ممكن حـل لمشكلتي بكلية الغد ..؟

[..شمعة حياتي..]

السلام عليكم ..


انا اليوم رحت بسجل في كلية الغد .. بس قالت لي انو ما بعد يفتح التسجيل

قالت يفتح في شهر 7 ميلادي .. يعني اسبوع الجاي تقريبا ..

قلت لها انا بدرس بحسابي عادي تقبلوني بدون الشروط الي حاطينها ..

قالت لا لآآآزم توافي الشروووط حتى لو على حسآآبك .. قلت لها طيب

انا جيت العام وقلت لهم بدرس على الحسابي بدون هالاشروط وعادي

وسويت مقابله بس ما توفقت في هالقابله بسبب اني ما اعرف انجليزي

من بعدها تعلمت انجليزي بنفسي لا دخلت معاهد ولا غيررره ولأن وانا اتعلم

عشان اذا جيت لهم تصير عندي لغه ويقبلوني

بس بعد ما قالت لي هالكلام حطمتني تحطيم مو طبيعي حتى خنقتني العبره:Cry111:

لا حكوومه الا بشروط وحتى الي بفلوس بشروط يعني وين نروووح


الي عنده حل لا يبخل علييي .. انا تقديري جيد وهم يبون جيد جداً


لكم ودي:rose:

[أبو نايف111]

أسعد الله صبااحك....


ممكن أعرف كلية الغد اللي في اي مدينة لان فروعها

كثيره... واذا كنتي بمدينتي وربي تدخلينها...

وحتى لو اللغه الانجليزيه ضعيفه.... وأنا أقولك الكلام هذا

لان دخلو بنات العام الماضي واللي قبله والشروط مو مطابقة لهم.

وعلى فكره مو بس كلية الغد انا اقصد المعاهد الصحية الاهليه كلها

اللي عندنا. لان المعاهد لهم مصالح بمديرية الشؤؤن الصحيه وبالتعليم المستمر

اللي بالمستشفى وكل هذا عند أخوي...
:oao:

وانتي برااحتك واتمنالك التوووفيق.....

[mashael barak]

انتي رحتي لكلية الغد بأي فرع !
انا رحت يوم الاربعاء الي فات لفرع جدةة وتقديرري جيد مثلك
وقالت عادي نقبل من 65 وفوق وقالت التحصيلي والقدرات مو مطلوب اهم شئ المعدل التراكمي
وحروح يوم السبت ان شاءالله واقدم
اما المقابله صحباتي قالو م تأثر على قبولك كيف رفضوك انتي !
+ أنا مثلك ماعندي له بس م توقع لها دخل لانو حيمشوني ان شاءالله ي باقي الخلق :biggrin:

[..شمعة حياتي..]

انا في الدمــآم ... يارب اكون في مدينتك :biggrin:
::::

حتى انا مثلك استغربت ليه ماقلوني العام لاني كنت بدرس بحسابي

بس من الحظ الحلو:biggrin:

[انسان أنا]

الشروط جديدة ونزلت اغلبها الاسبوع الماضي على موقع الكلية
والشي الثاني أن فرع الدمام الاقبال عليه كبير فصعب تلاقي فيه مجال إلا لو انسحبوا طالبات يعني حاولي ولو كاحتياط
وغير كذا حاولي بعد بداية الدراسة لأنه احتمال تصير انسحابات ونفس الشي بعد ظهور نتائج المنح
هذي كلها احتمالات يمكن يوافقوا ويمكن لا

بس اللي مو فاهمه ليش رفضوكي بسبب الانجليزي ؟؟ يعني مو معقولة طالعة من المدرسة ولا تعرفي ولا حرف غير كذا اغلب الطلاب عندنا لغتهم أي كلام ومع ذلك قبلوهم .

جربتي تشوفي الكليات الصحية الثانية في الشرقية؟

********

لازم تدرسي في الشرقية او عادي تدرسي في مكان ثاني؟

[..شمعة حياتي..]

انا الحين لغتي الانجليزيه تعتبر جيده ..

انا قلت بكره بروح بدخل على العميده وبكلمها .. هل تعتعقدون انها توافق:sm1:


لازم ادرس بالشرقيه .. انا متزوجه وعندي بنت و ولد

[انسان أنا]

انا الحين لغتي الانجليزيه تعتبر جيده ..


انا قلت بكره بروح بدخل على العميده وبكلمها .. هل تعتعقدون انها توافق:sm1:



لازم ادرس بالشرقيه .. انا متزوجه وعندي بنت و ولد


جربي حظك أو شوفي كلية أهلية صحية ثانية في الشرقية أو المعاهد الخاصة

[رآزقية]

من جد تحطييييييييم انتي كم نسبتك :mh12:

[اماني الكون]

عذرا لصاحبه الموضوع
كليه الغد :: الدمام ::
تتوقعون يقبلون بنت جايبه في الثانويه 94.91
والقدرات 55
التحصيلي 57
بتدرس على حسابها الخاص
تعرفون السنه نسبه القدرات والتحصيلي مره نازله وان شاء الله خير
:)

[ضاقت الدنيا]

البنات اصلا اللي دخلوا في السنة اللي فاتت كانوا مايعرفون انجلش ومشوهم
اجل لو بيحبكونها على الانجلش ماحد درس
اصلا اللي يعرف انجلش الحين قليل
:g2:
مستغربة انا شلون على حسابك وكييذا ؟!:007:
:icon120:

[..شمعة حياتي..]

حتى انا ما ادري ليه .. بس بشوف وبجرب حضي وبكلم العميده حقتهم

احس ضايقه فيني الدنيا :sm1:

[هدوء البنفسج]

عميدتنا بقرة من الحين اقولك
وكلهم يجيبون الضغط والمرارة
خليها ع الله

بالنسبة لك فرع الدمااام ملتزم بالشرووووط من العااام يعني لو تنزلين نص درجة لو بالفاصلة عن المعدل المطلوب
مايقبلونك السبب كثرة الاقبال عليه صار عندنا ازدحاام وكل سنة يزيد اكثر واكثر

انا اللي مستغربة كيف ارفضوك بسبب اللغة اصلا هذي مقابلة لاتودي ولاتجيب
لانهم مايحطون على حسب مستوى اللغة
وناس كثاااار لغتهم دمار ومنقبلين منحة وفي سنة ثالثة وثانية والامور طبيعية وماشية :biggrin:

يمكن خيرة لك من الله حاولي انتي تقدمين روحي في شهر 7 وسجلي وربي يوفقكِ ويسهل دربكِ

[..شمعة حياتي..]

يعني ما منها فايده :bawling:

[لصقة جونسون]

العميده حددددث ولا حرررج الكل متمشكل معها
وراح تسحب مخك بالكلام
من اللحين تبي تجربي حظك روحي وشوفي كيف تسحيبة المخ :33_asmilies-com:
وترا معاي بنات لو تشوفي لغتهم كيف تموتي من الضحك يعني ابد ماكانت اللغه حاجز ومثل ماقالت هدوء البنفسج يمكن خيره لك من الله
وربي يوفقك