إستفسار بخصوص التسجيل

[ابو حمـد]

السلام عليكم ورحمة الله وبركاته
الاستفسار أنا عندي ( فصل اكاديمي ) بجامعة الملك عبد العزيز
وسجلت بجامعة الملك فيصل وتم قبـولي ولله الحمد ..
السؤال : لابد من إني أخذ اخلاء طرف من عبد العزيز ؟
أو أروح اسحب اوراقي منهم ؟
بالحاله هذي أنا كذا قبولي مضبوط بفيصل ؟
أو ممكن يتأثر أو أواجـه مشاكل مستقبلاً بسبب هالفصل الاكاديمي
وشكراً

[ابو حمـد]

الفزعة ياجماعـة ..

[هــبه]

أنت تقول قبلوك فيصل خلاص كمل معاهم وجيب لهم الأوراق من عبد العزيز ما أنت خسران شيء أنت مابترجع لعبد العزيز وإن شاء الله الله يوفقك بفيصل .....بس أنت تذكر إذا قرأت بشروط القبول أنه ما يكون مفصول أكاديمياًً؟؟؟
لأن الصراحة أنا ما أبي أخوفك بس كأن كأن هالشرط موجود فما أدري إن شاء الله أحد يقدر يرد عليك

[آلبارون]

أنت تقول قبلوك فيصل خلاص كمل معاهم وجيب لهم الأوراق من عبد العزيز ما أنت خسران شيء أنت مابترجع لعبد العزيز وإن شاء الله الله يوفقك بفيصل .....بس أنت تذكر إذا قرأت بشروط القبول أنه ما يكون مفصول أكاديمياًً؟؟؟
لأن الصراحة أنا ما أبي أخوفك بس كأن كأن هالشرط موجود فما أدري إن شاء الله أحد يقدر يرد عليك



للأسف انا اذكر كلام مثل الي قالته الاخت هبه

اعتقد بس مو متأكد ان قبولك راح يتأثر بسبب الفصل الاكادمي

لكن انت اتصل على الجامعة او راجعهم تأكد من المسؤلين افضل من التأكد هنا

[ابو حمـد]

أنت تقول قبلوك فيصل خلاص كمل معاهم وجيب لهم الأوراق من عبد العزيز ما أنت خسران شيء أنت مابترجع لعبد العزيز وإن شاء الله الله يوفقك بفيصل .....بس أنت تذكر إذا قرأت بشروط القبول أنه ما يكون مفصول أكاديمياًً؟؟؟

لأن الصراحة أنا ما أبي أخوفك بس كأن كأن هالشرط موجود فما أدري إن شاء الله أحد يقدر يرد عليك


عبد العزيز ماعندهم اوراق لي رسميه كل اللي عندهم صور
شهادتي الرسمية موجودة ..
ومن ناحية الشروط ماقرأت شي .. بس طالما أنه فيصل قبلوني
معناته أنه وضعي أوكيه ..
بس انا خايف أني أتأثر بعدين بحكم اني ماسويت اخلاء طرف من عبد العزيز
مدري خايف من الشي هذا ..
انا بس لو أعرف معنى الفصل الاكاديمي شنو . كان ارتاح ..
مدري الفصل الاكاديمي هو الفصل المتعارف عليه يعني خلاص اقضب الباب
او هذا فصل له ضوابط ثانيه ؟

[ابو حمـد]

للأسف انا اذكر كلام مثل الي قالته الاخت هبه

اعتقد بس مو متأكد ان قبولك راح يتأثر بسبب الفصل الاكادمي

لكن انت اتصل على الجامعة او راجعهم تأكد من المسؤلين افضل من التأكد هنا


مشكور حبيبي .. ولكن انا لو القى أحد يشرح الفصل الاكاديمي
هو نفسه الفصل المعروف عندنا انه خلاص مع السلامه ..
وانه مانبي منك شي ولاتبي منا شي ..
والا هذا فصل له معنى ثاني . الله يستر
الله يجزاك خير أنت والآنسة هبه
وبالتوفيق للجميع ان شاء الله

[آلبارون]

مشكور حبيبي .. ولكن انا لو القى أحد يشرح الفصل الاكاديمي
هو نفسه الفصل المعروف عندنا انه خلاص مع السلامه ..
وانه مانبي منك شي ولاتبي منا شي ..
والا هذا فصل له معنى ثاني . الله يستر
الله يجزاك خير أنت والآنسة هبه
وبالتوفيق للجميع ان شاء الله



ايه انا فاهم عليك افضل طريقة تتصل على الجامعة وتسأل عن الموضوع بالتفصيل واكيد راح يشرحون لك واذا تقدر تروح للجامعة راح يكون افضل


يعني بترتاح وبتفهم كل شيء بالنسبة لـ اخلاء الطرف والفصل الاكادمي وبتعرف اذا راح يأثر ولا لا

لأنهم هم المسؤلين عن هذي الاشياء

[aquamarine]

الفصل الأكاديمي معناته ان خلاص فصلت من الجامعه لان معدلك نزل عن المطلوب و عديت انذارات الجامعه ومارتفع معدلك
هذا الفصل الأكاديمي

بس مادري اذا بيأثر في قبولك ولالا
اتصل اسألهم