هذا أول مستوى ومعدلي 1.97 تنصحوني أكمل ولا أنسحب وشكرا للجمبع

[سلووم1100]

:mh12::mh12:

[بنت الوليد]

والله مادري وش اقول لك..

ع حسب طموحك وحبك لدراسه و اصرارك ع النجاح

يعني انشالله تتيسر لك ويرتفع معدلك ب السمسترات القادمه

نصيحتي لك لاتستسلم بسهووله

الله يوفقك وييسر لك

[dalaal]

استمرررر وشد حيلك

[سلطان الصقر]

شد حيلك وكمل لو معدلك أقل من كذا بعد ..
بإذن الله بتعدل وتلحق فوق ال3 :rose:

[بو ضيدان]

استمر ولكن ذاكر وانا اخوك وانسى وشيل من مخك انك تنجح من غير مذاكره

[عبدالله الجنوب]

اول ترم عادي يمديك خلال ترمين ترفعه فوق 4 ياخي انا اكبر مثال رسبت 3 اترام وعطوني اخر انذار فصل
وبعدها شديت حيلي والحمد المعدل طيب وباذن الله اخلص الجامعه معدلي فوق 4

[طالب كويس]

مافي بعد كلام عبدالله الجنوب كلام
اذا تبي تهرب اهرب اذا انت ماعندك احد برحه يعني :biggrin:
واذا انت صميدعي= شنب
اثبت وياجبل ماتهزك ريح

[رنو]

الله وأكبــر عليـكم

ردود أقف لهـا إحتراما وتقديرا ...

وأنـا مع الاخوه والاخوات أستمـر وأنطـلق ,وخذهـا حلقه بأذانـك أن الطالب اللذي يبدأ بمعدل منخفض يسعى للأفضل والأفضـل ويريد أعلى الدرجـات لأنها عندهـ هدف الحصول على أعلى الدرجـات ,وهذا واقع أغلب الطلبه والطالبات ..

وسبق أن ذكرت لكم قصه أحد الطالبات هنـا .

أنهـا بدأت بمعدل مقبول والترم الثاني صار جيد والثالث جيد جدا والمستوى الرابع ممتـاز والآن في هذا المستوى وصلت لمعدل ممتـاز مرتفـع ,علمـا بأنها أم لـ9 من الأطفـال وبنتهـا الكبرى تدرس بالجامعه ولم يتوقف طموحهـا ماشاء الله تبارك الرحمن عليهـا .

أستمــر ودربـك خضر:rose:

[soso ♡]

اكيد ماراح اقولك انسحب الا اذا كنت من
اللي يدخل الاختبار ع البركه يعني من غير مذاكره ومجهود
وش الفايده حتى لو نجحت ،
طعم النجاح ماتحس فيه الا اذا تعبت و شديت حيلك
المستوى الثاني سههههل يمدييك ترفع معدلك باالراحه
باالتووفيق لك يارب

[هتآآن]

شد حيلك واستمر لا تستلم .. ولا بد من العقبات ..

وكلها دارسه .. ومستوى اول معذور ماتعرف النظام و و و

وخلاص الحين عرفت طريقتهم وعرفت نظامهم

ومن الترم الثاني رتب لك جدول خفيف وحليوو .. تقدر ترفع معدلك .. والله يوفقك

[NOW OR NEVER]

انت ملك نفسك

وشخص واعي وتعرف قيمة الشهادة الجامعية

تعثر في ماده او ثنتين ما يشكل مصيبة او نهايه

اجزم وشد اطنابك صح بالجامعة كان عندك طموح

والا أرحل ولا تشغل بالك اذا ما عندك عزيمة

نصيحتي لك

كمّّّل

وربي يوفقك

انا اقل درجات كانت عند في اول فصل وشديت على نفسي والحمد لله درجاتي مرضية بتوفيق من الله


حسبة بسيطه

لو جبت بالفصل الثاني معدل 4 معدلك بيصير 3 او قريب منها


بالتوفيق

[داديّ]

معدلي بالمستوى الاول ٢ حاف
الآن ولله الحمد فوق الأربعه !
كمّل ولاتخلي أول عقبه تثنيك بالعكس عندك فرصه كبيره ترفع معدلك ..
بالتوفيق ..

[شجن الذكريات]

أنا أنزل درجات أخذتها بالمستوى الاول لأني كنت ماني عارفه النظام

بس الحمدلله الحين معدلي مرتفع ولله الحمد ...

نصيحتي لك ..

كمل ولاتنسحب واصل وحقق هدفك

وأنتصر على نفسك بتحقيقك النجاح ....

وبالتوفيق لك أن شاء الله ...:106:

[باشا شاشا]

لا لا انت مادرست الاعندك رغبه وعزيمة بس اثبتها على الواقع انا ادري ملهيات وملذات هالدنيا كثيرة بس اصبر وانا اخوك وخلها خلف ظهرك وبتشوف نفسك تحقق افضل النتائج وانصحك وانا اخوك تابع هالمنتدى باستمرار تراه بيفيدك كثير انا في المستوى الاول كان معدلي 3 وشوي والثاني تحسن طفيف الحمدلله الثالث صار معدلي التراكمي 4 ولله الحمد واطمح للافضل والمزيد بتوفيق الله ومساعدة زملائي اعضاء المنتدى ولاينكر جهودهم الاجاحد

[nawaf747]

انا اول مستوى معدلي 1.70 والان رايح المستوى السادس الحمدلله
واصل لا تسقط من اول تعثر
الله يوفقك

[(( أنا هنا ))]

لآآآآآآآآآآآآآآآآآآآآ ..

أنصحـك تستمر ولايأثر عليك المعدل ..
اول مستوى لي كان معدلي في الحضييييييض ..

والحين صاير معدلي من 3 و 4 ..


والله جامعتنا فيها يسر وسهوووووله أحسن من الجامعات الثانيه ..


توكل على الله ولايأثر عليك أي شي ..


بآلتوفيييييييق ..


الـنـوري

[أحمد باسمح]

أهل مكة أدرى بشعابها

[موفق]

اخ سلوم

يعتمد على اسباب تدني معدلك اذا مالك رغبة في الدراسة وتدخل بس اختبارات خذها من قاصرها وريح نفس ووفر فلوسك

اذا تدني معدلك بسبب عدم قدرة على استيعاب المواد الدراسية نفس النصيحة لا تعب نفسك يمكن الله ماكتب لك مجال في التخصص هذا او الجامعة هذه بالذات

اذا اسباب تدني معدلك اهمال منك وعندك الرغبة في الدراسة شد حيلك وواصل

الدراسة ماهي صعبة ولا مستحيله المسالة ترجع لك انت تبي او لا ؟ حدد خيارك وبعدها اتخذ قرارك

[مكافحه]

استمر اخى فى الله واعط للمذاكره وقت للفهم والحفظ :(204):حفظك الله ورعاك

[MÓĴŖđ ЗЋŠåŠ]

1.98 !! ..
سلوم ايش هذا معدل درجات المشاركة والواجبات والتحميل ؟! ..

[sama1]

بالتوفيق بالنسبة لمواصلة الدراسة انت الي تعرف قدراتك هل طموحك يستحق انك تكمل او تنسحب فكر

[صالح مريح]

كمل
تراه ترد من اصل ثمان اترام

يمديك ترفع وتعدله بسهوله

[aboudi5]

أوف وش هذا الرقم معدل ولا تخفيضات بنده ، يا بو الشباب أنا أعتبر المستوى الأول والثاني نقنقة والله لو ما تفل كتاب ولا دفتر ما وصلت الدرجة كذا شكلك إذا ما تعرف الجواب تخلي الإجابة فاضية ، يا بو الشباب أنصحك تشوف لك شغله ثانية ، وكيف إنت جبت هذه الدرجة ، كسرت خاطر الدكتور ولا كيف ، ما ني فاهم الرقم شكلهم حطولك درجات المشاركة بس ، تأكد يا بو الشباب

[محمد الخيبري]

يابعدي هذا قرارك انت بس اذا كنت ناوي تكمل حط ببالك لابد من الاهتمام والمذاكره واذا تبي تبزوط لا والله لاتكمل ولاتتعب حالك وتصدق بالمبلغ :biggrin: .وتحياتي لك

[ملك بلا ملكه]

لا والله كمل

انا لو اقولك كم معدلي الفصل الاول بتنجلط

[أسير المحبه]

شوف ياخوك اذا بتمشي بالبركه مثل ماقالو الشباب انصحك لا تتعب نفسك
أما اذا بتراجع وتذاكر أنا اضمن لك انك راح تعدي الجامعه بس شد حيلك وخل لنفسك فرصه انك تراجع قبل الاختبارات بشهر:53:
:oao:

[ليمونة حامضة]

إذا بتنسحب فهذا اول طريق للفشل وطريق الفشل ماله نهاية

توكل على الله وشد حيلك وكمل ونظم وقتك بين حياتك الخاصة وبين الدراسة

مش معناته انك تجيب معدل نازل يعني خلاص تترك الدراسة بالعكس هذا يعطيك دافع انك تدخل بتحدي مع نفسك


خليك طموح :(204):

[يزيد الدوسري]

تدري عاد .. أسهل شيء في الدنيا الانسحاب ..! والاستسلام ... ! :sm12:
الدنيا كلها يبغالها صبر وشدّه حيل
نصيحتي لك .. لتقاتل حتى النهاية

لتقبل هذا الموضوع هدية .. نجاح رغم الفشل
إبراهام لنكولن فشل في الأعمال الحرة عندما كان عمره 21 عاما...
ثم خسر في الانتخابات عندما كان عمره 32 عاما...
وفشل مرة أخرى في الأعمال الحرة عندما كان عمره 34عاما...
وتوفيت خطيبته عندما كان عمره 35عاما...
وأصيب بانهيار عصبي عندما أصبح في 36عاما من عمره...
ثم خسر الانتخابات وعمره 38عاما...
وخسر انتخابات الكونغرس حين كان عمره 43عاما...
وخسر مرة أخرى عندما كان عمره 46عاما...
ثم خسر سباقا للفوز بلقب سيناتور.
وفشل في أن يكون نائبًا للرئيس, وعندما أصبح عمره 52 عاما أصبح رئيسًا للولايات المتحدة الأمريكية.
*ما أعجب الإصرار على النجاح, رغم الإخفاقات المتتالية التي تعرض لها... إنه الانتصار على اليأس وتحويله من قوة سلبية ضاغطة إلى قوة إيجابية دافعة للإمام!:106:

[صقر حايل]

ماتبي له كمل... واعتبر الي مضى كبوة جواد وحاول تعوض وتثبت لنفسك وللناس انك قد التحدي وعندك طموح والمعدل امره سهل انت ببداية الدراسة ويمديك ترفعه ترا وانا اخوك شهادة جامعية حتى لو بتقدير جيد افضل من ثانوية بتقدير ممتاز الا اذا لك وجهه ثانية بجامعه اخرى.
تحياتي

[ابوعبدالرحيم]

لا تستسلم من البداية كم من أخذ أقل من معدلك وتخرج !!!!!!!!!!!!!!!
إلى الامام إلى الامام وبالتوفيق ان شاء الله :33_asmilies-com::33_asmilies-com::33_asmilies-com:

[ARAMCO GUY]

ماودي احطمك بس مايكلف الله نفسا الا وسعها والخيار لك بالاول والاخير

اذا معدلك كذا افصل من جامعه الملك فيصل وابدا من جديد في جامعه الملك عبد العزيز

انتساب من فيصل او عبد العزيز كلها نفس الشي

وابدا وذاكر من جديد
فرق اذا ذاكرت عشان تجيب فوق ال4
وفرق اذا ذاكرت وشديت حيلك ويمكن ماتعدى ال4

اهم شي الاساس


واخر شي

اذا نويــت احذر تعلم بطــاريــك ........ كم واحدن تبغى السنع منه واغواك

الله يوفقك

[أم مشعل]

اسأل نفسك, هل التخصص علم الإجتماع هو فعلاً مرادك ؟؟؟

إن كان الجواب ( نعم ) فلابد ان تحاااارب لتصل
إن كان الجواب ( لأ ) فلابد من تغييره

بالتوفيق

[أديم2008]

هلاااااخوي انااول ماادخلت كان معدلي نفسك معطني انذار اول بس الحمد الله شديت حيلي ومع العزيمه والاصرار
قدرت ارفع معدلي والحمد الله الحين ريحه مستوى سادس
اهم شي يكون عندك دافع وعزيمه كمل ومااعليك لاتيأسين وخلي ايمانك بالله قوي وان شااء الله تنجح ويرتفع معدك الله بس ذاكر اول باول علشان تنجح ونصيحه خذ مواد سهل مررره وخل عدد الساعات قليل علشان يرتفع المعدل
وبالتوفيق

[queen 2]

انا اول ترم كان معدلي مره نازل يعني قريب من معدلك
والحين انا في المستوى الرابع ومعدلي 4،64
ماشاء الله علي:d5::060:

[ندى العالم]

الإنسحاب أفضل لأنه مستواك مرة نازل هذي دراسة ماهي لعبة وفرصة إررتفاع المعدل في المستوى الأول والثاني إلا إذا شديت حيلك المستوى الثاني وجبت فوق معدل فوق 4 يمكن تكمل فكر زين والقرار لك

[يارا العسل]

ممكن سؤال ""
لو اعطيت انذار رابع "" وانفصلت "
اقدر اسجل في نفس الجامعه واغير التخصص ؟؟
او اقدر اللحين اغير التخصص ؟؟
ابغى نصيحه
ممكن رقم الجامعه ؟"
بالتوفيق للجميع :(269):

[يارا العسل]

ماحد رد عليي ؟"":(269):

[خالد م العتيبي]

يابن الحلال وشتبي بالدراسه انحش احسنلك والله ماعندك ماعند جدتي سجلك في نادي كرتية ولا اشترلك كفرات جديدة وفحط وهجول احسنلك تدفع الفين ريال واخرتها معدلك واحد طع شوري لا تكمل ولا يهمونك :24_asmilies-com::mh12::33_asmilies-com:

[{%{محمد}%}]

انصحك غير التخصص اذا في مجال وربي يوفقك

[القدس]

لكل جواد كبوة

[رعبوب الحمام]

انسحب وأبد من جديد لانه مب زين يكون في سجلك الاكاديمي مواد حاملها

[SMART.BOoOY]

يارجال اللي يسمعك يقول حنا معدلنا 4 وطالع اغلبنا حولك في البداية وشدينا حيلنا الحمد لله


تبي تنجح بالسهل لا ذاكر وشد حيلك ولاعليكـ من بعض المحبطين :biggrin:

[فنوُ *]

كمل تتعوض :biggrin:
اني كنت اجيب مثلها :bawling:
والحين صكيت بالاربع ووو عليها :060:
تتطور مع الايام لا تنسحب وبتتيسر :064:
السنه الاولى معروفه صعبه ثم تتسهل حاول ع ترم الجاي تاخذ مواد سهله جداً وقليلة :biggrin:

[سنشيرو الحفر]

الله يوفقك ياسلووم

[إلسهر]

السلام عليكم والله نصيحه إذا أنت تبي ولك نيه بتعرف مصلحتك وين أنت تدري والكل يدري إن هذا الزمان الشغل مايمشي إلا با الشهاده الجامعيه وإذا أنت شايف نفسك إن الجامعه مراح تفلح فيها نصيحه أطلع .......والقرار الأول والأخير لك لأنك الوحيد اللي تعرف مصلحتك:106::106::106::106::106::106::106::106::106 :

[وزيرة]

أنت كتبت المعدل !؟ بس ماعلمت آش أسبابـه!؟ عموماً أنت أعلم بهـا إذا أهمـال شد على نفسك إذا تذاكر وتجتهد وهذا معدلك "مع أني ماأعتقد" شد على نفسك وعط نفسك فرصة ثانيـة وإذا كررت نفس المعدل أتخذ القرار اللي يرضيك مـاراح أقولك أنسحب ولا كمـل لأن يعتمـد !؟ نـاس تعشق المحـاولات لأنهـا تؤمن بأنهـا سر النجـاح والفشل لايعني السقوط دائمـاً
مع أني أنصحك تشد على حيلك وتنجـح يامعوووووووود الشهـادة مهمـه أحنـا عندنـا شهادات وياالله نلقى وظايف شلون لو ماعندنـا !؟
حط لك طموح قدام عينك وعييييش التجربـه :sm5: