جميع التخصصات ابي اعـــــــــــرف وش مستقبل كلية العلوم ! [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : جميع التخصصات ابي اعـــــــــــرف وش مستقبل كلية العلوم !

خريجه عاطله :"(

2012- 7- 18, 12:35 AM

الاستفسار واضح من العنوان ابي احول الى كلية العلوم وما اعرف ايش مستقبلها
اللي تخرجوا ايش صارو ؟

وكم سنه ادرس ؟

هل اقدر اتخرج تدريس كيميا او فيزيا ؟

خاتم سليمان

2012- 7- 18, 01:37 AM

هذا يعتمد على طموحك. إنت شو حابه تصيري لمى تتخرجي . بكل صراحه، معظم اللي يتخرجوا مدرسات أو جالسين بالبيت :cheese: . في ننسبه قليله يكملون دراسات عليا و ممكن يشتغلون في أماكن ثانيه مثل بنك أو شي كذا ... لكن بكل صراحه هو يعتمد عليك إنت و على طموحك...

خريجه عاطله :"(

2012- 7- 18, 02:14 AM

-peace-

2012- 7- 18, 02:21 AM

الدراسة مدتها أربع سنوات

وبالنسبة لمستقبل الكلية مستقبلها مشششرق مشرق مشرق يعني :(204):

التدريس صعبة لأن الأولوية في التوظيف للتربويات , س ممكن مثلا تشتغلين في مصانع المملكة للبتروكيماويات
أو اذا معدلك عالي (كيمياء أو فيزياء) تتوظفين في مفاعلات المملكة النووية أو تكملين ماجستير في الانشطار الذري

أو يمكن تشتغلين في مختبرات الكشف عن التيتانيوم في طحينة حلواني والبولونيوم في زبدة لورباك
فيه دكتورة عندنا متخرجة من الكلية تقول انها مرة اشتغلت في البحث الجنائي تكشف عن الأدلة في مواقع الجرائم >> صحيح مو كذبة

ويمكن لو دخلتي فيزياء تتوظفين في الأرصاد الجوية قياس لزوجة الجو
والرياضيات فيه مجالات والأحياء أكثر وأكثر .. وانتي براحتك

:rose:

تهولة

2012- 7- 18, 02:25 AM

وه قطع قلبي السؤال
:sm1:

.....انا ماحب شي اسمه تدريس مابي مابي :bawling:

::طموح::

2012- 7- 18, 07:43 AM

أنا أؤيد كلام أختي خاتم سليمان

يعني اقدر ادخل تدريس وتوظيف سهل ؟!
انا نسبتي عاليه ونقبلت مسار هندسي لكن احب التدريس .. :)

إجابة على سؤالك
بالنسبة لوظائف التدريس ممكن تشتغلين بمدرسة أهلية
لكن الوظائف الحكومية تحتاج سنوات انتظار وقد تطول حسب عدد الوظائف المطروحة ونوع المؤهل تربوي أم لا ومعايير آخرى

أنتِ حددي ببالك من الآن
هل تريدين إكمال دراساتك العليا وإن أردت إكمال الدراسة هل لديك رغبة بدراسة ماجستير ودكتوراة في ذات التخصص الذي تختارينه الآن
هل تريدين التدريس في جامعة أم مدرسة

إذا حددتِ اللي تبين صدقيني بتستمتعين وبتشدين حيلك لأنك عارفة وش ودك بالضبط
وبتتيسر أمورك لما تتخرجين بإذن الله

خاتم سليمان

2012- 7- 18, 10:01 AM

مثل ماقالت الأخت طموح... حددي إنت رغبتك و راح نعطيك نصائح من الخبره الللي عندنا :biggrin: .

غلآكمـ

2012- 7- 18, 10:36 PM

يعني اقدر ادخل تدريس وتوظيف سهل ؟!
انا نسبتي عاليه ونقبلت مسار هندسي لكن احب التدريس .. :)

مشكوره اختي

مثل مآقآلت آختي ممكن تدرسين في الآهلية ..
و لكن عشان تصير شهآدتك نفس بنات التربوي
بعد التخرج من كلية العلوم ..
تدرسين سنة زيادة آسمها دبلوم تربوي آو شي مثل كذا ..
موجود بجامعة الدمآم و فيه بالجآمعة العربية المفتوحة ..

و ان شاء الله يصير التوظيف اسهل من لو كنتي بس طآلبة علوم :004:

راقية بإسلوبي

2012- 7- 28, 04:05 AM

الله يعطيكم العافيه صبايا:10111:
اذا كان طموحي تدريس بالجامعة ..
وش هي المتطلبات الي لازم احصل عليها؟؟:g2:

خاتم سليمان

2012- 7- 28, 05:14 AM

تدريس بالجامعه يعني تتوظفين برتبه معيد أو محاضر أو دكتوره. المعيد يكون بكالوريوس و اللي أعرفه إنهم يرشحون من العشر الأوائل و المحاضر ماجستير و الدكتوره دكتوراه طبعاً ...

أتمنى أكون أفدتك ..

راقية بإسلوبي

2012- 7- 29, 01:58 AM

يسلمو ياعسل ..
صراحة ماقصرتي..
وكل سنة يختارون معيدات؟؟
وعلى اساس ايش يرشحون؟؟
وهل بإمكاني اصير معيدة وبنفس الوقت اكمل ماجستير او دكتوراه؟؟
معليش عذرا على الإطالة:10111::10111::106:

خاتم سليمان

2012- 7- 29, 02:29 AM

ماأعرف إذا كانوا كل سنه يرشحون أو لا لكن إذا كانوا محتاجين راح يرشحون معيدات أكيد... على دفعتي العشر الأوائل كلهم كانوا مرشحين للإعاده ... أعتقد إن الترشيح يكون على حسب الدرجات أو شئ كذا و بعدين تدخلون إمتحان الإعاده و يكون يعتمد عل الإمتحان .. إذا صرتي معيده لازم تكملين ماجستير و دكتوراه .. هذا شئ إجباري و اللي أعرفه إن هذي السنوات صاروا يلزموا الطالبات بالإبتعاث ...

إذا عندك أي سؤال ثاني فلا تتردي :wink:
بالتوفيق

راقية بإسلوبي

2012- 7- 29, 02:56 AM

يسلمو ياعسل كلك على بعضك ذوق..:rose::10111:
:g2:بس ايش امتحان الإعادة؟؟

خاتم سليمان

2012- 7- 29, 03:27 AM

هذا إمتحان القبول لوظيف معيده :cool:

راقية بإسلوبي

2012- 7- 29, 03:33 AM

الله يجزاك خير ياعسل ويسخرلك الي على الدوام يساعدك ...