الأداره والفشل في تسجيل المواد كل سمستر

[سارة الراجحي]

كل بدايه سمستر نواجه نفس المشكله تسجيل المواد


فقط في كليه الاداب ممكن سجلاتك تضيع وفي وقت حرج


حوسه التسجيل اللي ماتخلص الا بقله الحياء والصراخ لانهم ما يتعاملون مع المحترمه باحترام الى متى والكليه من سئ لأسوء

الاداره كلمه وحده متفقين عليها ( ماندري) (ما عندي خبر) (روحي لأستاذه سعاد ) ( أو (ميسون )


او الكلمه الشهيره مو عندنا أو تحت واللي تحت فوق :(107):


مشاكل الخريجات مشاكل المقبولات مشاكل المعتذرات مشاكل من طي قيدها مشاكل المؤجله مشاكل الزائرات

كله مع مشاكل التسجيل من ممكن يكون سببه


معقوله الأمه هذي كلها مهمله ومستهتره ولا تفهم شي :(107): لو كان خمسين بنت كان ممكن بس أمم جايه كلهم عندهم مشاكل




وأعذار واهيه جدا مو مشكلتنا إذا فتحتوا التسجيل 9 رمضان من بيداوم لكم بنص الإجازه ومن هي اللي بتلقئ سواق يوديها تحل مشاكلكم اللي ماتخلص غير كذا الكل له ظروفه

وحده من البنات كانت متوفيه امها واخواتها بالمستشفى من لها خلق تسجل بكذا وضع

غير كذا الكثير من البنات يجون الكليه بالباصات الحكوميه او الخاصه كيف تقدر توفرها بنص رمضان والناس صايمه :53:

تفكيرهم سئ وخططهم مخيسه بعد قبل شهر من الإجازه وش الفايده طيب


إذا كثير من البنات ما يعرفون مشاكل اللي ممكن تواجهم في التسجيل ياليت يكون في اسبوع توجيه وارشاد لكل المستويات


مو معقوله اغلب البنات عندهم مشاكل " يعني نظامهم هذا معصوم ما يخطي


نظام فاشل وخلصنا منه نجي لتسجيل اليدوي أنواع النفسيات أنواع الأخلاق

ماحد يبي يسجلك كأن هم اللي بيمتحنون بدالي ولا بيواجهون صعوبات مع لاأساتذه اللي مهنتهم يرسبون ألف مره


يذلون أهلك على ماتنزلين ماده بطلوع الروح وكل يو م نفس الكلام انتهى التسجيل :mad: وعلى نهايه الدوام يفتح


شي عجيب من الإداره طول السمستر ماعندهم الأ (حلى وفوول) <<<<<<مدري كيف تجتمع


ولو تطلبينها شي قالت مااعرف " هذا غير المكاتب اللي ماتفتح لأسباب مجهوله كله كوم ولما تتهرب كوم ثاني

واسم المكتب شي والموظفه شي ثاني

مثلا المكاتب تحت كلها مكتوب عليها أنتساب لكنها للإنتظام المكاتب فوق للإنتساب لكن مكتوب الإنتظام

المساكين التحظيري وما شابهه من المقبولات يروحون فوق وهالمكاتب ماهي لهم ضايعين بمعنى اصح


والمسؤلات مايدرون عن شي


للي قاهرني دفعه 2008 نظامهم قديم والمواد ماتنزل وفي المعادله تعادل مع ماده نفس المقرر ولازم تتخرج او تطلب استثنائي




ولازم تضيف مواد لان الكلاس ماعاد فيه هالنظام

ليش تذلونها :mad: من يبي يقعد في كليتكم المخيسه انتم .


المكاتب هذي المفترض تكون في خدمه الشعب هذا واجبكم اذا ما تستقبلون الطالبات من بيستقبلهم من بيحل المشاكل كلها واسلوب الطرد أسلوب رخيص وقله ذوق

ياليت يتعلمون مهارات تواصل والأخلاق قبل كل شي ترى نعمه. إبتسمي



وهذا كله والشهاده غير تربويه

[" رَوْنَق "]

الشكوى لغير الله مذله !
هالكليه تعلم الصبر :biggrin:
بنتخرج خريجات صبر :sm5:

المساكين التحظيري وما شابهه من المقبولات يروحون فوق وهالمكاتب ماهي لهم ضايعين بمعنى اصح

وأنا أشهد :sm1::rose:
والله أنه نكسر الخاطر أحس :icon9:
أول يوم تدرين وأنا طالعه للبيت ضيعت بوابه الطلوع :biggrin:
مع أنو كنت طوال اليوم مع خوياتي فرفره معهم :biggrin::rose:
ودعتهم وهم بَ المكتبه يطبعون جدول وحده من صديقاتي
وقالو لي خلاص تدلين الطريق :10111: .. وأنا بكل وثوق إي وشدعوه :biggrin:
أخر شيء بلعتها وفريت الكليه كلها .. جزاها الله خير إلي دلتني :060::rose:

-

والله مأساه بس وشنسوي !
ومفروض أصلن القاعات ما تصير بمكان وآحد :sm5:
لآن بيصير زحمه :icon120: .. أنا للحين ما أخذت أماكن قاعاتي
السبت رايحه إن شاء الله .. مع أنو عندي أوف :biggrin:
بس ضروري أروح عشان ما أضيع يوم الاحد :sm5::rose:

وموفقين يَ رب

[Khadija Salman]

ننفخ بعقول فارغه :mad:

ترى بس كلام ومشاكل وياليت لو يشوفوا حلول

الله يعين بس

:017:


وهذا كله والشهاده غير تربويه <<<الصراحه هالجمله كوم ومشاكلهم بكوم ثاني

[Shasha]

,

الصج في رمضان كان الوضع ماشي تمام إلا التسجيل اليدوي
سجلنا و قالت لنا بعد يومين بتنزل المواد لكم
و مانزلت
رحنا مره ثانية قالت سلمناها للرجال خلاص
و للحين ماشفت شي :mad:

و مطوله بالي هالأسبوع :(269):
ولو رحت السبت و قالت لي خلص التسجيل , مابسكت لها
شغلتنا بس رايحين جايين رايحين جايين عشان نذكرهم إن موادنا ماتسجلت

المشكله في إن الموضفات للحين مو متعلمين على‘ نظام البيبول سوفت
المفروض إذا طلبت زيادة في عدد الساعات
تزيدها و تسجل لي المواد و أنا واقفه عندها و بيمديها تلحق على‘ كل البنات
خبري إن عندهم صلاحية الدخول على‘ سجلات البنات
و أتذكر إن وحده منهم سوتها مره

وحتى بالصيفي فتحت السجل قدامي و حلت المشكله و دخلت لي الماده , كله بدقيقه بس

أما شغل عبي ورقة و سجلي أرقام السي آر ان و اطبعي جدولك وووو
ماتوا اللي يسوونها
وين عصر السرعه ؟؟

نبي نبدأ الدراسة و حنا مرتااااااحين , :icon9:

[الحلا ريما]

من جد يقهررررررررررررون
انا كل مااجيهم يقولون لي ليه تتاخرين خخخخخخخخخخخخخخ والمشكله اني جايتهم كذب عيني عينك مالت حتى مالت
تخيلوا مسوين لي معادله وخويتي معادله غير ومواد دارسه فيها وناجحه فيها ماعادلوها لي
ومواد درسوني فيها ومفروض معادلينها لي وبعد مادرست نص الترم فيها قالوا هذي تتعادل لك وفيه ماده درستها عندهم ونجحت فيها وللحين مااضافوها في النظام وتقولي وش اللي يثبت قلت لها ايش حلوه وش اللي يثبت كل شي عندكم والحين طلبت اعادة النظر في المعادله قالوا بعد اسبوعين بتطلع حسسسسبي الله ونعم الوكيل
تخيلوا اللي مستلمه المعادلات تقول لا انا مالي دخل ماسويت لك شي ورحت لميسون قالت هذي فيها اطلع سجلك وارجع من جديد اسوي معادلتك قلت اوكي منكم الغلط موب مني ورفعوا يدينهم من موضوعي ورحت لوحده ثانيه قالت كتبي خطاب لي متى وانا اكتب خطابات مليييييييييييييييييييييييييييييييييييت ولا فيه فايده حسبي الله ونعم الوكيل مررررررا مقهوره يسسسون معادلات اي كلام ويقولون تتاخرون واحنا وش درانا ان ماعندكم ذمه ولا ضمير :Cry111:

[amon]

والله كل وحده ماتدري شي عن التسجيل .. اجل مين اللي بيدري ..؟!

مين يسجلنا يعني .. وبعدين معروف اول اسبوع دوام حل مشاكل التسجيل ..

مو يقولون لنا ليش ماجيتوا برمضان !!

سلامات هذه مشكلتهم اذا نظامهم خاييس مو ذنبنا نجيهم بوقت اجازتنا ويعاتبونا بعد :(177):

[سارة الراجحي]

خلاص أعتقونا نبي نتخرج
نبي نرقع هالشهاده عساها تترقع




بنات ياليت كل وحده حلت مشكله من مشاكلهم تكتبها مشكوره مأجوره كثير بنات مايدرون وين يروحون ولا ايش ممكن تسوي الكل ضايع

[نور زمرد]

اي والله صحيح اختي
كلام سليم
صح لسانك صدقتي
هذا الكلية الزفتة وبلاويها اللي ما تخلص
اللهم صبرك ياااروح على مابلاك
:sm1:

[بيسو برهوم]

حسبي الله ونعم الوكيل :Cry111: