استفسار عن التدريب الميداني او التطبيق (تم تعديل العنوان)

[ام البنوتات]

السلام عليكم ورحمة الله وبركاته

حابه استفسر عن التدريب الميداني او التطبيق هل انا اختار مجال التطبيق

اما مدرسه او مستشفى او الموضوع اجباري اني اطبق في المجالات كلها

والطلاب والطالبات الي طبقوا ارجو افادتنا في المجال الي طبقوه

وماهو الفرق بين علم الاجتماع و الخدمه الاجتماعيه

ارجو افادتي والتوضيح وشكرا جزيلا للجميع

[سمو الحرف]

التدريب الميداني 1

تختارين اثنين من المجالات المحددة لك

وبينها التعليم والصحة والمؤسسات الاجتماعية حكومية أو أهلية

لك حرية الاختيار شرط أن يكون جهتين متنوعتين بمعنى

واحدة من كل مجال مخصص يختلف عن الاخر



أتمنى اتضحت الصورة




سمو محبكم

[ام البنوتات]

يعطيك العافيه ياخوي
بس حابه يكون التوضيح اكثر

[ام البنوتات]

نرفع الموضوع لنستفيد اكثر

[{%{محمد}%}]

يعطيك العافيه

[Silent Light]

بسم الله ..

أسعد الله اوقاتكم بكل خير ..

اتمنى أيضا التوضيح لي أنا ..

ويوجد لدي سؤال :

هل التطبيق يحق لي في أي مستوى ..؟ أو في مستوى محدد ..؟ او كل المستويات وعلى أي أساس .؟

[بدر 2011]

يعطيك العافيه
انا مااخذت الماده وشكلي راح اخذها
الفصل القادم اذا شاء الله
بس اللي اعرفه من الاخوان والاخوات انه مثل ماقال
الاخ سمو تقدمين بحثين والاختبار من 50 درجه
وعسى ان يدخل احد ويوضح اكثر
فالك التوفيق

[آي فون]

بخصوص الأيقونة ..


طلاب وطالبات تخصص علم الاجتماع عندهم من ضمن المواد ثلاث مواد اسمها

تدريب ميداني 1

تدريب ميداني 2

تدريب ميداني 3


ويبدأ تسجيل هذه المادة لهم من المستوى الرابع

لكن ماتم اتاحتها إلا من المستوى الخامس من أجل الحصول على الموافقات وكذا

واللي مسجل اي وحدة من هالمواد

بمجرد مايدخل الايقونة راح تطلع له استمارة خاصة فيه

عشان يقدمها للمؤسسات الاجتماعية اللي راح يتدرب فيها أو يكتب عنها تقرير مفصل


وفيها كل المعلومات الخاصة فيه وماعليه إلا يطبعها ويكمل بقية المعلومات الخاصة بجهة التدريب

بعدين يروح يسوي الزيارة اللي طلبها منه الدكتور وتكون 3 زيارات بـ 3 مجالات أو ع حسب طلب الدكتور

وبعدين يرجع لنفس الأيقونة وبيكون فيها ايقونة داخلها لرفع التقرير للزيارات اللي سواها

بعدين راح يصحح الدكتور التقرير ويرفعها من جديد للطالب على نفس الايقونة


تقريبا هذي قصة هالمادة اللي اسمها التدريب الميداني




منقول من منتديات النقاش .. العضو فريرو روشيه

[ام البنوتات]

يعني لازم اطبق في 3 مجالات
طيب اذا ماابغى غير اطبق بالمدرسه فقط حيكون فيها مشكله

[عيون ALmaha]

بسم الله ..

أسعد الله اوقاتكم بكل خير ..

اتمنى أيضا التوضيح لي أنا ..

ويوجد لدي سؤال :

هل التطبيق يحق لي في أي مستوى ..؟ أو في مستوى محدد ..؟ او كل المستويات وعلى أي أساس .؟

ماعندنا تطبيق والحمدلله

[ماجد الخرج]

يعطيكم العافيه

[{%{محمد}%}]

الحمد لله ماعندنا تطبيق التربيه الخاصه ..... بعد ادور من يكتبلك تقرير بالمؤسسات المختصه اوالتعليم ولا يقولك اليوم مهو فاضي تعال الاسبوع الجاي

[طهر..]

يعطيكم العافيه:106:

[ام البنوتات]

الله يعطيكم العافيه ..ماقصرتوا

[ام يزن 40]

يعني احنا تربيه ماعندنا تدريب :(107):

[3adel]

زين، والموظف شيسوي؟

[المنصور]

انا تخصص علم اجتماع
وابي ارفع الموضوع لتتضح الصورة اكثر
لني حتى الان لم افهم شي
يليت يطرح احد الاخوه او الاخوات
توضيح بالتفصيل الكامل

[kaka22]

يا اخواني الموضع سهل جدا وبصراحه انا رى ان التدريب الميداني ماده لرفع المعدل

صحيح اني ما اخذت الماده لكن خويي اخذها الترم الماضي هذا وانا ساعدته بكل شي لان اخوي مدير مستشفي

هو عباره عن زيارتين تقريرين واحد لمستشفي والاخر لمدرسة

بالنسبه لتقرير يفتحون ايقونه عباره عن ٧ اوراق تقريبا ورقه لمعلوماتك اسمك ورقمك وجولك وكذا

وبقيه الاوراق فيها اسئله انت تجاوب عنها وكأنك قاعد تقيم المستشفي

كيف استقبالهم لك وكم عدد الاخصائيين وقت الزياره والايجابيات والسلبيات وتواصلهم مع الموسسات الاخرى

وطريقه عملهم الجماعي وماهي ملاحظاتك وعملهم الفردي واذا كان عندهم انشطه ماهي وماهي دراساتهم وبحوثهم

واسئله واضحه جدا تجاوب عليها وانت بالبيت المستشفي عليه التوقيع بس

وماينطبق علي المستشفي ينطبق علي المدرسه تماما كم مرشد طلابي كيف تواصله مع الطلاب

وحل المشكلات وتواصل المدرسه مع المؤسسات الافقيه والرأسيه والانشطه وماذا استفدت ....إلى آخره.

صراحه ماده حلوووووه وسهله ويبقى اختبار من ٥٠ درجه اطلعت علي الاسئله من خويي والله انها واضحه جدا ليست من بين السطور او من خارج المذكره

ولله الحمد خويي جاب فيها ٩٨ a+

لاتخافون الماده سهل وانا علي اتم الاستعداد اني اقدم لكم اي شي يفيدكم

مع اني باخذ كل مواد ثالث افكر احذف ماده واضيف التدريب الميداني

بالتوفيق

[مدرعمه]

ماهذا :eek:

مافي احد نزل التقرير حقه نشوف وش السالفه ؟ :sm5:

[ام البنوتات]

الله يجزاك خير ياخوي على الشرح
كفيت ووفيت :d5:

[ام البنوتات]

ررررررررفع

[يارب تحقق أملي]

من قال مافي تدريب الافيه تدربي للتربيه الخاصه

[um lenda]

وإدارة اعمال عندهم تدريب؟؟؟؟؟؟؟؟؟؟

[آي فون]

طيب بسم الله .. هذي مواضيع بعد من أخوان وأخوات لنا في المنتدى لبا روحهم والله يسعدهم ،، وراح تفيدكم باذن الله يا متخصصين الاجتماع .. يا عيال عمنا :71:


http://www.ckfu.org/vb/t300267.html

:106:

http://www.ckfu.org/vb/t314194.html

:106:

http://www.ckfu.org/vb/t299925.html

:106:

وفيه نموذج في المرفقات لأخونا ثابت الله يوفقه

:004: الله يوفقكم :004:

:106:

[{%{محمد}%}]

التدريب الميداني لعلم اجمتاع فقط وهو ثلاث تدربيات

[ام البنوتات]

الله يجزاكم خير والله صدعت من كثر مااقرأ هذي الماده
الله يعين بس

[ام البنوتات]

:g2:

[بوعبدالله منتسب]

لك حرية الاختيار اثنين من ثلاثة
وايضاً لك ان تختاري
المستشفى - المدرسة - الجمعيات الخيرية

[بنت بدوي]

احنا ماعندنا خساااااااااااره :hahahahahah: