سالفة قريبتي والمشاركات ! واذا هي بتسبب لنـآ فوبيـآ الى الدرجة هذي اقترح يكون الاختبار من 100

[Mr.diamond]

السلام عليكم ورحمة الله وبركاتة


مساء الخير على الجميع

اعتقد الكل تكلم عن المشاركات ومشاكلهـآ وهذآ دليل على ان فيه ظلم مهمآ كان

كل الاحصائيات والمواضيع تدل على الشي هذآ ..


قريبة لي حزنت على حـآلهآ.. !


طالبة بالمستوى الثالث مجتهده ومتفوقه ودرجآتهآ في الاختبارات اغلبهآ فوق الخمسين والاربعين مآ شـآء الله عليهـآ

لكن بسبب مشكلة المشاركآت اخفقت بمآدتين ..

واعلى درجة حصلتهـآ من المشاركآت 17 من 30


تقول المشكله هذي حصلت معي الترم الماضي .. وتقول ممكن المشكلة من عندي

ومن بدآية الترم هذآ حملت كل المحاضرات وحليت كل المشاركات والواجبآت والمحاضرات المباشرة

وبالاخير احمل مادتين بعد حرص فوووق اللازم ..

وصـآر خوفي كله من المشاركات اكثر من الاختبارات وبالاخير صـآر اللي توقعته

درجآت المشاركة 11 و12 و 14 واكثر درجة 17.



حآلتهـآ بكل صراحة يرثآلهـآ .. بنت متحطمة الى ابعد درجة ..

طبعاً انا رفعت لهـآ شكوى وتظلم على كل ايميلات الجامعة ولكن السبب

اللي دفعني اكتب الموضوع هذآ كلام اخوي ابو فهد 100

ان درجآت المشاركة لا تراجع ومعتبرين امرهـآ محسووم ,

ومن هذآ المنبر اتمنى من كل المسؤولين

ايعادة النظر بالمشاركات ومهمـآ كآن الخطأ وآرد في جميع الامور

وان لم يكن النظر الى مثل الحالة هذي بعين الشفقة والرحمة ..


والله يكون بعون الجميع

[غـــــلا]

انا اشوف ان درجات المشاركه تساعدنا هو صح تخرب مع البعض
لكن الاغلبيه ماشين صح
مفروض كل طالب و طالبه يراجعون مشاركتهم باستمرار
وبل الاختبارات باسبوع يراجعون مشارتهم
الاغلبيه يبدون يحلون و يحضرون المحاظرات ايام الاختبارات والا بعد الاختبارات
وقتها يكون يكون البلاك بورد قفل

[بيــــان]

بصراحة اصبح الوضع كابوس لنا في الترم القادم

:mad:

[ثامر المطيري]

يناااااس صحيح في لخبطه وأنا من المتضررين خصمو علي عشر درجات بدون وجه حق .. بس لا تفتحون علينا عيون الجامعه ويلغونها صدق بعدين تجون طايرين تقولون يليت ويليت ..


نريد حلول لهذه الكارثه اقصد المشاركات :biggrin: وسلامتكم

[b e b o]

اتوقع المشكلة من المشاهدة للمحاضرات يمكن البعض يقول شفوها دقيقتين وقفلوها

ويمكن هي ما تنحسب كذا

انا حملت جميع المحاضرات حتى المباشرة

والحمد لله

انا افضل إن الجميع يحمل المحاضرات مو بس مشاهدة دقيقتين

وبالتوفيق للكل

[كولبهـــــآر]

اتوقع المشكلة من المشاهدة للمحاضرات يمكن البعض يقول شفوها دقيقتين وقفلوها

ويمكن هي ما تنحسب كذا

انا حملت جميع المحاضرات حتى المباشرة

والحمد لله

انا افضل إن الجميع يحمل المحاضرات مو بس مشاهدة دقيقتين

وبالتوفيق للكل


للأمأنه بعض آلمووووآد آفتحهم آقل من دقيقتين وآفتح آكثر من محآضره بوقت وآحد وآلحمدلله كآملــــــه
:004::rose:

[Nكش ملكN]

انا لي 3 اصدقاء مشاركاتهم ناقصه مع ان مشاركتي انا كامله
تدري ليه لان واحد منهم مؤكل ولد اخوه بالموضوع ومايدري شسالفه والثانين يشغلون المحاظرات دقيقتين ثلاث دقايق ويسكروها وعلى بالهم انها انحسبت الدرجه خلاص!
انا ماشاهدت ولا محاظره ماعدا الرياضيات والمحاسبه الى المحاظره السادسه فقط لاكن جميع المحاظرات منزلها بجهازي .
راجعوا انفسكم قبل ما تضلمو الجامعه خصوصا في درجات المشاركات صدقوني المشكله في مشاهدة المحاظرات لان اغلبكم وانا اذكرها في بداية الترم يقولو يكفي تشوفها لمدة 5 دقايق وبعدها سكروها تنحسب لكم الدرجه .
اتمنى ان ماتفهموا كلامي هذا اني ادافع عن الجامعه او من هالقبيل ولاكن كل من خصمت عليه درجات المشاركه متاكد انه حال جميع الواجبات والمناقشات ومنزل جميع المحاظرات والا فاتح المحاظره دقائق معدوده فقط ثم سكرها ؟؟
وربي يوفقكم جميعا ولاتخلوا هالشي يحطمكم بالعكس خلوه دافع لكم في الاترام الجايه .
مودتي:rose:

[غـــــلا]

وانا بعد افتح المحاظرات كلها دقيقتين والحمدلله كل شي كامل

لاتفتحون عيون الجامعه علينا ترا ال 30 جرجه ندخل الاختبار واحنا متطمنين وباقي لنا 30 درجه

شدو حيلكم السمستر الجاي وارفعو تظلم وحوسه وكل واحد يراجع نفسه ويذكر متى بدت تحميل المحاظرات

[مديحه]

لا والله ان المشارككه هي المساعدتنا وااااااااااااجد
ويمكن قريبتك هي اللي منها الخلل وماحملت زين او شي
بس من ناحيت الغاء المشاركات تككفون لاحدن يتكلم عنها لانها مساعده الكككل
والله يوفق قريبتك يالغالي

كل الووووود:004::106:

[tofincaramel]

انا احمل المحاضرات عشر دقايق بصراحه كنت خايفه من سالفة دقيقتين زبعض المحاضرات تعلق بالدقيقة الخامسه اطوفها واكمل المحاضره واحل الواجبات اول باول والمناقشات تخيلوا حالتها كلها مع المناقشه السادسهخلصتهم كلهم. وفعلا جت درجاتي مثل ما حسبتها بالضبط ما زادت ولا نقصت الحمدالله

وبعدين انصح الكل يحاولون يفتحون المحاضرات اول باول واذا ما يقدرون يحاولون يخصصون يوم بالشهر بس للتحميل وحل الواجبات
لانه بصراحه من الضغط ايام الاختبارات على الموقع يمكن ما تنحسب من اللخبطه والزحمه اللي تصير

[ضحكه خجوله]

اقووووووووووووووووووووووووووووووووووول لو الله ثم هذي الثلاثين

كااااااان رحنااااااا في خرايطهااااااااااااااااااااااا:007::007::007:

بليزززززززززززززز :Cry111::Cry111:لاحد يحتسي فيهاااا حتى انا م المتضريين بنقصها بس مو يعني

اني حملتها لا الحمدالله نجحت

تكفوووون لاترفسووووون النعمه:41jg:>><<<<< شكلك يبليك رفسه انتي هههههه

[انت من]

التنظيم الجيد والمتابعه الدقيقه من بداية السمستر بإذن الله لن تكون هناك فوبيا من درجات الاعمال الفصلية

[я α ω α ŋ]

الله يعينهآ وإذآ لهآ حق رآح تأخذهـ :rose:

بـِ قلبي حكي هو مو موجهه لك ولآ لـِ قريبتك ., هو موجهه للطلآب إللي ع بآلهم يشترون الـ 30 درجه بفلوسهم وإن الجآمعه مجبرهـ تعطيهم الدرجآت دآمهم يدفعون للدرآسه فـ يهملوون طول السنه ولمآ تطلع الدرجآت يسون بلبله ويطآلبون بـِ الدرجآت كأنهم أصحآب حق !! وبـِ كذآ يأثرون على الطلآب الثآنيين وعلى سمعة الجآمعه

أنآ ومن وآقع خبرهـ لأني خلصت 6 مستويآت رآح أكتب الطريقة الصحيحة يمكن بعضكم مآيعرفهآ :Looking_anim:
ببدآية السنه أفتح ملف بـِ لآبتوبي وأحط دآخله ملف لـِ كل مآدهـ وأحمل المحآضرآت
وعندي جدول لمتآبعة الأعمآل الفصلية كل مآحملت أو شآركت أو حليت وآجب مآدهـ حطيت صح عندهآ
والمشآركآت لآآآآ تعتمدون على ردود الطلآب لأنهآ يمكن تكون خطأ فـ مآرآح تحسب لكم وإذآ كآنت صحيحة لآ تنسخون وتلصقون والسلآم حطوآ أضآفة من عندكم
والوآجبآت تأكدوآ إنكم خذيتوآ الدرجة كآمله
وأهم شي وإللي أحس الأغلب موب مهتم لهآ المحآضرهـ المبآشرهـ ترآ علييييهآ درجآت
* مآيحتآج تحملون أكثر من مرهـ والحوسه هذي !!
مرهـ تكفي لكن تأكدوآ إنهآ قبل لآ يقفلون حسآب الدرجآت !!

صآرلي موقف هـ المستوى وهو إني أجلت الأعمآل الفصليه لكن لحقت على نفسي وسويتهآ قبل لآ يقفل النظآم ., جتني مآدهـ معطيني درجة المشآركه 29 مآتركت دعوهـ مآدعيتهآ من القهر :icon9:
لكن رجعت لـِ ملف هـ المآدهـ حصلت إن فيه محآضرهـ مآحملتهآ يعني الغلط مني :060:

ترآآآ النظآم آلي بـِ مجرد مآتسوي إللي عليك على طول تنحسب لك الدرجة :004:

همسه أخيرهـ : إللي له حق يطآلب فيه لآ يسكت لكن إللي يبيهآ بآردهـ مبردهـ ترآ الجآمعه يبآن عندهآ كل شي على النظآم يعني لآ يفشششل نفسه :sm4:

[WSSAM]

يارب يعوض على اللي فقد درجات المشاركة واللي حصل لهم لخبطة ونقص بدرجات المشاركة ماهم بقليل

اللي أشوف أن طريقتك بأرسال التظلم عن طريق الإيميلات إلى الجامعة هذا افضل حل موجود قبل فتح الأيقونه

ويارب يعوض عليها ولايخسر الجميع تعبهم ...بس ياغالي سالفة نلغي درجات المشاركة هاذي والله صعبه بالمره

علينا جميعا ..........................................واذا كانك تقدر حاول أن ترسلهم بالفاكس .....................وبأذن الواحد الأحد

رايح يردون عليكم...................وفي الأخير على البركة النجاح لكم.....واللي ماساعده النصيب أنه ينجح ...أول النجاح فشل

وبالتوفيق للجميع

[Mr.diamond]

انا لست مع او ضد المشاركات

عن نفسي اخذت 30 درجة بكل المواد وانا اعتبر نفسي مستفيد من الموضوع هذآ

لكن من باب الشفقه والرحمة بحالها وبحال الي مثلها ومن باب حب لأخيك ماتحب لنفسك

ومن غير هذآ كله, البنت اعرفهـآ احرص مني ..

انا مجرد متابعه ودقائق معدودة وهي تحمل كل المحاضرات وماهو اول مستوى لها البنت ثالث مستوى

وعندهـآ خبره ولها جدول تنسق وقتهـآ ومشاركآتهـآ فيه ..

واذا قلنـآ انهـآ هي الغلطانه وممكن مآهي متأكدة او مآ حملت زين

فيه مواضيع مطروحة عن مدى رضى الاعضاء في المشاركات تقريباً بنسبة 40% الى 50% ماهم راضين

كل الامور هذي علامة إستفهـآم وتدل ان فيه خلل بالموضوع كان الله بعونهم ..

[الرايخ الثالث]

اقول لاترفسون النعمه 30 درجه مضمونه

الواحد يفتح المحاظره ثواني ويقفلها فاكر انه ضمن درجة المشاركه

ويجيك قبل يوم من الاختبارات ويقول البلاك بورد زحمه

تنظيم الوقت من بداية الترم وتنزيل المحاظرات وحل الواجبات اول باول يغنيك عن مشاكل اخر الايام

3 شهور وينكم عنها

كل يوم جمعة نزل محاظرات الاسبوع للمواد كلها وماتاخذ منك ساعه بالكثير

لوموا انفسكم قبل الجامعه

[MlÕkЋ]

اشششششششششششش لاحد يسمعك :mh12: وش قاعده تقولين انتي :Looking_anim:
خلاص موضوع المشاركات ذا انتهى امره هو الشي الوحيد اللي مشي امورنا واغلب
الطلاب متفقين على كذا والله اذا بعض الطلاب اذا مايخلصون امورهم اول باول ويفتحون
المحاضرات حيا الله كلام والله باقي الطلاب مالهم دخل :wink: ليه يتضررون بشي مالهم
ذنب فيه :41jg:

[a.zz9]

ياأخواني هذا الكلام مايصير ,,صدقوني الخطأ منكم ماهو من الجامعه ,,
والله شفت ناس كثير مهملين ويشوفون المحاضرات في اللحظات الأخيره ويحملون تحميل عشوائي مايدورن كم محاضره يحملون,,
صدقوني لو ترتبون اموركم من بداية السمستر وتحملون المحاضرات اول بأول بس طبعا لازم يكون عندكم ملف في الجهاز ومقسم لكل المواد,,وأيضا تطبعون جدول فيه كل المواد وكل ماحملت محاضرة أو حليت واجب تحط صح,,
صدقوني اللي يسوي هذي الطريقه راح تجيه الدرجه كامله بأذن الله ,,,
موفقين لكل خير وماله داعي تفتحون باب مسكر:rose:

[(خالد)]

لي سنتين بالجامعه واكمل مشاركاتي وتاكد منها مائه بالمائه والحمدلله درجات المشاركه كامله .

يعني اتوقع القصور من بعض الطلاب لان النظام دقيق مرهـ ولو تترك محاضرهـ او مشاركه وحدهـ راح

يخصم منكم درجات :biggrin:

ونصيحه احمدو ربكم بالثلاثين درجه واهتموا فيها والله لو تختبرون من مائه درجه ليترك نصف الطلاب الجامعه .:sm5:

وسلامتكم :cheese:

[خالدعبدالعزيز]

الحمدلله
انا ماعندي ماعندي مشكله والمحاضرات ماكنت افتحها كامله
ومانقصوا شي الوجبات احلها كامله وكذلك المحاضرات

[التوفيق من الله]

لا بالله نبي نضمن الثلاثين ذي بيدينا وش لنا ب مية سؤال

اغلب اللي مقدمين ع جامعة فيصل عشان ذا الميزة :cool:

[شعله]

استغفر الله

اقترحو ف التطوير مو ف التدمير

[كل العرب]

الحين عشان في مشكلة بمشاركات قريبتك تبي الاختبار من 100 ؟

لو يصير من 100 انت وقريبتك المجتهدة ماخذيتوا 30 من 100 وبالتالي بدل الاخفاق بمادة

اخفاق بكل المواد .

بلغها تحل المشكلة من جهاز الكمبيوتر تبعها , أو مراسلة ادارة البلاك بورد يمكن في مشكلة

نظام رصد المشاركة نظام آلي , مافي مجال للشك واحيانا من ضعف الاتصال لاتصل المشاركة وبالتالي لاتحسب .

والله يوفقكم

[Mr.diamond]

الحين عشان في مشكلة بمشاركات قريبتك تبي الاختبار من 100 ؟

لو يصير من 100 انت وقريبتك المجتهدة ماخذيتوا 30 من 100 وبالتالي بدل الاخفاق بمادة

اخفاق بكل المواد .

بلغها تحل المشكلة من جهاز الكمبيوتر تبعها , أو مراسلة ادارة البلاك بورد يمكن في مشكلة

نظام رصد المشاركة نظام آلي , مافي مجال للشك واحيانا من ضعف الاتصال لاتصل المشاركة وبالتالي لاتحسب .

والله يوفقكم



اذا النظام راح يظلم طلاب بالعدد هذآ

http://www.nn6nn.com/up/uploads/images/nn6nnd4b8f6f37c.bmp

ليش مايصير الاختبار من 100 ؟

وبالنسبة لكلآمك لو الاختبار من مية انه راح افشل انا وقريبتي
تمنيت لو ارتقيت بأسلوبك شوي ..


والمسألة للاسف ماهي مسألة 30 درجة وبس
المسألة وصلت الى الارق والخوف والتحطيم ..

[طموح فتاه]

فتخ ايقونة الاستعلام عن درجات المشاركه وتعديل النقص الحاصل هو الحل بلا الغاء وبلا غيره

[E x i T]

لا فيييييييييييييييييه ظلم وحسبه خطا ب الدرجات و من تجربه شششخصيه
انا حليت وشاركت كل المواد 30 ولله الحمد عدا ماده 17 واللي سويته بالمواد سويته بهالماده
يعني الخلل من لب الجامعه المصونه ! يعني موب منّا واللي يقولن لنا لا تنكلم عشان الجامعه م تشيل هالثلاثين
يشلونه وخير ي طير كلن بجههده والله م يضيّع جهد حد ان كان خالص لوجهه !

وحده تحط رقم الشعيبي يجزاها خيييييييييييييييييير !

[أحمد القاضي]

كل شوي وطلع واحد يقترح :71:


يااخي الشهادة الي بتقدم لنا بعد التخرج تعليم عند بعد مو انتساب عادي وهذا الي نبية

وعشان كذا لازم تكون هناك مشاركة وواجبات وتحميل محاضرات وكل هذي ماتاخذ اكثر من ثلاث ساعات

تلقى بعض الطلاب عمرة مااستخدم الكمبيوتر ويوم درس تعليم عن بعد بدأ يتعلم ويطقطق ويشوف نفسة

بأنة انهى المطلوب نظرا للجهد الكبير الي يبذلة والبعض الاخر قد يصادف مشاكل اتصال بالانترنت

او يحل واجباتة ومشاركاتة بعشوائية وغير ترتيب وبعضهم اتكالي ويعتمد على غيرة

[هيا صالح]

معليش عزيزي اش التضحيه العظيمه هذي عشان قريبتك تقوم تقترح هالاقتراح صدقني انت اول الخسرانيين ...ابحثو عن حل للمشكله وابدو بانفسكم ولا تدمرون غيركم...:sm4:

والله يوفق الجميع:004:

[ǺĽ ẕeeห]

جربنا الأختبار الي بـ 100 درجه "

بدون مشاركات ولا واجبات ومناقشات ومحاضرات"

انا اقول خلكم على المشاركات احسن :biggrin: الأختبار الي بـ 100 ماراح يكون بسهوله الأختبار الي بـ 50 او 70

اضمنو 30 درجه بجيبكم احسن "

وهالمشاركات انسوها الحين ومن يبدآ الترم كل شي نسويه اول بـ اول ""

والله ولي التوفيق "" :004:

[ǺĽ ẕeeห]

و بليز ""

خلونا حلوين ونتناقش بحدود الأدب بيننا " :004:

[~{ خجل ..]

30 درجه تساعدنا في النجاح

لا اوافق بان يكون الاختبار من 100

لكن العييب مو في الجامعه

العيب من الطالب نفس يحمل محاضرات في نهايه الايام

ف هالشي يسبب له ضغط وحوسه .. لذا ماقدر ياخذ 30

[شرقاويه كيوت]

نعيش بفوبئا أهون من نمتحن من 100

والمشاركه تتعدل حتى العام عطونا فرضه نعذلها

المهم حبائبي لاتصيرون سلببيين.

[Angel alghamdi]

السلام عليكم

أبي افهم ثلاث أرباع المواضيع هنا ذم في الجامعة وأسلوبها و تدريسها
طيب اللي يذمونها ليه ما يطلعون منها ويروحون لجامعات ثانية :biggrin: اي اتكلم جد :biggrin:
ليه الطالب ما يطلع منه الغلط :Looking_anim:
مثل اللي بالموضوع الا غصب المشاركات يظلمونكم فيها ، الطلاب ثلاث ارباعهم موكلين احد يفتح المحضرات
ويناقش ويحل الواجبات | لو الواحد م يقوم بامورة بنفسة لا يتأمل بان اموره كلها تمام |

بداية السنة الجاية افتح النوت وسجل المحاضرات والواجبات اللي خلصتهم والمناقشات بهالطريقة اتحدى
واحد على قولكم :biggrin: ينظم وتنقصة الجامعة :wink:*

[اجتماعي]

ياجماعه الترتيب مهم في عملية المشاركات والواجبات وتحميل المحاضرات ..اتوقع في لخبطه عند كثير من الطلاب وبكذا مايعرف وش حمل وشلي حله وشارك فيه ..عشان كذا الواحد المفروض يسوي جدول متابعه فيه كل المواد بعدد المشاركات والواجبات في الوورد وأي شي ينتهي منه يعمل في الجدول علامة صح عشان يعرف وين وصل وش باقي عليه ..هذي خطتي من أول ترم والحمد لله درجاتي كامله ..الدعوه ماهي حمل وافتح وامش لازم من الترتيب والمتابعه ..الله يوفق الجميع:rose::rose:

[شوق العصيمي]

ولله الحمد درجات زوجي كامله عدا التلاوه والتجويد
والحاسب ناقصه شي بسيط

والغلط مننا لاننا اصلا اهملنا بالبدايه

[moly]

اولا الله يعوض عليها وانا والله مثلها خصمو مني بغير وجه حق وانا والله اشارك لكن حسبي الله ونعم الوكيل :rose:
ثانيا مهما كان درجات المشاركة مهمه ومانبي يلغونها لاكثر من سبب

[Richou x]

الله يعينها ويعوضها فــ المستويات الجايه


:rose: