جميع التخصصات تكفون ساعدوني الله يفرج كربة من يساعدني [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : جميع التخصصات تكفون ساعدوني الله يفرج كربة من يساعدني

موني ..

2012- 8- 28, 01:40 PM

السلام عليكم ورحمة الله وبركاته

انا جديدة على المنتدى سجلت لاني ( سنة تحضيرية بكلية العلوم بالدمام ) ولا اعرف شيء دخلت ابي اسوي جدولي مانزلت مواد مدري مافتح مدري شفيه ؟ في احد نفسي اخاف التسجيل يقفل علي اذا احد سنة تحضيرية وسجل يساعدني ..
* وبعد ماني عارفة أسمـــــــاء المــــواد الي بدرسها عشان اسوي الجدول الي تعرف مواد سنة تحضيرية كلية العلوم بالدمام الترم الاول تعطيني اياها مع اسماء الدكتورات الي تشجعوني أخذ عندهم تكفوووووون سآعدوني من أمس متوترة وخايفه الله يفرج هم ويساعد كل من يجاوب على اسئلتي
انتظركم :Cry111:

|سارة ..

2012- 8- 28, 01:43 PM

المواد هي
رياضيات، كيمياء، فيزياء، أحياء، صحة ولياقة

روحي للكلية بكرة الصباح وبيساعدونك بمشكلتك :rose::060:

موني ..

2012- 8- 28, 01:46 PM

ساره الله يسعدك ياختي
انتي تحضيرية وسويتي جدولك يعني ؟
واذا تقدرين تفيدني باسماء دكتورات يمدحونهم اكون شاكره لك

liina

2012- 8- 28, 02:08 PM

الحيـــن ماتوقع يمديك تنقين الدكاتره لانه تسكرت الشعب

اهم شي يكون عندك جدول وهذا المفروض تسوينه قبل لايفتح التسجيل

هذا الرابــط في 10 جداول احفظيهم عندك وروحي بكره للكليه وقوليهم يسجلونك

liina

2012- 8- 28, 02:08 PM

http://www.ckfu.org/vb/t358334.html

|سارة ..

2012- 8- 28, 02:18 PM

ساره الله يسعدك ياختي
انتي تحضيرية وسويتي جدولك يعني ؟
واذا تقدرين تفيدني باسماء دكتورات يمدحونهم اكون شاكره لك

اي انا تحضيري ، سويت جدول وقعدت فتترة طويلة وانا اسوية ولما جيت اسجل سجلت ثلاث مواد ومارضى يكمل لي المادتين الباقيات ، رحت الكلية وقالوا لان طريقة تسجيلك غلط ، قالوا اختاري رقم وكملي باقي المواد على نفس الرقم و سوو لي اياه عندهم جدول ثااااني ، لآن الجداول جاهزة بس تختارين رقم شعبة وهم مظبطين كل شئ .. بتشوفين الارقام فوق ع اليمين عند كل مادة ولازم يكون الرقم نفسة لهم كلهم ..

إذا مو راضي يطلع لك روحي للكلية وبيساعدونك :004:

موني ..

2012- 8- 28, 03:36 PM

مشكورات حبيباتي بس أنا مو فاهمـة وين اروح لما ادخل نظام سجلات الطالبات عشان اسوي لي جدول:sm1: اتمنى فهمتو علي بعدين فيه بنات يقولون لي لسه باقي على انك تسوين جدول لما يبدأ العام الدراسي هم بيعلمونك

liina

2012- 8- 28, 03:48 PM

اوكي بحاول قد ماقدر افهمكك

اول شي بالمستخدم تكتبين رقمك الجامعي
والسري تكتبين رقم سجلك

وبعدين تحطين خدمه ذاتيه وبعدها تحطين تسجيل وبعدين تحطين اضافه فصول بحث
بيطلعلك هل تريدين اكثر من 50 بحث << اتوقع هالسوال

تحطين نعم ويطلعلك المواد والاوقات وكل شي

وياليت تشوفين المواضيع المثبته فيها كل الشروح حقت التسسجيل

موني ..

2012- 8- 28, 06:34 PM

liina .. مـرا شكــراً فهمت عليك بس حبيبتي أستحمليني كيف أعرف كم محاضرة ناخذ بالاسبوع عشان اختار مثلاً صحة ولياقه كم ساعه او محاضرة بالاسبوع وهكذا وهل أقدر احط يوم من ايآم الاسبوع أوف يعني مافيه محاضرة وش مقصود بالشعبه مافهمت على الاخت سارة تقول امشي على نفس الارقام :Cry111: ومشكورات على تعبكم معي

انسي بقرب ربي

2012- 8- 30, 10:29 AM

بالنسبة ليوم الاوف تقدرين اذا قدرتي ترتبين موادك في 4 ايام فاليوم 5 مبرروك اوف اما بالنسبة لعدد محاضرات المادة بالاسبوع مثلا صحة ولياقة عدد الساعات 2 ساعات فتاخذينها في محاضرة وحدة
اما الكيمياء 4 ساعات تتقسم 2 ساعات نظري محاظرة 1 ساعة نظري محاظرة 2 ساعات عملي علما بانة ساعتين عملي تحتسب كانها ساعة وحدة
اتمنى افدتك بالي عندي والسلام عليكم

موني ..

2012- 8- 31, 11:18 PM

شكراً حبيبتي " أنسي بقرب ربي " الله يحقق لتس منآلتس اللهم امين وكل من ردت علي وسآعدتني الله يفرج كربتكم ..:106::rose: