الترقية للمسار الصحي

[الكوثر 1]

السلام عليكم ورحمة الله وبركاته

الى اعضاء وعضوات هذا الملتقى والصرح الشامخ الذي يجمع بين طيات صفحاته

جميع الطلاب والطالبات للافادة والاستفادة

كتبت موضوعي وآمله منكم المساعدة في طلبي

الحمد لله تم قبولي في جامعة الدمام من الدفعه الاولى في المسار العلمي

في حين كانت رغبتي الاولى المسار الصحي ,,

ونسبتي الموزونه قرييييبه مرررره من المسار الصحي بس فواصل

نسبتي 88,1 اما المسار الصحي 88,6 يعني بس 5 فواصل قهههههر

نزلت الدفعه الثالثه وكان عندي امل كبير توصل لنسبتي بس ماوصلت

هل في امل يرقوني للمسار الصحي مع العلم ان في صفحتي

موجود عند المسار الصحي طلب

ياليت تفيديوني هل اذا راجعت الجامعة من القسمين الرجال والنساء

ممكن يرقوني :Cry111:
ساعدوني ارجوكم :mh12:

هم اني عندي مشكله ثاني سجلت في كلية الغد تبع المنح وسددت رسوم وعطوني

رقم جامعي وقالوا اجيب الشهاده الاصل على بداية الدراسه مع اخلاء طرف من الدمام

وهم نتائجهم ماتطلع الا في ذو الحجه وانا مارح اسلمها الهم الابعد مايقبلوني
هل يأثر على القبول عدم تسليمي للاصل؟

ومني عارفه في بداية الدراسه وووين اداوم ؟

هل اروح جامعة الدمام واسحب على كلية الغد واخاف مايقبلوني لغيابي

وهل اروح كلية الغد واسحب على الدمام واخاف يكتبولي حرمان

وش السووووووات ساعدوني :Cry111:

الله يرضى عليكم وينور حياتكم

[s o 7 a]

بالنسبه لـ جامعة الدمام المسار الصحي ..
فيه ناس فرق بينهم وبين نسبه القبول فاصلتين فقط!
وما أنقبلوا ولا ترقوا:icon9:

كلية الغد ما عندي معلومات كثيره عنها ..
بس دامهم قبلوك المنح ودفعتي الرسوم وعطوك رقم اكاديمي!
أيش السبب اللي ممكن يخلي الكليه ما تقبلك؟:biggrin:

[الكوثر 1]

المنح مابعد يقبلوني ولا حتى الكلية بس بما اني سجلت ودفعت رسوم التسديد

فهي عطتني رقم جامعي عشان اسجل في موقع المنح

وقالت لي تعالي داومي بداية الدراسه

وانا الحين معلقه بين المسار العلمي و كلية الغد

ومدري اسوي تأجيل للدراسه في الدمام بس ماعندي فكره عنه

ودي أسوي تأجيل سمستر واحد بس الين تطلع نتائج المنح

واذا مارضوا يأجلوا لي الدراسه في الدمام

مدري وووووين اداوم في الجامعه ولا الغد

[s o 7 a]

أنا أقول عصفور باليد ولا عشرة على الشجره!:biggrin:
والمسار العلمي بجامعه الدمام زين وحرام تضيعينه من يدك على أمل إنك تنقبلين بالمنح ,
فيه حاسب وفيه إدارة أعمال وفيه محاسبه وفيه نظم معلومات إداريه ..
وتقدرين تحولين مسار هندسي تصميم داخلي أو هندسه طبيه لو جبتي معدل عالي!
أما الغد أهليه , يعني حتى بعد ما تتخرجين .. اللي أعرفه إن شهادتهم موب ذاك الزود:139:
بالإضافة إن برنامج المنح يتجدد سنوياً .. يعني ممكن هالسنه يأخذونك منحه!
بس السنه الجايه ما تجيبين المعدل المطلوب وتطلعين من البرنامج ..
بعدين عاد تتورطين , يا تدفعين من فلوسك يا تروح عليك سنين دراستك:icon9:

[الكوثر 1]

هندسة طبيه وووااوووو حسيته تخصص حلو

قريت انه لاول مرة يضاف للجامعه وان القطاع الحكومي والخاص ينتظرون خريجين هذا التخصص

وانه له فرص وظيفية كثيييرة

يعني اقدر السنة الجاية احول الى المسار الهندسي

وهل التحويل سهل وماهي الشروط ؟

وكم مطلوب معدل للتحويل ؟

ومتى وقت طلب التحويل ؟

معذرو ازعجتك ياسوووحا بكثرة الاسئله

[s o 7 a]

انا بنت مو ولد ..
ايه التخصص جديد وحلو!
بس المشكله المقاعد المخصصه له جداً قليله
يعني المعدل لازم يكون عالي جداً عشان يقبلونك بالتحويل:icon120: