أذكر أخطائك لنستفيد!! [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : أذكر أخطائك لنستفيد!!

ابوهاجر

2012- 6- 29, 05:22 AM

مسآء / صبآح الجوري للجميع ..
أبارك للناجحين وحظ أوفر لمن لم يحالفهم الحظ .. واتمنى لكم التوفيق ..

حبيت اشارككم بموضوع يهم الجميع .. واعتقد انه واضح من عنوانه ..
يا أخوان ودنا نستفيد من تجاربنا ( الدراسيه ) ... حتى لو أخطأنا ...
والمشكله مو في الخطأ نفسه .. ولكن المشكله في مزاولة نفس الخطأ.
أنا بقولكم أكثر الأخطاء اللي سببت لي بعض المشاكل خلال المستوى الثاني ..
الخطأ الأول :
بدأت بحماس شديد أكثر من طاقتي. وبدأت أحمل المحاضرات من اليوتيوب قبل ما تنزل عالبلاك بورد , قلت عشان أتفادى التحميل من البلاك بورد لكثرة الأعطال , وما يتبقى لي سوى المشاهده لاقل من دقيقه وأقفل المحاضره لاحتساب درجة المشاركة.
وتفاجأت بعد المحاضرة الرابعه أن محاضرات الرياضيات تغيرت بالكامل , ومهارات الاتصال ومهارات البحث والتفكير تغير دكتور المادة. وبدأت بمقارنة المحاضرات المحمله عندي مع البلاك بورد واحذف واعيد أحمل وفالنهاية حذفت الملفات كاملة وبدأت أحمل من أول وجديد. وأخذت أغلب وقتي وانا محتار هل انا شاهدت والا اعدت التحميل والا لا .. يعني تلخبطت.
الخطأ الثاني :
بالمستوى الاول كنت أحمل المحاضره بالنسخ الموجوده كلها .. وبدأ الجهاز يثقل بالاضافه الى الوقت المستهلك في التحميل .فوجدت أفضل شي أحمل بنسخة الجوال .. والحمد لله ما تأثرت درجات المشاركة خصوصا في المستوى2.
الخطأ الثالث :
كثرة الإستشارات فيما يخص الجدول الدراسي .. فأنت أدرى الناس بنفسك وقدراتك .. أنا أخذت 7مواد بالمستوى الثاني .. واستبدلت مواد من مستوى3 و 4 ( حسب بعض التوصيات ).. حقيقة ماخلصت المستوى الا وانا في حالة يرثى لها.
الخطأ الرابع :
الإعتماد على شرح بعض المجتهدين بدون ما ارجع للمحاضرة. تفاجأت قبل الاختبار أن بعض المعلومات مغلوطه بالاضافه الى طرق تعتمد على ( اذا جاك كذا بالسوال حط كذا ) وكأنك تعتمد على شكل السؤال خصوصا في المحاسبه2 والرياضيات2.
الخطأ الخامس :
كثرة تحميل الملخصات و غيرها ( التحميل العشوائي ) , سبب لي الرعب من المادة .. افتح ملف الملخصات خصوصا مادة المحاسبه2 أجد أكثر من ثلاثين مستند !! ففي نفسي أجد صعوبه تلقائيه من استيعاب الماده.. ولما بديت ادقق في المستندات وجدت اغلبها متكرره .. ولكن التحميل العشوائي وما يسوي.
الخطأ السادس :
البداية المتأخرة .. أنا بدأت المذاكره قبل الاختبار بشهر وشوي .. حقيقة عانيت معاناه مايعلمها الا الله .. فارتباطاتي الاسريه وعملي كأنهم متفقين عليه في هذي الفترة .. بالاضافة الى عبء السبع المواد. فندمت اني مابدأت من اول المستوى ولكن ثقافة ( سوف افعل ولكن بعدين )
أو ما يعرف بالتسويف. فارى ان افضل شي وضع جدول اسبوعي للمذاكرة ..
لو تفضي نفسك 7 ساعات موزعه على الاسبوع أضمن ان نهاية المستوى ليس الا مراجعه بسيطه والدرجة لا تقل عن جيدجدا.

أتمنى من الجميع الاستفاده وعدم الوقوع في نفس المشكلة ..
وطبتم وطابت لياليكم ...:106:

لحظات صدق

2012- 6- 29, 06:39 AM

أكبر خطأ الخوف والقلق من الامتحان والسهر المتواصل

من واقع تجربة اذا ما نمت نوم كافي ما راح تقدر تركز

اسئلتنا للاختبار اسئلة اختيار من متعدد يعني مع التركيز راح تقدر تحل

انا مو من النوع اللي احفظ بسرعه لكن الحمدلله المهم القراءة بتركيز وفهم مش حفظ وخلاص

حصلت لي ظروف قبل الامتحانات باسبوع لاني اجريت عملية وكنت طيلة هالفترة احاول اني اركز في المذاكرة بس من التعب احس اني مو قادره ادخل شي بمخي

وليلة الامحان كنت مررره خايفه وبعد يوم الامتحان كنت ارتجف وتعب :(

حاولت اهدي نفسي واهدي الخوف ما بيفيديني ع الاقل احاول اركز واشغل تفكيري والحمدلله الامتحان مضى الامتحان على خير ^^

الاختيار من متعدد مش صعب شوية تركيز بس وبعض الاسئلة بديهي تعرف جوابها وبعضها من السوال حتى

الله يوفقكم وشكراً ع الموضوع

Just have fun

2012- 6- 29, 08:52 AM

أنا الحمد لله ماشي جنب الجدار و المحاضرات اذا تأكدت من دكتورها و ما نزلت بالبلاك بورد تابعتها باليوتيوب و أحملها كامله إذا نزلت بالبلاك بورد و أحفظها بجهازي
يمكن أخطيت إني ما نزلت الترم الي راح إلا 13 ساعه (خمس مواد)

بالتوفيق للجميع

الطائر

2012- 6- 29, 10:18 AM

اهم شيء كل اسبوع تفتح البلاك بورد و تشوف هل المحاضرات نزلت ولا لا؟ لو نزلت ... على طول تفتح مادة ماده ... هل هناك واجبات ؟ لو في تبدأ بحلهم واحد واحد .... و تواصل .. ... حتى اخر محاضره

قبل الأمتحانات بشهرين انت المفروض بدأت تعمل خطة مذاكره لجميع المواد ... :33_asmilies-com:

MlÕkЋ

2012- 6- 29, 11:57 AM

الحمدلله ماصارت معي مشاكل ولاي خطاء للحين من ناحيه الدراسه واستفدت من موضوعك
كثييييييييييير الله يعطيك العافيه :tongue: بس جدول الاختبارات ااااااااااااااه ومادراك ماجدول الاختبارات :139:
مو تذاكرون وتكرفون ويوم تحضرون للاختبار تلاقونه خلاص فاتكم خلاص بح :eek: الناس اختبرت
وطلعت :Looking_anim: حطوه بكل مكان ع الجدار داخل دولاب الملابس ع المكتب خلفيه اللاب بكل مكان
بالبيت عشان تصمونه صم ترزونه قدامكم 24 ساعه ولاتحملون الماده ليه رسبت يافلان عشاني
ماجيت الاختبار :biggrin: يافشلتي قدام العربان :mh12: وياحبذا تحركون بدري من البيت امكن يبنشر
الكفر صار حادث لاسمح الله ترى مادروا عنك والله بالطقاق تاخرت خلاص حامل يعني حامل الماده :wink:
والله يوفق الجميع ومشكور ع الموضوع المفيد والله تسلم :tongue: :rose:

MlÕkЋ

2012- 6- 29, 11:58 AM

Turning point

2012- 6- 29, 06:57 PM

موضوعك في الصميم
الجدول انا دائما اقول ليه نغير الخطه طالما ساعاتك تسمح لك
قسم الادارة معارضين لعدم وجود الخطه واللي عند خطه يغيرها انا راح امشي على الخطه عشان اتخرج في نفس المدة المحدده بس فيه تعارض في مستوى ثاني علم اجتماع راح اكنسل ماده واضيفها مستوى ثالث ان شاءالله واقدر اضيفها من غير ماتتغير الخطه
نقطه المشاوره والاستشاره اخي الفاضل صحيحه كل شخص المفروض ادرى بنفسه وما يكثر منها علشان ماتجيه الوسوسه
تحميل ملفات الماده كمان محق تجي تحمل وتلم كل الموجود وتتفاجأ انه مكرر
موضوع رائع

SMART.BOoOY

2012- 6- 29, 07:13 PM

الاهمام الى ان اقتربت الامتحانات في المستوى الاولى والثاني لاكن الان تعلمت من خطئي ولله الحمد

ذاكر اول باول ترتاح في الاخير

بحر العطا

2012- 6- 29, 08:01 PM

Turning point

2012- 6- 29, 08:26 PM

صراحه موضوع رااااائع واستفتد منه ايظن

بس للي يقول ذاكر أول بإول انا ذاكرت جميع المواد وخلصتها قبل الاختبارات

بس تفاجاءت يوم جت الاختبارات وابي اسوي مراجعه فقط تفاجئت اني كني أول مره افتح الماده والله :icon9:

انصدمت والله فتم اعادة المذاكره من جديد ،،،،، وانا متردد في المذاكره اول بإول في هذا الترم ؟

ماهي نصيحتكم جزاكم الله خير

بحر العطا

انا كمان خلصت المذاكرة قبل الاختبار باسبوعين ايام الاختبارات كنت مرافقه في المستشفى ارجع البت كم ساعه وبس كنت احل الاسئله والحمد لله نسبتي 4.70 بس مادة الاداره ماجاب من الاسئله ﻷاعوام السابقه عصرت مخي عصر في اللجنه وكنت خايفه اني اخفق بس ربك كريم جبت 91 ومادة التحرير العربي والله الاسئله كانت من جد وجع راس وامادة ة تغير منهجها هذا الترم مافيه اسئله بس اعتمدت على التركيز الشديد في فهم السؤال والحمد لله كمان جبت 91
اول مابديت احل في الاسئله صدقت كأني ماقرأت شي بس شويه شويه مشي الحال
شكرا صاحب الموضوع

بحر العطا

2012- 6- 29, 08:55 PM

انا كمان خلصت المذاكرة قبل الاختبار باسبوعين ايام الاختبارات كنت مرافقه في المستشفى ارجع البت كم ساعه وبس كنت احل الاسئله والحمد لله نسبتي 4.70 بس مادة الاداره ماجاب من الاسئله ﻷاعوام السابقه عصرت مخي عصر في اللجنه وكنت خايفه اني اخفق بس ربك كريم جبت 91 ومادة التحرير العربي والله الاسئله كانت من جد وجع راس وامادة ة تغير منهجها هذا الترم مافيه اسئله بس اعتمدت على التركيز الشديد في فهم السؤال والحمد لله كمان جبت 91
اول مابديت احل في الاسئله صدقت كأني ماقرأت شي بس شويه شويه مشي الحال
شكرا صاحب الموضوع

مشاء الله عليك

والله نسبتك ممتازه جداً

انا صراحه نجحت بس ماجبت المعدل للي تعتب علشانه من وقت وجهد وووووو ......الخ

بس الله لايضيع لي التعب

MlÕkЋ

2012- 6- 29, 11:27 PM

هلا اخوي بحر العطا والله انا نفس حالتك اذاكر اول باول ويوم قربت الاختبارات وجيت اذاكر صدمه :eek:
وربي صدمه الماده كني اول مره اشوفها ماعرف غير اسمها الفرق الوحيد انه اسرع بالمذاكره شوي
علي لانه هالمعلومات عدت علي من قبل بس ماقولك ماطول بالمذاكره الا اطول اقعد بالايام بعد :biggrin:

عاد نصيحتي لك سوي زيي :119:
ماراح اذاكر غير اسئله الاعوام السابقه بصمها صم <<لاني لاحظت كثيييييير جايبين منها الدكاتره
وانا مكلفه على عمري

راح اذاكر المحتوى بس اللي مايدخل مزاجي بسحب عليه كلها دنيا ماتسوى وانا اختك :biggrin:

المواد اللي يبيلها فهم زي الاحصاء مثلا عندنا والنحو الفهم يعني لا ذي يبيلها قعده صراحه
بفتح المحاضرات وحده وحده والملزمه وبتابع مع الدكتور ولازم اسئله الاختبار طبعا :tongue:

بالاختصار كذا ماراح اتعب عمري اهم شي اسئله الاختبار والاسئله تكون اجوبتها اكيده
والمحتوى قراءه بتمعن وحل المناقشات والتحميل اول باول عشان اضمن ال30 درجه

والله يوفقنا <<اعذرني هذرتي واجده بس حبيت افيدك لاني بصراحه ذا اللي بسويه
لاني حسيت تعبت عمري اول سمستر وتحمست واجد على غير سنع :biggrin:

محمد بن جنيد

2012- 6- 30, 12:17 AM

الخطا الوحيد الي طحت فيه

هو تراكم المحاضرات

بدات بحماس وبعدها ترركتها فتره ولقيتها كثيره لحد مانزلت كل المحاضرات وقربت الامتحان وانا مابديت اشوفها الا متاخر خصوصا المواد الي تحتاج متابعه للمحاضرات

شكرا ع الموضوع :rose:

إلسهر

2012- 6- 30, 12:32 AM

إني ماكنت أجيب برايه وياي :biggrin::biggrin: وماي

ابوهاجر

2012- 6- 30, 03:49 AM

إني ماكنت أجيب برايه وياي :biggrin::biggrin: وماي

المستوى الجاي اجيب لك مطاره وبرايه ولا يهمك ... بس شدي حيلك:biggrin:

THE COMMANDER

2012- 6- 30, 04:34 AM

بسم الله الرحمن الرحيم
شكرا لأبو هاجر على هالموضوع .............لكن اغلب الأخطاء اللي تواجهنا بايام الدراسه وهي عديده
لكن يمكن حصرها على عدة نقاط..
1- عدم اهتمامي بالمشاركة وحل الواجبات بوقتها وذلك لكثرة مشاغلي مع أني ليس أبا او عندي مشاغل الزوجية اللتي قد تصرفني عن المذاكره واقصد بذلك الأهتمام بالأهم.
لكن المشكلة بذلك عدم حرص على الدراسه.
2-لااعلم عن الماده الا بليلة الأختبار وهذا الذي جعل في قلبي الخوف الكبير مع عدم المامي بطريقة الدكتور
وهذا اهم نقطه عندي اني اعرف كيف تعامل الدكتور مع الماده وعلى ذلك استطيع ان احاول أن اتفادى من الأسئلة مهما كانت صعبه لان التجارب علمتنا بذلك ولاأستطيع ان أشرح باكثر من ذلك
3- اريد أن اعيد على النقطه الثانية ولكن بطريقه مختلفه .المحاضرات المسجلة والمباشره هي اللتي تعطيك أكثر كيف تتعامل مع الاسئلة وهي كفيل بها دكتور الماده وكيف طريقته بالشرح ..بس يارب يوفق اللي لخص الماده لنا كل هالاترام وتقدر وانت تقرا الماده تعرف كيف تجاوب على الأسئلة
4-الطريقة المهمه وهي الأهم وهي الحمدلله اللي نفعتني بكثير من المواد وممكن اغلبكم يعرف ماهي ؟؟؟
وهي أنك وانت تقرا الماده أو تحل مسائلها سواء كانت مادة فهم او مادة قرءاة يعني حفظ ..وهي انك تفهم المادة أو الموضوع اللي انت تقراه وتحاول بنفس اللجظه انك تخيل السؤال كيف تجي طريقته وبهاذي الطريقه
مهما كان السؤال صعب تحاول انك تجاوب على حسب فهمك وليس على حفظ المادة اللي لاسمح الله قد يضرك ...
ونصيحه ............................مني خاصه اني اللي مثل وضعي عنده أشغال أو راسه مليان أفكار أو من أصل ماهو بدافور انه بالذات لايذاكر الأ ليلة الاختبار حتى لو انه مايعرف ويش تتكلم عنه مادته.. علشان طاقته مايفقدها .باأيام الأختبارات ..وهذا الكلام خاصه للكسالى مثلي وبليز لاتعتبروه كلام حكمه لاني جربت هاذا الكلام مع مواد الحفظ فقط ....

laly

2012- 6- 30, 09:01 AM

هالترم الحمد الله ماوقعت في اخطاء كثير عكس الترم الاول :biggrin:
طبعا الترم الاول ماكنت ادري وش الماده الا ليلة الاختبار :139:
وندمت مره يوم شفت اسئلة الاختبار ماكنت صعبه بس ماذاكرت كنت :icon9:
وهالترم تفديت هالشي احمل المحاضرات اول با اول :biggrin:
وارتب افكري لكل محاضرة بشكل مستقل :cheese:
وبعدين ما ادرس الا معي المحتوى او الملخص وامشي مع الدكتور بالمحاضرات :biggrin:
طبعا المواد اللي تحتاج فهم والمواد الحفظ ما اشوف محاضراتها بس احمل المحتوى او الملخص وادرس منه
طبعا مسويه لي جدول خاص بحيث مايمر يوم الا اقل شي اخصص ساعتين ادرس فيها
طبعا احل الواجبات اول با اول و المحاضرات بعد انزلها اول با اول
بس طحت في خطا ما احضر المحاضرات المباشرة :biggrin::004:
احيانا يكون عندي سوال بس مالي مزاج ادخل المحاضرة المباشره :Looking_anim:
وفي اشياء مافهمتها :sm1:
يعطيك العافية صاحب الموضوع :004::biggrin:

إلسهر

2012- 6- 30, 11:17 AM

المستوى الجاي اجيب لك مطاره وبرايه ولا يهمك ... بس شدي حيلك:biggrin:

وعد منك بنشوف ههههههههههههههههههههههاي حلووووووووووووووو

ريما عادل

2012- 6- 30, 11:32 AM

انا اكبر اخطائي اني اداوم اليوم وانا تعيبانه :bawling: