لكل ومضة عين تقراني وتساعدني .. ربي يسعدها

[ملااااك الورد]

السلام عليكم ورحمة الله وبركاته ..
انا حلمي اني اخش هندسة ديكوور ومن سنين وانا احلم بها الشي
وبدل ما شد حيلي بالثانوي مرت علي ظروف ..
ونسبتي انزلت للأسف
العامه 72 والقدرات 66 والتحصيلي 59
ما أعرف احسبها موزونه
بصراحه ادور بصيص من الامل اني انقبل فيها وكثير قالو لي انسي
مستحيييييييييل وما على الله مستحيل ..
بنات الي تقدر تفيدني وتساعدني لا تبخل علي
ابي فكره شامله .. اقدر ادخل او لا.. وكيف اسجل .. ومتى
وانا بدمام بس مدري اي جامعه الي فيها التصميم الداخلي
الملك فيصل او الدمام
بنات لا تبخلون علي بردودكم واتمنى بالقريب
ربي يوفقها ويسعد قلبها الي تساعدني

[الى متى ؟]

جامعة الفيصل هي نفسها الدمام بس غيروا اسمها الى الدمام
اني ما امبا افقدش الامل ولا ودي بس باقولش الواقع
الجامعه تتطلب بنات التخصصات العلميه ومن اهم شروط القبول ان نسبتش التراكمي الى المدرسه ما تقل عن 95 واذا قلت ما يطلع لش المجال ضمن الخيارات فصعب انش تدخليها
اما بالنسبه الى النسبه المركبه قدرات وتحصيلي ومدرسه اول العام كانت في 90 بس هل سنه بسبب افتتاح مجالات جديده مثل طبالاسنان والهندسه الطبيه فقلت النسبه الى 88 تقريبا
فـ اذا انتي تستطيعي وحابه المجال تقدري تدخلي جامعة الامير محمد بن فهد بفلوس
والله الموفق