نأمل استكمال طلب قبولك

[hussain A]

السلام عليكم ورحمة الله و بركاته

لما بدأ التسجيل في جامعة الدمام كنت من اوائل اللي سجلوا

كانت رغبتي الاولى هي حاسب و بما انها لتخصص علمي فالاقرب لها >> علوم ادارية

و انصدمت بالرغبات المسموحة لخريجي شرعي

رغبتين فقط !

الرغبة الاولى و هي الدراسات التطبيقية و الى الآن معلوماتي عنها قليلة

و الرغبة الثانية و هي دراسات قرآنية

توقفت في مرحلة ادراج الرغبات

و سجلت خروج

و اليوم وصلتني رسالة على الايميل و الجوال هذا نصها

نأمل استكمال طلب قبولك وإدخال رغباتك حتى لا يستبعد طلبك - جامعة الدمام

كلمت الدعم المباشر امس و قال لي تواصل مع عمادة القبول

رسلت لهم ايميل و الى الآن ما جاني رد منهم

:icon9:

طلبتكم اخواني و خواتي انصحوني

شسوي ؟

ألغي طلب التقديم و الا ايش ؟

انتظر ردودكم مع خالص شكري و تقديري لكم :rose:

[AsOmH]

وعليكم السلام ورحمه الله وبركاته
بالعكس اخوي قد ما تقدر قدم على الجامعات واكمل تسجيل
ما تدري الخيره وين
واذا تبي تعرف عن كلية الدراسات التطبيقيه
اطلع هنا >> http://www.ud.edu.sa/DU/ar/colleges/col_sciencemgmt/col_as_cs/index.htm
ففيها التخصصات التاليه بعد اتمام السنه التحضيريه ..
اللي هي برامج البكالوريوس :
- تخصص المحاسبة
- تخصص نظم المعلومات الإدارية
- تخصص التسويق
- تخصص إدارة الأعمال
- تخصص العلوم المالية

[hussain A]

الله يطمن قلبك اختي

بس انا سمعت يقولون ان الدراسات التطبيقية برسوم و شهادتها دبلوم مو بكالوريوس

وبعدين اختي كيف يعني ادرس سنة تحضيرية و بعدين انا اختار التخصص و الا هم ؟

و شاكر لك اختي :rose:

[AsOmH]

العفو ويااك
ايه نعم في كلية الدراسات التطبيقيه برامج دبلوووم بالاضافه الى برامج الباكالوريس
وهي بدون رسووم بل تاخذ مكافأه شهريه
وبالنسبه لدراسة السنه التحضيريه
اتوقع في هذي الكليه تكون سنتين تحضيري يعني المواد العامه للكليه تخلص منها في البدايه يسمونه البرنامج التأهيلي
بعدين تتخص في السنه الثالثه والرابعه
وطبعا انت اللي تختار التخصص
لكن يعتمد على حسب المعدل اللي تجيبه في السنه التحضيريه والمعدل المطلوب في كل تخصص
اطلع هنا>>
أولا: البرنامج التأهيلي (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_career_prog_pdf_ar.pdf)
ثانيا: خطة برنامج البكالوريوس
- نظم المعلومات الإدارية (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_manag_info_pdf_ar.pdf)
- المحاسبة (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_account_pdf_ar.pdf)
- التسويق (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_market_pdf_ar.pdf)
- إدارة الأعمال (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_business_pdf_ar.pdf)
- العلوم المالية (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_finance_pdf_ar.pdf)

[hussain A]

متأكدة اختي بدون رسوم ؟ مو بعدين ابتلش ! :000:

و بخصوص برامج الدبلوم و برامج البكالوريس مافهمت

يعني لي حرية الاختيار بينهم و الا كيف ؟

و هل بالامكان لو بغيت بعدين اقدر احول لكلية ثانية لدراسة الحاسب مثلا ؟



ادري تعبتك معاي معليش اختي تحمليني :rose:

[ماهزوا إحساسي]

قدم ومنت خسران شي اذا حصلت غيرها انسحب من جامعة الدمام

[hussain A]

قدم ومنت خسران شي اذا حصلت غيرها انسحب من جامعة الدمام



طيب لو حصلت غيرها

اقدر انسحب نفس طريقة التسجيل و الا بعد روحة و جية و دوخة راس ؟

[AsOmH]

لاعادي
ايه نعم متأكده انها بدو رسوم
فهي كانت اول برسوم لكن قبل 3 سنوات تقريبا صارت بدون رسوم وحالها حال الكليات الاخرى بالجامعه بالمكافأه
واذا حاب تتأكد أكثر راسل عمادة القبول والتسجيل >> ar@ud.edu.sa // vd.grad@ud.edu.sa
والدبلوم والباكالوريس يعني الكليه تعطي برنامجين

برنامج دبلوم ويشمل


التعليم المفتوح .
الدبلومات المتوسطة والقصيرة.
الدورات التدريبية المتقدمة.
الدورات التدريبية المشتركة.
الدورات التعليمية المبسطة.
الدبلومات التأهيلية المتخصصة وفقاً لسوق المعمل
دبلوم السكرتارية والنسخ الطبي


وبرنامج الباكالوريس فالتخصصات اللي ذكرتها قبل
اما بالاختيار بينهم ما اعرف اذا هي الدبلومات تطلع لكم في الرغباات

بس انت اختار برنامج بكالوريس
وبالنسبه للتحويل عادي تقدر بعد ما تخلص 24 ساعه او مستويين دراسيين

[hussain A]

لاعادي
ايه نعم متأكده انها بدو رسوم
فهي كانت اول برسوم لكن قبل 3 سنوات تقريبا صارت بدون رسوم وحالها حال الكليات الاخرى بالجامعه بالمكافأه
واذا حاب تتأكد أكثر راسل عمادة القبول والتسجيل >> ar@ud.edu.sa // vd.grad@ud.edu.sa
والدبلوم والباكالوريس يعني الكليه تعطي برنامجين

برنامج دبلوم ويشمل


التعليم المفتوح .
الدبلومات المتوسطة والقصيرة.
الدورات التدريبية المتقدمة.
الدورات التدريبية المشتركة.
الدورات التعليمية المبسطة.
الدبلومات التأهيلية المتخصصة وفقاً لسوق المعمل
دبلوم السكرتارية والنسخ الطبي


وبرنامج الباكالوريس فالتخصصات اللي ذكرتها قبل
اما بالاختيار بينهم ما اعرف اذا هي الدبلومات تطلع لكم في الرغباات

بس انت اختار برنامج بكالوريس
وبالنسبه للتحويل عادي تقدر بعد ما تخلص 24 ساعه او مستويين دراسيين






كنت متحطم جدا جدا و ردك شجعني و حمسني كثير
ربي يسعدك و يوفقك اختي ما قصرتي
مليوووون شكرا لك و ما تكفي :rose:

[AsOmH]

اقدر انسحب نفس طريقة التسجيل و الا بعد روحة و جية و دوخة راس ؟
اذا انقبلت في جامعه اخرى قبل تودي اوراقك لجامعة الدمام ما عندك مشكله لاتعطي جامعة الدمام اوراقك
وبيعتبرون طلبك ملغي
اما اذا وديت اوراقك عن طريق البريدد الممتاز تقدر تسترجعها بنفس الطريقه

[AsOmH]

العفو آآآآآمين وياك أخوي يسعد الجميع ان شاء الله

[القلب النابض]

حنا بجامعه الملك فيصل التقديم على كلية الدراسات التطبيقية برسووم

يمكن الوضع يختلف عن الدمام الله اعلم

[hussain A]

حنا بجامعه الملك فيصل التقديم على كلية الدراسات التطبيقية برسووم

يمكن الوضع يختلف عن الدمام الله اعلم




الغالبية تقول بدون رسوم
على كل حال أنا كملت التسجيل و نسأل الله التوفيق
شاكر لك خيتي تعبك ومجهودك معي ماقصرتي
ربي يوفقك ويسعدك :rose:

[القلب النابض]

اذا الغيت

خير وبركه

والحمد لله

على كل حال

وربي يكتب لك الخير

[الامبرطوره]

يعني اللحين في كلية دراسات تطبيقه بجامعة الدمام وجامعة فيصل ؟؟؟؟
طيب اللحين لو احول عندكم وانقبل راح تمشي لي مكافاة مثل باقي الكليات ؟؟؟!

[سلطان الحارثي]

الحين الدراسه مدتها 4 سنوات او 5 ؟

كم مده السنه التحضريه ؟

[AsOmH]

يعني اللحين في كلية دراسات تطبيقه بجامعة الدمام وجامعة فيصل ؟؟؟؟
طيب اللحين لو احول عندكم وانقبل راح تمشي لي مكافاة مثل باقي الكليات ؟؟؟!ايه نعم فيه كلية الدراسات التطبيقيه بجامعه الدمام وهي بدون رسوم والمكافاه تكون بسنتين التخصص فقط
وايضا فيه دراسات تطبيقيه بجامعه فيصل وهي برسوم

الحين الدراسه مدتها 4 سنوات او 5 ؟
كم مده السنه التحضريه ؟مدة الدراسه في كلية الدراسات التطبيقيه 4 سنوااات
2 تحضيريه تأهيليه
2 تخصص في مجال معين

[دنيتي قلبك]

التحضيري مدتها ترم واحد ..

لا يوجد دبلووم ..

الدراسة عبارة عن اربع سنوات ..

ترم تحضيري + 3 سمسترات تأهيلي = سنتين تسمى ( تأهيلي ) بدون مكافئة ومواد عامة ..

مطلوب تجيب معدل 2 من 5 لكي تستطيع إكمال الدراسة للبكالوريوس ومن يفشل في الوصول للمعدل المطلوب يخرج بدون مؤهل فقط شهادة تثبت بأنه درس المواد مثلاً شهادة مادة الرياضيات وهكذا ولا تعتبر مؤهل لا دبلوم ولا غيره ..
والطلية من دون رسووم
وبعدها سنتين بكالوريوس .. أول ترم في البكالوريوس تختار التخصص ..

الدراسة حلوة ..

[hussain A]

التحضيري مدتها ترم واحد ..

لا يوجد دبلووم ..

الدراسة عبارة عن اربع سنوات ..

ترم تحضيري + 3 سمسترات تأهيلي = سنتين تسمى ( تأهيلي ) بدون مكافئة ومواد عامة ..

مطلوب تجيب معدل 2 من 5 لكي تستطيع إكمال الدراسة للبكالوريوس ومن يفشل في الوصول للمعدل المطلوب يخرج بدون مؤهل فقط شهادة تثبت بأنه درس المواد مثلاً شهادة مادة الرياضيات وهكذا ولا تعتبر مؤهل لا دبلوم ولا غيره ..
والطلية من دون رسووم
وبعدها سنتين بكالوريوس .. أول ترم في البكالوريوس تختار التخصص ..

الدراسة حلوة ..





ما تم قبولي و سويت تنشيط بنشوف نهاية هالقلق اللي مو مخلص :139:

بس اللي ملون بالاحمر زادني قلق :Looking_anim:

ألحين شلون ادرس واتعب حالي و بالاخير شهادة بس ؟!!

تضارب كثير و انا تايه بصراحة ناس تقول دبلوم و ناس تقول مافي دبلوم :000:

رسونا على بر الله يخليكم :rose:

[الفجر الخجول]

ما تم قبولي و سويت تنشيط بنشوف نهاية هالقلق اللي مو مخلص :139:

بس اللي ملون بالاحمر زادني قلق :looking_anim:

ألحين شلون ادرس واتعب حالي و بالاخير شهادة بس ؟!!

تضارب كثير و انا تايه بصراحة ناس تقول دبلوم و ناس تقول مافي دبلوم :000:

رسونا على بر الله يخليكم :rose:

التاهيلي يختلف عن الدبلوم

التأهيلي تستطيع تكمله الى البكالوريس وتستحق المكافأه بس لازم تحقق المعدل المطلوب
الدبلوم لاتستطيع التكمله الى البكالوريس ولا تستحق مكافأه


كليه الدراسات عندها برنامج تأهيلي اللي يمكنك مواصله البكالوريس في التخصصات الاداريه
وفي دبلوم للبنات تخصص سكرتاريه طبيه

[سلطان الحارثي]

وش هي المواد اللي راح اخذها في التاهيليه ؟ ( عطوني بعض المواد )

هل الدوام طويل او لا ؟ يعني كل يوم من 8 الى 3 ؟

[AsOmH]

المواد موجوده هنا >>
أولا: البرنامج التأهيلي (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_career_prog_pdf_ar.pdf)
ثانيا: خطة برنامج البكالوريوس
- نظم المعلومات الإدارية (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_manag_info_pdf_ar.pdf)
- المحاسبة (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_account_pdf_ar.pdf)
- التسويق (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_market_pdf_ar.pdf)
- إدارة الأعمال (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_business_pdf_ar.pdf)
- العلوم المالية (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_finance_pdf_ar.pdf)

[سلطان الحارثي]

^ انا اقصد وش هي مواد البرنامج التاهيلي

[hussain A]

^ انا اقصد وش هي مواد البرنامج التاهيلي




المواد موجوده هنا >>
أولا: البرنامج التأهيلي (http://www.ud.edu.sa/cs/groups/public/documents/document/mdaw/mdi3/%7Eedisp/col_as_cs_career_prog_pdf_ar.pdf)





اضغط على كلمة البرنامج التأهيلي وبتحصل جواب سؤالك
و بالتوفيق ان شاء الله :rose:

[دنيتي قلبك]

لا بالعكس الدراسة ماتعتبر صعبة ..

و المعدل الكل يجيبه بسهوولة ..

ولا تخاف من شيء المهم الأستخارة أولاً وأخيراً


و الله ييسر لك القبول بالمكان اللي فيه خيره لك ..

ولم أسمع خلال الأربع سنين عن أي حالة لفصل أي طالب ولله الحمد لأن هناك إدارة تراقب درجاتك ومتى ماشعروا بنزول معدلك ساعدوك وخففوا المواد عليك حتى تكون في أمان

[دنيتي قلبك]

أنا متاكدة من ردي ..

أتمنى أن لا تأخذ الكلام إلا من مصدر موثوق ,,

لا يوجد دبلوم فقط بكالوريوس ..