مذكرات طالبة في كلية سعد

[Miss Ice]

السلام عليكم

كيف حالكم صبايا ,,, اليوم جا على بالي اني احط هالموضوع واللي راح نتكلم فية عن مواقف صارت لنا بالكلية بأسلوب شيق و ( مهذب )

وأيضا راح اتكلم عن أول سنة دراسية لي بالكلية :biggrin:

نبدأ

.. بعد تفكير قدمت اوراقي الى الكلية و طلبو مني مبلغ 500 ريال لأختبار PET .. وعملو معاي مقابلة " طبعاً كنت اتوقع انو المقابلة يوم الاختبار " بس طلعت يوم قدمت اوراقي
المهم صار خير ,, قالو لي متى الأختبار ,, اذكر انه كان 16 شعبان << :58545:

صرت أستعد للأختبار و أبحث بالنت عن هذا الاختبار ونوعيته .... الخ

يوم الأختبار :Looking_anim: عطونا أرقام وهي أرقام SNC اللي راح تلازمنا بالكلية طوال فترة الدراسة
طبعاً في رقم UU وهو رقم لطالبات النيرسنج

نرجع ليوم الأختبار ,, الأختبار كان بالدور الاول دخلنا الClass وزعو الأوراق و بديت اجاوب طبعاً
أختكم عملت خطأ كبيييييير :71:جاوبت على جزئيتين فقط من الأختبار ولمن ضلت 30 دقيقة أستوعبت الباقي وقتها وقف مخي ما عرفت شنو أسوي , خلص الوقت وسلمت اوراقي

بعدها بكم يوم وصلتي رسالة على الموبايل في انة ما تم قبولي :icon9: لاني ما جبت الدرجة المطلوبة , واني أقدر أعيد الأختبار بعد أسبوع بس ادفع 250 المهم قلت راح اعيدة

واتصلت لهم وقلت لهم راح اعيدة ...

* في خطأ بعد صار انو لمن شرحو لنا الأسئلة وكيف نجاوب قالو لنا هذا من وقتكم وكنت اسمع لها لهذا ما أستفدت من الوقت ! :mad:

بعد أسبوع رحت أختبر طبعاً عرفت شنو السالفة وشنو أسوي ,, بس قالو لي الستيودنت افيرز أروح محاسبة المستشفى أسلم 250 ريال ,, >>> وانطلاق

لمن رجعت الكلية قالو انو الاختبار بعد 10 دقايق

نفس الشي ركبنا للكلاسات ,, بس وزعو الأسئلة عطول بديت اجاوب بدون ما اسمع اي شي
و الحمد لله حسيت نفسي قدمت احسن من قبل بواااجد :53:

كم يوم وصلتني رسالة بانة تم قبولي في برنامج التمريض ,,,:mh001::mh001::mh001:

طبعاً لمن رحت اسجل قلت لها ابي تبع الموارد ( نفس الشي وصلتني رسالة يوم الثلاثاء بأني ادفع 3000 للموارد ) .. وقلت خلاص يوم السبت اول يوم دوام بس اوصل بسلمهم الفلوس


أول يوم دراسي كان حماس ,, أشوف البنات وكل شي ,,

طبعاً اللي بيسأل عن ورقة الفحوصات ما سلمتها الا بأيام الدراسة لان في أشياء ما خلصتها

ركبنا الكلاس و قسمو البنات الى قروبين A-B

* تعرفت على بنوتة :004: بالمنتدى و الحمد لله كله مع بعض بس شكلنا بأول أيام الدراسة فلتة ما ندل شي بالكلية حتى بعد فترة صرنا نضحك على حالنا هههههه :sm5: كلما تذكرنا


يتبع ,,,,

[مكاويه 97]

فكرهه جميلهه :d5:

وبتنفعنإ يالمستجدإآت في انها تزيل مخإوفنإ وتجنبنإ الأخطإء الي وقعتوإآ فيهإأ

وديّ لـ شخصْك وبإآنتظإآر البإقين :) .. ~

[ღ α∂мηтιк ღ]

يعني آنتي آختبرتي ودخلتي على طول التمريض بدون الفآونديشن ؟؟

طيب , ممكن تقولي لي شنو تعتمد عليه الاساله اكثر شي ؟ القاعدات او المصطلحات ؟ واي المواقع الي استفدتي منهآ وجآوبتي فالاختتتتبار .. تقولين دخلتي تمريض على طول , ليه دفعتي 3000 مو عالمنحه ؟؟

:biggrin: كثرت عليك ادري , . .. بس حححابه اعرف :004:

[هنوي هاني]

فكررة جمييلة
متابعييين لك

[Toolay]

ههههههههههههههه ذكرتيني بأول ومشاوير الجدول ..
بالنسبه لي ..*

جيت اسجل في الكلية وانا مو حاطة في بالي اني بنقبل*
كنت حاسه انو شي جنوني اني اسجل لأني جالسه اضيع وقت*
رحت اول شي عطيتهم الاوراق المطلوبه .. سجلت للاختبار*
وكنت افكر طول الوقت كيف اقنع ماما ادرس فاونديشن*
لأني حاطه في بالي اني مستحييييييييل بعدي الاختبار*
كنت محضره نفسيتي للفاونديشن ..*
اختباري كان معك مس ايس يوم ١٦ شعبان*
حليت الاختبار وطلعت وانا لازلت فاقده الامل*
بعد اسبوع يوم من الايام جات ماما تصحيني من النوم الظهر
قومي التليفون بسرعه .. وانا مستغربه لانو محد يكلمني على البيت*
رديت قالت لي انتي فلانه ؟ ايوا انا فلانه مبروك القبول !*
اي قبول ! قالت انتي ماوصلك مسج من الكليه ! قلت لها مدري لحظه ههههههه*
رحت جبت جوالي وشفت المسج ان تم قبولك لبرنامج التمريض .. طبعا هم*
يمكن مايكلمون الكل او مدري اذا يكلمون الكل لكن انا كلمتني لاني موديه*
نسخه من الشهاده مو الاصل .. قالت لي انو برمضان اسجل لمنح الوزاره*
وانا نسبتي ناقصه نص على النسبه المطلوبه في قدراتي وتحصيلي عاليين*
وكانوا مخفين سالفة انو في موارد لانهم مرتبين الموضوع بطريقه معينه عندهم

مرت الايام سجلت في الوزاره .. ووصلني مسج انو يابنت تعالي الكليه*
كملي اوراقك عشان المنح .. واحنا وقتها في رمضان نكون في الحسا*
مو في الخبر .. حدد بابا يوم وجينا الصباح ورحت لهم .. قالت يابنت*
مالك ومال الوزاره نسبتك يمكن تسبب لك قلق انا حطيتك على منح*
الموارد .. طيب ! انتوا ليه جايبيني الحين .. ادفعي ٣٠٠٠ للموارد*
تفاهمت معاها وشرحت لي الوضع واكدت لي قبولي وطلبت شهادتي*
الاصليه .. خلصت اموري ودفعت من ذاك اليوم شبه ارتاح قلبي انو خلاص
تم قبولي .. وصار المستحيل اللي كنت اقول عنه مستحيل ..*
سبحان الله لانو ربي كاتب لي اني ادرس في هالكليه*
كل ماجيت اخطي خطوه للتسجيل احسها تتسهل*
وتتيسر .. والحمد لله على كل حال يارب*

لي باك مع ذكريات اول يوم ..*

[ღ α∂мηтιк ღ]

بس ابغي احد يجآوبني اذا سمحتو , ليه 3000 الاف اذا انتو انقبلتو عالمنحه ومآتحتآجون للسنه

التحححضيريه .. ؟؟ انا الي قالو لي الدفع راح يكون للسنه التحضيريه وسنوات التمريض كلها عالمنح ..

:Looking_anim: ...

[Toolay]

بس ابغي احد يجآوبني اذا سمحتو , ليه 3000 الاف اذا انتو انقبلتو عالمنحه ومآتحتآجون للسنه

التحححضيريه .. ؟؟ انا الي قالو لي الدفع راح يكون للسنه التحضيريه وسنوات التمريض كلها عالمنح ..

:looking_anim: ...


حبيبتي لأنو احنا تبع الموارد ال 3000 هاذي*
ضمان جدية تعاقد .. السنه هاذي مافي موارد*
يعني ماراح تدفعونها انتوا ..*

[ღ α∂мηтιк ღ]

آهآ , تسسسلمين , ..

بس متى آخر يوم تسجيل .. ؟

[مكاويه 97]

^ يوم 20 رمضإأآن .. ~

[هنوي هاني]

شو .. مو ناويين تكملون لنآ ؟؟

[Miss Ice]

مرحبا الساع .. رجعت لكم .. راح اكتب لكم المذكرات بس بعضها ما راح يكون بالتوالي

في نفس الأسبوع .. كان عندنا اورينتيشن وهو توجيه لنا بقوانين الكلية وكل شي يخص الكلية والتعريف بالمسات وبعض مرافق الكيلة . وعلى جنب كان حاطين لنا مشروبات ساخنة . وباردة و كعك

بعدها أخذتنا مسؤولة المكتبة و توجهنا الى الطابق الثالث لزيارة المكتبة .. لمن دخلنا جلسنا على الكراسي والكنب الموجود و وزعت اوراق تخص المكتبة .. من ضمنها: قوانين المكتبة و الغرامات ,, تفصيلاً:

المكتبة يوجد بها عدد من اجهزة الكمبيوتر نستخدمهم في بحوث الكلية بس ما تفتح مواقع التواصل ( Facebook- Hotmail ... الخ ) .. جهاز واحد من خلاله نقدر نطبع ( كل طالبة لها 5 ورقات باليوم )

بالنسبة للأستعارة : كل كتاب وله المدة المخصصة للاستعارة تتراوح بين يومين الى اسبوع او اسبوعين .. لين تاخرتين تدفعين غرامة ..اذا احتجتي لكتاب تقدرين تسألين المسؤولة وتساعدك ..

طبعاً بنفس الأسبوع أخذنا الملازم من المكتبة بحيث ان كل قروب يركب مع المس المسؤولة عن المادة .
نطبع الملزمة و نرجعها <<< لا تنسو رجعوها

خلال الأسابيع الاولى كل طالبة من الطالبات الجدد يعطونها بطاقة مكتبة بأسمها تقدر تستعير الكتب من خلالها بدونها ما تقدرين تاخذين اي كتاب . هالبطاقة تظل معك طوال فترة دراستك بالكلية اذا ضاعت تدفعين مبلغ و يعطوك بطاقة جديدة << يعني من البداية انتبهي لبطاقتك :wink:

* طبعاً اذا ما رجعتين اي كتاب او ملزمة او كانت عليك غرامة ما دفعتيها ما تستلمين نتيجتك نهاية السمستر
فقبل الأختبارات اعملي لك زيارة على المكتبة للتأكد يمكن شي سقط سهواً

البنات بعض الأحيان يذاكرون بالمكتبة لان المكان يكون هادئ
الجوال يكون صامت <<< قولي لنفسك
و ممنوع تدخلين بسوائل او الشنطة تحطينهم اول ما تدخلين على جنب

:24_asmilies-com:

نتابع

[Miss Ice]

نكمل رحلتنا بالطابق الثالث ..

أول ما نطلع من المصعد راح نلقى اللوكرات .

تقدرين تاخذين لك لوكر لأغراضك طوال فترة دراستك بمبلغ 115 ريال . وبعضهم القفل جنون بس اتمنى انهم صلحوهم الان

بنفس الطابق في اللابات بعضهم نطبق فيهم وبعضهم ندرس فيهم
خصوصأ ( Human Body - Applied Science-...)

و انتهت الرحلة بالطابق الثالث

ننزل بالمصعد للطابق الثاني >>> أني بنزل من الدرج :biggrin:

نفس الشي اول ما تطلعين من المصعد في لوكرات
طبعاً هذا الطابق فية 3 كلاسات للفاونديشن و وباقي الكلاسات للنيرسنج
كل كلاس نعرفه من رقمه مثلاً كلاس 215 وكذا ,, وفية كلاسات كبيرة وصغيرة ... بالجهة الثانية في معامل كمبيوترات وكم كلاس المعامل تستخدم في تقويم المواد و علمونا فيها كيف نستخدم موقع الجامعة في البحوث و الحصول على المواد الدراسية لان بعض الملازم فيها رابط تدخلينه

وبس خلصنا من الطابق الثاني

ونتابع خلكم معنا ,,

[Miss Ice]

ننزل للطابق الأول

نفس الكلام .. لوكرات بس هذا الطابق ما فيه اي كلاسات <<< :Looking_anim:

- غرف المسات وكل غرفة مكتوب عليها اسماء المسات فلا تقولين وين تلاقيها
* تذكرو طقون الباب لا تفتحونة لحد ما يفتحونة او يقولون لك انك تقدرين تدخلين << حصل لها موقف الاخت

ايضا في مكتب نقدم فية الأسايمنتات وعدة مكاتب ...:g2:يعني نادرا اذا صار زحمة و ازعاج

لا تنسون هذا الطابق ناخذ منه الجدول الدراسي ( موجود الجدول على الجهاز رقم 1 بالمكتبة اذا بتطبعينه )

اممم بس اتوقع <<< :mh12:

ننتقل على الطابق الاول ..

فية مكان مفتوح البنات يجلسون فيها يتشمسون ههههههه :sm5:امزح بس اذا تبون تشمون هوا فرش هههه

نكمل .. المصلى ... اللي يفتح قبل الصلاة بعشر دقائق او ربع ساعة على حسب :(107):

جنب المصلى في المسرح ( Adutriaum) .

الكافتيريا : :71: الصباح فطاير - عصيرات ومشروبات ساخنة ( موكا - كابتشينو ... ) مشروبات غازية ..:icon120:

الظهر فيه الغداء ... باستا - سلطات - لحوم -..... :24_asmilies-com: <<< ليتهم يغيرون بالمنيو

طبعاً المعروف انو كل وحدة لمن تحط ماكولاتها بصينية بعد ما تخلص ترجعها على مكانها المخصص
بس اذا طفشانين ما نرجعها ,,,, :(269): و :sm4: <<< تقول لكم هههه

شكلي طولت بالسوالف

نكمل بقية الطابق ( الامن - <<< جوالات الكام ممنوعة :(269):
- شؤون الطالبات ... <<< خلاص عرفتوه
- العيادة <<< خلاص عرفتوها
- فية بعض الغرف للمسات و الادارة و عميدة الكلية .

وبس خلصنا من College Tour

ان شاء الله استمتعتون معانا بالرحلة السريعة واي سؤال بالخدمة

:d5:


و ان شاء الله لنا عودة بعدد من المواقف

[MKJKJ]

حنا على ايامنا مادفعنا ولا ريال! :(204):
يمكن لأننا كنا ثاني دفعه ويبغون بنات يسجلون بالكليه وتنشهر الكليه وتمشي

اذكر اول ماجيت دخلت الكليه, انبسطت كثييييير لأنها كبيره ومرتبه واهم شئ كانت نظيفه
رحت عالليفت طلعت عالدور الاول وشفت اللوكرات, كمان انبسطت انو في لوكرات الوحده تقدر تحط اغراضها فيها,, >> اللوكرات مادفعنا فيها ريال بعد :biggrin::tongue:

طلبوا مني امتحان انجلش "ايلتس" بالبريتش كاونسل ولازم نجيب اقل شئ 4.5 عشان نقدر ندخل تمريض على طول.. طبعا الامتحان هناك تدفعين 750 عشان تمتحنينه

رحت على مكتب البريتش كاونسل وشفت المواعيد وسجلت باقرب موعد
قبل الامتحان بيوم! جلست اتطلع على الامتحان بالنت >> لا بدري والله ماشاءالله :tongue: خذيت فكره

واليوم الي بعده كان موعد الامتحان بالدمام مااذكر وين بالضبط, بصراحه الامتحان كان يخوف شوي, ومعقد تقريباً,, الي رفعلي ضغطي كان الريندق << تكره شئ اسمه ريدنق

طبعا النتايج كانت بعد اسبوعين مدري 3!! ولما رحت عالمكتب حقهم عشان استلم النتيجه
يعطونك النتيجه بمغلف طبعا, ومقفل.. انتي تاخذين المغلف وتفتحينه, ووقتها كانت بتصيبني سكته قلبيه! خفت اجيب اقل من 4.5 ,, لكن الحمدالله جبت 5 :icon120:

ورحت الكليه وانقبلت الحمدالله!!

اول يوم كانو مجمعين البنات بالاوتديروم, طبعا اول سنتين مدري 3 سنين كانو دايم يسوون اول يوم كذا حركات وبوفيه قهوه وشاي ومعجنات للترحيب بالبنات الجدد,, بس هونو خلاص :Looking_anim:

بشكل عام, الدراسه بسعد حلوة.. جربت كلية سلطان قبل سنه, وماحبيتها بالمره. ماحسيت نفسي بكليه ابداً.. رحت على كلية الدمام يوم كامل. وماعجبتني ابد, جووها مو جو كليه ابد

لكن بسعد, حسيت نفسي من جد اني بكليه
دراستها حلوه, المسات حلوين ويساعدون, لكن يعتمد عالقروب نفسه
بعض القروبات, ماتحترم المس الي قدامها ابد,,

يعني السيمستر الي طاف, في قروب, ماكان يداوم فيه الا 3 مدري 4 طالبات بالصف؟!! :(177): كيف تبغون المس بالله عليكم تساعدكم بعدين؟؟؟ مستحيل :(107):
القروب هذاا!! في مسات ماساعدوهم, اقصد بالتحديد, خلوهم يذاكرون المنهج كامل
بس على قروبنا حنا, حددوا لنا, لأن بصراحه كنا قروب كويس ونحضر كلاسات

فـ حاولو تكونوا على بعضكم قروب كويس ويحترم المس, لأن المس صدقوني راح تقدر تعبكم وجهدكم وتساعدكم


^^ طولت بالموضوع كني! خلاص كفايه :24_asmilies-com:

[MKJKJ]

طبعاً المعروف انو كل وحدة لمن تحط ماكولاتها بصينية بعد ما تخلص ترجعها على مكانها المخصص
بس اذا طفشانين ما نرجعها ,,,, http://www.ckfu.org/vb/images/avatars/jamela/%28269%29.gif و :sm4: <<< تقول لكم هههه

^
كان في قروب كذا؟ مدري انتي منهم او لا؟؟ اذا انتي منهم, فـ لا تعليق :(177):

اهم شئ بالكليه نظام وترتيب,, يعني مافيها شئ اذا شلتي صينيتك وصحنك ورجعتي كرسيك وراك,, الكليه كذا راح تضل نظيفه ومرتبه ومنظمه بعد ,, لكن اذا كل بنت ماراح تشيل صينيتها واغراضها وراها, الكليه راح تكون مش مرتبه ووسخه
اعذريني على كلامي! لكن قروب بنات زي كذا -> :(177):

[Rowny]

صبـــــــــــــآح /مســـــــــــآء<الخير والتوفيق والطـآعات وتقبل الله صيامكم :004:

بقولكم حكايتي مع هالكليه القميلهـ:biggrin:

اول شي كانت سنة تخرجي من ثانوي ..وكانت ازمه لي :bawling:

وطبعا كل شخص بالعائله الكريمه ينصحني بمكان ..وبعد جهد من التفكير ..

قررت روني تدخل كلية سعد ..:icon120:

في صباح رمضان كنت صايمه وكذا ابوي وصلني للمبنى وبعد عناء طويل عرفنا موقع المبنى :icon120:

دخلت الكليه وقلت بسم الله ..وقدمت اوراقي وعملوا لي مقابله سهله وتمت على خير :cheese::

بس طال عمركم لما رسلوا لي على الجوال موعد الاختبار كان غلط ..وكان ذاك اليوم سهرانه

الموهم الصبح اتصلت عليهم وقالولي الاختبار اليوم لحقي ولاماتلحقي طبعا مخي صاركذا :sm5:

ورحت اختبرت وانا مواصله ومن هنا تعرفت على صديقتي القميله :060:

ولاعديت الاختبار طبعا كنت احل وبس بدون لااقرا الاسئله :(269):

ودخلت فونديشن 1 ولاعديت الاختبار بعد :biggrin:<<اقولكم انافالحه

ودخلت فونديشن 2 وكنت اسحب كثير وهجوله بذا الكليه :icon120:

بس ياللعجب انا عديت :biggrin: قولوا ماشاءالله :lllolll:

والحين انتظرقبولي بالمنحه :106:

وبث ...:icon120:

بس والله المناهج حلوه وكل شي حلو بس مافي قوانين :007:

[Miss Ice]

^
كان في قروب كذا؟ مدري انتي منهم او لا؟؟ اذا انتي منهم, فـ لا تعليق :(177):

اهم شئ بالكليه نظام وترتيب,, يعني مافيها شئ اذا شلتي صينيتك وصحنك ورجعتي كرسيك وراك,, الكليه كذا راح تضل نظيفه ومرتبه ومنظمه بعد ,, لكن اذا كل بنت ماراح تشيل صينيتها واغراضها وراها, الكليه راح تكون مش مرتبه ووسخه
اعذريني على كلامي! لكن قروب بنات زي كذا -> :(177):



لا اني مش منهم .. بس حبيت انبه على هالشي ... لاني احسه شي جميل :10111:

[Miss Ice]

صبـــــــــــــآح /مســـــــــــآء<الخير والتوفيق والطـآعات وتقبل الله صيامكم :004:

بقولكم حكايتي مع هالكليه القميلهـ:biggrin:

اول شي كانت سنة تخرجي من ثانوي ..وكانت ازمه لي :bawling:

وطبعا كل شخص بالعائله الكريمه ينصحني بمكان ..وبعد جهد من التفكير ..

قررت روني تدخل كلية سعد ..:icon120:

في صباح رمضان كنت صايمه وكذا ابوي وصلني للمبنى وبعد عناء طويل عرفنا موقع المبنى :icon120:

دخلت الكليه وقلت بسم الله ..وقدمت اوراقي وعملوا لي مقابله سهله وتمت على خير :cheese::

بس طال عمركم لما رسلوا لي على الجوال موعد الاختبار كان غلط ..وكان ذاك اليوم سهرانه

الموهم الصبح اتصلت عليهم وقالولي الاختبار اليوم لحقي ولاماتلحقي طبعا مخي صاركذا :sm5:

ورحت اختبرت وانا مواصله ومن هنا تعرفت على صديقتي القميله :060:

ولاعديت الاختبار طبعا كنت احل وبس بدون لااقرا الاسئله :(269):

ودخلت فونديشن 1 ولاعديت الاختبار بعد :biggrin:<<اقولكم انافالحه

ودخلت فونديشن 2 وكنت اسحب كثير وهجوله بذا الكليه :icon120:

بس ياللعجب انا عديت :biggrin: قولوا ماشاءالله :lllolll:

والحين انتظرقبولي بالمنحه :106:

وبث ...:icon120:

بس والله المناهج حلوه وكل شي حلو بس مافي قوانين :007:



كيف صبرتين تروحين مواصلة

ههه عجبتني فالحة ..

مشكلة بعض البنات بالكلية لمن يحسون بضغط يسحبون من الكلاس

ما شاء الله عليش وان شاء الله يقبلونك

كيف مافي قوانين ؟؟:Looking_anim:

[Rowny]

ههههههههه كان هذاك ليوم ذكرياات :biggrin:

مافيه قوانين يعنوا احيانا الشؤون يقولوا كلام وبس..

مثلا انا بالفونديشن 1..حسبت انا معديه بكل المواد ماعدا الانقلش

تالي بعد مادفعت لفونديشن 2 ..قالوا لي ولبنات معي فيه مواد ماعديناها من فونديشن 1 :icon120:

وغير كذا كانوا مأملينا من البدايه دخولنا لكليه فيه موارد,,تالي يصدمونا ويقولون لنا قفل ومافيه غير وزاره

وخصوصا فيه بنات نسبهم ماتناسب الوزاره..وضيعوا ترم ع الفاضي..:24_asmilies-com:

هذا اللي صارمعي وصار لصحباتي بعد ..

بس للأمانه كل شي حلو بالكليه مقدر اذم فيها ..دراستهم عاليه خصوصا بالانقلش..

اللي ميعرف انقلش يدخل الكليه ويعرف غصب..خصوصا لاشد حيلهـ..

المناهج حلوووه ..والمسات والدكاتره حلوين :(204):

وبث :106:

[Miss Ice]

ههههههههه كان هذاك ليوم ذكرياات :biggrin:

مافيه قوانين يعنوا احيانا الشؤون يقولوا كلام وبس..

مثلا انا بالفونديشن 1..حسبت انا معديه بكل المواد ماعدا الانقلش

تالي بعد مادفعت لفونديشن 2 ..قالوا لي ولبنات معي فيه مواد ماعديناها من فونديشن 1 :icon120:

وغير كذا كانوا مأملينا من البدايه دخولنا لكليه فيه موارد,,تالي يصدمونا ويقولون لنا قفل ومافيه غير وزاره

وخصوصا فيه بنات نسبهم ماتناسب الوزاره..وضيعوا ترم ع الفاضي..:24_asmilies-com:

هذا اللي صارمعي وصار لصحباتي بعد ..

بس للأمانه كل شي حلو بالكليه مقدر اذم فيها ..دراستهم عاليه خصوصا بالانقلش..

اللي ميعرف انقلش يدخل الكليه ويعرف غصب..خصوصا لاشد حيلهـ..

المناهج حلوووه ..والمسات والدكاتره حلوين :(204):

وبث :106:



الله يكون بعون الجميع ... يب دراسة الكلية حلوة بس يبيلها مخ مفتح على الآخر
:71:

[Miss Ice]

:53: مسائكم / صباحكم ,, خير

_______________________________


Y1 sem1 Subjects

Islam

مادة الأسلام مش مقررة بالكلية بس الوزارة هي اللي اظافتها

بس تنفع البنات في رفع GPA و هالمادة مع العربي ندرسهم بسنة اولى و ثانية

Islam : Y1 sem1
Y2 sem1

Arabic : Y1 sem2
Y2 sem2

______

Care clinical knowledge and skills ( CCKS) / Theory & Laboratory

وهي مادة تتعلق بالمعرفة والمهارة اللي راح تحتاجينها في تعاملك مع المرضى

بالمستشفى

وهي قسمين تتوزع بين : الكلاس ( نظري) طبعاً المادة شوي يبيلها مذاكرة مستمرة . و

أحيانا تحتاج انك تفتحين خيالك . في انو لو كان عندك مريض حالته معينة شنو راح تعملي

ايضا : الأسعافات الأولية - طريقة أخذ العلامات الحيوية للمريض (Vital signs).. وغيرها الكثير

القسم الثاني باللاب ( الطابق الثالث )

وهو تطبيق عملي للي درستية بالكلاس ,, طبعاً في اللاب تحتاجين الى لاب كوت - سكراب أبيض

طبعاً في بنات يلبسون جينز أبيض او مثل اللي يكونو ضاغط ابيض - وجزمة بيضاء

والشعر مرفوع - الأكسسوارات ممنوعة يعني تتخيلين نفسك بالمستشفى بس بدون

حجاب << زين قلتي

ههه

اول شي راح يراجعون معاكم شنو اخذتو بالكلاس ويسألوكم بعدها كل مجموعة طالبات راح يكونون مع المس المسؤولة عنهم واللي راح تشرح لهما الدرس عملي

وراح تطبقون هالشي بينكم ,,, :lllolll:و أحيانا نطلع 4 العصر لان كان اخر كلاس <<< :24_asmilies-com:


الأختبار بيكون بس نهائي - وكان عندنا أختبار واحد بس لمعرفة طريقة الأسئلة واللي راح تكون كلها مقالية essay

[Miss Ice]

Human Body

مادة تتكلم عن جسم الأنسان << من أسمها يا شيخة نعرف :cheese:

فيها عدة فصول كل فصل يتكلم عن جهاز واحد من جسم الأنسان ( الجهاز الهضمي - الجهاز البولي - ,,, الخ )

هالمادة بعد باللاب فقط ,, طبعاً عادي تلبسين اي شي

تحتاج انك تعرفين المصطلحات الموجودة وطريقة عمل الجهاز ووظيفتة ..تحتاج ايضا مذاكرة مستمرة

المس اللي عطتنا المادة كانت بعد كل فصل تعمل لنا اختبار بس بعدة طرق احيانا يكون على ورق

وأحيانا يكون مثل اللعبة ,,,

الاختبار : 3 أقسام - Task 1 - Task 2 - Final

الأختبار - multiple choice و essay

* خلال المحاظرة في نوتة صغيرة دوني بعض المعلومات اللي راح تربطين بينها وبين شي معين
او أستخدمي highlight

___________________

_______________

[Miss Ice]

English

نفس العربي و الأسلام بس بسنة اولى وثانية

وهو ثلاثة أقسام (Reading- Writing -Speaking-Listening)

كل قسم له مس معينة - بس الرايتنج له ثنتين

الأختبار : في اختبارات قبل اختبار Final

الانجلش مهم جداً خصوصاً بالرايتنج لازم تركزي مع المس واذا ما عرفتين شي تاكدي من المس او

أسألي البنات . وهم البقية مهمين

بالنسبة لل Listening راح تشغل المس مقطع صوتي وانتي راح تكتبين الأجابة بالملزمة تبعك

Reading قراءة قطعة والأجابة عن مجموعة من الاسئلة اللي راح تخلف بطرقها وهذا هم بعد بالملزمة

Speaking راح تكون في مواضيع معينة كل طالبة راح تكلم عنها

مثلا تكلمي عن نفسك - مدينتك - عائلتك - هواياتك ، و انه كيف تختصري كل موضوع في دقيقة واحدة

وبطريقة صحيحة

[Miss Ice]

Applied Science

قسمين ( Theory- Lab) طبعاً كل قسم له مس بس بــ Theory راح تكون مس + المس اللي راح تدرسكم باللاب

هالمادة مثل الفيزياء - رياضيات - فيها شوي كيمياء

تحتاج لتركيز خصوصاً في بعض المصطلحات اللي تكون حروفها قريبة من بعض

فيها أشياء حفظ --

الأختبار Task1- Task2 - Final

نوعية الأختبار multiple choice و essay

+ الآلة الحاسبة

* باللاب لازم تلبسين اللاب كوت <<< اذا ما لبستية ممنوع تدخلين ,, ودبرين حالك ويا البنات :(107):

____________________

Communication in Care

مادة Theory بس

الأختبار بس essay و final

________

Study Skills

مادة مهمة في كتابة الـ assignment اللي هو البحث

نفس الشي لها أختبار واحد وهو Final و Theory

______________________________

و بالتوفيق للجميع

[Miss Ice]

طبعاً عندي لكم بعض الأشياء اللي راح تحتاجون تعرفونها

- في الصباح حاولي تجين بدري حتى لا تتاخرين عن الكلاس خصوصاً اللي مناطقهم بعيدة

يعني تأخري 5 دقايق بالكثير 10 ,, بس لا تتاخرين كل مرة حتى لا احد يهدر عليك و الخ

بعض المسات ما يقبلون انك تتاخرين على كلاسهم اكثر من 10 دقائق وبعضهم اقل

نفس الشي بعد بريك الفطور او الغداء ,, لان بعضهم ما يقبلون هالشيئ <<< للتأكيد

- اذا كنتي بتروحين تخلصين شغلك عن مس معينة قبل كلاس ,, روحي للمس اللي راح تكون عليكم بالكلاس اللي بعده واعطيها خبر حتى اذا تاخري يكون عندها علم

- الجولات بالكلاس صامت

- العلك ممنوع بالكلاس <<< صار لي موقف مع العلك ههههه

- كمان عندنا مسات من اول ما يدخلون عليكم انجلش بأنجلش <<< يعني ما يتكلمون لكم عربي الا في بعض الحالات <<< :Looking_anim: او نادراً

شي حلو صراحة اني يعجبني :biggrin:

( احترم اللي قدامك يحترمونك ويحطون لك الف حساب ) مو بس مع البنات مع كل الأشخاص الموجودين بالكلية

وبس يمكن في اشياء تحسون مبالغ فيها بس مع الأيام راح تشوفون


وسلام عليكم

[M-A]

و فديت قلبك

كلامك ١٠٠٪ كويس يعطيك الف عافيه ماشاء الله م قصرتي

:004::rose:

[Fatmahmans]

مرحبا انا انقبلت بالجامعه وصراحه شدني الموضوع واعجبني كلامك وفتحتو نفسي للكليه الله يفتحها عليكم لان من جد كنت متوتره

الموهم انا انقبلت اول سنه تمريض بغيت اسال وش المواد الي درستوها
و اقدر انا اسوي جدولي بنفسي ولا التزم بالخطه لاني من اول كنت ادرس طب بشري وماكملت ومايمدي اعادل فلو بنزل نفس المواد بيكون اسهل علي اقدر اسوي ذالشي او لا
وو متى راح يبدا الدوام بالكليه وفيه خريطه للمبنى وللكلاسات ولا بنجلس ضايعين
وو راح نلبس سكراب بلون محدد او اي لبس وعليه لابكوت
وايش الرولز الي حاطينها من ناحية اللبس
وكمان سمعت انو الجوالات ممنوعه :\ ,

ممم وشكرا ويجزاكم خير ويارب تردون علي وتجاوبون على اسالتي وكذا :$

[بنوته امهآ]

ودخلت فونديشن 1 ولاعديت الاختبار بعد :biggrin:<<اقولكم انافالحه

ودخلت فونديشن 2 وكنت اسحب كثير وهجوله بذا الكليه :icon120:

بس ياللعجب انا عديت :biggrin: قولوا ماشاءالله :lllolll:

والحين انتظرقبولي بالمنحه :106:

وبث ...:icon120:

بس والله المناهج حلوه وكل شي حلو بس مافي قوانين :007:

اسمك روني وماخذه سنه كامله فاونديشن ..وتسحبين كثير كاني عرفتك .. تعرفين وحده ينقال لها مصطفى بكلاسك هههههههه ولآ .؟:sm5:







































































+

[بنوته امهآ]

miss ice ابدعتي ياقمرر:004:


انآ احلى موقف لي ما انساه كنت رايحه اتغدا مع البنات ورجعنا الكليه متاخر وكان الكلاس بادي وماقدرنا ندخل لان اليوم اللي قبله كنا متاخرين على نفس كلاس نفس المس :139::(269):>>من الفلاحه

والبنات كانو خايفين قمت انا اقترحت عليهم فككره اني اسووي روحي اغمى علي وتعبت ههههههههه .. واتفقنا ونفذنا الخطه وطحت وودوني عند مس صباح وافحصتني وكل شي قامت تسمي علي وتقولي ارتاحي :hahahahahah:وقالت ان فيني تفكير وعصبيه ودقات قلبي سريعه >>وانآ مافيني شي اسم الله علي :Looking_anim:

وبعدين قامو طلبو منها ورقه عشان يدخلون الكلاس وعطتهم وراحوو :biggrin:وانا نمت بالعياده عند مس صباح نومه جميله ههههههههههههه :sm5::004:

وانقذنا الموقف بسلام :lllolll:

[Rowny]

اسمك روني وماخذه سنه كامله فاونديشن ..وتسحبين كثير كاني عرفتك .. تعرفين وحده ينقال لها مصطفى بكلاسك هههههههه ولآ .؟:sm5:








































































+

يمه انشهرت :g2:

ايه ايه ..:biggrin:

بالله منو انتي :Cry111:

[M-A]

بنوتهه ههههههههههههههههههههههھ وربي خطيره

ترى لي ميداليه بالتمثيل خذيني معك هههههه
بس دقات قلبك من الخوف مؤ من الطيحه :hahahahahah:

[بنوته امهآ]

يمه انشهرت :g2:

ايه ايه ..:biggrin:

بالله منو انتي :cry111:


[/color][/size]


هههههههههههههههه .. انا مصطفى بشحمه ولحمه :(284)::004:

[بنوته امهآ]

بنوتهه ههههههههههههههههههههههھ وربي خطيره

ترى لي ميداليه بالتمثيل خذيني معك هههههه
بس دقات قلبك من الخوف مؤ من الطيحه :hahahahahah:

دوم الضحكه يارب :106::004:

ههههههههههه حلو حلو افا عليك خلاص بضمك وياي :biggrin:


اي من الخوف والركض اللي ركضناه :sm5:

[Rowny]

هههههههههههههههه .. انا مصطفى بشحمه ولحمه :(284)::004:

كح كح انتي مصطفى :eek:

هلا هلا بالباشا مصطفى :hahahahahah:

معرفتس والله اجل طلعتي مصطفى هاه :biggrin:

ايه شسمه ذا والله وحشتيني :bawling:

متى اشوفك يابنت :sm1:

[MKJKJ]

مرحبا انا انقبلت بالجامعه وصراحه شدني الموضوع واعجبني كلامك وفتحتو نفسي للكليه الله يفتحها عليكم لان من جد كنت متوتره

الموهم انا انقبلت اول سنه تمريض بغيت اسال وش المواد الي درستوها
و اقدر انا اسوي جدولي بنفسي ولا التزم بالخطه لاني من اول كنت ادرس طب بشري وماكملت ومايمدي اعادل فلو بنزل نفس المواد بيكون اسهل علي اقدر اسوي ذالشي او لا
وو متى راح يبدا الدوام بالكليه وفيه خريطه للمبنى وللكلاسات ولا بنجلس ضايعين
وو راح نلبس سكراب بلون محدد او اي لبس وعليه لابكوت
وايش الرولز الي حاطينها من ناحية اللبس
وكمان سمعت انو الجوالات ممنوعه :\ ,

ممم وشكرا ويجزاكم خير ويارب تردون علي وتجاوبون على اسالتي وكذا :$

لا تسوين جدولك ولا تعبين نفسك ولا تسجلين مواد, الجدول ينزلك جااااهز تاخذيينه اول يوم من البورد واحيانا يعطونك اياه مصور
اذا بتعادلين؟؟ ماادري ماعمري سمعت وحده عادلت مواد, بس اسألي وشوفي قبل لا تبدا الدراسه
الدوام بالكليه راح يكون بعد اسبوعين من شوال, دايما حنا نبدا دراسه مع المدارس بالضبط
في كل دور, خريطه معلقه توريك كلاسات, المخارج...الخ بس اهم اصلا اول يوم راح يوروكم المكان كامل من الدور الارضي للدور الثالث
تلبسي عادي بنطلون وتي شيرت, وفوقه الاب كوت,, اذا كان عندك لاب؟ تلبسين سكراب او بنطلون ابيض وتي شيرت ابيض وفوقه الاب كوت طبعاً
الرولز: عادي تلبسين بنطلون جينز تي شيرت, بس اهم شئ مايكون قصير :تنوره قصيره\برمودا
والفنيله ماتكون كت! ابداً

الجوالات مو ممنوع, بس الي بكاميرا ممنوع, لأن في بنات ماينعطون وجه ولا ينوثق فيهم :mad:

[Miss Ice]

صباحووووو - مساؤوووو صبايا

كيفكم ؟؟؟

:(269):

[بنوته امهآ]

كح كح انتي مصطفى :eek:

هلا هلا بالباشا مصطفى :hahahahahah:

معرفتس والله اجل طلعتي مصطفى هاه :biggrin:

ايه شسمه ذا والله وحشتيني :bawling:

متى اشوفك يابنت :sm1:


ههههههههههههه ايه :060:

هلآ بك زوود :106: انتي اكثر والله .. قريب ان شاء الله نتلاقى :bawling::004:

[بنوته امهآ]

صباحووووو - مساؤوووو صبايا

كيفكم ؟؟؟

:(269):

هلآ والله ارحبووووو :106::004:

تمآم .. انتي شخبارج ؟؟

[Miss Ice]

بنوتة .. منو انتي بالضبط لاني محتارة بين بنتين

اممممم اذا تبي رسلي رسالة خاصة منو انتي

او اذا تبي تقولي هنا او تغششيني مافي مشكلة :(269): << :g2:

ونحن منيحات وطيبات وزينات ووووو بث

[بنوته امهآ]

بنوتة .. منو انتي بالضبط لاني محتارة بين بنتين

اممممم اذا تبي رسلي رسالة خاصة منو انتي

او اذا تبي تقولي هنا او تغششيني مافي مشكلة :(269): << :g2:

ونحن منيحات وطيبات وزينات ووووو بث


انا الانسانه اللي كل ماشفتيني هزئتيني وناجرتيني :007::tongue:

انآ اسمآ :060::004::004:

[Miss Ice]

انا الانسانه اللي كل ماشفتيني هزئتيني وناجرتيني :007::tongue:

انآ اسمآ :060::004::004:


ههههههههههه هلا بك يا حلوة وحشتيني عن جد

انا ما اهزئك واناجرك بس احب اجننك هههههههههههه

كيفك؟ الحين انتي نيرسنج صح ؟

[بنوته امهآ]

ههههههههههه هلا بك يا حلوة وحشتيني عن جد

انا ما اهزئك واناجرك بس احب اجننك هههههههههههه

كيفك؟ الحين انتي نيرسنج صح ؟

هههههههههه هلآ بك انتي اكثر والله ..

فديتك والله :060:

للحين نيرسينج تحت الاجرآء .. مايندرى اكمل ولا اقعد بالبيت ..:sm12:

[Miss Ice]

النتيجة يوم الاحد لسنة اولى وثانية

والسبت لسنة ثالثة ورابعة

يا رب نعدي ..

[Miss Ice]

السلام عليكم

البنات اللي تم قبولهم بالكلية سواء فاونديشن او نرسنج .. و الطالبات اللي يدرسون بالكلية من قبل
يكتبو لنا مواقف او اي شي .. يفيدنا و كذلك الطالبات الجدد

تقدر تتابعو الموضوع وتقروة من البداية :29:

[جوجو تايقر]

السلام عليكم ورحمة الله وبركاته

حبيت اشاركم بشي دائما يصير :)

وهو الناس الي تحب تحطم

يعني انا لما قررت اسجل بالكليه

ناس تخرجت والبعض منها

قالو ماحد ينجح فيها وترسب الناس

طيب والناس الي تنجح؟؟

بالحقيقه ان كل شخص واجتهاده

يعني لو وحده تلعب غير عن الي تدرس

فالزبده الي حبيت اقولها

ان الي مقرره تلتحق بالكليه لا تسمع الى احد

تسمع الى نفسها وتثق بقدراتها :11:

[بنوته امهآ]

ميه ميه كلامك يا جوجو ' ومادام انتي اخترتي هالكليه كونني واثقه من اختيارك واجتهدي وما عليك من كلام المحبطين

[جوجو تايقر]

ميه ميه كلامك يا جوجو ' ومادام انتي اخترتي هالكليه كونني واثقه من اختيارك واجتهدي وما عليك من كلام المحبطين

انا الحمدلله اخترتها بقتناع

بس خفت ان احد يتاثر بكلام غيره الي يحطم

فحبيت اكتبها كنصيحه

احس اتضايق من هذا

الاسلوب

مستحيل يقولو الايجابي حتى لو يعرفوه

[رآزقية]

كلامك ميه ميه فعلن ناس شغلتها تحطيم وبس :30:
انا جلست مع بنات حسسوني انو الدراسه مره صعبه وانش يادوب يادوب تعدي وخفت مره بالذات من سالفه البحوث :7:
اسايمنت واسايمنت من اول اسبوع لي في الدراسه وهو صاكين راسنه فيه :7::33:

[anwar_s]

صح كلاممك ميه ميه

انا جربت درست فاونديشن وحابةة اقول

انا مو اي شي يقولونة البنات يتصدق ..

[حلاووه]

ههههههههه الموضوع مره ممتع استمرووو
ريحني و خصووصا اني طالبة جديده فاونديشن

[ness]

زين بسألكم بنات !!
النتايج تنزل على الصفحه الرئيسيه بالموقع حق الكليه ولا وين !!:(

بزياده على اعصابي :44:

[anwar_s]

زين بسألكم بنات !!
النتايج تنزل على الصفحه الرئيسيه بالموقع حق الكليه ولا وين !!:(

بزياده على اعصابي :44:

انتي ايش مختبرة ؟
اهو على العموم النتاج ناخذها من الكلية بس مدري اذا غيرو

[ness]

ال ielts

يعني اروح الكليه واشوف النتيجه !! م تطلع بموقع الكليه؟؟؟:44:

[Foocha]

ششسمه ness
ما تروحي الكليه اسهل شي ان تتصلي لهم واهم يقولو لك
وبالتوفيقق :35:

[ness]

ششسمه ness
ما تروحي الكليه اسهل شي ان تتصلي لهم واهم يقولو لك
وبالتوفيقق :35:



لا انا دقيت عليهم اليوم وقالوا لي م عديتي بالاختبار
مصيري فاونديشن :12: بس خيره

[Foocha]

بالنسبه لأول يوم كان عدل يفشل لأن ما تعرفت على احد وكنت كأني شبح بحالي
بس ان شاء الله اتعرف على البنات ف الايام الجايه :44:

[ness]

بالنسبه لأول يوم كان عدل يفشل لأن ما تعرفت على احد وكنت كأني شبح بحالي
بس ان شاء الله اتعرف على البنات ف الايام الجايه :44:

لا م عليك مو شي يخوف ان شاءالله كلنا نصير يد بيد وكيذا:37::1:

[وجدان ص]

بنات من اللي قبلوها تحت 80% :(:confused:

[ضايعه ججججججدا]

لا انا دقيت عليهم اليوم وقالوا لي م عديتي بالاختبار
مصيري فاونديشن :12: بس خيره

حبيت اسالك الفاونديشن قوى لغتك لاني انا لسه ماختبرت وخايفه اروح فاونديشن وماعدي:mh12::Cry111::sm18: وكيف الدراسه فيديني يسعدك ربي

[Dedo.1]

فيه كثير بنات سالتهم يقواوت الدراسه صعبه وم يحمسوا احد
شسمه ابي اعرف ادفع رسوم التسجيل اول وبعدين اختبر الاختبار ؟ ولااختبر اول وبعدين ادفع رسوم التسجيل ؟
وكم رسوم الاختبار والتسجيل ؟
ساعدوني :'(