تسجيل الدخول

مشاهدة النسخة كاملة : نصيحة للطلاب الجدد : ابعدوا عن تخصص الكمبيوتر

طالب3
2012- 8- 18, 07:01 AM
السلام عليكم

اخواني انا متخرج من هذي الكلية تخصصي علوم حاسب

نصيحتي لكم ابعدوا عن هذا التخصص الزبالة و روحوا تخصصات هندسة

تخصص غير مرغوب فيه في سوق العمل و راح تتعب كثير سواء في الدراسة او بعد التخرج

زملائي المهندسين كلهم ربي يرزقهم حصلوا على وظائف ممتازة الا انا

+

في سوق العمل يفضل الهندي و الباكستاني عليك في الوظيفه ، لان الاجنبي يجي بخبره و راتب اقل و ينافسك بالوظيفه ، بينما السعودي لا يقبل براتب مثل راتب الهندي و حتى ما عنده خبره

تحياتي لكم من محب ناصح
matary
2012- 8- 18, 07:19 AM
امممممممممممم
تقصد هندسة الحاسب ؟!!!
عبوووووود
2012- 8- 18, 08:13 AM
طيب اخوي ايش وضع التخصصات الاداريه؟
عبدالقادر
2012- 8- 18, 08:45 AM
كلامك مو منطقي .. انا أعرف كثير غيرك توظفو و تخصصهم هندسة الحاسب !!

شوف كم معدلك التراكمي يمكن نازل علشان كذا ما حصلت الوظيفيه اللي تبيها
وبالنهاية هي ارزاق مكتوبة !!
Spencer
2012- 8- 18, 05:12 PM
الله يرزقك بالوظيفه الزينه يارب :106:
Esc
2012- 8- 18, 05:37 PM
والله إحنا كل المسات قالو الدفعه الي تخرجت كلهم توظفو بنات سي اس واعرف وحده توظفت بدون تعب
يمكن أنتو غير عنا لأنو عندكم هندسه
طالب3
2012- 8- 18, 09:44 PM
امممممممممممم
تقصد هندسة الحاسب ؟!!!

اقصد علوم الحاسب

طيب اخوي ايش وضع التخصصات الاداريه؟

ادارة الاعمال مطلوبة اكثر من تخصصي

كلامك مو منطقي .. انا أعرف كثير غيرك توظفو و تخصصهم هندسة الحاسب !!

شوف كم معدلك التراكمي يمكن نازل علشان كذا ما حصلت الوظيفيه اللي تبيها
وبالنهاية هي ارزاق مكتوبة !!


عزيزي اعرف واحد معدله فوق 3 الى الان مالقى شي
لا تنسى التخصص ينافس فيه من يقبل براتب قليل
الشركات تقول ليش اجيب خريج جديد ما يفهم شي و اعطيه راتب 6000 ريال
بنفس الوقت فيه هنود و باكستانيه زيه ملايين عندهم خبره و يقبل بوظيفه 2500 ريال

هذا كلام مدير قسم الحاسب بشركة ساسرف

بينما زملائي المهندسين المتخرجين من الهندسة المدنية ما شاء الله عليهم لقوا وظايف ممتازة

الله يرزقك بالوظيفه الزينه يارب :106:

امين و اياك

والله إحنا كل المسات قالو الدفعه الي تخرجت كلهم توظفو بنات سي اس واعرف وحده توظفت بدون تعب
يمكن أنتو غير عنا لأنو عندكم هندسه

اذا عندها واسطة يختلف ، و كلام المسات لا يستبعد اما البنات كذبوا عليهم او هي تبالغ في المسأله عشان محد يتخوف من التخصص

يا جماعة التخصص هذا غير مرغوب فيه في السعودية ، اكثر دولة تطلبه امريكا

تخصص ادارة الاعمال و الهندسه المدنية و الميكانيكيه افضل بمليون مره من تخصص علوم الحاسب

كتبت الموضوع هذا نصيحه اخويه عشان محد ياكلها
وليد آل منصور
2012- 8- 19, 01:20 AM
طيب بالنسبة لتخصص نظم المعلومات الادارية ؟
مرغوب ؟ .. و هل تعرف احد توظفوا ؟
طالب3
2012- 8- 20, 07:35 AM
mis سمعت عن مدرس انه في طالب بالتخصص هذا توظف
زملائي بنفس التخصص هذا انقطعت عنهم

عن نفسي اعتبره افضل من تخصصي الفاشل خصوصا اذا تقدر تروح مجال الادارة المالية و المحاسبة اللي عليها طلب كبير

اذكر دكتور عندنا قال كلمه قبل 3 سنوات ما خذينا بالنا منها
يقول اذا تخرجتم اشتغلوا بدون راتب عشان تاخذوا خبره

تصور خريج بكالوريس كرف 5 سنوات اخر شي يشتغل بدون راتب !
الكلام هذا ما صدقته لين قال لي مدير مشروع انا اقدر اوظفك لكن بشرط ما ادفع لك راتب
Hak
2012- 8- 21, 01:52 AM
السلام عليكم
موضوعك جذبني شوي

عندي سؤال مو المفروض أن الكلية تساعدك على الأقل , لأنها مو معترفه حاليا
واذكر انه المدير قبل سنتين قال أنه اي واحد تخرج , راح ندور له وظيفة , ؟؟

-----

الشيء الثاني يا اخي العزيز

http://jucalumni.bayt.com/

شفت هالموقع هو حق طلاب خريجين الكلية يبحثون لهم وظائف
عالم نت
2012- 8- 25, 04:59 AM
اشوفك مبالغ شوي يالغالي

كل خريج بمعدل مناسب , ومتقن للغة الانجليزية
وظيفته تكون مضمونة بإذن الله

,
انتهينا
2012- 8- 27, 09:03 AM
طيب والمتخرجين من الحاسب الي حاطين صورهم بالكليه :(107):

اشوفهم متوظفين بسابك وفيهم الي ابتعث