بدأ التسجيل للدبلوم العام في التربية بالجامعة العربية المفتوحة

[مملكة الإحساس]

السلام عليكم ورحمه الله وبركاته

تعلن الجامعة العربية المفتوحة عن بدء القبول للفصل الدراسي الأول للعام 1433 هـ - 1434 هـ

موعد التسجيل :
9 رمضان 1433 هـ - 28 يوليو 2012 م

فروع الجامعة :
1- #الرياض
2- #جدة
3- #الدمام
4- #الاحساء
5- #المدينة
6- #حائل

البرامج المتاحة :
1- بكالوريوس اللغة الانجليزية و آدابها
2- بكالوريوس تقنية المعلومات و الحاسب الآلي
3- بكالوريوس إدارة اعمال ( انظمة إدارية )
4- الدبلوم العام في التربية
5- بكالوريوس التربية الخاصة

موقع الجامعة على الانترنت :
http://www.arabou.edu.sa/

للاستفسار الاتصال على الرقم الموحد من الساعة 10 صباحاً الى 3 عصراً
920000268+

[كيك]

كيف التسجيل ماعرفت

[كيك]

شكله مش مفتوح لما اشوف النموذج يطلعلي التقويم

[غصون الازهار]

:Cry111:

[ريـ الفلا ـم]

كيف طريقة التسسجيل ؟!

[مملكة الإحساس]

أنا بعد أبي اسجل وماأدري شلون الطريقة..

ماتطلع لي استمارة التسجيل يطلع لي التقويم..

اللي عنده أي معلومة يخبرنا..

[كبرياء جرح]

طيب كيف التسجيل ربي يعافيكم ؟
ماهو واضح ابد :icon9:

[ريـ الفلا ـم]

لقيت تجربة شخص مع دبلوم التربية :biggrin:

بنقلهـآ لكم لآن مـآ اقدر اجيب الرابط اخـآف يقولون اسوي دعـآية ولا شي ويكرششوني :Looking_anim:

---------


خططوات التسجيل كانت
عن طريق تعبئة الابلكيشن في الموقع.. وتاكد من حروف الاسم الانجليزية انها مطابقة لجواز السفر
طبعا طلباتهم معروفة للجميع ( صورتين - شهادة الجامعة - اثباتك - وتسدد مبلغ التسجيل في حساب سامبا).. وتاخذ الايصال واوراقك وعلى الجامعة ..
طبعا لا تاجل وتقول بكره لانه احتمال فاي وقت يقولون اكتفينا بالعدد http://www.aoua.com/vb/images/newsm/cry.gif

بعدها عاد ينزلك المشرف الجدول .. ويقولك سدد المبلغ الفلاني وتعال افعل لك .. وتستلم الكتب..


الدبلوم التربوي :
ينقسم على ترمين ..
6 مواد في كل ترم ..
والدوام يومين كل اسبوعين يعني ( 4 ايام فالشهر )
الاربعاء مادتين 4-6 6-8
والخميس 4 مواد 11-1 1-3 4-6 6-8 ( حسب فرع جدة )

كل مادة تتكون من
واجب 20 درجة
اختبار دوري وحيد 30 درجة
احتبار نهائي 50 درجة..

درجة النجاح 50درجة .. بشرط ان لاتقل اعمال السنة عن 20 ولا النهائي ايضا عن 20


نبدء بالواجبات ..
عادة ماتعتمد على البحث في الانترنت والكتب والمراجع و يهتمون كثير بالمراجع ... ونصيحتي
لو جبت من مرجعين لا مانع انك تروح اخر المرجع وتنقل كم اسم من المراجع الموجوده فيه
وحط معها كم موقع الكتروني لان الدكاتره بسم الله عليهم مسوووين فيها ان المراجع مهمه..

واكثر شيء عقدني فالواجبات يوم احط له 4 مراجع ويقول المراجع قلــــيله ( بسم الله عليك ياعالم الذرة كم مرجع تبي ياوجه الـهذا http://www.aoua.com/vb/images/newsm/yawn.gif !! )
وتجربتي الشخصية اعتمدت على نفسي في حل جميع الواجبات الا واجب واحد .. كنت يوم من الايام في خلوه مع شيطاني http://www.aoua.com/vb/images/newsm/smartass.gif واطيح في شخص ما في شات ودفيت عليه واجب مقابل 75 ريال http://www.aoua.com/vb/images/newsm/biggrin23.gif ) و جاني الواجب واعدله بنفسي وازبطه وانتكه وارسله http://www.aoua.com/vb/images/newsm/thumb_yello.gif
طبعا الواجب المنسوخ يقولون انه ام المصائب .. فالواحد لا ينسخ بالنص .. يحاول بدال مايقول
( هذا والله اعلم ) يكتب ( والله أعلم وأحكم ) http://www.aoua.com/vb/images/newsm/biggrin23.gif


أما الاختبارات الدورية ..
الترم الأول بالنسبة لنا كانت ورقية .. ومشي حالنا في دكاتره حددوا ودكاتره ماقصروا وفي نوعيه لا والله ماعطونا وجه http://www.aoua.com/vb/images/newsm/chair.gif
والترم الثاني .. كان اختبار من الكويت حسب كلام الدكاترة (اونلاين) يعني كمبيوتر صح وخطا واختر ووصل والدرجه بمجرد ماتخلص الاختبار تطلع لك..
طبعا اكتشفت الجامعة - المفتوحة- ان الاسئله موجوده فالمنتدى فبعض الاحيان تجينا الجمل معكوسة .. او منفية بـ ( لا ) أو ( لم ) اهم شيء يعكسون معناها او يغيرون ارقام لذا جرى التنويه http://www.aoua.com/vb/images/newsm/wink_2.gif




الاختبار النهائي..
غالب المواد تكون 20 درجة موضوعي ( صح وخطا واختيارات ) والباقي مقالي..
النصيحة اللي ممكن اقولها للجميع.. عليك بحسن الاسلوب وتكبير الخط وجمالــه..
اكتب كل ماتعرف ومالا تعرف .. واي شيء تحس ان فيه ريحة السؤال ..
اذا مطلوب تعداد 5 حط لهم 8 وهم يدورون الصح بس..( هذا كلام الدكاتره عندنا)
وترى السالفة اختبار مو (خطبه ) يوم انكم تستحون تكتبون ..
وخلوا مبدئكم نفس مبدئي .. اذا سووا نذاله فينا وصعبوا الاسئله .. انا انذل منهم واكتب كلام كثييير اتعبهم يقرووون http://www.aoua.com/vb/images/newsm/biggrin23.gif
دائما اتخيلني الدكتور اكيد لو قريت صفحه باتعب فنصها واصرف للطالب ع الاقل 3 من 5 وهكذا..
هذي فلسفتي الخاصه .. ولله الحمد والمنه نتايجها حلوه في معظم المواد .. http://www.aoua.com/vb/images/newsm/rolleyes.gif



نبدء في تفصيل المواد..





مواد الدبلوم الترم الأول:

مادتين عامه ..

- الحاسب الآلي: ويمكنك معادلاتها بشهادة قيادة الحاسب الدولية اذا عندك هالشهادة ..
او تدرسها وموضعاتها سهله من مبادء ونشاءة الحاسب والكلام النظري حتى الوورد والاكسل ..
واعتقد انها ماده للي يتعاملون مع الحاسب يجب ان لايقلوا عن الممتاز او الجيد جدا مرتفع..
واصنفها :سهله..



- مهارات التعلم الذاتي ..
تتكلم عن القراء السريعة و بعض مهاراة التعلم بصراحه هالماده خصوصا انا حبيتها احسها ممتعه
على الاقل اقراء شيء واستوعبه .. بدون خرابيط علماء واسمائهم وديارهم ..
واصنفها سهله..


- علم نفس التعلم والتعليم..
علم نفس يعني علماء ومدارس وسكيولوجيه و كلمات من اللي خابرينها .. بها كلام كثيير بصراحة
واقدر اقول انها من الوزن الثقيل شوي..


- مدخل للتربية..
تتكلم عن التربية و تاريخها و تعاريف وعلاقتها بالثقافة والتعليم و اقدر اقول انها متوسطة الصعوبة..

- تقنيات تعليم:
ماده حلوووه .. يعني من منا مايعرف المسجل والداتاشو و باقي التقنيات التعليمية .. سهله هالماده لو فهمتها مو حفظتها.. وخلك انت المولف وتوصف الادوات مو تردد كلام المولف..

- مناهج وطرق تدريس عامه..
هذي مادى دسممممممممممممه بصراحه .. تتكلم عن التحضير و طرق القاء الدروس و اعداد الاسئله وانواعها .....الخ




وكذا نكون انهينا الترم الأول .. http://www.aoua.com/vb/images/newsm/biggrin23.gif



الترم الثاني:



5 مواد مشتركه بين كل الطلاب والطالبات
وماده لكل تخصص على حده وهي ( مناهج وطرق تدريس خاصه )

1. ادارة تعليمية ..
هالماده يمكن افادني فيها اني درست كورس ادارة قبل .. الماده تتكلم عن الادارة وانواعها والفرق بين الادارة ( التربوية و التعليمية و المدرسية ) و بعض طرق الادارة .. ماده اقل من متوسطه الصعوبة ..

2. القياس والتقويم ..
سبحان الله هالماده حبيتها http://www.aoua.com/vb/images/smilies/smile.gif على اني ماهضمت محاضرتها .. بس حلوووه ( منوال و وسط وسيط ..الخ) بس اكره فيها ( انححراف معياري ) مفيده فسالفة انك تعرف مستوى صعوبة السوال و والاختبار وهكذاحبيت واجبها لان فيه تطبيق على برنامج spss وانا هالتطبيق احبه.. لكن يمكن البعض مجرد مايشوف معادلات وارقام تجيه عقدة رياضيات ومصعبين الشغله وهي ماتستاهل........!
الماده فالبداية اخذتها تحدي لكن بعدين حسيت انها اصغر مما توقعت وابسط ..
صدقوني بتجيكم وحدات تقرونها ماتدرون وش السالفة .. بس هالواحدات يبدوا لي انها تكملة عدد..
لاني مااتذكر فالاختبار النهائي اهتموا فيها .. وكان اهم شيء الاساسيات والاشياء الواضحة..
اللحين اللي يشوف كلامي عنها يقول اخذ ممتاز .. لكني باصدمكم واقول لا والله مو ممتاز .. بس على الاقل
انقل لكم انطباعي عن الماده ولو ان كثير طلع من الاختبار متذمر بسبب انه فيه سوالين يبيلها تطبيق
وكانت حساب معدل مدري معامل الصعوبة .. وشي ثاني نسيته والله..
عموما الماده نقدر نقول عليها متوسطة ...



3-علم نفس المراهقة :
هالماده الله يحفظ دكتورها .. بصراحه هو الانسان اللي تحسه (عالم) مو بعض الطقة اللي يجون حافظين ويهذرووون علينا باللي حفاظينه من الكتب.. انسان له رأيه الخاص حتى لو خالف عالم من علماء النفس.. ويقنعك ..
الماده كلام كثييير وتعدااااااااااااد .. مراهق وخصائصة والاسرة والمجتمع واقرانه والسلوك والعمر وتاثيره
طبعا يبليلها تركيز بصراحة ..

4-بحث في تحسين الاداء؛
الماده مدري وش علاقتها بتحسين اداء المرحلة الثانوية .. تتكلم عن لو كنت بتسوي بحث اش اجزائة و شروطه..
و تقسيمات البحث .. والمراجع و وش المصادر وكذا ..
الماده سهله يمكن الوحدات الاخيره فيها كلام احسه صعب بس مو مهم مررره..
في شي مهم لازم تنتبهون له اللي هو الفرق بين ( فرضيات البحث و افتراضاته ) هالشيء تكرر عنها السؤال كثيير.. وهي تخم بصراحه لتقارب الاسماء http://www.aoua.com/vb/images/newsm/smilie3.gif
الماده اعتقد انها سهله .. لكن الله يسامح اللي صحح النهائي .. http://www.aoua.com/vb/images/newsm/ablow.gif
اول مره اشوف دكتور ينصدم ان طالب من طلابه جاب درجه عاليه http://www.aoua.com/vb/images/newsm/cry.gif




5- التدريب العملي :
هالماده 4 ساعات .. مشكلتها الوحيده انهم طبقوا فيها الكيرف .. عشان كذا يمكن عزيزي الطالب تلقى نفسك جايب درجه فوق التسعين ومعدل جيدجدا .. حتى بدون بلس
او 95 ومعدلك بي بلس .. http://www.aoua.com/vb/images/newsm/biggrin23.gif
هالماده اللي اكثر الطلاب خايفين منها هي اسهل ماده من وجهة نظري وافضلهم و احلاهم كمان


باختصار انت عزيزي الطالب بالخيار ..

ياما تكون عندك خبره ميدانيه فالتعليم من مدرسه او معهد او ايا كان لو من امك الحبيبة او حرمتك بانها تشهد انك درست الورعان رياضيات لمده ساعه ويومين و4 اجزاء من الثانية http://www.aoua.com/vb/images/newsm/biggrin23.gif وفي هالحاله مايلزمك التطبيق بمدرسه .. واصلا الجامعه ودهم بهالشيء عشان المشرف ماياخذ مكافئة زيارة http://www.aoua.com/vb/images/newsm/thumb_yello.gif
او انك ماعندك خبره ابد .. وهنا راح تداوم فمدرسه لمدة بسيطة وتقيم بـ 50 درجه من مشرفك ومدير المدرسه و المعلم المتعاون -حسب ظني- وماني متاكد لاني ماجربت..
وباقي الخمسين درجه طلبات وواجبات..


او انك تكون ذا خبره وهنا يطلبون منك تعريف او شهادة خبره .. و ملف اعمال يتضمن طلبات تتنافس في كثرتها مع طلبات الحرمه اذا شكت ان رجالها بياخذ عليها .. http://www.aoua.com/vb/images/newsm/wink_2.gif

الطلبات تجمع في ملف .. وتسلم في نهاية الترم..
نصيحتي للجميع .. في هذه الماده انك تبدء تجهز ملفها اول ماتعرف الطلبات .. ولاتاجلها للاخير
لانك بتضطر وقتها تسوي الملف بسرعه او تضحي باختباراتك الدورية .. كما حصل مع اخوكم فالله..
جهز الملف وقدمه للدكتور .. وافتك ..
طبعا يساند الملف .. 10درجات القاء درس امام المحاضر في نفس القاعه ..


6- طرق تدريس لغة انجليزية:
هالماده والله انها حلوووووه لكن بصراححه اخذتها استراحة محارب ..
ماكنت مهتم فيها كثييير .. بصراحه مفيييده لمعلمي هالماده ..
كتابها لن افرط فيه .. احس فيه اشياء لازم اقراها ..
في الفاينل اعتمدنا ع نماذج الاسئلة السابقة .. وكانت تقريبا مكرره .. الا سوال اظن او اثنين..

^

^

مـآ قصصر الرجـآل شرح كل ششي .. وحبيت هـآالدبلوم من كلآمـه :004::004:

[مملكة الإحساس]

لقيت قبل هالتجربة لكن بداية خطوات التسجيل من الموقع واحنا ماتفتح معنا استمارة التسجيل يعني مانقدر نروح لهم قبل مانملئ الاستمارة..

شالحل معاهم؟؟

[مملكة الإحساس]

بنات هذا كلام من منتدى الجامعة العربية المفتوحة يخص خطوات التسجيل..

تسجلي من النت من تعبئة النموذج بس وتدفعي رسوم التسجيل في بنك سامبا الامريكي اظن ميتين وخمسين وتاخذي الوصل ووالنموذج وتروحين لهم وهناك تكملي بقية الاوراق والمواد وتروحي تدفعي المبلغ الكبير للبنك وترجعي لهم..

[وحدك أبيك]

بنات أنا لقيت هالشي بالأسئلة بموقع جدارة يمكن يعتبرون هالدبلوم بعد انتساب عن بعد تأكدوا اذا معتمد أو لا :icon9:

سؤال - متقدمة تخرجت من الجامعة العربية المفتوحة وتسأل ماذا تسجل في خانة نوع المؤهل هل تكتب انتساب أم انتظام وهل هي تربوية أم غير تربوية؟
جواب - يعد نظام التعليم في الجامعة العربية المفتوحة نظام التعليم عن بعد لهذا فإن نوع المؤهل انتساب غير تربوي.

[::طموح::]

بنات أنا لقيت هالشي بالأسئلة بموقع جدارة يمكن يعتبرون هالدبلوم بعد انتساب عن بعد تأكدوا اذا معتمد أو لا :icon9:

سؤال - متقدمة تخرجت من الجامعة العربية المفتوحة وتسأل ماذا تسجل في خانة نوع المؤهل هل تكتب انتساب أم انتظام وهل هي تربوية أم غير تربوية؟
جواب - يعد نظام التعليم في الجامعة العربية المفتوحة نظام التعليم عن بعد لهذا فإن نوع المؤهل انتساب غير تربوي.


معتمد يا اختي لا تخافين والخنين اكد هذا وفيه بنات كثير مآخذين الدبلوم من الجامعة العربية وامورهم تمام

اللي اقتبستيه القصد منه المتخرجين بكالوريوس وليس دبلوم تربوي

يعني اللي تخرجت بكالوريوس من الجامعة العربية المفتوحة تكون شهادتها انتساب

موفقة ،

[ام رهوفه]

ماعرفت اسجل وكيف الدفع بالضبط انا ابي الدبلوم شنو اختار مافي في الاختيارات دبلوم في النموذج ي ليت الي تسجل تعلمنا كيف بالضبط

[مملكة الإحساس]

انا نفس المشكلة..

مو موجود بطلب الالتحاق الدبلوم التربوي..!!

بنات شنسووووي؟!

[كبرياء جرح]

والحل ياعرب :icon9: ؟
نبي نخلص مافيه تقديم للتربوي ؟
سمعت ناس يقولون راح يكون بشوال :icon9:
طيب سؤال ..
الدبلوم تسجيله سنوي ولا ترمي ؟
لاني ماتوقع ادرس السمستر الاول لاني بنزحم فهل بيمدي السمستر الثاني ؟

[ريـ الفلا ـم]

شوفو ذا الرابط

http://sis.arabou.edu.kw/ksaapp/

[ريـ الفلا ـم]

مـآ فيه تربوي :Looking_anim:





التخصصات المطروحة: 1-برنامج البكالوريوس في تقنيات المعلومات والحوسبة
2-برنامج البكالوريوس في إدارة الأعمال

[&امل&]

طيب كيف التسجيل ربي يعافيكم ؟
ماهو واضح ابد

[&امل&]

:24_asmilies-com::24_asmilies-com::24_asmilies-com::24_asmilies-com::24_asmilies-com:

[&امل&]

:Cry111::Cry111:

[&امل&]

:Cry111::Cry111::Cry111::mh12:

[أشجان*]

طيب انا يفتح عندي النموذج شلون انتوا لآ:(107):
http://sis.arabou.edu.kw/ksaapp/ArAppNewKSA.aspx
المهم في سؤآل عندي احد يجآوب عليه اكسيوزومي~
سمعت انو التسجيل فيها من الشروط يكون عمر السعودية 25 او اكبر:sm5::sm5:
وانا للحين 20وشوي شلون يعني م اقدر ادخلها؟!:cheese:
ورسومها من 4000 الى 7000 للترم الواحد اقدر اعطيهم المبلغ كآمل؟!:biggrin:

[طيف الغرووب]

سلام بنات التسجيل دوخني :007::007: يقول

الرقم المدني المستخدم لديه بيانات طالب سابقا في الجامعة الرجاء مراجعه التسجيل

والحل ادق عليهم مايردووون :bawling:

[كيك]

بنات الخياررات بلانجليزي ماعرفت وشو اختار البي دبلوم تربيه عام:Cry111::Cry111::Cry111::Cry111::Cry111:

[ام رهوفه]

بنات حتى انا ما عرفتت ساعدونااا :Cry111::Cry111:

[مملكة الإحساس]

اي خيارات بالانجليزي؟؟

أنا عندي الخيارات عربي و مافيه دبلوم عام بالتربية..

[مملكة الإحساس]

بنات لقيت الخيارات و هذا الخيار هو دبلوم عام بالتربية high diploma in education

بس بنات البيانات الخاصة بشهادة الثانوية العامة هل تشملنا أم لا لأن أحس مالها داعي؟؟

أو نكتب المعلومات الخاصة بالوثيقة؟

أنا أشوف لو خاصة فينا نكتب البيانات الخاصة بالوثيقة..

انتوا شسويتوا بنات؟

[ام رهوفه]

طيب متاكدة مو هاذا دبلوم عالي والاحسا مافيها هالاختيار اه قهر ليش

[ريـ الفلا ـم]

سجلت :biggrin:

مدري خربطت ما طلعت لا ورقة ولا جواز ولا شي كتبت كل يلي اعرفه <~ اختبـآر هو :cheese:

يقولون فيه رسسوم غير مسترده 211 ريال .. بسس الدفع بعد القبول النهـآئي :Looking_anim:

وعطوني رقم طلب .. وقالو ادخلي ايميلك دخلت ما لقيتهم مرسسلين شي :Looking_anim::Looking_anim:

[::طموح::]

طيب انا يفتح عندي النموذج شلون انتوا لآ:(107):
http://sis.arabou.edu.kw/ksaapp/arappnewksa.aspx
المهم في سؤآل عندي احد يجآوب عليه اكسيوزومي~
سمعت انو التسجيل فيها من الشروط يكون عمر السعودية 25 او اكبر:sm5::sm5:
وانا للحين 20وشوي شلون يعني م اقدر ادخلها؟!:cheese:
ورسومها من 4000 الى 7000 للترم الواحد اقدر اعطيهم المبلغ كآمل؟!:biggrin:


الدفع بداية كل فصل دراسي
تسجلين المواد اللي تبين تآخذينها في الترم وتدفعين رسومها

[ام رهوفه]

الدبلوم العالي هو نفسسة العام ولا لا انا الي اعرفةة انو يختلفوون

[وحدك أبيك]

بنات التسجيل فاتح إلى متى ؟

[مملكة الإحساس]

بنات اللي سجلت وش كتبت بخانة النسبة المئوية
النسبة لثانوي ولا المعدل؟

أنا كتبت معدلي بالجامعة طلع لي غلط..

[مملكة الإحساس]

بنات بلييييز الجزئية الخاصة بشهادة الثانوية

كتبتوا معلومات الشهادة الثانوية أو الوثيقة؟؟

بليييز اللي سجلت تفيدنا..

[كيك]

لا تكتبين معدلك بشهادتك الوثيقه حقت الكليه
لانك بدخلين دبلوم التربيه العام للي متخرجين بكالريوس

طيب فيه احد قد درس بلجامعه العربيه يفيدنا كيف سجل وكيف عمل

[::طموح::]

طيب فيه احد قد درس بلجامعه العربيه يفيدنا كيف سجل وكيف عمل
اختي خلصت الدبلوم هالسنة بالجامعة المفتوحة
واختي الثانية بتسجل ان شاء الله هالترم

اختي سجلت بالموقع وراحت لهم امس قالوا ان ماجاهم من فرع الكويت انهم يستلمون اوراق الدبلوم !!
وتقول كان فيه بنات جايين يسجلون الدبلوم بس طبعا رفضوا يآخذون اوراقهم :(177):
اختي ناوية ان شاء الله تروح لهم مره ثانية خلال هالايام أو على الاقل تدق عليهم حتى ما يفوتها التسجيل وتتأكد من الموعد

موفقات ،

[مملكة الإحساس]

بنات لما أدخل المعدل بالجامعة يطلع لي النسبة المئوية غير صحيحة..

اللي سجلت تقول لي شلون كتبت المعدل؟؟

أبي رد بنات قبل ماينتهي التسجيل..:Cry111:

[مملكة الإحساس]

خلاص بنات عرفت الطريقة..:060:

بس الحين شالخطوة القادمة؟؟

[لك الحمد ربي]

السلام عليكم ورحمة الله وبركاته

اختي مملكة الاحساس انا نفس مشكلتك يطلعلي النسبه المئويه غير صحيحه

ياليت تفيديني شلون ضبط معاك

ومشكووره مقدما

[::طموح::]

بنات اليوم اختي راحت الجامعة وسجلت الحمد لله

حابه اوضح الخطوات حتى ما يفوتكم التسجيل :)

أول شيء عبي نموذج الالتحاق بعدين روحي حولي رسوم القبول بالبنك 200 وشوي

خذي الايصال ونموذج الالتحاق والاوراق المطلوبة وروحي الجامعة وسلميها لهم وكذا امورك تكون تمام

اما رسوم الدراسة قالت الموظفة انها تكون بتاريخ 15/9 ميلادي

استعجلوا حتى لا يفوتكم

موفقات ،

[كيك]

يفتح بكره الجامعه والبنكك واﻻ. ابي اروح فاتني الوقت

[كيك]

:Cry111::Cry111::Cry111:

[كيك]

ﻻزم افتح حساب بلبنك واﻻ بس ادفع

[لك الحمد ربي]

يابنااااااااات مو راضي تضبط معاي النسبه المئويه ياليت احد يفيدني

[كيك]

طموح. تتوقعين يمديني

وكيف اختك شافت زحمه معها واﻻ

يعني مايمديني بكره ﻻن اتوقع قفلو الجامعه الحين

[كيك]

طموح اي وقت يفتح بنك سامبا ؟

[مملكة الإحساس]

اختي (لك الحمد ربي) حولي المعدل إلى نسبة مئوية و يضبط معاك..


بنات يعني الخطوة الثانية بعد الاستمارة تسديد رسوم التسجيل بالبنك؟

[كيك]

توقع ايه

بس مايفتح البنك الخميس وﻻ الجامعه

صح واﻻ

[كيك]

:Cry111:ضروري قولولي
يفتح الخميس واﻻ :Cry111::Cry111:

[مملكة الإحساس]

عادة البنوك ماتفتح خميس و جمعة ..

بس لما نرسل لهم مايحتاج يكون البنك فاتح ..
يعني عادي نقدر نسدد لهم و السبت نروح الجامعة..

زين سؤل : هل الحساب اللي نرسل لهم منه الرسوم لازم يكون بإسمنا أو لأ ؟

[كيك]

كيف مافهمت شلون نسدد والبنك مش فاتح


الحين لما فدفع حق الميتين ﻻزم نفتح حساب واﻻ يعني يبيلها فتح حساب وسالفه واﻻ

[مملكة الإحساس]

التسديد بيكون عن طريق الصراف..

أتوقع عادي حتى لو بإسم احد ثاني لأن بيكون معانا لما نروح الجامعة..

السؤال الآن: من ضمن الأوراق المطلوبة صورتين!! هل هذا الطلب للطلاب فقط أم للطالبات أيضاً؟!!

[كيك]

انتبهي ﻻزم تروحي البنك عشان يعطونك وصل انك حولتي فلوس

وشو عن طريق الصراف

انتي وشو سويتي الحين

[كيك]

طموح وينك ياليتك تفيدينا.

[مملكة الإحساس]

حتى عن طريق الصراف فيه وصل..

ماسويت شيء..

ننتظر طموح تفيدنا بالتفاصيل..

[ريـ الفلا ـم]

حتى عن طريق الصراف فيـه وصصل :cheese:

اهم شي .. يكون معك ورقة تثبت انك حولـتي ~

انـآ الى الحين ما سويت شي بششوف اخوي ~

[ريـ الفلا ـم]

متى دوامات الجـآمعه عشـآن تسسليم الاوراق ؟!

[::طموح::]

الإيداع مو لازم يكون عندك حساب تروحين البنك وتودعين
أما عن طريق الصراف هو ممكن مثل ما قالت ريم لكن بعض الصرافات يكون مخلص الورق تأكدي

وهذه الطريقة من منتدى الجامعة
طريقة الدفع

اذا عندك حساب في سامبا حالتين:
الاولى: سامبا اون لاين وتطبعيه وتاخذيه للجامعه علشان التفعيل
الثانيه: نفس الاولى ولكن تتصلي على سامبا فون وتطلبي منهم يرسلون بالفاكس ما يثبت انك دفعتي (وهذه انا مجربها)

اذا ماكان عندك حساب بسامبا تاخذي كاش وتروحي لأقرب فرع سامبا وتسوي ايداع بحساب الجامعه


بالنسبة للصورة ضرورية أكيد

والدوام مدري بالضبط

[ريـ الفلا ـم]

رسوم القبول (211) ريال ( غير مستردة )، تودع في حساب الجامعة في فروع البنك الامريكي بنك سامبا
(لا يتم دفع الرسوم الا بعد أخد الموافقة النهائية من قسم القبول و التسجيل)

يعني موب الحيـن الدفع بعد مـآ يجينـآ قبول ندفع الرسسوم

دخلت على سداد في الراجحـي .. نقدر نسدد الرسوم منه

ودخلت رقمي حق الطلب وطلع علي ادفع لهم 0.00 يعني شكله موب الحين الدفع

بعد ما يقبلونآ بالاول ~

[مملكة الإحساس]

كيف يجينا قبول ؟!

اللي اعرفه إن نخلص الاستمارة و ندفع بالبنك الرسوم و بعدين نروح الجامعة..

صح كلامي أو لأ؟

[اه يالقهر]

مرررحبا

الله يجزاكم خير بنات كيف اعرف حساب الجامعه للسداد رسوم القبول ؟

والجامعة فاتحه من الساعه كم لكم ؟
:biggrin:

[مملكة الإحساس]

رقم حساب الجامعة يكون موجود بوصل ادخال الطلب لما خلصتي تعبئة الاستمارة..

[بنت الخليج]

شهادة التربوية معتمده ؟؟

في احد تعين والدبلوم كان في ذي الجامعه ؟

[بنت الخليج]

وسوال ثاني ليه مدققين ع الانجليزي ؟!

[::طموح::]

يعني موب الحيـن الدفع بعد مـآ يجينـآ قبول ندفع الرسسوم

دخلت على سداد في الراجحـي .. نقدر نسدد الرسوم منه

ودخلت رقمي حق الطلب وطلع علي ادفع لهم 0.00 يعني شكله موب الحين الدفع

بعد ما يقبلونآ بالاول ~


الأربعاء الموظفة قالت لأختي قبل ما تجيهم الجامعة تروح تدفع واختي دفعت وخلاص خذوا أوراقها

وترى بمجرد ما يآخذون اوراقك تكونين مقبولة

لكن الأفضل الوحدة تدق عليهم وتتأكد حتى ما تحول لهم الرسوم ويكونون أكتفوا أو تروح للجامعة أول

[كيك]

طيب طموح يوم راحت اختك كان فيه زحمه واﻻ

[كيك]

يارب ان كان فيه خيره ننقبل

[اه يالقهر]

شكرًا مملكة الإحساس

طموح ممكن نعرف ايش الاوراق اللي أخذتها اختك معها ?

لان أنا وثيقتي الى الان ماطلعت يمكن تتاخر عادي لو أخذ معي بس الاستمارة والوصل وصور شخصية لي ?*

[::طموح::]

طيب طموح يوم راحت اختك كان فيه زحمه واﻻ

هي لما راحت ما كان فيه زحمه بس كان فيه طلبات مو قليلة على المكتب

والله يوفقك يارب وتنقبلين :)

[::طموح::]

بالنسبة للدوام من الساعة 10 إلى 2 أو 3 مو متأكده

واللي تبي تقدم تتصل قبل ما تروح حتى تقولها الموظفة تسدد

الأوراق المطلوبة :

شهادتك الأصلية + صورة

بطاقتك الشخصية أو بطاقة العائلة + صورة

نموذج الالتحاق اللي بالموقع

صورة لك

ايصال التسديد

___

أختي اه يالقهر ما اعرف اجابة سؤالك بس دقي عليهم واستفسري

[اه يالقهر]

الله يجزاك خير طموح

بنات مو راضي يضبط معي النسبة المئويه ماادري وش اسوي ؟*

[اه يالقهر]

خلاص بنات الحمدلله ظبط معي

بس صراحه ماعرفت رقم حساب سامبا ممكن تكتبونه لي :biggrin:

[كيك]

ما اجيب صوره شخصيه

فيه ناس مايرضون اهلهم. شلون
طيب كم رقم الجامعه ?ن عندي رقم ادق دايم مشغول

[كيك]

بنات احد يعرف متى يفتح البنك سامبا

[بنت الزين]

بنات كم الرسوم؟

[مملكة الإحساس]

آه يالقهر ليش ماطلعت وثيقتك للحين..

طلعت الوثائق بس بعضهم ناقصين و الطالبات قدموا طلب تعديل..

[مملكة الإحساس]

بنت الزين الرسوم 211

[كيك]

مملكة اﻻحساس كيف وضغك سددتي الرسوم
واﻻ بتروحين البنك
طيب ماتعرفين متى يفتح سامبا

[ريـ الفلا ـم]

طيب يقدر ابوي يروح بدالي ويسسلم اوراقـي ؟!

[مملكة الإحساس]

كيك: لسى ماسددت اليوم إن شاء الله..

ما أدري متى يفتح بس البنوك عادة تفتح من 9ونص الصباح..

[مملكة الإحساس]

هلا صبايا..

رحت اليوم الجامعة و سلمتهم الأوراق..

اللي ماراحت تروح قبل مايتكمل العدد..
:119:

[ريـ الفلا ـم]

متى تفتح الجـآمعه ؟!

[كيك]

تفتح عشر وتتصكر ثنتين اتوقع
روحي قبل ﻻيكتمل العدد ﻻن بياخذون ستين بنت فقط

[كيك]

ت انتو وش حطيتو رقم حساب الجامعه

انا حطيت رقم موجود في نهاية ورقة الطلب الي طبعناها

فيه نهايته رقم
سامبا الدمام ورقم جنبه
انا حطيته مدري هل هو صح او ?

طمنوني بنات انتو وش حطيتو :Cry111:

[ريـ الفلا ـم]

ايـه هو الرقم

انتي شلون محولـه ؟! من النت او رحتي لهم ؟!

انـآ خليت ابوي يروح اليوم بنك سـآمبـآ ويدفع الرسوم

قليل فروع سـآمبـآ بالدمـآم

خلاص بحـآول اروح 10 لاني مواصله الحيـن :004: ~

طيب صورة الوجه لقيت صصوره وحده مـآ لقيت وحده ثانيه لازم اثنين ؟!

و صورة الجواز لازم :biggrin: ؟!

وشهـآدتي الصوره مهيب مختوم عليه طبق الاصل عآدي بعد ؟!

[ريـ الفلا ـم]

يرجعون لي الوثيـقه او يـآخذونهـآ مابي اعطيهم وثيقتي :139:

دبلوم الدمـآم يكتفون بالصصوره فقط مدري هم نفسهم او لا

[كيك]

مشكوره اختي


ﻻ هم ياخذون الصوره بس ﻻزم تجيبين اﻻصل عشان يطابقون

ها رحتي اليوم. بشري وش صار :106:

[RanD]

بنااات اللي سجلوا في الدبلوم التربوي تبع جامعة الدمام وماانقبلت مثل ...ريم الفلا وآه يالقهر وغيرهم ...

انا مثلكم ....

تنصحوني اسجل بالجامعة العربية المفتوحة ....!!! ما انتظر للسنة الجاية واقدم من جديد يمكن تكون الاولوية لنا:(269):

لان مومتحمسة للعربية المفتوحة ... لانها ماتعتبر شهاده انتظام (( انتساب تعليم مفتوح))
والدوام مو يومي ... وحتى الشرح الطالبة اكثر شي تدرس مع نفسها والتطبيق يقولون اسبوع فقط بالمدارس :hhheeeart4:

مدري انتوا وش رايكم ..؟؟


من كم يوم اعلنوا عن الدبلوم التربوي في كليه التربية بحفر الباطن التابعة لجامعة الدمام
وعندي امل على الاقل يفتحون بكليه التربية الجبيل :sm1::sm1:

[اه يالقهر]

رندا تبين الصراحه أنا قدمت طلب في المفتوحه لكن لان ماعندي وثيقتي مابكمل اجراءات التسجيل . وثيقتي بتااخر في الكليه لان أنا عندي محمول وماادري متى بتطلع وكلمت المفتوحه قالو لازم الوثيقه ولا توقعين ع تعهد انك تجينها لفتره معينه تحددينها واذا ماجبتيها تنفصلين وانت تعرفين عاد كليتنا الموقره مالهم كلمه فا مابي أورط نفسي وأسجل وتخيلي يفصلوني المفتوحه وتروح علي 5000 :sdfgdsf: :000: ان شاء الله بسجل بالترم ال2 في المفتوحه .

نصيحتي لك اذا أوراقك كامله سجلي بالمفتوحه ولاتنتظرين كليتنا الجميله ماتدرين يمكن يغيرون شروط القبول او يعقدونها زياده وتروح منك سنه كامله استثمري وقتك حتى تقدرين تسجلين في جداره والسنه الجايه دوري لك شي 2 تدرسينه او وظيفه تلهين عمرك فيها واذا على مسمى الدبلوم انه في المفتوحه انتساب وهذاك انتظام كلهم معتمدين ان شاء الله يعني لاتعطلين عمرك عشان هالدبلوم حتى ماتدرين وش بتكون ظروفك السنه الجايه يمكن تتزوجين :biggrin: وتلهين بعمرك *:004:
توكلي ع الله وسجلي ولاتنتظرين منة كليتنا الجميله اخ بس لو وثيقتي بيدي :33_asmilies-com: بس يلا ان شاء الله هالتاخيره خيره لي :004:

[ريـ الفلا ـم]

اليوم رحت وانتظرت وانتظرت وانتظرت

اخر شي دخلوني على التسسجيل والقبول

وانا دافعه الرسوم حق التسسجيل واوراقي كـآمله ما خذوهـآ

قالو اكتفينـآ الصبح وانـآ اصلن جـآيه الصصبح مدري متى امداهـم

حطو اسمي بالانتظـآر قدامي كم بنت :139::139::139:

- - -

بنـآت المفتوحه تـآخذ تخصص تـآريخ وجغرافيـآ لان يقولون ما يـآخذون ؟!

[اه يالقهر]

اي يأخذون اختي العام الترم ال٢ سجلت بالمفتوحه وتخصصها تاريخ
متى طلعو هالقرار :Looking_anim:

[كيك]

من قال ماياخذون هههههههه

شدعوه كلهم بكلريوس

اعرف كثير بنات تاريخ سجلو تربيه وتوظفو ع طول بلحكومه

ﻻن جداره يبي تربيه فقط يعني مايعتبر بلخبره وﻻ الدورات

وربي يوفقنا اجمعين

[ريـ الفلا ـم]

وحده قالته لي تقول عندي دليل التسسجيل حق العـآم مـآ فيه جغرافيـآ وتاريخ :bawling::bawling::bawling:

لان مـآ تدرون كلنـآ ندرس مع بعض بس الفصل الثاني نفترق في مـآده

اسمهـآ طرق التدريس الاجتمـآعيات ونـآس رياضيات وناس دراسات ... الخ كلن حسب تخصصه

انـآ شفت الخطه لقيت كل التخصصـآت موجوده ~

جـآمعة الدمـآم صـآيره مـآ تقبلنـآ ~

[كيك]

تو وحده من صديقاتي متخرجه دبلوم تربيه من جامعه الدمام اول دفعه. وقسمها تاريخ

ماعليك من كـﻻم الناس. خرابيط في خرابيط

[ريـ الفلا ـم]

ايـه العـآم يقبلون كل مـآ هب ودب وبد مقـآبـله < هذا جـآمعة الدمـآم

ذا السسنه يقولون مـآ يقبلون ~

امـآ المفتوحه الحمد لله قبلتني اليوم :biggrin: ~

مهوب حرام معدلي حلو واروح ادرس بالمفتوحـه :bawling:

[كيك]

حلو بتكونين معاي. :004:

[كيك]

تقولين حطوك بﻻنتطار كيف قالولك انقبلتي
دقو عليك ؟

[ريـ الفلا ـم]

^

ارسسلو مسج اجيهم اليوم :004::004:

[ريـ الفلا ـم]

متى يفتحون يفتحون قبل 10 ؟! لان ودي اروح بدري وارجع بدري

[نـورهـ]

بنات ممكن تعطوني رقم الجامعة لاهنتوو

وان شاء الله يمديني اكون معكم ؟؟!!1

بس تكفون الحين اول ما افتح الموقع

http://www7.0zz0.com/2012/08/08/18/695234955.gif

إلى أين اذهب ... وين احصل النموذج هذا ؟

ان شاء الله الحق اروح لهم السبت :sm1:

[مملكة الإحساس]

اضغطي من جهة اليسار فرع المملكة العربية السعودية بعدين نموذج الالتحاق و اكتبي بياناتك بالنموذج واطبعي الوصل و ادفعي بالبنك بعدين روحي الجامعة بس تأكدي إن للأن التسجيل أو لا؟

إن شاء الله تكوني معانا..

بالتوفيق..

[نـورهـ]

يعطيك العافيه ملكة الاحساس
ان شاء الله اذا ربي اراد اكون معكم

بس عندي مشكله اللحينه ؟؟!!!
مافيه ضمن التخصصات دبلوم تربوي !!!

http://www6.0zz0.com/2012/08/08/21/951879485.gif

وش السوااااااااة ؟!!:139:

[ريـ الفلا ـم]

انـآ يوم جيتهم يوم الاثنين قالو لي انتهـى التسسجيل اليوم الصبح

شكلهم خلاص سكرو التسسجيل واكتفـو

هم الصراحه موب واضحين بالاعلان روحي لهم قولي لهم انتو قايلين التسسجيل الى 29 / 8 :Looking_anim:

ششدعوه تسسجيل التربوي اسبوع ونص بسس :41jg::41jg::41jg:

[نـورهـ]

ريووووم غيررري بدلللي تكفين

:007:
بشد الرحال لهم يوم السبت

يا ارجع بالغنايم يــا ارجع بـ .......:139:

ماعندكم رقمهم فرع الدمام ...!!! ضروري تزودوني بـــه :bawling:

[ريـ الفلا ـم]

ما لقيت رقمهم بالورقه يلي اعطوني ايـآهـآ :g2:

دوري بالموقع حقهم ..~

[نـورهـ]

كل خوفي **أشغل سيارتي** واروح لهم بكره

ويطلعوون عطلووو ؟؟؟!!!!
:41jg:

بحاول أسوي Search عن رقمهم ...

[aroojh123]

بنات تكفوون فهموني ششالفه الحين كم رسومهم هم ؟؟
زبعدين الحين انتم قدمتوا على مدارس اهليه ولا ؟؟

يعني المدارس الاهليه ماعاد يقبلونا لاننا مش تربويين

[نجمة الليل]

هل مازال التسجيل مفتوح لو اكتفوا؟

[ماريا بوعامر]

فيه تسجيل للترم الثآني ؤلا !! الحينن