عااااجل بسررررعه ردو [الأرشيف] - ملتقى طلاب وطالبات جامعة الملك فيصل,جامعة الدمام

خوخه22

2009- 5- 18, 06:41 PM

::mh19:السلام عليكم
انا طالبه في ثالث ثانوي وماتتصورون قد ايش حابه قسم العلاج الطبيعي وودي ادخله
بس حابه اسال هو موجود في جامعه الملك فيصل الي بالراكه ولا وين؟
وكم النسبه الي يقبلها بالنظام الجديد اقصد مع القدرات والتحصيلي؟:150:
انا الي فهمته من الي قريته بالمتدى انه فرع من فروع العلوم الطبيه؟
وكم سنه دراسته 4او5 مع التطبيق؟
ادري زهقتقم والي يهق يجاوب ع سؤال واحد بس
ادعولي انقبل بالقسم:m22asmilies-com:

BeeB

2009- 5- 18, 10:06 PM

وعليكم السلام

انا طالبه في ثالث ثانوي وماتتصورون قد ايش حابه قسم العلاج الطبيعي وودي ادخله

ياهلا فيك .. هذا التخصص الاقبال عليه شديد وحلو جدددا .. اهنئك على طموحك

بس حابه اسال هو موجود في جامعه الملك فيصل الي بالراكه ولا وين؟

ايه موجود بهالمكان هههه حي الراكه .. وبالتحديد في كلية العلوم الطبية التطبيقية

وكم النسبه الي يقبلها بالنظام الجديد اقصد مع القدرات والتحصيلي؟

عزيزتي هذا التخصص لا تتم دراسته الا بعد السنه التحضيريه .. بداية ً الكلية تقبل نسبة موزونه عن 86% ومافوق .. بعد دراستك للسنة التحضيرية وحصولك على معدل يتناسب ومايتطلبه التخصص اللي هو (علاج طبيعي PT ) .. لديك خمس رغبات وتختارين على حسب الافضليه بالنسبه لك انتي ..

انا الي فهمته من الي قريته بالمتدى انه فرع من فروع العلوم الطبيه؟

هو من ضمن التخصصات اللي موجوده بالكلية .. اتمنى تطلعين عالتخصصات الباقيه ..

وكم سنه دراسته 4او5 مع التطبيق؟

الدراسة في الكلية خمس سنوات .. اربع سنوات دراسة وسنه تطبيق بالمستشفى ( سنة الامتياز )

ادري زهقتقم والي يهق يجاوب ع سؤال واحد بس
ادعولي انقبل بالقسم

لا زهق ولا شي .. ياهلا فيك ..

نشوفك السنه الجايه باذن الله ..

بالتوفيق

خوخه22

2009- 5- 18, 10:51 PM

شكرا جزيلا beeb
بس جوابك عالسؤال الثالث مو واضح يعني اول شي لازم اجيب87 فمافوق عشان يقبلوني
بعدين ادرس سنه تحضيريه عامه ولازم اجيب معدل ياهلني لدحول القسم طب واذا جبت معدل نازل وش يسوون بي
يكروشوني بر الجامعه ولا شلون
طب كم المعدل الي يبونه عشان العلاج الطبيعي؟
ممكن اذا حبيتي تجاوبين ع سؤالي انتي تدرسين علاج طبيعي؟
وهو كم له سنه فاتح هنا
:000: زهقتك صح
بس اذا جاوبتيني بعطيك:m22asmilies-com:

BeeB

2009- 5- 18, 11:44 PM

عفوا اختي ..

86 % ومافوق مو 87 % .. هذي نسبة موزونه يتم حسابها من نسبتك في القدرات والتحصيلي ونسبة الثانويه العامه ..

مثـــلا ً : جبتي نسبة الثانويه 99% والقدرات 77 % والتحصيلي 84% .. بعد حسابها ( تصير نسبتك الموزونه 87% ) تؤهلك دخول الكلية ..

طب كم المعدل الي يبونه عشان العلاج الطبيعي؟

كل دفعه يغيرون المعدل المطلوب لكل تخصص على حسب المستوى العام للدفعه ..

بعدين ادرس سنه تحضيريه عامه ولازم اجيب معدل ياهلني لدحول القسم طب واذا جبت معدل نازل وش يسوون بي
يكروشوني بر الجامعه ولا شلون

لا ياعسل مايكرشونك .. يشوفون رغبتك الثانيه اذا تتوافق مع معدلك واذا ماتتوافق يشوفون الرغبه اللي بعدها .. طبعا اذا معدلك نازل جدا هذا يعني انه عليك مواد تحملينها كل سنه معك .. يعني تتأخرين سنه ..

ممكن اذا حبيتي تجاوبين ع سؤالي انتي تدرسين علاج طبيعي؟

ايه ممكن .. لا انا توني ماتخصصت .. سنه تحضيريه - second semester -

وهو كم له سنه فاتح هنا

ماعندي فكره كم له سنه .. اتوقع من اربع سنوات ..

زهقتك صح
بس اذا جاوبتيني بعطيك:m22asmilies-com:

هههههه مافي زهق اختي .. مشكوره

اي استفسار انا حاضره ..

بالتوفيــق

خوخه22

2009- 5- 19, 05:46 PM

:thank you alot ياعسل
بس وش القسم الي يطلب معل عالي باغلب الاحيان لايكون العلاج الطبيعي:bawling: اذاكان عندك علم
ممكن سوال ثاني خاص فيك كم كان معدلك الكلي مع القدرات والتحصيلي؟ وقبلوك بسهوله ولا مرمطوك؟
هم عندهم عدد معين للطالبات الي يدخلوهم ولا كيف؟
ترى اذا الله اراد ودخلت الجامعه بصير صديقتك,,,,عشان تهجين من الجامعه اذا بالمنتدى وزهقتك كيف بالجامعه:mh35:
ارجع واقول مرسي اوي ياحلوه

BeeB

2009- 5- 20, 06:13 PM

بس وش القسم الي يطلب معل عالي باغلب الاحيان لايكون العلاج الطبيعي اذاكان عندك علم

لا .. اتوقع رعاية تنفسية بعدين تقنية معلومات يطلبون عالي .. عالأغلب التخصص الجديد تقنية القلب معدله عالي او يتم قبول عدد قليل فيه .. تطمني علاج طبيعي مايطلب معدل عالي جدا مع انه اعلى من المختبرات ..لكن انتي شدي حيلك وسوي زيين وان شاالله يقبلونك ..

ممكن سوال ثاني خاص فيك كم كان معدلك الكلي مع القدرات والتحصيلي؟ وقبلوك بسهوله ولا مرمطوك؟

هههههههه مع ان النسبه مو ذاك الزوود .. شفتي المثال اللي حطيته لك فوق هذي النسب حقتي , جبت 87 % موزونه .. بالنسبة للقبول ,, الحمدلله مافي لا مرمطه ولا غيره .. اذا كل شي عالنت من وين المرمطه بتجي ؟؟ .. يمكن اجراءات الفحص الطبي وتسليمك الملف للجامعه بيتعبك شوي ..

هم عندهم عدد معين للطالبات الي يدخلوهم ولا كيف؟

طبعا فيه عدد محدد .. .. علاج طبيعي ياخذون 30 طالبه

ترى اذا الله اراد ودخلت الجامعه بصير صديقتك,,,,عشان تهجين من الجامعه اذا بالمنتدى وزهقتك كيف بالجامعه
ارجع واقول مرسي اوي ياحلوه

مين وين سمعتي انك مزهقتني ؟؟ .. ياهلا فيك

بالتوفيــق

خوخه22

2009- 5- 20, 08:16 PM

طيب 30 طالبه على اي اساس يختارونهم مثلا 80 طالبه معدالهم تقريبا نفس الشي وكلهم يبون علاج طبيعي مين ياخذون ومين يخلون ولا بحسب الاسبقيه يعني الي تروح اول هي الي ياخذونها؟
انتي وش ناويه تدخلين؟
كيف كانت اسئله القدرات والتحصيلي سهله ولا صعبه وكم كانت نسبتك بالثانوي ؟
واذا تعرفين معاهد تدربتي فيهاعالقدرات وزينه عطيني اسماءها الله يسعدك؟
استنى ردك:bye:

خوخه22

2009- 5- 20, 08:23 PM

وفيه حاجه نسيت اقولها كيف الدكاتره زينين يعني اقصد يعطونك حقك بدون ظلم مايسقطون:Cry111:؟

BeeB

2009- 5- 21, 04:12 PM

مثلا 80 طالبه معدالهم تقريبا نفس الشي وكلهم يبون علاج طبيعي مين ياخذون ومين يخلون

80 طالبه ؟؟ الدفعه كلها عددهم تقريبا 100 ,, اش هالثمانين اللي يبون علاج طبيعي ومعدلهم نفس الشي .. لايوجد طبعا

الاولوية للطالبات اللاتي معدلهم يتوافق مع المعدل المطلوب وتكون رغبتها الاولى هي علاج طبيعي .. وبس

ولا بحسب الاسبقيه يعني الي تروح اول هي الي ياخذونها؟

لاتوجد اسبقية لأحد .. هالسنه اخر موعد لتسليم التخصصات يكون في 10/6 بعد هذا الموعد لن يتم استلام اي تقرير ..

كيف كانت اسئله القدرات والتحصيلي سهله ولا صعبه وكم كانت نسبتك بالثانوي ؟

فيها السهل وفيها الصعب .. بالنسبة لي التحصيلي كان اسهل بكثير من القدرات .. التحصيلي يعتمد على قوة ذاكرتك والقدرات تعتمد على الذكاء وسرعة البديهة.. القسم الحلو في القدرات هي الاسئلة اللفظية ..

واذا تعرفين معاهد تدربتي فيهاعالقدرات وزينه عطيني اسماءها الله يسعدك؟

لا ماتدربت في دورات .. ولا أعتقد انه تتواجد معاهد للقياس .. اشتريت كتابين رام 1 ورام 2 مااقولك انهم ساعدوني لكن مجرد فكره عن طبيعة الاسئله .. معلماتكم في المدرسة اكيد يعطونكم جزء من الحصص لحل اسئلة القدرات والتحصيلي , زي ماسووا معنا العام .. فيه مجموعه اشتركوا في دورات لكن الاغلب مااستفاد منها كثير ..

وفيه حاجه نسيت اقولها كيف الدكاتره زينين يعني اقصد يعطونك حقك بدون ظلم مايسقطون؟

لا يوجد شيء من هالقبيل ولله الحمد .. من بديت الدراسة و جميع الاساتذه يعطون الطالب درجته التي يستحقها ولا يوجد تسقيط ولا ظلم ..

موفقهـ

خوخه22

2009- 5- 22, 12:47 AM

بس والله العدد قليل الي ياخوذونه 100 بس:Cry111: والله خايفه ماياخذوني
بس عذرا لاتفهميني غلط يعنيي هم ياخذون 100 بس وانتي نسبتك 86لاتفهمين غلط كيف اخذوك اكيد في ناس كثير جايبه نسب عاليه يعني معقوله هالقسم معليه اقبال شديد
ولا بعض الاهل مايرضون ع بناتهم بحكم العادات والتقاليد
طيب ماتقدرين تعطيني اشياء تساعدني بالقدرات والتحصيلي؟

BeeB

2009- 5- 22, 01:24 AM

خوخه22 .. انتي وش عليك اذا كانت الدفعه الف ولا 200 ولا 100 .. ؟؟

ولا بعض الاهل مايرضون ع بناتهم بحكم العادات والتقاليد

مدري مافهمت اش دخل هذا بالموضوع !!!
اذا الاهل يثقون في بنتهم .. لا العادات ولا التقاليد توقف على دراستها ..

طيب ماتقدرين تعطيني اشياء تساعدني بالقدرات والتحصيلي؟

اممم للأسف .. حاليا ماعندي شي يساعدك .. زي ماانتي شايفه كل اللي اقدر عليه اني اجاوبك عن استفساراتك بخصوص كلية العلوم الطبية التطبيقية ..

ياهلا فيك مره ثانية .. بالتوفيق

خوخه22

2009- 5- 24, 04:23 PM

:طيب العلاج الطبيعي له علاقه بالفيزياء ولا لا لاني احيان اسمع كلمه علاج فيزيائي هي نفسها علاج طبيغي؟؟؟
الله يخليك قولي ماله علاقه بالفيزياء:sdfgdsf: لاني اكرهه:s3:

BeeB

2009- 5- 24, 06:11 PM

ايـــه له علاقه ..

لأن اسمه بالانجليزي PT) Physiotherapy ).. بس الفيزيا العلاجية مو زي اللي تدرسونها نظري

اطلعي على هالرابط .. من موقع الجامعة ..

http://www.kfu.edu.sa/ar/Colleges/MedicalSciences/Departments/Pages/Physiotherapy.aspx

اتمنى تتوضح لك الفكرهـ ..

خوخه22

2009- 5- 24, 06:31 PM

الي فهمته ان فيه علاج بالموجات الموجات جزء من الفيزيا
بس في علاج مائي وفيه بالموجات وفيه باليزر يعني انا ادرسها كلها ولاجزء واحد بس

خوخه22

2009- 5- 24, 06:36 PM

اذا عندك صور لكتب المواد الي ياخذونها ممكن تعرضيها لي
وهوله علاقه بالرفلكسولوجيا لاني شريت له كتاب وحبيته مره فاتمنى يكون مثله:g2:

BeeB

2009- 5- 24, 06:54 PM

الي فهمته ان فيه علاج بالموجات الموجات جزء من الفيزيا
بس في علاج مائي وفيه بالموجات وفيه باليزر يعني انا ادرسها كلها ولاجزء واحد بس

جزء واحد ولا كلها ؟؟؟؟ .. مادرست هالتخصص .. عشان كذا ماعندي فكرهـ

اذا عندك صور لكتب المواد الي ياخذونها ممكن تعرضيها لي
وهوله علاقه بالرفلكسولوجيا لاني شريت له كتاب وحبيته مره فاتمنى يكون مثله

ماشاالله عليـكـ .. الله يوفقكـ .. بس للاسف ماعندي صور ..
لو فيه طالبة علاج طبيعي اتوقع تفيدكـ اكثر مني

سـلام

MoHaNNad

2009- 7- 4, 02:38 AM

العلاج الطبيعي في الجامعة .. مقسم على جزيئات ..
بعد السنة التحضيرية ..

بعد الترجمة بالعربي .. هع ..

أول سمستر ..
يركز على العلاج الكهربي .. يعني بليزر او أشعة فوق السمعية .. الخ ..
ثاني سمستر ..
يركز على القياسات والإستخدامات .. إختبار العضلات .. قياس مدى الحركة ..

-------

ثالث سمستر ..
اكثر سمستر ساعات .. يركز على العظام وإصاباتها .. والتدريب العملي في المستشـفيات .. والعلاج الطبيعي لامراض العضلات والعظام ..
رابع سمستر ..
يركز على امراض القلب والصدر ..ويستمر التدريب العملي وعلاج امراض العضلات والعظام .. الخ

-------

خامس سمستر ..
يركز على الأطفال والأعصاب .. والعلاج الطبيعي لهم وكذلك التدريب يكون عليهم ..
سادس السمستر ..
يركز على كبار السن والبحوث ..

-------

سنة إمتيار طبعا يكون تطبيق في ثلاث مستشفيات .. لمدة سنة ..

------

طبعا فيه مواد كثيرة من الطب .. ومرة قشـرة والنجاح باليالله ..
سنة ثانية .. تشريح .. وظائف الاعضاء .. الإنسجـة .. الوظائف العصبية وتشريحها .. الكيميا الحيوية ..

سنة ثالثة .. مواد تابعة للقسم مثل .. علم الحركة والميكانيكا الحيوية .. ومواد اخرى من الطب .. زي طب النفس والسلوكيات .. طب الباطنة ..الجراحة .. علم الأدوية .. علم الأمراض .. وكلها مالها منهج معين .. النجاح والتوفيق من الله ..

سنة رابعة .. علم النفس ..

------

اذا في اي استفسار يخص العلاج الطبيعي .. لا احد يتردد بالسؤال ..

اخوكم ليدر العلاج الطبيعي 207 .. سنة رابعة يارب ..:s12:

BeeB

2009- 7- 4, 02:55 AM

يعطيكـ العافيه MoHaNNad

مشكور عالتوضيح ..

اكيـد الكل بيستفيد ..

fimbim

2009- 7- 10, 02:22 AM

شكرا جزيلا محمد :)

خوخه22

2009- 7- 10, 07:59 PM

كم النسبه الي يبغها قسم العلوم الطبيه لهالسنه
وكم العدد الي ياخذه معقوله بس مئه؟ اذا بس مئه اكدو لي عشان اغسل ايدي واعرف انهم كلهم بالواسطه ومالي امل:Cry111: مع ن ماتصدقون قد ايش نفسي فيه
وكيف العلاج الطبيعي صعب ولا سهل وهل يعتمد بقدر كبير على الفيزياء؟او يعتمد على تمارين رياضيه وتدليك؟
الله يعافيكم اي واحد يدخل ويقرا الموضوع يدعي لي اني ادخل قسم علوم طبيه بليزززززززززززز
اوه فيه سؤال نسيته
صدق بيصير العلوم الطبيه وعلوم الحاسب والطب بكليه منفصله؟

BeeB

2009- 7- 11, 02:32 PM

دفعتنا عدد الطالبات فيها .. تقريبا 115 طالبه .. اعتقد انه عدد كافي جدا ً ..

وكيف العلاج الطبيعي صعب ولا سهل وهل يعتمد بقدر كبير على الفيزياء؟او يعتمد على تمارين رياضيه وتدليك؟

العلاج الطبيعي من التخصصات الممتازه والحلوه .. واعتقد انا ارسلت لك رد لأحد الاعضاء من طلاب سنه ثالثة علاج طبيعي يوضح فيه طبيعة دراسة هذا التخصص خلاص الاربع سنوات .. توقعت هالشي يفيدكـ

صدق بيصير العلوم الطبيه وعلوم الحاسب والطب بكليه منفصله؟

تقدرين تنزلين هالاستفسار بقسم الحوار الأكاديمي ..

اختي خوخه22 لاحظت استفساراتك بالمنتدى متشابهه .. بخصوص العلاج الطبيعي .. تبين اسوي دمج لمواضيعك ؟؟

انتي بعد ماتدرسين السنه التحضيرية رح تتغير جميع ميولك واختياراتك .. لاتستعجلين من الحين ..

موفقهـ

خوخه22

2009- 7- 17, 03:04 AM

طيب عندي سؤال هل قسم علوم طبيه يندرس بكليه اخرى بالشرقيه؟؟؟؟؟؟؟؟؟؟؟
انا سمعت انه موجود بجامعه الامير سلطان

خوخه22

2009- 7- 20, 03:13 AM

كيف اسجل بكليه العلوم الطبيه التطبيقيه؟؟؟من موقع جامعه الملك فيصل مع اني افتح قسم التسجيل الحين ولا ينفتح؟؟ اذا احد يعرف يقولي ليه؟
وكيف هم بيحطون لي اقسام الكليه وانا اختار منها ولا كيف؟؟
:sdfgdsf: :sdfgdsf: :sdfgdsf: :sdfgdsf:
واذا احد يعرف موقع كليه التربيه الي بالجبيل الي فيها قسم تربيه خاصه يعطيني اياها لاني لما ابحث بالنت بس القى موقع الكليه الي فيها حاسب وتصميم وانقلش

BeeB

2009- 7- 20, 07:35 AM

خوخه22 التسجيل ما بدأ للحين بالجامعه..

ولما تسجلين بتلقين الاقسام كلها موجوده وانتي تختارين الرغبات اللي تبينهم ..

بالتوفيـق

خوخه22

2009- 7- 21, 10:51 AM

:Cry111:انا جبت 81 وزعلانه مررررررررررررررررررررره:Cry11
ماتعرفين ولاعندك خلفيه عن المعدل الي يقبله القسم لهاسنه وفيه احتمال يقبلوني ولا لا؟؟؟:Cry111:
طيب فيه بنتات العام جايبن مثل نسبتي ودخلو ؟؟؟؟
الله يعافيك طمنيني
:Cry111::Cry111::Cry111::Cry111:
حساااااااااااااااااااااااااااااااافه

سمى

2009- 7- 21, 12:48 PM

اي والله صدقتي

حتى انا ابي ابكي معااااااااااااااااااااااااااااااااااك

ماادري وش راح بيصير فيني اذا ماطلعلي القسم الي ابيه

:Cry111:

BeeB

2009- 7- 21, 01:02 PM

:000: اش فييكم يابنات ؟؟ .. اصبروا

خوخه22 اش تقصدين بـ 81 % .. هذي نسبتك الموزونه ؟ ولا نسبة القدرات ؟ ولا نسبة التحصيلي ؟

ما اتوقع يغيرون النسب هالسنه .. مدري ليه بس هذا توقعي .. يعني رح يقبلون نسب موزونه من 86 % وفوق .. نفس العام ..

اختي سمى ..

لاتفقدين الأمل ,, فيه كثير تخصصات حلوه اكيد نسبتك يقبلونها ..

اهم شي لاتحكرون انفسكم بتخصص واحد .. حطوا قدامكم اكثر من خيار ..

الله يوفقكم كلكم وان شاالله تدخلون اللي تبونه ..

خوخه22

2009- 7- 21, 01:52 PM

لا نسبه القدرات والتحصيلي مع الثانويه العامه كلها حسبتها مع بعض
نسبه التحصيلي 76 والقدرات 73
والثانوي 96 وطلعت كلها 81
يعني هم مايقبلون اقل من 86

أميره بشموخي

2009- 7- 21, 01:58 PM

اصبري يالغااليه هم الى الحين ماحددوا النسبه المطلوبه..

وقت التقديم راح يباان كل شيء..

ادعي ربي يوفقك..

وحطي قداامك اكثر من خيااار..

لا تحطين املك في العلوم الطبيه وبس..

الله يوفقكم كلللكم ..

أميره بشموخي

2009- 7- 21, 01:59 PM

آسفه ردديت عنك بيب..

بس حاسه في البنت وماابيها تتوتر اكثر من كذا..

سمى

2009- 7- 21, 02:00 PM

يعني هم حاطين 86% النسبه المحدده للكليه العلوم الطبيه التطبيقيه

طيب احد يفهمني سالفة الدفعه الاولى والثانيه

انا سمعت ان الي بالسبعينات لهم املبكلية التمريض والعلوم الطبيع التطبيقيه

BeeB

2009- 7- 21, 02:39 PM

آسفه ردديت عنك بيب..

بس حاسه في البنت وماابيها تتوتر اكثر من كذا..

فديت عمممرك ..

انتي تنورين الملتقى بكبره ... يشرفني تواجدك

ريآنه~

2009- 8- 19, 02:51 PM

كليه الامير سلطان .. ( تمريض وعلاجات سنيه ومختبرات )

سنه تحضيريه واذا جبتي معدل تختارين التخصص ( بكالوريوس )

واذا ماجبتي معدل كويس يحطونك بتخصص ( دبلوم )

واذا تخرجتي تشتغلين 4 سنوات باحد المستشفيات العسكريه

وبالنسبه لفيصل مافي واسطات ولا شي ^^ كله بقدر الله ثم بنسب البنات ماشاء الله

وانتي ماتدرين وين الخيره فيه

الله يوفقك