أستطيع تغيير رغبتي الآن ؟؟

[كل شي جايز]

السلام عليكم ورحمة الله وبركاته
وضعت رغباتي في جامعة الملك فيصل كلية الطب وكلية العلوم الطبيه طالبات
وماقبلوني بولا وحده
وابي احول رغبتي لكلية العلوم الزراعيه والتغذيه
يصير او لا؟! مع ان نسلتي التراكميه اعلى من النسبه المطلوبه عندهم
ياليت تجاوزني قبل مايطيح الفاس بالراس:Cry111:

[كل شي جايز]

تجاوبوني*

[كل شي جايز]

ردووو علي تكفون جاني اكتئاب:Cry111::Cry111:

[الامل بالله : )]

اللي فهمته تبين تقدمين ع رغبات ثانيه

لالأسف م يمديك

أبدآ أبدآ

الله يعووضك خير

[كل شي جايز]

ليييييييه:Cry111:
لان قريت بالنت بنت ارسلولها ان يمديها تحول رغبتها على طب وهي مقبوله تربيه:Cry111:

[s o 7 a]

^
ايه هاذي البنت من ضمن رغباتها حاطه تربيه وحاطه طب..
أما إنتي مو حاطه الزراعيه والتغذيه من رغباتك يوم جيتي تسجلين!
يعني ما يمديك للأسف :sm5:

[الع ـنود]

راجعيهم او خلي ولي امرك يراجعهم وكم موزونتك اذا ما فيه مانع

[nioof]

يلا ياختي تعوضين خيررر للاسف مايمديك الا اذا عندك واسطه :biggrin:شي ثاني
الله يوفقك:rose:

[&برستيج بنوته&]

:icon9:اسم الله عليك من الاكتئاب ان شاءالله تلقي من يفيدك وبتوفيق ياقلبو

[الع ـنود]

^
ايه هاذي البنت من ضمن رغباتها حاطه تربيه وحاطه طب..
أما إنتي مو حاطه الزراعيه والتغذيه من رغباتك يوم جيتي تسجلين!
يعني ما يمديك للأسف :sm5:
يعني غيروا لها من تربية الى طب او العكس فهمينا سوحا

[julliet]

اللحين انآ مافهمت عليك ! :Looking_anim:
أنتي وش الرغبات اللي حطتيها ؟ بس طب وكلية العلوم الطبية :Looking_anim:؟
طيب وش باقي الرغبات ؟

[الامل بالله : )]

صديقتك اللي حولوهآ من تربيه لطب

يمك حآطه رغباتها طب بعدين تربيه وانقبلت تربيه والدفعه اللي بعدهآ رقوهآ طب

هذآ إكيد مو يمكن كمآن

لالأسف هالخطآ منك يوم تختآري الرغبآت

[كل شي جايز]

اي ماحطيت علوم زراعبه وتغذيه والحين ابيها:Cry111:
موزونتي 77.88

[julliet]

طيب هم 6 رغبات ،، وش الكليات الـ ثانية اللي حطتيها غير الرغبتين اللي قلتي عنهم ؟ !!!

[كل شي جايز]

طيب وشو ذا حرام انا متخرجه من الثنوي بمدل زين يعني اقعد بالبيت
طيب حد يتوسط لي كلمولي حد :Cry111:
انا شاطره بس التحصيلي لعب فيني
كنت رايحه الاختبار متأخره ورحت مقر غير مقر اختباري واكتشفت هالشي يوم دخلت المبنى وحسيت جاني هبوط
وتعلت نفسيا وزين ماطحت وبعدين قالولي ان عادي بيختبروني
بس كانت نفسيتي زفت ومادري شلون حليت
:Cry111:

[كل شي جايز]

بس حطيت الرغبتين اللي قلتهم:Cry111:

[amoola yousif]

طيب ياحبي ليش ماحطيتي ست رغبات،مادامهم فاتحين لنا المجأل
الان مافيج الاتنطرين اذا طلعت ع خيبر دفعه جديده،يمكن تنزل نسب
واحد من التخصصين اللي انتي حاطتهم
اوو ربي يعوضج للسنه الجايه واستغلي وقتج بمعهد او غييره
لاتكتئبين،تراه جاتنا نفس حالتج واعظم وماراح يرجع عليج الا انتي ولو قدر الله بتتعبين
زياده،فاسمعي ككلامي ياقلبي
ككلنا عشنا ه التجربه مع الانتظار وحرقه الاعصاب وككلام الناس بس مافي شي يقدر يطلعج
من ذا الحال الا الدعاء وألصلاه

ادري واييد قرقرت فووق راسج،:biggrin:لككن لاني جربت ه ألشي وككلن
جربه وماستفدنا منوو الا التعب

[julliet]

من جد ؟! من هالـ 6 رغبات ! ،، حطيتي رغبتين :Looking_anim:
ليه كِذا عاد ،، وش حادك ع كِذا :eek:
يــ آنك ضيعتي عليك كليات كثيرة بالسوآية ذي :icon9:

[كل شي جايز]

ماكنت ادري عن هالكليه:Cry111:
مافي حل يعني:Cry111:

[كل شي جايز]

تكفون حد يتصرف لي :Cry111:

[julliet]

بعد يختي ،، انتي اللي بعتي الرغبات الـ 4 الباقية من الـ 6 رغبات ،، هقوتك وش الحل ؟
مالك الا مثل ماذكرت أختي أموله تسجلين بمعاهد أو كليات أخرى اذا فتح لها تسجيل ، موفقه :rose:

[كل شي جايز]

والله ميته قهر
ابيها سمعت انها زينه:Cry111:

[amoola yousif]

حبيبتي استهدي بالله،وادعييه ونطري واذا ماصار لج نصيب
اقعدي مع نفسج وخططي ايش بتسووين وتقدرين السنه الجاييه تقدمين وفوقهم بعد
تعيدين اختبار القدرات

موووفقه غلاتي
:004::004:

[كل شي جايز]

طيب في تسجيل الترم الثاني؟!
جزاكم الله خير

[amoola yousif]

والله متووقع فيه انتظام،بس انتساب احتمممال
تاككدي احسن من أللي اخبر مني

[الأمال الكبرى]

كل شيء خيره للأنسان
خليني أتكلم لك عن نفسي شويُ
انا حطت 4 رغبات بجامعه الدمام , و رغبتين ماحطيتهم , لآني حطيت الكليات الي ابغاهم
جاني قبول برغبتي الرابعه , وجلست افكر وافكر وقررت ما اسلم اوراقي عشان تنختم عليها

وجاني قبول بفيصل بعد وبعد ماسلمت اوراقي , وانا اللحين بدون دراسه ومو ندمانه أبدا
لآن عندي احساس قوي جدآ ان مافي لي شيء السنه من الي طمحت فيه

تدرين ليش ماسلمت اوراقي بالدمام , توي من كم يوم مكتشفة ليش جاني احساس اني ما اسلمهم

" وحدة راحت للعمادة وقالوا لها ان النظام السنه القادمة مافي تحويل بين المسارات "
يعني اجلس بمكان مو عاجني او ادرس بنية التحويل بعدين مافيه
" بنكسر أكيد "

الشخص يندم صح ليش ماحطيت هالرغبة , وليش ماحطيت هديك الخ
بس مايدري وين الخيرة
نسبتي بالمدرسه جدآ عاليه , وشهادتي جدآ جدآ مشرفه
وعندي شهادات شكر وتقدير لآ تعد ولآ تحصى
وكنت اترشح باشياء ع مستوى المنطقة بالشرقيه

بالنهاية تكون هيك نهايتي ؟ بمكان ما اقدر بتاتا ابدع فيه

تقولي نسبتك بالمدرسة كويسة طيب , دامك حاطه هالرغبات :004: اكيد طموحك فيهم
لآزم يعني انقبل السنه لآزم يعني ؟
طيب وين راح طموحيُ , ابيعه بلحظه عشان مايقولون عني ما انقبلت وجلست بالبيت
الي بيقول عني هالكلآم :biggrin: يقوله

يا انقبل بشيء يليق بالتعبٌ , وبأدن الله , الله بيرزقني فيها
او انقبل بشيء احس اني ابدع فيه
اما انقبل بشيء مو رغبتي بس عشان ماحد يقول ما انقبلت لآ وآلف لآ

لآتحطي هالشيء ببالك
في
" قروب بالفيس بوك اكثر من 54 بيعيدوا اختبار القدرات والتحصيلي مع ان كلهم انقبلوا بتخصصات "
لكن ماراح يدرسوا هالتخصصات تدرين ليش

:biggrin: ناويين نحتل المسار الصحي بجامعه الدمام السنه القادمة
وبنبدأ نذاكر من شوال
اذا حابه تنضمي لنا قولي لي ارسل لك رابطُ القروب بالخاص

موفقه

[كل شي جايز]

جزاك الله خير
طيب لازم اعيد القدرات؟ ولابس التحصيلي
لاني جايبه بالقدرات زين واخاف ماجيب اعلى منه بالاعاده

وجامعة الدمام مسار صحي يقبلون واحنا مو مريجين السنه الجابه؟!

[Desire]

قياس يرسل للجامعات الدرجة الأعلى

حتى لو عدتي الإختبار عشر مرات ما يرسل إلا الأعلى إذا ما انتهت مدة درجة الإختبار ( القدرات ثلاث سنوات والتحصيلي سنتين )


بالتوفيق

[كل شي جايز]

اوكي جزاكم الله خير
ماقصرتو الله يوفقكم وييسر لكم اموركم كل من رد علي وافادني وكل من شاهد موضوعي
الله يشرح صدوركم ويرزقكم من الخير كله عاجله واجله

[بـــدور]

جزاك الله خير
لرفع:004:

[ارحمني]

اختي الحال من بعضه


انا مثلك حطيت طب وصيدله وعلوووم طبيقه
وكم رغبه وانقبلت برغبه ماحبها
واتمنى احوول علوووم لاسف ماحطيتها ضمن الرغبات ولا كان انقبلت

[كل شي جايز]

للرفع

[7:45]

بالتوفيق بس مااتوقع انك تقدري تغيري اي رغبه بعد ماتقفل التسجيل