك والله تنجحك في النهائي

[الماسه..]

عن تججربه شخصيه ما انصحك تدرسين عندها لأنها بعد المووت تعطيك الدرجه هذا غير اسلوبها مع الطالبات ولو دخلتي بعدها بدقيقه ماتدخلك والواجب تموتين عشان تلاقين الحل هذا غير طريقه تسليمه تكون ع الايميل وتقول لك ماوصلني أو تقول غيرت الايميل ومدري ايش
وبسس :Looking_anim: