استفساراتكم حول دكاترة قسم الاحياءوخطة القسم ومتطلباته~

[نهر الوفاء~]

بسم الله الرحمن الرحيم


اسعدالله صباحكم \ومسائكم بكل خير وراحه ..

اهلابطالبات وطلاب كلية العلوم وجودكم شرف لنا..
ويهمنا تقديم افضل الخدمات لكم ..

هنا تجدون خطه القسم اخر تحديث
http://im25.gulfup.com/2012-08-27/1346083030535.jpg
http://im16.gulfup.com/2012-08-31/1346437092876.jpg

[/LIST]كما يمكنكم طرح أي استفسار يخص دكاتره القسم فقط

ملاحظة:

((يرجى التقييد بقوانين الملتقى بعدم تجريح اعضاء هيئة التدريس او مساسهم بسوء))

موفقيين ..

تحية طيبه من اشراف القسم

نهر الوفاء ....القلب النابض

[القلب النابض]

موضوع مميز نهر يعطيك العافيه

اخواني اخواتي

هنا فقط يمكنكم بث معلوماتكم واستفساراتكم

حياكم الرحمن

بخدمتكم قدر استطاعتنا

[عباس الاحمد]

الأستاذة الفاضلة // القلب النابض
والأستاذة المتألقة // نهر الوفاء

لكما كل الشكر والتقدير لهذه الجهود الموفقة والرائعة
في خدمة الطالب والطالبة ولاسيما اننا مقبلون على
عام جديد وطلبة جدد فأنتما اختصرتما المشوار عليهم
في عملية المعلومات الهامة والضرورية للكلية

واسمحوا لي بإضافة بسيطة وهي الخطة الدراسية للكلية
شاملة جميع الأقسام مع وصف المقررات
http://www.kfu.edu.sa/ar/Colleges/Science/Documents/خطة%20كلية%20العلوم.pdf

الخطة الدراسية لقسم علوم الحياة
http://www.kfu.edu.sa/ar/Colleges/Science/Departments/Dep_3/Pages/section_1.aspx

أجمل امنياتي لكما بالتوفيق والنجاح والتألق الدائم
في هذا الملتقى المبارك
لاحرمنا الله جهودكما وجهود المميزين والمتميزات امثالكما

والله يحفظكم ويرعاكم

[Jony]

شكرا لكم ,,,



.

[عباس الاحمد]

http://im17.gulfup.com/2012-08-26/1345979449432.jpg

["حياتي لك"]

الاستاذه ناهد سعيد حسن غزال 'أحياء عملي+نظري'
معلوماتكم عنها كيف الشرح +الدرجات+الآختبارات
:106:

[Nany99]

وفريآل المسديي "نظريي"

[القلب النابض]

هلا فيكم

ناهد كوويسه حسب كلام البنات والتفاصيل عند باقي بنات الاحياء

فريال المسدي

درستني الدكتوره مصريه وتحب الهذره وتبدا من اول المحاضره لاخرها ما تخلص شرح

بس اسالتها حلوه وسهله

وتشرح بذمة وضمير وتطلب مرجع

وان شاء الله يفيدونكم

بنات الاحياء بصوره اكبر

[♥حـگــآيــۃ قلب]

د .فريال
حلوة اسالتها نفس ماقالت القلب النابض
صحيح ماتخلص الا اذا انتهت وقت المحاضرة
بس ذاكري اول باول وتنجحي :10111:
بس اذا تاخرتي عن المحاضرة 10 دقايق بعض الاحيان تعصب وتهزيي :hahahahahah:

[القلب النابض]

تمت اضافة الخطه الدراسيه للقسم

باول الصفحة يمكنكم متابعتها

[جنان المسك]

ناهد غزال و هاله العبد المحسن
افيدوني:rose:

[سهام عبدالله]

السلام عليكم

مساء الخير

حبيت اسال عن افضل دكتورة

لمادة علم الوراثه

ومادة البيئة النباتيه

وشكرن مقدمن :biggrin:

[SALMA..]

بنات وش رايكم بالأستاذه ايمان علي ذياب ؟؟؟

[نقطة حمرة]

مرحبا باخواتي المستجدات :53:
انا ادرس احياء ودرسوني بعض الدكاترة اللي تسالون عنهم
راح ابدا بد/فريال

اولا :لازم تجين بدري للقاعة ولاتاخرين لان تكرة التاخير وراح تتهزئين يعني من اول محاضرة راح تقولكم
ثانيا :تعتمد على المراجع اي كتب واذا مافية بالكتاب المحاضرة تنزل ملزمة
ثالثا:قفلي جوالك اوحطية سايلنت لان راح تعصببب
رابع :بالنسبة للشرح تشرح كل شي ماتخلص الا بالوقت انتها المحاضرة
خامسا: اسئئلة بالاختبار حلوة
الاختبار الشهري عرفي واشرحي بايجاز لازم تجيبة ومنوعة
اما النهائي مصطلح مو تعريف
تحب البنات المهتمات بالمادة وتسالين عن اخطائك بالاختبار
كمان اذا اعطتك بحث ماتاخذ ابو 3ورقات اوورقتين لا هي تحب بحث شامل ومفصل يعني متعوب علية وكمان الواجبات لازم تحلينها وتسلمين البحوث والواجبات بالوقت المحدد لان في بنات ماعطوها الا متاخر ماتقبل ابدا وخاصة اذا قربت الاختبارات النهائئية
اذا تذكرت شي راح اقولكم :lllolll:

[نقطة حمرة]

بالنسبة لد/ايمان دياب

انا درستني تلوث بيئة عطتنا كتاب
اما المملكة نباتية اذكر ملزمة

المهم حلو شرح بالمحاضرة يعني هي تحط باجكتر وتشرح تقدرين تاخذين وتعطي معها
تحب البنات اللي يشاركون يعني احس حوار ومناقشة بس بعض البنات مالهم خلق يشاركوا
انا درست تلوث عندها فكنا ناخذ المحاضرات من الباجكتر او هي تنزله لنا
مادة دسمة مع انها معلومات عامة بس طويل
اسئلة بالختبار هي تسالكم وش تبون احنا قلنا لها نبي كلة اختاري فحطت اختاري بس جبنا العيد بالاختبار
موعشان الاسئلة صعبة لا تلخبط يعني تعطيك سوال والخيارات صحيحة بس تبي الاصح اتمنى فهمتوا وهي تحاول تساعدنا بدرجات تحسين وكانت زي اختبار القدرات يعني نطمس
اما النهائي منوع اشرحي وعرفي وصلي كل شي بس اسئلة كثيرة ومقسمه درجات
لازم بحث تشتركو مجموعات وتعطيكم مواضيع البحث وانتوا اختاروا
:oao:اذا تذكرت اقول
:lllolll::lllolll:

[SALMA..]

أشرحي وعرفي :bawling:

الله يعين بس

[نقطة حمرة]

هههههههه عادي ذاكري اول باول ويصير سهل ان شاء الله :(204):
بس اجتهدي وشدي حيلك ويصير صعب سهل :oao:

[SALMA..]

ان شاء الله

بس تعودت على مصطلح :icon9:

الحمدلله على كل حال :biggrin:

[نقطة حمرة]

:119:بالنسبة لد/ جيهان
تعتمد على كتاب واذا المحاضرة مش موجودة تنزلة بملزمة
اسئلة سهلة منوعة وتشرح كل شي
بس تاشر يعني تقول هنا عرفي وهنا عللي وهنا اشرحي زي كذا يعني تعرفي تذاكري واذا فية اشرحي تجيب من داخل الكتاب صح وخطا يعني من الشرح
ونهائي نفس الشي منوع بس تجيب من المحاضرات الخيرة اكثر
هذا اللي يبي يدرس البيئة النباتية او اساسيات علم البيئة
:10111:

[نقطة حمرة]

:(204):ان شاء اللة تاخذي اعلى الدرجات
بالتوفيق واذا عندك اي شي عن دكاترة اومادة اقدر اساعدك فية
اسدحية هنا:58545:
يمكن اقدر اساعدك فية :lllolll:

[جنان المسك]

طيب ودكتوره ناهد غزال و هاله عبد المحسن

[نقطة حمرة]

اهلين اختي جنان المسك
دكاترة مادرسوني عشان كذا ماقدر افيدك
بس د\هالة
اللي تدرس علم الوراثة
يعني يبيلة شوي
دكتورة تشرح حلو شرحها لان المادة تعتمد على الفهههم اكثر من الحفظ يعني اذا فهمتي معها تعرفي تحلى
لان مادة مسائل لقانون مندل الاول والثاني
مثلا رجل اعمى والام سليمة فان نسبة العمى فى لافراد 50بالمية
يعني زي كذا وكلمالة تتعمقين بالمادة
الاسئلة بالشهري مصطلحات ومسائل اختاري
وصح وخطا من الشرح
ونهائي كلة اختاري فية سهههل ومباشر وفية اللي يبيلة تركيز
وتعطي كويزات يعني اختبار قصير بعد ماتخلص محاضرة تعطيكم اكيد راح تحدد جزئية ووقت لاختبار واليوم وتخلية للمشاركة نفس اسلة الشهري

وتكتبون معها يعني تمليكم بس فية اشياء مهمة تقولها بشرح اكتبيها راح تفيدك كثير خاصة بصح وخطا وحل المسائل
هذا اللي اذكرة للحين بس ذاكرري اول باول لان المادة يبيلة ودروس مرتبطة مع بعضها :119:
ان شاء الله اكون افدتك
تحياتي لك اختك :نقطة حمرة:10111:

[Roy]

بسئل عن دكتورة إيمان علي ذياب

وهل تسمح اني انقل من شعبه لشعبه وهي تدرس بنفس الشعبين !

[جنان المسك]

:004:مشكوووووره نقطه حمرا

[نقطة حمرة]

اهلين ROYانا من درستني رفضت لان نزلوا قرار بان يمنع نقل من شعبة لشعبة بس مدري هذي السنة ان شاء الله تقبل :cheese:

العفوووو اختي جنان المسك :cool:

[Roy]

يعطيك العافيه نقطه حمرة

[نقطة حمرة]

الله يعافيك :cool:

[سهام عبدالله]

السلام عليكم

يعطيكم الف عافية بنات ما قصرتوا:106:

بس بالنسبة للدكتورة هالة رجب

ممكن انها تحذف من المنهج وقت الاختبارات :biggrin:

اقصد تساعد وتسذا >:(269):

ودمتم بود

[منصورة]

السلام عليكم بنات اللي تعرف لاتبخل علي أخذت عند الدكتوره هاله عبد المحسن اعضاء حيوان ايش رايكم فيها

[منصورة]

الدكتوره إيمان دياب طيبه في تعاملها وانتبهو اثناءالمحاضره لانه اكثر المرات تذكر أسئلت الاختبار من خلال المحاضره

[القلب النابض]

مشاركه 22 فيها رد عن د هاله

تقدرين تراجعينه خيتي

بالتوفيق

[نقطة حمرة]

بناات د/هالة اللي تدرس علم وراثة
اذكر انها هالة رجب .... ماذكر اسم الاخير
اما هالة عبد المحسن مادري هي نفسها ولا لا لان ماني حافظة اسمها كامل

[neno..]

بناات وش رايكم بدكتورة هبه عبد المعطي عبدالله وفريال المسدي؟

[♥حـگــآيــۃ قلب]

د_فريال شوفي باول صفحهه تكلمنا عنهاا :biggrin:

[نقطة حمرة]

بنااات من درست عند الدكتورة جيهان البدر
تدرس اعضاء حيوان
كيف اسئئلتها
بليييزردووا علي ضرورري :12:

[بنت القحاطين]

بنات ابي اسال عن د/ ايمان افكار
كيف اسئلتهـا

[عاتكة]

حبيت اسأل عن أفضل دكتورة

احياء عامه نظري(حمد العبابنة- ايمان افكار- جواهر الملحم)
أحياء عامه عملي(عائشة جيزان أريج العتيبي- حنان المخايطة)

[سحآبه]

بِنْت القَحاطِينْ ،

دِ.إيمَان أفگار ، من خلال تجربتي لها بأول اختبَار ..

أسألتهآ حِلوهـ مَاهي صَعبه وَموضوعِيَه

عبارة عن إختيارّي أو إگمال بيآنات عَـ الرسّمَهـ ، لكنْ دقيقَة شِوي . . فَـ تحتاجْ تَحفظينْ المَعلومه گويس ..

وحَسيتْ إنها تحب الشي المميزْ بالمُحاضرة مثلا طائفة وحده تتميز بخاصية ما يتميز فيه غيرهاآ . . غالباً ما تجيبهْم .

وبالتوفيقْ :1:

[عاتكة]

حبيت اسأل عن أفضل دكتورة

احياء عامه نظري(حمد العبابنة- ايمان افكار- جواهر الملحم)
أحياء عامه عملي(عائشة جيزان أريج العتيبي- حنان المخايطة)

اذا ممكن الرد ضروووووووووووووووووووووووووووري

[القلب النابض]

الرد فوقك مكتوب عن د ايمان

راجعيه

[بنت القحاطين]

حمده احمد شحادة العبابنة
كيف اسالتها وتعاملها مع البنات

[إحيائية]

ربي يعطيكم العافيه :1:

[caramela]

بنات
شرايكم بــ
د جيهان مصطفى بدر محمود
د هالة العبد المحسن
د وفاء عبدالوهاب عابد سرور

[القلب النابض]

د وفاء

درستني نبات

اكتبي وراها كل شيء

تسولف كثيير وتحب البنت الملتزمه

و اسئلتها حلووه تتفاوت من الصعووبه للسهووله

والله يووفقكم معها

مدري اذا تغيير اسلوبها

بس درستني

من 3 سنين

يعني بسنه اولى

[ملكووت@!!]

رآيكم في

د مروة ع. مختارجنينه

[جنان المسك]

د مروه جميييييله جدا
تساعد البنات بس الماده ثقيله شويه اللافقاريات يعني يبيلها مذاكره
والدكتوره تعاملها جميل تسوي رغبات البنات الي من صالحهم
اسالتها مابين الصعبه والسهله بس الماده يبيلها دقه ف المذاكره

[ترآتيل مَطَر]

أيش رآيكم بـ الدكتورة :

- (ناهد سعيد الغزال) ,,> أحياء عامة

[ملكووت@!!]

مرحبا بناات

بسألكم عن دكاترة الاحياء..
د فريال احمد
د مروه عزمي
د جيهان عمر


يعطوا محاضرات من اول اسبوع ولا ؟؟
اتمنى تردوا علي وشششكرا

[الهنوف .]

بنات بسألكم عن مقرر المملكة النباتيه
تكلمولي عنه :(

[мя_šααđ]

احياء / محمد عوض المالكي

رايكم فيه ولا احد يجامل ويقول وش اسوي

[Nany99]

أيش رآيكم بـ الدكتورة :

- (ناهد سعيد الغزال) ,,> أحياء عامة


ناهد حبوبه مرهه درستني عامه جزء النبات واسألتهآ جميله كانت معطتنا مراجعه حنا طلبنا منها تراجع معنا واغلب الأسأله كانت منها .. كلها اختياري ومن الاختياري تجيب جمله وتختارين صح او خطا :16:

[مريم بنت فهد]

طيب هبه عبدالمعطي عبدالله كيف شرحها ؟؟؟

[درة الكوثر]

^

درستني علم النبات كانت تعتمد في شرحها على البوربوينت

عطتنا أياه شكل ملزمه نذاكر منه

أسلوبها حلوه مع البنات

الاختبار كان موحد مع باقي الشعب وكله اختياري وصح خطاء تغريباا

[الهنوف .]

بسألكم عن وفاء عبدالوهاب لعلم البيئة !!
كيف اسلوبها وشرحها واسألتها

[اكوس شي]

محمد المالكي كيف شرحه؟؟؟

[براثن]

امم فريال المسدي

شرحها و نظامها ...

[Nany99]

^ فريال كَ شرح ممله :) يعني مافيه نشاط بمحاظرتها تجيب النوم هذرتها كثير :10:
درستني جزء الحيوان والأسأله الشهري اختياري سهله ممرهه مَ تعمقت كثير $
وبالنهائي تقريبا كانت الاختيارات متقاربه :10:

[TO00MMY]

شرايكم في نجلاء الحوتان
في الاحياء العملي
من حيث الشرح والاسئله

[TO00MMY]

كيف اختبارات هالة العبد المحسن ؟
سهلة صعبة
مقالي ولا موضوعي

[الهنوف .]

كيف اختبارات ايمان افكار ؟
شرحت لنا محاضرة وحده وكانت جيده
بس خايفه لان اللي بالجدول جيهان وما جاتنا هي

[мя_šααđ]

الحقوني جاءنا دكتور جديد بدال المالكي اسمه اشرف او زي كذا المهم انه مصري

بسال عنه كيف شرحه واسلوبه واختباراته ؟؟

[حنين بسكات]

بسألكم عن وفاء عبدالوهاب لعلم البيئة !!
كيف اسلوبها وشرحها واسألتها

خطيييرة د وفااء ..
اكتبي وراها كل شي تقوله وتمشييين معها تمام
شرحها روووعة ‘ وتحب التعاليل كثير
سجلي كل تعليل تقوله لكم لانها طبيعي جدا تجيب في الاختبار 5 او 6 تعاليل ..
اخذت عندها انا بيئة وفسيولوجي نبات 1 و شكل وتشريح
انا ما احب النبات كثير ‘ بس مع د وفااء كنت احب محاضراتها كثير ..
اسئلتها اذا فهمتي معها ماتحسين انها صعبة ابد
واحرصي على الواجبات معها والبحوث تركز على كل كلمة تكتبينها
موفقة ياقمر

[حنين بسكات]

شرايكم في نجلاء الحوتان
في الاحياء العملي
من حيث الشرح والاسئله

نجلاء سهل التعامل معها كثييير ..
واسئلتها واضحة ومباشرة ومافيها لف و دوران ..
اخذت عندها مواد كثيرة وكانت درجاتي حلوة ..
معاملها خفيفة وماهي طويلة ..

:love080:

[حنين بسكات]

كيف اختبارات هالة العبد المحسن ؟
سهلة صعبة
مقالي ولا موضوعي


هالة عبدالمحسن على حسب منهجها تكون الصعوبة ..

مثلا ..

اخذت عندها اساسيات بيئة
كنا نكتب وراها كل شي
وكانت الاختبارات تجي مزيج بين الموضوعي والمقالي ..
لكن ما كان صعب .. كان واضح ومباشر ..

اما لما اخذت عندها فسيولجي حيوان 2
اعطتنا شرايح باور بوينت
وكانت اسئلتها في الميد دقيقة كثيييييييييير و موضوعية
اما النهائي لانو معنا دكتور الشباب كانت الاسئلة صعبة كثير مقالي و موضوعي
الموضوعي يخربط شوي
لكن المقالي كان فاجعة بالنسبة لي بصراحة
المادة دسمة .. واسئلة المقالي كانت تعتمد على فهمك للمنهج ككل -_- !!
انا حملتها والسبب النهاائي :((

وومووووووووووفقة ياقمر ..

[حنين بسكات]

كيف اختبارات ايمان افكار ؟
شرحت لنا محاضرة وحده وكانت جيده
بس خايفه لان اللي بالجدول جيهان وما جاتنا هي

ايمان افكار حبوبة كثيييير
شرحها بسيييط وتبسط لك الشي كثير
بتعطيكم ملزمة من الشرايح اللي هي تشرح عليها
واسئلتها موضوعية وسهللللة ..
اما لو كان دكتور الشباب معها الله يعيييينكم
لان دكتور هاشم دقيق شويتين ..

وبسس

[حنين بسكات]

بنات بسألكم عن مقرر المملكة النباتيه
تكلمولي عنه :(

المقرر حليوو
بس لازم تفهمين مع الدكتورة كويس
لان ماينفع فيه مجرد الحفظ
جزء العملي حلوو
النظري يبيله شوي بس انتبهي مع الدكتورة ..

[جلناآر]

د / اماني سالم
كيف اسالتها؟؟

[حنين بسكات]

د / اماني سالم
كيف اسالتها؟؟


اذا هي اللي تعطي الطفيليات
مدحوها صديقاتي السمستر الماضي كثييير ..
اسئلتها واضحة ومباشرة وسهلة ..

[سحآبه]

حَنين ..
الله يَعطيگ العافية ،، آفدتينَا وطَمنتينَآ
و
و
و
و / خَوفتينِي شِويّ صَراحه مِنْ د هَالة العبدالمحسن ، اول مرة أجربها فسيولوجي حيوان ١ ..

بس أن شاء الله ربي ييسر .. ويسهل .

مِوّفَقّه يارب .

[حنين بسكات]

سحاابة ..

بقول لك سر ~_~ ..
لو ماخذة شعبة د. جيهان افضل ..
لانو لو فهمتي معها بالمحاضرة .. امورك بتكون تمام التمام ..
لاحظت الفرق انا لما خذت فسيولوجي 1 مع جيهان .. ولما خذت فسيولوجي 2 مع هالة اللي كانت تقريبا تقرأ ماتشرح !!

لا تاخذين كلامي وتتأزمين ..
هذا رأيي أنا فيها ..
ممكن انتي نظرتك لها تختلف ..
بالضبط مثلي .. كثير دكتورات خفت من كلام البنات عنهم
بس مشت اموري معهم ولله الحمد ..

[جلناآر]

د/ جيهان فهمي
كيف اسئلتها تعطينا الحين هي علم الخليه .. تدرسنا عملي ونظري
وكيف الاسئلة تجي بالعملي ؟
لانه هي تخلينا بس نرسم المجسمات وتطلعنا ما في شي زياادهه ولا في ملزمه للعملي اذا بس رسم او تعرفي ع المجسم تجيب بالاختبار الماده سهله

[متيمة]

يابنات الاحياء عقبال ما اصير معاكم :rolleyes:

[الهنوف .]

يابنات الاحياء عقبال ما اصير معاكم :rolleyes:

ان شاء الله تصيرين معنا :verycute:
هو الاحياء جداً ممتع بس على حسب الدكتورة :(269):


+ جلنار
انا برضو نفس استفسارك :mh12:
لان هي بس تعطينا المجسم ونرسم وبس نرسم ونطلع :24_asmilies-com:

[TO00MMY]

بنات كيف مراجعه هبة عبد المعطي
تكون باﻻسماء او شفوي

[بنت محمد14]

بناااااات

احد يعرف متى اختبار علم اللافقاريات وايضا اختبار علم الخليه..؟!

[جلناآر]

علم اللافقاريات .. يوم الخميس بعد الاجازة مباشره
علم الخليه ،، بكون يوم الاحد من الاسبوع الثاني بعد الاجازه لانه بكون اول اسبوع بنداوم يوم الاثنين

[جلناآر]

بس علم الخليه مو متاكده من موعد الاختبار كنه نفس الي قلت ولا غير

[متيمة]

بنات اسئلة الاختبار اختياريه ولا ؟؟

ودي بالاختياري لعل وعسى افلح:sm5::lllolll:

[جلناآر]

متيمة قصدكك بالتحضيري ولا بالتخصص ؟؟ بالتخصص تجيك الاسئله منوعه نفس المدرسه. التحضيري فقط اختياري

بالتوفيق

[جلناآر]

بنات دكتوره جهان فهمي كيف طريقة اسئلتها سهله او صعبه ؟؟

[7ooryossef]

بنات انا ف سنة اولى المستوى الاول
عندي الكيمياء ( عملي ونظري ) والاحياء ( عملي ونظري ) والفيزياء ( عملي ونظري) ورياضيات وصحة ولياقه

والآن ف المستوى الثاني مكتوب لي بالخطه انو لازم يصير عندي متطلبين من متطلبات الجامعة ، وبكذا يكون عندي 9 مواد مش 8
وهم قالوا اذا تبين تخلصين ف اربع سنوات لازم يصير عندك ف كل مستوى 8 مواد

بصراحه محتاجه كثير المساعده لانو مدري آخذ المتطلبين ، ولا بما اني درست الصحه واللياقه ف المستوى الاول آخذ متطلب واحد !


وفيه شي ثاني
وش سالفة المواد اللي تحت الجدول ( مقرران اختياران ) !

اتمنى الرد ♡

[حنين بسكات]

بنات انا ف سنة اولى المستوى الاول
عندي الكيمياء ( عملي ونظري ) والاحياء ( عملي ونظري ) والفيزياء ( عملي ونظري) ورياضيات وصحة ولياقه

والآن ف المستوى الثاني مكتوب لي بالخطه انو لازم يصير عندي متطلبين من متطلبات الجامعة ، وبكذا يكون عندي 9 مواد مش 8
وهم قالوا اذا تبين تخلصين ف اربع سنوات لازم يصير عندك ف كل مستوى 8 مواد

بصراحه محتاجه كثير المساعده لانو مدري آخذ المتطلبين ، ولا بما اني درست الصحه واللياقه ف المستوى الاول آخذ متطلب واحد !


وفيه شي ثاني
وش سالفة المواد اللي تحت الجدول ( مقرران اختياران ) !

اتمنى الرد ♡




ياعزيزتي

المواد العامة منها مواد اجباري تدرسينها
اللي هي
*عقيدة اسلامية
*قضايا ثقافية
*تذوق ادبي *
تحرير عربي

ومنها مواد اختيارية
يعطونك قائمة مواد وانتي تختارين منها 2 بس تدرسينها ..
*فقة السيرة
*الاسلام وقضايا العلم و التقنية
*النظام الاقتصاادي
*النظام الاجتمااعي
*النظام السياسي وحقوق الانسان
هذي المواد اختيارية تختارين انتي اي مادتين تبيغنها منهم وخلاص ..


اما المواد اللي تاخذينها
براحتك
اذا تبين تخلصين باربع سنوات طبيعي
خليك ماشية عالخطة مثل ماهي ..

[7ooryossef]

مشكوره اختي حنيت بسكآت ♡

الحين هم بالخطه حقت المستوى الثاني حاطين لي (عقيده اسلامية وانجليزي عام )
بالاضافة الى ( علم الخليه ، علم اللافقاريات ، اساسيات علم البيئه ، مبادئ الاحصاء )

السؤال الحين ،
اللي مكتوب لي بجدول خطة المستوى الثاني هو اللي ادخله لي بجدولي فقط ! ، لانو هم يعتبر اختاروا لي المولد العامه اللي ادرسهم ف هالمستوى

[7ooryossef]

مشكوره اختي حنيت بسكآت ♡

الحين هم بالخطه حقت المستوى الثاني حاطين لي (عقيده اسلامية وانجليزي عام )
بالاضافة الى ( علم الخليه ، علم اللافقاريات ، اساسيات علم البيئه ، مبادئ الاحصاء )

السؤال الحين ،
اللي مكتوب لي بجدول خطة المستوى الثاني هو اللي ادخله لي بجدولي فقط ! ، لانو هم يعتبر اختاروا لي المولد العامه اللي ادرسهم ف هالمستوى

[حنين بسكات]

مشكوره اختي حنيت بسكآت ♡

الحين هم بالخطه حقت المستوى الثاني حاطين لي (عقيده اسلامية وانجليزي عام )
بالاضافة الى ( علم الخليه ، علم اللافقاريات ، اساسيات علم البيئه ، مبادئ الاحصاء )

السؤال الحين ،
اللي مكتوب لي بجدول خطة المستوى الثاني هو اللي ادخله لي بجدولي فقط ! ، لانو هم يعتبر اختاروا لي المولد العامه اللي ادرسهم ف هالمستوى

عادي تقدرين تاخذينهم وتقدرين لا
ممكن تدخلين مواد ثانية عامة
بس خلك ماشية بالترتيب افضل

[جلناآر]

هالة رجب علي نصير
داليا عبدالمنعم محمد صبري
ايمان عبدالرحمن افكار

كيف اسئلتهم و اسلوبهم

[7ooryossef]

الف شكر لك ي روحي ♡،

طيب فيه وحده جربت وحده من حقين الانجليزي العامه ( اسماء الزين ، رويدا الميساوي ، حوراء العلي ، شيرين الهياجنه ، عمار المعاني )
افاده لاهنتوا !

[حنين بسكات]

هالة رجب علي نصير
داليا عبدالمنعم محمد صبري
ايمان عبدالرحمن افكار

كيف اسئلتهم و اسلوبهم

ايمان افكار حبوبة

تعطيك مذكرة بالمحاضرات
اسئلتها اذاذ ماهي موحدة مع الشباب اختياري وصح وخطا
سهلة وواضحة
بس تحب اللاتيني كثير

[حنين بسكات]

الف شكر لك ي روحي ♡،

طيب فيه وحده جربت وحده من حقين الانجليزي العامه ( اسماء الزين ، رويدا الميساوي ، حوراء العلي ، شيرين الهياجنه ، عمار المعاني )
افاده لاهنتوا !

انا اخذت انجلش عامة
عند اسماء الزين
حلو شرحها وماتملين بالمحاضرة
واسئلتها ماهي صعبة ..

واخذت عند حوراء العلي انجلش علمية
كانت سههههلة جدا مع حوراء
تمشي معنا بنظام الكويزات واسئلتها جدا سهلة ومباشرة
وتضمنين عندها الدرجات بسهولة

[7ooryossef]

طيب حبيبتي ( حنين بسكات )
الحين انا مكتوب عندي بالخطه اني آخذ انجليزي عام
بس لما فتحت المركز ورحت عند اللغه الانجليزية العامه مالقيت لكلية العلوم هالماده
يعني مش مكتوب عند الكليات المتاحه انو هالماده متاحه لـ ( 08)

شنو العمل !

اتمنى الافاده ()"

[ASHWAG.Y]

ابغى اسالكم عن الدكتوره جيهان عمر محمد عبدالعزيز كيف طريقاهل في الشرح وشلون تعاملها واسالتها سهله ولا؟؟:Cry111::sm12:

[مروشَ]

عندي مين اخذ احياء عامه وكيف اسلوبهم واختباراتهم وشرحهم

# احياء عامة نظري
(نجلاء محمد البيشي - هبه عبدالمعطي عبدالله - جيهان عمر محمد عبدالعزيز)
# احياء عامة عملي
(امينة احمد حسن حسن - نجلاء محمد البيشي )

[حنين بسكات]

طيب حبيبتي ( حنين بسكات )
الحين انا مكتوب عندي بالخطه اني آخذ انجليزي عام
بس لما فتحت المركز ورحت عند اللغه الانجليزية العامه مالقيت لكلية العلوم هالماده
يعني مش مكتوب عند الكليات المتاحه انو هالماده متاحه لـ ( 08)

شنو العمل !

اتمنى الافاده ()"

ما اعرف والله

[حنين بسكات]

عندي مين اخذ احياء عامه وكيف اسلوبهم واختباراتهم وشرحهم

# احياء عامة نظري
(نجلاء محمد البيشي - هبه عبدالمعطي عبدالله - جيهان عمر محمد عبدالعزيز)
# احياء عامة عملي
(امينة احمد حسن حسن - نجلاء محمد البيشي )

انا جربت هبة وجيهان وامينة في مواد التخصص

د هبة حبوبة تعطيك الزبدة في الشرح
واسئلتها واضحة متنوعة مابين تعاليل واختياري وصح وخطا ومقالي وارسمي

د جيهان انا ماحبيتها كثير
دقيقة درست عندها اول سنة مادة وحدة بس ماذكر كيف كانت
اذكر حملت عندها المادة بسبب درجتين بس :(

د امينة
محاضرتها تجيب النوم بصراحة
احسها تقرا ماتشرح
بس اسئلتها سهلة

[حِزن لإخر مِتآهاتي]

بنات بليييز سؤال
ابسجل قضايا معاصرة بس مو عارفه لو تصلح لكلية العلوم او لا
كيف اعرف؟
بليييز احد يجاوب ابسجل بعد شوي : (

وشيء ثاني هذه الماده لازم تخذها يعني يطالبوني فيها او لا ؟

[حنين بسكات]

بنات بليييز سؤال
ابسجل قضايا معاصرة بس مو عارفه لو تصلح لكلية العلوم او لا
كيف اعرف؟
بليييز احد يجاوب ابسجل بعد شوي : (

وشيء ثاني هذه الماده لازم تخذها يعني يطالبوني فيها او لا ؟



ايوووة مطالبة فيها انتي
لانها مادة اجبارية

في الجدول
تلاقين خانة مكتوب فيها
متاح للكليات
اضغطي عالارقام الموجودة وشوفي رمز الكليات
العلوم رمزها 08

[ُطُهر الغيم]

^^


اي من المتطلبااات
وهذآ ابي اخذذذها بس هالبانر بالموووت يفتح :017:

بالتوفييق لك ولنآ يآررب :love080:

[بنت القحاطين]

حبليات
د/ داليا عبدالمنعم محمد صبري

[الهنوف .]

حبليات
د/ داليا عبدالمنعم محمد صبري

+1

امانه جد احكو لنا عنه؟

[رَبآبْ]

امينه للاحياء شطريقة اسألتها ؟

موضوعي ولا مقالي

[الهنوف .]

د امينة
محاضرتها تجيب النوم بصراحة
احسها تقرا ماتشرح
بس اسئلتها سهلة


^ هذا رد عن امينه بالنسبة للشرح ومادة تخصص
واذا سؤالك عن احياء عامه - موضوعي للجميع -

[الهنوف .]

داليا - الحبليات
تكلمو عنها من ناحية كل شي

[ملكووت@!!]

د/ وفاء عابد
كيف اسئلتها بالاختبارات ؟؟

[حنين بسكات]

وفاء عابد اي مقرر ؟؟

[سحآبه]

صَباحكم / مِسْاگمْ
ورّد ..

بنْات الأحياء الجميلات ً ً
حابه أستفسر عن :

# أمل فضل أحمد عبدالقادر | أرشجونات
# فادية الشريف | نبات إقتصادي
# حمزه نعيم احمد هنيه ، نوف الربيعة | علم مناعة
# جيهان حسن فهمي | علم أجنّة

ومشگورين وربي يوفقكم مقدما

[حنين بسكات]

صَباحكم / مِسْاگمْ
ورّد ..

بنْات الأحياء الجميلات ً ً
حابه أستفسر عن :

# أمل فضل أحمد عبدالقادر | أرشجونات
# فادية الشريف | نبات إقتصادي
# حمزه نعيم احمد هنيه ، نوف الربيعة | علم مناعة
# جيهان حسن فهمي | علم أجنّة

ومشگورين وربي يوفقكم مقدما


د. أمل
هذي جديدة هالسمستر
أول مرة يمر علينا اسمها ..
قبل كانت تعطي الارشجونيات د. هبة ..
عموما الأرشوو أسهل ممن الفلورا ..

د. فاديا ..
عسسسسسسسسل ..
بس مقرر النبات الاقتصادي مذاكرته مملة ..
اغلبه حفظ واهمية اقتصادية للنباتات ..
الدكتورة عموما أسئلتها سهلة .. انتبهي معها بالشرح ..
اللي تقوله وتركز عليه هو اللي تجيبه بالاختبار بالضبط ..

د. جيهان فهمي ..
الأجنة سهل ‘ بس أسئلتها تبي شوية تركيز ..
ومحاضرتها اخف واقصر محاضرات ..
تتأخر ماتدي الا بعد الوقت بعشر دقايق ..
تشرح لما ربع ساعة او نص ساعة ونطلع .. وبس هذا محاضراتها !!
المقرر عموما حلو الأجنة ..
أسئلتها اختياري دايم ‘ وحتى الرسم تجيب لك رسمة والبيانات تكون اختياري ..

د. حمزة ..
انا حملت المادة عنده من سنة تقريبا .. وسجلتها هالترم ..
الدكتور بصراحة أسئلته صعبة ..
تعتمد على فهمك للمادة ككل ..
مع اني فاهمة واتعب بالمذاكرة بمادته .. بس انفجع بدرجاتي عنده دايماً ..
صار هالفترة يسوي كويزات مفاجئة بالمحاضرات ‘ ويحط عليها درجات ..
بس أ. نوف يقولون انها حبوبة ومتعاونة كثير .. ماجربتها ..

[ملكووت@!!]

حننين بسكاات ..
رايك بدكتووره ايناس محمد علي

[حنين بسكات]

مادرستني ‘ لاني مخلصة المواد اللي هي تعطيها ..
بس تعاملت معها عالمستوى الشخصي ..
انسانة محترمة جداً ومتعاونة ..

لكن صديقاتي يمدحونها كتعامل وتعاون وسهولة أسئلة ..
وتعطي مذكرات ..

مثلا : شكل وتشريح نبات ..
المادة دسمة و4 ساعات .. أنا درستها عند د. وفاء ..
وفيه ناس أعرفهم حملوها عند د . وفاء .. واخذوها بعدين عند د. ايناس ..
يقولون ايناس مسهلة اكثر بكثير ومخففة المادة عليهم كثير ..
وأسئلتها جداً سهلة ..
مع د. وفاء .. كنا نكتب كل كلمة تقولها بالاضافة للمراجع والرسم نتعب كثير ..
بينما د. ايناس موفرة مذكرات ومسهلة عالبنات كثير الحمدلله ..
والزين فيها تسوي مراجعة قبل الاختبارات .. يعني تعرفين منها وش زبدة المنهج ..
بس مو معنى هذا اني أذم بالدكتورة وفاء ..
بالعكس أنا أحب مواد الدكتورة وفاء ومحاضراتها كثير ..
هي أكثر دكتورة مرت علي للحين تعرف توصل لك المعلومة صح ..
تتعب عالشرح علشان تفهمين ‘ ولو فهمتي بمحاضراتها أبداً ماتتعبين بمحاضراتها ..

وبس موفقة ..

[ملكووت@!!]

شككراً جزيلاً حنين طمنتيني
ويووفقك يارب :)

[سحآبه]

مَششْگورة حَنينْ ..

الله يعطيك العَافيّة ويُوفقك ويسهل عَليك ، يَارّب ..

وربي يعينا مع د.حمزة !

[ريــــفآل]

السلآم عليكم
آبي آسأل عن
هالة عبدالمحسن احياء

[سحآبه]

هالة عبدالمحسن على حسب منهجها تكون الصعوبة ..

مثلا ..

اخذت عندها اساسيات بيئة
كنا نكتب وراها كل شي
وكانت الاختبارات تجي مزيج بين الموضوعي والمقالي ..
لكن ما كان صعب .. كان واضح ومباشر ..

اما لما اخذت عندها فسيولجي حيوان 2
اعطتنا شرايح باور بوينت
وكانت اسئلتها في الميد دقيقة كثيييييييييير و موضوعية
اما النهائي لانو معنا دكتور الشباب كانت الاسئلة صعبة كثير مقالي و موضوعي
الموضوعي يخربط شوي
لكن المقالي كان فاجعة بالنسبة لي بصراحة
المادة دسمة .. واسئلة المقالي كانت تعتمد على فهمك للمنهج ككل -_- !!
انا حملتها والسبب النهاائي :((

^ هذا رد مقتبس عن د.هاله .

فعلا أنا جربتها في حيوان1
الدگتورة شرحها عادي تقرا من شرائح باوربوينت ، بصراحة ما احس انها توصل المعلومة
اختبارها ما كان بمستوى شرحها أبدا ..
صحيح في أسئلة تنحل ، بس فيه أسئلة صعبة شِويتينْ
تعطي ملزمة ..
د.جيهان بدر درستني عملي .. متمكنة أكثر من المادة ..

بس إذا المقرر أحياء عامة فإن شاء الله إنه سهل ..

وبس ..

رَبّي يوفقنا ويسهل علينا جميع . .

[سحآبه]

حَنين ..

عارفة إني تعبتك بالأسئلة ..

بس مافي أحد أعرفه بالآحياء اكبر مني ومجرب الدكاترة ، وودي أتطمن :$

بسألك عن الدكاترة اللي سألت عنهم بالرد اللي قبل ..
د.فادية ، ود.جيهان ، د.حمزة

هل يعطون مذكرات للمنهج ؟ ولا نكتب معهم ..

[الهنوف .]

جيهان فهمي
للامانه جربتها بالخليه وما كانت كويسه جدا سيئه والاغلب نجح بديه او حملو الماده
ما كانت تشرح كويس يمكن لانها ما تبي تمسك الماده
كانت تعطينا معمل والمعمل كان فقط تحضير وتصف لنا مجاهر نشوفها لا شرح ولا بيان
بس شرحت لنا مرتين وما انكر
بالنهائي المعمل ما عرفنا وش نذاكر وبالنهايه جابت لنا اساله ما كنا متوقعينها ابدا
اللي جربها بالخليه العام بيعرف معاناتي لاني ما كنت الوحيده اللي احس بالمعاناه
ابراء لذمه قلت رايي بها عن حق لكن ممكن تكون هي كويسه بمواد ثانيه لان حسب علمي هي مجبوره على الماده , وموفقه
المذكرات على حسب الدكتورة والماده قبلها

[ملكووت@!!]

فعلا الهنوف كلامك صح عن د جيهان

[حنين بسكات]

زيادة عن هالة ..
درست عندها الترم اللي فات ..
بيئة وسلوك .. طبعا اسلوبها المعتاد تقرا من العرض ..
ومعطتنا ملازم نتابع وراها بس :/ ..
والله لو تخلينا نقرا لحالنا بالبيت اصرف من حضور محاضراتها ..
هالادمية ماتعرف تحط اسئلة
جننتنا في الشهري باسئلتها لانها تحتمل الفهم من كذا جهة ..
لكن بالنهائي كانت اسئلتها سهلة كثيييييييييييييير ..

باخذ عندها الحين تنوع والله ييسر ..


حَنين ..

عارفة إني تعبتك بالأسئلة ..

بس مافي أحد أعرفه بالآحياء اكبر مني ومجرب الدكاترة ، وودي أتطمن :$

بسألك عن الدكاترة اللي سألت عنهم بالرد اللي قبل ..
د.فادية ، ود.جيهان ، د.حمزة

هل يعطون مذكرات للمنهج ؟ ولا نكتب معهم ..

د. فاديا ..
تشرح عالعرض وتعطيك مذكرة نفس العرض ..
ولو تبين الشرايح ملونة من عندها تعطيك اياها ما تقول لا ..

د. جيهان فهمي ..
مذكرة موجودة بالابرار وهي تقريبا نفس العرض اللي تشرح منه ..

ونفس القصة بالنسبة لحمزة ..
مذكرة نفس العرض اللي يشرح عليه ..




/


الهنوف ..
انا اشوف حيهان تحاول تشرح وتقول ركزوا معي ..
الاجنة سهلة ماتحتاج معاناة وتركيز ..
لكن التشريح مقارن المادة دسمة .. جابت لي هم بالمذاكرة ..
ولازم تركزين معها بالشرح وتكون معك مذكرتك ..

[سحآبه]

شششكراً حنين ..
الله يطَمِن قلبك ، ومِووووّفقَه يَارّب ..

[f*m]

حبيت اسال عن
مروة عزمي مختارجنينه (), امل فضل احمد عبدالقادر
من ناحية الاسئلة والاختبارات

[سحآبه]

^

د مروه جميييييله جدا
تساعد البنات بس الماده ثقيله شويه اللافقاريات يعني يبيلها مذاكره
والدكتوره تعاملها جميل تسوي رغبات البنات الي من صالحهم
اسالتها مابين الصعبه والسهله بس الماده يبيلها دقه ف المذاكره

^ رَدّ مُقتبس عن د.مروه

أما د.أمل
تَوها جِديدة ..

[الهنوف .]

اف ام احب اضيف على كلام سحابه
دامك تحضيري الاسئلة موحده يعني ماله دخل بالدكتورة اللي تدرسك لان جميع الدكتورات الماسكات المادة كاتبين الاسئله , موفقه

[جريجور مندل]

السلام عليكم
بالنسبة لعلم المناعه مع د.حمزة
شلون طريقه الكويز تبعه شفوي او تحريري
و يتضمن المحاضرة السابقه و لا عدة محاضرات؟!!!
و كيف طريقته بالاختبار النصفي..

[ملكووت@!!]

نداء الى حنين بسكات او اي احد درسته
ابي اعرف داليا صبري كيف طريقتها بالاسئله سهله ؟

[سحآبه]

رأيكم في د.رباب سالم علي حمد