السنة التحضيرية بنات المستجدآت [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : السنة التحضيرية بنات المستجدآت

انثى بروح طفله

2012- 8- 10, 07:05 AM

آلسلام عليكم ورحمة الله وبركاتة

بنات المستجدآت هنا بوضح لكم كل شي ان شاء الله

بمآ آنو آنتم الا تسجلوا موادكم حبيت اعطيكم فكرة عنها

http://img04.arabsh.com/uploads/image/2012/08/10/0e3f424360f405.jpg

ببدء اول شي بموداكم لكل القسمين الادبي والعلمي وباخد بعض الاقتباسات

اول شي مواد علمي :

رياضيات عامه / فيزياء عامه1 / مبادئ علم النفس / مبادئ التربية / مبادئ الإحصاء التربوي / الثقافة الإسلامية / أحياء .

اهلين غناتي ..
انا علمي مو ادبي بس اقدر افيدك بالمواد المشتركة بين الادبي والعلمي ..

الصحة واللياقة ..
في دكتورتين للمادة .. د.سماح + د.ناهد
انا درستني الدكتورة سماح هي طيبه وتمام كثير .. بالبداية كانت تراجع معانا المحاضره السابقة
بعدين وقفت عن هل شئ .. على نهاية الترم
بنوتات كثير تمدح الدكتوره ناهد اكثر .. ف لو حابة تسجلي خليك مع الدكتوره ناهد ..
ولك حريه الاختيار .. على فكره ثنتينهم مصريين

متطلبات الدكتورة ( مجلة + اختبار شفوي + تسليم واجب + حمله الصحة واللياقة + اختبار منتصف + اختبار نهائي )

مبادئ الاحصاء التربوي ..
مادة جميله ومره سهله حتى لو كنتي ادبي ..بتحسيها سهله
تتكلم عن الوسط الحسابي والوسيط والمنوال والربيعات ... إلخ ..
الي عطتني المادة . الاستاذة العنود البوعينين ..
مره رووعـــــه لو حبيتي تستفسري منها عن اي شئ ماتقول لك شئ واخلاقها روعه
وفي صاحباتي درستهم دكتورة رائدة .. ( اردنيه عفر ^^
مره تمام بعد ..انا درستني مادة الترم الثاني ..بس العنود افضل منها

متطلبات الدكتوره
( واجبات + كوزات جماعية + اختبار منتصف + اختبار نهائي + في عمل سويناه عرض بوربوينت على كل المنهج تأخذي لك عينه واطبقي عليها كل شئ اخذتيه << بعدين لين اخذتي المادة بتفهمي قصدي ههههــ ))

الثقافة الاسلاميه
درستني الدكتورة تغريد ..( مصريه )
وفي بنوتات درستهم دكتورة ثانية نسيت اسمها ..
الدكتورة تغريد مره تمام .. واخلاقها حليوه بعد ..

متطلبات الدكتوره
( بحث فردي + بحث جماعي + كوز + اختبار منتصف + عرض احد المحاضرات وشرحها ( بيكون مجموعات )+ اختبار نهائي )

مبادئ علم النفس ..
درستني دكتوره ماعجبتني ابد ..اسمها الدكتورة نبيله
سجلي مادتك عن الدكتورة منال المحروس ( مصريه ) مره تمام واخلاقها حليوه
وشرحها ماشاء الله عليه جميل.. ومحاضرتها حليوه بعد ..
( درستني المستوى الثاني علم نفس النمو )

( بحث فردي + كوز + عرض احد المحاضرات وشرحها ( بيكون مجموعات ) + اختبار منتصف + اختبار نهائي )

تحرير العربي ..
في دكتورة تونسيه د.بثينة + دكتورة مصريه د .منى إسماعيل
بالصراحه اهم شئ الاخلاق صح ؟
ياريت تسجلي عند المصرية الكل يمدحها ..وشرحها حليوة بس هي شديدة شوي
يعني جوالش لازم يكون صامت لو بتعطيك حرمان بالمادة ><
وكثير في درجات بونس ..
انت مشي معاها وان شاء الله خير
>> لو تصير عندي مادة في هل مستويات بدرسها عند المصريه

متطلبات الدكتوره
( بحث جماعي + كوز + اختبار منتصف + اختبار نهائي )

التربية الخاصه
البنوتات اسمعهم يمدحوا الدكتورات ..^^

اما الانجليزي :biggrin: :biggrin:

مبادئ التربية
درستني استاذة رباب .. والله كلمة روعــــــهــ قليلة بحقها لكن مع الاسف
نهاية المستوى راحت تكمل الدكتوراه ..الله يوفقها يارب
في دكتور ماهر يعطي نفس المادة .. او في دكتورة خضرة
انا بصراحه ما أأيد دكتور يدرسني ..
الدكتوره خضرة البنات قالوا تمام ..

متطلبات الدكتوره
( مقال تأملي + اختبار منتصف + اختبار منتصف + اختبار نهائي + (( راح يكون فيه 20 درجة على ورشة مهارات الحياة الجامعيه في الاسبوع الثاني من الدوام .. بعد الورشة في اختبار من 20 ينضاف الى هذه المادة ))
وهذا الي اعرفه ولك حرية الاختيار غناتي ..

وذي مواد ادبي "

راح اتكلم عن الاستاذات الا درسوني

سنة أولى " سنة تحضيري أدبي"
المستوى الأول: ثقافة اسلامية <درستني استاذة عذراي اليابس من جد اسلوب وذوق طيبببة مررة

تحرير عربي <درستني دكتورة بثينة الجلاصي مررة تمام كانت في السمتسر الاول لان شعبتنا كانت مميزة بس السمستر الثاني كانت شعبتنا مب حلوة فكان الاسلوب مب حلو

مبادئ التربية <دكتور ماهر ^^ مررة تمام

مقدمة في التربية الخاصة< الاستاذة شيماء بالعلا ايش اقول وايش اخلي ماراح تندمون لو سجلتوا عندها

مبادئ الاحصاء التربوي< استاذة عنود بوعنين مرررررة شرح واخلاق ماتتطلعي من المحاضرة الا وانتِ فاهمة

لغة انجليزية< آستاذة هيآ بس اتوقع مب موجوده

مبادئ علم النفس< درستني الاستاذة نبيلة وكانت تمام وصديقاتي يمدحوا منال المحروس تقريبا اسمها ><
الصحة واللياقة< درستني دكتورة ناهد رمضان

وبكذا عطيتكم فكرة عن المواد وبعض الاستاذات

اي استفسار اقدر عليه راح اساعدكم

سمآرآت

2012- 8- 10, 07:24 AM

مرره مآقصرتي الله يغطيك العآفيه :106::004:

judi

2012- 8- 10, 07:25 AM

مشككككورة حيييياتي :004:

الله يوفقك ويكتب لك كل خير ... و يسلمو على المساعدة :004:

اميرة الياقوت

2012- 8- 10, 07:52 AM

تحرير عربي <درستني دكتورة بثينة الجلاصي مررة تمام كانت في السمتسر الاول لان شعبتنا كانت مميزة بس السمستر الثاني كانت شعبتنا مب حلوة فكان الاسلوب مب حلو

اممممم كلامك صحيح
احيانا تكون الدكتوره بثينه مره مبسوطه وتضحك معك وسوالف وكذا
بس مره من المرات جمعتنا مع شعبه ثانيه وكانت مره متعصبه
ماعجبني اسلوبها مع البنات وطريقة كلامها ..
وبصراحة قالت كلام الي بنات يجرح :139: :139:

علشان كذا مابسجل عندها مادة .. احسها مزاجيه بس طيوبه :biggrin:

طالبة .

2012- 8- 10, 02:09 PM

مشكووورة غلآآآي ع الإفـآآآده :004::004:

ms.tsleek

2012- 8- 10, 04:06 PM

^ دكتوره بثينه الجلاصي(تونسيه ) صحيح مزاجيه بس قلبها طيب لاتلومونها يمكن عشان الغربه والضغط اللي عليها من زميلاتها الدكاتره من الجنسيات الثانيه و لاتنسون بعد انها تداوم من الدمام وماسكه اكثر من ماده > حسيت اني محاميتها :biggrin:
بس والله تحسون قلبها طيب و ماتظلم في الدرجات ومتعاونه وتراعيك كطالبه
و سوت لنا ملزمه لمادتها عشان تختصر الزحمه الموجوده في الكتاب
و اذكر في الامتحان النهائي لمادة تحرير عربي عطتنا مراجعه ملتنا اياها في المحاضره الاخيره ,,,,, ويوم دخلت الاختبار لقيت الاسئله نفس اللي ملتنا اياها بالضبط بالضبط مافي شي ناقص او شي زايد .. وانا احل الفقرات بسرعه وبسهوله وادعي لها في نفسي :sm1: :004: > ونادر ماتشوفين دكتوره تسوي زيها وتمليك الاسئله وتحرص انك تجيبين اعلى الدرجات في الامتحان , الدكاتره الثانين تطردين وراهم عشان يعلمونك وش المحذوف او ان هذي الفقره مهمه او لا :sm5:

اهم شي خليكم مودبين معها , عشان تكون :oao: معكم
لو سويتي شي يضايقها بتهزأ وتجلس متنرفزه طول المحاضره , لكن تنسى على طول وتجلس تضحك وتسولف معك عادي وهذا يدل على ان قلبها ابيض وطيب . :004: :004:

LADYMEMA

2012- 8- 10, 05:00 PM

مشكوره حبيبتي يعطيك الف عافيه انا حدثت بياناتي بس باقي الايبان اطلعه واكتبه بالموقع
بس انا مو فاهمه سالفة المستويات هذي ؟! المستوى الاول يعني الترم الأول صح ؟!
> مشكلة اللي توها متخرجه من الثانوي :Looking_anim:

اميرة الياقوت

2012- 8- 10, 05:20 PM

ايوه غناتي
السنة التحضيرية
المستوى الأول ( الترم الأول أو الفصل الدراسي الأول)
المستوى الثاني ( الترم الثاني أو الفصل الدراسي الثاني)

بعدين التخصص
المستوى الثالث . والمستوى الرابع .. والمستوى الخامس .. المستوى السادس
والمستوى السابع .. والمستوى الثامن

موفقه حبوبه

ms.tsleek

2012- 8- 10, 08:56 PM

^ فيى الكليه يتعاملون بالمستويات بدل السنوات
مثلا لو بتعبين بياناتك في الامتحان تكتبين انتي في اي مستوى مابيهتمون او يسالونك انتي في اي سنه

وفي كل مستوى ( ترم ) تاخذين مواد غير عن المستوى الللي بعده او قبله
مو مثل المدرسه في السنه الوحده تاخذين نفس الماده في الترم الاول والترم الثاني .... وبس :biggrin:

judi

2012- 8- 10, 10:14 PM

انثى بروح طفله

2012- 8- 10, 10:46 PM

http://admitportal.ud.edu.sa/

ادخلي هنا عشان التحديث اضغطي عالمربع الاحمر وراح يطلع لك كل شي :004:

منآي آلجنة

2012- 8- 24, 10:21 AM

ربي يعطيك العآفية على الطرح
سلمت آنآملكْ ..
والله يكتب الخير للجميع يارب ..,
دمتٍ بحفظ المولى سبحانه .., :106: