أخبريني عن موادك !

[مجنونتها]

السلام عليكم ورحمة الله وبركآته ..

خطرت لي فكرة جدا جميلة .. ورح تفيد طالبات الكلية هالفترة هذي وعلى المدى

البعيد واتمنى الموضوع يلاقي تفاعل ويتثبت لانة جدا مهم .. واقتبسته من احدى

المنتديات الجامعية للعضوة المتألقة فانيلا واحب اوجه لها كل الشكر على هالفكرة

البطلة :004:

نرجع لموضوعنـآ ..

الموضوع مخصص لجميع طالبات الكلية بجميع الاقسام وجميع المستويات لتعم الفائدة
على الجميع

يرجى ذكر اسم التخصص ثم الدكتور/ة عند الحديث عن اي مادة في اي مستوى ..

كل طالب يتكلم فقط عن مواد السمستر الفائت وليس السنة بأكملها

كل طالب يعبر عن رأية الخاص ويرجى عدم التجريح بهيئة التدريس

الموضوع للتجارب فقط وتمنع التعليقات الجانبية

.
.
.
.
انتهـــى الترم ....

وطلعت أغلب النتاايـج ..

وخلصنــا مستـوى ... وانتقلنـا لمستوى ولمواد ثانيـه ...

فحبيـت نخصص هالمـوضـوع .. انه كـل واحـد يتكلمـ عن المواد اللي خلص منهـا ..


وراح أبداء أنـــااا ... بمواد المستوى الرابع .. اللي خلصـت منه

^

[مجنونتها]

تخصصي انجليزي ..

الترم اللي راح سجلت 5 مواد بس << أدري كسولة بس احب امشي بقسمي حبه حبه

لغويات
اخذتها مع دكتورة اميمة انا شخصيا احب هالمادة بس المادة طويلة ويبيلها حفظ اول بأول واحسن مافيه الموضوع انو الدكتورة بدت معنا بداية قوية وكانت كل اسبوع نخلص شابتر وتعطينا اختبار قصير .. تقسيمها للدرجات كان حلو بس الفاينل انصدمنا بنوعية الاسئلة وكانت غير مباشرة بس بنفس الوقت سهلة وعدى الكورس على خير ونجحت بالمادة

استماع وتحدث
مادة جدا جميلة خذتها مع دكتورتين ازدهار الحريري وكانت تدرسنا التحدث كنا بالكلاس بس نسولف وعلى اساس لغتنا تقيمينا طبعا نسوي اكثر من برزنتيشن وعليه 10 درجات بالاضافة الى اختبارات قصيرة في الكلمات والايدوم .. بس شي جدا سهل .. والقسم الثاني من المادة وهو الاستماع اخذته مع استاذة سارة الموسي .. وكان نسمع محادثة او محا ضرة ونجاوب وبرضو سهل

النثر اللاروائي
هالمادة بالنسبة لي علامة استفهام كبيرة .. والسبب الدكتورة لمياء المبارك والبنات .. يعني من اول يوم بالمحاضرة وانا اسمع البنات يتحلطمون من الدكتورة ويقولون انها شديدة وماتنجح أي حد واسئلتها صعبة .. طيب اذا كل هالسلبيات فيها ليش تسجلون معها !! نظامها بالدرجات 50 اعمال السنه و 50 فاينل .. سوت لنا كويز اول السمستر وكان صعب وبعد هالكويز نص الدفعة سحبت المادة هع ! بعدها احس اسئلتها صارت اسهل .. تشرح بضمه وضمير ومتعاونة مع الطالبات بس الحق عندها حق وما ينجح عندها الا اللي يستاهل .. الحمدلله نجحت بهالمادة وعدت على خير

الانظمه والقواعد النحوية
هذا قرامر او قواعد مادة سهله وخفيفة تتكلم عن قواعد اللغة الانجليزية وبالاخص قواعد الاسماء والافعال ... من احب المواد اللي درستها وخذتها مع استاذة بدرية الشريف اللي كانت ماسكة جميع الشعب بهالمادة

نظرية المعرفة
هذي مادة عامة من مستوى سادس .. خذتها من كمال يوسف المادة شوي طويلة ودسمه ويبلها حفظ وفهم بس دكتور
كمال اسئلته كانت سهله ويشرح بذمه وضمير وسهل علي فهم المادة ومن محاضراته تبين طريقته بالاسئلة وحتى الفاينل كان سهل وحلو .

بأختصار هذي موادي للكورس اللي فات .. انتظر مشاركاتكم .

[بنت الثانوي]

up up up

جدا رائع وجميل

يعطيك العافية :d5::106: