وظائف أكاديمية بكلية الآداب جامعة الملك فيصل [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : وظائف أكاديمية بكلية الآداب جامعة الملك فيصل

من بين البشر

2012- 6- 30, 07:09 PM

وظائف أكاديمية شاغرة بكلية الآداب

أعلنت عمادة شؤون أعضاء هيئة التدريس بجامعة الملك فيصل عن توفر عدد من الوظائف الشاغرة بمسمى معيد بكلية الآداب وترغب شغلها بمواطنين في الأقسام التالية. 1-قسم الدراسات الإسلامية (رجال ونساء) 2-قسم الدراسات الاجتماعية في تخصص ( التاريخ ، الجغرافيا ، علم الاجتماع ) (رجال ونساء) 3- قسم الاتصال والإعلام (رجال ونساء) 4-قسم اللغة الإنجليزية (رجال) 5- قسم اللغة العربية (رجال ونساء) هذا وقد أوضح سعادة عميد شؤون أعضاء هيئة التدريس الدكتور/ مطلق بن محمد العتيبي لإدارة الإعلام والعلاقات العامة أنه يشترط لشغل هذه الوظائف بأن يكون المتقدم سعودي الجنسية وحاصلاً على درجة البكالوريوس في المجال المطلوب من جامعة معترف بها بتقدير جيد جداً على الأقل وأن يكون حديث التخرج. و على من تتوفر لديه المؤهلات المطلوبة تقديمها عبر الموقع الالكتروني للجامعة من خلال نظام المعيدين والمحاضرين وذلك اعتباراً من يوم الجمعة بتاريخ 9/8/1433هـ الموافق 29/6/2012م و ينتهي في تمام الساعة الرابعة عصراً من يوم الجمعة بتاريخ 16/8/1433هـ الموافق 6/7/2012م علماً بأنة لن يتم استقبال أي طلبات ورقية مع خالص تمنياتنا للجميع بالتوفيق.

للأمانة منقول: http://www.btalah.com/showthread.php?t=439743#ixzz1zIFwAe1E (http://www.btalah.com/showthread.php?t=439743#ixzz1zIFwAe1E)
عن منتدى حلول البطالة

lolo77

2012- 6- 30, 09:56 PM

http://www.kfu.edu.sa/ar/Lists/KfuNews/DispForm.aspx?ID=1439 هذا رابط الخبر بموقع الجامعة

نجلاء سعود

2012- 7- 1, 04:27 AM

معي ماستر .. ينفع أقدم وإلا بس يبون معيدات :mh12: .. ولما دخلت النظام مكتوب بياناتك الأكاديميه الأعلى من البكالوريس في حال لو مقدم على محاضر .. أفيدونا بليز .. أحط أمل عليهم وإلا لا حتى ما اتحطم بالاخير .. ماجستريه عاطلة :sm1:

كيان ckfu

2012- 7- 1, 04:45 AM

جربي حبيبتي ما خاب من جرب وتوكلي على الله

حلمـ ورديـ

2012- 7- 1, 07:56 AM

بالتوووفيق :119:

مثل المطر

2012- 7- 1, 11:42 AM

في التسجيل طالبين معيد ومحاضر رب يوفقنا

شووووووكولاته

2012- 7- 1, 02:51 PM

الله يجزاااااااااااااااااااااكم الجنة ضروري وين الاقي الملف المضغوط اللي فيه الوثيقه والسيره
والسجل

كانوا في سي دي وحملتهم على اللاب بعدهاا شلت السي دي
اللي ابغى اعرف فين الاقيهم بالضبط بالمستندات ولا بالاقراص تكفووووووووووووووووووووووووووووووووووووون
ضرووووووووووووري والله تعبت وانا ادورهم

شووووووكولاته

2012- 7- 1, 02:53 PM

بعدين كيف يصير اسمهم احد يفهمني الله يوفقكم ضرووووووووووووووووووووووووووري

شووووووكولاته

2012- 7- 1, 02:57 PM

انا حفظتهم في جهاازي من زمان والمشكلة انه السي دي ضاااااااااااااااااااااع
اللي ابغى اعرفه وين الاقيهم بالضبط باللاب توب في اي مكاان وايش مكتوب عشان اعرف انهم همه
تكفون ضروووووووووووووووووووووري

مدققة لغوية

2012- 7- 3, 01:51 AM

بنت التاريخ

2012- 7- 3, 11:36 AM

السلام عليكم ورحمة الله و بركاته ..
عندي استفسار :
ماالفرق بين كلية التربية و كلية الآداب التابعتين لجامعة فيصل ؟؟
و هل كلية الآداب هي نفسها كلية الآداب في الراكة أم لا ؟؟
أسأل الله التوفيق للجميع ..

كليه التربيه التابعه لجامعه فيصل موجوده بالجامعه نفسها بالاحساء

وكليه الاداب كانت سابقا كلبه التربيه الادبيه للبنات وحولها كليه اداب

موجوده ايضا بالاحساء قبل الاحساء مول شارع لرياض

مافي عندنا بالاحساء راكه اتوقع تقصدين الخبر

من بين البشر

2012- 7- 7, 12:26 AM

اليوم سكر التقديم ولاحظت بالشروط كاتبين أختبار ومقابلة شخصية أن وجد إن شاء الله مايكون فية إختبار
لأن أحس أنه مو معيار مهم حتى نتايج الإختبار مايعلنونها عشان إلي نتيجتها ماهي زينه توفر روحة المقابلة إن شاء الله تكون فقط مقابلة فقط :mh12:

نجلاء سعود

2012- 7- 7, 03:00 PM

مرحبا بين البشر .. ياليت لو نتعاون ونعلم بعض في مواعيد الكليه من اختبارات ومقابلات .. وياليت كل البنات يفيدونا لو جاهم اتصال من الكلية حتى مايطول انتظارنا وتكون النتائج طالعه وحنا على غفلة ماندري :mh12:

بنت التاريخ

2012- 7- 7, 03:09 PM

حاولت ادخل اتابع الطلب يطلع السجل المدني خطا

من طلع له مثلي

نجلاء سعود

2012- 7- 7, 03:49 PM

بنت التاريخ

2012- 7- 7, 04:35 PM

بنت التاريخ ليش يطلع خطأ غريبه .. شوفي خلي الخانتين اللي فوق اللي تطلب كلمة المرور .. وسجلي بالخانتين اللي تحت اللي فيها رقم السجل المدني ورقم الجوال .. أعتقد برقم الجوال راح يبين لك الطلب بإذن الله

جربت بالثنتين يطلع خطا بالسجل المدني او كلمه المرور مع اني متأكده

فكرت كلكم مثلي غريبه ليش انا

مع انو الايام اللي راحت كلها يطلع مازال طلبك قيد الدراسه

واحة الموت

2012- 7- 7, 04:46 PM

أنا اعتقد و الله العالم انو اللي سجلت في الوظائف الإدارية
حذفوا تسجيلها في الوظائف الاكاديمية اللي هي وظائف الاعادة
و حسبي الله عليهم لو كان إعتقادي صحيح :017:
من كثر الوظايف يعني عشان ننحذف :hahahahahah:
لأنو حتى انا نفس الشئ

Distinguished

2012- 7- 7, 04:53 PM

ايييه مو بس انا عندي نفس المشكلة خخخخ ،، سجلت بالمنتدى خصيصا علشان هالشي
حتى انا يا بنت التاريخ يطلع لي نفس مشكلتك ،، السجل المدني خطأ مع اني امس اخر الليل دخلت و كاتبين (طلبك تحت قيد الدراسة) ،، و الحين الرقم خطأ :/

أنا اعتقد و الله العالم انو اللي سجلت في الوظائف الإدارية
حذفوا تسجيلها في الوظائف الاكاديمية اللي هي وظائف الاعادة
و حسبي الله عليهم لو كان إعتقادي صحيح :017:
من كثر الوظايف يعني عشان ننحذف :hahahahahah:
لأنو حتى انا نفس الشئ

لا ما اتوقع ،، انا ما سجلت الا بالوظائف الاكاديمية و اول مره اسجل ع موقع الجامعة ،،

لوجي الشرقية

2012- 7- 7, 10:05 PM

-

وأنا أيضا يـ بنات / يطلع خطأ وانا متأكده ليش !!

لوجي الشرقية

2012- 7- 7, 10:37 PM

_

كيف نعلم هل تم القبول ام لا

احد ووصل له شي

من بين البشر

2012- 7- 8, 12:31 AM

أنا الحمد لله كمل تسجيلي بعد مافقدت الأمل فية لأن سارت عندي مشكلة في الملف عيا ينرفع
ونتابع طلب التقديم من خانة متابعة الطلب ويطلع لي قيد الدراسة .

لوجي الشرقية

2012- 7- 8, 12:39 AM

_

انا أيضاً مكتمل - لكن م أقدر أتابعه !!

صمت السكون

2012- 9- 6, 04:13 AM

هذا الاعلان ووووووووووش صار على نتائجه
ياجماعه
اذا حد عنده خبر يفيدنا
والا يحط لنا رقم نراجعهم

مناجاة العاشقين

2012- 9- 6, 04:30 AM

هذا الاعلان ووووووووووش صار على نتائجه
ياجماعه
اذا حد عنده خبر يفيدنا
والا يحط لنا رقم نراجعهم

المسؤله عن الاعلان عمادة شؤون أعضاء هيئة التدريس

تفضلي هذا وسائل الاتصال اللي موجوده

عمادة شؤون أعضاء هيئة التدريس
جامعة الملك فيصل
ص.ب 400
الإحساء 31982
المملكة العربية السعودية
تحويله داخلية: 2080
مباشر: 0096635807156
فاكس: 0096635807831
البريد الإلكترونيfaculty@kfu.edu.sa

http://www.kfu.edu.sa/ar/Deans/Faculty_Affairs/Pages/ContactUS.aspx

موفقه:106:

صمت السكون

2012- 9- 7, 11:38 PM

شكرا جزيلا

الحب الراحل

2012- 9- 8, 12:17 AM

متي تنزل النتائج ؟؟؟

بنت التاريخ

2012- 9- 8, 03:35 PM

http://www3.kfu.edu.sa/FacultyDeanship/jobs2.asp

تابعوه الين الله يفرجها

بادجي

2012- 9- 9, 01:23 AM

بنات انا دخلت على متابعه الطلب

وطلع لي كذا

هل انا الان لا يحق لي دخول الامتحان
http://im14.gulfup.com/2012-09-09/134714284191.jpg

Mr.Linguistics

2012- 9- 9, 07:17 AM

اهلا وسهلا

بالنسبه لي
راجعت الطلب والى الان مكتوب
تم تحويل الطلب الكترونيا للكليه

يعني مافي اي مستجدات للان

الله يوفق الكل ويعمل مافيه الخير

صمت السكون

2012- 9- 9, 10:31 AM

نفس الكلام

Mr.Linguistics

2012- 9- 10, 06:57 AM

السلام عليكم

استفسار مهم جدا

اذا دخلت على النظام مايدخل
يكتب لي كلمه المرور او اسم المستخدم غير صحيح

بلييز خبروني
حد حاصل معاه هالشي،؟؟

بنت التاريخ

2012- 9- 10, 10:15 AM

اي نظام قصدك ايقونه متابعه الطلب

اذا هذا قصدك انا دخلت يطلع لي Network Error

Mr.Linguistics

2012- 9- 10, 12:45 PM

اي نظام قصدك ايقونه متابعه الطلب

اذا هذا قصدك انا دخلت يطلع لي Network Error

بالضبط اختي ... هذا اللي اقصده

ماهو ضابط يطلع لي نفس الشي

بس حصلت رابط ثاني وضبط
جربيه يمكن يضبط معاك

http://apps.kfu.edu.sa/FacultyDeanship/jobs2.asp

بالتوفيق يارب

بنت التاريخ

2012- 9- 10, 01:12 PM

ضبط معاي بس نفس الرساله المعتاده

تم تحويل الطلب للكليه

Mr.Linguistics

2012- 9- 11, 10:18 AM

السلام عليكم

تكلمت مع احد المسؤولين في القسم عن موعد اعلان النتائج وقالي انتظر الى انهم يعلنون
بعني ماحدد لي موعد معين
هل في احد عنده فكره متى بيكون موعد اعلان النتائج؟

شكرا