التسجل بعد اخلاء الطرف

[adnanalali]

السلام عليكم
ابغي حد يطمني
انا العام اخليت طرف من جامعة الدمام مر علي فصلين دراسيين
هل اقدر ارجع اقدم كطالب مستجد من جديد السنه الجايه
يعني هل يلغي السجل حقي بعد ما يمضي عليه اربع فصول دراسيه
تكفون ردو علي

[adnanalali]

28 مشاهدة ولا احد رد

[مشاعِل]

ماحد رد عليك اخوي لان ماحد عنده رد ,,

حسب ماسمعت (يعني موأكيد) انك ماتقدر ترجع الجامعه مره ثانيه اذا انسحبت منها

لكن تقدر ترجع اذا مسوي تأجيل ,,

انا انصحك تتاكد من الجامعه نفسها ,,

[adnanalali]

شكرا مشاعل
والي عنده خبر لا يبخل علينه
ومشكورين مسقا

[Ś н т ά т]

آلمعروف مثل مآقآلت آلاخت مششآعل..
بس آعرف وحده آنسحبت آلعآم وقدمت هآلسنه وقبلوهـآ
بس يمكن تغير آلافضل تتأكد
:rose::rose:

[s o 7 a]

اللي أعرفه إنك تقدر تقدم على الجامعه ..
بعد فصلين دراسيين من إنسحابك يعني إن شاء الله بـ يقبلونك:biggrin::004:

[adnanalali]

شكرا s o 7 a (http://www.ckfu.org/vb/u112109.html)
الله يبشرك بالخير

[حبر جاف]

انا العام سجلت وانقبلت واخليت طرف
والسنه هذي سجلت وانقبلت وكل شئ تمام:)

[حبر جاف]

s o 7 a (http://www.ckfu.org/vb/u112109.html)
اي شئ تقوله ما شاء الله يكون صحيح
اشك انك من الموظفات في التسجيل وتمثلين انك طالبه:)
خخخخخخخخ

[adnanalali]

مشكورين
والله يجزاكم خير على البشاره

[لمسة حنية]

ما تقدرين الا اذا عندك واسطة أو حظك حلو لأنو انا كنت بجامعة الدمام و سحبت ملفي ولما جيت اسجل هالعام ما قبلني النظام حتى اني راجعت الجامعة نفسها و كان الرد انو أخذت فرصتي في الدراسة في جامعة الدمام
موفقة لكل خير

[adnanalali]

كم الفتره الي قضيتيها بعد اخلاء الطرف

[jory flawrs]

بقولك شغله الواضح انه الي انسحبوا العام وسجلو السنه انقبلو
والي انسحبو قبل العام ماانقبلو
لأن اعرف وحده العام انسحبت الترم الثاني والسنه قدمت وكل شي تمام انقبلت
ووحده ثانيه انسحبت من سنتين وشوي وما انقبلت قالو لها اخذتي فرصتك
مدري يعني انتي وحضك السنه الجايه
طيب السنه ليش ماسجلتي كان يمكن تنقبلي

[Angel.KoD]

شكرا

[adnanalali]

اختي jory flawrs (http://www.ckfu.org/vb/u34402.html) عند ادخال السجل المدني حقي يرفض
والحين مع البحث الطويل دخلت على قوانين الجامعة
وهذا ما وجدته

8) طي القيد :

إنهاء علاقة الطالب بالجامعة سواء كان عن طريق الفصل أو الانسحاب أو الانقطاع .
اعادة القيد

المادة السابع عشر :

يمكن للطالب المطوي قيده التقديم بطلب إعادة قيده برقمه وسجله قبل الانقطاع وفق الضوابط التالية :

أ) أن يتقدم بطلب إعادة القيد خلال أربعة فصول دراسية من تاريخ طي القيد.

ب) أن يوفق مجلس الكلية المعنية والجهات ذات العلاقة على إعادة قيد الطالب .

ج) إذا مضى على طي قيد الطالب اربعة فصول دراسية فأكثر , فبإمكانه التقديم للجامعة طالبا مستجدا دون الرجوع إلى سجله الدراسي السابق على أن تنطبق عليه كافة شروط القبول المعلنة في حينه ولمجلس الجامعة الاستثناء من ذالك وفقا لضوابط يصدرها المجلس .

د) لا يجوز إعادة قيد الطالب أكثر من مرة واحدة , ولمجلس الجامعة - في حالة الضرورة- الاستثناء من ذالك.

ه) لا يجوز إعادة قيد الطالب المطوي قيده إذا كان مفصولا أكادميا .