المواد الي لها متطلب ادارة اعمال

[مجتهد وطموح]

السلام عليكم شهركم مبارك وتقبل الله منا ومنكم الصيام والقيام . انا مسويلي خطه امشي عليها غير خطة الجامعه مره بس انا خايف من انه يكون فيه ماده تكون قبل ماده وجيب العيد اعرف ان المواد الي 1و2 تكون تبع بعض بس هل فيه مواد غير مثل الاحصاء هل لازم اخذه قبل التحليل الاحصائي تكفون الي يعرف ماده متطلب لها ماده بس يكون متاكد يقولي . اسف على الخربطه في كتابة الموضوع وعدم الترتيب وشكرا للي بيرد والي ما يرد.

</b></i>

[my Dreams]

هذا النظام كان متبع في اول ترم اما الان فلا يوجد شيء اسمه متطلب مادة لمادة اخرى تقدر تسجل رياضيات 2 قبل رياضيات 1 وتقدر تسجل مواد من مستوى سادس الامر متاح الان

[مجتهد وطموح]

جزاك الله الف خير اخوي طمنتي لان عندي جدول مسويه . طبعا انا مقرر اني ازود ترم . فلذلك جدولي بيكون كل ترم خمس مواد فقط وبين كل اختبار يوم على الاقل ومافيه مادتين بيوم واحد جدول مريح

[Just have fun]

أمش على الخطه أحسن لك

[مجتهد وطموح]

أمش على الخطه أحسن لك



الخطه رايحه فيها بعدين انا دوامي ضغط وما ودي انزل اكثر من خمس مواد شكرا لك

[مجتهد وطموح]

ترو الجدول حلو بيعجبكم للي ماهو مستعجل ويبيه. باقي ما كمل لان باقي فيه بعض المواد مانزلوها الي اتوقع انها ثلاث او اربع وبعد ما تنزل بنسقها

[SMART.BOoOY]

يارجال الخطة حووووووووووووووسة شف وقتك وشف قدرتك انا بصراحة باخذ من مواد الترم السادس وريح راسي

بالتوفيق

[المصباح]

السلام ،،،

نصحية لوجه الله لا تمشي على الخطة بل اعمل خطة لنفسك ومن ثم ازيد النصيحة بان تأخذ المقرارات على حسب تربيبها اي مثلاً لا تاخذ محاسبة 2 قبل محاسبة 1 لان فيه معلومات مبنية على المقرار الاول .

لكم فائق احترامي

[صَمْتّ مُؤْلِمْ]

مثل ما قال أخوي my Dreams


بس نصيحة في بعض المواد تحتاج تأخذ ماقبلها

حتى لو ماكان لهم تسلسل 1 و2

مثلاً إدارة عمليات تأخذ قبلها أساليب كمية


بالتوفيق

[صَمْتّ مُؤْلِمْ]

بالمناسبة أنتو في نعمة أن الفرصة متاحة لكم وتكون معكم نماذج اختبارات سابقة

مرة الوضع أسهل

[قلم طموح]

المسأله مو متطلب او غير متطلب
في مواد مفاتيحها مواد ثانيه يعني راح نتعب في متابعه المحاضرات وفهمها.. لان في مواد قبلها تكون تعرضت لبعض مواضيع او اساسيات او حتى تعريف لمصطلحات..تسهل علينا فهم مابعدها من مواد..بالمختصر نسوي خطه تناسبنا بس نراعي وجود مواد قبل مواد ممكن نعرف دا الشي لما نقرأ شوي عن محتوى المادة اكيد راح يبين معانا إذا كان فيه مادة متعلقه فيها او لا

[جنيهات]

انا شخصيا باخذ كل ترم خمس مواد حتى لو ازيد سنه دراسيه

[مجتهد وطموح]

المسأله مو متطلب او غير متطلب
في مواد مفاتيحها مواد ثانيه يعني راح نتعب في متابعه المحاضرات وفهمها.. لان في مواد قبلها تكون تعرضت لبعض مواضيع او اساسيات او حتى تعريف لمصطلحات..تسهل علينا فهم مابعدها من مواد..بالمختصر نسوي خطه تناسبنا بس نراعي وجود مواد قبل مواد ممكن نعرف دا الشي لما نقرأ شوي عن محتوى المادة اكيد راح يبين معانا إذا كان فيه مادة متعلقه فيها او لا


وهذا هو المقصود اختي ابي اعرف المواد الي تتبع لمواد اخرى عشان انزلها قبل واخذ الماده الثانيه وانا عندي فكره

[مجتهد وطموح]

انا شخصيا باخذ كل ترم خمس مواد حتى لو ازيد سنه دراسيه


خمس مواد بتزودين ترم واحد انا جدولي الي سويته زيادة ترم واحد وكل ترم خمس مواد الا المستوى الثاني ست مواد