شباب وبنات تعالوا حياكم عندي سؤال ؟؟

[ام-عساف]

السلام عليكم
حبيت اسأل اللي انقبلوا ادارة اعمال شباب وبنات كلهم بأي قسم علمي او ادبي
ونبغى نعرف تجارب الاخوان السابقين لنا بالقسمين علمي وادبي كيف تعاملوا مع
الرياضيات والاحصاء يعني" الادبي شلون مشوا فيه " والعلمي "كيف كانت امورهم "
كيف كانت الرياضيات والاحصاء معاهم يفيدونا بتجاربهم
واللي تم قبولهم يقولون لنا ايش اقسامهم
انا عن نفسي علمي :53::53:
حبيت اشارك بموضوع يفيدنا بالمرحله المقبله للعلمي والادبي
اتمنى موضوعي يناسب الكل ويشاركون بارائهم :oao:

[ام-عساف]

ولا رد
العيد خلص خلاص وينكم:(107)::(107):

[فيصل الجوف]

بالنسبه لي توني جديد وأنقبلت ولله الحمد أداره اعمال وتخرجت أدبي من الثانويه والنسبه بالثانويه 89،85 ولي زميل أخر أدبي ماقبلوه أداره أعمال أعتقد لأن نسبته متدنيه

[ام-عساف]

الحمدلله ماقصرت مشاركه جميله
بس نفسي اعرف الادبي ايش مسويين مع الرياضيات و الاحصاء

[أمجد محمد]

انا تخرج علمي

بالنسبه للرياضيات >> فيه اشياء تصعب علي واشياء سهله >> بس اهم شي الي تفهميه تراجعيه لانه لو نسيتيه وتتراكم الدروس تصي مشكله والي كان يصير انه الدرس الاول مثلا يكمله الدرس الثاني ثم الدرس الثالث >>سلسله لازم تحافظي عليها بالكامل

ولاكن رياضيات الجامعه اكيد مختلف نوعا ما عن المدرسة وان شاء الله سهل وماده خفيفه على المعده >> :71:

الادبي كنت احب المواد الاسلاميه اما القواعد لا

طبعا اكبر مصيبه التراكم لما يتراكم عليك اشياء كثيؤه هنا تبدأ المصايب

نتمنى لكم التوفيق وكلنا امل وتفاؤل بانه سهل ومييسر .. ان شاء الله

[ابن الدمام]

وعليكم السلام انا بالنسبه لي علمي ودرست لحد قبل الاختبارات با سبوع بعدين انسحبت بالنسبه للرياضيات انا اشوف انها سهله وحلوه ومواضيعها كلها من الثانوي والمتوسط واللي احلى من كذا ابشرك مدرسها زي العسل عليه طريقه شرح مره حلوه اما الاحصاء كامادة مدري ليش تسئلين عنها لانها ماهي معنا.!!

[ام-عساف]

تسلم اخي أمجد على المشاركه والتوضيح وابن الدمام ماقصرت مرورك نور الصفحه
واتاريك خبير وانا ما ادري اجل خلاص محد بيجاوب على كل شي
الا انت :mh35::mh35::mh35:
انا علمي ونسبتي 85 ولله الحمد احب المواد العلميه والحمدلله
الانجليزي نص نص امشي حالي
المواد العربيه يجيني فيها نوووم مو طبيعي تاريخ بالذات وقواعد بلاغه:019:
ودي الحين احد يفيدنا بالقانون والاحصاء الخبير قال مهي معنا خلاص انسوها:g2:
هل من مجيب :sm12::sm12::sdfgdsf::sdfgdsf:

[ابن الدمام]

الصفحه منوره بوجودك ووجود الاخوان والاخوات وفالك التوفيق والنجاح

[قمر الكل]

انا متخرجه علمي

وبالنسبه للرياضيات ما كان عندي مشاكل فيها لانها فهم .. وانا احب افهم اكثر مااحفظ

وان شاء الله تكون موادهم خفيفه على قلوبنا وما تركبنا عقد :mh12:

وبالتوفيق للجميع

[ام-عساف]

مشكوره ياقمر الكل علي مشاركتك
واتمنى فعلا تكون المواد خفيفه والدكاتره
طيبين ومتعاونين :53::Cry111:

[أبووسن]

ههههههه انا ادبي بس والله مواد الدين تدوخ وخاصه الفقه لانه فيه حووسه والدين ماتقدر تالف فيه مهو مثل اي ماده بالنسبه لمعدلي 86 الماده الوحيده الي اكرهها الانقلش والا الباقي عال العال اتمنى للجميع التوفيق

[جوجو الحلوهـ]

انا ادبي نسبتي 88 وكنت ابي علمي بس حصلت لي ضروف وقتها ماقدرت ادخل علمممي
والحمدلله على كل حال :oao:

[أبان]

إن كان حظكم زين و جاكم د.حنفي
فستحسون بالمتعة في الرياضيات


و إن جاكم اللي في بالي فالله المستعان


عموماً رياضيات-1 بسيط ولا تشيلون هم

[ام-عساف]

ابو وسن وجوجو الحلوه
عطرتوا الصفحه بكلماتكم العطره والراقيه
وتوضيحكم عن انفسكم يوضح تعاونكم وروحكم الحلوه زي جوجو الحلوه:119:
وانشاء الله يكون المستوى الاول للجميع سهل ومافيه صعوبات
ونشوف باقي الاعضاء يشاركون بردودهم ويفيدونا :53::53:

[ام-عساف]

مشكور اخ ابان على مشاركتك وتوضيحك
ويارب يجينى د. حنفي مثل ماقلت
وياريت تكلمنا اكثر عن بقية مواد الاداره
للمستوى الاول تريحنا شوي هم اصلا خمس مواد
عطيتنا نبذه عن الرياضيات باقي 4 الله يعطيك العافيه
لو نبذه فقط عن كل ماده لك جزيل الشكر
:d5::d5::d5::d5::d5:

[أبان]

الإدارة و القانون و الرياضيات كلها سهلة

المحاسبة-1 سهلة هي أيضاً ولكنها تحتاج فهم (لمن لم يسبق له دراسة المحاسبة) حيث أنها الأساس في فهم أصول المحاسبة و ما بعدها من فروع المحاسبة


الاقتصاد الجزئي يحتاج تركيز



نصيحتي لكم
الفصل الأول فرصتكم لتحقيق أعلى معدل و ليكن هدفهكم +a

أخوكم / أبان

[ام-عساف]

تم تعديل المشاركه ولم انتبه اخ ابان
اعتذر لك بشده
وفعلا نصيحه ممتازه لازم نهتم بالدراسه على نصيحتك بصير اخت مصطفى :060::060:

[المخلصه لديني]

انا ادبي وما احب العلمي بس سبحان الله استخرت والله كتب لي ادخل ادارة اعمال وناويه بأذن الله اشد حيلي مافيه شئ سهل بس يبيلها تركيز ويمكن سبب تعقدنا من الرياضيات بسبب المعلمه مصريه تشرح وما كنت افهم شئ المعلمه او المعلم لهم دور كبير في حبنا للماده او كره الماده

[ام-عساف]

حياكي الله اخت مخلصه لديني
والادبي يبغالهم شوي يتعودون على المواد العلميه
ويذاكرونها اول باول واشوف الكثير ادبي ماشيين تمام
وهذا اللي كنت ابغى اعرفه من الاعضاء فريحي بالك
اختي الكل ماشي ادبي وعلمي وهذا اللي ابغى اوصل له
والرياضيات هي شي نسبي للجميع مو انتي بس
وممكن المدرسه اثرت عليكي صحيح انسيها الحين
وانشاء الله د. حنفي مابيقصر:58545::58545:

[المخلصه لديني]

ههههههههههههههه ايه والله ان شاء الله الدكتور حنفي مايقصر ضمنتي انه هو الله يفرجها يارب

[ام-عساف]

لا والله مو ضامنه بس متفائله خير
دام يقولون طيب
وعلى فكره انا متفائله بكل شي
دفعات للقبول ثالثه ورابعه والحين د. حنفي
ربي يحقق لي امنياتي
:53::53::53::53::53::53:

[ابن الدمام]

حبايبي والله كلكم اذا انتم نفس الدكاتره اللي عندي فبشركم الرياضيات دكتور حنفي تقدرو تدخلو على البانر وتشوفو الاساتذه ثانيا بالنسبه للمواد الله يعينكم على الاقتصاد يبيله تركيز عالي ومدرسه جديد بالنسبه لي كان اللي يدرسنا واحد مافهمنا منه شي الله يستر عليه اما القانون ماده سلسه فتتكلم عن الانظمه والعقوبات في المملكه بصراحه ماده مفيده تخليك تعرف اللي لك واللي عليك ومدرسها بعد تغير كان يجينا الزهراني المحاسبه انا اقولكم من الحين راح توصلون المحاضره الاخيره وكانكم في المحاضره الاولى لانها مرتبطه مع بعض فتتكلم عن عمليه حسابيه من شراء وبيع ودائن ومدين هذا اللي قدرت اختصره لكم واسف على الاطاله اتمنى انى وصلت المعلومات بالطريق الصحيح وتقبلو مروري

[المخلصه لديني]

يعطيك العافيه اخوي بس وش عرفك بالمواد والدكاتره وانت مستوى اول

[ام-عساف]

مشكووور
يالخبير حقنا جزاك الله خيرر
طمنتنا الله يطمنك

[أشواااااق]

م يفرق علمي ولا أدبي

البنات إللي معي أدبي وماشاء الله جابو معدلات أحسن مني ك طآلبة علمي

أهم شيء تشدون حيلكم ,


وب التوفيق :106:

[فيصل)]

بالنسبه لي توني جديد وأنقبلت ولله الحمد أداره اعمال وتخرجت أدبي من الثانويه والنسبه بالثانويه 90.57
وان شاء الله تكون موادهم خفيفه على قلوبنا

[ام-عساف]

مشكوره اختي اشواااق على ردك الذي اثلج صدري
وبقول لكل اللي اعرفهم شهادتك اخت اشواق للأدبي وسام يعتزون فيه
:d5::d5::d5::d5:

[ام-عساف]

اخ فيصل احب اريح بالك ترا كل الردود تبشر بالخير
ولله الحمد
وفعلا هالموضوع ريح راسي من التفكير
واحس اني اتخذت خطوه صحيحه
يارب لك الحمد
:oao::oao::oao:

[gnoony]

ماراح تفرق معكم ادبي او علمي المهم شدو حيلكم وان شاء الله اعلى الدرجات
ولاتركزون على الدكتور المهم انتو ذاكرو اول باول لاتخلون شرح الاستاذ ياثر فيكم

انا بالاقتصاد كنت اشوفه صعب وكان حمل علي وخايفه منه وكذا لاكن دورت على محاضرات افهم السالفه وارجع اشوف شرحه
والحمد الله كع الفهم صار ماده سهله وحلوه

بتوفيق لكم جميع

[ندى الورد*]

انا ادبي واحب الرياضيات والانجليزي نص فهم ومعدلي83,93 ان شاء الله نجيب المعدل والعيد بالمواد هههههههههههه

[Mila]

الله يوفقنا جميعا

[مخلدالعريض]

أنا علمي 93،53

[مخلدالعريض]

ههههه متأخر

[مـالـي حـل]

والله الادبي الله يعينهم صديقتي تعاني من الاحصاء مع انها علمي

[miss 27]

طب هل فيه كتب نشتريها ولى من من وين نجيب الكتب والملخصات انا جديده:mh12:

[ام-عساف]

مشكورييييييين لكل اللي جاوبوا وابدوا اقتراحاتهم وارائهم
والكتب والملخصات انا قلت رأيي الشخصي باقي اسبوع على
الدراسه ويبين الدكاتره نفسهم ولا غيروهم اذا نفسهم شغل
الطابعه وشوف شغلك بدون تردد واذا غيروهم اطبع المحتوى مع كل محاضره
:53::53::53:

[الوردة الخجولة]

اشكرك ياعسل على التوضيح وانا الحمدالله انقبلت بادارة اعمال :53:

ومتخرجة علمي والله يوفقنا جميعا مافي شيء يجي بالسهل شدو حيلكم واجتهدو

والله يوفقنا جميعا وان شاء الله بنزل جدولي ونتناقش ونساعدد بعض اللي معايا بنفس المجموعة

[ترآنين]

لحد مآنشوف الدكآتره ونعطيكم المفيد لاتستعجلون بكتب ولا غيره أغلبهآ المحتوى وملخصآت الإخوآن هنآ :106:


بالنسبه مآتفرق لعلمي وأدبي المهم الإجتهآد
والريآضيآت إذآ درسكم حنفي رررروعه معآه الريآضيآت شرحه قمه صرآحه :106:

[ام-عساف]

مشكوره اختي الورده الخجوله وفعلا التعاون مطلوووووب :(204):
واختي نرانين تايد نفس كلامي ننتظر لانستعجل
ويارب د. حنفي يدرسنا :53:

[سورة الانسان]

أنا أدبي :119:

[عِصآميهة]

آناا خريجة آدبي ولكن الحفظ لكك عليه شوي ، آفهم آكثر من آحفظ :sm5:

وآتمنى يكون آلقسم يعتمد على آلفهم آكثر :060:

بس آللي خايفه منه يفوتني موعد تسليم الآوراق ، لانو للحين مارسلتهاا :sm1:

مشكله آذآ ماكان آحد من آهلكك متحمس معكك ، ويد وحدهه ماتصفق :icon9:

آدعوآ لي ..~ :rose:

,‘

[* آمل *]

اختي ارسلي اوراق وزني فوق راسهم لين تخلصين
ترا اذا ماسنعتي روحك محد مسنعك
عاد تصدقين انا متشائمه من هالجامعه وابوي هو اللي متحمس لها اكثر مني..

[ام-عساف]

احنا معاكي هنا قروب واحد صديقات ومشرفات
اي شي اسألي والكل بيجاوب ويسولف معاك
ارسلي رسايل لنا اي شي او اسدحيه بالمنتدى
:53::53::53:

[ابو يزن الشمري]

انا. بالنسبة لي متخرج بنسبة 89 تخصص شرعي
واكره المواد العلمية بس عسى الله ييسر على الجميع ويوفقنا واياكم لما فيه الخير

[ابن الدمام]

خليجنا واحد وشعبنا واحد. ...ام عساف الله يسلمك كمليها وقولي مشرفين ومشرفات. ...خلي عنك العنصرية

[زهرة الخليج وبس]

مساء الخير للجميع وحياكم معنا ياالدفعة الجديده واشكر ام عساف صاحبة الموضوع وحبيت انوه انه الرياضيات اللي علمي بيمشي فيها والادبي يبي له شدة حيل السمستر الاول اذا درسكم الدكتور اسامه راح تنبسطوا كثير انا عن نفسي جبت عنده الفل مارك اما السمستر الثاني الدكتور الطاهر ابراهيم بصراحه شرحه مومره الحمد لله عديت عنده لكن كان فيه رسوب كثير لان شرحه انجليزي شوي وبعد مايحل كل المسائل ولا يحل بالتفصيل الممل مثل الدكتور اسامه لكن الله يجزاهم خير اثنينهم ماقصروا هذا للتوضيح وشكرا

[ام-عساف]

ابن الدمام
ماخذه اجازه من المنتدى عشانك رحت وجيت وانت للحين 64 مشاركه بس
خفت اقلط بالمنتدى تقول الظهور الاعلامي قلنا نخلي لك مجال شوي ..
يا ابن الحلا ماباقي شي عالدراسه اجتهد شوي بالمشاركات
وعشانك كل الاعضاء صديقات لك واصدقاء لك ومشرفين ومشرفات بيساعدونك
وابن الدمام خبير معانا كلنا ،،، رضيت عني خلاص :oao:

[ام-عساف]

ابو يزن شد حيلك معانا والشرح سهل وكثير ادبي ماشيين ولله الحمد
حبيت اطمنك من كلام السابقين لنا رجال ونساء
:53::53:

[ام-عساف]

زهرة الخليج مشكوووووره
على مرورك وشرح تجربتك لنا بالمستوى الاول والثاني
بس انا من نص رمضان ادعي دكتور حنفي يدرسنا رياضيات
من وين طلع اسامه هذا ....:71::71:

[gnoony]

ههههههههههههههههههههه
هو نفسه اسامه حنفي كذا اسمه

[ابن الدمام]

:oao:

[ام-عساف]

اجل نكمل دعاء يارب د. حنفي اسامه
:d5::d5::d5:

[ابوليـان]

ادبي 86.7 تخرجت منذ الازل القديم في العصر الطباشيري دخلت ادبي وانا كنت احب المواد العلمية خصوصا الفيزياء :Cry111:
احمل شهادة بكالوريوس منذ العصر الحجري واعمل بها منذ تلك الحقبةبراتب ممتاز ولله الحمد. ولكن مو مرتاح نفسيا في مجال عملي سبب دخولي ادارة اعمال لان الاقسام الاخرى ههنا ما استهوتني وكان هذا اقرب تخصص لميولي. الهدف من تسجيلي في الجامعة طلب العلم مغلف بشهادة عليا (د. يارب )

[hatem22]

انا ادبي ونسبتي 88 والمواد العلمية ما تشكل اي صعوبه من ناحيتي ومدري ليه دخلت ادبي كان قرار خاطئ وكنت وقتها اهم شئ اخلص من الدراسة:139:
ولكن الحمد لله على كل حال ،،

الله يوفقنا

[ام-عساف]

ابوليان
ماشاء الله حماااس عطيتني دفعه قويه :53:
للامام ابوليان واحنا وراءك وقدامك ومعاك ....
نساعد بعض بهالمنتدى على الخير يارب ...
:oao::oao::oao:

[ام-عساف]

اخي hatem
الله يوفقك معانا يارب و نحب المواد العلميه كلنا مثلك ...
وربي يسهل عليك واشكر مشاركتك بتجربتك
:d5::d5::d5:

[ابوليـان]

:d5:
كلنا يد واحدة نعين ونعاون ولا للتهاون

ونصيحة اخ اكبر لكم من اراد الدرجات العالية فليهتم بالجودة. لا تدرس وتذاكر من اجل النجاح فانك لن تكسب الفلاح ادرس من أجل المعلومة وسيكون التفوق حليفك :(204):

[ام-عساف]

اخی ابو لیان
شكزا علي النصيحه وفعلا كلامك عين العقل
ولكن لا تكبر نفسك في كبار كثيييير :oao: