استفسار : الى الاخ الكويتي والمستوى الخامس بخصوص المواد اللي راح سجلتها ؟

[sky star]

السلام عليكم ورحمة الله وبركاته ..

كنت أبي استفسر منك أو من الأخوة الطلاب والطالبات قسم علم أجتماع ... مستوى خامس

شنو المواد اللي انت سجلتها في هذا المستوى ... ؟؟

بخصوص مادة التدريب الميداني1 هل درستها ... إذا كان الجواب نعم شنو الأماكن المقررة زيارتها . ( احاتي الزيارات ) .

أتمنى الرد قبل أنتهاء التسجيل المواد .

تقبلو فائق الأحترام .

[sky star]

No help

[انامــل نـاعمه]

up

[الكويتي 1]

وعليكم السلام ورحمة الله وبركاته

والله يأختي الكريمه لغايه الان لم استقر علي جدول

وفي كل مره اغير المواد بس الظاهر اني راح احدد

خلال هاليومين باذن الله تعالي

وبخصوص التدريب الميداني 1 نعم لقد انتهيت منه

بالمستوي الفائت والاماكن التي قمت بزيارتها هي

مستشفي + مدرسه خاصه

[بدر 2011]

يسعدك ربي ويرضى عليك
انتظري لغاية مانرتب جدول بعد مانسئل الاخوان والاخوات اللي
درسوا قبلنا ونرتب جدول باقي حتى 11/10 يعني فيه لازال وقت و انا مااخذت التدريب الميداني 1
وسئلت وقالوا ان كل البحثين عليهم 20 درجه والامتحان 50 درجه
بالاضافة للمشاركات 30 درجه وقالوا انه سهل بس نبي بعد نشوف
بيض الله وجهك اخوي الكويتي ياجعل ربي يرضى على والديك
فالكم التوفيق

[الكويتي 1]

ووجهك ابيض يأخوي ( بدر )

والله يجزاك كل خير علي الدعوه

والله يجعل كل عمل تقوم فيه

بميزان حسناتك وحسنات والدينك اللهم آمين

[ابوفـهد]

الكويتي

يامرحبا يامرحبا

خبرك أخوووك جديد في مستوى رابع

خبرنا شنهو المواد الي تنصح نسجل فيها وسهله

:(269):

[sky star]

انزين اخ كويتي المستشفي حكومي او خاص وهل الدكتور اهوا اللي يحدد والا من اختيارنا وشرط مدرسة خاصة وشلون كانت الأمور قبل الزيارة اقصد هل الامور ساهلات والا فيه بعض التعقيدات من ناحيه الأشخاص اللي قابلتهم ،، وشنو يطلبون كا اثبات للشخصية ،:060:

[الكويتي 1]

لا ياختي الدكتور مايحدد اي مستشفي او اي مدرسه هو يبي المكان الذي تنوين زيارته

يجب ان يكون فيه اخصائي اجتماعي سوا كان مستشفي حكومي او خاص وكذلك

المدرسه نفس الشئ وبس

وموضوع الاثبات طبعا ضروري واذا تعرفينهم وماج واسطه مايحتاج أثبات الاثبات

هي الواسطه. هههههههه

[sky star]

هههه واسطة مرة وحدة. ... الله المستعان.، الله يوفق الجميع،، قصدت بالسؤال عن الاثبات مثل التعريف اللي يثبت اني ادرس بالجامعة هذا مطلوب صح. جزاك الله خير عل ردوك كويتي1.

[الكويتي 1]

نعم صحيح هذا الاثبات مطلوب

وسوف تجدينه بالخدمات الطلابيه ايقونه التدريب الميداني

عند تفعيلها .

وبعدين حتي الواسطه تلعب دور كبير تقدرين تخلصين موضوع

التقارير وانتي بالبيت هههههههه

[sky star]

صج أشلون مثلا اقدر أدز اخوي وهو اللي يخلص أمور التقارير. . الكويتي انت طبقت في مدارس ومستشفيات الكويت..والا بالسعوديه أسفه على السؤال الفضولي.

[الكويتي 1]

لا ولو حاضر لا فضولي ولا شئ

طبقت بالسعوديه ولا المفروض اني مطبق بالكويت بس الظروف ماسمحت

[sky star]

جزاك الله خير على سعة بالك وتعاونك ويانا الصراحة كنت محتارة ومو عارفة بعض الاشياء اللي تخص التدريب الميداني بس انت ما قصرت الله ينور دربك.:119:

[الكويتي 1]

ودربج يارب

ياختي العزيزه أنا حاضر وبالشوفه وأي شئ تبين

تسألين عنه لا يردج شئ وبعدين عنج رسايل الزوار

مفتوحه لجميع الاخوان والاخوات للرد علي جميع

الاستفسارات او المساعده بشئ اقدر عليه صدقيني

ماراح اتأخر فيه .