اختر الجدولك مع stc ادارة مستوى ثالث فقط

[1stc1]

اخواني اضع بين ايدكم جداول للمستوى الثالث طبعا جميع الجداول 18 ساعة
ما نعرف ايش تنزل الجامعة لنا من مفاجأت خصوصا أننا بلا خطة ...

على العموم اذا نزلت الجامعة خطأة خلال الشهر القادم ممكن نجري تغييرات على الجداول
وتم انزال الجداول من وقت مبكر ليستطيع الجميع اتخاذ القرار المناسب :

واليكم عدة ملاحظات :

* الجداول مجرد مساعدة فقط وانت تحدد ما يناسبك سواء التعديل او الاختيار او تترك الجداول نهائيا وتغيرها ..

* الجداول تحمل الحد الاعلى للساعات وممكن اي شخص يخفف ساعاته هو حر باختياره .

* تم مراعات المواد التي تفتح مواد لمستويات قادمة او اللتي قي يوم امتحانها مواد اخرى للمستويات القادمة .

نبدأ بالجدول الاول وهو لمن يرغب مادة اللغة الانجليزية ومستواه جيد فيها :

اليومالمادةالفترةالخميساساسيات المحاسبة الادارية والتكاليفالاولىالسبتالعقيدة الاسلامية والمذاهب المعاصرةالثانيةالاحداللغة الانجليزيةالاولىالثلاثاءتقنية معلومات 2الاولىالسبتادارة مالية 1الثانيةالاحدصحة ولياقةالثانيةالاثنينمهارات البحث والتفكيرالاولى


الجدول الثاني لمن عادل اللغة الانجليزية او يرغب بتأجيلها
اليوم المادةالفترةالخميساساسيات المحاسبة الادارية والتكاليفالاولىالسبتالعقيدة الاسلامية والمذاهب المعاصرة الثانيةالاثنينالاحصاء في الادارةالثانيةالثلاثاءتقنية المعلومات 2الاولىالسبتادارة مالية1الثانيةالاحدصحة ولياقةالثانيةالاثنينمهارات البحث والتفكيرالاولى


الجدول الثالث هذا جدولي انا ووضعته بالاخير لكي لكي لا اتهم بأني فرضته على غيري وخصوصا انني عادلت الانجليزي والثقافة الاسلامية ومهارات الاتصال

اليومالمادةالفترةالخميساساسيات المحاسبة الادارية والتكاليفالاولىالسبتنقود وبنوكالثانيةالاثنينالاحصاء في الادارةالثانيةالثلاثاءتقنية معلومات 2الاولىالسبتادارة مالية 1الثانيةالاثنينادارة الاعمال الالكترونيةالثانية


من لدية ملاحظات نستفيد منها ياليت يوضحها لان هذه الجداول مبدئية وقابلة للتغير او غيرة ..

طبعا يوجد ملاحظات لا يوجد اختبارين بنفس اليوم .. ولكن يوجد ايام متتالية ولكن اليوم التالي يوجد فيه مادة سهلة مثل الصحة واللياقة او مهارات البحث والتفكير او تقنية معلومات 2 التي لا اعرف مستواها ولكن حسب الافادات انها سهلة .

في النهاية لي رجاء لكم وهو ان لا تنسوني من الدعاء الصادق فحتى لو كان لدي اخطاء فأنا مجتهد وبنية صادقة والله على ما اقول شهيد ...


وبالتوفيق للجميع






.

[سعيدان و عليان]

الله يجزاك كل خير لنا عودة مع بداية تسجيل المقررات


لك تقديري :106:

[al5aldy]

:biggrin:طيب والي عنده محاسبه 2

[وادي زاعم]

يعطيك العافيه ابو حور , عودتنا على الابداع دائما

[1stc1]

:biggrin:طيب والي عنده محاسبه 2


انت يبيلك شغل جامد


خذ الجدول الثاني
طبعا اساسيات المحاسبة ما تقدر تأخذها بدلها بسلوك تنظيمي

وطنش الثقافة الاسلامية والاحصاء بالادارة وسجل المحاسبة وخفف وارفع معدلك

يصير موادك كلها سهلة واذا ارتفع المعدل ومعك 16 ساعة بعدها تسهل امورك

طبعا هذا مجرد راي واجتهادي وانت اعلم بأمورك

[1stc1]

الله يجزاك كل خير لنا عودة مع بداية تسجيل المقررات


لك تقديري :106:

هلا بالامير .. حبينا نضبط امورنا من الان لان تسجيل المواد برمضان
وما حنا فاضين لدوخت الجداول

[1stc1]

يعطيك العافيه ابو حور , عودتنا على الابداع دائما

صديقي العزيز

حضورك شرف ومساندة .. بشر كيف نتيجة الترم الماضي عسى المعدل طيب

[1stc1]

اتمنى الاخوان اللي الترم الماضي كان عندهم مادتين بنفس اليوم او مواد ورى بعض يعطونا رائهم

وايضا ارائهم في الثقافة الاسلامية والصحة واللياقة ومهارات البحث واللغة الانجليزية

[سعيدان و عليان]

أخوي stc1 أنا حفظت الصفحه ذي والله فى المفضلة .. لأن لي عوده لهــا يعني مب تاركها


ابداً .. :106:

[وادي زاعم]

صديقي العزيز

حضورك شرف ومساندة .. بشر كيف نتيجة الترم الماضي عسى المعدل طيب


الحمدلله ابشرك عدينا كان المعدل التراكمي 4 ونزل الى 3.86 ,نحاول نحافظ على ها المعدل بهذا المستوى بالاترام الجايه ان شاء الله , انت كيف معدلك , شفتك مره تقول انك جايب a+ بمادة الرياضيات ما شاءالله تبارك الله , طلعت يا ولد دافور من العيار الثقيل :biggrin:

[1stc1]

الحمدلله ابشرك عدينا كان المعدل التراكمي 4 ونزل الى 3.86 ,نحاول نحافظ على ها المعدل بهذا المستوى بالاترام الجايه ان شاء الله , انت كيف معدلك , شفتك مره تقول انك جايب a+ بمادة الرياضيات ما شاءالله تبارك الله , طلعت يا ولد دافور من العيار الثقيل :biggrin:

انا يا ذيبان اعتبر نفسي حققت انجاز هالترم اصلا ما بديت الا يوم الاربعاء قبل اختبار السلوك بيوم واحد
ولا جبت a+ الا بالرياضيات لانها لعبتي والان انتهت مقرارات الرياضيات الدور على الاحصاء :33_asmilies-com:

ولكن راضي والمعدل نزل الى 4.65 والحمد لله ممتاز نظرا للظروف اللي مريت بها وما زالت وان شاء الله تزول بدعائكم .. ان يا ذيبان كنت بطنش الاختبارات كلها ويتوفيق الله عديت ومعدل حول 4.5 تقريبا

شئ ممتاز ... بس الله يعيني على المواد النظرية اكرها ... نبي رياضيات :wink:

[al5aldy]

انت يبيلك شغل جامد


خذ الجدول الثاني
طبعا اساسيات المحاسبة ما تقدر تأخذها بدلها بسلوك تنظيمي

وطنش الثقافة الاسلامية والاحصاء بالادارة وسجل المحاسبة وخفف وارفع معدلك

يصير موادك كلها سهلة واذا ارتفع المعدل ومعك 16 ساعة بعدها تسهل امورك

طبعا هذا مجرد راي واجتهادي وانت اعلم بأمورك

انا حايس الدنيا انقلش ما اخذته واخذت الاساليب الكميه بالاداره وموارد بشريه من مستو4

[وادي زاعم]

ماشاء الله تبارك يا ابو حور تستاهل الطيب وزود ,والله يفرجها عليك و ويسر امرك ..........

[1stc1]

الله يجزاك خير الجزاء

[m6no5ah]

:106:
/
\
/

يعطيك الف عافيه ابو حور على جهدك وعطائك الدائم لنا ..:rose:

انا سالفتي سالفه مع ه الجدول *:icon9:
وأبي رأيك لاهنت :004:

الترم اللي طاف أخذت نفس جدولك بس الاقتصاد الكلي ماخذته وكان بداله اقتصاد جزئي :icon120:
وعديته ه الترم بس حملت رياضيات 2 ومحاسبه 2:bawling:
وش رأيك !!؟:(107):
وش يصير جدولي :007:

ويعطيك العافيه مقدمآ

[Bspool]

تسلم اخوي انا معك وين ما تروح

ودي اختار2 :biggrin: بس اخاف تعدي ولا اقالقى من ينزلنا جدول :(107):

بس بستخير الله وشوف انزل زيك ولا لا

لاني معادل بس e وما معي شي حامله

الله يوفقك
ما تستاهل الى دعوه في ظهر الغيب :d5:

[Nora MQ]

بخصوص الجدول الثالث ماتحس صعبة نقود و بنوك و بعدها إحصاء :Looking_anim:
حتى لو كان بينهم يوم احس كل المادتين تحتاج جهد و تركيز ولا !! :(107):

[1stc1]

بخصوص الجدول الثالث ماتحس صعبة نقود و بنوك و بعدها إحصاء :looking_anim:
حتى لو كان بينهم يوم احس كل المادتين تحتاج جهد و تركيز ولا !! :(107):

صح عليك مواد جامدة

بس تناسبني ولا انصح احد في هالجدول .. لانه جامد شوي

بس انا يجوز لي لانه مريح قليل في الاختبارات ونقود وبنوك مسائل وحسابات حسب ما وصلني يعني لا مشكلة بالنسبة لي ...
مواده قليلة و18 ساعة ....

[1stc1]

تسلم اخوي انا معك وين ما تروح

ودي اختار2 :biggrin: بس اخاف تعدي ولا اقالقى من ينزلنا جدول :(107):

بس بستخير الله وشوف انزل زيك ولا لا

لاني معادل بس e وما معي شي حامله

الله يوفقك
ما تستاهل الى دعوه في ظهر الغيب :d5:

ما انصحك بجدولي اذا معدلك لك عليه

[1stc1]

:106:
/
\
/

يعطيك الف عافيه ابو حور على جهدك وعطائك الدائم لنا ..:rose:

انا سالفتي سالفه مع ه الجدول *:icon9:
وأبي رأيك لاهنت :004:

الترم اللي طاف أخذت نفس جدولك بس الاقتصاد الكلي ماخذته وكان بداله اقتصاد جزئي :icon120:
وعديته ه الترم بس حملت رياضيات 2 ومحاسبه 2:bawling:
وش رأيك !!؟:(107):
وش يصير جدولي :007:

ويعطيك العافيه مقدمآ


اقولك خلك على الرياضيات والمحاسبة مع الاقتصاد الكلي

ودور لك ما دتين سهلات 12 او 13 ساعة تعدي وتريح

وانصحك بثقافة اسلامية ومهارات بحث وتفكير

[علامةاستفهام?]

انا حمله رياضيات 2
ومحاسبه 1
(طبعن العقيده/والصحه/الاقتصاد الكلي/وتقنيه/انتهينا منها)
اقدر اخذ محاسبه 2 معها المستوى الجاي
ويش المواد المرتبطه بالمحاسبه علشان اتركها

[Nora MQ]

طيب أنا محتااارة سويت جدول بس بيكون ضغط إشوي بوقت التسويق و الأساليب الكمية مافيه بينها ولا يوم واهم شي عندي أخذ 6 مواد بغض النظر عن الساعات :biggrin:

اليومالمقررالفترةالخميسأساسيات المحاسبة الإدارية و التكاليفالأولىالأحد إدارة مالية (2)الأولىالثلاثاءإدارة التسويقالأولىالاربعاءالأساليب الكمية في الإدارةالأولىالسبتإدارة موارد بشريةالثانيةالاثنينمهارات البحث و التفكيرالأولى

مع العلم انه تمت معادلة تقنية1 - تقنية 2 - مهارات اتصال - اللغة الانجليزية
و المقررات إللي خلصتها جميع مقررات مستوى أول + جميع مقررات مستوى ثاني ماعدا الصحة واللياقة + من المستوى الثالث إدارية مالية (1) و نظم معلومات إدارية

وش إقتراحاتك ؟

[iMaybe]

طيب واللي عنده محاسبه2 ورياضيات2 وش وضعه ذا ههههه

ضبطنا يالاميرر

[Just have fun]

اخوي stc يا ليت تساعدني انا رايح مستوى ثالث و عادلوا لي انجليزي و عقيده و مهارات اتصال و رياضيات2 و تقنية معلومات1 علما اني نزلت بالمستوى الثاني محاسبه2 و اقتصاد كلي و تقنية معلومات2 و صحه و لياقه و مهارات البحث و التفكير و كلها عديتها الحمد لله . أتمنى تنصحني وش اسجل للمستوى الجاي و.هل تنصحني انزل نظم معلومات اداريه مع الجدول الثالث الي حطيته انت لاني تقنية معلومات2 خلصتها

[Just have fun]

اتمنى الاخوان اللي الترم الماضي كان عندهم مادتين بنفس اليوم او مواد ورى بعض يعطونا رائهم

وايضا ارائهم في الثقافة الاسلامية والصحة واللياقة ومهارات البحث واللغة الانجليزية الصحه و الياقه ماده سهله و ممتعه واختبارها سهل و مهارات البحث و التفكير ماده ممتعه و تفيدك حتى بدراستك بالجامعه و المفروض ان الجامعه ينزلونها بالترم الأول لانها تعلمك اساليب المذاكره و القراءه و سهله جدا بس الدكتور بلالي اسئلة الاختبار فيها لف و دوران :(107): شكرا لك اخوي و الله يجعله بميزان حسناتك و يعطيك على قدر نيتك

[طالب عيوني]

طيب وش رايك في هالجدول يا اس تي سي (:

اليوم
المقرر 1
المقرر 2
الخميس
راحة
السبت
راحة
الأحد
-
محاسبة (2)
الأثنين
-
الإحصاء في الإدارة
الثلاثاء
تقنية معلومات (2)
-
الأربعاء
راحة
الخميس
راحة
السبت
-
إادارة مالية (1)
الأحد
-
صحة ولياقة
الأثنين
راحة
الثلاثاء
نظم المعلومات الإدارية
المجموع
17 ساعة



..

[Dr Jekyll]

السلام عليكم

ابو حور اضرب بريط عند النوقد والبنوك الى ان يتغير الدكتور
الدمام (http://www.alsharq.net.sa/tag/%D8%A7%D9%84%D8%AF%D9%85%D8%A7%D9%85) – سحر أبوشاهين (http://www.alsharq.net.sa/tag/%D8%B3%D8%AD%D8%B1-%D8%A3%D8%A8%D9%88%D8%B4%D8%A7%D9%87%D9%8A%D9%86)
تقدم 77 طالباً من الدارسين بنظام التعلم الإلكتروني عن بعد في جامعة الملك فيصل بالأحساء في تخصص إدارة الأعمال، بشكوى ضد أستاذ مادة «نقود وبنوك» الدكتور أسامة الفرحان، لعميد التعلم الإلكتروني والتعليم عن بعد الدكتور عبدالله النجار، بعد أن اتفق الفرحان معهم في إحدى المحاضرات على أن الاختبار النهائي سيتضمن فقط ما ورد في المحاضرات وما سوى ذلك مستثنى.
ويقول الطالب رامي محمد آل نتيف في المستوى الخامس »فوجئنا أن ما بين ثلاثين إلى خمسين سؤالا جاءت من أجزاء لم يتطرق لها أستاذ المادة وبالتالي فنحن غير مطالبين بها كما تم الاتفاق عليه، ونحن قلقون جدا من أن يتسبب ذلك في رسوبنا أوحصولنا على معدلات متدنية حال النجاح بتقدير غير جيد». وأوضح الطالب خالد الغامدي أن الدكتور قصر اسئلة الاختبار على 14 محاضرة مسجلة على موقع البوابة الإلكترونية للتعلم، و يمكن لإدارة الجامعة الاطلاع عليها، لافتا إلى أن 25% من الأسئلة أجابوا عليها بطريقة عشوائية كونها من أجزاء لم يذكرها، منوها إلى أنه تواصل مع العميد وأبلغه بأن دكتور المادة غير ملزم بإبلاغهم كل شيء، كونهم طلابا في المرحلة الجامعية وليسوا في المتوسطة أوالثانوية. وأبان العميد النجار لـ»الشرق» أن أي طالب لديه شكوى عليه التقدم بها عبر أيقونة موقع الجامعة بمسمى «الخدمات الطلابية» والخاصة بتلقي الملاحظات التي تأخذها الجامعة بعين الاعتبار ممثلة في العمادة.
واضيف ادارة الاعمال الكترونية للدكتور الشعيبي
الكل يمدح فيها وفي اسلوبه الدكتور وسهولة المادة


وياخي كم مره اقولك غيييييير اسمك اتشائم من stc

[fahad893]

السلام عليكم
مساء الخير على الجميع
والف مبروك النجاح اخي الغالي 1stc1
ومليون مبروك النجاح للاخوة والاخوات جميعاً
وربي يعوض على اللي ما حالفهم الحظ

وش رايك اخي 1stc1 ورائي الجميع طبعاً في الجدول هذا اقترحته على بعض الزملاء اللي اعتمدوا على جدولك الفصل الماضي وابي رائيك فيه طبعاً 18 ساعة ( سبع مواد )

http://im19.gulfup.com/2012-06-18/1340013159351.jpg (http://www.gulfup.com/show/Xkk84ddaf4uw)


وانا بما انهم عادلوا لي اساسيات المحاسبة الادارية + الموارد البشرية + نقود وبنوك
راح يكون جدولي هذا فرق مادة واحدة 18 ساعة ( سبع مواد )

http://im19.gulfup.com/2012-06-18/1340013159622.jpg (http://www.gulfup.com/show/X2a8x00cz8xc04)

[miss noon]

اخ stc اشكرك على جهودك وتستاهل كل خير :rose:
حابه اخذ رايك في جدولي بما اني اخذت جدولك مستوى ثاني وابي ارفع معدلي السمستر الجاي باذن الله

الخميس(اساسيات المحاسبه والتكاليف)
السبت(عقيده)
الثلاثاء (تقنية معلومات 2)
السبت (ادارة ماليه 1)
الاحد(صحه ولياقه)
الاثنين(اداره الاعمال الالكترونيه)

وبكذا يصير عندي 16 ساعه .. ودي اخليها 17 ساعه واضيف مع العقيده مهارات اتصال او اكنسل العقيده ومهارات الاتصال واضيف انقلش .. وش الانسب بما اني مو مره بالانقلش وابي ارفع المعدل وش الجدول المناسب :119:
تحياتي ..

[1stc1]

انا حمله رياضيات 2
ومحاسبه 1
(طبعن العقيده/والصحه/الاقتصاد الكلي/وتقنيه/انتهينا منها)
اقدر اخذ محاسبه 2 معها المستوى الجاي
ويش المواد المرتبطه بالمحاسبه علشان اتركها


لا ما تقدرين لان محاسبة 1 متطلب لمحاسبة 2

[1stc1]

طيب أنا محتااارة سويت جدول بس بيكون ضغط إشوي بوقت التسويق و الأساليب الكمية مافيه بينها ولا يوم واهم شي عندي أخذ 6 مواد بغض النظر عن الساعات :biggrin:

اليومالمقررالفترةالخميسأساسيات المحاسبة الإدارية و التكاليفالأولىالأحد إدارة مالية (2)الأولىالثلاثاءإدارة التسويقالأولىالاربعاءالأساليب الكمية في الإدارةالأولىالسبتإدارة موارد بشريةالثانيةالاثنينمهارات البحث و التفكيرالأولى

مع العلم انه تمت معادلة تقنية1 - تقنية 2 - مهارات اتصال - اللغة الانجليزية
و المقررات إللي خلصتها جميع مقررات مستوى أول + جميع مقررات مستوى ثاني ماعدا الصحة واللياقة + من المستوى الثالث إدارية مالية (1) و نظم معلومات إدارية

وش إقتراحاتك ؟



ليش ما اخذت الاحصاء في الادارة مستوى ثالث علشان يفتح لك مواد الاحصاء والاساليب الكمية

[Nora MQ]

ليش ما اخذت الاحصاء في الادارة مستوى ثالث علشان يفتح لك مواد الاحصاء والاساليب الكمية

يعني أفهم ان الإحصاء متطلب لـ مادة الأساليب الكمية؟

انا كنت ناويه أخذ مادة يوم السبت و الاحصاء الاثنين ,,
بس سألت صديقتي تقول إدارة ماليه (2) مرتبطة بـ مالية (1) علشان كذا قلت أخذها قبل لاتطير المعلومات :(107):

للعلم أنا نجحت لـ مستوى ثالث :biggrin:

[بحر العطا]

هل اقدر اضيف ماده واذا عرفت دكتورها ومارتحت له اقدر احذفها واسترد المبلغ كامل ؟

[Nora MQ]

هل اقدر اضيف ماده واذا عرفت دكتورها ومارتحت له اقدر احذفها واسترد المبلغ كامل ؟

ايه نعم تقدر :biggrin:
فيه تقريباً شهر من بداية الفصل الدراسي و اخر موعد لـ الانسحاب بكامل الرسوم يعني ان شاء الله يمديك تعرف الدكتور ,,

وهذي صور من الجدول الزمني توضح كلامي
http://img04.arabsh.com/uploads/image/2012/06/18/0e334d486cf301.png (http://arabsh.com)

http://img04.arabsh.com/uploads/image/2012/06/18/0e334d486cf300.png (http://arabsh.com)

[بحر العطا]

الله يوفقك


يرجع في حسابي او يبقى لدى الجامعه لي رصيد ؟؟؟ وش يثبت لي انه عند الجامعه يبقى لي رصيد




طيب فيه ملاحظه تحت بالجدول الزمني تنص على عدم استيراد المبلغ عند تسجيل المقرر مدرى حنا ولا الجدد

[بحر العطا]

ايه نعم تقدر :biggrin:
فيه تقريباً شهر من بداية الفصل الدراسي و اخر موعد لـ الانسحاب بكامل الرسوم يعني ان شاء الله يمديك تعرف الدكتور ,,

وهذي صور من الجدول الزمني توضح كلامي
http://img04.arabsh.com/uploads/image/2012/06/18/0e334d486cf301.png (http://arabsh.com)

http://img04.arabsh.com/uploads/image/2012/06/18/0e334d486cf300.png (http://arabsh.com)




الله يجزاك خير



يمكن طلبه الجدد للي توهم مسجلين ؟؟؟

[بحر العطا]

رنو الله يجعل كل حرف تكتبينه يكتب لك حسنه ويمحو عنك سيئه




اقدر احذف ماده بعد ماعرف دكتورها واسترجع المبلغ كامل ؟؟؟

[1stc1]

يعني أفهم ان الإحصاء متطلب لـ مادة الأساليب الكمية؟

انا كنت ناويه أخذ مادة يوم السبت و الاحصاء الاثنين ,,
بس سألت صديقتي تقول إدارة ماليه (2) مرتبطة بـ مالية (1) علشان كذا قلت أخذها قبل لاتطير المعلومات :(107):

للعلم أنا نجحت لـ مستوى ثالث :biggrin:

علشان اكون اكثر دقة معك
جامعة فيصل للاسف ما وضحت المتطلبات بشكل صحيح

انا اعتمدت على جامعة الملك سعود مبادئ الاحصاء متطلب للاساليب الكمية

وهنا اخاف يوهقونا تعمل حسابك وبالاخير يطلع شغلك خطأ لذلك المواد المترابطة لا تحاول تقفز بمستوياتها الا اذا انهت المبادئ حقتها ....

[1stc1]

طيب واللي عنده محاسبه2 ورياضيات2 وش وضعه ذا ههههه

ضبطنا يالاميرر


شوف وضعك اكيد صعب لان ممكن معدلك دماااار

على العموم وش باقي لك من مواد مستوى ثاني ما اخذته .....

[ابو سراب]

هلا 1stc1
من وين حصلت علي جدول الاختبارات للترم القادم دخلت على موقع الجامعه
طلع لي جدول الترم الماضي
ياليت تكتب الرابط

[عسله]

يعني افهم من كلامكم ان الاساليب الكميه يشبه الاحصاء ؟؟؟ :Looking_anim::Looking_anim:

[Nora MQ]

الله يوفقك

يرجع في حسابي او يبقى لدى الجامعه لي رصيد ؟؟؟ وش يثبت لي انه عند الجامعه يبقى لي رصيد

طيب فيه ملاحظه تحت بالجدول الزمني تنص على عدم استيراد المبلغ عند تسجيل المقرر مدرى حنا ولا الجدد

الله يجزاك خير

يمكن طلبه الجدد للي توهم مسجلين ؟؟؟

آمين أجمعين ان شاء الله :biggrin:
اتوقع يبقى رصيد لدى الجامعة بس مو متأكدة من هالنقطة :Looking_anim:
وين الملاحظة ماشفت شي بالجدول الزمني!!

علشان اكون اكثر دقة معك
جامعة فيصل للاسف ما وضحت المتطلبات بشكل صحيح

انا اعتمدت على جامعة الملك سعود مبادئ الاحصاء متطلب للاساليب الكمية

وهنا اخاف يوهقونا تعمل حسابك وبالاخير يطلع شغلك خطأ لذلك المواد المترابطة لا تحاول تقفز بمستوياتها الا اذا انهت المبادئ حقتها ....

أها :/
بس أنا سألت بنات أخذو المادة من قبل على كلامهم ماله علاقة ببعض أبد وعلى فكرة الانتظام غير الانتساب دراستنا تكون مخففة :58545:

أنا بنت :sm5:

[بحر العطا]

فيه ملاحظه في التقويم الزمني



مكتوبه تحت يمين ملاحظه

[Richou x]

يعطيك العافيه :rose:

[1stc1]

الاساليب الكمية هي من فروع الاحصاء وجامعة بين الرياضيات والاحصاء

ومقاربة لمواد بحوث العمليات ... حسب معلوماتي .

[1stc1]

هلا 1stc1
من وين حصلت علي جدول الاختبارات للترم القادم دخلت على موقع الجامعه
طلع لي جدول الترم الماضي
ياليت تكتب الرابط

ابو سراب
جداول الاختبارات ثابته

[عيون حبيبي a]

امم طيب يامستشار ايش رايك في جدولي
اساسيات محاسبه وتكاليف
مهارات اتصال
احصاء
تقنيه 2
ادارة ماليه
صحة ولياقه
مهارات بحث وتفكير
17 سااعة والترم اللي طاف نفس جدولك بس مأخذت السلوك التنظيمي اخذت عقيدة :biggrin:
والله يوفقك ومشكور على جهودك :004::004:

[خـوخ ـاآ ..~]

انا حنتظر لما ينزل جدول الاختبار
على قولتهم اللي نزل حيغيرونه :24_asmilies-com:


جزاك الله خير :106:

[بحر العطا]

متى ينزل ؟ :biggrin:

[أسيــــره. ']

باخذ الجدول الثاااني .. بس ماراح اخذ العقيدة ...

بأخذ مهااارات الاتصااال ....

[عيون حبيبي a]

باخذ الجدول الثاااني .. بس ماراح اخذ العقيدة ...

بأخذ مهااارات الاتصااال ....

فديت رووووووحك ياقمر نفس جدولي ان شاء الله ربي يوفقنا جمييع :(204):

[أسيــــره. ']

فديت رووووووحك ياقمر نفس جدولي ان شاء الله ربي يوفقنا جمييع :(204):

امين حبيبة قلبي ...

[Tmoo7_12]

أشوف متحمسين على الجداول :33_asmilies-com:
أنا هذي المواد اللي ناويه آخذها ، علماً إن تم معادلة لي مهارات الأتصال ساعة وحده:biggrin:
أساسيات محاسبة وتكاليف
إنجليزي
إحصاء في الأدارة
تقنية معلومات 2
إدارة مالية 1
صحة ولياقة

[شعاع الأمل]

بارك الله فيك اخوي ورحم الله والديك :(204):

احتمال 90% اعتمد الجدول رقم1 مع امكانية تغير مادة البحث والتفكير الى مادة مبادئ التوريد:119:

[الفــــوز]

ماقصرت جزاك الله خير
شكلي مع عيون حبيبي وطالبة انتساب بعتمد الجدول الثاني مع اضافة مهارات اتصال بدل العقيده
بالتوفيق مقدما

[iMaybe]

شوف وضعك اكيد صعب لان ممكن معدلك دماااار

على العموم وش باقي لك من مواد مستوى ثاني ما اخذته .....

معدلي 3 وشوي

واللي باقي لي

عقيده اسلاميه
صحه ولياقه
لغة انجليزيه
محاسبه2
رياضيات2

جدول كامل هههههه

وودي ارفع المعدل
الانجليزي لعبتي سهل عندي يعني والصحه مادري وش وضعها والعقيده حبيبتي سهله
باقي العلتين رياضيات 2 ومحاسبه2

وش رأيكك يالأميرر !


Sent From Sony xPeria S

[1stc1]

بارك الله فيك اخوي ورحم الله والديك :(204):

احتمال 90% اعتمد الجدول رقم1 مع امكانية تغير مادة البحث والتفكير الى مادة مبادئ التوريد:119:

لا تستطيع الا اذا بدلت ايضا الثقافة الاسلامية بمهارات الاتصال علشان يكون المجموع 18 ساعة

[1stc1]

معدلي 3 وشوي

واللي باقي لي

عقيده اسلاميه
صحه ولياقه
لغة انجليزيه
محاسبه2
رياضيات2

جدول كامل هههههه

وودي ارفع المعدل
الانجليزي لعبتي سهل عندي يعني والصحه مادري وش وضعها والعقيده حبيبتي سهله
باقي العلتين رياضيات 2 ومحاسبه2

وش رأيكك يالأميرر !


Sent from sony xperia s


اشوف اذا تقدر تختبر مادتين سوى وناوي تذاكر قبل الاختبار وظروفك تساعدك خذ الانجليزي دامه سهل .. بس بشرط تخلص المحاسبة قبل الاربعاء تكون مخلص عليها ...

والرياضيات يبيلك مدرس خصوصي الله يعينك وضعك صعب


خذ انجليزي ومحاسبة اذا ناوي تسوي اللي قلت لك

مع الرياضيات مع تقنية 2 مع مهارات بحث وتفكير ... 14 ساعة وركز وارفع معدلك وتسهل امورك

[شعاع الأمل]

لا تستطيع الا اذا بدلت ايضا الثقافة الاسلامية بمهارات الاتصال علشان يكون المجموع 18 ساعة

اخذت بهالسمستر مادة مهارات الاتصال

من شوي رحت اسوي بحث عن مادة مباديء التوريد ولقيت عدد الطلاب

اللي اخذوها بهالسمستر قليل

ومشكله مافي ملخصات لها ولا نماذج اسئله وشكلي بصرف نظر عنها

وبعتمد مهارات البحث والتفكير :119:

شكرا لك عالمعلومه بخصوص الساعات بارك الله فيك :106:

[miss noon]

اخ stc اشكرك على جهودك وتستاهل كل خير :rose:
حابه اخذ رايك في جدولي بما اني اخذت جدولك مستوى ثاني وابي ارفع معدلي السمستر الجاي باذن الله

الخميس(اساسيات المحاسبه والتكاليف)
السبت(عقيده)
الثلاثاء (تقنية معلومات 2)
السبت (ادارة ماليه 1)
الاحد(صحه ولياقه)
الاثنين(اداره الاعمال الالكترونيه)

وبكذا يصير عندي 16 ساعه .. ودي اخليها 17 ساعه واضيف مع العقيده مهارات اتصال او اكنسل العقيده ومهارات الاتصال واضيف انقلش .. وش الانسب بما اني مو مره بالانقلش وابي ارفع المعدل وش الجدول المناسب :119:
تحياتي ..






انتظر الرد اخ stc<<

[iMaybe]

اشوف اذا تقدر تختبر مادتين سوى وناوي تذاكر قبل الاختبار وظروفك تساعدك خذ الانجليزي دامه سهل .. بس بشرط تخلص المحاسبة قبل الاربعاء تكون مخلص عليها ...

والرياضيات يبيلك مدرس خصوصي الله يعينك وضعك صعب


خذ انجليزي ومحاسبة اذا ناوي تسوي اللي قلت لك

مع الرياضيات مع تقنية 2 مع مهارات بحث وتفكير ... 14 ساعة وركز وارفع معدلك وتسهل امورك

بششد حيلي هالترم وقادر ان شاﺀ الله بس مو افضل اخذ المواد الاسهل عشان اقدر ارفع المعدل

يعني بضيف العقيده او الصحه شرايكك !

Sent From Sony xPeria S

[1stc1]

انتظر الرد اخ stc<<


اهلا بك

ان شاهدتك قررتي والله يوفقك

لكن نصيحة حاولي تأخذين الاحصاء علشان يفتح لك مواد

وجدولك رائع اذا انتي ناويته رفع معدل ومريح والله يووفقك

[هاله الزعيم]

والله ودي اخذ زي جدولك اس تي سي صراااحه

بس احس انك اخترت مواادك كلها دسسمه

:004::004::004::004::004::004:

يعطيك الف عافيــــــه

[{%{محمد}%}]

شئ جديد ربي يوفقك

[ام لين]

طيب
اخوي انا حملت محاسبه 2 وخلصت العقيده ، وابي ارفع معدلي لل4 اي جدول تنصحني فيه

[إنسان بسيط]

يعطيك العافيه اخوي اس تي سي انا حملة الرياضيات 2 ودي اخذ المستوى الثالث مبادئ احصاء مع الرياضيات2 اقدر اخذها وانا حامل الرياضيات يعني رياضيات2 متطلب للاحصاء ولالا

[القاطرة]

اختيار المواد او الجدول يعتمد على ظروف الشخص وقدراته

بغض النظر عن جدول الاخرين :24_asmilies-com:

[sloof]

يعطيك الف الف عافيه اخوي والجدول الثاني احتمااااااااال كبير اخذه :d5::d5::d5:

[1stc1]

والله ودي اخذ زي جدولك اس تي سي صراااحه

بس احس انك اخترت مواادك كلها دسسمه

:004::004::004::004::004::004:

يعطيك الف عافيــــــه






صح عليك

وانصحك بالجدول الثاني

[1stc1]

يعطيك العافيه اخوي اس تي سي انا حملة الرياضيات 2 ودي اخذ المستوى الثالث مبادئ احصاء مع الرياضيات2 اقدر اخذها وانا حامل الرياضيات يعني رياضيات2 متطلب للاحصاء ولالا

والله ما وضحوا للاسف
بس اعتقد رياضيات 1 تكفي لان فيها المضروب والمفكوك واغلب مسائل الاحصاء تعتمد عليها

[BayanFJ]

ماشاء الله عليك ..
جدولك *الثالث* ممتاز ويناسبني كثير
خصوصًا إني معادلة الانجليزي و مهارات الاتصال
و العقيدة و أخذت النظم ومهارات البحث !
سيتم إعتماده بإذن الله :004:

ب التوفيق للجميع :004:

[New LiFe]

الله يعطيك العافية stc :004:

ماكتب ربي امشي على اي جدول تسويه مادري كيف
ياتجي فيه مادة اخذتها قبل او تجي مادة مسبقة من المستويات اللي فوق :biggrin:

اساسيات محاسبة / مهارات اتصال / إحصاء / تقنية 2 / إدارة مالية 1 / صحة ولياقه
/ نظم معلومات إدارية

هذا جدولي اللي بعتمده ان شاء الله ,, إحصاء وتقنية يجون ورى بعض مباشرة باقي
المواد قبلها يوم او يومين راحة ,,

[1stc1]

الله يعطيك العافية stc :004:

ماكتب ربي امشي على اي جدول تسويه مادري كيف
ياتجي فيه مادة اخذتها قبل او تجي مادة مسبقة من المستويات اللي فوق :biggrin:

اساسيات محاسبة / مهارات اتصال / إحصاء / تقنية 2 / إدارة مالية 1 / صحة ولياقه
/ نظم معلومات إدارية

هذا جدولي اللي بعتمده ان شاء الله ,, إحصاء وتقنية يجون ورى بعض مباشرة باقي
المواد قبلها يوم او يومين راحة ,,

جدولك رائع واكثر من رائع

واعتقد مريح ايضا بالتوفيق

[1stc1]

<b>
ماشاء الله عليك ..
</b>
جدولك *الثالث* ممتاز ويناسبني كثير
خصوصًا إني معادلة الانجليزي و مهارات الاتصال
و العقيدة و أخذت النظم ومهارات البحث !
سيتم إعتماده بإذن الله :004:


ب التوفيق للجميع :004:



نفس وضعي بالضبط .. الله يوفق

[1stc1]

طيب
اخوي انا حملت محاسبه 2 وخلصت العقيده ، وابي ارفع معدلي لل4 اي جدول تنصحني فيه


ام لين راجعي اجاباتي بالموضوع تجدين الاجابة على سؤالك

طبعا اساسيات المحاسبة ما تقدرين تأخذينها

مهارات اتصال .. ومحاسبة 2 .. وتقنية 2 .. ادارة مالية 1 .. صحة ولياقة .. مهارات البحث والتفكير

14 ساعة ترفع فيها المعدل ومواد تتخلص منها مهمة ...

[شعاع الأمل]

اخوي حبيت بس اتأكد من هالشغله

انا حامل للرياضيات2 عادي أأجها لأي سمستر ثاني ولا اجباري اخذها بالسمستر الجاي

لأني سمعت من طالبة انتظام اني لازم اخذها بالسمستر الجاي مايصير أأجلها

ومادري مدى صحة هالمقوله :000:

[1stc1]

اخوي حبيت بس اتأكد من هالشغله

انا حامل للرياضيات2 عادي أأجها لأي سمستر ثاني ولا اجباري اخذها بالسمستر الجاي

لأني سمعت من طالبة انتظام اني لازم اخذها بالسمستر الجاي مايصير أأجلها

ومادري مدى صحة هالمقوله :000:

شوفي حسب خبرتنا بالدراسة الصباحية المفروض انها مادة متطلب ومدخل وتفتح مواد
لذلك يجب ان لا تؤجل ..

ولكن في جامعة لا خطة ولا متطلبات ولا يوجد وضوح .. بس نصيحة خلصي منها وافتكي

[KSSA]

stc

كيفك حبيبي

مشكور على جداولك الروعة

انا طلعت من مستوى ثاني الى مستوى ثالث ..

الأنجليزي ما أخذته في المستوى الثاني وأخذت بداله مهارات الاتصال من المستوى الثالث

وش شورك علي يالغالي؟

[السعيد1011]

شكراً اخوي أنا من الناس اللي فعلاً محتاج مثل هذي الإقتراحات والنصايح .. بارك الله فيك

[1stc1]

stc

كيفك حبيبي

مشكور على جداولك الروعة

انا طلعت من مستوى ثاني الى مستوى ثالث ..

الأنجليزي ما أخذته في المستوى الثاني وأخذت بداله مهارات الاتصال من المستوى الثالث

وش شورك علي يالغالي؟





اخوي انا وضعت قدامك خيارات اختر ما يناسبك

والله يوفقك

[1stc1]

شكراً اخوي أنا من الناس اللي فعلاً محتاج مثل هذي الإقتراحات والنصايح .. بارك الله فيك

لا شكر على واجب اخي الكريم

والله يوفقنا واياك الى ما يحب ويرضى

[بجيك]

أخوي stc صباح الخير

ودي استفسر منك ع شغله

الان اذا ما عندي مواد عادلوها ولا شي

ودي بجدول مثل الجدول حق المستوى الثاني اللي كان قمه في الراحه

مشكلتي هنا ان الجدول الثالث يصادف اختبارات يومين ورى بعض

بحكم عملي ما اقدر اوفق بينهم

والمشكله انهم عادلولك مواد >> ودي انهم ما عادلولك مواد عشان نمشي مع بعض هههههه

تحيتي لك :d5:

[1stc1]

أخوي stc صباح الخير

ودي استفسر منك ع شغله

الان اذا ما عندي مواد عادلوها ولا شي

ودي بجدول مثل الجدول حق المستوى الثاني اللي كان قمه في الراحه

مشكلتي هنا ان الجدول الثالث يصادف اختبارات يومين ورى بعض

بحكم عملي ما اقدر اوفق بينهم

والمشكله انهم عادلولك مواد >> ودي انهم ما عادلولك مواد عشان نمشي مع بعض هههههه

تحيتي لك :d5:


شف الحدول الثاني جيد ومواد سهلة اللي ةرى بعض 11111

[بجيك]

يعطيك العافيه stc

انا اقصد ما ابي مواد ورى بعض

:mh12:

[1stc1]

يعطيك العافيه stc

انا اقصد ما ابي مواد ورى بعض

:mh12:

مراحب

مو على الكيف افضل تأخذ ورى بعض واحدة سهلة افضل من مادتين مع بعض او ورى بعض مادتين صعبة


والجداول امامك ويمكن انك تستفيد منها وتعدل على راحتك وتطلع بجدول يخدم ظروفك

[tulip’]

الله يعطيك العافيه
حبيت اسالك الحين سويت هالجداول طيب استفسرت عن المواد وش الصعب منها وش اللي يعتمد ع الحفظ واللي يعتمد ع الفهم
ماابي اتورط واخذ كل المواد صعبه
ابي ارفع بمعدلي :bawling:

[1stc1]

الله يعطيك العافيه
حبيت اسالك الحين سويت هالجداول طيب استفسرت عن المواد وش الصعب منها وش اللي يعتمد ع الحفظ واللي يعتمد ع الفهم
ماابي اتورط واخذ كل المواد صعبه
ابي ارفع بمعدلي :bawling:

المواد مزيج بين الصعب والسهل

يمكن اكثرهم صعوبة الجدول الثالث

وفي النهاية جميع المواد ملزمين فيها ...

[miss noon]

اهلا بك

ان شاهدتك قررتي والله يوفقك

لكن نصيحة حاولي تأخذين الاحصاء علشان يفتح لك مواد

وجدولك رائع اذا انتي ناويته رفع معدل ومريح والله يووفقك


مشكور الله يجزاك خير
بس انا خايفه من الاحصاء الكل مخوفنا من اسئلة الدكتور النجار (والاهم ان الاحصاء بعده التقنيه 2 يعني مافي راحه بين المادتين )

[YouseF2011]

يا حلووووووووووووووووووووووووووووووووووووووووين لسه ما نزل الجدول الجديد لا للمقررات ولا للاختبارات وشلوووووووووووووووووووووووووووووووون

كذا

[MESFER]

الله يجزاك كل خير

[tulip’]

المواد مزيج بين الصعب والسهل

يمكن اكثرهم صعوبة الجدول الثالث

وفي النهاية جميع المواد ملزمين فيها ...

انا عارفه ملزمين فيها بس نحاول نرتب الجدول بين الصعب والسهل ماابي اتورط ويكون الجدول كله مواد صعبه والمعدل ينزل

[معطـــــاب]

الله يجزاك كل خير لنا عودة مع بداية تسجيل المقررات

[1stc1]

الله يجزاك كل خير لنا عودة مع بداية تسجيل المقررات

ياهلابك اخوي

وفي انتظارك

[محمداحمد]

الله يعطيك العافية

[Rolen]

انا اخترت جدول الثاني مواده حلوه :004:
الله يسهل عالجميع
وشكرا اخويا عالمساعده بالجداول

[Om Shahad]

الجداول كلها حلوة ومرتبة بس للاسف ماقدر اعتمد ولا واحد فيهم لان في مواد اخذتها

ثانيا ابي مواد سهلة وماتكون اختباراتها وراء بعض

وش تقترحون علي مواد سهله ؟ولاتكون اختباراتها وراء بعض:000:

المواد اللي خلصتها

مواد مستوى الاول + مواد المستوى الثاني كانت ( صحة ولياقة + رياضيات 2 +محاسبة 2+ انجلش+ تقنية معلومات 1+مهارة اتصال )

بفكر مواد المستوى الثالث تكون كالتالي

اساسيات محاسبة التكاليف الادارية
والعقيدة
مهارات البحث والتفكير
ادارة مالية 1
تقنية معلومات 2
وبس :g2:

فابي نصيحتكم واقتراحاتكم اذا ماعليكم امر :106:

[كلي أراده]

نبغى نصيحه وش ناخذ مواد في المستوى الثالث

[Rawan_MOB]

بقترح عليكم جدولي وانتم احكمو :biggrin:

* اساسيات المحاسبه الاداريه والتكاليف
* العقيدة الاسلاميه
* انجليزي
* تقنيه معلومات 2
* ادارة ماليه 1
* نظم معلومات الاداريه

17 ساعه بالزززبط :10111:

رااااايكم !!! :sm12:

[RED_ROSE]

أحس عوّدتنا على الكسل . :g2:

بس ننتظر جداولك وما نبي نفكر ..

حتى سالفة انك منزّل اكثر من جدول محيرتنا < اوم الكسل ..:sm5:

يعني لو كنت سحبت على اختبارات السمستر اللي طآف كنا الحين ، نكتب مواضيع نداء هههه:sm5:



..


شكرآ جزيلآآ لك ..:106:



تم إضافته للمفضلة ..

ولي عودة ..

.:rose:.

[1stc1]

انا اخترت جدول الثاني مواده حلوه :004:
الله يسهل عالجميع
وشكرا اخويا عالمساعده بالجداول

ياهلا

اهم شئ انه يناسبك

[shahran]

أخوي stc

ممكن نعرف كم عدد الساعات كاملة في تخصص إدارة الاعمال

لأني سامع إنها 136

[نايف بن سعود]

السلام عليكم

اخ stc1 الجدول الترم الماضي جداً ممتاز لكن انا حملت الرياضيات
و اتمنى ان استمر معكم ب بقية الجداول اي من هذه الجداول تناسب لي سهولة المواد و رفع المعدل
و يكون فيه فرصة للمذاكرة

[مقام العز]

يعطيك العافيه اخوي وجزاك الله خير الجزاء انت والاعضاء الاخرين

انا وضعت قبل فتره جدولين بمساعدة بعض الاخوان وابي رايك ورئي الاعضاء المتواجدين

واي ملاحظات او مقتراحات ياليت تفيدونا فيها واغلبها تقريبا سهل مخفف على نفسي شوي

لاني ارغب برفع المعدل ولو قليلا

الجدول الاول

_1أساسيات المحاسبه الإداريه (3ساعات(
الخميس 20 /12 /2012
2_العقيده الإسلاميه (ساعتين (
السبت 22/١2 /2012
3_ فقه السيره (ساعتين (
الأحد 23 /12 /2012
4_تقنيه معلومات2 (3 ساعات (
الثلاثاء 25 /12 /2012
5_ أداره الأعمال الدوليه (3 ساعات (
الخميس 27 /12 /2012
6_إلصحه واالياقه (ساعتين (
الأحد 30 /12 /2012
7 _مهارات البحث والتفكير (ساعتين)
ألاثنين 31 /12 /2012
17 ساعه و 7مواد


الجدول الثاني


الخميس اساسيات المحاسبه ثلاث ساعات
السبت العقيده و بتكون ساعتين
السبت مهارات ساعه واحده
والاحد فقه السيره ساعتين
الاثنين اوووف
الثلاثاء عندك تقنيه 2 ثلاث ساعات
الأربعا أوف
الخميس. في أداره الأعمال الدوليه ثلاث ساعات
السبت أوف
الأحد صحه ولياقه ساعتين
الاثنين مهارات بحث وتفكير ساعتين
18 ساعه وثمان مواد

وهل يوجد مهارات بحث وتفكير وماده اخرى مهارات ساعه واحده حاب اتأكد بس لا يكون غلطانين او من هذا القبيل

ويعيطكم العافيه مرة اخرى

[1stc1]

يعطيك العافيه اخوي وجزاك الله خير الجزاء انت والاعضاء الاخرين

انا وضعت قبل فتره جدولين بمساعدة بعض الاخوان وابي رايك ورئي الاعضاء المتواجدين

واي ملاحظات او مقتراحات ياليت تفيدونا فيها واغلبها تقريبا سهل مخفف على نفسي شوي

لاني ارغب برفع المعدل ولو قليلا

الجدول الاول

_1أساسيات المحاسبه الإداريه (3ساعات(
الخميس 20 /12 /2012
2_العقيده الإسلاميه (ساعتين (
السبت 22/12 /2012
3_ فقه السيره (ساعتين (
الأحد 23 /12 /2012
4_تقنيه معلومات2 (3 ساعات (
الثلاثاء 25 /12 /2012
5_ أداره الأعمال الدوليه (3 ساعات (
الخميس 27 /12 /2012
6_إلصحه واالياقه (ساعتين (
الأحد 30 /12 /2012
7 _مهارات البحث والتفكير (ساعتين)
ألاثنين 31 /12 /2012
17 ساعه و 7مواد


الجدول الثاني


الخميس اساسيات المحاسبه ثلاث ساعات
السبت العقيده و بتكون ساعتين
السبت مهارات ساعه واحده
والاحد فقه السيره ساعتين
الاثنين اوووف
الثلاثاء عندك تقنيه 2 ثلاث ساعات
الأربعا أوف
الخميس. في أداره الأعمال الدوليه ثلاث ساعات
السبت أوف
الأحد صحه ولياقه ساعتين
الاثنين مهارات بحث وتفكير ساعتين
18 ساعه وثمان مواد

وهل يوجد مهارات بحث وتفكير وماده اخرى مهارات ساعه واحده حاب اتأكد بس لا يكون غلطانين او من هذا القبيل

ويعيطكم العافيه مرة اخرى


نعم يوجد مواد بهذا المسمى

اخوي مهم جدا الادارة المالية 1 لانها تفتح مواد
واعتقد الاحصاء مهم ايضا وانتم براحتكم

[1stc1]

أخوي stc

ممكن نعرف كم عدد الساعات كاملة في تخصص إدارة الاعمال

لأني سامع إنها 136

هذا اللي نعرفه ... 124 ساعة دراسة و12 ساعة تطبيق بس مدري عن جامعتنا ما وضحت لنا شئ

[zxzx]

السلام عليكم

سوال ياجماعه لو ابي ارفع معدلي اخذ عدد ساعات اكثر ولااقلل عدد الساعات

لاني سويت جدولين واحد ١٨ساعه والثاني ١٥ ساعه ايهم يفيدني برفع المعدل

[GHAZI]

اخوي stc مساك الله بالخير

انا صراحه اعتمدت جدولك للمستوى الماضي وكان ودي ان الله يوفقني وانجح بكل المواد عشان اختار نفس الجدول اللي بتختاره للترم القادم لانك صراحه ترتب المواد على حسب ايام الاختبارات وهذه نقطه مهمه ..

لكن للاسف جبت العيد بالرياضيات 2 والمحاسبه 2 والسلوك التنظيمي ماحضرت الاختبار وجبت لهم عذر وقاعد استناهم يردون هم قبلوه والا لا ..

المهم ياصديقي بغيت مساعدتك لاختيار الجدول لاني ودي اعيد الثلاث مواد اللي فوق واضيف عليها مادتين سهله مثل انجليزي والعقيده او الصحه واللياقه وش تنصحني فيه ولو عندك جدول الاختبارات لكل المواد ياليتك تزودني فيه

واكون لك شاكر ومقدر والله يجعل مساعيك في ميزان حسناتك ويوفقنا واياك وجميع الطلاب بهالمنتدى للنجاح الدائم وكل عام وانتم بخير

[1stc1]

اخوي stc مساك الله بالخير

انا صراحه اعتمدت جدولك للمستوى الماضي وكان ودي ان الله يوفقني وانجح بكل المواد عشان اختار نفس الجدول اللي بتختاره للترم القادم لانك صراحه ترتب المواد على حسب ايام الاختبارات وهذه نقطه مهمه ..

لكن للاسف جبت العيد بالرياضيات 2 والمحاسبه 2 والسلوك التنظيمي ماحضرت الاختبار وجبت لهم عذر وقاعد استناهم يردون هم قبلوه والا لا ..

المهم ياصديقي بغيت مساعدتك لاختيار الجدول لاني ودي اعيد الثلاث مواد اللي فوق واضيف عليها مادتين سهله مثل انجليزي والعقيده او الصحه واللياقه وش تنصحني فيه ولو عندك جدول الاختبارات لكل المواد ياليتك تزودني فيه

واكون لك شاكر ومقدر والله يجعل مساعيك في ميزان حسناتك ويوفقنا واياك وجميع الطلاب بهالمنتدى للنجاح الدائم وكل عام وانتم بخير

بصراحة وضعك مزري جدا جدا

[RED_ROSE]

متى رآح يبدآ تسجيل المواد ؟


...

[1stc1]

طبعا فيه تعديل تقنية معلومات 2 تعديل موعد الاختبار الى يوم الخميس

والتسجيل يبدأ الثلاثاء الساعة 6 مساءا

[همـس الليـالي]

اخووي الله يعافيك نبغى جدول في الرياضييات2

وكل الشكر لك

[1stc1]

اخووي الله يعافيك نبغى جدول في الرياضييات2

وكل الشكر لك

الجدول الثاني شيلي مالية ا وصحة ولياقة واظيفي رياضيات 2

على ما اعتقد حلو وممكن تشيلين مهارات بحث وتسجلين بدالها اي مادة يوم الثلاثاء نظم او مبادئ التوريد

[همـس الليـالي]

يعني بيكون مرتب ومافي ضغط ولاشي بس اضيفها بدال ماده

ايش تفضل احسن شي الغيه وانزله بداله

[1stc1]

http://www.ckfu.org/vb/t355532.html#post6991347

اختي تفضلي بالموضوع اعلاه

وكثير من الزملاء اتخذوا قرارا بتأجيل الرياضيات