لكل المقبولات في كليتنا ..~ [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : لكل المقبولات في كليتنا ..~

Toolay

2012- 7- 29, 07:06 AM

السلام عليكم ورحمة الله وبركاته
صباحكم رحمه ومغفرة من الله تعالى ..

:106:

بداية .. عارفه انو الى الان نتايج القبول النهائيه
ماطلعت بس خفت انشغل بعدين وما انزل الموضوع
و الشغلة الثانية حلو يكون عندك المفهوم اللي بطرحه
في موضوعي سواء كنتي في كليتنا او في غيرها
ان شاء الله توصل فكرتي لكم واضحه وتستفيدون منها
..~
اول شغله .. بما انك سجلتي في كليتنا فأكيد انك مختاره
للتخصص وراضيه فيه وماجيتي مجبوره عليه ..
لأنك لو كنتي مجبوره او مو حابه التمريض بيكون مشوارك
صعب في الكلية .. لأن اول خطوه للنجاح حب الشي
اللي تسوينه عشان يكون عندك صبر عليه وتحمل ..
من خلال تجربتي .. :004:
انا جيت للكليه مو حابه التخصص وبس !! كنت احلم حلم
بالتمريض والحمد لله ربي سهل لي و انقبلت بالكلية :004:
داومت و دايما أول اسبوع او خلنا نقول اول شهر طبيعي
ان الواحد يحس ان المكان غريب عليه ويحتاج لخبره
الناس المتواجده في المكان قبله وللاسف هذا اللي صار
معي ومع بنات غيري :icon9: اننا احتجنا خبرة بنات في الكليه
عطونا انطباعات وافكار مريعه عن الكليه والدراسه فيها :Looking_anim:
..~
اتذكر موقف من المواقف .. جاتني وحده من البنات كانت
سنة ثالثه او رابعه .. قالت لي انتي أي سنه ؟ قلت لها سنه
اولى .. شهقت :Looking_anim: وقالت لي وش جايبك كليتنا حرام عليك
تضيعين عمرك انتي ماسألتي عن الدراسه هنا قبل تجين
قلت لها الا سألت صديقتي تدرس هنا ومدحت لي الكليه
قالت لا .. دراستنا صعبه وكرف ومافي راحه وانسي النوم:007:
...... الخ من الافكار اللي تحطم وتكره الواحد في الدراسه :icon9:
..~
غير انهم علموني عن اشياء او مواقف حصلت معاهم فترة التطبيق
اشياء كرررررهتني بالتخصص لكن لما جربت الموضوع بنفسي
وانحطيت بمكانهم وبدينا دوام في المستشفى ماحسيت بالتذمر
بالعكس كنت احس أني انسانه لها قيمه انسانة تساعد وكانت
من احلى الايام في حياتي كللللللها .. :004::icon120:
..~
فتخيلوا وحده بريئه مثلي :060: جايه متحمسه للدراسه وحابه التخصص
في اول اسبوع دوام لها تسمع مثل هالكلام وش بيكون موقفها :icon9:

هذا غير ..

- مس فلانه تدرسكم ! ياويلكم منها
- مس فلانه عصبيه وحقوده
- مس فلانه كريهه وتنقص درجات بكيفها
- الماده هاذي صعععبه مانمت وانا اذاكرها
- الله يعينكم على الماده هاذي مانفهم فيها شي

وغيره من الكلام اللي لايودي ولايجيب :icon9: .. وللاسف للاسف
ان الغالبيه العظمى من بنات السنوات المتقدمة سمعونا مثل
هالكلام .. بدون مراعاة لأن يمكن احنا نتأثر بكلامهم ونحبط .
..~
من تحليلي الشخصي لموقفهم وكلامهم .. :(107):

- انهم تعبوا او ملوا او ماكانوا مختارين للكليه برغبتهم
- بعضهم يقولون ما انقبلنا في مكان وجينا هنا فـ عشان كذا
هي جالسه تشوف انها تدرس مغصوبه ومو عاجبها التمريض
- بعضهم متزوجات وعندها عيال ومع مسؤولية بيتها
جالسه تشوف كل شي تطالبها فيه الكليه صعب وفوق قدرتها
وجالسه تتكلم وتحبط غيرها بالفاضي ..
..~
رحمه من ربي أني ماتأثرت بكلامهم لأني اعرف اولا
ان اللي يحب الشي يتحمله بكل مافيه واني انا اللي اخترت
التخصص وجبت اوراقي وانا بكامل قواي العقليه :060:
وانا الحين طالبة ملزمه بأمور التذمر والقلق ممكن
يخفي كثير من قدراتي .. اللي قدامي الحين اركز
واكتشف قدراتي بنفسي لأن لكل شخص قدراته
المختلفه عن الشخص الثاني ..
ممكن هي تشوف الماده صعبه .. لكن بالنسبه لك سهله
ممكن هي اسلوب حياتها ملخبط بالتالي ينعكس على دراستها

شي ثاني .. كل دراسه في تخصص طبي صعبه
وين مارحتي صحيح تختلف الطريقه من كليه الى كليه
بس بالصبر وتنظيم الوقت كل شي يمشي ..
في كل مكان بتكونين مطالبه بأمور.. مستحيل احد يدرس
شي بالطريقه اللي هو يبيها .. احيان بيطلبون منكم
امور تحسونها مو منطقيه او ماتحبونها لكن في النهاية
هي مطلوبه منكم ولازم تسوونها ونجاحكم متعلق فيها
..~

اللي ابغى اوصله لكم مو انكم ماتسألون .. لا :sm4:
لأن الواحد مايستغنى عن خبرة غيره .. بس اخذوا
الكلام اللي يعجبكم ويرفع معنوياتكم :004: وتركوا الكلام الثاني
واذا حسيتي ان هالانسانه كلامها يحبط ويغث تجنبيها .. :(177):
..~
في نهاية موضوعي ..
تذكروا ان محد له يد في نجاحك ورسوبك

الا انتي ..

ان اجتهدتي و نظمتي وقتك والتزمتي
والله كتب لك التوفيق .. اضمن لك النجاح ,, :004:

بالتوفيق للجميع .. :rose:

Amani Alsinan

2012- 7- 29, 07:56 AM

الله يعطيك العافيه على موضوعك و يجزيتس كل الخير

انا من دوامي بالكليه يشهد الله ان الدراسه جداً ممتعه و حلوه

بس الطاقم الأداري موش ولا بد :Looking_anim:

اي صعوبه او اي سهوله او حتى اي موقف يحصل للبنت اثناء التطبيق

هذا يفرق من بنت لأخرى يعني ما نقدر نقارن بنت تضحك من ذا و ذاك ببنت قد المسؤوليه و جايه تدرس و تؤدي رساله

و ايضاً ما نقدر نقارن بين بنت تجتهد و تطلع و بنت رجل على رجل ولا همها

انا درست ب 3 جامعات و الله يعلم ان نظام دراسة سعد كان اجملها

وهي الكليه الوحيده اللي دراستها تشابه الجامعات الأجنبيه

و حتى المسات و الدكاتره كويسين لآخر درجه وان مس او دكتوره شدت عليك اعلمي انه لمصلحتك

في دكتوره اسمها الدكتوره منى مصريه بقسم الأنجلش

هذي صارت تعاملني على انها امي :cheese:

و صارت تشد علي و تركز علي لآنها تدري اني افهم بس اضيع نفسي بين الجوال و سوالف البنات :cheese:

ف الأخير اتمنى لكم مستقبل جميل بمستشفى سعد

و نصيحه : جمال البنت بألتزامها بأخلاقها في كل مكان :rose:

Miss Ice

2012- 7- 29, 04:51 PM

أحسنتِ حبيبتي Toolay

معاكـ في كلامكـ ,,, انو كلام البنات بناء على تجربتهم

فلازم البنت كمان تجرب وتتعلم من غيرها بس الشي المفيد

أني مثل اي طالبة بسنة اولى لمن دخلت قالو لي دخلتين ترمين نفسك بالنار <<< :Looking_anim:

شدعوه .. وكان حلمي انو ادرس اي تخصص طبي خصوصاً التمريض

فما كان يهمني كلامهم وكنت ارد عليهم بأن التخصص عاجبني

والحمد لله

ودوام المستشفى صراحة كنت خايفة منه :icon9:

بس كانت من أروع الأيام

في الأخير انتي اللي تحددين الشي اللي راح توصلين له بطموحك و أرادتك

مش غيرك ,,

ونصيحة : لا تعتمدين على البنات بكل شي بدراستك بالكلية ، حاولي بنفسك واسألي

واحلى شي بالكلية انك لمن تشوفين البنات اللي بالمستويات اللي اعلى منك تقدرين تسألينهم وبيساعدونك

و بالتوفيق للجميع يا رب

بس اللي تقول لك كلام يعث بعدي عنها

هنوي هاني

2012- 7- 31, 12:08 AM

تسسلم اييدكم على هالنصايح
عسسى هالآدين ما تمسها النار
وانشااء الله نشوووفكم بالكلية فيس تو فيس :wink:

MKJKJ

2012- 8- 1, 02:28 AM

صح كلامك ياتولاي
حتى انا وقروبي كنا نواجهه زي كذا كلام مايحمس ابد من القروب الي قبلنا وتحبيط ويخوفوننا, لكن الحمدالله عدت امورنا تمام والحمدالله وماصار فينا زي الي صار فيهم او مثل مايقولون

يعني لا تاخذون كلام احد ابد

Rowny

2012- 8- 1, 02:48 AM

صـــح كلامك غلاي .. يعطيك الف عافيهـ:004:

ومحد يدخل الكليه بدون رغبته وينجح

لازم يطمح ويشد حيله ويكون مقتنع

واهم شي قدالمسؤوليه تكون

والدراسه حلوه فيها وبتحلا اكثر لاصرتي مهتمه

وتحضري المحاضرات ولاتسحبي :biggrin:

..
اتمنى التوفيق لكم :rose:

M-A

2012- 8- 1, 04:28 PM

و انا اشششششششهد

لبۍ قلبك وتسلمين ع الموضوع اللي يرفع المعنويات

وكل وحده ردها صح وانا معكم بالكلام

ولا تجيني وحده تخرعني تقول هذا صعب وتحطم > بلصقها بجدااار:10111:
عموما يعطيك الف عافيه م تقصرين

ودي لك :rose:

Amani Alsinan

2012- 8- 2, 03:43 AM

وتحضري المحاضرات ولاتسحبي :biggrin:

ليه انتي كنتي تحضرين :cheese:

+ الكليه مب صعبه و نصيحه ثانيه
كل بنت جديده تحاول تنتقي صحباتها صح :wink:

Miss Ice

2012- 8- 3, 04:58 AM

ليه انتي كنتي تحضرين :cheese:

+ الكليه مب صعبه و نصيحه ثانيه
كل بنت جديده تحاول تنتقي صحباتها صح :wink:

يب اهم شي الاصحاب بالكلية ... لانك راح تكونين معاهم طوال سنوات الدراسة

يعني من اول سنة وما ترتاحين لبنت بالكلاس <<< مشكلة

يعني في حالتي في بنات كانو معي بالكلاس ما ارتحت لهم بالبداية بس مع الدراسة

والأيام ,,, ارتحت لهم ومعظم وقتي معاهم ... حتى قلت لهم بأول شعور لي تجاههم

:064:

Rowny

2012- 8- 4, 03:23 AM

ليه انتي كنتي تحضرين :cheese:

+ الكليه مب صعبه و نصيحه ثانيه
كل بنت جديده تحاول تنتقي صحباتها صح :wink:

عن الفضايح يابنت ..

موانا اعلمهم وش كنت اسوي وياخذون عظه وعبره :biggrin:

اما ع صحبات يب لازم ثم لازم ثم لازم <<علق الشريط ..الموهم

حتى لوبنت مابلعتيها وكانت موشي ..لاتتقربين لها واعتبريها زميله لك فقط بالكليه :wink::106:

ويمقن مع الايام تتقربين لها وتقولين حسافه معرفتيها من قبل :biggrin:

ايه بعد وش بقول دام موضوعنا عن صداقه..

انتبهوا تنقلوا كلام هذي قالت وهذي سوت ترى تصير مصايب كذا :tongue:

ولاسمعتوا من احد شيء موزين ..اسكتوا وطنشوهم ..ولاتصدقون اي كلام اهم شي مصلحتك:(269):

ووبث :rose:

Miss Ice

2012- 8- 4, 10:39 AM

عن الفضايح يابنت ..

موانا اعلمهم وش كنت اسوي وياخذون عظه وعبره :biggrin:

اما ع صحبات يب لازم ثم لازم ثم لازم <<علق الشريط ..الموهم

حتى لوبنت مابلعتيها وكانت موشي ..لاتتقربين لها واعتبريها زميله لك فقط بالكليه :wink::106:

ويمقن مع الايام تتقربين لها وتقولين حسافه معرفتيها من قبل :biggrin:

ايه بعد وش بقول دام موضوعنا عن صداقه..

انتبهوا تنقلوا كلام هذي قالت وهذي سوت ترى تصير مصايب كذا :tongue:

ولاسمعتوا من احد شيء موزين ..اسكتوا وطنشوهم ..ولاتصدقون اي كلام اهم شي مصلحتك:(269):

ووبث :rose:

وربي أنتي :d5:,,,, >>>> :064:

Toolay

2012- 8- 5, 06:41 AM

شكرا لمروركم كلكم ولإضافاتكم ولطرحكم لتجاربكم*
ومثل ماقلتوا بهالمرحله الدراسيه اتوقع وصلنا لمرحله*
نفرق بين الصحبه اللي تنفع والصحبه اللي تضر ..*
اللي تعينك على الخير خلك معها واللي تلعب خليها*
مع نفسها ..*

نقطة ثانيه .. التعاون بين بنات الكلاس الواحد حلو*
ومن الاشياء اللي احبها في كلاسنا صراحة*
بس من المواقف اللي اسمعها برى كلاسنا*
في ناس ماتفرق بين التعاون والاتكاليه على الغير*
وهنا دوركم تفرقون بين اللي تتعاون واللي شسمه ..*

استمروا في طرح تجاربكم وافكاركم هنا*
والفايده للجميع*

Miss Ice

2012- 8- 5, 02:58 PM

بنوته امهآ

2012- 8- 5, 07:46 PM

كل الكلام اللي كتبتوه هنا درر والله:wink:

نصيحه للطالبات الفاونديشن اسمعو كل اللي يقولونه لكم المسآت وطبقوه حرف حرف وكلمه كلمه وانتبهو انتبهو انتبهو تسحبون على المحاظرات احظرو كل محاظراتكم لاتقولون هذي مو مهمه بسحب ولا شي ترا كل شي مهم بالفاونديشن :biggrin:

حتى اذا خذوكم اضافي احظرو >>بتكفخ :biggrin::004:

وراح تقابلون بنات يقولون لكم وش جابكم هنآ ناصبين عليكم ياخذون 7000 على انجلش ومايدرسون زين وبربره كثيره بتسمعونها ..<>اصفطوهم ولا تاخذون على كلامهم اسمعو الكلام من اذن وطلعوه من الثانيه :(269):

وآي شي تبون انا حاظره وشكرااا:060:

M-A

2012- 8- 6, 04:55 AM

و الله صادقه بنوتهه

آفا عليكك بحضر محاضره محاضره زنقة زنقة بس لاطفشت بطفشهم هههههههه

والله يوفق بنات الفونديشنن :53: احلى تحيه :004:

بنوته امهآ

2012- 8- 6, 05:40 PM

و الله صادقه بنوتهه

آفا عليكك بحضر محاضره محاضره زنقة زنقة بس لاطفشت بطفشهم هههههههه

والله يوفق بنات الفونديشنن :53: احلى تحيه :004:

هههههههههه اي خلك كذا طالبه مجتهده :10111:

بالتوفيق يارب :rose:

M-A

2012- 8- 7, 05:16 AM

:oao: مجتهده مخبلهه :biggrin:

وياآك يارب:004: