مطالبه والكل يطالب معاي

[وردهـ ذبلانهـ]

بعد الي صار اليوم

ومالي خلق اتكلم كثر ماتكلمت

حسبي الله ونعم الوكيل

عموما على حسب كلام امل

اذا طالبنا انهم يجمعونا مع الموارد بيجمعونا معاهم لان الموارد مستعدين لاي اجتماع

مع طلاب وطالبات المانع

اناشدكم الي بيكمل دراسته سؤء بكلوريوس او دبلوم

لازم نطالب بااجتماع مع الموارد

عشان نظمن الدعم ولا يصير مثل الي صار

وعشان الموارد يكونون في الصورة ويعرفون المانع وقرارهم:bawling:

ونطالب انهم يعرفون باالي صار اليوم
.



.

[وردهـ ذبلانهـ]

كلمت عبد العزيز قبل شوي


قال السنه الجايه من بعد رمضان السنه التحضيريه احتمال تكون مدعومه

وانا قتله على الي صار اليوم

قال بيتفاهم مع المانع ويشوف حل

ويقول اذا بيصر اجتماع بيكون بس مع المسؤلين

مافي اجتماع مع الطلاب والطالبات

وقتله على قرار انعم لازم نجيب 80 باالمئه عشان نروح للتخصص

قال هاالقرار من الكليه ومايقدر يغير في الموضوع شي

بس على طارئ الدفع للي يدرس اوبي لفل1

تطمنو انشالله عبد العزيز بيلقى حل ويبلغونا

دعواتكم بي

على فكر اوجه شكر للطالب الي تكلم اليوم وقال


لــــــــــــ امل (انتو كل يوم لكم كلام )<<<< صج رجال من ظهر رجال

.

[♥╠ טּـقآء !]

حسبي الله عليهم

مسألة الـ 80 هذي قرار ترانديل ربي لايوفقها
مبين لأنها كانت مصممه على هالسالفه
طيب وقلنا طبقوها لـ ليفل 2 .. واللي يدرسوا حالياً ليفل 1
بس أنتو ليش؟
هم عسى ربي ينتقم منهم ماعطوكم فكره من الأساس
مو على كيفها تطفر فكره براسها المجنون تجي تبغى تطبقها
السالفه مو خذوه فغلوه .. كان المفروض تتكلم من الأساس
وهونيها غناتي
لابد ليها حل .. ربش كريم وماينسى عباده
بالتوفيق

[المتمرد]

اهلين حساويه مشهوره
اشكرك على الموضوع والله حنا عايشين بظلم في المعهد الله ليوفقهم اذا كانهم ظلمونا بالكلام
ومن ناحية الاجتماع اليوم بصراحه تنرفزت عليهم بس مو معطيتني مجال اتكلم معهاهو صحيح كل يوم لهم كلام وش بيصير بتقطع ارقبتي ولا بتفصلني مالت عليها وعلى تنورتها الورديه

انا داري مافي معهد يدعم بس قلت لها في الاكاديميه الدوليه :hahaha_2008: وهو مافيه ابي ابين لها مو معهدكم الحلو
والله بصراحه ماعندي استعداد ادفع

ادعواتكم لي بالتوفيق بالي احسن منها
ولاشكر على واجب

[متأمله بالله]

قسم بالله مسخره
ودي انسحب بس متخوفه احس مستقبلي دماااار
واذا ظليت ماادري يتعلق مع كلام المتناقض !!
شنو نسوي ياااااااااااااربي :bawling::bawling::bawling:

[أخـــوو عليـــا]

ويلاه ضاق الصدر وما ذكر يسأل علي ويلاه
نساه طول الهجر وإلا الصبر من قسوته قساه
وماصار مني خطا غير العطا والتضحيه ماصار
جبار ياهالزمن ما تنظمن فيك البشر جبار
ويلاه
حنيت لإحساسنا بوصالنا من كثر ما حنيت ..
حسيت إن الوصل يمكن حصل لكني ما حسيت ..
يالله يا ربهم أهديتهم فأهديه يا الله ..
رباه رب البشر رب القدر كان القدر فرقاه
ويلاه

:bawling:

بالتوفيق

[Rayanh AL_Dossa]

كيف نطالب بالاجتماااااع؟؟؟
واذا بيسوووون نبيه معانا مو لحالهم
لاني بصراحه صرت مااصدق اي احد
خلااااص عافك الخااطر يالمااانع خلااااص

[أخـــوو عليـــا]

اختي حسااوية احناا سلمناا لك الموضووع وبلغيناااا الجديد

يعطيك العاافيه اخوي المتمرد على ردك الحلوو على أمل

ماافيه تقصيد عالاقل والله الحاله المااديه راايحه فيهااا

[المتمرد]

اخو عليا الله يوفقك ويسهل دربك
والله انك صديق عزيز وغالي :Cry111: بتوحشني اوي اوي اوي

والله اني مقدر حالتك الماديه محد يقدر يدفع لهم المطلووب وهو ضاايع في اجتماعات وفي كلام فااضي


شكلي قررت اسويها يااخو عليا انصجني ولا امدحني اوك

[¨°•√♥ Ħϊҝαяî ♥√•°¨]

حسبي الله على عايشه ام تنوره ورديه قااهرتي :017:
تقول فيها انفلونزا ..شكلها انفلونزا الخنازير:cheese:

أنا عن نفسي قررت اكمل ..مافي مكان لي غير المانع يعني لو اطلع راح يضيع مستقبلي
و قررت اني اشتغل عندهم بالصيف
سألت دكتوره ترانديل و قالت لي اجي عندها بعد شهر اقدم طلب توظيف ..
على فكره يوم الثلاثاء احتمال يكون في اجتماع مع الموارد البشريه
فلاحد ينسحب الحين انتظروا الين نشوف الموارد
بس بصراحه نبي الاجتماع يكون معنا حنا مو مع المسئولين نبي نسمع و نشوف و نسألهم اسئلة
نبي نفهم وضعنا كيف

مدري متى بتنتهي الحلقة الاخيره من هالمسلسل المكسيكي ><

[وردهـ ذبلانهـ]

هههههههههههههههههههههههه


مسلسل مكسيكي وتركي وكوري وقسم بالله:hahaha_2008:



روووووووقوووووو

صج اني صيحت اصياح اليوم وحسبي الله عليهم


المووووهيم اخو عليا

انشالله عبد العزيز يلقى حل ويبلغنا

ننتظر الموارد

صج تو تا

في شغل في الصيف

افكر اشتغل والله فكره:g2:

[¨°•√♥ Ħϊҝαяî ♥√•°¨]

ايوه في اول ماطلعوا الشباب رحت كلمت
دكتوره ترانديل و قالت لي اكتبي طلب توظيف و يعطونه عايشه
و هي تحب توظف الطلاب
بس لازم تقدمين من الشهر الجاي و ان شاء الله تتوظفين
أنا سمعت هالكلام من وحده من المسات لما اخذنا الـTeenagers قالت لنا
تقدرون تشتغلون بالكلية

[أخـــوو عليـــا]

وظاائف ايه

واحنااا نقدر نتوظف في الكلية

بعدين انتوو يالبكالوريوس مااتقدرون تجيبون 80 % وترتااحون

والله دنيااااااا والله دنيااااا ^^^^ عرفتوهاا اغنية كااظم السااهر والله دنيااا

اسمعوهااا وقتهاا اللحين :Cry111:

[دلوعته]

هلا وغلا بالكل

توته ع الشغل ابيك تروحين معاي يمكن افكر اشتغل

بس انا مااعرفك انتي يمكن تعرفيني انا اليوم قومتني سعاد وجلستني بمعادل

الاولاد .... اكيد عرفتيني ... وشهرت بي مس امل ...قالت اسمي ...

وربي قهررررررررررررررررررر حسبي الله عليهاااااااااااا

ام تنوره ورديه .....

كلا تصارخ عليي .. مالت عليهاااا وع وجهااا

:Cry111:

[وردهـ ذبلانهـ]

يااا اخو عليا لاتشيل الدنيا على راسك يااخي

الفرج من الله

دلوعته يااعمري خلاص

خل نسوي قروب ونشتغل

بس هاا تعالو معانا مستشفيات الاحساء

الله يوفق

في نسبه ضعيفه اني اطلع

انا اهلى الحين وافقو على اني اكمل

بس انا مو مرتاحه ابد

[¨°•√♥ Ħϊҝαяî ♥√•°¨]

ايييييه عرفتك أنتي اللي جلستك جنبي بالصف الثالث من جهة البنات :hahaha_2008:
اذا ماكنت غلطانه طبعا عرفت اسمك :g2:


بالنسبه لراسلتك حساويه مشهوره اوكي اشوفك بكره
مااقدرت ارد عليك بالرسايل لان مشاركاتي اقل من 50
حياك الله في اي وقت لحظه اشوف جدولي متى عندي بريك :g2:
عندنا بكره zero period
اشوفك وقتها او الصباح اكون موجوده الساعة 7:30 عند البيس 4 تحت محاضرتي الساعة 8 هناك

و انتي دلوعته نفس الكلام تقدرين تشوفيني في هالوقت

[دلوعته]

اوكي خيتوووووو ...............


لا ماكأني جلست جمبك .....


انا عندي محاضره الساعه 8


بس انا اكون موجوده قبل اذا شفتيني كلميني .. لاني مااعرفك ....



انا عندي محاضره لايف ساينز .... فوق في لاب


شكرااا

[أخـــوو عليـــا]

المتمرد حبيب قلبي كلم احبااب قلبي :119:

اودعكم وارجوااا لكم التوفيق جميعااا لا ادري اين اذهب انااا تااائه ما اعرف وش رااح اسوي مسقبل في وجهي اسووود

انا طلعت من كلية قبل المانع كيمياء واللحين رااح اطلع من الماانع حظ عااثر ادعوا لي

بالتوفيق للجميع

وداااعااااااااا

[وردهـ ذبلانهـ]

ياا اخو عليا

لا تتسرع

حرااااااااااااام


كلنا طالعين من كليات وجامعات

انتظر شوف نهاية الموارد

حرام تتسرع وحسبـــــــــــــــي اللهــــــــــــــ على عايشه النصابه


توتا انتي تعرفيني اذا شفتيني قولي لي اووكي

ولا خلاص لاتتعبين نفسك انااعرف ادبر رووحي

مشكوووووورة:119:

[نونا ak]

اني غايبه اليوووووووووووم وسمعت كلام مبسط عن الي صار

اني قايله اليكم انه هذي بتقعد كم يوم تدور لها كلام عشان ندفع فلوس ماتقدر

اصلا احسن مارحت لان الصراحه صدعت من الكلام الي كل يوم يتغير زي الجوووو :000:

احس مافي فايدة من كلام الموارد ةوياها

اني الصراحه مابغى اني اضيع سنه من عمري ولا ادري عن مستقبلي
وياريت اذا طلعنه بعد بتعطينه شاهدة تعلم لغه انجليزيه :Cry111::150:

مااقول بس الله يعينه على المانع

حساويه مشهور تسلمي ياقلبي على الي الي سويه الك واله البنات


الله يوفقك انشاء الله دنيا وااخررة :praying:

[¨°•√♥ Ħϊҝαяî ♥√•°¨]

اووكي اذا شفتك راح اكلمك ^^

أخـــوو عليـــا
لا تتسرع ماتدري يمكن الموارد تشوف حالاتنا و تدعمنا
في برنامج اسمه برنامج ماهر مدري اذا عندك الاولاد او بس البنات
المهم
هذا تدرس فيه و انت مدعموووم طوول دراستك بس ماافي الا تمريض
اذا تبي تروح تكلم البرنامج و تحول عندهم :119:

و ان شاء الله تقدر تحول عندهم طبعا الدراسه عند المانع في بنات يدرسون عندنا تبع برنامج ماهر و لا يدفعوون و لا رياال

[¨°•√♥ Ħϊҝαяî ♥√•°¨]

حساوية مشهورة انتي بعد تعرفيني
بس اوكي اول مااشوفك راح اكلمك :119:

[هويتهم]

بالصراحه قهر وظلم :103: ومشكوره الاخت حساويه وماقصرتي والله يخلي الش والديش ويطول في اعمارهم يارب

[طليق الصمت]

يعطيك العافيه خيتو حساويه فديتش يابعدهم كلهم
وانت اخو علياقلت بتسمعنا انشودتك في الاجتماع مو هنا بالمنتدى ماتطلع قبل ماتسمعنا هالانشوده :D
بس انا بكره بروح اسحب الملف:Cry111: لانهم نصــــــــــــــــابين بقوووووووووووه
الله يوفق الجميع:s12:

[وردهـ ذبلانهـ]

مشكوورين حبايبي

ماسويت الاالواجب



طليق


هيييييييييييييي

ماافي انسحاب




ترااا ازعل :Cry111::bawling:

[دلوعته]

لالالالالالالالالالالاتتسرعوا لاتطلعون اسمعو كلامي وراكم احم احم احم رجاااال <<<<هي نساء


وتوتا انتي تعؤفيني غاليه ولا لا ... واذا تعرفيني تعاليلي بكره او قوليلي مكان اروحلك عليه .






ولالالالالالالالالالالاحد يطلع

[طليق الصمت]

:011:كل شي ولا زعلش خيتو
بس ضاق الصدر هو منهم النصابين هو من اللي يدرسونا واخلاقهم الزفته :011:
الله يوفقش :s12:

[نور شوق]

طـــــــيب حـــابه اعـــرف كيــــف طبيعة الشـــغل وشنــــــو الوظـــايف المـــوجوده؟؟


تحيـــاتيــ*نـــــور شــــوق*:119:

[¨°•√♥ Ħϊҝαяî ♥√•°¨]

احسن شي نتقابل عند المسرح في وقت zero period

بتشوفيني هناك
راح انتظرك اعرف وجهك و اسمك بس مااعرف شي ثاني فيك :mh45:

و ياشباب لا تستعجلون عندنا اجتماع مع الموارد يمكن يصير خير

تفاءلوا الخير ... تجدوه

[دمعتي طاحت عليه]

عن جد كل يوم ولهم كلام وتفرض اشياء غبيه مثل وجها عسى ربي لايوفقها:Cry111: عن جد كل يوم ولها قصه جديده الواحد موعارف شنو يسوي في المعهد الحرامي:103:ماقول غير حسبنا الله ونعما الوكيل عليهم:bawling:بس حبيبتي حساويه مشهوره سوي الي يريح ضميرك ولاتنهاري مثل اليوم في الكليه ترى والله ماتستاهل الحراميه الكذابه دمعه من عيونك قلبي:017:

[¨°•√♥ Ħϊҝαяî ♥√•°¨]

نور شوق

و الله مدري وش نوع الشغل بس اتوقع راح تشتغلين بالاكادمية او بمركز القبول و التسجيل او بالكلية يعني
من هالاماكن هذا اللي سمعته من المس بس مدري عن دكتوره ترانديل وين بتحطنا

[نور شوق]

زينـــــ شنـــــو الشغــــل الابنكــــون نسويـــه


تحيـــاتيـــ*نـــور شـــوق*:119:

[¨°•√♥ Ħϊҝαяî ♥√•°¨]

و الله مدري بس تقدرين تسألين دكتوره ترانديل هي المسئولة عن التوظيف على مااظن

[بقايا حطام]

أنا مو قلت الى عايشه في الاجتماع الي صار قبل هذا
يوم قالت ان هذا السمستر مجان لأن الغلط من عندهم مو قلت ليها تكتب على ورقه علشان اتوقع ما كتبت واليوم قلنا ليها اليوم الا تقول هذي القرارات الي توصلوا ليها
الصراحه هم لعبوا في اعصابنا :017:

مره يقولو بندفع ومره لا
على العموم كلهم يحطوا بهارات في كلامهم وكلهم كذااااااااااااابين اولهم عيوش
والله انا كنت حاسب حسابي اني بدفع بس يوم وعدونا انه بيدعمونا الموارد رحت اشتريت لي سيارة وانا اليوم قلت لها ذا الكلام قالت مو شغل ان شاء الله يشتغلو زبانية جهنم على جثتها



انا اللحين ما اقدر ادفع واحتمال بكره اروح اسحب الملف لذلك:g2:
اقول الى جميع الطلاب والى جميع اعضاء المنتدى يسمحو لي اذا بدر مني اي شي ويذكروني بالخير

بالخصوص لفل ون الصراحه عزيزين على قلبي بس اسمحولي وابرئوا دمتي جميعا :Cry111:






بااااااااي:bawling:


ان شاء الله نجتمع في ضروف احسن من هذي بس اقول لكم اني ما راااااااح انساكم بس خلاص انتهت دراستي من هذا الاجتماع:Cry111:








سيو



بالعربي الامانع حرامية

[بقايا حطام]

لالالالالالالالالالالاتتسرعوا لاتطلعون اسمعو كلامي وراكم احم احم احم رجاااال <<<<هي نساء


وتوتا انتي تعؤفيني غاليه ولا لا ... واذا تعرفيني تعاليلي بكره او قوليلي مكان اروحلك عليه .






ولالالالالالالالالالالاحد يطلع



هههههههههههههههههه







يسلموا الرجال الي اليوم جابهم جنبنا

:mh11:










بس الصراحة ما حد يتحمل هالوضع مره يجيبونا يسار ومره يمين

[¨°•√♥ Ħϊҝαяî ♥√•°¨]

بقايا حطام
هدي شوي ترى في اجتماع مع الموارد لا تستعجل
نشوف كلام الموارد يمكن نطلع بنتيجه
لا تستعجلون عندكم اسبوع فكروا

[المتمرد]

اهلين اخوي بقايا حطام

اصبر ندرس الين يوم الاربعاء نشوف وش اخرتها معهم اذا مصار شي جديد انا بسحب ملفي قبلك

والمبني الي سووه لنا تسكن فيه هي وخشتها مانبي منهم شي والله قااااااااااااافله معي مره :017:

الله ليوفقها وليوفق اخوه منصور ابي اشوف خشته خشة النمله الا اخوي تقوليت مالت عليها وعلى اخوها فوقها دام هذاء سواد وجهم .

عقبال ماتموت بالفلونزا الخنازير الي جاتها ونفتك منها وتتغير القرارات ونفتك من وجها

[بقايا حطام]

هي ظل فيها هداوه خيتي هم لعبوا بأعصابنا لعب






ثانيا متى الاجتماع مع الموارد وهل الطلاب بيكونوا في الاجتماع ولا لا







ترى الوضع مزري :017:

[المتمرد]

اهلين اخوي بقايا حطام

اصبر ندرس الين يوم الاربعاء نشوف وش اخرتها معهم اذا مصار شي جديد انا بسحب ملفي قبلك

والمبني الي سووه لنا تسكن فيه هي وخشتها مانبي منهم شي والله قااااااااااااافله معي مره :017:

الله ليوفقها وليوفق اخوه منصور ابي اشوف خشته خشة النمله الا اخوي تقول مالت عليها وعلى اخوها فوقها دام هذاء سواد وجهم .

عقبال ماتموت بالفلونزا الخنازير الي جاتها ونفتك منها وتتغير القرارات ونفتك من وجها

وترانديل على بالها حنا دوافير زي اعيالها 80% من وين نجيبها مالت على عليها 80%يطردونها من السعوديه امين يارب


ولاتهون الموارد البشريه نكبونا والله العظيم هم ذاك اليوم جاو المعهد وهاوشهم وقال اي شي خذتوه من الطالب يرجع واللحين يقلون الموارد البشريه تقول مالها دخل فيكم على السنة التحظيريه دفعو


راح عمري وانا على الثانويه :Cry111:
وفصلت من العمل على شان الصحه والمجال حلو :Cry111:
افكر اللحين من يبيني من بيقبلني :Cry111: يالله يارب وفقني وزوجني وبعد:mh19: وسكر المعهد المانع يارب

[O¨° Joory°"O]

لا انا اقول نصبر لاحد يسحب ملفه
شكله مس امل تابع المنتدى تقول لا تصدقوا كلام المنتديات
وشرايكم:000:

[بقايا حطام]

ليش شنو دخلها المنتديات
مايحتاج انغالط نفسنا احنا حاضرين الاجتماع وشايفين كل شي
مايحتاج انتابع منتديات احنا شفنا وسمعنا كل شي


على العمو الصراحه خجلتوني بنفسكم الطيبه










والله كل شي عاجبني في الطلبة


وخصوصا انه كل واحد قلبه على الثاني وكل واحد ينصح الثاني




وهذا الي مخليني اصبر




علشانكم انا ما بسحب ملفي بصبر الى الاربعاء

[طليق الصمت]

:s12: حسبي الله عليهم سبعة احاسيب بعد ماضيعوا سنه علينا :Cry111:
(كبسات من اولهم عايشه لاخرهم )

[بنت الفيلسوف]

والله امخوخنا افترت علينا
ويش نسوي ماندري والحل يعني
امحيرينا في ستين حيرة :Cry111:
والا قالتة اليوم مس امل اذا نبي الموارد اجي احتمال يوم الثلاثاء
بس احنا نكلمهم وهي بتعطيهم بعد خبر
مشكلتهم انهم ينصبو بس نصب بالتقسيط يجو بالتدريج :017:
عن نفسي احس مخي وقف من قراراتهم :017:
ان سحبنا ملفاتنا من يقبلنا وان ظلينا ظلينا على نصبهم وظلمهم :Cry111:

[بوعشوق]

والله ظلم بنص السنه يطالبونا بمبلغ 12 الف ريال كان قالوا من اول انه السنه التحضيريه غير مدعومه

في شباب كانوا بجامعه ثانيه وكانت مدعومه وجوا للمانع يفكروا السنه الاولى مدعومه ما قالوا لا بنص السنه

انه مش مدعومه ظلم لو ندري ما جينا هالمعهد اعتقد هالقرار بيسبب انسحاب كثير من الطلاب

بس من حقهم كل سنوات يعطوهم مكافأه لا احنا واحنا مستكثرين علينا السنه التحضيريه بالمجان هذا بدال ما يعطون مكافأه

المفروض على الاقل يساعدونا انه يكون الدفع بعد التوظيف

بطل يا المتمرد بطل يا علي انا اعرفك زين رجال وسيد الرجال على كلامك اليوم الاحد صحيح كل يوم لهم كلام

[أخـــوو عليـــا]

مساااااااااااااء الخير

قررت اني انشب لهم ماارااح اسحب ملفي نهاائياااا صدقتوني خخخخخخ

امزح لا احد يسحب انا رااح اكمل يعني رااح اكمل حتى لوو اقدم على احد الامراء ولا الملك يتكفلون بالدرااسه حقتي بعدين قررت اني احول بكلوريوس صيدله كذاا اسلم اختبار البرومتريك وانشااء الله اجيب هالسمستر 80 % قولواا انشااء الله

وشكرااا

أخــــــــــــــــــــــوو عليــاااااااا :119:

[أشواق الوله]

اني راح اسحب ملفي بكرى ماراح اكمل خلاص ...

لاني ماحب ادخل تخصص وانا ماحبه ... صيدله ماني متشجعه ادرسه...

اودعكمـ حبآيبي وآلله بتوحشوني وآستانست معكم هالفتره..:119:.

[بنت الفيلسوف]

لاتسحبي ملفك خيتو
صبري وشوفي عندك من اليوم لين يوم الاحد اسبوع الجاي
يمكن يصير شي في هالاسبوع
اني تفاهمت معاها حول التخصصات البكالوريوس لان صيدلة اني شايلتة من بالي
قالت اليي انهم رفعو 3 تخصصات بس لحد الان صيدلة واذا نزلو باقي التخصصات
اقدر احول من التخصص بس يعادلو مواد ومادري ويش سالفتهم من صاقعة
بس ترنديل قالت في مواد ومادري شنو بس بصير سالفة مواد

والمشكلة القرارات محتارين فيها

[أخـــوو عليـــا]

يااشبااب ابي وعد منكم ماا احد يسحب الين تنتهي الفرصه الي اعطوناا اياهااا

مااتدرون وش يصير في يوم تسقط ممالك وتبنى ممالك جديده

يمكن تتسهل والمواارد تتكفل بالسنه التحضيريه

وشكراااا
المتمرد وبقايا حطام بكره اشووفكم قداامي بالكلااس

[وردهـ ذبلانهـ]

:d5::d5:


اخو عليا عفيه عليك

والله انا ماانصحك تنسحب

وكلامك عدل اقصاها ترسل رساله

باالبريد الممتاز للملك عبدالله في سبوع يجيك الرد

الله يوفق الجميع

بس نصيحه اخويه

الدبلووم ماله مستقبل البكلوريوس مطلوب في كل مكان

وراتبه عالي وفي نفس الوقت تفتكون من البرو مترك الغبي

اما انا عن نفسي بكرة بااخذ نسخه من القرار الي نزلوه وبااروح الحسا

اتشاااور مع بابا وماما مع انهم موافقين بس لازم اوريهم هاالورقه

[أخـــوو عليـــا]

اناا خلاص قررت احول بكلوريوس

بالاحضاان يالي تخصصكم بكلوريوس اناااا قااادم لكم

[طليق الصمت]

حسبي ونعم الوكيل :Cry111:

[بنت الفيلسوف]

اخو عليا
لاتنسى اذا تبي تحول الى بكالوريوس اجيب خطاب وموقع علية

[وردهـ ذبلانهـ]

طليق


ولاتهتم ومااحد يستاهل تزعل عشانه

هونها وتهون اصلا اهم ماايهتمون

ولا يسألون عن ضرف احد:no2:

طنش بس طنش

[أخـــوو عليـــا]

ايه قالت لي فتحيه اجيب خطااب احلاا خطااب ولا يهم واناا في المعهد اكتب لهم خطااب اقوى من خطاابات قس بن سااعده

وابصم لهم عليه

شكراا بنت الفيلسوف على المعلوومه

[وردهـ ذبلانهـ]

تبوووون تروقوون

سمعو الميوزك بس

انسوى

لااجتماع ولا بطيخ

دمووعي جفت والله من كثر الصياح

https://www.box.net/shared/yxkgv192fp#

[أخـــوو عليـــا]

اضم صوتي لاخت حسااويه واسمعواا لكم شي يروق بكم
اناا من الصبح وانا اعطيكم اهدااءات

انركي اقلااسيس sayit اهداااء لكم جميعااا

[أشواق الوله]

عآآآآفتهـ خآآطري شسووٍي ؟؟؟ وربي محتاره امي قالت خلاص اخذي ملفش وآطلعي اذا تبغي لان لو بحول بكالوريوس وربي ماحب

صيدله ولا عمري افكر ادرسه ماني متشجعه اني ادرسه وربي ....

[أخـــوو عليـــا]

البكلوريوس مطلووب اختي اشوااق لاتضغطين على نفسك معك اسبووع قرري

انصحك لا تطلعين يمكن يفتحون تخصصات جديده الله اعلم
سلميني على امك وقوليلهاا اخو علياا يقول اصبر شوي

:119:

[أخـــوو عليـــا]

لازم ارفع من رووحكم المعنوية

يالله نلعب لعبه يالله ا\واحد يعد الي عشره والباقين يستخبواا ^^^ قلبت مصري خخخ

يالله عدوااا

[أشواق الوله]

اي بس قصدي لو حتى فتحوا مققررررات جديده كل يوم الهم قرار وربي حسيت وانا في الاجتماع راسي يألمني كنت بقوم انتحر هههههه والبنات يقولوا لي حولي بس مابي اندم لو احول وبعدين مآعدي يآربي بسوٍي خيرهـ ..بستخير.. وآللي الله مقدرنه بيصير انشالله...


وانشالله اخو عليا في الاجتماع اذا سووا لينا انشد انشوده ... لآ تخلوهم يآكلون حقكم بالميكروفون.. ههههههههههههههههههههه

[أخـــوو عليـــا]

والله كنت ابي ادخل القيتاار معي بس ابوو محمد مااخلاني ادخله معي
بعدين خفت يكون في المعهد مطوعات ولا شي ياخذون القيتار ويكسرونه على رااسي

المايك قصته قصه اذاا جاا عندي اقوم ابربر ويعجبني صوتي بالماايك يوم قلت رااح تقصدون طاارت فيني امل كنت ابي اقول تقبلون شيكاات ما امدااني اخذوا الماايك

[وردهـ ذبلانهـ]

اخووو علياا\

كني عرفتك

مو كانك ذاك الطالب اللي كلى يجلس قدام

ولابس شماغ احمر اليوم وتكلمت


ايي عرفتك:g20:

[أشواق الوله]

لا تقول انت اللي قلت تقبلون بالتقسيط ههههههههههههههههههههههههههههههههههههه

[أخـــوو عليـــا]

لا لا لا لا هذااا واحد يشبهني بس :hahaha_2008:

استروااا علينااا بعدين مااراح احد يخطبنااا ونعنس بالبيت :hahaha_2008:

[أخـــوو عليـــا]

أحد فااضي يروح معي الكرنيش دحين يااشبااب ؟

بورح اسبح خخخخخ

[طليق الصمت]

لا اتوقع اللي قال يبي الورقه عشان يشوفها ولي امره :t1:

[أخـــوو عليـــا]

خخخخخخ انا مااعرفتووني

انا انساان مع نفسي قبل اكون معك انساان &&& لي مبدأي مدري وش مدري وش ............... الخ
هههه

الي يعرفني فطوره على حسااب ابو سليم في بيت السندوش
والله مشكله رااح يفلس اذاا طلعنااا

[أخـــوو عليـــا]

معليش احتي حسااوية الظااهر صار الموضوع سواالف

يالله بالتوفيق للجميع يعني عاادي اكتبواا اي شي لازم انا الي اكتب اكتبوااا

[وردهـ ذبلانهـ]

ايي صح اخوو عليا


تراا كل حرف بريال:mh35:

نتعلم من المانع:071:

زهقاااااانه ابي اروح الحسا منويجي معاي

يلا هبابنا نركب:191:

مخرفه:lllolll:

[أخـــوو عليـــا]

ياااااراايحين يكفيكم شر الجايين
:hahaha_2008:

[أخـــوو عليـــا]

هيييييييييييه صرت اكااديمي نشيييط بااركوا لي

[وردهـ ذبلانهـ]

:hahaha_2008:

مبروووووووووووووووووووووك

عقبال

الاشرااف:hahaha_2008:

[أخـــوو عليـــا]

مااا اقدر اصير طياار بالمنتدى

الا اختي من الشخص الي قاعده تتواصلي معه ويجيب الاخبار هو في المواارد؟

[وردهـ ذبلانهـ]

يس

اهو مسؤل هناك

ومعروف اسمه عبدالعزيز اليوسف تقدر تسال عنه

مكانته عاليه في الموارد الله يوفقه انشالله

[بقايا حطام]

انا الوالد كلم المانع قالو له لا تدفع ولا رياااااااااااااااااااال

[وردهـ ذبلانهـ]

بقايا حطام

اقوول ياابو علي بس انت ماتدفع ولا كل الدفعه(يعني الاوبي) معاك؟؟؟

[أخـــوو عليـــا]

الله يوفق الجميع

[ما يميزني لقب]

صباح الخير :اولا
ثانيا : حابه اودعكم لاني بكره راح اروح اخذ ملفي
وتمنياتي للجميع بالتوفيق
اخوعليا وين الانشوده اللي قلت راح تنشدها لنا
حساويه خلاص انا بروح وياك الحسا

[وردهـ ذبلانهـ]

فديتكــــــــــ


يااحلى صفوانيه

بس والله خسااره انك تطلعين

ومعذورة بعد لانهم عفسو النفسيه صح ماالي خلق حتى اناا ماابي اكمل

بس مجبوورة اكمل

الله يوفق الجميع

[أخـــوو عليـــا]

طيب بالتوفيق بقاايا حطاام بس كيف يعني استثناء ولا كل الطلااب

افدني

[بقايا حطام]

لا جميع الطلبه







وبكره او الي بعده بينزل موضوع في الجريد جريدة الحياة اذا احديبي يضيف شي على الموضوع يقول

[أخـــوو عليـــا]

لاتروووح حقت شذى حسوون ماايميزني لقب

بعدين كنت رااح انشد بس حصه ماا اعطتني مجاال حااولت اعطيكم قصيده عالطااير بس الجوو ماايحمس

[ما يميزني لقب]

فديتكــــــــــ


يااحلى صفوانيه

بس والله خسااره انك تطلعين

ومعذورة بعد لانهم عفسو النفسيه صح ماالي خلق حتى اناا ماابي اكمل

بس مجبوورة اكمل

الله يوفق الجميع

تسلمين ياقلبي
فديتك انا
هذا قدري وربي يوفقك ويخليك
بكره ابي اشوفك لما اجي اخذ ملفي
لانكم راح توحشوني

[أخـــوو عليـــا]

وش رااح ينزل انه ماا احد يدفع شي للسنه التحضيريه ولا شوو

[ما يميزني لقب]

لاتروووح حقت شذى حسوون ماايميزني لقب

بعدين كنت رااح انشد بس حصه ماا اعطتني مجاال حااولت اعطيكم قصيده عالطااير بس الجوو ماايحمس

تسلم اخو عليا
لاتبرر موقفك لو تبي كان خذيته
لاتشوفوني في الملتقى كل يوم والثاني داخله اشوف اخباركم

[أخـــوو عليـــا]

بالتوفيق لك اختي مايميزني لقب بس اخوي نااصر قال خلااص ماراح ندفع شي

اصبري لاتستعجلي

[ما يميزني لقب]

بالتوفيق لك اختي مايميزني لقب بس اخوي نااصر قال خلااص ماراح ندفع شي

اصبري لاتستعجلي

تسلم اخوي
ويوفقك ويوفق الجميع يارب
مومهم عندي ادفع ولا لا المهم نفسيتي تكون مرتاحه وانا من دخلت المانع ماكو نفسيه زفت ولله الحمد
وانا انسانه ما تهمني الفلوس يهمني مستقبلي وانا موشايفه انه لي مستقبل في المانع

[ما يميزني لقب]

حساويه يلا قومي نامي بكره وراك دووووووووام

[أخـــوو عليـــا]

ربنااااا يكوون معاااك

عاد لاتقطعينااا توااصلي معااناا

[بقايا حطام]

لا بينزل موضوع على المسخره الي مسوينها المانع:017:

[وردهـ ذبلانهـ]

ماابي طوول اليوم وانااصيح
:Cry111:

ابي ارووح الحسا:bawling:

محتاجه امي وابوي:bawling:

حسبي الله على المانع :praying:

[ما يميزني لقب]

ربنااااا يكوون معاااك

عاد لاتقطعينااا توااصلي معااناا

ومعاكم
لا ما راح اقطع كل يوم والثانيه راح تشوفوني في الملتقى جالسه وياكم واسولف

[بقايا حطام]

انا الرجال الي كلفته قلت له يتصل بالمانع و الموارد
واذا احد يبي اي شي يقول لي قبل لا ينزل الموضوع

[ما يميزني لقب]

ماابي طوول اليوم وانااصيح
:Cry111:

ابي ارووح الحسا:bawling:

محتاجه امي وابوي:bawling:

حسبي الله على المانع :praying:

على قلبي اللي تبي تروح الحسا
فديتك انا لاتصيحبن ياقلبي محد يستاهل
وان شاء الله يوم الاربعاء تنزلين الحسا

[بقايا حطام]

حساويه اجي اوديج الحسا


بشرط خطاب موقع ومختوم من الموارد

[أخـــوو عليـــا]

في قرار رااح ينزل اللحين لا احد يطلع :119:

[وردهـ ذبلانهـ]

ماابي اولاد يجون معاي:sdfgdsf:

ماافهم وش تقصد باالخطاب؟؟

وش تبي مثلا؟؟

[بقايا حطام]

ماابي اولاد يجون معاي:sdfgdsf:

ماافهم وش تقصد باالخطاب؟؟

وش تبي مثلا؟؟




ما تبي بكيفج يعني بنت بتوصلج الحسا










هذا وانا داق على صدري باوصلج





ابي ورقه انج مدعومه من الموارد هع

[أخـــوو عليـــا]

:hahaha_2008: موقعه من عاايشه

خخخخخخخ

[وردهـ ذبلانهـ]

والله لو اضمن الدعم

ماكنت تعبت حالي

وتهاوشت مع امل

على فكرة مايحتاج توصيل

متعوده اروح مع بنات لاحظ بنات

مو كل شي يقدر يحله رجال

وانا قويه وقد حالي

مشكور على دقة الصدر مالها داعي

[بقايا حطام]

يعني بنات الي يسوقون
:c8:

[¨°•√♥ Ħϊҝαяî ♥√•°¨]

بسم الله
نمت كانت الردود كذا 12 يمكن صفحة الحين 21 ماشاء الله عليكم
قريت الردود كلها مدري ابكي على انو في بعضهم راح يطلع او اضحك على تلطيف الجو اللي صار من اخو عليا و حساويه مشهوره
و أنا بعد شكلي عرفتك يااخو عليا :mh19:
لما تكلمت حساويه مشهوره اسمع الاولاد يقولون هذي حساويه مشهوره :064:<<:hahaha_2008:

المهم
حساويه مشهووره لازم نبي الاجتماع اللي يكون مع الموارد يشملنا ماانبي بس الادارة نبي نشوف وش راح يصير
و دي احول بكالريوس بس مااتعجبني الصيدله مااقدر ادخل تخصص مايعجبني
و كلامهم انه يمكن على السنه الجايه يفتحون باقي التخصصات هذا مستحيييييييل لان هذا كلامهم قبل ماندخل المانع
و انا ابي تخدير ماابي صيدله :bawling:
مااقول الا الله يعين بس

[جنرال الحب]

والله حاله مع ذوول النصابين يعني الى متى العب في الاعصاب
تره مابقى الروح روح اناا معروفه في وجهي مصكوكه مصكوكه من يوم وانا اصغير
الي اطيح على الوجه البشيمه شنو يسمونه مقروود
يعني باالعربي ومع معهد النصب والمحتالين مافي رجاء
الله لا يوفقهم لا دنيا ولا اخره <<<اكيد من بعد هالدعوات الي جات عليهم وين يتفقون
قول امين عيشوو اطيح في حفره اهي مع هالتنور الورديه
ايش قالت قالت في انفلونز مالت بس مالت

انا بصبر الى يوم الاربعا اذا مافي امل <<<امل ولا فتحيه ههههههههههه مهستر الولد
اذا مافيه ام ماني تام ولا دقيقه معاهم
مالت عليهم وعلى معهدم فوقهم
ابوكم لا بو ابوكمـ واحد ورا الثاني ياعيوش ام اعليوي وترنديلو ام كشه ذهيبه
امس كاني ودي اقو اكفخه بس خفت اجرح مشاعرهـ ههههههههه
بس الايام الجايه تتنظر من احلى اغتيال ههههههههههههههههههههههههههه <<<قويه احلى اغتيال
سلملم يالغوالي والله اذا طلعت من المعهد راح توحشوني اوي اوي اوي
يعطيج ربي الف عافيه خياا حساويه ع مجهودتك تكون في ميزان حسناتك يارب :praying::praying:
منظم الاشررافات الاعلاميه الجنرال <<<<كثر منه الاشرافات الاعلاميه :cheese::cheese:

[O¨° Joory°"O]

اصلن شكلهم مابيغيروا رايهم على الدفع
وبعدين الي بحول بكلوريوس لازم تكون عندقدرات
اليوم شفت بنات قالوا بينسحبوا:Cry111:
المانع بزيدوا البطاله في السعوديه

[بقايا حطام]

المانع يبون يعجزونا كل شوي يطلع قرار









باقولها وباكررها على طول


غلطان الي يبي يكمل بهذي الحاله كل يوم قرار جديد

[وردهـ ذبلانهـ]

ليش

انت طلعت

ولا بتكمل ؟؟؟

[بقايا حطام]

اذا الوضع كذاا محرم على نفسي الدراسه



اصلا ما ترضضى نفسي اني انظلم ازيد من الي انظلمنا


لعبوا علينا كلنا



ما في ولا واحد كان حاط في باله انه بيكون الوضع هالشكل:Cry111:

[بقايا حطام]

انا اذا ماصار اي جديد يوم الاربعاء اودعكم:011:

[وردهـ ذبلانهـ]

اها

انشاله خير

الله يوفق الجميع

[بقايا حطام]

ويش انسوي اغلب الطلبه حالتهم الماديه بسيطه مايقدروا يدفعوا

[ما يميزني لقب]

يلا باركولي سحب اليوم ملفي بس بكره بروح اخذه لانه باقي توقيع فاضل
وفاضل اليوم مريض مرقد في المستشفى

[بقايا حطام]

الله يوفقج خيتي بس كأنج استعجلتي كان صبرتي لين الاربعاء ما بيضرج شي

[ما يميزني لقب]

الله يوفقج خيتي بس كأنج استعجلتي كان صبرتي لين الاربعاء ما بيضرج شي

ويوفقك الجميع ان شاء الله
لا ما استعجلت لاني من صارت المشكله قرررت اني اسحب ملفي لاني مو مرتاحه نفسيا عندهم

[وردهـ ذبلانهـ]

:Cry111::Cry111:

والله كل مااذكرش دمعتي تنزل :bawling:


والله باافتقدش يااعمري:bawling:

الله يوفقك ياارب مجال احسن من المانع

قولو امي:bawling:ن:bawling:

ماسألتك

ام العيال ماشفتها اليوم

اشلون وضعها بتكمل ولا بتنسحب؟؟؟

[حبة سكر]

اتوقع اليوم ..
أن انسحاب هالعدد من البنات احبط نفسية البنات الباقي ..

بس الله يوفق الجميع سواء بالمانع او غير المانع .. :119:


اممممممممممممم..


أخو عليا

مو مبين بالمنتدى !!!
وينه !! عسى ما شر !!

:mh19:


حـ ب ـة
سـ كـ ـر

[بقايا حطام]

اخو عليا دقايق وبينور المنتدى




انسحبوا من الهم الي احنا عايشين فيه:017:

[بقايا حطام]

يقول لكم اخو عليا


عنده اجتماع وبيجي





ويقول لكم انه احلى واحد في عيلته





وهو جاينكم مع عليا

:hahaha_2008::hahaha_2008:

[وردهـ ذبلانهـ]

مزح ثقيل

وماله داعي هاالكلام

عيب

[¨°•√♥ Ħϊҝαяî ♥√•°¨]

صح كلام حسوايه مشهوره عيب هالكلام
المهم
منووور اخوو عليا
افتقدناه بالمنتدى مسوي جوو
يلا بمناسبة رجوعه عازمتكم على حلى ابجيبه لكم اذا اجتمعنا مع الموارد بكره :hahaha_2008:

[بقايا حطام]

والله انا مجرد مرسل

ووصلت الرساله











اسفين اذا ازعجناكم:s12:

[ما يميزني لقب]

:Cry111::Cry111:

والله كل مااذكرش دمعتي تنزل :bawling:


والله باافتقدش يااعمري:bawling:

الله يوفقك ياارب مجال احسن من المانع

قولو امي:bawling:ن:bawling:

ماسألتك

ام العيال ماشفتها اليوم

اشلون وضعها بتكمل ولا بتنسحب؟؟؟

فديتك انا
ويوفقك ياربي
والله مدري عنها بس شكلها راح تسحب